Innholdsfortegnelse for 05 May 2022 i TV Plus Afrikaans

TROUKOORS SHOWMAX | 2021-NOU | ROMANTIESE KOMEDIE | SEISOEN 1-2 | KETTINGKYK VANAF DO. 5 MEI Die trouebeplanner Jessica (Ilse-Lee van Niekerk) is steeds saam met haar aantreklike nuwe liefde sjef Liam (Christiaan Schoombie); Luca (Blyde Smit) Jessica se suster wat sagteware ontwikkel probeer ’n langafstandliefde met die kroegman Stefan (Evan Hengst), wat ’n fantasieskrywer geword het, laat werk; en Jessica se bestie Abi (Bianca Flanders), die bakster, weerhou haar steeds van seks . . . Maar versoeking is op pad in die vorm van die speletjieontwerper Justin (David Viviers) en die wiskunde-onnie Hugo (Marlo Minnaar). Abi se pa, Karel (Kevin Smith), moet intussen sy gay troue met Nathan (Melt Sieberhagen) beplan. THE LINCOLN LAWYER NETFLIX | 2022 | DRAMA | SEISOEN 1 | KETTINGKYK VANAF VR. 13 MEI Die…

E en van twee goed kan met kinderakteurs gebeur: Hulle kan óf in die niet verdwyn óf hulle kan bekende volwasse sterre word. Op Showmax is ’n paar flieks, reekse en dokkies wat jou sal laat terugdink aan die tyd toe die hoofspelers maar kniehoogte was en nog melktande gehad het. Soos . . . YELLOWJACKETS Dié minireeks (dis in werklikheid vir ’n tweede seisoen hernu – hoe verduidelik jy dít?) het twee baie bekende aktrises wat langer in die toneelspelwêreld is as wat hul medesterre leef. Juliette Lewis werk sedert 12-jarige ouderdom in Hollywood toe sy Lexie in die sci-fi-fliek My Stepmother Is An Alien was, en Christina Ricci is sedert 8-jarige ouderdom op die fliektoneel (sy’s bekend as Wednesday Addams in die komedierilflieks Addams Family). Hulle speelNatalie en…

The Time Traveler’s Wife Seisoen 1 Maandae M-Net (*101) 21:30 (begin 16 Mei) “D it het weer gebeur. Die lakens word slap. Of die stort bly loop. En jy besef hy is weg,” sê Clare Abshire (Rose Leslie, bekend as Ygritte in die fantasiereeks Game Of Thrones). Sy praat nie van ’n eenaandafspraak in die nuwe fantasiedramareeks The Time Traveler’s Wife nie – haar man verdwyn op enige tydstip soos mis voor die son. “Henry (Theo James, Sidney Parker in die periodedrama Sanditon, lees meer op bl. 8) is met ’n genetiese afwyking gebore en hy kan dit nie verhelp nie,” sê Clare. En hoewel Henry se verdwyning en verskyning buite sy beheer is en spanning in hul huwelik veroorsaak, is Clare tot oor haar ore verlief. VERDWYN EN VERSKYN…

Anzél In Die Boland Seisoen 3 Donderdae kykNET (*144) 21:00 “Die Boland is soveel meer as net kos en wyn,” sê Anzél Rabie, die aanbieder van die leefstylreeks Anzél In Die Boland wat onlangs met sy derde seisoen op kykNET begin het. “In die eerste twee seisoene het ons gefokus op die omgewing van Stellenbosch en die Paarl in die Boland en wat die plekke vir toeriste bied, maar in seisoen 3 verbreed ons ons horisonne en besoek ander bekende omgewings soos die Slanghoekvallei, Durbanville, Elgin-vallei, en Constantia. Daar verken ons nie net wynplase nie, maar besoek ook besonderse blomplase, ry bergfietse, leer rolbal speel en gesels hier en daar met bekendes wat diep verbintenisse met die Boland het.” ’N NUWE TYDGLEUF “Dié seisoen van Anzél In Die Boland is…

