Innholdsfortegnelse for 20 May 2021 i TV Plus Afrikaans

Die wonder van TV is daar’s so baie wat jou kan vermaak. Jy kan ’n program geniet waarop jy per ongeluk afgekom het terwyl jy deur die kanale geblaai het. Ek hou van sielkundige rilprogramme, maar wanneer dit by realiteits-TV kom, is een genre gewoonlik voldoende: afspraakreekse soos Op My Eish! en The Bachelor/Bachelorette. Maar dié uitgawe het my weer daaroor laat dink, en ek beplan om my te vergryp aan kookprogramme – daar is talle smaaklike TVhappies in dié uitgawe. Sjef Bertus Basson red alle soorte restaurante in In Die Sop (bl. 16) en gee wenke in die talentprogram Sjefhuis (bl. 17). En MasterChef Australia keer terug vir seisoen 13 (bl. 18), en dis verstommend wat hulle gedoen het om die seisoen op te kikker ondanks die inperking: Hulle…

WAR OF THE WORLDS NUWE SEISOEN! Seisoen 2 FOX (*125) 20:45 Episode 1 & 2 (sci-fi) 24 Mei Seisoen 1 van die sci-fi-reeks War Of The Worlds (2019-nou), gegrond op die gelyknamige 1897-roman deur H.G. Wells, het vasgestel ons was nie alleen toe ruimtewesens die Aarde aangeval het nie. Vir die nuwe reeks word die stryd om oorlewing baie meer persoonlik vir karakters soos Emily (Daisy Edgar Jones, Olivia van 2016-2020 in die komediereeks Cold Feet, 1997-nou), wat ontdek sy het dalk ’n regstreekse verbintenis met die indringers. “Sy is letterlik op dieselfde golflengte as dié goed,” verduidelik Daisy. “Sy kan die klopgeluide hoor waarmee hulle kommunikeer.” Die skepper van die reeks, Howard Overman, sê: “Dit gaan nie net oor die ruimteweseverhaal wat ons ken nie. Ek wou hê dit…

SPECIAL NETFLIX | 2021 | KOMEDIE | SEISOEN 1-2 | KETTINGKYK VANAF DO. 20 MEI Ryan (Ryan O’Connell in sy deurbraakrol) is nou halfvervreemd van sy ma, Karen (Jessica Hecht, Susan van 1994-2000 in Friends, 1994-2004). Skrywersblok bedreig sy nuwe loopbaan, maar dinge lyk goed op die romantiese front wanneer Ryan die koketterige dansinstrukteur Tanner (Max Jenkins, Christopher in die komediereeks Dead To Me, 2019-nou) ontmoet. SOLOS AMAZON PRIME VIDEO | 2021 | SCI-FI | SEISOEN 1 | KETTINGKYK VANAF VR. 21 MEI Dié sterbelaaide antologiereeks vertel verhale van wat dit beteken om menslik te wees. Onder die spelers is Nicole Beharie (Abbi van 2013-2016 in die fantasiepolisiereeks Sleepy Hollow, 2013-2017), Uzo Aduba (Suzanne, alias Crazy Eyes, in die tronkreeks Orange Is The New Black, 2013-2019) en Anthony Mackie (Falcon…

In seisoen 12 was daar hope gassterre, soos sjef Gordon Ramsay (van die Amerikaanse MasterChef US, 2010-nou) en die sangeres Katy Perry, wie se liedjie Hot ’n Cold (2008) die temalied vir die seisoen was. En seisoen 13 is glad nie anders nie, want Jock, Melissa en Andy verwelkom ’n paar bekendes in die kombuis . . . nie altyd in persoon nie weens Covid-19-reisbeperkings. Die kok Nigella Lawson (die leefstylreeks Simply Nigella, 2015-nou) en sjef Heston Blumenthal (die spesiale leefstylprogram Heston’s Fantastical Food, 2012) gee uitdagings vanuit Brittanje met ’n Zoom-video-oproep, terwyl die seisoen 12-gunsteling en nageregster Reynold Poernomo later kom kuier. “Dit was groot pret om terug te kom ná die seisoen wat ek gehad het,” sê Reynold. “Om deel van die MasterChef-familie te wees, is ’n fees…

