Innholdsfortegnelse for 30 June 2022 i TV Plus Afrikaans

GRATIS DISNEY+ MET TVPLUS Ses jaarlikse Disney+-subskripsies kan gewen word! Die subskripsie dek vanaf 30 Junie 2022 tot 31 Augustus 2023. Om te wen, SMS “Disney+ Subscription Win” en jou geldige e-posadres na 35982. Jy moet kan wys jy het dié tvplus gekoop. BEPALINGS EN VOORWAARDES Die gebruik van die subskripsiekode vir 12 maande is onderworpe aan die aanvaarding van die volgende bepalings en voorwaardes: Die kode is geldig vanaf die geldige publikasiedatum – 31 August 2023; slegs vir inwoners van die Republiek van Suid-Afrika, 18 jaar of ouer en wat nuwe Disney+-intekenare is. ’n Geldige krediet-/debietkaart word vereis. Dié kode maak die aanspraakmaker geregtig op ’n gratis subskripsie van 12 maande op Disney+. Wanneer jy dié kode gebruik, word jy ingeskryf vir ’n jaarlikse subskripsie op Disney+ wat outomaties…

Elders: Tuinroete Seisoen 5 Maandae kykNET (*144) 20:00 (begin 4 Julie) Die joernalis en aanbieder Erns Grundling verken graag nuwe pelgrims- en staproetes, of dit nou oorsee of op eie bodem is. In Elders se seisoen 5, Elders: Tuinroete, neem hy ons weer op ’n stapavontuur wanneer hy en sy kameraspan ’n nuwe Pelgrimstog Van Hoop-staproete aanpak, dié keer van Uniondale tot in Mosselbaai. “Die roete is nog baie nuut en is verlede jaar vir die eerste keer in Junie gestap, maar vanweë die wonderlike natuurskoon en vennote se gasvryheid, is dit reeds baie gewild,” sê Erns. NUWE FOKUS EN GASTE Hoewel die nuwe roete van 274 km gewoonlik binne twee weke gestap word, het Erns en sy span ’n raps meer as ’n maand voete geklap op die roete.…

The Staircase Seisoen 1 Maandae M-Net (*101) 21:30 Die dramaprogram The Staircase is vars uit die VSA vinnig op die skedule geplaas, want dis so ’n fassinerende storie. Dit vertel van die werklike verhoor van die skrywer Michael Peterson in 2003. Dis meer van ’n produksie as die meeste verhore in die VSA, want die moordbeskuldigde Michael het sy onskuld probeer verklaar deur ’n dokkie daaroor te maak nog voor hy in die hof was. “Toe ek die draaiboek lees, het ek dadelik geweet ek wil dié projek aanpak,” sê die hoofster Colin Firth (Galahad in die aksiespioenfliekfranchise Kingsman). “Ek het niks van Michael geweet nie, van die moord óf die dokumentêre program wat hy gemaak het nie. Ek het dus vars ingekom en dit het my waardering vir die…

Die trauma wat Zoe (Lauren Joseph) die afgelope ruk in haar huwelik met Tim (Marco Spaumer) ervaar het, sal enigiemand onderkry, maar Zoe wil nie meer haar wonde lek nie. “Zoe wil van haar sorge vergeet en sê vir haar bestie, Danni (Vashti Prins), hulle moet die dorp rooi verf,” sê Lauren. Hulle aandjie uit eindig by Die Anker-kroeg en Zoe drink die een skemerkelkie ná die ander. Die aantreklike Bruce (Jonah Dollery, ’n nuweling) vang Zoe se oog en hulle begin met mekaar flankeer. “Danni kry nie vattigheid aan hom nie en wil Zoe oorreed om eerder huis toe te gaan, maar Zoe sê vir Danni sy hoef nie ge-mother te word nie en Danni kan huis toe gaan as sy wil want sy, wat Zoe is, is nog…

