Innholdsfortegnelse for 22 Apr 2021 i TV Plus Afrikaans

Op My Eish! Seisoen 1 Donderdae kykNET (*144) 20:00 (begin 22 April) Die hubare akteur Neels van Jaarsveld gaan omtrent moet kopkrap om die vrou van sy hart uit 12 deelnemers in die nuwe realiteitsreeks Op My Eish! te vind. Maar gelukkig is sy goeie vriend, die akteur, aanbieder en vervaardiger Henré Pretorius aan sy sy om hom emosioneel by te staan wanneer hy groot besluite moet neem. “Hierdie program kom net op die regte tyd oor Neels se pad, want Neels is nou op ’n goeie plek in sy lewe en slaggereed om nuwe liefde te vind,” vertel Henré. HOEKOM HENRÉ? Henré en Neels se vriendskap kom al van 2004 af. “Ek was die vervaardiger en aanbieder van die musiekkanaal MK toe ons ontmoet het, en ons het ook…

Dinge wil nou net nie vir Tracy (Melinda Brink), ’n sekretaresse by die Binneland-kliniek, uitwerk nie. Sy het al baie dinge in haar lewe gedoen wat sy berou, soos haar betrokkenheid by ambulanskapings in 2019, maar die een ding waarop sy trots is, is haar dogter, Kyla (Anouk Kane Smith), en die feit dat sy onlangs toesig oor Kyla teruggekry het. Die enigste probleem is die 9-jarige Kyla is glad nie ingenome om by haar biologiese ma te woon nie en is sielsongelukkig. Tracy probeer alles in haar vermoë om Kyla te laat besef sy hoort by haar, maar die kunsmatige gesin is besig om uit te rafel, en dit bring Tracy by ’n kruispad: Moet sy Kyla teen haar sin hou, of haar laat aaneem deur die pleegouers na…

Met al die slaggate op pad kansel toe sou ’n mens hoop die pasgetroude Kaashifa (Jawaahier Petersen) en Imraan (Marlo Minnaar) Bassier is nou oor die ergste, maar dit lyk of die probleme nou eers begin! “Die honeymoon fase is sommer gou verby,” verklap Jawaahier. En wanneer jaloesie, ’n behoefte aan onafhanklikheid en ’n ekskêrel sy verskyning maak, veroorsaak dit spanning wat dié paartjie glad nie goed hanteer nie. DIE MOTOR-DILEMMA Die eerste ding wat skeefloop, is wanneer Kaashifa besluit sy wil vir haarself ’n motor koop, maar sy teenstand kry van Imraan. “Sy voel sy kan dit ook bekostig,” sê Jawaahier. “Maar Imraan dink weer sy vrou is oorhaastig en moenie net geld links en regs wil uitgee nie.” Sy koop wel die motor, wat tot ’n reuse-uitval lei…

Jacques Blignaut is dankbaar hy is nie in sy karakter Martin van Wyk se skoene nie. “Kan jy jou voorstel waardeur dié man gaan? Martin se vrou, Grace (Hildegardt Whites, Jacques se voormalige medester as Bonita in die sepie 7de Laan, 2000-nou, lees meer op bl. 20), was sterwend toe ons begin kyk het (op Maandag 5 April). Sy was terminaal siek en die jare van haar versorging het sy tol geëis. Hy het haar oneindig liefgehad, hy was toegewyd.” En dís waarom die dokter ’n verpletterende besluit geneem het “om haar te gee wat sy wou hê”, sê Jacques: genadedood. Al het Grace nou vrede, het Martin en sy tienerdogter, Tessa (Carla Classen), dit nie. SINKENDE GEVOEL Almal dink Grace is weens haar siekte dood, wat Martin dwing om…

Die nuutste seisoen van die Suid-Afrikaanse tatoerealiteitsreeks Rumble & Hum (2017-nou) is in 2019 verfilm, maar is tydens die postproduksie tot stilstand geruk weens die wêreldwye Covid-19-pandemie en die gevolglike inperking. En hier is dit nou! Rumble & Hum seisoen 2 het op 17 April begin en wys op Saterdae en Sondae op CBS Reality (*132) om 19:30. Baie het verander sedert die vorige seisoen uitgesaai is en die huidige seisoen verfilm is, ons het dus by Lew (VuduLew) Williams, eienaar van die Rumble & Hum-ateljee, gaan inloer vir ’n geselsie. SÓ SÊ LEW Wat gebeur in 2021 in die tatoewêreld weens die pandemie? Ons het almal ’n terugslag beleef. Ons sukkel steeds om te herstel. Dié wat nie vir moeilike tye gespaar het nie, het hul ateljees verloor. As…

