Innholdsfortegnelse for 08 Apr 2021 i TV Plus Afrikaans

Sedert die aantreklike vreemdeling Ashwin (Keenan Arrison) sy opwagting in die eerste episode van die nuwe seisoen van Swartwater gemaak het, het kykers geweet hier broei nuwe moeilikheid. Ashwin was in ’n motorfietsongeluk en is in dieselfde hospitaal opgeneem as Francois (Louw Venter), wat toe al geruime tyd in ’n koma is ná ’n skietongeluk. Met die eerste ontmoeting tussen Ashwin en Karen (Antoinette Louw), Francois se vrou, was daar dadelik ’n vonk. “Karen verteenwoordig ’n vrye gees en vul ’n leemte in Ashwin se lewe, en andersom. Wanneer Ashwin Karen ontmoet, voel dit soos ’n nuwe uitdaging, selfs al weet hy baie goed sy en Francois is getroud,” vertel Keenan. DONKER KANT Namate die vriendskap tussen Ashwin en Karen hegter word, begin Ashwin se donker verlede hom stadig maar…

Die Sentrum is meer as net ’n verhaal van hoop en vertroue. Die nuwe Afrikaans-en-Xhosa-telenovelle verken die wêreld van telefoonterapeute wat hul eie vermoëns gebruik om mense te help wat in hul uur van nood om hulp uitreik. Dis moeilik om hulp te vra – veral as jy werk in ’n veld waar jy vir ander moet raad gee. En hoe meer die groep van agt kollegas hul kliënte help, hoe meer besef hulle hulle het self ’n bietjie hulp nodig. Die telenovelle begin op Donderdag 8 April op SABC2 (*192) om 18:00, en word op Donderdae en Vrydae uitgesaai. Die hooftema van Die Sentrum is “Ek kan eers ander help as ek myself gehelp het”. “Dit gaan oor balans,” verduidelik Deon Lotz (Sebastian Price in die telenovelle Legacy, 2020-nou,…

Die liefde speel soms vreemde speletjies met ’n mens se hart en Chris (Marcel van Heerden) bevind homself tans in ’n liefdespenarie met twee vroue wat in hom belangstel. Sy wa is klaar gehaak aan Bridgette (Denise Newman), sy jarelange vriendin en baas, maar met die onlangse bekentenis van sy huismaat Kate (Annelisa Weiland) dat sy gevoelens vir hom koester, is die man nou skoon deurmekaar. Gaan hy eerder met Kate ’n verhouding aanknoop en Bridgette soos ’n warm patat los? Bridgette sal tog nooit so ’n vernedering aanvaar nie! VERWARD Kate is vasberade om uit Chris se huis te trek noudat hy weet hoe sy oor hom voel. Sy klop juis aan by die eiendomsagent Zoe (Lauren Joseph) by Jacobs Property Development en vra sy moet vir haar ander…

D it gons in die Arendsvlei-gemeenskap nadat die mensehandelsindikaat begin April oopgevlek is. Die skurke daaragter is niemand anders nie as die bose bendefamilie die Galants, en as daar een mens is wat die geraamtes in hul kas ken, is dit Langes (Bobby Stuurman) – Bompie Galant (Jarrid Geduld) se voormalige handlanger en vriend. Langes het einde verlede jaar alle bande met Bompie verbreek en probeer nou ’n nuwe lewe bou, maar dit lyk of sy verlede hom eers gaan inhaal voor hy werklik kan aanbeweeg. En dit gaan nie so maklik wees om sy nuwe vriend, Anton (Dean Richard Olivier), en liefie, Debra (Kay Smith), te oortuig hy het verander nie. GEWETE PLA Dis ’n blye dag vir almal wanneer Bompie gearresteer word vir sy betrokkenheid by die uitlok…

Almal doen dit – ons kyk ons gunsteling-TV-program en “word” ’n prokureur, ’n speurder, ’n superheld of ’n dokter nes ons gunsteling-karakter. Ons weet hoe om met huise te spekuleer, ’n saak op te los en hoe om ’n koek te bak. Ons word beroepsmense! En ons staan gereed om die ander beroepsmense te kritiseer. Danksy DStv is ons nou opgelei om saam met ons gunsteling-chirurge, dokters en ander mediese noodpersoneel te “opereer” met behulp van dié hospitaalprogramme wat tans uitgesaai word. GREY’S ANATOMY S17 Seisoen 17 van die tranetrekker Grey’s Anatomy (2005-nou) beklemtoon die Covid-19-drama wanneer die hoofkarakter Meredith Grey (Ellen Pompeo) die virus opdoen. Sy kry visioene van wyle George O’Malley (TR Knight, Davey in die dramediereeks The Flight Attendant, 2020-nou, sien bl. 51), wat in seisoen 1…

