Innholdsfortegnelse for 17 Jun 2021 i TV Plus Afrikaans

Die Byl Seisoen 3 Dinsdae kykNET (*144) 20:00 Die derde seisoen van die aksiereeks Die Byl (2016-nou) is naby aan die einde, en kykers gaan hul asem ophou vir wat op hulle wag. “Die hele span se lewe hang aan ’n draadjie,” verklap die aktrise Lika Berning (Francie Jansen in die dramareeks Known Gods, 2005-2006) wat die rol van kapt. Lena Evans vertolk. “Daar is ’n groot krisis wat hulle moet hanteer en ek weet nie of hulle daartoe in staat is om te verhinder dat die bose oorwin nie . . .” Maar kykers moet nie te vinnig moed opgee nie, daar gaan ’n tyd kom wanneer Lena en haar kollegas die oorhand gaan kry en al die reeksmoordenaars, misdadigers en korrupte staatsamptenare gaan laat boet – al gebeur…

9-1-1: Lone Star Seisoen 2 Woensdae M-Net (*101) 20:30 (begin 16 Junie) Covid-19 het die wêreld op sy kop gekeer, en het dieselfde gedoen met die brandweer-, polisieen ambulansdepartement van die fiktiewe Company 126 in seisoen 2 van die aksiereeks 9-1-1: Lone Star (2020-nou). Dit word onthul die geliefde paramedici-kaptein Michelle Blake (Liv Tyler, Lady Isabella vanaf 2018 in die periodedramareeks Harlots, 2017-2019) het bedank om sielsiek haweloses by te staan, soos haar suster, Iris (Lyndsy Fonseca, Cara in die dramareeks Pitch, 2016), wie se geheimsinnige verdwyning die aansporing was vir Michelle se verhaal in seisoen 1. Michelle is weg en sy word vervang deur die ewe vurige Tommy Vega (Gina Torres, Jessica in die regsdramareeks Suits, 2011-2019, en sy splinterreeks Pearson, 2019). “Ná 8 jaar as ’n tuisblyma word…

Dis geen geheim nie – Bonita (Hildegardt Whites) en DeWet (Dirk Stoltz) is saam deur troebel waters. En hulle het meer as genoeg geheime oor die afgelope jaar opgebou. Vanaf geheime wat families kan vernietig tot duistere verledes wat hulle die perfekte pasmaats maak. En dit lyk asof DeWet daardie sentiment deel wanneer hy ’n verrassende huweliksaanbod aan Bonita maak. “DeWet besef hy het kameraadskap nodig. En omdat Bonita alles van hom af weet, meen hy sy pas die beste by wat hy nou nodig het,” sê Hildegardt. Die aktrise voeg by haar karakter is ook deeglik bewus van DeWet se groeiende geneentheid teenoor haar, maar ’n huwelik is nie wat sy nou in gedagte het nie. TROU MET MY! Dis geen verrassing nie dat Bonita stomgeslaan is wanneer DeWet,…

Iets is aan die broei in Binnelanders wanneer George (Tiaan Rautenbach, Edrik Minnaar in 2017 in Getroud Met Rugby: Die Sepie, 2016-nou) uit die bloute in Pretoria opdaag. Hy is dr. Elana (Ilne Nienaber) se broer, en oom van Ruan (Caiden Bouwer) en Vicky (Roxanne Bornman). “George woon in die Kaap, en is ’n nutsman wat kombuise oormaak,” vertel Tiaan. “Hy is nie in Pretoria vir ’n kuiertjie nie. George het net een doel en dis om sy suster te oortuig hy en sy vrou, Nellie (Beáte Opperman, Marie in die fliek Die Verhaal Van Racheltjie De Beer, 2019), kan ’n beter huis vir Ruan en Vicky bied.” Maar Elana gaan nie haar en George se oorlede suster, Maddie (nie op die skerm nie), se kinders so maklik opgee nie.…

E en van ons gunsteling-Suidoosterpaartjies, Lee-Ann (Portia Joel) en Ty (Maurice Paige), stap nou al ’n lang pad saam. Dit was deur dik en dun duidelik: Die twee bly lief vir mekaar. Dus is niemand verbaas toe Mymoena (Jill Levenberg) hulle aanspoor om te trou nie. Lee-Ann en Ty is ’n bietjie onkant gevang deur Mymoena se voorstel, maar dit het tog ’n saadjie gesaai . . . TWYFEL Ty sê vir Lee-Ann hy dink dis die perfekte volgende stap in hul verhouding, maar Lee-Ann skop eers vas. “Sy is al deur diep waters met verhoudings,” sê Portia. “Albei haar vorige huwelike het misluk omdat haar mans sleg was. ’n Mens kan dus verstaan waarom sy skugter is vir trou. Maar dalk is dit ’n kwessie van third time lucky?”…

