Innholdsfortegnelse for 07 Oct 2021 i TV Plus Afrikaans

Nêrens, Noord-Kaap Seisoen 1 Dinsdae kykNET (*144) 20:00 Dinsdagaande sien ons die akteur De Klerk Oelofse (33) as die soekende swerwer Andries Adendorff in kykNET se dramareeks Nêrens, Noord-Kaap. Andries, die jongste van drie broers, reis die wêreld plat om sy wonde deur sy omswerwinge te heel. Dis ’n diep en ernstige storie. Maar Donderdagaande trek De Klerk op dieselfde kanaal ’n heel ander baadjie aan: Hy is die pittige aanbieder van die speletjieprogram Kyk Wie Praat wat oud en jonk vermaak. Of De Klerk nou voor die kamera is of op die verhoog, hy doen alles met onuitputlike energie en geesdrif. IN DIE GENE As die jongste van vyf kinders het De Klerk al vroeg sy liefde vir die verhoog ontdek. “Ek was Klein Duimpie in ’n skoolkonsert en…

Wat Dit Vat Met Loki Rothman Seisoen 1 Maandae kykNET (*144) 20:30 Hy toor met die gehoor wanneer hy op ’n kitaar tokkel, sy stem skep harmoniese klanke van agter die mikrofoon, en as musiekvervaardiger ryg hy treffers in. Musiek is Loki Rothman se lewe – sy hart klop sekerlik al note! En dié jong man maak nou sy TV-debuut as die aanbieder van die nuwe kykNET-realiteitsreeks, Wat Dit Vat Met Loki Rothman. “Die reeks vra die groot vraag: Wat vat dit om ’n popster te word? Kan jy enigiemand van die straat af neem? Kan jy op jou sangtalent alleen staatmaak of kan ek en ’n span kenners jou in ’n popster hervorm al het jy nie die grootste sangvernuf nie?” vra Loki die vrae waaroor ons ook al…

Wade (Dean John Smith) en Justin (Eden Classens) is altyd reg vir ’n nuwe plan om hul bankbalans aan te vul. Hul laaste geldmaakpoging – om huispartytjies te hou – is nog vars in ons geheue. Dit het nie lank gehou voordat hulle besef het die oop-deur-partytjies was ’n fout nie: Hulle is besteel, en die bure het hulle vir rusverstoring aangekla. Maar nou is hulle reg om weer iets aan te pak. Justin het die idee vir ’n onderneming waarin hy en Wade enkellopende vroue na gesellighede vergesel – teen betaling. Justin se vriend ontwerp ’n webwerf om hul dienste te adverteer, en wanneer Wade dit sien, verdwyn sy aanvanklike teësinnigheid. Maar hul nuwe besigheid, wat hulle Kuier Kêrels doop, het egter sy eie probleme. VOORSPOED EN TEËSPOED Justin…

Dr. Annelize Roux (Cindy Swanepoel) sit op die vooraand van haar 40ste verjaardag op die rak en is in die war oor haar hartsake. “Annelize was eers omgekrap toe sy uitvind die toe-oëafspraak wat Elise Kruger (Lindie Stander) onlangs vir haar gereël het, is een van haar ekskêrels Stefan de Vries (Izak Davel), maar toe Stefan haar weer uitvra, aanvaar sy die uitnodiging.” Nóg ’n ou vlam van Annelize, dr. Xander Strauss (Ivan Botha), het ook weer sy opwagting gemaak, en nou is Annelize verward: Moet sy Stefan of Xander kies? En intussen raak haar kollega dr. Tertius Jonker (Reynardt Hugo), met wie sy in 2019 in ’n verhouding was, groen van jaloesie oor Annelize se nuwe moontlikhede op liefde. OU LIEFDE ROES NIE Cindy sê dis vir Annelize nuut…

