Innholdsfortegnelse for 02 June 2022 i TV Plus Afrikaans

ABBOTT ELEMENTARY Ons kan Quinta Brunson se ma, die afgetrede onderwyseres Norma Jean Brunson, bedank vir die goeie kennis en geloofwaardigheid van die mokumentêre reeks Abbott Elementary. Die reeks wat Quinta geskep het, vier die toewyding en liefde van onderwysers vir hul werk, terwyl dit ’n satire maak van die rompslomp wat die opvoedingstelsel hulle laat deurgaan. “Ek kon van naby sien hoe groot die werk was. Ek het gesien hoe my ma vroeg soggens en lank ná skool die werk doen wat leerders nie sien nie. Ek dink dit het my ’n groter respek vir onderwysers gegee en ’n beter leerder gemaak,” sê Quinta. Gevolglik “delf dit in kwessies wat ons nie sien nie. Ons het ’n episode waartydens een onnie net wil hê die ouer moet die kind…

Desert Rose Seisoen 1 Donderdae M-Net (*101) 20:30 (begin 2 Junie) M-Net (*101) se nuwe plaaslike dramareeks Desert Rose is ’n storie van onskuld en ervaring, wat afspeel in ’n vergete Noord-Kaapse dorp. Die storie draai om die Greylingsibbe en wat hulle doen om te oorleef in die middel van nêrens nadat hul pa, Freddie (Neil Sandilands, Bart in die sepie 7de Laan, lees meer op ble. 30 en 31, en nou genl. Abbot in die Netflix-sci-fi-reeks Sweet Tooth), die woestyn in verdwyn. Hul huis is in skuld gedompel en die familie is dank verskuldig aan ’n gevaarlike man. Die woestynagtergrond was noodsaaklik vir die temas wat die reeks se skepper Rohan Dickson (die skrywer van die misdaaddramareeks Reyka) wou verken. “Dis ’n gesinstorie. Dis ’n bekende storie. Maar die…

kykNET / *144 / Weekdae 18:00 Jana (Juanita de Villiers Velts) en haar lewensmaat Schalk (Johan Scholtz), die HUB van die Stryders, se verhouding is al deur troebel waters, maar nou lyk dit asof moeilikheid weer die liefdesparadys bedreig. Die wry-wing het begin toe Jana kontak met ’n ou skoolvriendin Riana (Eloise Clasen) hervat en Jana besef het Riana en Schalk het ’n geskiedenis. Nou voel Jana Schalk wil haar dalk net los . . . WAT LAAS GEBEUR HET Die vriendskapsbande tussen Jana en Riana is hernu toe Jana en Schalk deur ou foto-albums van Jana geblaai en sy besluit het om weer na Riana uit te reik. Schalk was verbaas toe hulle na die ou foto’s kyk en besef Riana is sy oorlede vrou, Lanie (Hanli Rolfes), se…

kykNET / *144 / Weekdae 18:30 “Dit gaan die afgelope ruk baie goed met Rhafiek,” sê Irshaad Ally oor sy karakter. “Vir die eerste keer in ’n lang tyd voel dit asof hy weer stabiliteit in sy lewe het.” Kaashifa (Jawaahier Petersen), sy meisie, het ’n goeie uitwerking op hom en hy voel gelukkig. Daarom vang sy eksvrou, Carmen (Desiré Gardener), se skielike verskyning hom heeltemal onkant en dit voel of die mat onder hom uitgeruk is! SUIWER DIE LUG Carmen daag uit die bloute in Ruiterbosch op nadat sy byna twee jaar gelede weg is toe haar en Rhafiek se huwelik verbrokkel het. “Sy reis steeds die wêreld vol en wou net gou haar geliefdes kom groet en ’n draai by haar ouers in Kuruman maak,” sê Desiré. “Natuurlik…

SABC2 / *192 / Weekdae 18:00 D it was die grootste troue toe Bonita (Hildegardt Whites) en DeWet (Dirk Stoltz) uiteindelik onlangs afgehaak het. Wie’t gesê jy kan nie ’n jaar lank getroud wees en eers later ’n groot okkasie hê nie? Dis die Covid-manier! En hulle het ons beslis gewys hoe om te vier. Maar soos gewoonlik het DeWet ’n agenda gehad, en dit was beslis nie net om Bonita – die vrou wat hy nou soort van werklik liefhet – die sprokiestroue van haar drome te gee nie. DeWet het vir homself ook ’n afskeidsgeskenk gegee. Terwyl die gelukkige paartjie op pad is om hul wittebrood te vier, gaan die Welmans –die familie wat DeWet verantwoordelik hou vir sy seun, Shawn (Deànré Reiners), se dood –om hul lewe…