Voetspore Suid-Afrika 2 Seisoen 10 Maandae SABC2 (*192) 19:00 Dis die beste besluit wat my pa nog geneem het,” sê Streicher Badenhorst (25) van sy pa, Johan, se besluit om sy ouer sussie Nina (29) te vra om saam met hulle te reis vir die 10de seisoen van die gewilde leefstylreeks Voetspore (2000-nou). Die reeks word tans op SABC2 uitgesaai. “Nina het die logistiek gehanteer en ons manne reg deur die reis soos konings laat eet,” voeg hy by. “Haar sprankelende persoonlikheid en positiewe houding het ook die reis deur Suid-Afrika soveel lekkerder gemaak, en vir my persoonlik het dit gevoel soos ’n stukkie van die huis wat saam met my op reis gekom het.” Nina eggo wat haar broer sê en meen dis Streicher se positiewe houding en konstante…

Your Honor Seisoen 1 Dinsdae M-Net (*101) 21:30 & 22:30 (begin 13 April) Tot watter uiterstes sal jy gaan om te verseker jou kind is veilig? Dís die vraag waarmee regter Michael Desiato (Bryan Cranston, Walter White in die misdaadreeks Breaking Bad, 2008-2013) worstel in die dramareeks van 10 episodes, Your Honor (2020-2021). Bryan se karakter, ’n moreel korrekte regter in New Orleans, word deur ’n nagmerriesituasie in die gesig gestaar wanneer sy tienerseun, Adam (Hunter Doohan, Warren in die misdaadreeks Truth Be Told, 2019-nou), vlug van ’n noodlottige motorongeluk. Wanneer regter Michael hoor die slag-offer se pa is ’n berugte misdaadbaas vervaag die grense tussen reg en verkeerd en die regsman doen alles in sy vermoë om te keer dat sy seun ontmasker word. “Dis die ergste nagmerrie vir…

Dr. Sergio de Freitas (Emmanuel Castis) het ’n obsessie: Die raaisel van die beendere wat hy en dr. Annelize (Cindy Swanepoel) einde Maart op At (Hans Strydom) se plaas gevind het, moet so gou moontlik opgelos word. “Sergio het einde verlede jaar ’n soortgelyke ervaring deurgemaak toe sy eie ma (nie op die skerm nie) se beendere in ’n vlak graf in Angola gevind is,” verduidelik Emmanuel. “Die trauma daarvan is nog vars in sy gedagtes en die graf op At se plaas bring al die seer weer terug, daarom móét hy die saak oplos.” DIE VROU HET ’N KIND Forensiese toetse word op die beendere uitgevoer en toon dit was dié van ’n vrou met die naam Sulette (nie op die skerm nie). At is uit die veld geslaan…

Die Stryders se hoofafrigter, Fafa Beltrame (Altus Theart), is ’n man wat altyd sy kant bring op die rugbyveld en het die afgelope jaar as breier net sy allerbeste gelewer. “Fafa se werksetiek was nog altyd om meer te gee as wat van hom verwag word, maar sy hoë standaarde lei daartoe dat hy uitbrand,” sê Altus. Ongelukkig het Fafa se besorgde wederhelf, Maryke (Marijke Coetser), en Bart Smith (Pierre Breytenbach), HUB van die Stryders, nooit die tekens gelees wat wys Fafa kan nie meer al die werksdruk hanteer nie. SKIELIKE INEENSTORTING Die gevaarligte het op Dinsdag 6 April begin flits. Fafa was soos gewoonlik erg bedrywig in sy kantoor en het skielik sy humeur verloor toe hy met iemand oor die foon praat. “Bart het op daardie oombik ingestap…

Arme Stefan (Sean-Marco Voster) kan net nie wen wanneer dit kom by die vrou wat hy liefhet nie: Felicity Price (Mary-Anne Barlow). In die eerste 100 episodes is hulle talle kere uitmekaar en het weer opgemaak, maar dié jongste kinkel is dalk die laaste strooi. “Stefan het uit sy pad gegaan om meer uit te vind van James (Robert Hobbs), Felicity se eksman, wat haar met sy sjarme teruggelok het om met hom te trou,” sê Sean-Marco. “Maar hoe meer Stefan gedelf het, hoe meer het Stefan agtergekom hoe geslepe James is en hy gebruik dit om die troue te keer.” Onthou jy James se verloofde in Brittanje? Vals. En die storie in Maart waartydens James en Felicity se tienerseun, Charlie (AJ Cullinan), ontvoer is? Alles James se idee. Maar…

Die fliekkomedie No Hiding Here (2021) speel af op ’n klein dorpie in Suid-Afrika en handel oor ’n oordrewe gay dramaonderwyser wat sy tienerstudente inspireer om hulself te wees (insluitende om hul seksuele oriëntering te aanvaar). Die onderwyser laat die kinders repeteer vir ’n belangrike skouspel met ’n beroemde sanger, wat vir almal wegsteek hy is gay, as die ster. Dit laat die ster en die onderwyser van die begin af koppe stamp oor hul verskillende benaderings oor wie hulle is: Die een verkies om sy private lewe in die kas te hou, die ander een is trots en openlik gay. Dis ’n lawwe kombinasie van pret, feite en opvoedkundige vermaak. Want waar ookal jy in die wêreld is, die LGBQT+-(lesbies, gay, biseksueel, queer, trans-gender + ander) gemeenskap moet ekstra…

