Innholdsfortegnelse for 15 Jul 2021 i TV Plus Afrikaans

Hier is jou marsbevele reguit na die stroomdiens Showmax om biografiese militêre flieks oor die Amerikaanse weermag en sy oorloë teen alles, van terreur tot diktators. En die ergste is – of dit soldate is wat om hul lewe veg, of die owerhede se onkunde wat blootgelê word – alles wat jy sien, is werklik! THE OUTPOST (2020) Hierdie biografiese oorlogsdrama speel by die Combat Outpost Keating af. Dis aan die noordelike grens van Afganistan in ’n afgeleë dorpie aan die voet van die berg . . . en belangriker, dit maak die Amerikaanse troepe wat daar gestasioneer is, maklike teikens. Dit speel in 2006 af tydens Operasie Enduring Freedom, ’n skermutseling tussen 55 soldate van die VSA en 400 gewapende vyande. In die geveg – genoem die Slag Van…

Family Karma Seisoen 1 Vrydae SABC3 (*193) 17:30 In die verlede is Suidoos-Asiërs onderwerp aan misleidende clichés in Hollywood-flieks en TV-programme. As die karakter nie ’n taxibestuurder of die eienaar van die hoekwinkel is wie se aksent as die trefreël vir grappe gebruik word nie, is hulle die tipiese bleeksiel met ’n ellendige liefdeslewe. In wese word die gemeenskap onderverteenwoordig, en is dit die rede vir die realiteitsreeks Family Karma (2019-nou): Die spelers wil die vooropgestelde idees en stereotipes van die Indiër-Amerikaanse ervaring afbreek deur ’n uiteenlopende reeks ware perspektiewe te bied. Seisoen 1 volg ’n groep van sewe jare lange vriende wanneer hulle hul erfenis, ingewikkelde romanse en florerende loopbane in die hart van Miami, Florida, verken en balanseer. “Ons is die eerste realiteitsprogram in die VSA waarin die…

Die voormalige verpleegster wat nou as ’n mediese verteenwoordiger werk, Elise (Lindie Stander), is eersdaags weer terug in Pretoria en sy is in rep in roer oor die nuwe geleentheid wat oor haar pad gekom het om vir die nuwe mediese maatskappy, Union Med, te werk. “Die maatskappy en sy sjarmante HUB, Mike Vorster (Sean Brebnor, Faan Mankvoet in die fliek Toorbos, 2019) het Elise se voete onder haar uitgeslaan en nou is sy vuur en vlam om die maatskappy se nuutste produk aan Binneland te verkoop,” vertel Lindie. Maar die produk kan dalk net meer kwaad doen as goed, en Elise sit pens en pootjies in die middel. ANNETJIE STEL BELANG Die produk wat Elise verkoop, word ’n neurostimulator genoem, en sy begin dadelik om alles daaroor te leer.…

Die verlede het ’n manier om ’n mens in te haal, en soms op die mees onverwagte tye. Maar wie sou kon raai die beginselvaste joernalis Jana (Juanita de Villiers Velts), wat altyd so gesteld is op reg en geregtigheid, het ’n paar donker geheime in haar verlede? Die geraamtes tuimel uit Jana se kas wanneer Bibi (Stephanie Petersen) en Maryke (Marijke Coetser) op ’n foto van Jana en ’n vreemde man in een van Jana se ou handsakke afkom. Maar al het Jana heimlik gehoop en gedink hierdie donker geheim in haar lewe is vir goed begrawe, kom skokkende feite nou aan die lig wanneer Maryke en Bibi dieper delf. BLITSROMANSE OP ’N EILAND Juanita vertel Jana se wederhelf, Jan, is in 2014 ná ’n hartaanval oorlede. “Ná Jan…

