Innholdsfortegnelse for 11 August 2022 i TV Plus Afrikaans

Ek het onlangs ’n SMS van ’n leser gekry wat my so hard laat lag het, my man het gedink ek raak mal om 04:30 in die oggend. “Lucia, wie is jy, waar kom jy vandaan en waarom dink jy jy weet baie van TV?” het die anonieme skrywer gevra. Ek het gedink lesers wil net weet van bekende joernaliste – jy weet, dié op die nuus op die spoor van die groot stories. Daardie dae van my is verby, maar glo my ek het hulle gehad. Ek kom van Rustenburg toe dit nog ’n klein dorpie was, het by Tuks gestudeer en het reeds in my tweede jaar by Beeld begin werk. Ek het ’n tyd by baie verskillende titels van Media24 gewerk en het nooit gedink ek gaan…

Realiteit Dis waaragtig al Kom Ons Braai: Familie En Vriende se 17de seisoen waarin drie spanne – bestaande uit familie en vriende – hul braaivernuf teen mekaar meet. Indien die verteller se stem nog heeltyd vir jou bekend klink, is jy reg: Melt Sieberhagen (Nathan in die komediereeks Troukoors) lewer deur die reeks kommentaar en verduidelik wat aangaan. “Teen die tyd wat die 17de seisoen begin, het Kom Ons Braai: Familie En Vriende ’n stewige 208 episodes agter die rug. Teen drie braai’s per episode kom dit neer op 624 kere wat bymekaargekom, vuur aangesteek en gebraai is. Alles goedige mededinging tussen die 1 248 deelnemers wat al braaitange gekruis het. En steeds is daar mense wat nie kan wag om deel te neem nie,” sê Melt. “Ek’s gelukkig om…

Deon is tans ook te sien as ’n polisieman, Schoeman, in die fliek Silverton Siege. Schoeman is die hoofakteur Arnold Vosloo (hy speel kaptein Langerman), se regterhand. Die fliek is tans op Netflix en is in Pretoria verfilm. Dis die aangrypende ware verhaal (met ’n paar kreatiewe aanpassings) van drie vryheidsvegters wat kliënte in 1980 in ’n Volkskasbank in Silverton, Pretoria, gyselaar gehou het. “Ek was 18 toe dit gebeur het en onthou dit,” vertel Deon (60). “Die fliek is uitstekend gemaak. Alles met die produksie was spot on. Alles het net gewérk.” In die fliek lyk Deon baie anders as die glibberige Piet wat hy in Binnelanders (lees meer op ble. 22 tot 24 en 43) as At Koster (Hans Strydom) se handlanger speel. “Ek kan enige rol speel,”…

Arendsvlei @KYKNETKIE @KYKNETKIE @KYKNETKIE VERLEDE KEER Priester het Angel en Daniel saam gesien wat ernstige gevolge gehad het, Janice het Bianca gewaarsku sy moet vinnig optree as sy Thys wil hê, en Debra het Langes om verskoning gevra omdat sy onredelik opgetree het. IN DIÉ UITGAWE Angel begin aan Priester vereistes stel, Thys kondig aan hy het Lionel en Janice genooi om te kom domino’s speel en Bianca gaan saam met hulle kom, en Hein dring steeds daarop aan om die troue uit te stel. Bianca nooi Thys vir ete, dis Emile se beurt om te getuig, en Debra spreek haar ma voor die hof aan. Lennie neem kapt. Karelse in sy vertroue en dit help Karelse om sensitiewe inligting op te spoor, Priester haal sy woede uit op ’n…

Binnelanders @BINNELANDERS.TV @BINNELANDERS.TV @BINNELANDERS.TV VERLEDE KEER Conrad was agterdogtig oor Annelize se situasie, Uys en Gaby se verhouding was op die rotse, en Tracy het al hoe meer verwyderd van Conrad gevoel. Sharon se gedrag was nie vir almal by die Binneland-kliniek aanvaarbaar nie. IN DIÉ UITGAWE Naomi sien vir wie Joline loer, Senzo se lewe is in gevaar, en Annelize en Conrad is bekommerd oor nuus wat met die Bassons te doen het. Danny voel skuldig oor ’n ongeluk, Annelize dink Jeremy is onsensitief, en Conrad maak ’n groot bekentenis aan Steve. Die ongeluk het ’n baie groter impak op Danny as wat hy besef, Steve vra Tracy ’n guns, en Liam verras Conrad wanneer hy aandring op antwoorde. Vicky se opgewondenheid verbaas Steve, Naomi en Louis is uit…