Die mediese verteenwoordiger Elise Kruger (Lindie Stander) is weer in die omgewing en haar soektog na ’n blyplek gaan vir komiese oomblikke sorg. Sy is vir tyd en wyl besig met sake by die Binneland-kliniek en wil nie in ’n hotel bly nie – dis darem net te onpersoonlik vir dié kleurvolle karakter. Boonop is haar geld min. Dit lyk asof dinge in haar guns werk, want dr. Uys (Gerald Steyn) is juis op soek na ’n woonstelmaat. “Uys bly in ’n drieslaapkamer-woonstel en het besluit om die een kamer in ’n kantoor te omskep terwyl die ander een vir ’n woonstelmaat beskikbaar is,” sê Gerald. Elise is baie opgewonde oor die nuus, maar sy het mededinging, want die paramedikus Danny (Bradley Olivier) soek ook blyplek. Maar Elise skram mos…

Oorgeklankte telenovelles het kykers aan die gons! Die storielyne, karakters, skandale, romanse en aksie is topvermaak en dan word dit boonop alles in Afrikaans uitgesaai! kykNET & kie spog nou ook met twee oorgeklankte, Turkse telenovelles: In Die Ysterhand Se Greep en Kind Van Die Noodlot (lees meer op bl. 31). kykNET & kie se woordvoerder Herschelle Benjamin sê ná navorsing, het hulle besef oorgeklankte telenovelles is baie gewild onder Suid-Afrikaners. “Dit skep ook werkgeleenthede vir akteurs en bied hulle die geleentheid om ’n inkomste op ’n ander manier te verdien,” voeg hy by oor die bekende akteurs wat van die stemwerk doen. Hier is alles wat jy oor In Die Ysterhand Se Greep moet weet om van die eerste episode af tuis te voel in dié telenovelle se wêreld.…

ATLANTA DISNEY+ | 2016-NOU | KOMEDIE | SEISOEN 1-3 | KETTINGKYK VANAF WO. 29 JUNIE Die kletsrymbedryfsitkom oor die lewe van swart mense in die VSA keer terug om die temas van identiteit en ras te verken. Verwag episodes in die styl van die Black Mirror-reeks oor ’n klub vir glanssterre in onguns, wat sal gebeur wanneer mense wie se voorvaders uit slawerny voordeel getrek het, vergoeding betaal aan die afstammelinge van slawe, asook stories oor swart kinders wat in die pleegsorgstelsel soos wit mense grootgemaak word. BARRY SHOWMAX | 2018-NOU | AKSIEKOMEDIE | SEISOEN 1-3 | KETTINGKYK VANAF VR. 1 JULIE Die huurmoordenaar en talentlose dramastudent Barry (Bill Hader) het aan die einde van seisoen 2 sy brûe verbrand met sy hanteerder Fuches (Stephen Root), die rampokker NoHo Hank…

Daar’s chaos in groot maat in Cloud 9 wanneer Amy en kie moeilikheid veroorsaak terwyl hulle net hul werk by die winkel wil behou. Hulle is nie die skerpste messe in die laai nie, het meer persoonlike probleme as glanssterre, en is skreeusnaaks. Hier is van die beste oomblikke in die reeks: JONAH SE YSLIKE FOUT Seisoen 1 episode 1 Die nuwelingwerker Jonah (Ben Feldman, Michael in die periodedramareeks Mad Men) is gretig om ’n goeie indruk te maak. Hy probeer wegsteek dat hy kollege opgeskop het, en jok dat hy weet wat hy op die winkelvloer doen. En om sy vaardigheid te bewys, begin Jonah artikels se pryse afmerk. As hy meer in sy wiskunde-klasse opgelet het, sou hy agterkom pleks van 25%-korting te gee, het hy alles tot…