SHINING VALE SHOWMAX | 2022 | GRUKOMEDIE | SEISOEN 1 | KETTINGKYK VANAF FROM WO. 1 JUNIE Die sukkelende skrywer en vrou wat haar man verkul Pat Phelps (Courteney Cox) en haar vervelige man, Terry (Greg Kinnear), trek van New York City met hul tienerkinders na ’n dorpie en in ’n huis waarin dit beslis spook. Gou help die spookvrou uit die 1950’s Rosemary Wellingham (Mira Sorvino) Pat om ’n sexy, stomende nuwe boek te skryf – sy het egter haar karakters Gaylord en Cressida genoem, wat effe bedenklik klink. Maar meer goed spook by Pat as geeste en sy begin kop verloor. STATION ELEVEN SHOWMAX |2021-NOU | SCI-FI |SEISOEN 1 | KETTINGKYK VANAF WO. 1JUNIE ’n Griepvirus het net ’n fraksie van die Aarde se bevolking agtergelaat in dié…

Is jy moeg van die lewe se stres? Satire is jou oplossing op die stroomplatform Showmax met hul keuse van vyf mokumentêre programme wat jou sal laat snorklag. Vanaf eienaardige vampiere tot musikante wat teëspoed ervaar en die verstrooide Tali wat ’n troue en moederskap aanpak, mokumentêre reekse is die beste ding om nou te kyk. En begin sommer plaaslik . .. HOTEL SEISOEN 1-5 Dié Afrikaanse reeks speel af in die fiktiewe Fransen-hotel, en niks is soos dit lyk nie – veral die eksentrieke huishoudster wat alles in die hotel doen – sy’s ’n vrou van twaalf ambagte en slaag in die meeste daarvan. Die bestuurder Ferdie (James Borthwick, Leonid Brezhnev in die Britse periodedramareeks The Crown) is ’n rustige baas en hoewel hy wil hê die hotel moet…

Dinge Van ’n Kind Seisoen 1 Dinsdae kykNET (*144) 20:00 In die bekroonde skrywer Marita van der Vyver se roman Die Dinge Van ’n Kind maak lesers kennis met die tiener Mart Vermaak wat in die onstuimige laat 1970’s koshuis toe gestuur word, asook die ouer Mart in haar 30’s wat ’n enkelma is en in Londen woon. Maar almal het gewonder wat het later jare van Mart geword. “Ek dink dit was ’n logiese besluit van die vervaardigers om die ouer Mart in haar sestigerjare in te sluit in die dramareeks wat op die boek gegrond is. ’n Mens pluk altyd die vrugte van jou besluite, en mense was nuuskierig oor hoe Mart se lewe en besluite verloop het,” sê die aktrise Susanne Beyers, wat ons onlangs as René…

Wat’s Die Okkasie Seisoen 1 Dinsdae SABC2 (*192) 19:00 Die vervaardigers van die immergewilde leefstylreekse Pasella en Top Billing het koppe bymekaar gesit en die vars, nuwe reeks Wat’s Die Okkasie, wat onlangs op SABC2 begin het, ontwikkel – en dit het kykers klaar aan die gons! Om die kans te hê om te loer hoe bekendes makietie hou, is gewoonlik beperk tensy jy in daardie kringe beweeg, maar in Wat’s Die Okkasie kry ons volle toegang tot partytjies, leer ons meer oor die glansster en kry praktiese wenke oor hoe jy jou eie partytjie kan opkikker. “Vir baie mense kan die beplanning van ’n lekker partytjie vreesaanjaend wees, maar met hierdie program wys ons hoe maklik, eenvoudig en bekostigbaar dit kan wees. Ons glo ’n mens moet die groot…

kykNET & kie / *145 / Ma.-Do. 19:30 Dis altyd lekker wanneer Laetitia (Quanita Adams), Tally (Rory Avenstrup) en Parra (Jonty Isaacs) in Arendsvlei kom kuier, want hul verskyning beteken komedie en ’n tikkie drama. En dié keer is dit weer so wanneer die drie kragte saamspan om die joernalis Daniel (Cantona James) te help om sy gebroke hart te heel deur die liefde van sy lewe, Angel (Chelsea Faith Thomas), weer aan sy sy te kry. KOM ONS DOEN BESIGHEID Die oomblik wat die effens onstabiele Laetitia in Arendvlei aankom, weet sy sy moet haar “kind”, Daniel, help (lees meer onder oor die twee se band). “Laetitia het aangevoel iets skort met Daniel en dat hy baie hartseer is,” sê Quanita. Die “oorlede” Tally en Parra – wat altyd…

