Innholdsfortegnelse for 10 February 2022 i TV Plus Afrikaans

Boer Soek ’n Vrou Seisoen 14 Donderdae kykNET (*144) 20:00 Die aanbieder Marciel Hopkins (28), wat help om Kupido vir enkellopende boere in die realiteitsreeks Boer Soek ’n Vrou te speel, se liefdespad loop parallel met dié reeks. “Ek het op 24 Julie 2020 tydens die voorproduksie van die reeks verloof geraak en trou op Saterdag 9 April, wanneer die huidige seisoen ten einde loop,” vertel sy blinkoog. En omdat sy self die pad gestap het, maak dit haar taak soveel makliker om die deelnemers op hul onderskeie paaie na die liefde te begelei. MEER ONDERVINDING Marciel, wat van 2012 tot 2014 drama aan die Universiteit Stellenbosch gestudeer en die jaar daarna haar honneursgraad in sielkunde verwerf het, het van jongs af plaaslik en oorsee haar merk as fotografiese model…

Stoofstories Met Marinda Seisoen 1 Woensdae VIA (*147) 17:00 (begin 9 Februarie) “Kos is ’n sentrale deel van mense se lewe,” meen die kosfoendi en TV-persoonlikheid Marinda Engelbrecht wat in Februarie te sien is in ’n splinternuwe kosprogram op VIA, Stoofstories Met Marinda. “Van geboortes, troues, verjaardae tot begrafnisse – by elke geleentheid is daar kos, en by dié geleenthede word stories vertel en herinneringe geskep. En dís wat ek en my gaste in die nuwe reeks gaan doen terwyl ons disse maak wat ’n goeie of slegte herinnering by hulle opwek,” sê Marinda. “Dis ’n soet-en-sout-program: Soet vir dit wat ’n glimlag op jou gesig sit, en sout vir dit wat jou ’n traan laat stort.” DIE GASTE EN GEREGTE Vir die reeks van 13 episodes het Marinda van…

Slim polisiewerk is noodsaaklik om misdadigers te arresteer. Soms moet die polisie op die onwaarskynlikste plekke hulp soek; soms is hul harde werk vrugteloos. Maar soms bewys hulle ouer sake kan opgelos word, soos in dié programme op CBS Justice (*170) . . . GREEN RIVER KILLER Daar word vermoed Gary Ridgway het 49 vroue vermoor, en sy slagoffers was meesal prostitute en vroue wat weggeloop het. Die meeste van hulle is naak langs die Green River in Washington gevind en met hul eie klere verwurg. Hy het presies geweet hoe om die polisie te ontwyk, en dit was slegs met behulp van ’n ander berugte reeksmoordenaar wat die polisie hom kon vastrek. Toe hulle hom uiteindelik gearresteer het, het hy nóg meer moorde beken. Hy het selfs beweer om…

Die argitek Tim du Plooy (Marco Spaumer) is ’n man met ambisie en om sukses in die eiendomswêreld te behaal, is vir hom van groot belang. Toe hy dus onlangs die kans kry om eiendom langs die kus te koop, het hy dit met al twee hande aangegryp. Maar sy droom om die eiendom te laat ontwikkel het in duie gestort omdat hy nie sy huiswerk behoorlik gedoen het nie, en nou sit ou Timmy met ’n dilemma! “Die betrokke eiendom is jare terug onderverdeel, wat beteken daar is ’n kothuis op ’n klein erfie wat eintlik die eiendomme skei. “Dit beduiwel Tim se planne vir ’n ontwikkeling oor albei eiendomme, want hy het die erf waarop die kothuis staan, ook nodig om dit te kan deurvoer,” verduidelik Marco. Maar…