Die Jacobs-huishouding is een groot deurmekaarspul. Hulle is op die punt om uitmekaar te spat wanneer ’n geraamte uit die kas val weens Nazeem (Irvine van der Merwe) se gekonkel. Nazeem wil met alle mag sy niggie Nicci (Gerwen Simon), wat onlangs na Ruiterbosch teruggekeer het en met haar ma, Bridgette (Denise Newman), versoen het, uit die besigheid Jacobs Property Development (JPD) kry omdat hy wil voorkom dat sy meer mag daarin kry, want hy wil self meer inspraak in die onderneming hê. Dus gaan krap Nazeem waar dit nie jeuk nie en kom af op ’n groot sonde wat Bridgette en haar skoonseun, Tim (Marco Spaumer), gepleeg het. En hy huiwer nie om dit gebruik nie . . . ’N LEIDRAAD Nazeem besluit om sake in eie hande te…

REDAKTEUR Lucia Poolman ADJUNKREDAKTEUR EN ENGELS-HOOFTEKSREDAKTEUR Craig Falck ADJUNK-NUUSREDAKTEUR Genevieve Terblanche ALGEMENE SKRYWERS Elri Boucher, Ipeleng Rakgantsho SENIOR ONTWERPER Itumeleng E.U. Kunene BYDRAES Dalena Theron, Eleanor Mavimbela, Gerda Engelbrecht, Mariette Immelman, Maryke Roberts, Una Heradien TV-SKEDULES Andrea Lewis, Kashief Achmat REPRODUKSIE Kurt Ohlson, Jermain Hendricks KANTOORBESTUURDER (JHB) Noleen Mendace ADVERTENSIEVERKOPE: NASIONALE VERKOOPSBESTUURDER David Hay SPACE STATION (DIGITAAL) Joanne Lambley (021 468 8299/011 993 8050) SIRKULASIE: KATEGORIEBESTUURDER Armand Kasselman (021 443 9975) MEDIA24-LEEFSTYL: HOOF, WEEKBLAAIE Minette Ferreira UITGEWER Bea van der Vyver PROJEKBESTUURDER Michael de Beer BEMARKINGSKOÖRDINEERDER Noleen Mendace PRODUKSIEBESTUURDER Jacques du Plooy HOOFBESTUURDER: MEDIA24-LEEFSTYL Ishmet Davidson FINANSIËLE HOOF: MEDIA24-LEEFSTYL Raj Lalbahadur DRUKWERK Novus Print VERSPREIDING On the Dot…

Naam: Genevieve Terblanche. Pos: Senior skrywer, wat nou kyk wat 3 jaar gelede aanbeveel is. Ek kyk nou: Die dokkie Now (2015-2019), seisoen 1-3 is op Amazon Prime Video. My mening oor die reeks: Elke episode gebruik ’n bestaande dokkie as vertrekpunt vir ’n parodie vir nie net die storie nie, maar vir die dokkie-genre, en onthul die verskillende aspekte van feitelike vertelling. Die uitsonderlike aandag aan die detail van die stelle, tonele, kostuums en selfs outydse Hollywood-foto’s is naatloos herskep, maar met ’n komediekinkel. Sommige dokkies wat bekend sal lyk, sluit in die Grey Gardens (1975) -parodie Sandy Passage (seisoen 1, episode 1) en die Jiro Dreams Of Sushi (2011) -parodie Juan Likes Rice & Chicken (seisoen 2, episode 2). My gunsteling-oomblik: Seisoen 2 se parodie van die vervaardiger…

Dis nie net nuwe uitreikings wat ons na die stroomplatforms laat storm nie. Hier is programme oor huise en die verkoop van huise! • Family Firm: Hot Properties seisoen 1, realiteitsreeks oor ’n gesin wat luukse-eiendomme verkoop, 2021, Netflix. • Home seisoen 1, dokkiereeks oor buitengewone huise en eiendomme, 2020, Apple TV+. • Love & Marriage: Huntsville seisoen 1, realiteitsreeks oor drie supersterpaartjies en hul eiendomsagentskap, 2019, Showmax. • Selling Sunset seisoen 1-3, realiteitsreek oor ’n luukse-eiendomsagentskap in LA, 2020-nou, Netflix. • Million Dollar Beach House seisoen 1, realiteitsreeks wat in The Hamptons afspeel, 2020, Netflix. • Tiny House Nation seisoen 5, realiteitsreeks oor voorbereiding om in piepklein huisies te woon, 2019, Netflix.…