KLOP! Seisoen 4 Sondae kykNET & kie (*145) 19:30 (begin 3 Julie) Met die heel eerste opname van die geselsreeks KLOP! in 2018 was die aanbieder, Heindrich Wyngaard, gespanne maar ook kinderlik opgewonde. “Dit was my amptelike terugkeer na die kassie as aanbieder nadat ek in 2008 ’n ander aktualiteitsprogram, Wat’s Die Storie, op kykNET (*144) aangebied het,” sê hy. “Ons het verskeie gaste en stories in die eerste episode gehad, maar ons hooffokus was op prof. Adam Small en hoe sy gedig Kô Laat Ons Sing die inspirasie vir die programtitel, Kô Laat Ons Praat (KLOP!) was,” vertel Heindrich. KLOP! skud nou sy vere reg vir verrassings omdat die uitsaaityd weer terugskuif na die oorspronklike tydgleuf, Sondagaande om 19:30, as deel van kykNET & kie se veranderinge aan sy…

Vikings: The Rise And Fall Seisoen 1 Woensdae National Geographic (*181) 21:00 (begin 29 Junie) Aanhangers van historiese dramareekse soos Vikings, Vikings Valhalla, of The Last Kingdom – National Geographic se nuutste dokkiereeks Vikings: The Rise And Fall is die beste agter-die-skerms-program nóg! Die reeks is kompleet met die dramatisering van tonele deur kenners van Hands On History en die Ribe Vikinge­Center, en histories korrekte kostuums en rekwisiete. Dit neem ons op ’n reis van 300 jaar deur die opgang van die Wikings, hul vroegste avonture langs die Skandinawiese kus, tot groot ekspedisies om York in Brittanje te plunder, Parys te beset, en handel te dryf en terreur te saai deur die ooste van Rusland tot in Bagdad en die weste van Noord-Amerika. Ons het met die vervaardiger Anna O’Malley…

Justin (Eden Classens) en Wade (Dean John Smith) het ’n sterk vriendskapsband. Daarom dink Wade nie twee keer om saam met Justin besigheid te doen wanneer die kans opduik nie, al is sy ouer broer, Ty (Maurice Paige), sterk daarteen gekant. “Wade het al vroeër saam met Justin probeer werk by SoundBar, Justin se partytjie-agentskap wat DJ by events soos verjaardagpartytjies, maar dinge het nie lekker uitgewerk nie,” sê Dean. Maar dié keer is Wade en Justin oortuig dis volhoubaar om hul eiers in een mandjie te gooi, en Wade bedank as kroegman by Die Anker. WILDE IDEES “Ty dink dit is nog een van Wade se wilde idees wat op niks gaan uitloop nie,” sê Dean. “Wade span weer die wa voor die perde en gee ’n stabiele werk…

Die kelnerin Nesie (Melissa Massyn) het ’n voorgevoel gehad haar familie gaan een of ander tyd aan haar deur klop, en dat dit nie ’n gewone familiekuiertjie gaan wees nie . . . En sy was toe reg. Nesie se ma, Nytjie (Monique Nortjé) kom kuier inderdaad en dring by Nesie en haar rugbyspeler-man Buks (Adriaan Marias) aan, om Nesie se niggie se kind, Petro (Méla Swanepoel), as hul pleegkind in te neem. Natuurlik is dit nie ’n maklike besluit vir die jong getroude paartjie nie. VERDEELDE LOJALITEITE Nesie, wat ook ’n wil van haar eie het, stamp gereeld koppe met haar dominerende ma en Nesie weier eers. “Nesie was uit die staanspoor vies vir haar ma oor die versoek omdat sy weet Buks het ’n sagte hart en gaan…

Waar die telenovelle In Die Ysterhand Se Greep fokus op ’n baie ongewone liefdesdriehoek, draai die tweede Turkse telenovelle wat nou op kykNET & kie begin, Kind Van Die Noodlot, om ’n paartjie se begeerte om ouers te word. “Kykers gaan net so baie van hierdie reeks hou, want dit bied hulle ’n ander perspektief op ’n kultuur uit ’n ander land, hul tradisies en bo alles is dit heerlike ontvlugting vir kykers wat vir ’n uur inskakel en die stories geniet,” sê Herschelle Benjamin, woordvoerder vir kykNET & kie. “Kind Van Die Noodlot en In Die Ysterhand Se Greep (meer op bl. 30) kom van Turkye, wat naas Amerika die grootste verspreider van TV-programme ter wêreld is. En dit sê iets oor die gehalte van hul reekse en waarna…

