Innholdsfortegnelse for 27 January 2022 i TV Plus Afrikaans

Dis byna ondenkbaar dat ons reeds weer aan die einde van Januarie is. Die vakansie-herinneringe kleef nog aan my en dit voel asof my werk-muse ook nog êrens ronddwaal. En nadat ek ’n paar dae nie by ’n TV was nie, kon ek nie my oë glo toe ek al die verwikkelinge sien wat in sepiestorielyne gebeur het nie. Donovan in Suidooster is toe werklik dood (bl. 20), Bonita het Lana help ontsnap in 7de Laan (ble. 26-27) en Simon is uiteindelik reg om vir Lulu te sê hy is lief vir haar in Getroud Met Rugby (bl.25). Dit is heerlike drama om 2022 mee te begin! Boonop het ons in dié uitgawe ons gebruiklike dubbelblokraaie en ek hoop julle geniet dit net soveel soos ek. Daar is vir my…

Naam: Genevieve Terblanche. Pos: Senior skrywer. Nuwe jaar, dieselfde onvermybare self. Ek kyk nou: Seisoen 1 van die Koreaanse sci-fi-reeks The Silent Sea op Netflix. My mening oor die reeks: Die Aarde word in 2075 ’n woesteny wanneer waterbronne reg oor die wêreld begin krimp.’n Laaste ekspedisie word gestuur na Korea se Balhae-maanstasie wat gesluit is nadat ’n stralingslekkasie geen oorlewendes gelaat het nie. Maar almal op die sending en die grond weet meer as wat hulle sê. En hoewel die werk wat op Balhae gedoen word die Aarde kan red, is dit ook ’n yslike bedrag geld werd. Die reeks se skryfspan het regtig meer wetenskaplike raadgewers nodig gehad, maar hul goeie storie hang nie af van geheime en verrassings om jou aandag te hou nie. En bestudeer gerus…

Benewens nuwe uitreikings is stroomplatforms die tuiste van klassieke reekse wat jy kan kettingkyk, asook nuwe, oorspronklike reekse wat nog nooit in Suid-Afrika uitgesaai is nie. Hul biblioteke groei en verander elke dag. Jou perfekte program wag dus op jou. Dis 2022, die toekoms is hier met ’n paar programme oor robotte . . . • AI: Robots Rebellion 2040 seisoen 1, dokumentêr, 2020, Amazon Prime Video. • Philip K Dick’s Electric Dreams seisoen 1, sci-fi, 2018, Amazon Prime Video. • Doug Unplugs seisoen 1, kinderanimasie, 2020, Apple TV+. • Raised By Wolves seisoen 1, sci-fi, 2020, Showmax. • Westworld, seisoen 1-3, sci-fi, 2016-nou, Showmax. • Transformers: Robots In Disguise seisoen 1-4, anime, 2015-2017, Showmax.…

1 Al sê die karakters hulle is by Monwabisi-strand in Kaapstad, is hulle nie – hulle is 5 km verder weg. 2 Die Macassar-strandpaviljoen by Kaapstad in episode 1 is ook in 2017 in seisoen 11 episode 2 in die Britse kultus-sci-fi-reeks Doctor Who gebruik. 3 Noel en Ashley is medeskeppers en uitvoerende vervaardigers van die reeks. Hulle doen ook van die skryfwerk, maar het ook ’n span skrywers. 4 Die program het ’n interaktiewe fliek uitgereik getiteld Bulletproof: The Interogation. Kykers kies opsies vir die storielyn deur hul rekenaar-sleutelbord te gebruik. 5 Seisoen 3 met sy drie dele is aangekondig selfs voor seisoen 2 in 2020 uitgesaai is. 6 Die hoofkarakters is genoem na Pike Bishop, ’n skietmal karakter in die Wilde Weste-fliek The Wild Bunch van 1969.…

Deur jou DStv Explora met die internet te verbind ontsluit jy ’n groter vermaakwêreld vir jou en jou gesin om te geniet. Jy sal soveel meer inhoud vind – insluitende meer realiteit, dokkies, kinderprogramme, sporthoogtepunte, boksstelle en vroeë toegang tot geselekteerde plaaslike en internasionale titels – wanneer jy jou dekodeerder aan die internet verbind deur ’n ethernet-kabel of DStv WiFikonnekteerder te gebruik. Indien jy die nuwe volgende geslag DStv Explora Ultra besit, kan jy maklik met die internet konnekteer deur die dekodeerder se ingeboude WiFi-eienskap en -funksie te gebruik. Vir ’n stap vir stap-gids hoe om jou Explora met die internet te verbind, besoek die DStv.com-webwerf.…