Skud Dit Af Seisoen 1 Dinsdae VIA (*147) 17:00 Alvin Bruinders en Gerhard Steyn, aanbieders van die VIA-reeks Konings Van Kitskos (2018 – 2020) is terug met ’n nuwe reeks. Maar dié keer skuif hulle die smullekker wegneemetes so ’n bietjie opsy en fokus op gesond eet en gewig verloor. Die pragtige Melinda Bam, voormalige mej. Suid-Afrika (2011) en fiksheidsfanatikus, ondersteun die twee vriende op hul reis en sorg ook dat die manne die nodige oefening kry. LEEFSTYLVERANDERING Die grapjas Alvin (46) vertel hy het reeds einde verlede jaar besluit om ’n drastiese leefstylverandering te maak. Alvin is bekend vir sy komiese rolle soos Sheridan in Vetkoekpaleis (1996, 1997 en 1980) en sê hy het net een dag besluit tot hiertoe en nie verder nie. “Ek is ’n betreklik gesonde…

Wanneer dit by romantiese gebare kom, weet Fikani (Nicholas Nkuna) hoe om sy verloofde, Alexa (Carina Nel), te bekoor. Maar sy verrassingsete in die T&T-winkel, waarvan Fikani die eienaar is, loop lelik skeef. “Hulle wals en stamp per ongeluk ’n kers om wanneer Alexa se pa, Chris (David Rees), hulle verras,” sê Carina. “Die brand versprei vinnig deur die winkel en wanneer Chris vir brandblussers skree, sê Fikani dis te laat (om die vuur te blus), en hulle moet sorg dat hulle uitkom.” Maar dis net die begin van die tragedie. CHRIS, DIE REDDER “Chris was by T&T om sy bloeddrukmedikasie by Alexa, ’n dokter, te kom haal,” sê David, en voeg by Chris gaan weer by die winkel in (nadat hy ’n vrou in die kassiekopie op die TV…

Dokter Tertius (Reynardt Hugo) het maar onlangs sy halfsuster, Gaby (Maude Sandham), leer ken, en sy het haarself al klaar lekker in sy lewe en sommer sy woonstel ingewurm. Die vurige krulkop-verpleegster is avontuurlustig en altyd lus vir pret en plesier. Dit kom nie eers by haar op dat sy Tertius en sy huismaat, die paramedikus Danny (Bradley Olivier), se ruimte in die woonstel heeltemal oorneem nie. Maar nadat Danny ’n bra in die badkamer vind, is dit die laaste strooi en moet ouboet Tertius vinnig ’n plan maak met sy lewenslustige halfsuster. SOEK ’N WOONSTELMAAT “Gaby besef nooit wanneer sy dinge te ver voer nie,” vertel Maude, daarom voel sy seergemaak wanneer Tertius haar naam op die waglys sit vir blyplek in die Kiepersol-woonstelblok net oorkant die Binneland-kliniek waar…

D it lyk of die sagmoedige Stryderstut Buks Marais (Adriaan Marais) sy Nesie (Melissa Massyn) kwyt gaan wees en dit alles oor ’n familieskandaal waarvan hy nooit eers geweet het nie – en boonop haar bloedfamilie groot skade berokken het. Buks probeer red wat hy kan en probeer ook die vrede tussen hom en sy geliefde Nesie herstel. IN DIE DONKER Toe Buks Nesie se ouma ’n paar weke gelede ontmoet het, wou sy dadelik weet of hy familie van die “skelm” Marais’s is. Adriaan vertel Buks het nooit ’n verhouding met sy pa gehad nie en hy weet nie eers wat sy oupa se naam is nie. “Hy het dus glad nie ’n benul gehad of hy verwant is aan die berugte Jacques Marais wat in Daggafontein by Springs…

Nee, jy kyk nie die verkeerde kanaal of program nie – dit ís die regsgenie Sandra Stein wat in dié twee weke haar gewig in Legacy rondgooi. “Dit is die vyfde produksie waarin ek haar vertolk,” sê Shannon Esra (Sam in die minireeks Lioness, 2021), wat Sandra se skoene volgestaan het in die Mzansi Magic-telenovelles The Queen (2017-nou, sien bl. 36), The Throne (2019-2020), The River (2019-nou, sien bl. 36) en Gomora (2020-nou, sien bl. 33). “Dié keer is haar klere meer gepas en spoggerig, maar dis dieselfde ou Sandra – sy’s gereed om tot elke prys te wen,” voeg Shannon by. Die sending? Om haar kliënt Dineo (Kgomotso Christopher) te verdedig wanneer Dineo se oorlede man, Sebastian Price (Deon Lotz, James in die nuwe telenovelle Die Sentrum, sien bl.…