Die sjarmante singende sjef Ainsley Harriott is sedert die 1990’s op TV om kombuise in die hart van die huis te verander. En sy nuwe kookreeks Ainsley’s Food We Love, Dinsdae op BBC Lifestyle (*174) op 20:00, is nou die vertroostendste kykstof – veral in 2021. DINGE KOOK Ainsley het in 2020 op die hoogtepunt van die pandemie aan die reeks begin werk. “As jy in gedagte hou wat was aan die gebeur, dink ek ons het effens meer huislik gevoel. Iets vertroostends was nodig, want ons was almal ’n bietjie geskok,” verduidelik hy. “Ek dink ons gaan almal met verloop van tyd ontdek hoe dit ons effens deurmekaar gemaak het. Waneer jou ritme verander, word jy ongebalanseerd. Jy kan jouself nie uitdruk soos jy wil nie, want alles wat…

Karakter Seisoen 1 Maandae kykNET (*144) 20:30 “Ek was nog altyd gefassineerd deur mense wat dinge buite die norm doen,” sê die TVen-radio-aanbieder Rian van Heerden. “Diegene wat teen die grein gaan en hul lewe ongebonde leef en soos hulle wil, maak nie saak wat ander mense daaroor sê of dink nie.” En die splinternuwe leefstylreeks op kykNET wat Rian tans aanbied, is die ideale manier om dié individue se unieke stories en lewensverhale saam met hom te geniet. In elke episode ontmoet Rian so ’n karakter – eers deur die oë en ervarings van die mense in hul gemeenskap – wat gewoonlik baie te sê het! – en dan ontmoet hy die individu self om hul kant van die verhaal te vertel. Sedert die reeks in April begin het,…

One Day At A Time Seisoen 2 Donderdae SABC3 (*193) 20:30 (begin 24 Junie) Die gesinskomediereeks One Day At A Time (2017-2020), wat tans herleef, gaan baie verder as om trefreëls uit die Alvarez-familie se baie flaters en teëspoed te kry. Die storielyne verskaf komiese afwisseling met hul daaglikse stryd deur hulle menslik te maak en kykers toe te laat om na hul wêreld te ontsnap. En dít maak seisoen 2 van dié skerp komedie vermaaklik. Benewens die veteraan-verpleegster en matriarg Penelope (Justina Machado, Brenda in die misdaaddramareeks Queen Of The South, 2016-nou) se stryd met angs en nóg meer, probeer sy haar koppige tieners Elena (Isabella Gomez, Christina in die aksiereeks Matador, 2014) en Alex (Marcel Ruiz, John in die godsdienstige fliekdrama Breakthrough, 2019) grootmaak, terwyl sy ook na…

Die nuwe dokter by ongevalle is nie net sag op die oog nie, die man is ook sjarmant, bekwaam en ’n terggees. Uys Wagener (Gerald Steyn, Pine Pienaar in Getroud Met Rugby: Die sepie, 2016-nou), is ’n locum wat sommer onmiddellik die verpleegsters beïndruk het, maar vir dr. Annelize (Cindy Swanepoel) behoorlik rooi laat sien. “Daar is ’n geskiedenis tussen Annelize en Uys wat sy nie graag wil hê moet uitkom nie,” sê Gerald kripties. Sy hou niks van sy nonchalante houding nie en is skoon boos wanneer sy hom op een van die beddens in ongevalle ’n uiltjie sien knip. “Maar Uys is nie te veel gepla deur haar vyandigheid nie,” sê Gerald. “Hy kom dalk nie so ernstig voor nie, maar hy is baie bekwaam in sy werk…

Caleb Jakobs (Chad Baai) weet nou wie sy ouers op Clanwilliam doodgery het, maar in pleks dat hy kan aangaan met sy lewe, is daar ’n ander vlieg in die salf. Caleb en Solly (Jaydon Williams) is albei in die skool se nuwe dansgroep, en Caleb se gewildheid pla Solly. Gaan Caleb kan sterk staan teen die boelie in sy lewe, of gaan dit hom breek ná alles waardeur hy is? JALOERS Solly is hoofseun, maar dis nie vir hom genoeg nie. Dit pla hom dat hy nie almal se gunsteling is nie en hy soek allerhande klein goedjies om Caleb voor ander te verneder of om hom uit te lok en te irriteer. Op 17 Junie vind Solly uit Caleb sien alleen om na sy jonger broer en Solly…

