Innholdsfortegnelse for 07 April 2022 i TV Plus Afrikaans

Van Maandag 11 April af pas e.tv sy skedule aan om vir plaaslike inhoud voorsiening te maak. Die grootste verandering in die programrooster is die Amerikaanse sepie Days Of Our Lives wat ná ses jaar op die kanaal tot ’n einde kom. Dit was toe e.tv dit begin uitsaai het nadat SABC3 die sepie in 2017 gekanselleer het ten gunste van plaaslike reekse. Om die gaping te vul wat deur Days gelaat word, is twee plaaslike telenovelles tot die e.tv-skedule vir spitstyd op weekdae toegevoeg: Isono, wat aanvanklik op BET Africa (*124) uitgesaai is, en e.tv se oorspronklike produksie The Black Door. Bennum van Jaarsveld, korporatiewe kommunikasiebestuurder by eMedia, verduidelik: “Die verandering in die skedule kom al lank aan. Met elke sakemodel heroorweeg ons voortdurend doeltreffendheid en optimimalisasie by e.tv.…

Laat Die Potte Prut: Kampioene Seisoen 1 Donderdae VIA (*147) 20:00 (begin 14 April) Potjiekos het al ’n tradisie in ons land geword en is ’n saambindende faktor wanneer familie en vriende gesellig om een pot op die kole kuier. Nadat 13 seisoene van Laat Die Potte Prut op VIA uitgesaai is (2016 tot 2021) het die produksiehuis Media Club besluit om die room van die potjiemakers bymekaar te kry om die kampioenpotjiemaker te kroon. “Die kompetisie is nie net ’n gewone kookkompetisie nie, dis ’n kombinasie van MasterChef, Survivor en Big Brother,” verduidelik die mede-beoordelaar en koskenner Marinda Engelbrecht. “Die deelnemers woon almal in dieselfde huis en weg van die potte broei allerlei onderlinge drama, rugstekery en agendas om die ander deelnemers te onttroon.” WEN-KRITERIA Die grapjas en akteur…

Dinge tussen Danni (Vashti en haar verloofde Siya (Gantane Kusch) is bittersoet, want al is hulle in die wolke oor hul onlangse verlowing, gaan haar pa Simon (Elton Landrew) vinnig agteruit nadat hy met motorneuronsiekte gediagnoseer is. Hy doen alles in sy vermoë om die agteruitgang vir sy dogter weg te steek terwyl sy haar droomtroue beplan. “Danni wil so graag opgewonde wees oor haar en Siya se groot dag wat om die draai is, maar hoe vier jy fees wanneer jou pa siek is en dinge vir jou wegsteek?” vra Vashti. Simon probeer sterk wees voor Danni wanneer sy hom by die troureëlings wil betrek, maar sy liggaam is besig om in te gee. En wanneer die troue uiteindelik aanbreek, is daar groot drama . . . OP DIE…

Dit het die afgelope paar maande gelyk asof daar geen keer is aan die uitgeslape Amanda (Natasja Jacobs) en haar bondgenoot en minnaar, Matt (Sean Brebnor), se wraakplanne nie. Matt se doppie is intussen geklink nadat hy op aanklag van bedrog en afpersing in hegtenis geneem is. Maar nou is die wiel besig om ook vir die hoofskakelbeampte van die Stryders te draai – en sy moet haar wonde stoksielalleen lek. DESPERAATHEID Amanda het twee weke terug probeer om haar reputasie te red nadat dit op die lappe gekom het sy en Matt was kop in een mus om die HUB van die Stryders, Schalk (Johan Scholtz), met vertroulike inligting vir geld af te pers. Nadat sy op Candice (Claudia Jones) se kletsprogram oor haar mislukte verhoudings met Matt en…

Die lekker ding van TV kyk, is jy hoef nie altyd vasgenael voor die skerm te sit en elke liewe klein detail in te neem om ’n reeks te volg nie. Inteendeel, die stroomdiens Showmax het ’n hele klomp inhoud wat jy op die agtergrond kan laat speel terwyl jy jou take verrig, van koskook tot skoonmaak, en selfs e-pos tik en WhatsAppboodskappe stuur . . . BROOKLYN NINE-NINE Speurder Jake Peralta is die smeulendste polisieman in Brooklyn. Hy’s ook die leier van die bontspul uitspattige karakters in sy kantoor wat nietemin altyd hul man kry. Van die puntenerige kapt. Holt (Andre Braugher) tot die oningeligte smulpaap Scully (Joel McKinnon Miller) en Hitchcock (Dirk Blocker), verander die span die mees alledaagse ondersoeke in ’n reeks dol polisieblapse. Dit is perfek…

