Innholdsfortegnelse for 12 Aug 2021 i TV Plus Afrikaans

Sedert die jongste raaisel in kykNET (*144) se Afrikaanse antologiereeks Spoorloos: Steynhof (2018-nou) in Julie begin ontplooi het, is kykers voor hul TV vasgenael. Dié spanningsvolle verhaal handel oor Adri van Tonder (Jane de Wet, Lexi Summerveld in die drama-reeks The Girl From St. Agnes 2019-nou), ’n 15-jarige tiener wie se lewe op sy kop gekeer is sedert dit onthul is sy is ontvoer ná die moord op haar ouers op die plaas Steynhof toe sy net 6 maande oud was. Noudat Adri met haar familie op Steynhof herenig is, tuimel nóg geraamtes uit die kas. Die vraag is: Wie het Adri se ouers vermoor, en hoekom? Haar liefdevolle oom Daniel Steyn (Stiaan Smith, Johannes Stander in die fliek Toorbos, 2020) is dalk die sleutel tot al die vrae. Of…

Dierepraters Seisoen 1 Woensdae kykNET (*144) 20:00 Die aktrise en diereaktivis Daniah de Villiers (18) wat ons van 2017 tot 2019 as Trudie in die sepie Binnelanders (2005-nou, lees meer op ble. 24 en 25) leer ken het, skuif vir die eerste keer as aanbieder voor die kamera in om ons meer van diere te leer. Daniah gesels met dierefluisteraars, spesialiste, diereliefhebbers en diereeienaars om kykers ’n beter begrip van en ander perspektief op diere te gee. Sy vertel meer oor die nuwe reeks. Wat was een van die belangrikste dinge wat jy self tydens die verfilming oor diere geleer het? Ons moet meer na diere se behoeftes omsien. Soms neem ons net aan die diere moet by ons aanpas, terwyl ons ook by hulle moet aanpas. Ek het ook…

Charmaine het foute begaan – die aktrise Odelle DeWet wat die rol speel, erken dit. Maar sy is ’n goeie mens. Die laaste ding wat sy dus verwag, is om deur haar eks en die pa van haar kind, Damon (William Harding), afgepers te word. “Siestog, sy’s so opgewonde oor haar debuut op ’n TVprogram waarop sy gehoop en oor gedroom het,” sê Odelle oor Charmaine se eerste ware toneelspelrol. “Dan kry sy ’n oproep van Damon. Sy antwoord en kan onmiddellik hoor hy het gedrink.” Hoewel Damon die gesprek op ’n gawe noot begin en haar met die groot kans in haar loopbaan gelukwens, raak dit gou lelik – en dit ruk haar. “Hy sê aaklige goed. En hy herinner haar aan dinge wat sy in die verlede gedoen…

Bloed is nou maar een maal dikker as water, en al het Janice (Crystal-Donna Roberts) se ma haar en haar oorlede broer, Steve (Elton Landrew), gelos om na hulself om te sien toe hulle tieners was, wil Janice haar ma nou vind. Crystal-Donna verduidelik hul pa het hul ma, Zuleiga Noor (Natalia da Rocha, Elisabet in die fliekdrama Broer Matie, 1984), jare lank mishandel. Een aand het Steve “dinge in sy eie hande geneem en hul pa het gesterf”. Janice en haar ma het gesien wat Steve gedoen het – en dis toe wat Zuleiga verdwyn het. En gelukkig is daar een mens wat haar kan help met haar soektog: haar ma se suster, tannie Poppie (Vinette Ebrahim, Aisha Davids in die fliekdrama Barakat, 2020). VERWYTE Wanneer Janice tannie Poppie…