Die Stryders se kaptein, Ryno (Adrian Steyn), is nog besig om sy egskeiding te verwerk nadat sy eggenoot Thinus (Arno Marais) begin September Kaap toe verhuis het en hulle einde September amptelik geskei is. Maar nou lyk dit asof nuwe liefde onverwags na sy kant toe kom, want Ryno en die nuwe haarstilis Meyer (Stiaan Smith) kliek baie gou, en baie lekker . . . GEEN BEDOELINGS Adrian vertel Ryno het geen bedoelings wanneer hy Meyer nooi om ’n drankie saam met hom by Pottie’s te gaan drink nie. “Hy dink Meyer is straight en het vir Meyer vertel hy wat Ryno is, wil graag ná sy beste vriend en spanmaat Reitz (Sean van Noordwyk) se dood in Julie, weer ’n vriendskap met ’n straight man aanknoop.” Meyer knip nie…

Aanhangers van ware misdaad, indien julle daarvan hou om tot die kern te kom van hoe die polisie sake oplos, kyk ’n episode van die nuwe reeks oor ware misdaad The Good Cop, Sondae op CBS Justice (*170) om 19:00 en op Catch Up. Dink aan een van daardie insiggewende “ondervra”- tonele in ’n uitstekende misdaaddrama wat die hele saak inmekaar laat skakel. Geen leuens, foefies, intimidasie, dreigemente of geweld nie. Of lees verder, want ons bring tyd saam met The Good Cop se afgetrede ondersoeker Ron Iddles deur, en ons praat oor sy ondervrategniek – hoe hy die atmosfeer geskep, ’n band met die verdagte gevorm en hoe hy geluister het. DIE PACE-METODE “Deel van die ondervrategniek kom uit Brittanje. Dis die Pace-metode. Dit gaan oor behoorlike voorbereiding. Verbintenis…

Die Broer Toer Seisoen 1 Dinsdae kykNET (*144) 21:00 “Dis ’n mengelmoes van reekse soos Top Gear, Voetspore, Long Way Down en die sepie 7de Laan,” skerts Wilbrie Fourie (35), ’n sakeontwikkelaar in die mynbedryf en die middelste Fourie-broer oor die nuwe leefstyl-en-avontuurprogram, Die Broer Toer. Hy lag lekker terwyl sy ouer broer, Reynold (37) ’n predikant van Bellville, ernstiger byvoeg: “Dis familie-vriendelik. Dit gaan oor broederskap, daar is uitdagings, daar gaan gelag word en bo alles diep gesprekke tussen ons drie wees.” Die jonger boetie en die bekende een onder hulle, Bennie (33), ’n filmmaker en akteur (Barry Wiese in die komediereeks G.I.L), knik om te wys hy stem saam met Reynold. “Die program kom al ’n lang pad.” Nes die lang pad wat die broers op motorfietse in…

Die uurglas is besig om leeg te loop vir die arme AB Samsodien (Cedwyn Joel). Sy gesondheid gaan vinnig agteruit en hy moet so gou moontlik ’n nieroorplanting kry. AB se kleinboet, Nazeem (Irvine van der Mer-we), hoor met ’n ompad Danni (Vashti Prins) behoort tot dieselfde bloedgroep as AB en vra haar om ’n nier aan AB te skenk. Maar ná deeglike oorweging besluit Danni sy wil nie haar gesondheid op die spel plaas nie en weier die operasie. Maar Nazeem is desperaat om sy broer te red, en hy besluit omdat die proses vir orgaanoorplanting so lank en uitgerek is, gaan hy ’n nier op die swartmark soek – natuurlik sonder AB se medewete. DIE VINNIGSTE UITWEG Nazeem is baie bekommerd oor sy ouboet en wil hom nie…