Nadat sy vir langer as ’n dekade by die geleentheidskoördineringsmaatskappy Bruynwaves gewerk het, sê Aggie (Nobuhle Mahlasela) totsiens en neem ’n groot sprong in entrepreneurskap. Sy het tee gemaak by die koerant The Hillside Times en het daarna as ’n senior joernalis gewerk, toe gaan sy na Bruynwaves as ’n kreatiewe direkteur. “Maar dis nou haar tyd vir die kalklig,” sê Nobuhle. “Aggie is reeds jare lank in die geleentheidsbedryf. Nou be-plan sy om haar eie geleentheidskoördineringsmaatskappy te stig, want sy ken die bedryf en is gemaklik daarmee. Dit was nog altyd haar geheime droom. Sy is geïnspireerd en gemotiveerd om daardie droom te volg,” sê Nobuhle. Maar dit gaan ten koste van iets gebeur . . . TOTSIENS, BRUYNWAVES Aggie het bande gevorm en het nie net belê in…

Die Binneland-kliniek is in chaos gedompel. Die grootbaas At Koster (Hans Strydom) se handlanger, Piet (Deon Coetzee), het dinge sonder At se goedkeuring gedoen, en dit het alles op die lappe gekom. Conrad (Hykie Berg), Binneland se HUB en At se seun, kan nie agteroor sit en kyk hoe Binneland se reputasie skade ly oor al sy pa se bose dade in die verlede nie, en Conrad besluit dis tyd om sy pa te onttroon en volle mag oor Binneland te neem. Maar daar is verskeie slaggate en wanneer dr. Annelize (Cindy Swanepoel) haar by At skaar, verklaar Conrad oorlog teen haar. AT SE GEHEIME Piet het homself onlangs aan die polisie oorgegee en erken hy het die portier Tommy (Pieter Human), van wie se moord Delia (Odelle de Wet)…

Bibi (Stephanie Peterson) was stukkend en uiters geskok toe haar man, Jordan (Theodore Jantjies), mede-afrigter van die Stryders, haar onlangs vertel hy het Amanda (Natasja Jacobs) gesoen terwyl hy Amanda met rehabilitasie gehelp het. Maar dit was nie net Bibi wat die josie in was nie. Amanda was self ontstoke oor die gewraakte soen, want sy het geweet dit gaan haar vriendin Bibi verpletter. Sy het Jordan ná die voorval gekonfronteer, want “Amanda het geweet sy gaan nou weer die vark in die verhaal wees en eintlik was sy die onskuldige een,” vertel Natasja, wie se karakter nie die soen uitgelok het nie. “Dit was onregverdig en sy het vir ’n verandering baie magteloos gevoel.” LEK WONDE Bibi was te seergemaak om ná Jordan se ontboeseming, wat intussen in ’n…

Die oorlewingskenner en avontuurghoeroe Hazen Audel (van die realiteitsreekse Primal Survivor en Survive The Tribe) is terug met ’n splinternuwe reis na die onbekende in Primal Survivor: Escape The Amazon, Woensdae op National Geographic (*181) om 21:00. Dis ’n ekspedisie te voet oor 60 dae en 805 km deur die onbekende Amasone-oerwoud tot by die Atlantiese kus van Guyana. Of hy herhaaldelik gesteek word wanneer hy sy hande in ’n byenes steek vir ’n handvol heuning, bedorwe vis saamdra, want dis te nat om ’n vuur te maak, of aan iets sags suig vir ontbyt, niks keer Hazen om te oorleef nie, en hy verloor nooit sy sin van verwondering vir die natuur nie. Maar hy was nie alleen op die reis nie. Ons het met Hazen gesels oor wat…

Dinge Van ’n Kind Seisoen 1 kykNET (*144) Dinsdae 20:00 Die wel en wee van die tiener Mart Vermaak, wat teen die onstuimige politieke agtergrond van die laat 1970’s en vroeë 1980’s grootword, het lesers 28 jaar gelede in die bekroonde skrywer Marita van der Vyver se boek Die Dinge Van ’n Kind aangegryp. Die boek is in die vroeë 1990’s deur die ontslape skrywer Harry Kalmer in ’n verhoogdrama verwerk, en in 2019 weer in ’n eenvrouvertoning met Cintaine Schutte (aanbieder van die reeks Huisgenoot Blokraaibestes op VIA) in die hoofrol, omskep. Maar dit was nie die einde van Mart se storie nie: Haar verhaal word nou weer in ’n boeiende gelyknamige dramareeks van tien episodes hervat. Anders as die boek, maak kykers nie net kennis met die jeugdige…