• Snowpiercer seisoen 1-3, sci-fi-reeks oor oorlewendes op ’n trein wat om die aarde sirkel in ’n ewige winter, 2020-nou, kettingkyk nou op Netflix. • Vikings Valhalla seisoen 1, periodedrama oor die einde van die Wikings in 1066, 2022-nou, kettingkyk nou op Netflix. • To The Lake seisoen 1, sci-fi-reeks oor mense in Moskou wat van ’n plaag vlug, 2019, kettingkyk nou op Netflix. • The Terror seisoen 1 (van 2), periodegruwel op die skepe Erebus en Terror wat vassit in die ys wanneer hulle na die Noordwes-deurgang soek, 2018, kettingkyk nou op Amazon Prime Video. • The North Water seisoen 1, periodedrama op ’n walvisboot wat in die poolys vassit, 2021, kettingkyk nou op Showmax. • Game Of Thrones seisoen 1-8, fantasiereeks in ’n wêreld wat deur ’n skrikwekkende…

“My grootste uitdaging was om seker te maak die kykers haat Freddy nie,” sê Rohan Dickson, skrywer-skepper van die plaaslike dramareeks Desert Rose, seisoen 1. Dit word Donderdae om 20:30 op M-Net (*101) uitgesaai. “Baie mense in Suid-Afrika weet hoe dit voel wanneer ’n pa hulle verlaat het. Dis moeilik om die kykers se empatie te wen en dié karakter ten minste nie die heeltyd te laat haat nie. Die karakters baklei almal vir Freddy (en vra): ‘Wanneer kom hy terug? Gaan hy ons help?’ Maar indien die gehoor hom haat en dit regdeur die algemene verloop is, gaan dit nie werk nie. Dít was die moeilikste deel.” Wil jy weet hoe Rohan homself uit daardie hoek geskryf het? Lees verder wanneer hy gesels oor die keuse van Neil Sandilands…

Uit Die Slaapkamer Seisoen 1 Woensdae VIA (*147) 21:00 (begin 6 Julie) Dis ’n tameletjie-onderwerp. Dís hoe die onderwyseres en aktrise Adri Vivier (medeaanbieder van die leefstylreeks Ouma Weet Mos) seks in ons eng Suid-Afrikaanse gemeenskappe beskryf. “Dit word nie vrylik bespreek nie en dit laat mense dikwels baie ongemaklik voel.” Maar in die splinternuwe geselsprogram Uit Die Slaapkamer gaan Adri en twee ander paneellede – die akteur Neels van Jaarsveld (Ben Kruger in die dramareeks Fynskrif) en die sangeres Bianca le Grange – saam met die seksuoloog dr. Elna Rudolph intimiteit in alle aspekte bespreek. Slaapkameronderrig met die beste bedoelings! ’N MIDDEWEG “In die program vind ons ’n mooi middeweg tussen die speelse en die ernstige,” sê Elna wat ons leer ken het in die geselsreeks Minki met die…

Troukoors Seisoen 1 Sondae kykNET (*144) 20:00 Ons het die akteur Armand Aucamp al in verskeie rolle gesien, van Jan van Riebeeck in die rolprent Krotoa tot die skrywer Tom Niemandt in die treffer-dramareeks Die Boekklub. En nou sien ons hom Sondagaande as die pierewaaier Dawid in die ligte romkomreeks Troukoors op kykNET. “Ek sou nie omgegee het om soos sommige van die karakters soos Tom, wat ek voorheen vertolk het, te wees nie. Maar een ding is seker, ek wil beslis nie soos Dawid wees nie,” bieg hy. “Al is Dawid sjarmant, het hy ’n yslike ego, is boonop chauvinisties en glo ’n vrou moet haar plek ken. Daar is ’n sekere manier om dinge te doen, maar Dawid se manier is beslis nie die beste of regte manier…