Talle bekendes wys ook weer gesig in die nuwe reeks. Onder hulle is: Andahr Cotton (Adam in die dramareeks Spoorloos: Heksejag) is Eddie, ’n werker by ’n gastehuis in episode 2. Lea Vivier (Lilani in die dramareeks Fynskrif) vertolk die rol van Azel, ’n bekende skilder in episode 3. Ilse-Lee van Niekerk (Jessica in die Showmax-reeks Troukoors) speel die rol van Liza, ’n kindersielkundige in episode 4. Schalk Bezuidenhout (Danny in die komediereeks Hotel) is te sien as ’n mimiekkunstenaar in episode 5.…

BOLD Brooke skrik wakker saam met Deacon in die bed nadat Sheila wraak neem op Brooke deur Brooke se drankie met ’n alkoholiese een om te ruil. Deacon sweer voor Brooke hulle het nie seks gehad nie en belowe om haar geheim te bewaar, maar Ridge vra Brooke ongemaklike vrae oor wat sy gedoen het terwyl hy weg was. Klein Douglas vertel Liam hy het gesien ouma Brooke soen vir Deacon, en Taylor besef hoe baie Sheila Brooke verafsku. Ridge gaan na ’n AA-vergadering om Brooke te ondersteun nadat sy haarself betrap sy wil drink, en Paris ontduik Zende se huweliksaanbod. DAYS Chad word aangestel as die alleen-HUB van DiMera Enterprises nadat hy Lucas help om EJ skuldig te laat lyk, en Sami en Lucas verlaat Salem nadat Sami EJ…

Redakteursnota: Toe dié uitgawe gesak het, was verskeie woordvoerders van die sepies nog nie terug van verlof om vrae te beantwoord en kommentaar te lewer op van die boodskappe nie. Hopelik met ons volgende uitgawe is almal weer getrou op hul pos, en kan ek vollediger verduidelikings gee. Kantlynopmerking: Al ooit gewonder hoekom ons praat van “saktyd”? Jare terug was die koerante se rolpers onder die nuuskantore. Artikels en berigte wat klaar geskryf is, is met ’n stelsel (amper soos ’n klein skag wat jy in hotelle kry vir skottelgoed) na onder laat sak tot by die rolpers waar dit dan op plate afgeëts en op papier gedruk is. Tot vandag toe praat die meeste Afrikaanse joernasliste van “ons het gesak”, menende ons is drukkers toe. Lucia, is dit regtig…

Woensdag UNKNOWN WATERS WITH JEREMY WADE NUWE REEKS! Seisoen 1 National Geographic (*181) 21:00 Episode 1 (dokkie) 26 Januarie Die dierkundige en hengelkenner Jeremy verken die Aarde se merkwaardigste riviere, mere, oseane en ander waterweë. Hy soek na Zambezihaaie in die Amasone en die Nylbaars in Kenia. RAM VIR ’N RUS SEISOEN EINDIG! Seisoen 1 VIA (*147) 20:00 Episode 13 (realiteit) 2 Februarie Al die paartjies is in die ateljee saam met die aanbieder, Rozanne McKenzie. Sy gesels met hulle oor die lodge, die saamwoon en die verbrokkelde verhoudings. Sy gesels ook met van die vroue wat terug is Rusland toe. Gemoedere loop hoog wanneer na sekere videosnitte gekyk word. Donderdag LOVE BACK NUWE SEISOEN! Seisoen 5 Mzansi Wethu (*163) 19:00 Episode 1 (realiteit) 27 Januarie Mzwandile Ngubeni (Elvis in…

By tvplus kyk ons ongelooflik baie televisie. En al hou ons dalk nie van alles nie, doen ons ons bes om elke program ’n regverdige kans te gee. Maar dis nie als werk nie. Ons raak diep verknog aan reekse. Stroomdienste laat ons toe om na hartelus te kettingkyk, en ons gunsteling-programme in te pas by al die regstreekse TV-kykery wat ons professioneel doen. Ons kan agteroor sit met ’n lekker opfrissertjie nadat ons intense dramas en rillers oor donker temas gekyk het. En soms kan ons afskakel en net ’n oomblik geniet wanneer ons kniediep in seisoen 4 van ’n reeks vol kinkels is met 40 verskillende sleutelkarakters. Hier is waarna tvplus kyk vir pret (benewens al die wonder-like Afrikaanse inhoud op kykNET en VIA) . . . TVPLUS…

