Innholdsfortegnelse for 06 May 2021 i TV Plus Afrikaans

Dokumentêre programme het ’n al hoe gewilder manier geword om stories te vertel, veral wanneer ’n sosiale bewusmakingsboodskap oorgedra word. Die stroomplatform Showmax het ’n wye versameling spesiale dokkies om te kettingkyk en dit dek alles vanaf die politiek tot ras en die stryd om oorlewing. TRAFFIC STOP Traffic Stop, wat in 2017 vir ’n Academy Award benoem is, stel die Amerikaanse polisie se vooroordeel teen mense van kleur aan die kaak, wat beklemtoon is deur die onlangse skuldigbevinding van die voormalige polisiebeampte Derek Chauvin. Hy is aangekla van die oormatige krag wat gebruik is nadat hy George Floyd in 2020 gearresteer het, en wat tot George se dood gelei het. Hoewel net ’n paar moeilikheid veroorsaak, het Amerikaanse wetstoepassers ’n reputasie van rassevooroordeel en dit word in grafiese besonderhede…

Doodgewone Jo Seisoen 1 Dinsdae VIA (*147) 20:30 So onlangs soos ’n jaar gelede sou die bekende sanger Jo Black (36) beswaarlik kon droom hy sou eendag in ’n Lamborghini teen ’n hoë snelheid in Pretoria jaag, skerm, boogskiet, vlieghengel, boks of in die Bosveld kan gaan jag – wat nog te sê van ’n aanbieder van sy eie geselsprogram wees. “Met die inperking in 2020 het my konserte opgedroog en ek het baie introspeksie gedoen. Ek het vir my vrou, Debbie, gesê soms moet ’n mens jou vrese konfronteer om nuwe herinneringe te bou,” vertel hy. Hy het toe met die idee vir ’n nuwe kletsprogram vorendag gekom waartydens hy nie net met bekende persoonlikhede gesels nie, maar sommige van hulle ook uitdaag om ’n waaghalsige avontuur saam met…

Wanneer dit by romanse en verhoudings in Hillside kom, is Marko (Francois Lensley) en Rickus (André Lötter) nie juis rolmodelle nie weens hul baie mislukkings met die liefde. “Siestog, hulle is werklik gaaf en probeer Thomas met raad help, maar hulle gee hom teenstellende wenke,” sê die 15-jarige Vian Singleton, wat die verliefde matrikulant Thomas speel. Die tienerkarakter merk die 16-jarige Mieke (Reze-Tiana Wessels, wat 23 is) op wanneer hy sy vriend Shawn (Deànré Reiners) in die arkade raakloop en “hy voel dadelik skoenlappers. Sy hou ook van hom, en dís waar die moeilikheid begin,” sê Vian en lag. Want terwyl hy gelukkig is om homself te wees, het sy “beskermengele” Marko en Rickus ander idees. ONBRUIKBARE RAAD Marko en Rickus is twee baie verskillende mans met verskillende benaderings tot…

Die Binneland-sekretaresse Tracy (Melinda Brink) probeer al sedert April so hard om aan haar dogter, Kyla (Anouk Kane Smith), te bewys sy behoort by haar, maar die 9-jarige pas eenvoudig nie aan nie en wil met hart en siel na haar pleegouers teruggaan. “Tracy besef sy sal ’n besluit moet neem,” sê Melinda. “Maar wat dinge moeiliker maak, is die pleegma, Olivia (Michelle Douglas), wil hê Tracy moet toestemming gee dat hulle Kyla aanneem en van al haar regte afstand doen.” Tracy is emosioneel uitgeput en sukkel om te slaap, wat veroorsaak dat sy foute maak by die werk wat haar in groot moeilikheid laat beland. NALATIG EN GEVAARLIK “Tracy het die verkeerde operasie prosedures geskeduleer vir twee pasiënte van haar baas, dr. Hugo (Cobus Rossouw jr.), wat op die…