Landbouweekliks Seisoen 17 Dinsdae VIA (*147) 17:30 “Die tydsberekening was so goed,” sê die akteur Theodore Jantjies (Jordan James in die sepie Getroud Met Rugby, lees meer op bl. 31 en 45) oor die geleentheid om deel te word van die leefstylreeks Landbouweekliks as een van die drie nuwe aanbieders. “Die aankondiging dat Getroud Met Rugby klaar maak (saai nog tot September uit), het in Maart gekom en ek moes ’n kopskuif maak om weer ’n vryskut-akteur te word. Ek het nie iets spesifieks gesoek nie, ek verkies dat dinge natuurlik ontwikkel en dis wat met Landbouweekliks gebeur het. Ek het die oproep ontvang, die werk aanvaar, en in April begin skiet.” En ons het by hom gaan hoor hoe hy nou in sy nuwe rol as TV-aanbieder aanpas. ’N…

“Só ’n versoek sal vir geen mens maklik wees nie, en jy vra eintlik vir iemand die onmoontlike,” sê die aktrise Vashti Prins oor haar kassie-pa, Simon (Elton Landrew), wat onlangs haar karakter Danni om genadedood gevra het. Simon ly aan motorneuronsiekte en sy liggaam is besig om vinnig agteruit te gaan. “Dit is vir Danni bitter moeilik om aan haar pa se versoek te voldoen, maar sy besef dit is regtig wat hy wil hê, want hy sou nie van haar verwag het om hom te help om sy lewe te beëindig as hy ’n ander keuse gehad het nie.” Maar net wanneer Danni die dodelike dosis vir Simon wil inspuit, keer iemand haar – en dit lei tot ’n reeks ander gevolge. HOU MY NAAM HIERUIT Danni gaan…

Net wanneer dit lyk asof dinge uiteindelik tussen verpleegster Karen (Luandri Reynders) en dokter Liam (David Viviers) gaan uitwerk, is daar nóg iets wat in hul pad staan – en dis nie iets gerings nie. Liam is verslaaf aan pynpille en Karen weet nie wat om daaromtrent te doen nie. “Sy weet hy is besig om homself groot skade aan te doen,” sê Luandri. “Maar as die waarheid moet uitkom, kan dit sy loopbaan as dokter in die weegskaal plaas en sy kan nie toelaat dat dit met hom gebeur nie.” Tog kan Karen dinge nie net so los nie – en dit kan beteken haar en Liam se verhouding is verby nog voor dit ooit werklik begin het. MEER OP SY VOETE Karen is moedeloos ná haar argument met…

Goeie dag. Dankie vir al die nuus in tvplus. Ek geniet jul tydskrif. Sê jou sê . . . Piet in Binnelanders – hy lyk rêrig sleg. Ek dink hy steel ietwat van sy karakter by Peter Falk . . . wat destyds lt. Columbo gespeel het. Die verslonste speurder met die ou goor kar. Nie mooi nie. Skurke lyk nie altyd so nie. Dan antie Poppie in Arendsvlei. Asb. tog. Sy was altyd in 7de Laan my gunsteling totdat sy sulke gewraakte uitlatings in die openbaar gemaak het. My respek vir haar verloor. Het opgehou 7de Laan kyk. Ek kyk Arendsvlei. Puik program. Maar wie kom neuk dit op? Antie Poppie. Asb. Arendsvlei. Stuur haar terug vir 7de Laan. Sy hoort daar. Sy het haar gewildheid verloor en laat…

BLOODLANDS Die nuwe BBC/BritBox-misdaadreeks Bloodlands speel af in die moderne Noord-Ierland, maar draai om die konflik tussen die soektog na geregtigheid vir die verlede en die broosheid van vrede. “Bloodlands het my aangetrek vanweë my betrokkenheid by ’n liefdadigheidsorganisaie genaamd Wave en sy werk met slagoffers en oorlewendes (van The Troubles – die probleme van Noord-Ierland se vryheidstryd met Brittanje) oor die jare,” sê die hoofspeler, James Nesbitt, as die rugbymal-speurder Tom Brannick. “Ek het gepraat met polisiemanne wat ek ken oor hoe dit was tydens The Troubles. Ons het ’n polisie-adviseur op die stel gehad vir die tegniese goed, die manier waarop jy met mense kommunikeer, die verhoudings wat jy het, die aandag aan detail, in die besonder die kommer oor die konstante bedreiging deur die paramilitêre groepe. Maar…