4400 SHOWMAX | 2021-NOU | SCI-FI | SEISOEN 1 | KETTINGKYK VANAF DI. 1 FEB. Dié nuwe weergawe van die 2004-reeks fokus op ’n groep Afro-Amerikaners wat oor die afgelope 100 jaar verdwyn het en almal op dieselfde dag herverskyn en niks onthou van wat gebeur het nie. SUSPICION APPLE TV+ | 2022 | DRAMA | SEISOEN 1 | KYK VANAF VR. 4 FEB. Dié riller is geïnspireer deur die Israeliese TV-reeks False Flag. Vier Britse toeriste is verdagtes wanneer ’n VSA sakevrou se seun uit hul hotel ontvoer word. Met Uma Thurman, Kunal Nayar, Elizabeth Henstridge en Angel Coulby. SISTER BONIFACE MYSTERIES BRITBOX | 2022 | AKSIE | SEISOEN 1 | KYK VANAF DI. 8 FEB. Kyk weekliks twee nuwe episodes van dié splinterreeks van Father Brown. Suster Boniface…

Die skrywer, akteur en hoofskrywer van Die Byl, Leon Kruger, het verlede jaar onverwags weens Covid gesterf. Leon het lewe gegee aan die interessante en komplekse karakters, van die speurspan tot die reeksmoodenaars en booswigte, van dié uitsonderlike reeks. “Leon het nie net op my lewe nie, maar ook op baie ander mense se lewe ’n groot impak gehad met sy goedhartigheid en menswees,” sê die vervaardiger Elmarie. “Hy was ’n ongelooflik regverdige mens en het altyd alle kante van ’n saak gesien. Juis daarom was dit ’n plesier om saam met hom te werk, as ’n skrywer, maar ook as regisseur.” Amalia beaam dit. “Ek het eerstens vir Leon leer ken deur sy briljante tekste. Hy is ’n besonderse skrywer. Ek het die voorreg gehad om wel ’n paar…

26 Januarie 27 Januarie 28 Januarie 29 Januarie 30 Januarie 31 Januarie 1 Februarie 2 Februarie 3 Februarie 4 Februarie 5 Februarie 6 Februarie 7 Februarie 8 Februarie…

YELLOWJACKETS Seisoen 1 M-Net (*101) 21:30 Episode 3 (drama) 28 Januarie Die storie neem tydspronge tussen die huidige tyd en 1996 wanneer ’n hoërskool-meisiesokkerspan se vliegtuig neerstort in die Kanadese wildernis en die oorlewendes kannibale word terwyl hulle vir 19 maande verlore en alleen is en probeer oorleef. Yellowjackets vertel ook die verhaal van posttraumatiese stresversteuring en hoe ’n mens dekades later steeds kan ly, sê die hoofspeler Christina Ricci. “Die draaiboek het my van die eerste paragraaf af aangegryp. Dis ’n sielkundige rilrit, en ek dink wat dit so fassinerend maak, is dat dit is wat mense vrees: Om verlore te wees, vasgevang en alleen.” Christina se medester Juliette Lewis sê kannibalisme is steeds ’n taboe-onderwerp: “Maar wanneer jy in dié situasie is, is dit waarskynlik maklik om te…

THE WOMAN IN THE HOUSE ACROSS THE STREET FROM THE GIRL IN THE WINDOW NETFLIX | 2022 | KOMEDIE | SEISOEN 1 | KETTINGKYK VANAF VR. 28 JAN. Dié satire op flieks soos The Woman In The Window het agt episodes en is gemik op kykers se obsessie met ware misdaad. Anna (Kristen Bell) verwyl die tyd deur by die venster uit te staar en wyn te drink, tot ’n aantreklike man (Tom Riley) oorkant die straat intrek . . . en Anna glo sy het ’n moord gesien. GETTING CURIOUS WITH JONATHAN VAN NESS NETFLIX | 2022 | DOKKIE | SEISOEN 1 | KYK VANAF VR. 28 JAN. Die realiteitsreeks Queer Eye se Jonathan van Ness bied dié dokkiereeks aan en vra vrae oor enigiets van wolkekrabbers tot goggas,…

Awalmir Karimi ’n Moslem-tolk wat in Kandahar gebore is en daarna na Kaboel getrek het. Nadat hy die VSA weermag in ’n veldtog in die provinsie Helmand gehelp het, trek hy met ’n spesiale visum na die VSA en woon in Riley se garage nadat hy gedwing is om sy eie familie agter te laat. Riley Dugan ’n Marinier-vegveteraan wat sukkel om by die burgerlike lewe saam met sy familie in Ohio aan te pas terwyl hy PTSV hanteer, asook sy mislukte huwelik weens sy gefuif, sy adrenalienverslaafde leefstyl en dat hy ’n onbetroubare pa is. Lizzie Dugan (Elizabeth Alderfer) Riley se sussie wat van balans is sedert sy haar weermagverloofde in die oorlog verloor het. Sy woon steeds by die huis saam met hul pa en verwyl haar tyd…