Maryke (Marijke Coetser) se bestendige lewe is op Donderdag 22 April skielik op sy kop gekeer toe sy die nuus ontvang het Crystal (nie op die skerm nie), die eienares van die klub Crystal Palace, is oorlede en sy het die helfte van die klub geërf. “Crystal was vir Maryke soos ’n tweede ma en het haar destyds onder haar vlerk geneem toe Maryke in haar jong dae as ontkleedanseres by die klub gewerk het,” vertel Marijke. Maryke het ná haar ontkleedansdae hard probeer om haar lewe op dreef te kry. “Sy het intussen ma, wederhelf en ’n suksesvolle sakevrou geword en dis asof sy nou weer van vooraf met haar verlede gekonfronteer word.” En sy gaan sukkel om dié nuwe kinkel te beheer. HAAR VERLEDE ROEP Maryke wou die…

VERLEDE KEER Neriman het haar neus in ander se besigheid gesteek, en Sinan moes vir Yasemin en Ismail met hul probleme help. Ömer en Defne het werk en liefde ’n tweede kans gegee, en Serdar het besef ’n huwelik is nie altyd maklik nie. 5 – 7 MEI Neriman se maatsoek-vermoëns kom goed te pas wanneer sy ’n verrassingstroue vir Ömer en Defne reël, en Yasemin is bekommerd haar argument met Ismail en Serdar het nie die gewenste uitwerking gehad nie. Ismail beskou sy verhouding met Yasemin as iets van die verlede, Neriman trek steeds toutjies agter die skerms, en Koray het ’n ineenstorting nadat hy iemand iets sien doen wat hulle belowe het om nie te doen nie. Neriman gebruik haar invloed om Ömer en Defne oornag in die…

Seisoen 3 van die dramareeks Coroner (2019-nou) bring Maandae op Universal TV (*117) om 20:00 selfs meer grieselrigheid na ons TV’s met sy ultrarealistiese stelle en makabere lyke wanneer die lykskouer van Toronto Jenny Cooper (Serinda Swan, Chloe in die sportdramedie Ballers, 2015-2019) moorde ondersoek. Dis tyd vir ons eie ondersoek wanneer Serinda en die uitvoerende vervaardigers, Morwyn Brebner en Adrienne Mitchell, meer onthul oor die reeks se rekwisietlyke. LEEF SAAM MET DIE DOOIES Hoe hanteer julle die aakligheid van die rekwisietlyke? Adrienne: Ons is in ’n wêreld van oëverblindery, maar wat werklik begin voel, wat vreemd is, is die walglike goed. Die lykskouings en die misterie van die liggaam en hoe Morwyn en die span met allerhande groteske aspekte vorendag kom van hoe die liggaam ’n leidraad is tot…

G.I.L. Seisoen 1 Maandae kykNET (*144) 20:00 Die veteraanakteur Frank Opperman (60) en die komediekenner Bennie Fourie (32) maak ’n wenspan in die nuwe mokumentêre reeks G.I.L. (Grobbies Internasionale Lughawe) wat tans op kykNET uitgesaai word. En die twee se rolle is só geskryf dat dit ’n byna onuitputlike bron van komiese situasies skep: As landingsoperateur is Kreef Kreef (Frank) goed in sy werk, maar wanneer dit by personeelvergaderings kom, verkies hy om eerder ’n uiltjie te knip – wat natuurlik die ywerige nuwe bestuurder, Barry Wiese (Bennie), oneindig frustreer. “Barry wil so graag die lughawe ontgin en een van die beste lughawens in die land maak,” sê Bennie. Maar sy personeel, nes Kreef, is nie juis so geesdriftig soos hy nie. Ons het met albei oor hul liefde vir…

Eendag Seisoen 1 Woensdae VIA (*147) 20:00 Sy is beeldskoon, met ’n vietse lyfie wat toneelspeel en haar eie klere kan maak. Reandi Grey (31), bekend as Elizabeth Price in die telenovelle Legacy (2020-nou), is ’n vrou van vele talente – en nou voeg sy die rol van aanbieder van die leefstylreeks Eendag, wat Woensdae op VIA uitgesaai word, by haar lys vaardighede. Eendag is ’n program wat paartjies wat al ’n geruime tyd saam is, maar nog nie die tyd kon vind om te trou nie, die geleentheid bied om uiteindelik af te haak. Maar daar is ’n kinkel: “Die paartjie het net een dag om hul troue te reël én af te handel,” sê Reandi. “Dis nie hoe ’n mens gewoonlik ’n troue beplan nie,” voeg sy by.…