Indien daar een ding is waaroor Kgomotso Christopher geen twyfel het nie, is dit haar karakter Dineo Price se integriteit, en sê “daar loop nie ’n druppel korrupsie in haar are nie”. Die eerste helfte van Julie was moeilik vir die HUB van die miljardrand-sakeryk Legacy Investments nadat die Nasionale Vervolgingsgesag (NVG) ’n klopjag op Legacy se kantore uitgevoer en almal se selfone en skootrekenaars geëis het. Daar is toe onthul Legacy word ondersoek vir tenderbedrog. Dis so intens dat dit selfs vir Dineo en haar vriend/ vyand-stiefdogter Felicity (Mary-Anne Barlow) verenig, wat haar gehaas het om die maatskappy te red. “Ek was die HUB toe dié ooreenkoms beklink is,” sé Felicity. “Ek het seker gemaak daar is geen omkopery nie.” Maar dit het nie die skindertonge gekeer nie, en…

Die realiteitsreeks oor estetiese en rekonstruktiewe chirurgie Botched (2014-nou) is terug vir ’n sewende seisoen, Sondae op E! Entertainment (*124) om 20:00. Die chirurgiebesties dr. Terry Dubrow en dr. Paul Nassif het ’n toeloop van nuwe gevalle, en ’n bietjie “moenie paniekerig raak nie”-pandemie-chaos agter die skerms. “Ons het seisoen 7 omtrent twee maande voor die pandemie begin verfilm. Die pandemie het die seisoen baie lank en moeilik gemaak, die uitdagendste seisoen tot dusver as gevolg daarvan. Ons het net op dreef gekom toe die pandemie tref. Ons het dus die produksie vir ’n paar maande uitgestel,” onthul Terry. “Toe ons die groen lig kry, het ons die meeste daarvan gedoen. Dit het ons dramaties geraak. Ons moes verskillende protokolle volg om veilig te wees. Die goeie nuus is as…

Reyka Seisoen 1 Sondae M-Net (*101) 20:00 (begin 25 Julie) “Ek kan jou goed vertel, Reyka, goed wat jy vergeet het . . . goed wat jy wil hoor,” sê die gevangene Angus Speelman (Iain Glen, Ser Jorah Mormont in die fantasiereeks Game Of Thrones, 2011-2019). Hy praat met die misdaadprofileerder Reyka Gama (Kim Engelbrecht, Marlize Devoe alias The Mechanic, 2017-2018, in die sci-fi-reeks The Flash, 2014-nou) terwyl die trane in haar oë opwel. Dís die begin van ’n nuwe plaaslike rilreeks Reyka en die grillerigheid het maar pas begin. Speelman se woorde word selfs intenser wanneer jy sy vreemde verbintenis met Reyka ontdek. Speelman het Reyka ontvoer toe sy net 12 jaar oud was en hy het haar vir 4 jaar gevange gehou – tot iets gebeur het en…

Platteland Toe Seisoen 1 Woensdae VIA (*147) 18:30 Met die wêreldwye Covid-19-pandemie was dit vir die meeste mense baie moeilik om oor die water te reis. Maar eintlik hoef ons nie ons vlerke ver te sprei nie, want op eie bodem spog ons platteland met ’n skatkis propvol wonderlike bestemmings wat enige reisiger se reislus sal bevredig. In die nuwe reeks Platteland Toe besoek die avontuurlustige akteuraanbieder Viljé Maritz 13 dorpies in ons land en kyk ook watter toeristeattraksies elke dorp bied. “Elke dorpie wat ons besoek het, soos Paternoster, Phalaborwa, St. Lucia, Bredasdorp tot Clarens, het sy eie bekoring en trekpleisters. Dit was vir my ’n openbaring en ’n besonderse ervaring om vir drie maande soveel verskillende dorpies en hul inwoners van nader te leer ken – en boonop…

En daar kom die skurk, Wendy Newman, wie se ware naam nou uit is – Ingrid van Schalkwyk (Rehane Abrahams) – letterlik met moord weg. En nie net een moord nie, maar drie! Sy draai almal ’n rat voor die oë en verrrys uit die skandes as Ingrid die gelowige. Sy sluit selfs by die kerk aan! Die hele gemeenskap is omgekrap, maar niemand is meer gegrief as Ingrid se dogter, Debra (Kay Smith), Janice Cupido (Crystal-Donna Roberts), en die skoolhoof, Beatrice Abrahams (Jolene Martin), nie. Al drie vroue het geliefdes verloor aan Ingrid se hand. Haar een slagoffer is Steve Mortlock, Debra se pa en Janice se broer. En Beatrice het haar pa, George (Gerald Petersen), én haar man, David (Oscar Petersen) verloor. Ingrid het George se werkkamer jare…