Wat’s volgende @OPENVIEWHD @EEXTRATV @ETVONLINE VERLEDE KEER Iskender en Cagatay het die nuwe rigting waarin Die Kring sy besigheid gaan neem, bespreek, The Steward het Kaan en Cihangir vir werk gevra, en Cemal het meer inligting oor Die Kring gekry van iemand in die organisasie. EINDIG Binnekring eindig op Woensdag 24 Augustus en word vervang deur seisoen 2 van Die Put op Donderdag 25 Augustus. IN DIÉ UITGAWE Cagatay en The Steward het ’n plan bedink om die mol te vang om hom vir altyd uit te skakel, en Cihangir waag sy lewe om dié wat hy liefhet te beskerm. Cagatay bevraagteken sy plek in Die Kring se hiërargie, die nuwe hoof van Die Kring word aangekondig en gevra om sy eerste taak uit te voer, en Cihangir, Kaan en…

Wat’s volgende @OPENVIEWHD @EEXTRATV @ETVONLINE VERLEDE KEER Melek was bekommerd oor die kinders toe sy besef hulle steek geheime vir haar weg, Arzu het Ümit weer oorreed om haar vuilwerk te doen, en Feraye het aansoek gedoen om werk by die klerefabriek. IN DIÉ UITGAWE Arzu is nie beïndruk met haar nuwe rol nie, Elif word nie toegelaat om skool toe te gaan nie, en later vertel sy almal sy wil Yusuf besoek. Melek is woedend oor Elif se situasie, en Elif wil Yusuf help, Selim begin twyfel oor Ümit, en Asuman oorreed Arzu om ’n skuif te maak, maar dit kom met onverwagte gevolge. Elif besoek Yusuf in die tronk, almal is ontsteld omdat Zeynep geheime wegsteek, en die meisies by die werkswinkel soebat Melek om terug te kom.…

Wat’s volgende @ETVSA @ETV @ETVONLINE VERLEDE KEER Isaac het ’n duur prys betaal vir sy fout om te erken hy het Funani se dogter 20 jaar gelede as ’n kind ontvoer, en Faith het ’n familievergadering gereël wat die Zwides geskok het. IN DIÉ UITGAWE Molefe en Soka word gedwing om Isaac te red ná die situasie met Funani en die Zwides, en Zanele het haar ma, Faith, se lot in haar hande. Funani probeer nuwe maniere vind om na Ona uit te reik en ’n band te vorm wat meer is as net werkgewer en werknemer, en Molefe steek Isaac steeds weg van die res van die familie. Faith se plan boemerang en gevolglik verloor sy haar greep op die werklikheid. Zanele se kwellinge oor haar ma vererger, en…

Wat’s volgende @KYKNETKIE @KYKNETKIE @KYKNETKIE VERLEDE KEER Defne het uitgevind sy sal nooit ’n ma kan wees nie, Kahraman het sy ma, Kiymet, en Defne gekonfronteer omdat hulle geheime vir hom weggesteek het, en Sukran het aangedring dat Elif by Kerem se afskeidspartytjie aansluit. Nazli het ná haar operasie saam met Elif teruggekeer huis toe en het baie vrae begin vra, Elif het Kiymet gevra om vir Elif huistake te gee sodat Nazli nie die ware rede moes uitvind waarom sy daar was nie, en Maksut het Defne ontvoer. IN DIÉ UITGAWE Defne, wat steeds ontvoer is, vrees wat Maksut vir haar beplan, en weet nie of sy betyds gered gaan word nie. Kerem kom ál nader daaraan om die waarheid oor sy pa se identiteit te ontdek en praat…