Die tyd het aangebreek vir Debra (Kay Smith) om uiteindelik uit te vind wie haar ma regtig is. Sedert haar ma, die bose Wendy Newman (Rehane Abrahams) in November 2020 verdwyn het, bestuur Debra haar ma se restaurant, Die Wendyhuis. En dis terwyl sy hier aan die stuur van sake is dat sy die gru-ontdekking maak: Sy vind die vermoorde skoolhoof, David (Oscar Pietersen) se tande en ’n skaakstel – nogal ’n stel wat Debra self aan hom geskenk het – in Wendy se kluis. Debra weet dit nog nie, maar Wendy het die skaakstel en die tande gebêre as aandenkings van haar gruwelike daad – die moord op David – en het selfs sy liggaam gaan opgrawe om die tande te vat voor sy die liggaam verbrand het om…

Dit het ’n tyd geduur, maar die voormalige dokter Siya Thuli (Gantane Kusch) het uiteindelik vrede gevind. “As hy nie skuld erken het op Denver (Marlon Swarts) se moord nie (een van die skobbejakke wat Siya in 2018 verkrag het), sou hy nooit met sy gewete kon saamleef nie, en sou hy op ’n pad van selfvernietiging gewees het,” sê Gantane. “Siya het ook sy drankprobleem aangepak en probeer regtig hard om sy lewe reg te ruk,” voeg hy by. Die enigste struikelblok wat Siya tans bekommer, is ’n tekort aan geld. Maar voor hy daaraan kan aandag gee, kom ’n ander geleentheid oor sy pad en dit kan dalk net Siya se roeping wees . . . ’N WERK BY DIE KERK “Omdat Siya nie meer ’n dokter is…

Renate (Christel van den Bergh) en haar geliefde Simon (David Louw) was albei oorstelp van vreugde toe hulle in Maart gehoor het hulle gaan vir die eerste keer ouers word, maar Renate is die afgelope tyd allesbehalwe ’n stralende, toekomstige mamma. Sy sukkel om met haar veranderende lyf vrede te maak, veral haar boepmagie wat nou al duidelik wys. Simon raak geïrriteerd met sy vrou wat skielik nie wil eet nie en ’n obsessie oor haar postuur ontwikkel. SAADJIE VAN AGTERDOG Christel sê Renate was nog altyd gesteld op haar figuur, en hoewel sy altyd swanger wou raak, het sy nooit besef watter eise dit aan haar liggaam gaan stel nie. “Sy voel sy sit net té vinnig gewig aan,” vertel sy. Boonop begin sy skielik haar selfvertroue verloor. “Sy…

Stephanie McMahon het stoei in haar bloed – haar pa, Vincent Kennedy McMahon jr., is die HUB van WWE – sien die aksie op Super­Sport WWE (*236) – en sy is getroud met die WWE-superster Triple H (regte naam Paul Levesque, ook die WWE se uitvoerende onderpresident, wêreldtalentstrategie en -ontwikkeling). Maar sy is in eie reg ’n stoeikragreus. Die 44-jarige stoeier het begin as ’n handelaar vir die familiebesigheid en het omtrent alles gedoen tot sy in 2013 tot die WWE se hoofhandelsmerkbeampte bevorder is. Sy het onder meer goud in die vrouekampioenskapstoernooi gewen. Stephanie het vir gelykheid geveg in ’n sport wat eens deur mans oorheers is. ’N VROU SE WOORD Wat is jou boodskap aan vroue-aanhangers wat die WWE kyk? Ek sê dit aan alle vroue –…

Die Byl Seisoen 3 Dinsdae kykNET (*144) 20:00 As jy ’n aanhanger van die misdaadreeks Die Byl (2016-nou) is, kan jy waarskynlik nou nog die angswekkende gille hoor van kapt. Juan Stuurman (Marvin-Lee Beukes, Alvin in die rilreeks Die Spreeus 2019-nou) soos hy in die laaste episode van seisoen 2 deur die reeksmoordenaar Smiley (Deon Lotz, James in die telenovelle Die Sentrum, 2021-nou) gemartel is. Die man het onmenslike pyn verduur en was op die rand van die dood toe hy deur sy baas en rolmodel, kol. Piet van der Bijl (Waldemar Schultz, Kobus in seisoen 1 en 2 van die dramareeks Fynskrif, 2018-2020), of Byl, soos sy kollegas hom noem, gered is. En in seisoen 3, wat tans op kykNET uitgesaai word, teister die demone van daai gruwelike dag…