KykNET / *144 / Weekdae 19:30 Ná die gebeure in Mei, waarin die winde van veranderinge sterk deur die gange van die Binneland-kliniek gewaai het, en veral in die raadsaal met dr. Annelize (Cindy Swanepoel) wat nou aan die stuur van sake is, wag daar ’n onsekere toekoms op die privaat hospitaal in Pretoria. In die 18de seisoen van die treffersepie is daar groot opwinding met nuwe karakters, storielyne en ’n goeie dosis drama! Hier is alles wat jy moet weet wanneer seisoen 18 op Maandag 6 Junie begin. WERK EN PLESIER Kykers kan nou nog nie glo hoe Annelize dit reggekry het om die Koster-manne Conrad (Hykie Berg) en At (Hans Strydom) te onttroon nie. “Annelize het eers ’n mosie van wantroue in Conrad ingestel om hom uit te…

eNuus eNuus Maandae tot Sondae kykNET (*144) 19:00 Almal ken haar as die nuusanker by eNuus wat saans met die woorde “goedheid en guns” groet. Jenna-Leigh, wat op 15-jarige ouderdom ’n vrywillige omroeper en vervaardiger van ’n jeugprogram by die radiostasie Vallei FM in Worcester in die Wes-Kaap was, het ook in April by Die GROOT Ontbyt-span (op kykNET) as mede-aanbieder aangesluit. En agter die skerms het sy nóg hooi op haar vurk. Jy lees al sowat nege jaar nuus by eNuus. Word dit met die jare se ondervinding minder senutergend? Jou selfvertroue neem oor die jare toe en dit help met die senuwees. Ek moes in die begin gou leer om die senuwee-skoenlappers onder beheer te kry, want dit kan jou fokus belemmer. Hoewel ek glad nie meer op…

9-1-1 Seisoen 5 Woensdae M-Net (*101) 19:30 (begin 8 Junie) Almal se hulp is nodig wanneer die aksiereeks 9-1-1 terugkeer met nóg nimmereindigende drama – en dié keer het hulle beurtkrag bygewerk! “Ons het die gewone noodgevalle van die vorige seisoene geneem en dit ingesluit, tesame met ’n hele klomp kwessies wat ons karakters moet hanteer en oorkom,” sê Angela Bassett (Ramonda in Marvel se Black Panthersuperheldflieks). En haar LAPD-karakter patrolliebeampte Athena begin die seisoen met ’n onwelkome herinnering uit die verlede wanneer ’n gevaarlike misdadiger wat verhoor word, ontsnap. “Die losprysware-rekenaarvirustema was fantasties!” sê sy oor die storielyn wat daarna ontwikkel. “Want dis ’n werklike probleem in die regte wêreld en hoewel ons haat om te dink dit kan gebeur, gebeur dit wel.” BESKERMING TEEN VIRUSSE Episode 1 begin…

kykNET / *144 / Weekdae 18:30 Zoe (Lauren Joseph) en Tim (Marco Spaumer) se huwelik is tans wankelrig. Zoe se vertroue in Tim is geknou nadat hy haar in Mei met ’n flerrie by ’n hotel verneuk het. Tim het die aand bydie hotel geslaap nadat hy en Zoe ’n hewige stryery gehad het omdat Zoe met haar tannie Bridgette (Denise Newman) en Tim se baas saamgestem het om Tim se droomkuseiendom wat hy wou ontwikkel, te verkoop. Die eiendom is in Zoe en Bridgette se oë bevlek omdat Tim die vorige eienaar laat vermoor het om dit te kry. Bridgette wou alle spore doodvee wat na haar, haar besigheid en die eiendom lei, deur dit te verkoop. Tim was briesend oor die besluit, maar dis die minste van syprobleme…

kykNET / *144 / Weekdae 19:30 Die lewe het vir dr. Liam Vorster (David Viviers) ’n paar taai klappe uitgedeel en hy veg tans teen sy verslawing aan pynpille. “Liam moes een van die moeilikste besluite neem om sy droomwerk by ongevalle by die Binneland-kliniek (in Mei) op te gee om na ’n rehabilitasiesentrum te gaan,” sê David. Sy herstelpad was moeilik, maar nou, ’n maand later, is Liam terug in Pretoria en hy wil sy lewe weer op dreef kry. Maar gaan hy dit regkry? EEN TREE OP ’N SLAG Die verpleegster Karen (Luandri Reynders) is verheug om Liam terug in Pretoria te hê en bied aan dat Liam by haar en haar woonstelmaat Gaby (Maude Sandham) in-trek tot hy weer sy voete vind. “Liam is dankbaar vir Karen…

WAAROOR GAAN DIT? Twee mans, Cihangir en Kaan, wat by geboorte omgeruil is, werk 25 jaar later saam wanneer hul paaie kruis om die waarheid oor hul lewe op te diep en dié van hul werklike families en hul ban-de met die misdaadorganisasie Die Binnekring. IN DIÉ UITGAWE ’n Geheimsinnige video word na Kaan se tronksel gestuur met besonderhede oor die moord op sy pa 25 jaar gelede. Wie het die beeldmateriaal gestuur en wat hulle van Kaan wil hê is ’n raaisel. Kaan stem in om saam met die polisie te werk, maar hy het voorwaardes, Ilhan kry ’n verrassingsbesoek van ’n oud-werknemer wat sy ooreenkoms met die Qatari-familie bedreig, en Cemal en Bahar se planne word in werking gestel wanneer Humeyra instem om aan te sluit ter wille…