Wat’s volgende @TELEMUNDOAFRICA @TLNDAFRICA @TELEMUNDOAFRICA VERLEDE KEER Leticia het George gemanipuleer om te dink hulle het seks gehad tydens hul reis, Clío het ’n geestelike ineenstorting beleef voor haar fliekpremière, en Carmen is ’n plateooreenkoms aangebied. IN DIÉ UITGAWE George betrap sy dogter Paz in die bed met Pedro, Clío ontdek iemand kuier by haar ma in die gestig, en Carmen bring veranderinge aan aan haar kontrak. Leticia versprei nóg gerugte oor haar eenaand-afspraak met George, Tania word by haar werk afgedank, en Clío soek na die persoon wat haar ma agter haar rug ontmoet. Juancho moet verantwoording doen vir sy misstappe, Leticia reël ’n partytjie met die voorneme om George se hart te wen, en Andy beken sy onbesonne dade. Carmen is verpletter nadat sy sien Leticia en George…

Wat’s volgende @ETVSA @ETV @ETVONLINE VERLEDE KEER Khaya het alles verloor toe sy bus ontplof het met Velaphi en Boy-Boy daarbinne, Boniswa en Nkanyiso het getrou, en The Black Door het die sexy nuwe personeellid, Sabelo, verwelkom. IN DIÉ UITGAWE Romeo is bly sake tel spoed op by The Black Door en hy begin gevoelens ontwikkel vir Sabelo, en Frans gee Mam Rebecca die skuld vir die busontploffing. Short Gun meng in by Romeo se liefdeslewe, Sabelo en Gog’M vra Boy-Boy se gees moet huis toe gebring word, en Nandi en Khaya vuur weer hul romanse aan. Romeo verklaar sy gevoelens aan Sabelo, Mam Rebs bult haar spiere en stel die Sokhulu-familie in die verleentheid, en Boniswa doen iets onverwags by haar seun, Boy-Boy, se begrafnis. Khaya probeer terugkeer om…

Woensdag KOM ONS BRAAI: CELEBS NUWE REEKS Seisoen 1 VIA (*147) 20:00 Episode 1 (realiteit) 10 Augustus In dié reeks braai twee families teen mekaar in ’n braaikompetisie en by elke braai is bekende persone ook by. Die braaitange word gekruis op Krugersdorp en Hartebeespoort. Gerhard Steyn en Jacques du Plessis kuier saam. • Lees meer op bl.14 en 15. PRIMAL SURVIVOR NUWE SEISOEN Seisoen 6 National Geographic (*181) 21:00 Episode 1 (dokkie) 17 Augustus Die avontuurverslaafde Hazen Audel is weer aan die gang. Hy toets sy unieke inheemse oorlewingsvaardighede in die ongenaakbaarste omgewings. En vir seisoen 6 begin hy in Suid-Amerika se gevaarlike Amasone-reënwoud. Donderdag S.W.A.T. NUWE SEISOEN Seisoen 2 Universal TV (*117) 20:00 & 20:50 Episode 1 & 2 (aksie) 11 Augustus ’n Aardbewing keer Hondo en sy…

DStv Het jy al gedink selfs ’n grotman kan ’n “tipiese” HGTV-program opmerk: Die blonde ontwerpersdame met ’n skril stem wat die huis versier; haar man – donker hare, met ’n groot hamer wat die huis regruk. Op al hul foto’s is dié opknappaartjie aangetrek asof hulle pas uit ’n kerk in ’n fiksheidsentrum kom. En wat ontwerp hulle? ’n Heeltemal wit oopplankombuis, groot onthaalruimte, wit rusbank, matte, kaggel en baksteenwerk. Dalk grys vir ’n aardigheid, en ’n titseltjie blou indien jy nie sonder kleur kan lewe nie. In Augustus kan jy presies 100 episodes van die gewilde Flip Or Flop-reeks kyk – oor vyf verskillende seisoene, met die bloudruk vir HGTV se ontwerper en konstruksie (die voormalige) man-envrou-span Tarek El Moussa en Christina Haack. Jy sal ook ’n identiese…