Die restourasiereeks Car SOS, Dinsdae op National Geographic (*181) om 19:00, is ’n petrolkop se droom. Die aanbieders – die ingenieur en motorjoernalis Tim Shaw, en die meesterwerktuigkundige en musikant Fuzz Townshend – is die soort pelle waaroor jy droom om as jou garagebesties te hê. En hulle is hier om medemotorliefhebbers te help met projekte waarmee hulle moed verloor het. “Dis ’n program oor mense wat motors betrek, pleks van ’n program oor motors wat mense betrek,” verduidelik Fuzz. “Ons kan ’n paar mense se drome weer op dreef kry, want ons het te doen met situasies waar die lewe in die pad gekom het, en dit kan met enigeen gebeur.” Lees verder hoe Fuzz gesels oor waarom ’n klassieke Rolls Royce beter as selfs ’n elektriese motor sal…

Voetspore: Zambezi Seisoen 11 Maandae SABC2 (*192) 19:30 Op die jong ouderdom van 26 het Streicher Badenhorst, wat nes sy pa, Johan Badenhorst, sinoniem is met die leefstylreeks Voetspore, besluit om sy rugsak op te hang en te fokus op sy loopbaan as ’n beleggingskonsultant. “Voetspore: Zambezi was my 10de reis en ek het gevoel dis ’n goeie afgeronde syfer om my avonture mee te eindig,” sê Streicher. Maar dis nie te sê sy avontuurlus is nou totaal geblus nie, en wanneer die tyd in die toekoms reg is, sal hy graag sy Voetspore-reise wil hervat. Maar vir eers kan hy ook saam met ons na sy laaste reis, Voetspore: Zambezi, kyk waar die span die magtige watermassa verken en Streicher veskeie roerende tonele op kamera vasvang. DIE EERSTE REIS…

Poena Seisoen 1 Maandae kykNET (*144) 20:00 Die akteur Kaz McFadden, wat die onnutsige Poenie in die komediereeks Poena vertolk, sê Poenie aard nogal baie na sy neef Poena (Robbie Wessels) maar hy het minder ambisie en dryfkrag as Poena. “Poenie is eintlik ’n tipiese jong man. Hy wil so min moontlik doen vir soveel moontlik geld,” sê Kaz. Die twee vabonde, wat by hul oupa Poen (At Botha), wat tydelik in Paternoster woon, se loodgietersbesigheid werk, het baie streke en hulle kom nogal goed oor die weg. “Behalwe wanneer hulle om hul oupa Poen se aandag meeding of na dieselfde meisie vry,” voeg Kaz by. KOSTELIKE KOMEDIE Dit voel amper soos vakansie wanneer Kaz op die stel is. “Dit is soveel pret om saam met Robbie en die ander…

Ai tog! Die arme Oos-Wes-restaurant se personeel gaan omtrent gebuk onder drama. Eers is die bestuurder Bianca (Simone Biscombe) onlangs ontvoer, en nou bedank die kelner Justin (Eden Classens) – vir die soveelste keer! – wat die mede-eienaar en sjef Kaashifa (Jawaahier Petersen) in ’n moeilike posisie plaas. Justin is oortuig daar is iets anders vir hom daarbuite, maar hy gaan gou agterkom Oos-Wes is dalk nie so ’n slegte werkplek om lewenskoste te kan dek nie. GESMELTE ROOMYS Eers lyk Justin se vooruitsigte by Oos-Wes rooskleurig wanneer hy as assistent-bestuurder aangestel word, maar dan begaan hy ’n fout. “Hy loop die aflewering van roomys mis en wanneer hy by Oos-Wes opdaag, staan die roomysbakke voor die geslote deure waar die verskaffers dit gelos het en dit het gesmelt,” sê…

Die Hoërskool Arendsvlei se opsigter Hein (Merlin Balie) het ’n groot hart en sedert hy en sy geliefde Yvette (Charlene le Roux) in April hul huis en hart vir Ruby (Boudine Ballem) oopgemaak het, gaan dit baie beter met haar en is sy op die herstelpad. Ruby is haar hele lewe lank deur haar ma, Denise (Chantal Herman), siek gemaak omdat haar ma aan die geestesiekte Münchhausen-sindroom ly. Of Ruby ooit weer haar ma wat tans in die tjoekie is, gaan sien, weet niemand nie, maar dit lyk nie asof dit haar tans veel pla nie – nie met liefde wat op die horison wink nie . . . GEVOELENS ONTWIKKEL Hein se seun, Anton (Dean Richard Olivier), is bly om Ruby in hul huis en gesin te verwelkom, en…