D it het ’n ruk geduur, maar Rhafiek (Irshaad Ally) is stadig maar seker besig om sy mislukte huwelik met sy eksvrou, Carmen (Desiré Gardener), agter te laat en die verhouding met Mercedes (Lindsay Thys) ’n kans te gee. “Dinge gaan eintlik baie goed tussen Rhafiek en Mercedes, en albei sien ’n toekoms saam,” sê Irshaad. “Maar Rhafiek voel dinge beweeg dalk net ’n bietjie te vinnig, want sy het vir hom gesê sy is lief vir hom en sy wil ook van haar persoonlike goed in sy woonstel los.” En hoewel Rhafiek bly is om weer ’n vrou in sy lewe te hê, weet hy nie of hy kans sien vir ’n nuwe huwelik nie, en dit lyk asof Mercedes bereid is om alles vir Rhafiek op te offer…

Die liewe Lulu (Ansu Visser) beland telkens in ’n ongemaklike situasie waaruit sy haar nie maklik kan wikkel nie. Die spontane, hoogswanger kelnerin moes onlangs halt roep toe haar eksverloofde, Simon (David Louw), wie se baba sy verwag, en sy swanger meisie, Renate (Christel van den Bergh), hard probeer het om as die peetouers van Lulu se ongebore dogtertjie gekies te word. Maar nou bevind sy haar in ’n groter penarie: Simon se baasspelerige ma, Yvonne (Karin Retief), sit haar voet dwars en dring daarop aan dat Lulu tydens die laaste maande van haar swangerskap by Simon en Renate se huis intrek. ANDER OPSIES Ansu sê Lulu is baie onafhanklik en wil eers glad nie aan Yvonne se voorstel byt nie. “Sy wil in haar eie woonstel bly en wil…

VERLEDE KEER Fikret het bedank by Passionis en Yasemin het na die span teruggekeer, en Defne het haar vrese oor hul saamblyery en toekoms teenoor Ömer beken. 14 – 16 JULIE Almal gaan na Sinan se huis op die platteland vir die naweek, en Ömer en Defne is op die punt van ’n groot uitval oor die verkoop van die huis. Fikret ruïneer Defne se plan, en Türkan kry goeie nuus: Die nuwe huiseienaar gaan hulle toelaat om aan te bly. Ömer onthul die identiteit van die koper, en die brief wat Fikret aan Ömer gestuur het, daag uiteindelik op. 19 – 23 JULIE Passionis word gevra om die ster te wees van ’n belangrike fotosessie in die modebedryf, en Neriman veroorsaak moeilikheid deur Ömer se brief te steel. Sude…

Karen en Deon Derrico is superouers. Gedurende die eerste seisoen van Doubling Down With The Derricos (2020-nou) het Karen geboorte geskenk aan die drieling Dawsyn, De’Aren en Dyver. Hulle het aangesluit by die 11 ander Derrico-kinders – Darian (15), Derrick (10), die tweeling Dallas en Denver (9), die vyfling Deniko, Dariz, Deonee, Daiten en Daician (7) en die tweeling Diez en Dior (4, oorspronklik ’n drieling, maar die derde baba, Carter, is kort ná sy geboorte dood). Indien jy nie genoeg vingers het nie, dis altesame 14 kinders in seisoen 2, Woensdae om 21:00 op TLC (*135). Die eiendomsagent Deon Derrico is die broodwinner en kok, terwyl Karen ’n heeltydse, nimmereindigende werk tuis het om al die kinders groot te maak, hulle tuis te onderrig en die huishouding met asembenemende…