PlaasjapieSeisoen 1 Donderdae kykNET (*144) 20:00 Wanneer ’n tannie op jou tuisdorp, Boksburg, kykgroepies stig om jou dop te hou wanneer jy aan ’n realiteitsreeks deelneem en boonop sommer iemand wil gaan takel wat jou te na gekom het, wéét jy jou deelname aan die reeks is ’n sukses. Arthur Twigge (37), ’n entrepreneur wat onder meer advertensies vervaardig, kan skaars die ondersteuning glo wat hy kry van mense wat Plaasjapie kyk. In die reeks pak stadsjapies, soos Arthur, in twee spanne uitdagings aan om iemand uit te skakel terwyl hulle terselfdertyd ook die onderskeie plase waarop bly, skoon en netjies moet hou. Dit klink dalk maklik, maar dis allesbehalwe, voeg Suzette Immelman (33), ’n remediërende onderwyseres van Johannesburg, by. Sy en Arthur is saam in die rooi span, Soetmelksvlei,…

Droomverlore @ETVSA @ETV @ETVONLINE VERLEDE KEER ’n Video-fotosessie het in chaos ontaard toe Can net vir Sanem oë gehad het, Emre en Leyla het by hul werk bedank, en Leyla het gedreig om Melahat te vervloek. Yigit het ’n komplot gesmee teen die mense op die plaas, en Sanem se nuwe room het probleme met ’n kliënt veroorsaak. IN DIÉ UITGAWE Mevkibe nooi Can vir ete, maar iemand anders drink die ystee met verrassende gevolge, Sanem besluit op ’n nuwe taktiek om Can se geheue te verfris, en Mihriban besluit om Huma se tirannie stop te sit. ’n Belangrike voorlegging word deur ’n uitgebreide leuen gered wanneer die kliënt sy projek wil onttrek omdat Can en Sanem die vergadering misgeloop het weens druk verkeer, en die kliënt se nuwe vervaardiger…

Wat’s volgende @OPENVIEWHD @EEXTRATV @ETVONLINE VERLEDE KEER Vuslat het ’n skokkende aankondiging gemaak, die hospitaal se personeel het gesukkel om die lewe sonder dr. Adil te verwerk, en Ezo het ’n maskerbal beplan om die hospitaal se beeld ’n hupstoot te gee. Dr. Nazli en dr. Ali het aan ’n moeilike saak gewerk. IN DIÉ UITGAWE Ezo het haar mes in vir Vuslat, dr. Ali beken Vuslat het agter hul vervreemding gesit, en dr. Ferman en die assistente het ’n stryd om lewens te red op die toneel van ’n botsing tussen talle voertuie. Daar is chaos op die ongelukstoneel, dr. Ali beland weer in die moeilikheid, en Ferman probeer twee pasiënte help, maar beseer homself. Ferman verloor vinnig sy bewussyn terwyl Ali na hom soek, ’n pasiënt wat 10…

Wat’s volgende @OPENVIEWHD @EEXTRATV @ETVONLINE VERLEDE KEER Omer en Ozan het ’n nuwe leidraad in die saak teen Celebi blootgelê, Bulent het Atlas ontvoer, en Iskender het Celebi voor die maatskappy se invloedrykste mense in die verleentheid gestel. IN DIÉ UITGAWE Celebi se komplot om Ozan uit die prentjie te kry, ontspoor en die aand neem ’n slegte wending wanneer Cemre die moed bymekaarskraap om hom teen te staan. Die werklikheid van Iskender se optrede begin insink wanneer Celebi gearresteer word, Cemre se viering word kortgeknip, en hoewel haar aaklige man in boeie is, beteken dit nie haar probleme is verby nie. Tomris se vriende hou ’n ete ter viering van haar vrylating ná Celebi se arrestasie, maar daar is baie drama om die tafel. Die waarheid oor Bulent kom…

Wat’s volgende @ETVIMBEWUTHESEED @ETVIMBEWU @IMBEWUTHESEED VERLEDE KEER Shria is van haar ma, Nirupa, weggehou en Mira het haar bose planne om Nirupa te teiken, onthul. Clive het ingestem om Lindo en Lindiwe afpersgeld te betaal nadat hulle opnames van hom in ’n verdoemende situasie gemaak het, en Nomusa het Sizakele gesmeek om menslike hulpbronne nie van haar vals kwalifikasies te vertel nie, maar Nomusa het Sizakele in elk geval verklap. IN DIÉ UITGAWE Thu Sheleni glo Nomusa gaan nie luister na Mpangele se raad om voort te gaan met die ritueel nie, maar hy is geskok wanneer Nomusa sê sy gaan aan die seremonie deelneem – en hy moet dit saam met haar doen. Dis tyd vir Shria om haar probleme trompop te pak, en Nomusa en Thu Sheleni word…