Adriaan is nie net ’n moordenaar nie, maar ook ’n huursoldaat en het oor die jare heen vele skietwonde opgedoen. In seisoen 2 en 3 sien ons Adriaan sonder sy hemp en daar is verskeie letsels op sy bolyf. “Dit duur langer as 2 uur vir die grimeerkunstenaars om daardie merke op my lyf te maak. Hulle gebruik ’n kombinasie van prostese en grimering om die skietwonde en brandmerke op te sit, asook van eie my tatoes te verbloem, en weer ander tydelike tatoes te teken. Dis ’n baie interessante proses,” sê Laudo.…

Die huismaats stem elke dag vir een kyksjef. Die kyksjefs kook nie meer nie, maar kyk hoe die kooksjefs kook. Die kyksjefs speel steeds ’n aktiewe rol en behou hul stem regdeur die kompetisie. Daar is drie kanse vir ’n kyksjef om weer ’n kooksjef te word: Bertus kan twee keer ’n kyksjef ’n kans gee; en die kyksjefs kan self een van hulle terugstem vir die eindronde op dag 8 (episode 8, 15 Julie) wanneer vier sjefs teen mekaar kook – drie kooksjefs en een kyksjef wat teruggestem is. Daar is elke dag twee uitdagings: die spankook en dan die alleenkook. Die span wat die spankook wen, is veilig om nie teen die einde van die episode uitgestem te word nie, en die verloorspan beland op die uitstemlys. Een…

Wanneer twee mense nie ooreenstem nie, is dit goed om ’n bemiddelaar in te roep. Of op ’n tipiese Hillside-manier ’n armdrukoorlog te verklaar! Dis tyd om te wed wanneer Marko (Francois Lensley) en Rickus (André Lotter) hul spiere inspan in ’n stryd om gehaltetyd saam met die jong Thomas (Vian Singleton) deur te bring. Die ouens is dol oor Thomas en hulle is gretig om ’n vakansie net vir mans later vanjaar saam met hom deur te bring. “Hulle het belowe om na Esti (Reandi Grey, Liz in Legacy, 2020-nou, sien bl. 29) se seun, Thomas, om te sien (terwyl sy van die skerm af in ’n koma is), en ek dink albei wil uiteindelik kinders hê. Dit is dus ’n behoefte aan vaderskap om ’n pa-seun-verhouding met hom…

Nesie (Melissa Massyn) het nog altyd een leuse in haar lewe gehad: Mik vir die sterre en hoop jy land op die maan. Maar nou begin dié bekkige kelnerin skielik haar lewensdrome in heroënskou neem. Pottie (Christo Com-pion), haar baas by die kuierplek Pottie’s, het dié saadjie van twyfel gesaai toe hy haar gevra het wat sy nou eintlik met haar lewe wil doen. “Nesie voel skielik verward en wanneer Pottie se vrou, Magda (Elzabé Zietsman), haar aanraai om eers ’n paar internskappe te doen, dink Nesie dis ’n cool idee en neem verlof om Magda se raad te volg,” vertel Melissa. NUWE UITDAGINGS Melissa sê Nesie se grootste ambisie was eintlik om ’n bekende sangeres te word. Sy het verlede jaar van Springs na die Goudstad verhuis om dié…

BOLD Bill probeer polisiehoof Baker van Liam se spoor bring deur ander verdagtes in Vinny se moordsaak voor te stel, maar Baker ondervra Liam oor waarom hy Vinny gehaat het. Hope verwelkom Liam tuis, Paris waarsku Zoe om Quinn nie te vertrou nie, en Zoe smeek Quinn om namens haar met Carter te praat, maar Quinn swig voor haar aangetrokkenheid en sy en Carter het seks in sy solderkamer. Wyatt wonder wat gaan aan tussen Liam en Bill, en Thomas sweer om self Vinny se moordenaar te vind. DAYS Susan (Kristen in vermomming) sê vir Jake hy en Gabi is vir mekaar bedoel, Kristen vermom haarself as Kate om Jake te laat dink Kate sê hom af, en Roman maak niksvermoedend vir Kristen die hof terwyl sy as Kate vermom…