Angelique Price (Michelle Botes) is beslis nie ’n gek nie. Sy twyfel nie vir ’n oomblik die nuwe aankomeling Robbie (André Lötter) is wie hy beweer nie – die buite-egtelike seun van haar oorlede eks-man, Sebastian Price (Deon Lotz) – en dit maak hom eintlik die erfgenaam van die Price-nalatenskap. En nóg ’n Price-kind beteken minder vir haar drie kinders, wat regmatige Price-kinders is. “Robbie se ma het ’n affair met Sebastian gehad terwyl hy met Angelique getroud was. Sy weet hy was nie ’n engel nie, maar nou moet sy dit trompop konfronteer,” verduidelik André. En die Price-familie gaan hom in die volgende twee weke glad nie welkom laat voel nie. DIE SWARTSKAAP As ’n nuweling en nie “suiwer van herkoms” nie, het André ’n moeilike tyd noudat hy…

Daniel, ’n joernalis by die koerant Arendsvleier, is in sy noppies wanneer ’n onbekende leser hom laat weet hoeveel Daniel se artikels vir hom beteken. “Daniel is effens geskok, want hy het nie besef sy werk het só ’n impak op iemand nie, veral nie iemand wat dit aanlyn lees nie,” sê Cantona. Wanneer hy Gertie Cupido (Celeste Matthews), die matriarg van Arendsvlei by wie hy woon, daarvan vertel, kry Gertie ’n blink plan: “Gertie vertel hom dan hoe maklik dit is om iemand aanlyn te ontmoet en hy moet dit dalk probeer,” verduidelik Cantona. En dis nie lank voordat Daniel iemand ontmoet en hulle ’n hond uit ’n bos begin korrespondeer nie. VOLG DIE LEIDRADE Daniel en Rosemary – soos sy haarself bekend stel – klets land en sand.…

Ja, ons luister wel na ons lesers. Ek kry elke oggend ’n e-pos met al die Blokraai-inskrywings, asook die kommentaar van lesers. Ons het tevore daardie kommentaar, asook die kommentaar op die sosiale media op dié blad gebruik, die agterblad. Maar ons het agtergekom die kommentaar was dikwels kwetsend en gemeen (jy sal sommige van hulle nie kan glo nie!), en dís hoekom ons besluit het om dié blad vol te maak met TV-verwante brokkies wat julle hopelik net so interessant gaan vind soos ons. Wanneer ons wel SMS’e van lesers met vrae kry, doen ons ons bes om dit persoonlik te antwoord. In dié uitgawe het ek die volgende SMS van ’n leser gesien: “Goeiedag, ek wil graag weet noudat tvplus soveel duurder geword het, is dit nie meer…

Wanneer dit by Hollywoodaksiesterre kom, is geen soektog te groot nie. Van wegholtreine van terroriste red tot om bio-ingenieursontwerpte haaie te keer om strande aan te val – niks klop ’n goeie aksiefliek nie. En die stroomplatform Showmax is propvol aksie . . . SAMUEL L. JACKSON Hy is bekend vir die F-bomme in al sy rolle, maar Sam L. Jackson is ’n top-vermaakster. Hy kan verander van drama tot komedie tot aksie sonder om ’n oog te knip. Hy hardloop, spring of nael dalk nie deur sy aksieflieks nie, maar sy uitdrukkinglose, koue gedrag maak op daarvoor. Stroom die volgende nou: 1 Jurassic Park (1993). Sam speel die IT-ou Ray Arnold in dié sci-fi-fliek, maar dit eindig nie goed vir hom nie – terwyl hy probeer om die temapark…

My Berge Met Bouwer Seisoen 1 Dinsdae VIA (*147) 21:00 (begin 19 Oktober) D it is iets besonders om alleen op ’n motorfiets te gaan reis. “Dis net jy, jou helmet, en jou ysterperd. Daar is niks wat jou aandag kan aflei soos wanneer jy in ’n motor ry saam met passasiers of na die radio luister nie,” sê die akteur en sanger Bouwer Bosch (37) – bekend vir sy rol as Wim in die Afrikaanse fliek Vuilwasgoed. “Dis net die gedreun van die enjin, die lang pad voor jou, die natuurskoon om jou, en jou eie gedagtes; niks anders nie.” Dit klink idillies, selfs terapeuties (iets waarvan Bouwer kan getuig) om so alleen te reis, en tog is dit maar net een gedeelte van Bouwer se splinternuwe reeks My…