Wat’s volgende @OpenviewHD @EExtraTV @ETVOnline VERLEDE KEER Irfan is by die lughawe gearresteer met Deniz omdat hy met ’n vervalste paspoort reis, Eda het die waarheid oor Suleyman uitgevind nadat hy sy minnares (en haar man se vorige liefde), Ilay, gekonfronteer het. IN DIÉ UITGAWE Irfan val Egemen aan omdat hy Sulyeman vertel Irfan het probeer om die land te verlaat, die polisie probeer Ilay bykom deur ’n opsporingsapp op Suleyman se foon te installeer, nadat sy haar beskuldiging dat Suleyman moord gepleeg het, terugtrek, en Suleyman steek ’n voorraad vuurwapens by die Babil-kantore weg. Hakan vat al die geld uit sy oupa se kluis en probeer dit belê in Irfan se piramideskema, wanneer Irfan en Egemen genadeloos nóg beleggers lok. Toe Kudret besef Hakan is ernstig oor Ayse, besluit…

Wat’s volgende @MUVHANGOSA @MUVHANGOSA @MUVHANGOSA VERLEDE KEER Vhutshilo het Zama vertel sy moenie sexy aantrek vir haar sakevergadering nie, want dit kan die verkeerde indruk wek, Mpho het uitgevind Tenda het haar gesprek met James afgeluister, en Mpho en Oxford het hulself in ’n moeilike posisie bevind. IN DIÉ UITGAWE Hangwani dreig om van Gizara te skei wanneer sy sy leuens ontdek, en ’n ontstelde Azwindini probeer sy verhouding met sy angstige tienerseun, Vhutshilo, herstel nadat hulle weer stry. Vhutshilo is woedend oor die halfhartige verskoning van Azwindini, vir die manier waarop hy die seun behandel het, en Azwindini gaan uit sy pad om te verseker Vhutshilo verstaan hom. Azwindini hoor Rosemary het haar borgtog verbeur en word tans gesoek, en Vho-Masindi is baie ongelukkig wanneer sy sien Shaz maak…

RUN THE WORLD NUWE REEKS Seisoen 1 1Magic (*103) 22:00 Episode 1 (komedie) Maandag 15 Augustus Ons kry ’n vars atmosfeer vanaf dié splinternuwe program vol wonderlike vroue, drama, skandale en vermaaklike komedie. Run The World fokus op die lewe van ’n groep vriendinne in Harlem, New York-stad, en hoe hulle elke dag probeer oorleef. Die reeksbestuurder, Yvette Lee Bowser (skepper van komedieprogramme soos Black-ish en Dear White People), sê: “Dit gaan oor fantastiese swart vroue en hul benydenswaardige vriendskappe; en wat dit outentiek maak, dis gegrond op die ware lewe.” Die avonture en teëspoed wat die hoofspelerbankier Whitney Green (Amber Stevens West, Joy Rossi in die aksiereeks Criminal Minds) en haar vriendinne beleef, gaan kykers laat skater, en daar is ook tonele wat jou na snesies sal laat gryp…

Spoorloos: Die EilandSeisoen 4 kykNET (*144) Dinsdae 20:00 Van die openingstonele van Spoorloos: Die Eiland af, was dit een vraag ná die ander. Wat het gebeur wat die jong Emma (Izel Bezuidenhout) en haar pa, Freek (Deon Coetzee), so ontstel het dat hy onversetlik was niemand mag ooit weet wat gebeur het nie? Hoekom het Emma amper sewe jaar ná die raaiselagtige gebeure besluit om haar man, Lukas (Armand Aucamp), te los en in die niet te verdwyn? En wie laat dit lyk asof haar ou kennis Stefan (Bobby van Jaarsveld) – wat jare terug smoorverlief was op Emma – vir haar verdwyning verantwoordelik is? Uit die lokprent weet ons daar moet nog baie drama ontvou: Êrens is ’n eiland, omring deur haaie, waar antwoorde lê en waar Emma moontlik…