Net Koffie Seisoen 3 Sondae kykNET (*144) 17:00 (begin 10 April) Sondagmiddae is gemaak om jou skoene uit te skop, ’n koppie boeretroos te geniet en in te skakel vir ’n episode van die leefstylreeks Net Koffie waar jy alles onder die son oor dié warm drankie kan leer en beleef. ’n Splinternuwe derde seisoen van Net Koffie begin eersdaags op kykNET en dié keer gaan die koningin van koffie en TV-persoonlikheid Henriëtte Marx die koffieplase in die Sentraal-Amerikaanse land El Salvador verken en meer leer oor die unieke verhouding tussen koffie en vulkane. KOFFIEPOTENSIAAL As ’n sakevrou, koffiekenner en eienaar van haar eie koffiemaatskappy Coffee Excelence, is Henriëtte altyd op die uitkyk vir unieke spesialiteit-koffiesoorte wat sy na Suid-Afrika kan bring. “In seisoen 2 het ons gereis na Nicaragua…

Op My Eish! Seisoen 2 Donderdae kykNET (*144) 20:00 (begin 14 April) Die tyd het uiteindelik aangebreek vir die akteur Francois Jacobs (bekend vir sy rol as Sampie de Klerk in die Afrikaanse fliek Vir Die Voëls) om liefde op die kassie te vind. Vyftien pragtige vroue het die kans gewaag om in te skryf vir die maatsoekreeks en Francois beter te leer ken, en hopelik stap Francois nes die akteur Neels Van Jaarsveld (Luan in die dramareeks Dwaalster) wat aan seisoen 1 deelgeneem het, weg met ’n pasmaat wat hom op alle vlakke vervul. ELKEEN UNIEK Met die hulp van Francois se wingman, die komediant Schalk Bezuidenhout, reis Francois, Schalk en 12 van die 15 deelnemers (ná hy 3 aan die begin groet by wie hy nie aanklank gevind…

Hillside is ’n klein voorstad. Wanneer Werner (Zak Hendrikz) dus sy werk verloor en op ’n straathoek vir werk bedel, is dit geen verrassing wanneer hy opgemerk word nie! Net twee dae nadat hy afgedank is as afleweringsman by ’n apteek, word Werner se geheim ontbloot. “Die hoofrede waarom hy sy werk verloor het, was omdat hy weens sy kondisie, disleksie weens trauma, kliënte se medikasie deurmekaar laat raak het. Sy familie was so trots omdat hy ’n werk gekry het, hy kon hulle nie teleurstel deur aan hulle te erken hy het sy werk verloor twee dae nadat hy begin het nie,” onthul Zak. Werner vaar dus die strate in skaamte in met ’n plakkaat in die hand en bedel vir ’n werk. Maar dinge boemerang wanneer sy tienerseun,…

Groot gevaar! Dís die situasie waarin arme Bianca (Simone Biscombe) haarself bevind. Sy is deur die wrede suster Graaff (Marion Holm) se seun, Dirk (Evan Hengst), ontvoer, en as suster Graaff haar sin kry, gaan sy óf ’n reuse-losprys van Bianca se familie kry, óf sy gaan Bianca se organe oes om haar pond vleis te kry. VERWARREND Suster Graaff het verlede jaar AB (Cedwyn Joel), Bianca se ma, Mymoena (Jill Levenberg), se man, sý onwettige nieroorplanting sonder sy medewete bemiddel. Toe AB daarvan uitvind, het hy sy halfbroer, Nazeem (Irvine van der Merwe), wat die oorplanting gereël het, en suster Graaff by die polisie verklap. Suster Graaff het al haar geloofwaardigheid verloor en neem nou wraak deur Bianca te ontvoer. “Bianca is verward wanneer sy besef wie agter haar…

VERLEDE KEER Jack was in ’n tweestryd oor die pyn wat hy vir JJ veroorsaak het nadat Jack vir Haley ontmasker het as ’n burger sonder dokumente, Ben wou sy verhouding met Ciara beëindig, en John het iets by Leo gesteel. IN DIÉ UITGAWE Terwyl Kayla vir John en Brady vertel verpleegster Shelly is dalk by Marlena se vergiftiging betrokke, konfronteer Shelly vir Diana en dreig om haar te verklap. Stefan en Gabi het ’n hewige argument oor Gabi Chic, John sit by Marlena se bed en spoor haar aan om vas te byt, en Leo loer in. Die alarm op Marlena se monitors gaan af en Kayla en Sarah probeer haar red, en Marlena wat steeds in ’n koma is, droom sy is vasgevang tussen die hemel en die…