Gaby in Binnelanders kan gerus haar hare kam. Sy moet laat Hannon van Glam Guru haar beetkry, sy lyk eenvoudig net slordig. Naomi moet ook saamgaan vir ’n konsultasie, hulle kort al twee ’n makeover. – SAARTJIE, SMS Gaby en Karen vat nou weer Binnelanders oor met hul storielyn. Laat die ander karakters ’n bietjie die kollig steel. – TINA, SMS Karen en Gaby moet hul ry kry. Hulle dra nie by tot Binnelanders nie. Gaby moet haar hare kam, dalk sal ’n hark help? Tracy moet haarself ook regruk! – CELESTE, SMS Ek wens Kaashifa en Imraan wil Suidooster verlaat. Hulle raak irriterend, hulle is skaars getroud en baklei soos kat en hond. Imraan het dringend professionele hulp nodig. – FRANCOIS, SMS Wat gaan aan met Imraan? Sy jaloesie…

Ek is dol oor Suidooster, maar Carmen se storielyn het my afgesit. Haar optrede was kinderlik toe sy vir baba Mikhail verloor het en toe hardloop sy weg van haar probleme. Dis presies wat haar karakter in Binnelanders gedoen het. Na my mening is Desiré Gardner, wat Carmen se rol vertolk, nie ’n goeie aktrise nie. Ek is bly sy het die sepie verlaat. – LYN, SMS Ek is baie hartseer om Carmen te sien gaan, haar toneelspel was puik, en die storielyn baie emosioneel. Strekte met jou nuwe vooruitsigte, ek hoop om jou weer te sien. – MARIZELLE, FACE-BOOK. Ek het nie gedink Carmen en Rhafiek sou skei nie. Ek verstaan sy het tyd nodig gehad om tot verhaal te kom ná haar verlies, maar dié ontwikkeling is so…

Woensdag PASELLA Seisoen 28 SABC2 (*192) 19:30 Episode 5 (leefstyl) 19 Mei Die aktrise Cindy Swanepoel (dr. Annelize in Binnelanders, 2005-nou, sien ble. 20-21) en haar kêrel, Hardus van Deventer, kuier saam met die Pasella-span deur by die Graskopkloof af te swaai, en die aanbieder, Vicky Davis, geniet ’n lugballon-wildrit saam met die sanger Refentse wat altyd gereed is vir avontuur. GHOST NATION Seisoen 2 Travel Channel (*179) 21:10 Episode 20 (realiteit) 26 Mei Die spookjagters pak hul skrikwekkendste taak nog aan: ’n soektog na spoke, lykrowers en ander monsters in die nag by die Pennsilvanië Harrisburg-staatshospitaal. Dit behoort nie ’n probleem te wees om iets in die spookgange te vind nie – van 1851 tot 1937 is die inrigting die Pennsilvanië-staatsmalhuishospitaal genoem. Donderdag FLIP OR FLOP Seisoen 9 HGTV…

By tvplus kyk ons ongelooflik baie televisie. En al hou ons dalk nie van alles nie, doen ons ons bes om elke program ’n regverdige kans te gee. Maar dis nie als werk nie. Ons raak diep verknog aan reekse. Stroomdienste laat ons toe om na hartelus te kettingkyk, en ons gunsteling-programme in te pas by al die regstreekse TV-kykery wat ons professioneel doen. Ons kan agteroor sit met ’n lekker opfrissertjie nadat ons intense dramas en rillers oor donker temas gekyk het. En soms kan ons afskakel en net ’n oomblik geniet wanneer ons kniediep in seisoen 4 van ’n reeks vol kinkels is met 40 verskillende sleutelkarakters. Hier is waarna tvplus kyk vir pret (benewens al die wonderlike Afrikaanse inhoud op kykNET en VIA) . . . TVPLUS…