Arendsvlei Dis wonderlik om die duifies Anton (Dean Richard Olivier) en Nicolene (Gretchen Ramsden) weer bymekaar te sien ná die diep waters waardeur hulle is. Die toekoms wink en hulle wil sommer vinnig-vinnig trou, maar wanneer Nicolene se pa, Lukas (Mario Haupt, ’n TV-nuweling) onverwags in Arendsvlei opdaag, bring hy ’n klomp probleme saam. Lukas is nie ten gunste van Anton en Nicolene wat so vinnig voor die kansel wil staan nie en dit veroorsaak krapperigheid. En boonop laat dit sommer ook Anton se pa, Hein (Merlin Balie), wonder of hulle nie die troukar voor die perde span nie. WAG EERS Nicolene en Anton het vinnig versoen geraak nadat sy haar verlowing (vroeër in Julie) met Justin (Marlon Swarts) verbreek het. “Justin was die rede waarom Anton en Nicolene destyds…

Getroud Met Rugby @GETROUDMETRUGBYKYKNET @GMR_KYKNET VERLEDE KEER Fafa het skokkende nuus gekry, Jana het uit haar en Schalk se huis getrek, en Maggie en Yvonne het koppe gestamp. Schalk en Jana het verloof geraak nadat hulle hul probleme verwerk het, en Wouter het Fafa se vermoëns as afrigter bevraagteken. IN DIÉ UITGAWE ’n Onverwagte gas daag by die stadion op, Philip beland in Amanda se goeie boekies, en Tim is vies omdat Jana by sy sake inmeng. Petro word steeds vermis, Lulu nooi Wouter vir aandete, en Philip en Amanda is bang Tim skryf ’n artikel oor hulle. Amanda is jaloers wanneer Philip by ’n pompon aanlê, Fafa as hoofafrigter sit sy voet dwars, en Buks en Nesie kry nuus oor Petro. Buks en Nesie wag vir Petro se terugkoms,…

Suidooster @SUIDOOSTER @SUIDOOSTER VERLEDE KEER Kaashifa is met borskanker gediagnoseer en het dit vir Rhafiek en die Samsodiens weggesteek, Elana en Ryno het koppe gestamp oor wat die beste is vir Maggie en haar toekoms, en Siya het Elana oor haar inmengery gekonfronteer. IN DIÉ UITGAWE Die Du Plooy-huis sukkel om iemand se geheim te bewaar, Elana kry ’n onverwagte besoeker, en Wade en Angie vat kanse. Bridgette wil Siya opkommandeer, Justin en Wade probeer vrede maak, en die Samsodiens maak reg om Kaashifa tegemoet te kom. Wade en Justin het ’n hewige uitval oor hul maatskappy en veral oor Angie, Kaashifa probeer Rhafiek op ’n afstand hou, en Elana sukkel om aan te pas ná sy Maggie-hulle groet. Mrs J. gaan saam met die skoolkoor na Hermanus, Kaashifa is…

7de Laan @7DELAANAMPTELIK @REAL7DELAAN @REAL7DELAAN VERLEDE KEER Tanya wou nie inmeng met haar skoonma, Augusta, se nuwe eetroetine nie, Romeo en Uys se bespreking het ’n interessante wending geneem, en Tjattas het goeie nuus vir sy vriende gehad. IN DIÉ UITGAWE Vanessa is aangenaam verras wanneer haar maaskappy, Bruynwaves, genooi word om ’n groot geleentheid voor te stel vir ’n regeringstender, maar sy’s terselfdertyd senuweeagtig, en die Basson- en Welman-familie ontdek dinge bly byna nooit ’n geheim nie. Tanya gryp ’n geleentheid met albei hande aan wanneer ’n seremoniemeester vir ’n geleentheid siek word, en die kinders Karmen en Vee is geïnspireer deur Shady se selfvertroue en die manier waarop sy oor haarself en haar lewe praat. Mariaan is in die knyp, en die wenner van die skoonheidskompetisie word aangekondig.…