“Hy maak net gemors,” sê die akteur Zak Hendrikz oor sy karakter, JJ, wat onlangs weer sy verskyning in Getroud Met Rugby: Die Sepie (2016-nou) gemaak het. “Hy gee kamstig voor hy wil vrede maak met sy ma, Magda (Elzabé Zietsman), en halfsuster, Maryke (Marijke Coetser), ná die drama met Magda wat in Augustus 2020 ’n nier aan Maryke geskenk en JJ die josie in gemaak het – maar eintlik is hy besig met onderduimse dinge.” En dit het alles te doen met die sentrum waar Potties geleë is. JJ wil beheer oorneem van Potties, die Stryders-rugbyspan se gunstelingkuierplek, wat Magda en haar tweede man, Pottie (Christo Compion), bestuur. Hy beplan om hulle in te doen deur die huur op te stoot. “JJ is ’n skurk en koester ’n wrok…

Moet jou nie misgis nie: Dineo Price is nie ’n swakkeling nie, sê Kgomotso Christopher. “Sy het baie dinge in haar lewe deurgemaak. Om met die miljardêrsakeman Sebastian Price (Deon Lotz, James in die sepie Die Sentrum, 2021-nou, sien bl. 30) getroud te wees, het haar gehelp om ’n dik vel te ontwikkel by Legacy Investments en tuis, waar haar aanvallers haar familie en vriende is,” sê die aktrise, en herinner kykers haar karakter is op haar gevaarlikste wanneer Dineo stil sit. “Sy lyk dalk soos ’n trofeevrou, maar Dineo kan enigeen pak.” En Dineo sal versigtig moet wees – drama het haar in sy visier! TOEGEWYDE VROU Sy is deur die meule sedert Sebastian se dood in episode 1 in September 2020. “Eerstens het Sebastian se eerste vrou, Angelique…

Dis nie ’n skande om jou hele naweek voor jou klein skerm deur te bring nie, of dit jou TV of skootrekenaar is waarmee jy aanlyn programme stroom. Indien jy in die bui is vir ure se pret met dieselfde karakters het Showmax hope fliek-franchises wat jou dae lank sal vermaak. THE MATRIX (1999-NOU) In stellig die mees ikoniese sci-fi-flieks in die geskiedenis speel Keanu Reeves (John Wick in die John Wick-aksieflieks, 2014-nou) Neo, ’n rekenaarprogrammeerder. Hy ontmoet Morpheus (Laurence Fishburne, Pops in die sitkom Black-ish, 2014-nou) en Trinity (Carrie-Anne Moss, Jeri in die aksiereeks Iron First, 2017-2018), wat onthul masjiene het die wêreld oorgeneem en mense kan “The Matrix” binnegaan, ’n digitale wêreld waarin enigiets moontlik is wanneer die mense teen die robotte oorlog voer. Neo hoor hy is…

9-1-1 Seisoen 4 Woensdae M-Net (*101) 19:30 (begin 16 Junie) Die reddingsaksiereeks 9-1-1 (2018-nou) het nog nooit die drama afgeskeep nie, maar in die slotepisode van seisoen 3 in middel 2020 was LAPD-sersant Athena Grant (Angela Bassett, Marie Laveau in die grureeks American Horror Story: Coven, 2013) gebroke en mishandel. “Sy moes baklei teen ’n reeksverkragter wat haar bekruip het, en ons begin die seisoen met dié sterk vrou in ’n ander posisie as wat ons haar ken: Sy is gebroke,” sê Angela, wie se karakter ’n taai uiterlike voorhou terwyl sy probeer om die wêreld te red. Dié keer is dit egter anders, waarsku die aktrise. “Iets in haar het verander.” Omdat Athena die karakters se steunpilaar is, gaan seisoen 4 hulle eers breek voor hulle weer herstel. ATHENA…