Agter Tralies Seisoen 2 Donderdae VIA (*147) 21:30 Die lewe in die tronk is nie vir sissies nie. . . en dié twee voormalige tronkbewoners, Allan Rehock (55) en Melissa Seegers (39), weet dit goed. Dis waarom hulle besluit het om die dapper stap te doen om hul stories op VIA se dokkiereeks Agter Tralies (2020-nou) te vertel. Die reeks, nou in sy tweede seisoen, stel kykers in elke episode van 30 minute bloot aan die yskoue waarheid van hoe dit lyk as jy jouself agter tralies bevind. Vir sommiges is daar nie meer hoop op ’n lewe buite die tronk nie, maar baie stap daar uit en moet dan ’n lewe bou waarvan die vooruitsigte handomkeer verander. Allan en Melissa is van daardie gelukkiges wat verandering en vernuwing aangegryp…

Law & Order: Organized Crime Seisoen 1 Woensdae M-Net (*101) 21:30 (begin 14 Julie) Dis ’n dekade sedert speurder Elliot Stabler (Christopher Meloni, Commander Winslow in 2019 in die dramareeks The Handmaid’s Tale, 2017-nou) skielik afgetree het by sy werk in New York. Hy het aan die einde van seisoen 12 (2011) van die dramareeks Law & Order: SVU (1999-nou) met sy gesin na Rome verhuis. Hy keer kortstondig terug na New York vir ’n seremonie om sy voormalige spanmaat Olivia Benson (Mariska Hargitay, Cynthia, 1997-1998, in die mediese dramareeks ER, 1994-2009) se roemryke loopbaan te vier. Maar die reis ontaard in ’n tragedie wanneer Stabler se vrou Kathy (Isabel Gillies, Elaine in 1998 in die komediereeks Sex And The City, 1998-2004) sterf in ’n motorontploffing – wat vir hom…

Kykers is boos sedert Elana (Ilne Nienaber) se broer, George (Tiaan Rautenbach), en sy feeks van ’n vrou, Nellie (Beaté Opperman), in Pretoria opgedaag het om Elana en haar lewensmaat, Steve (Clint Brink), se aanneming van Elana se oorlede suster se kinders, Ruan (Caiden Bouwer) en Vicky (Roxanne Bornman), in die wiele te ry. Nellie het vuil gespeel om die oorhand in die aanneemsage te kry, maar dis alles nou op ys terwyl Elana se lewe aan ’n draadjie hang . . . En almal wil weet: Sal sy gou genoeg herstel om haar lewe saam met Steve en die kinders te bou, of wag daar moeilike dae op Steve en die kinders? WAT HET GEBEUR? George se motor se handrem gee al geruime tyd probleme terwyl hy in Pretoria…

Ty (Maurice Paige) se lewe het handomkeer verander sedert hy begin Julie uitgevind het hy is ’n pa. Aanvanklik wou Ty nie sy seun, Carlo (Jadon Booysen), se lewe ontwrig nie, maar mettertyd het hy tot verhaal gekom en wil nou graag deel van sy lewe wees – maar dis makliker gesê as gedaan. ’N GOEIE OU “Ty wil nie die ou wees wat net maandelikse onderhoud aan ’n kind verskaf nie,” sê Maurice. “Hy het besef hy wil betrokke wees by Carlo se lewe – hy wil sy pa wees.” Maar wanneer Ty uiteindelik die moed bymekaarskraap om vir Carlo te sê hy is sy pa, steek Jolene (Chante Strydom) – Carlo se oorlede ma, Melanie (nie op die skerm nie), se beste vriendin – ’n stokkie daarvoor. “Jolene…

Die pad na die liefde is lank en verraderlik, en Connie (Quinne Brown) en André (Marcus Muller) kan albei daarvan getuig. Met persoonlike traumas wat gedurig opduik, gereed om enige vooruitsig van geluk te bederf, moet die paartjie met hand en tand veg om hul verhouding aan die gang te hou. Maar hul harde werk is uiteindelik be-loon toe, ná maande se wag, André weer die groot vraag gevra het. AANGETROKKE Ondanks die aan-af verhouding erken Quinne Connie het nog nooit werklik getwyfel oor haar liefde vir André nie. “Ek kan dit net suiwer onvoorwaardelike liefde noem. Hy is die man saam met wie sy wil wees,” sê die aktrise. Nieteenstaande die bisarre uitdagings – vanaf Connie wat haar swangerskap geveins het en André verpletterd gelaat het, tot wilde affairs…