BOLD Brooke en Ridge sluit aan by adjunkhoof Baker wanneer hy Mike ondervra oor Sheila se ontsnapping, en Finn staan op uit die bed, maar sak inmekaar terwyl hy Sheila probeer ondervra oor wat met Steffy gebeur het. Finn raak van sy verstand af wanneer Sheila erken sy het sy aangenome ma, Li, in ’n motorongeluk vermoor, maar Finn en Sheila weet nie Bill vind Li deur die wind en verslons in ’n stegie by die kaai nie. Deacon luister wanneer Taylor haar uitwoed oor Brooke en Ridge, en Ridge en Taylor vlieg na Monaco nadat ’n dokter Taylor vertel Steffy het haar laat opneem in ’n kliniek vir die behandeling van depressie. DAYS Will vlieg na LA om ’n nuwe TV-program te skiet, EJ pers Chad en Kate af,…

Wat’s volgende @DURBANGEN_ETV @DURBANGEN_ETV @DURBANGEN_ETV VERLEDE KEER Dhlomo is deur sy demone gekonfronteer, Agatha se skuld het die huurders geraak, en Thabo was in die middel vasgevang toe vriende vyande word. IN DIÉ UITGAWE Calvin waag ’n kans en hy speel met vuur, en Thabo begin Thandekile in ’n ander lig sien. Mbali raak nuuskierig toe Thabo haar oor Thandekile uitvra, en Calvin vra sy twee meisies of albei ’n baba by hom wil kry. Thabo word deur Thandekile verwerp, en nadat hy uiteindelik kry wat hy wil hê, het Calvin bedenkinge. Daar is iets verkeerd met Bongani en Thandekile moet gou uitvind wat dit is, en Calvin en Jack probeer die vonk ignoreer wat weer tussen hulle begin vlamvat. Dit lyk asof Thembi meer verlief raak op Calvin, en…

Wat’s volgende @GENERATIONSTHELEGACY1 @GEN_LEGACY @GENERATIONS_THE_LEGACY1 VERLEDE KEER Pamela het uiteindelik die kontrak in die hande gekry en was geskok deur die inhoud, Mazwi het van die wal in die sloot beland, en Ayanda het haar eksminnaar gewaarsku om op te hou inmeng, of anders . . . IN DIÉ UITGAWE Nkosiyabo dink sy geluk het gedraai, maar hy sit die pot heeltemal mis, die Diales is platgeslaan deur dr. Langa se voorstelle, en Kabisi onderbreek ’n vergadering en is dadelik agterdogtig. Die Diales wil Mbali help om haar mag terug te vat, Fikile moet besluit waar haar lojaliteit lê, en Lelethu stem in om van homself ’n gek te maak ter wille van die liefde. Die onwaarskynlike samesweerders probeer die raaisel oplos, Pele se geestesgesteldheid versleg, en Lucy kry gou…

Wat’s volgende @KYKNETKIE @KYKNETKIE @KYKNETKIE VERLEDE KEER Tayyar se rugstekery teenoor Nur en Yigit is ontbloot en hy is weggestuur, Aytul se manipulering van Nazan het aan die lig gekom, en die dag van Nur se egskeidigsaansoek in die hof het aangebreek. Iclal was opgewonde oor haar huweliksherdenking met Yigit, maar Yigit was nie, Iclal was oortuig Nur het op haar gespioeneer, en Firat het ingestem om Iclal se nuwe bondgenoot te wees. Elmas het intussen uitgevind Yigit en Nur is in die geheim getroud. IN DIÉ UITGAWE Nazan oorreed Sinan om haar plan te ondersteun terwyl almal wag op die uitslag van die forensiese ondersoek, ’n inkopietog saam met Iclal eindig aaklig vir Nur, en Iclal se broer Sinan raak betrokke by Nur. Yigit is woedend en val Sinan…

Wat’s volgende @MNET @MNET @MNETTV VERLEDE KEER Msizi het Legacy Investment se deure oopgeskop en sy groot nuwe plan onthul, Angelique het geweier om handdoek in te gooi om te keer dat die familiebesigheid verkoop word, en daar was ’n vonk tussen Gordon en Sanele. IN DIÉ UITGAWE Willem kyk toe hoe sy seun, Stefan, sukkel, Gordon en Sanele vra albei verhoudingsraad, en Angelique kry ondersteuning vir haar plan om haar mededinger, Dineo, te vernietig. Sefako is nie bly omdat Msizi terug is nie, Angelique snuffel deur haar swaer Gordon se foon, en Msizi vaar uit teen sy eksminnares Dineo, want besigheid is belangriker as hartsake. Stefan gaan uit op ’n afspraak, Charmaine help Sanele om reg te maak vir sy afspraak, en Angelique het ’n nuwe bondgenoot in haar…