Nesie (Melissa Massyn) en haar Stryderkêrel, Buks (Adriaan Marais), se verhouding is wankelrig nadat die blonde bom Vanessa (Mia-Anne O’Kennedy) onlangs op die toneel verskyn het. Boonop moes Nesie uitvind Buks en Vanessa was eens op ’n tyd verloof. “Enige vrou sal deur so ’n mooi vrou bedreig voel,” sê Melissa oor haar karakter se frustrasie. Nesie se ma, Nytjie (Monique Nortjé), en haar ouma Nonnie, (Hélène Truter), wat in Geduld, Springs, woon, besef alles is nie pluis tussen Nesie en haar kêrel nie en besluit om Nesie met ’n kuiertjie te verras – en sommer ook te probeer om die lug tussen Nesie en Buks te suiwer. DIE APPEL VAL NIE VER VAN DIE BOOM NIE Wanneer jy Nesie se ouma Nonnie en haar ma Nytjie ontmoet, verstaan jy…

Hollywood se megaster Sylvester Stallone het byna 50 jaar gelede sy loopbaan op die groot skerm begin met een van sy mees ikoniese karakters: Rocky Balboa, die Italian Stallion, niegunsteling wie se stryd teen die oormag legendaries geword en Sly wêreldwyd ’n bekende naamgemaak het. ROCKY I (1976) Enige swaargewiggeveg is ’n attraksie, maar die heersende kampioen Apollo Creed (Carl Weathers, die staatsprokureur Mark Jeffries in die polisiedrama Chicago P.D., 2014-nou) word in die steek gelaat deur sy teenstander. Pleks van ’n bokser te kry om in te staan, besluit Apollo om ’n plaaslike bokser in Philadelphia saam met hom in die kryt te laat klim. En hy weet presies wie hy wil hê – die ambagsman Rocky Balboa, ’n Italiaans-Amerikaanse hotklou wie se linkerposisie Apollo ’n voordeel sal gee.…

Elders: Namibië Seisoen 4 Woensdae kykNET (*144) 20:30 Daar is iets besonders en amper magies daaraan om die lang pad met ’n tekkie te klap, so op jou eie, sonder enige geraas of ander afleidings. “Dit verfris jou gedagtes en terselfdertyd raak jy ontslae van al die spinnerakke wat daar kan vassit,” sê die avontuurlustige joernalis en skrywer Erns Grundling. Hy bederf kykers tans met sy nuutste reeks, Elders: Namibië. Dis die vierde seisoen in sy Elders-reeks (die eerste een was in 2017) op kykNET, en dié keer verken Erns Namibië. Asemrowende landskappe, duinberge, see-uitsigte, die ongelooflike diereryk en staptogte is maar net ’n paar van die lieflike dinge wat hy in Suid-Afrika se buurland ervaar. Erns verpak al die wonders in 13 nuwe episodes van Elders: Namibië, en as…

The Last Kingdom Seisoen 4 Woensdae M-Net (*101) 22:30 (begin 11 Augustus) Ná 40 jaar weg van sy tuiste, nadat hy as tiener ontvoer is, begin die raadsheer-nou-kryger Uhtred (Alexander Dreymon, Luke in 2011 in die antologie-gruwelreeks American Horror Story, 2011-nou) ’n sending om sy voorvaderlike grond in Bebbanburg terug te eis. Dis nou bekend as Noord-Engeland, en wanneer seisoen 4 van dié fiktiewe historiese dramareeks The Last Kingdom (2015-nou) begin, is dit in die hande van Uhtred se oom Aelfric (Joseph Millson, Matthew in die komediereeks Campus, 2011). Aan die einde van seisoen 3 (2018) het koning Alfred (David Dawson, Toby in 2011 in die sielkundige dramareeks Luther, 2010-nou) gesterf en die volke verdeeld agtergelaat. Kort daarna word Aelfric deur die Skotte in ’n hinderlaag gelei en hy verloor…

Daar is ’n nuwe gesig in Ruiterbosch en kykers moet oppas om te maklik vir sy glimlag en mooipraatjies te val. Werner Odendaal (Stian Bam, Basson Brink in die dramareeks Afgrond, 2021-nou) is ’n man met ’n agenda, en daar is net een mens in sy visier: Die voormalige speurder wat tans konstruksiewerk vir Jacobs Property Development (JPD) doen, Chris du Plooy (Marcel van Heerden). Presies wat Chris aan Werner gedoen het dat hy op hom wil wraak neem, weet ons nog nie, maar Werner is bereid om ’n uitgebreide plan te volg om Chris uiteindelik te vernietig! KOESTER ’N WROK “Werner is ’n geharde man, maar met ’n goeie sin vir humor,” vertel Stian oor sy karakter. “Hy het in sy lewe al grondpad gestap en gee tans voor…