Soos gewoonlik gons Hillside met die jongste skindernuus. En die onderwerp wat ’n beroering onder die Laners veroorsaak? Lana (Mila Guy) se gewig. Ná Lana se verrassende terugkeer in dié twee weke, is raak dinge gou ongemaklik vir die pasgeskeide vrou wanneer gerugte oor haar middellyf en romanse in die verlede Lana desperaat maak om vir die wêreld weg te kruip. Ná ’n paar weke in Bloemfontein om haar kop skoon te maak, is Lana terug in Hillside en gereed om haar lewe voort te sit. “Sy het baie beleef – die egskeiding met Shawn (Deànré Reiners), die skuldgevoel oor ’n nuwe ou wat sy gesoen het, en net om uit te pluis wie sy is sonder Shawn. Op ’n manier het sy iets van haarself verloor,” verduidelik Mila. ONGEMAKLIK…

Daar is iets anders aan die verhouding wat kykers aanknoop met ’n sepie-akteur teenoor dié van ’n fliekakteur. Die geliefde sanger, skrywer, regisseur en veteraanakteur Ben Kruger (64) was só ’n akteur, wie se vertolking van die karakter oom Okkie Ferreira in die sepie Binnelanders (2005-nou) aan hom ’n spesiale plek in ons hart gegee het. Sy mede-akteurs, en sy talle aanhangers, is stukkend gelaat ná sy dood weens Covid-19-komplikasies einde Mei. Die aktrise Hannelie Warren, wat sy TV-vrou, Ilse Ferreira, speel, bring hulde aan dié reus in die vermaakbedryf. POTJIEMEESTER EN GRAPJAS Hannelie speel al die afgelope agt jaar Ben se TV-vrou en sy kon nie die trane terughou toe sy oor Ben praat nie. “Dit was net so onverwags en skielik,” sê sy. “Buiten my eie man was…

Rhafiek (Irshaad Ally), se lewe het handomkeer verander met die verbrokkeling van sy huwelik met Carmen (Desiré Gardener) in April ná die dood van hul babaseuntjie Mikhail. “Rhafiek het die liefde van sy lewe en sy kind verloor, maar hy begin vrede maak met sy situasie en besef dis tyd om aan te beweeg, veral nadat hy en Carmen geskei is,” sê Irshaad. Maar of Mercedes (Lindsay Thys) die regte vrou is vir hom om mee aan te beweeg, is nie so duidelik nie. Sy het ’n kleurvolle verlede en dit krap Rhafiek se ouers, AB (Cedwyn Joel) en Mymoena (Jill Levenberg), om. Maar ten spyte daarvan, kan Rhafiek maar nie wegbly nie . . . AAN OF AF? Dinge is ongemaklik tussen Rhafiek en Mercedes nadat hulle ’n aand…

Daar is geen voorgee by die paartjie Buks (Adriaan Marais) en Nesie (Melissa Massyn) nie. Wanneer die twee tydelik dakloos is omdat Buks se meenthuis onder water is nadat die geiser die gees gegee het, druk hulle op hul vriende se knoppies vir slaapplek. Hulle gaan slaan op verskeie rusbanke kamp op, en dinge bereik kookpunt wanneer Nesie vir Amanda (Nastasja Jacobs) omkrap deur haar “tannie” te noem. TREKVAKANSIE Eers daag Nesie en Buks by Potties op en wonder waar hulle gaan nesskop. “Buks stel voor hulle gaan bly by ’n Airbnb, want as ’n rugbyspeler het hy mos geld,” sê Adriaan. Maar Nesie hou van spaar en stel voor hulle gaan bly by Fafa-hulle (Altus Theart). “Buks hou niks van die idee om by sy afrigter te bly nie.”…

VERLEDE KEER ’n Sieklike Sinan is deur twee van sy minnaresse versorg, wat dit in ’n kompetisie laat ontaard het, en dit was tyd vir Ömer om aan sy jongste projek te werk. Defne het die waarheid omtrent haar verhouding met Ömer uitgevind, en Koray se depressie het vererger ná ’n ontstellende ontdekking. 16 – 18 JUNIE Daar is liefde in die lug wanneer die lente aanbreek en dit beteken ’n paar interessante nuwe romanses, en Ömer se naderende troue is op almal se lippe. Nihan probeer vir Ismail ’n vrou soek, maar dit maak Ismail kwaad, en Yasemin se etepartytjie word bederf deur ’n onverwagte gas wat Defne konfronteer. Die bekentenis van Ömer se verloofde kan ’n saketransaksie vir hom bederf, en Defne vind uit iemand uit Ömer se…