Niks is ooit gewoon of tradisioneel wanneer dit by Elise (Lindie Stander) kom nie. Nee kyk, dié mediese verteenwoordiger hou daarvan om uit te staan en aandag te trek, en wanneer dit by haar troue kom, wil sy ’n extravaganza hê! “Sy wil ’n rooi broekpak dra, ’n spitbraai gooi en op die musiekgroep Queen se liedjie Bohemian Rapsody na die kansel loop,” sê Lindie. Allesbehalwe tradisioneel . . . en wanneer sy dit aan haar verloofde, ds. Wynand (John-Henry Opperman), en sy gemeentelede vertel, rek hul oë soos pierings! Elise se idee van die perfekte troue is egter nie die enigste penarie waarin Wynand hom bevind nie: Die man se oë begin dwaal na Elise se goeie vriendin Annetjie (Lorraine Burger). WAT LAAS GEBEUR HET Elise en Wynand is…

Dis die maand van liefde – ten minste vir sommige Hillsiders! In die kollig in Kupido se altyd komplekse romansespeletjie is twee vroue wat reeds geruime tyd gereed is vir ’n verhouding: Vanessa (Ingrid Paulus) en Shady (Beàta Bena Green). Maar soos dinge gewoonlik in die Laan gebeur, gaan albei dames drama ervaar in hul soektog na ’n minnaar. MOET NOG GROEI Nadat sy slegs een ernstige verhouding – met Romeo Peterson (Clint Aplon) – gehad het sedert haar aankoms in Hillside in November 2020, sê Beàta haar karakter is meer as gereed vir die liefde! “Ek glo Shady moes nog baie groei toe sy met Romeo uitgegaan het, maar haar liefde vir hom en sy familie is ongeëwenaard.” Toe die twee dinge einde 2021 beëindig het, was dit moeilik…

Survivor: David vs Goliath Seisoen 37 Maandae SABC3 (*193) 21:00 Die oupa van realteits-TV, Survivor, het sake gemeng vir seisoen 37 in 2018 – gewone gestrandes, die Davids, het teen die bekendes en toppresteerders, Goliaths, meegeding. “Dit is een van die bestes, want daar is so baie nuwe elemente,” sê die aanbieder Jeff Probst. Die ouderdomme verskaf is soos tydens hul deelname. En waar is almal in 2022? DAVID-STAM Die Davids in die seisoen is gewone Jan Allemans (en -vroue) wat die vervaardigers se aandag getrek het. BI NGUYEN (28, MMA-vegter)  TOE Die Viëtnamees gebore hokvegter het by die bedryf probeer inkom en wou ’n beroepsvegter word. NOU Haar droom het waar geword, al is dit nie vir ’n groot handelsmerk nie – sy veg vir One Championship as Killer…

Ou Toppies Seisoen 1 SABC2 (*192) Dinsdae 19:30 (begin 8 Februarie) Om af te tree en in ’n tehuis vir bejaardes te gaan woon, beteken nie noodwendig dat jou lewe nou saai en eentonig gaan wees nie. Trouens, dit kan nogal opwindend en prettig wees. Wanneer ’n afgetrede akteur Boetus (Tobie Cronjé) sy oorlede ma se goed in ’n ouetehuis oppak en dan ’n paar dae in haar kamer woon, besluit hy sommer om dit nou sy permanente woonplek te maak. “Ou Toppies gee kykers ’n ander blik op die lewe in ’n aftreeoord. Die komediereeks is vol jolifikasie en baie pret,” vertel Tobie, ’n gesoute akteur en komediant. VERSKILLENDE PERSOONLIKHEDE Die reeks is baie vermaaklik, sê Tobie. “Dit is so ’n bietjie van ’n klug en daar’s heelwat misverstande.…