Kykers het ’n kreet van vreugde geuiter toe Conrad (Hykie Berg) en Tracy (Melinda Brink) uiteindelik in Julie hul nonsens laat staan en besluit het om hul verhouding ’n kans te gee. En nou wil Conrad wys hoe ernstig hy oor Tracy is deur haar te nooi om by hom in die Koster-huis in te trek. Maar Tracy is onseker, want Conrad se pa, At (Hans Strydom), het mos nie veel ooghare vir haar nie. Maar om At se aanvaarding te kry, is nie waaroor sy bekommerd moet wees nie . . . Delia (Odelle de Wet), Conrad se eks, en die grootkop by Southern Hope-hospitaal, is weer in die prentjie en Conrad ontwikkel ’n ongesonde obsessie met haar wanneer hy hoor sy wil Pretoria verlaat. DIE VOORWAARDE Tracy dink…

Die Stryder Liam (David Johnson) het ’n sagte hart en is altyd positief oor die lewe. Wanneer sy neef Ronnie (Donovan Pietersen), wat ’n paar maande gelede uit die tronk vrygelaat is, blyplek soek, maak Liam en sy werderhelf, Candice (Claudia Jones), hul hart en huis vir Ronnie oop. Ronnie wil ’n nuwe blaadjie in sy lewe omslaan, en Liam, wat altyd soos ’n broer vir Ronnie was, staan bankvas agter Ronnie om hom te help. VERONREG Ronnie het ses jaar agter tralies gesit nadat ’n groot hoeveelheid kokaïen in Liam se motor – wat Ronnie bestuur het – gevind en hy skuldig bevind is. “Maar hy is onskuldig en glo vas dit was ’n vriend van hulle, Chappie (nie op die skerm nie), se dwelms wat in die motor…

Die naam Reyka kom van die Yslandse woord vir rook, en nes rook die lig versteek, steek die suikerrietplantasies van KwaZulu-Natal die lyke weg van die reeksmoordenaar se slagoffers in M-Net (*101) se oorspronklike Afrika-misdaaddrama, Reyka (2021-nou). In daardie digte plantasies kan allerhande bose dade versteek word tot die suikerriet geoes en die aaklige dood onthul word. Die terrein is ru en afgesonder – verwyder van die dorpe en mense wat die slagoffers kan hoor wanneer hulle skreeu en spartel. Die omgewing self word ’n soort rower, en gee jou ’n rillings langs jou ruggraat af. Toe Reyka in KwaZulu-Natal verfilm is, is dié atmosfeer in die reeks vasgevang, en die suikerrietplantasies het ’n karakter op sigself geword. Die aktrise Kim Engelbrecht (Marlize DeVoe van 2017-2018 in die superheldfliekreeks The…

Kyk Wie Praat Seisoen 1 Donderdae kykNET (*144) 20:00 “Ons moet meer lag,” sê Jaco Nothnagel, regisseur en vervaardiger van die nuwe speletjieprogram Kyk Wie Praat. En wat is nou beter lagmedisyne as kleingoed se pittige en spontane sêgoed? Die saadjie vir hierdie nuwe speletjieprogram is twee jaar terug geplant toe die akteur De Klerk Oelofse (Lourens in 2017 en 2021 in Die Boekklub, 2016-nou) Jaco genader het om ’n reeks wat geskoei is op die Britse reeks Small Talk (1994-1996) te vervaardig. “Ek was dadelik geesdriftig oor die idee en gelukkig het kykNET ook ons voorstel aanvaar. Ek het vanuit die staanspoor besluit De Klerk is nommerpas om die program aan te bied, want in wese is hy steeds ’n kind,” sê hy, al is dit die eerste keer…