Wat’s volgende @ETVSCANDAL @ETVSCANDAL VERLEDE KEER Vuvu was verras deur wat sy op die dansvloer gekry het, Motshabi se leuens het haar in die moeilikheid laat beland, en ongewenste aandag het Ndumiso laat verstar. IN DIÉ UITGAWE Nhlamulo voel jammer vir Vuvu se nuwe minnaar, maar min weet hy hoe ver is hy van die spoor af, Motshabi se gedrag laat Dintle iemand vra om vir haar te spioeneer, en Gloria se troudrama kry nog ’n struikelblok. Vuvu onthul een geheim, maar Lindi hoor van ’n ander een, Motshabi se ware kleure kom na vore en dit is dalk verpletterend vir iemand wat dolverlief is op haar, en Ndumiso sal nie kan wegkom nie. Layla gaan uit haar pad om Khanyi Jewel te beskerm, ’n man is geskok om van…

Wat’s volgende @THEESTATEON3 @THEESTATEON3 @THEESTATEON3 VERLEDE KEER Die “beeldpoetser” Melisizwe het ’n strategie voorgestel om Castro se reputasie en politieke loopbaan te herstel, Lwandle het haarself van die Phakathwayo’s gedistansieer, en Lesiba het Mmakoena se verraad ontdek. IN DIÉ UITGAWE Die gemeenskap gee mekaar die skuld ná ’n tragiese voorval tydens die onlangse oproer by die Echelon-landgoed, Castro haas hom om nóg ’n vuur dood te slaan, en Jo se pogings om ’n familielid te red, lei tot ’n dodelike bakleiery. Die Thembalethu-inwoners weier om tou op te gooi in hul stryd om hul grond, Castro kry verrassende nuus, en Sindi se skuldgevoel haal haar in wanneer sy Dumisani sien. Melisizwe se broer Mzolisi kom in die dorp aan, Castro se kamerade draai teen hom, en Mmakoena moet verantwoording doen…

Die letters in die pienk blokkies, wat jy in die regte volgorde moet rangskik, vorm die naam (5) van die karakter in Droomverlore aan wie Stephanie Petersen haar stem verskaf. Ons het nie ’n blokraaikompetisie in hierdie uitgawe nie. Die oplossing verskyn in die volgende uitgawe. Ons hoop om gou weer ’n prys weg te gee! STERBLOKRAAI Die letters in die pienk blokkies, wat jy in die regte volgorde moet rangskik, vorm die naam (7) van die akteur wat Lee-Roy in Arendsvlei speel. Die oplossing verskyn in die volgende uitgawe. SPELETJIES VUL DIE KODEBLOKKE SO IN: Elke letter is met ’n syfer vervang, en die syfer verteenwoordig deurgaans dieselfde letter. Om mee te begin, is ’n paar letter-en-syferkombinasies ingevul. • Die oplossings verskyn in die volgende uitgawe. Kodeblokke Kodeblok 391…

Geagte tvplus, hiermee vra ek namens alle oumensies om die programme weer terug te sit op DStv aangesien hulle Elif en Dr. Ali so baie geniet. Ons kan nie die Openview-dekodeerder bekostig nie, ons bly in die ouetehuis. Elif en Dr. Ali hou hulle gelukkig, dit hou hulle op en wakker. Hoop julle kan jul hart oopmaak vir hulle. Baie dankie namens die oumensies. – BLANCH, PER SMS Ai Blanch, ek wens ek kan iets daaraan doen, maar DStv gaan nie van besluit verander nie. Ek probeer my bes om dekodeerders as pryse in ’n kompetisie weg te gee. Dalk moet ek kyk of ’n borg nie gewillig is om dekodeerders vir ouetehuise te skenk nie. Ek belowe jou ek sit dit op my lysie. Ek wens so almal het…