Dit was ’n donker dag verlede jaar toe die Galants se bose dade en betrokkenheid by die mensehandelsindikaat in Arendsvlei aan die lig gekom het, en die matriarg, Dorothy Galant (Ilse Klink), en haar dogter Angelique (Angel) (Chelsea Faith Thomas) onder dwang moes vlug. Angel se hele lewe het in ’n oogwink verander toe sy die waarheid oor haar familie en hul misdadige aktiwiteite uitvind, en boonop is sy weggeruk van haar geliefde kêrel, Daniel (Cantona James). Daniel het vir lank oor Angel getreur toe sy Arendsvlei verlaat het, maar een aand is daar onverwags ’n klop aan die Cupido’s, waar Daniel bly, se deur. En wie staan daar in lewende lywe voor Daniel? Sy geliefde Angel! WAT HET GEBEUR? “Hy is buite homself van skok,” sê Cantona oor Daniel…

Justin (Eden Classens) en Susan (Natasha van der Merwe) moes hard baklei om hul verhouding te koester ná die drama einde verlede jaar toe Susan van haar vrou, Elana (Esther von Waltsleben), geskei het. Dinge het lelik geraak, en Elana wou Susan seermaak deur die embrio – uit Susan se eiersel – vir haarself te vat, maar Elana het geleidelik die pyn laat gaan en aanbeweeg. Met almal nou op ’n beter plek wil Justin vir Susan wys hoe ernstig hy oor haar is, en daarom raak hy ontslae van alle geskenke en briefies van vorige meisies by wie hy betrokke was. Maar met die uitsmyt wurm daar onverwags ’n eksmeisie, Samantha (Hannah Borthwick, Leandré in die aksiereeks Die Boland Moorde) haar terug in Justin se lewe – en sy…

Candice (Claudia Jones) en haar Stryder-man Liam (David Johnson) se lewe het so twee weke terug in ’n nagmerrie ontaard nadat ’n vreemde man Candice buite die kuierplek Pottie’s geskiet het. Die man wou wraak neem nadat sy vrou op Candice se geselsprogram Klits En Klets openhartig oor hul egskeiding gesels het. Candice het die skietongeluk wonderbaarlik oorleef, maar kort daarna moes die paartjie nóg ’n groot skok verwerk: Die koeël is deur Candice se baarmoeder en dit beteken sy sal nooit eendag kinders kan hê nie. Nou besluit Candice, tot almal se verbasing, om op haar program ’n persoonlike onderhoud met die boosdoener te voer. DANKBAARHEID EN VREDE Claudia sê Candice was ná die skietery baie verlig en dankbaar sy leef. “Nadat die trauma ingesink het, het sy besef…

S y’s sedert die vroeë 2000’s ’n ikoon in Hillside, en het vir van die magtigste families in die Laan gewerk. Sy was daar vir die onvergeetlike familiegevegte, hartverskeurende eindes van verhoudings en selfs moord – maar ons het haar gesig nog nooit gesien of haar stem gehoor nie . . . tot nou. Dié Februarie ontmoet ons Evelina (Meme Ditshego, Elsie in die TV-fliek Sterk Skemer), die kok van wie kykers vir langer as 20 jaar slegs die naam ken. BETROUBAAR Evelina was oor die jare heen ’n voortdurende teenwoordigheid in die lewe van talle legendariese families met haar spesialiteitsgereg Evelina Se Niertjies, wat almal lippe laat aflek. Van wyle Madel Terreblanche (Wilna Snyman) en haar gekwelde familie, tot die gerespekteerde skrywer Ryno Lategan (Chris Vorster), en die voormalige…

Die 2020’s en die wêreldwye Covid-pandemie het die kollig laat val op al die werk en werkers wat ons soms as vanselfsprekend aanvaar, al sal ons wêreld tot stilstand kom daarsonder. En aangesien noodsaaklike werk dikwels hard, veeleisend en moordend is, pas dit so reg in die kraam van ’n man genaamd Mike Rowe en sy klassieke realiteitdokkiereeks Dirty Jobs (2003-2012), Dinsdae op Discovery Channel (*121) om 20:55. Dit was tyd vir ’n herlewing en Mike (nou 10 jaar ouer sedert hy dit laas gedoen het) het in 2021 die pad gevat met sy kameraspan om ’n dag te bestee saam met mense wat die vuilste, sweterigste en vreemdste take verrig wat hy kon vind . . . met ’n tikkie humor. Ons het natuurlik vir hom vrae gehad .…