Nadat die Covid-19-pandemie die wêreld soos ’n orkaan getref het, het talle akteurs sonder werk gesit omdat die inperking teaters se deure gegrendel en kunstefeeste taboe gemaak het. Marion Holm (56) was een van tientalle plaaslike akteurs wat noustrop getrek het nadat onder meer die Klein Karoo Nasionale Kunstefees verlede jaar afgestel is. Haar beplande eenvrou-produksie, Marion Holm, asook haar en die komediant-aktrise Margit Meyer-Rödenbeck se produksie, Die Voordele Van Eierwit, was toe heeltemal van die baan. Gelukkig was daar ’n meevallertjie: Die rol van suster Graaff in die sepie Suidooster – en nou kan sy ook sê sy het al in ’n sepie gespeel. REGTE GROENTJIE Marion het verlede jaar tydens die droë seisoen uit desperaatheid briewe aan verskeie produksiemaatskappye in die Kaap geskryf om te hoor of daar…

Die paramedikus Danny (Bradley Olivier) is in ’n gevaarlike situasie. Hy is desperaat om sy meisie, Chanel (Lindsey Abrahams), te vind wat onlangs deur die vermeende reeksmoordenaar Roelf (Ashley Taylor) ontvoer is. Dit het begin toe Danny met ’n beseerde Roelf en Max (José Domingos) hospitaal toe gejaag het. “Max was in ’n koma en Roelf het almal vertel Max is ’n reeksmoordenaar. Maar eintlik was Roelf die skuldige,” sê Bradley. En bewyse dat Roelf inderdaad die moordenaar is, is intussen op ’n geheuestafie gevind. Noudat die waarheid uit is, is Chantel se lewe in gevaar – en Danny sal alles doen wat hy kan om sy geliefde te red. WOEDE EN WRAAK Danny probeer Chanel se verdwyning stil hou en vertel aanvanklik net vir dr. Conrad (Hykie Berg) –…

Ronnie (Donovan Pietersen) se lewe verander in ’n wipwarit net wanneer dit lyk asof hy weer sy voete vind nadat hy ’n paar maande terug uit die tronk vrygelaat is. Ronnie het sedert sy vrylating werk as opsigter gekry by die stadion waar die Stryders oefen, asook halsoorkop verlief geraak op die pompon Ivy (Tené Minderon) – maar alles blyk nou in duie te stort. Dwelms is onlangs in sy neef Liam (David Johnson) se kleedkamerkassie gevind (wat eintlik deur Ronnie geplant is) en Liam is uit die Strydersspan geskors. En al het Bart (Pierre Breytenbach), HUB van die Stryders, Ronnie die swye opgelê, laat glip Ronnie aan Ivy kokaïen is in die stadion gevind. “Ivy het dadelik twee en twee bymekaargesit dat die dwelms die rede is waarom Liam…

VERLEDE KEER Daar was ’n vete tussen Ömer en Seda se modemaatskappye, Defne en Seda het ’n yslike verrassing by die ekspo gekry, en Neriman het dieper in depressie gesink. Die uitwerking van Derya se medikasie het chaos by die ekspo veroorsaak, en Ömer het Hulusi gekonfronteer omdat hy Necmi en Neriman uit die huis gesit het. IN DIÉ UITGAWE Koray bring tonne geskenke om baba Iso te besoek sodat Nihan Koray toelaat om die baba vir ’n wandeling te neem. Ondanks sy verlammende hoofpyne lewer Ömer een van sy beste voorleggings vir ’n nuwe kliënt, en Defne se verhouding met haar familie word meer gespanne. Die spanning verhoog wanneer Defne daarop aandring om te weet wat is die oorsaak van Ömer se nagmerries, twee mense meng in by Sinan…