“Dit was nooit Angel (Chelsea Faith Thomas) se plan om met Priester (Whaden Johannes) te trou nie,” sê Chelsea. “Maar toe sy (in Junie) onverwags swanger raak en haar aunty Ingrid (Rehane Abrahams) en Priester aanhoudend daaroor praat en dat dit die beste vir die baba sou wees, het sy ingegee en besluit om wel te trou.” Nou is sy vasgevang by ’n man en haar tannie wat glad nie Angel se beste belange op die hart dra nie, en Angel bly blind vir dié harde waarheid. Selfs wanneer Angel ’n tragiese gebeurtenis beleef, probeer Priester haar manipuleer. Maar daar is dalk iemand wat kan help om Angel te laat besef wie werklik aan haar kant is . . . BEHEERVRAAT Priester wys eintlik van meet af aan sy ware…

Net wanneer dr. Liam Vorster (David Viviers) dink hy het die storm trotseer, pak donker wolke weer om hom saam. Eers moes hy sy droomwerk as ongevalledokter by die Binneland-kliniek prysgee toe hy in Mei na ’n rehabilitasiesentrum is vir sy pilverslawing, en al het hy nou sy werk teruggekry, beleef hy ’n terugslag: Sy been – wat in 2021 weens ’n bergklim-ongeluk geamputeer is – word weer seer. Kort daarna begin pasiënte se pynmedikasie verdwyn, en almal wat bewus is van Liam se verslawingsprobleem, vermoed Liam is die een wat dit vat. IN DIE VERSOEKING Verpleegster Karen (Luandri Reynders) gee baie om vir Liam en hoop selfs daar kan eendag ’n verhouding tussen hulle wees, maar sy is baie bekommerd Liam het geswig voor sy drange wanneer sy hoor…

Werner Visagie (gespeel deur Zak Hendrikz) is ongetwyfeld een van die mees geliefde karakters in Hillside. “Werner is ’n prettige, deernisvolle ou wat ’n liefdevolle man vir sy vrou, Tanya (Liezl de Kock), is, en ’n morele kompas vir sy seun, Uys (Daniel Coetzee). Werner glo ’n mens moet gaaf wees teenoor jou naastes, ongeag ras, seksualiteit of sosiale status. Hy glo daarin om altyd die regte ding te doen, maak nie saak wat die gevolge is nie,” verduidelik Zak, wat eers in Desember 2021 by 7de Laan aangesluit het. MOVING IN Zak erken hy was senuweeagtig op sy eerste dag op die stel. “Dis altyd skrikwekkend om in ’n sepie te begin speel. Jy weet nooit of jy oor die weg gaan kom met jou medespelers nie en dit…

VERLEDE KEER Bahar het skokkende nuus gekry, Irem het ’n grens oorskry waaroor sy nie weer kon teruggaan nie, en almal was nuuskierig oor die vreemdeling in die snyerspak. Mujde het besluit om elders vir antwoorde te soek, en Ilhan het ’n nuwe opdrag van Die Sirkel gekry. IN DIÉ UITGAWE Dit lyk of dinge in Cagatay se guns verloop, terwyl Cihangir Irem ’n voorkeursaak maak, maar Kaan het steeds ’n bitter smaak in sy mond. Kaan en Cihangir probeer om hulle betyds reg te ruk, Cagatay is op ’n sending om beheer te kry, en Cihangir vra Mujde om hulp. Kaan wil daar wees vir Ilhan, en Irem en Cihangir sê totsiens. Bahar en Cagatay trek die net stywer om Die Sirkel, maar dit beteken nie een van hulle…