Gord jouself vas in jou salonstoel, want ’n draaikolk van emosies wag op jou in die nuwe fliek wat jou so hard gaan laat lag, jou swirlkous sal afval. Dié plaaslike dramedie, met van Suid-Afrika se gusteling-aktrises in die rolverdeling – van Shaleen Surtie-Richards (Nenna in die sepie Egoli: Plek Van Goud, 1992-2020) en Vinette Ebrahim (bekend as Charmaine Meintjies tot Oktober 2019 in die sepie 7de Laan, 2000-nou, lees meer op bl. 20), tot Ilse Klink (Dorothy Galant sedert 2020 in die sepie Arendsvlei, 2018-nou, lees meer op bl. 21) en Gerwen Simon (keer vandeesmaand terug in haar rol as Nicci October in die sepie Suidooster, 2015-nou, lees meer op bl. 24-25) – het baie skop en groot talent. Wanneer jy hul name lees, sal jy dalk dink jy…

Die Byl Seisoen 3 Dinsdae kykNET (*144) 20:00 (begin 27 April) Solank as wat daar boosheid in die wêreld is, sal die werk van ’n baasspeurder nooit klaar wees nie. Die einde van seisoen 2 van Die Byl (2016-nou) het ons op die punt van ons rusbanke gelaat en nou is kol. Piet van der Bijl (Waldemar Schultz, Jan-Hendrik Terreblanche vanaf 2000-2009 in die sepie 7de Laan, 2000-nou) terug – dié keer met posttraumatiese stresversteuring, maar geen verligting in die werksarena nie. Dinge het lelik skeefgeloop vir Byl en sy span ondersoekers toe twee spanlede in seisoen 2 (2020) dood is. Seisoen 3 begin in April op kykNET, en ons kan nie help om morbiede opwinding te voel vir al die nuwe kinkels in Byl se verhaal nie. Hoewel die…

Dorothy (Ilse Klink) het van die begin af vir Daniel Lafras (Cantona James) gewaarsku om sy neus uit die bose bendefamilie, die Galants, se sake te hou – tensy hy moeilikheid wil hê. Sy is die bendebaas se vrou, dus sal sy weet. Maar as joernalis by die gemeenskapskoerant, Die Arendsvleier, het sy nuushondinstinkte oorgeneem. “Hy weet hy sal in groot moeilikheid wees as die Galants moet uitvind hy hou hulle dop,” vertel Cantona. BEATRICE IS BEKOMMERD Daniel bly by die skoolhoof, Beatrice Cupido (Jolene Martin), en sy ondersoek plaas eintlik haar lewe ook in gevaar, maar sy is vir eers net baie bekommerd oor Daniel. Jolene sê: “Beatrice wil nie hê hy moet naby die Galants kom nie. Dis klaar te erg dat hy so na-aan Angelique (Chelsea Thomas)…

Kyk net wie is deur die wind by Ruiterbosch ingewaai: Bridgette (Denise Newman) se vervreemde dogter, Nicci October (Gerwen Simon). Hul verhouding het skipbreuk gely na Nicci se pa, Ian (Abduraghmaan Adams, 2015-2018 in Suidooster, 2015-nou), se val op die huistrappe. Dit was ’n fiasko, want ná die val moes hy ’n operasie ondergaan weens die pyn in sy rug, maar die operasie het veroorsaak dat ’n bloedklont op sy brein vorm, wat hom in ’n versorgingseenheid laat beland het. “Nicci het haar familie ná die voorval afgeskryf en was ook keelvol vir al die rugstekery,” vertel Gerwen. Sy het besluit ál hoe sy daarvan kan ontsnap, is om na Seattle, Amerika, te verhuis. Maar iets moes skeefgeloop het, want Nicci is terug en gretig om met haar ma en…

Sy lewe bokant haar inkomste en om beter as die bure te wees, gaan die berader Naomi Beukes (Randy Januarie) binnekort inhaal. Daai spoggerige woonstel in Parow met al sy geriewe en goed is alles ’n front – sy besit niks, van haar bed tot haar koffiemasjien, sy betaal alles nog af. En wanneer sy ’n oproep kry om haar ma (nie op die skerm nie), ’n veeboer, te help, kan Naomi op niemand staatmaak nie. Of kan sy? “James is ’n suksesvolle sakeman, hy het geld en hy hou daarvan om dit uit te gee. Hy hou daarvan om mense te bederf en dis vir hom gelyk aan liefde,” sê Deon Lotz, wat ook die gewetenlose, vermoorde sakeman Sebastian Price speel in die telenovelle Legacy (lees meer op bl.…