Daar is ’n dramatiese strorielyn wat tans in Hillside afspeel, en dis enige ouer se ergste nagmerrie: ’n Kind verdwyn en dis nie omdat die kind in ’n vreemde buurt verdwaal het nie – die kind is ontvoer. “Dis ’n moeilike storielyn,” verduidelik Duncan Johnson, wat die rol van die gemeenskapsleier Marvin Petersen speel. “Marvin is ’n oudpolisieman en het lank gelede, voor hy ineengestort het, met dié soort situasie te doene gekry (jare voor hy in Hillside aangekom het). Dit maak sin dat Marvin die leiding neem, want hy is hoof van die Gemeenskapsbeskermingsforum (GBF), en ook omdat hy ervaring met ontvoeringsake het.” Dis ’n angswekkende storie wat die ouers op hol het, en dis maar net die begin . . . VERDWYNKUNS Daar was al voorheen ’n ontvoeringstorielyn…

Tannie Ilse (Hannelie Warren) was nog altyd lief vir die geskrewe woord en het die afgelope ruk hard gewerk aan haar eerste roman, wat in Mei gepubliseer is. Ilse se vriende en familie by die Binneland-kliniek brand om haar boek te lees, maar sodra hulle so paar hoofstukke gelees het, begin hulle ooreenkomste oplet tussen die hoofkarakter in Ilse se boek en oom Wimpie (Paul Lückhoff). Nie lank daarna nie, lê die gange van die Binneland-kliniek propvol skinderstories. Wimpie wil nie hê sy lewe en reputasie moet beswadder word nie, daarom roep hy regshulp in wat sy vriendskap met Ilse en haar man, Okkie (Ben Kruger), in die spervuur plaas. ’N SOORTGELYKE STORIE Die naam van Ilse se boek is Kamers Van Die Hart. “Dit gaan oor ’n man wat…

Daar is weer onmin in die Jacobsfamilie en dit het alles te doen met Nicci (Gerwen Simon) wat weer in die prentjie is. As die dogter van die Jacobsmatriarg Bridgette (Denise Newman), veroorsaak sy krapperigheid in die familie wanneer Bridgette vir haar ’n werk by die familie se onderneming, Jacobs Property Development (JPD), aanbied nadat haar verhouding en werk in Seattle skipbreuk gely het. “Dit beteken die wêreld vir Nicci dat sy en haar ma versoen het,” sê Gerwen. “Om weer by die familie-onderneming betrokke te raak is vir haar opwindend en sy sal aan die bestuurskant betrokke wees.” Maar waar Nicci en Bridgette gelukkig is oor die ontwikkeling, is die res van die familie glad nie opgewonde nie, veral nie Bridgette se susterskind, Zoe (Lauren Joseph), nie. Zoe sal…

Sedert sy na Legacy Investments teruggekeer het, was dit nie vir Petra (Trix Vivier) lekker nie – weens haar nuwe bestuurder, Mike (Russel Savadier, Gary in die komediereeks Taryn & Sharon, 2017). Hy is ’n sekspes en is op die punt om aan die kaak gestel te word. “Seksuele teistering is ’n reeks kommentare, mikro-aggressies wat die slagoffers (dikwels vroue) ongemaklik laat voel,” verduidelik Trix. “Teen die tyd wat die fisieke mishandeling plaasvind, is die slagoffer so gemanipuleer dat sy haar sin vir rasionaliteit bevraagteken.” Nadat sy Angelique (Michelle Botes), wat Mike na Legacy gebring het, sonder sukses genader het, neem Petra sake in eie hande – en sy is geregtig daarop in dié belangrike warelewe-storielyn. “As ’n vrou in die fliekbedryf, het ek self ervaar wat Petra beleef,” voeg…