The Great Kenyan Bake Off Seisoen 1 Woensdae BBC Lifestyle (*174) 20:00 Om een van die aanbieders van The Great Kenyan Bake Off (2021-nou) te word, was ’n heerlike verrassing vir die advokaat, verhoogkunstenaar en komediant June Gachui. Sy het ’n oudisie afgelê en gaan reis toe dit stil geword het nadat sy teruggeroep is (soos ’n werksonderhoud wat nêrens heen lei nie). Maar toe sy terugkeer, het die Bake Off-oond se alarm afgegaan. Die reeks was aan die gang! Benewens vriende en familie het sy ’n paar opgewonde aanhangers wat haar aanspoor. “Dit was my eerste ervaring as TV-aanbieder op dié vlak. Voorheen was ek mede-aanbieder van ’n Franse vasvrareeks vir hoërskoolleerders en universiteitstudente genaamd FrancoFun. Hulle was die perfekte geesdriftige ondersteuners, en om hulle te vergoed, het ek…

Dis ’n bitter pil vir Bianca (Simone Biscombe) om te sluk dat Kaashifa (Jawaahier Petersen) die Oos-Wes-restaurant se aandele begin Augustus onder haar neus gekoop het. “Sy dink Kaashifa was gemeen en selfsugtig,” sê Simone. “Bianca sloof haarself al jare lank af in Oos-Wes as kelnerin en bestuurder, en Kaashifa het geweet van haar plan om die aandele oor te koop.” Tog het Kaashifa nie tyd vir Bianca en haar seergemaakte gevoelens nie – Kaashifa is oorgehaal om haar eie stempel op Oos-Wes af te druk deur ’n klomp veranderinge te maak. Maar daardie verandering bring nóg probleme en verwarring. SLAAN DIE VURE DOOD Kaashifa spring dadelik weg met haar nuwe idees en sy begin by Oos-Wes se spyskaart. “Sy wil dit verander en opkikker en glo Oos-Wes moet meer…

Dr. Tertius (Reynardt Hugo) se familiedrama kry nóg ’n dosis geluk en leed in die volgende twee weke op Binnelanders (2005-nou.) Sy pa, Koos Jonker (Ryno Hattingh), word deur ’n lelike egskeiding in die gesig gestaar. Tertius se ma, Lydia (nie op die skerm nie), wil Koos kaal uittrek omdat hy ál die jare ’n dubbele lewe lei saam met sy minnares, Wendy (Henriëtta Gryffenberg), en hul dogter, Gaby (Maude Sandham). Boonop het Koos ALS (amiotrofiese laterale sklerose) en het ’n stres-ineenstorting weens al die egskeidingdrama. “Dít laat Koos besef hy moet die strydbyl met Lydia begrawe, en hy teken die egskeidingsdokumente,” sê Reynardt. En dan werk hy aan twee planne vir sy toekoms: Om Wendy te vra om te trou, en om in die Kortrijk-kliniek (wat selfdood fasiliteer) in…

VERLEDE KEER ’n Paar vroue van Hillside moes ’n moeilike besluit neem, Marko het uiteindelik met sy lewe aanbeweeg, en Aggie en Connie het ’n weggooibaba gevind en besluit om haar te versorg tot hulle haar ouers kon opspoor. 11 AUGUSTUS Connie bepeins ’n oomblik en dink terug aan al die foute wat sy voorheen begaan het, en Khethiwe gebruik ’n geleentheid om gehaltetyd saam met Ivy deur te bring – maar gaan dit lonend wees? 16 – 18 AUGUSTUS Alexa en Fikani kyk na die toekoms en praat oor babas en ouerskap, DeWet gee Bonita ’n verbasende ultimatum en sy begin haar besluite bevraagteken, en nadat hy ’n kommerwekkend oproep van sy pa gekry het, vra Ludo Shawn vir leiding. Aggie word gekonfronteer deur die wrede feit dat haar…