Welkom in Tannie Maria se kombuis in die Karoo, waar sy ’n versnapering vir jou berei het. Dit bevat die geur van die beste plaaslike toneelspeltalent, en ’n gesonde skeut moordraaisel met tikkies komedie en romanse. En dit word as ’n Sondagaandgenot voorgesit op M-Net (*101). Met só ’n heerlike kombinasie, het ons Tannie Maria Purvis self, die aktrise Maria Doyle Kennedy, mooi gevra vir ’n voorsmakie van wat om te verwag, en ’n paar van dié “sunshine noir”-reeks se geheime bestanddele . . . TANNIE MARIA SE RESEPGEHEIME Wat was een van die sleuteloomblikke wat Tannie Maria beskryf wat jou laat dink het: “Ek ken jou!”? Toe Tannie M en Jessie rondsluip op pad om by die Burgers se huis in te breek, en Jessie sien Tannie M dra…

Tiaan Proe Seisoen 1 Dinsdae kykNET (*144) 21:00 Die lewe het sjef Tiaan Langenegger die afgelope twee jaar ’n paar taai klappe uitgedeel, maar ten spyte daarvan het hy die stof van sy broek afgevee en met mening na die koswêreld teruggekeer – en nou is hy weer op die kassie! Tiaan Proe is die derde reeks waarin Tiaan agter die kospotte inskuif. Ná sy vorige twee reekse, Tiaan Onthou (2018) en Tiaan Kook (2020), voel dit vir hom of hy nou ’n sirkel voltooi het met Tiaan Proe. In hierdie reeks maak Tiaan huiskos, kuier en eet saam met familie, geniet lekker tye en herleef al die nostalgiese kosherinneringe wat daaraan verbind is op die skerm. Plus, natuurlik deel hy smaaklike resepte. HOU DIE POT AAN DIE KOOK “Baie…

Waarheid Met Max Seisoen 1 Sondae kykNET (*144) 20:00 In die nuwe insiggewende reeks Waarheid Met Max gesels vyf gesoute ondersoekende joernaliste en ’n fluitjieblaser openhartig met Max du Preez, veteraan-joernalis, skrywer, redakteur en stigter van die koerant Vryeweekblad (1988) en vryeweekblad.com (2019). Hulle fokus op onderwerpe soos staatskaping, grootskaalse korrupsie, onderduimse onderhandelings en misdaad wat hulle in die media sowel as in blitsverkoperboeke oopgevlek het. “Suid-Afrika se dapper bende ondersoekende joernaliste is een van die steunpilare van ons demokrasie en ons oop gemeenskap,” sê Max. Max vertel meer oor die nuwe reeks. Wat is die doelwit van die reeks Waarheid Met Max? Daar is ’n stortvloed van inligting (en disinformasie) oor korrupsie, wanbestuur en magsmisbruik in Suid-Afrika. Die publiek raak vuisvoos, kan nie alles verwerk nie en skakel maklik…

Dinge lyk nie goed vir drs. Annelize (Cindy Swanepoel) en Tertius (Reynardt Hugo) ná hul onlangse motorongeluk nie. Annelize ly aan geheueverlies en Tertius is in ’n koma om enige verdere skade aan sy liggaam te voorkom. Die hele ongeluk is verdag. “Al wat Annelize kan onthou, is sy en Tertius was op pad om Jazzy (Stephanie Ndlovu), die Tik-Tok-ster, te gaan sien toe daar ’n skerp lig voor hul motor skyn en sy toe later in die Binneland-kliniek wakker word,” sê Cindy. “Of iemand in ’n ander motor hulle opsetlik in ’n ongeluk laat beland het en of hulle net beheer oor die voertuig verloor het, weet Annelize nie. Maar sy is nie oortuig dit was net ’n ongeluk nie.” Om die misterie te ontsyfer begin Annelize self ondersoek…

Angel (Chelsea Faith Thomas) het een leeukuil geruil vir ’n ander een en die ergste van alles is sy besef nie sy is in gevaar nie. In Maart, toe sy sak en pak by die Cupido’s se huis opgedaag het nadat sy van haar bose ma Dorothy Galant (Ilse Klink) ontsnap het, was sy verheug om haar groot liefde Daniel (Cantona James) weer te sien. Maar hul geluk was van korte duur want die Cupido’s het gou vir Angel die deur gewys weens hul eie probleme en vrese vir Dorothy wat hulle sou teiken. En toe beland Angel op die boosaard Ingrid  (Rehane Abrahams) se voorstoep. “Ingrid het ’n klomp leuens vir Angel vertel, soos dat Dorothy destyds vir Steve (Elton Landrew), Ingrid se kêrel, vermoor het wat Angel se…