Louis (Germandt Geldenhuys) en Naomi (Je-ani Swiegelaar) se huweliksbootjie vaar in troebel waters. Dinge is nie lekker nie en Louis se prioriteite het verander sedert hy begin Januarie al hoe meer fokus op die groei en ontwikkeling van sy sangloopbaan – en sy verantwoordelikhede by die Doepa-kuierplek aan Naomi oorgegee het om te behartig. Terwyl Louis se aandag agter die mikrofoon in die ateljee of by ’n optrede was, het Naomi hulp en emosionele ondersteuning by haar eksverloofde, Kobus (Robbie Wessels), gevind nadat sy Kobus onlangs aangestel het om herstelwerk by Doepa, asook hul eie huis te doen. Louis was ontsteld toe hy uitvind Kobus is weer in die omtrek en dit het tot argument op argument tussen die paartjie gelei– wat Naomi laat besluit het dis nou tyd om…

Wanneer Nesie se ma, Nytjie (Monique Nortjé), vir Nesie (Melissa Massyn) en Buks (Adriaan Marais) vra of haar niggie se tienjarige dogter Petro (Méla Swanepoel) tydelik by hulle kan bly, is Nesie eers huiwerig. “Sy besef dit is ’n groot verantwoordelikheid om vir ’n kind te sorg, veral ’n kind wat uit ’n huis met huishoudelike probleme kom,” sê Melissa. Maar Nesie is baie lief vir haar familie – en haar hartjie is eintlik maar klein – en sy stem uiteindelik in wanneer sy hoor Petro se ma is in ’n rehabilitasiesentrum. GROOT UITDAGING Nesie wil vir Petro die veilige hawe bied wat sy verdien, vertel Melissa. “Maar Nesie besef reeds met die intrapslag Petro is nie gedissiplineer nie, en besef ook sy sal grense moet stel en haar voet…

Telemundo Daagliks 21:00 VERLEDE KEER Constanza se uitweg was om Plutarco ’n inkriminerende video te wys om aan hom te bewys Elisa kan nie meer vertrou word nie, dr. Bárcenas en Emiliano het saam drankies gaan drink, en Constanza is ’n ander video gewys wat haar geruk en woedend gemaak het. IN DIÉ UTGAWE Plutarco is ’n gebroke man wanneer hy sy egskeidingsertifikaat lees, Constanza is in ’n ongeluk betrokke en word na die hospitaal geneem, en Jimena en Ramiro het ’n hewige argument. In die hospitaal stem Constanza in om saam met Sebastián te reis, Ramiro is gretig om ’n kind te hê en vra Jimena hoe sy voel oor ’n surrogaat, en Remedios is uit die veld geslaan deur Emiliano se loopbaanplanne. Luis vra Jimena uiteindelik om verskoning,…

Die manne van Ram Vir ’n Rus sleep Suid-Afrikaanse mans se naam darem deur die modder. Hulle is ongeskikte bullebakke. Geen wonder hulle kry nie Suid-Afrikaanse vroue nie. – ANONIEM, PER SMS Die manne is beslis interressant! Dit is elke week vir my ’n hoogtepunt om te kyk. Ek het VIA gevra wat dink hulle van die stelling, en die antwoord was soos volg: “Ag, dis darem nie heeltemal regverdig nie. Dis maar rof so voor ‘n kamera en van hulle is eintlik dierbaar. Hulle het hul alles gegee vir die proses: Daar was hoogtepunte en laagtepunte! En ja, soms was hul optrede en reaksie nie heeltemal aanvaarbaar nie. Maar hulle was darem nie net onbeskof nie. Om jouself oop te maak vir ’n ervaring waar jou soeke na liefde…