TIGTONE SHOWMAX| 2019-NOU | KOMEDIE | SEISOEN 1-2 | KETTINGKYK VANAF MA. 17 MEI Dié rekenaargeanimeerde, satiriese fantasiereeks vir volwassenes vertel van die soektogverslaafde Tigtone (stem van die musikant Nils Frykdahl van die groep Faun Fables) in ’n skyn Middeleeuse wêreld. YOLO: CRYSTAL FANTASY SHOWMAX| 2020-NOU | KOMEDIE | SEISOEN 1 | KETTINGKYK VANAF MA. 17 MEI In dié geanimeerde volwasse komedieprogram, volg die Australiese partytjiedierbesties Rachel en Sarah (stemme van die nuwelinge Todor Manojlovic en Sarah Bishop) hul doelwit om liefde te vind en skep chaos op hul bisarre dorpie Wollongong. THE ERIC ANDRE SHOW SHOWMAX| 2012-NOU | KOMEDIE-GESELS | SEISOEN 5 | KETTINGKYK VANAF MA. 17 MEI ’n Mens kan enigiets verwag wanneer Eric Andre (Mike in die komediereeks Man Seeking Woman, 2015-2017) ’n beroemde ster by hom…

In ooreenstemming met die Covid-19-regulasies het die afrigters kreatiewe maniere bedink om bande met hul spanlede te smee sonder om hulle ’n drukkie te gee of hul hand te skud. Wanneer ’n deelnemer dus die span haal, is hulle met ’n spesiale geskenk beloon. Nick gee sy lede ’n verpersoonlikte notaboekie met sy gesig op die omslag, Kelly bied hulle ’n handelsmerkbaadjie, John sing vir hulle ’n huldeliedjie uit die vuis, en Blake gee hulle ’n bobbelkopfiguurtjie van homself, en hy laat almal verstaan dit lyk glad nie soos hy nie. “Die bobbelkoppe lyk meer soos die akteur Jonah Hill (Donnie in die biografiese fliekkomedie The Wolf Of Wall Street, 2013),” sê Blake. “Maar ons het hulle in grootmaat aangekoop, op ’n uitverkoping êrens, en ons het my naam op…

Die onderhoof van die Hoërskool Arendsvlei, Thys Cupido (Sherman Pharo) word beskuldig van seksuele aanranding. ’n Leerder vir wie hy ekstra wiskundeklasse gee, Keesha Lange-veldt (Schae Pietersen) het hom by die skoolhoof, Thys se suster Beatrice Abrahams (Jolene Martin), aangekla. Thys wil altyd hê reg en geregtigheid moet geskied en as daar tyd is, wil hy liedjies skryf en kitaarspeel. Leerders kyk op na hom as ’n man van inbors, en dié aantygings kan sy loopbaan vernietig. Dis erg genoeg dat hy voor die beheerraad moet verskyn, maar boonop dien sy eksvrou, Janice Cupido (Crystal-Donna Roberts), en huidige vrou, Ronel Foster (Melanie du Bois), ook in die beheerliggaam. GOEDHEID MISBRUIK Sherman sê Thys was erg geskok. “Dis seker een van die ernstigste klagte teen ’n man of vrou. Veral as…

19 Mei 20 Mei 21 Mei 22 Mei 23 Mei 24 Mei 25 Mei 26 Mei 27 Mei 28 Mei 29 Mei 30 Mei 31 Mei 1 Junie…

Die doel met dié blad is om lesers ’n kans te gee om hul mening te lug. Dit weerspieël nie noodwendig tvplus se opinie nie. Verder probeer ons vrae wat per SMS, e-pos of op ons sosiale mediaplatforms aan ons gerig word, regstreeks antwoord. Dus is hier nie vrae oor wanneer programme uitgesaai word, hoekom iets van die skedule af verdwyn het, ensovoorts, nie. Sover moontlik plaas ons SMS’e soos dit aan ons gestuur is, maar probeer konteks verskaf, soos die program waarin die karakter verskyn, indien dit nie in die SMS genoem word nie. Laat ons asseblief weet wat julle dink! Dis lekkerder wanneer ons almal saam TV kyk en dit bespreek!…