G.I.L. Seisoen 1 Maandae kykNET (*144) 20:00 Tussen êrens en die middel van nêrens is waar kykers hulself op ’n Maandagaand in April gaan vind wanneer hulle inskakel op kykNET se splinternuwe, skreeusnaakse mokumentêre reeks G.I.L. – oftewel Grobbies Internasionale Lughawe. Die koning van komedie, die akteur en filmmaker Bennie Fourie (Burger in seisoen 1 en 2 in die dramareeks Fynskrif, 2018-2020), speel die hoofrol van Barry Wiese, ’n man wat propvol positiwiteit is, en die geleentheid kry om Grobbies Internasionale Lughawe te bestuur. “Barry dink hy kan enige iets met ’n smile fix,” sê Bennie, maar die personeel by Grobbies, geleë iewers in die Wes-Wes-Kaap (soos daar in die reeks gespot word) is nou nie juis ingenome met hul nuwe baas nie. En dit lei tot vele kommunikasie-blapse en…

Die strate van Hillside is al lank die plek waar die funky jongklomp lewenslesse kan leer, maar ook pret het terwyl hulle as mense ontwikkel. Die wêreldwye Covid-19-pandemie het mense vir langer as ’n jaar tuis ingehok weens die grendeltyd. Dit is dus tyd vir 7de Laan se jolige jonger groep om ’n avontuur te hê. Die groepie – Gabby (Blyde Smith), Khethiwe (Sesethu Ntombela), Ludo (Rubin Wissing), Romeo (Clint Aplon), Shady (Beáta Bena Green), Nozi (Dimpho More) en Tjattas (Rikus Strauss) – het begin 2021 ’n gedeelde Nuwejaarsvoorneme gehad, sê Clint: “Hulle het ’n weddenskap aangegaan en wie ookal daarby hou, sou die geldprys kry. Romeo het gewen en besluit om homself met ’n reis te bederf . . . waarop sy vriende hulleself genooi het, maar op eie…

Daar is baie dinge aan die gang in die gange van die Binneland-kliniek. At (Hans Strydom) en kie se aandag is op sy plaas en die vlak graf wat daar gevind is (lees meer op bl. 23). En dr. Elana (Ilne Nienaber) het drama in die teater wanneer haar narkotiseur, dr. Beyers (nie op die skerm nie), sy bewussyn verloor en vir ’n ruk op siekverlof moet gaan. Met Beyers uit die prentjie moet Elana nou iemand anders in sy plek kry en dis hoe sy op die sjarmante dr. Xander Stassen (Ivan Botha, Manie in die komediereeks Hotel, 2016-nou) van Southern Hope afkom. “Xander is ’n aantreklike, selfversekerde dokter wat weet wat hy wil hê,” sê Ivan. Maar daar is ’n donkerte in Xander as gevolg van iets in…

Geen ouer is ooit reg om ’n kind aan die dood af te staan nie, maar dis wat Carmen (Desiré Gardner) en Rhafiek (Irshaad Ally) nou deurgaan met hul babaseuntjie, Mikhail. Die kleinding is met Edward se sindroom (’n toestand wat ’n ernstige ontwikkelingagterstand veroorsaak) gediagnoseer en is boonop vroeg gebore. “Aanvanklik het dit gelyk asof Mikhail ’n vegtertjie is en dit gaan maak, maar op die ou einde was hy net nie sterk genoeg nie,” vertel Desiré. Dis ’n bitter hartseer dag wanneer hulle Mikhail moet groet. Carmen se toespraak op sy begrafnis is hartverskeurend en ’n sneesdoekie gaan beslis goed te pas kom in dié episode. Maar Rhafiek gaan dalk selfs nóg hartseer moet deurmaak, want dit word ál duideliker dat Carmen haarself aan die lewe in Ruiterbosch…

Dis nie maklik om ná ’n liefdesteleurstelling sommerso met jou lewe aan te gaan nie. Bibi (Stephanie Petersen) se hart is nog stukkend nadat sy en die Stryders-afrigter Jordan (Theodore Jantjies) ’n paar weke gelede uitmekaar is, maar sy besluit sy gaan nie in sak en as sit nie. “Bibi besluit sy is nou moeg vir seerkry en sy gaan die liefde nou in haar eie hande neem. Sy sluit by die aanlynmaatsoekgroep Tinder aan en begin dadelik weer date,” vertel Stephanie. Maar Bibi se vriendin en kollega Maryke (Marijke Coetser) is erg bekommerd oor Bibi se afsprake met vreemde mans en die laatnagkuiers wat dit behels. “Maryke dink Bibi is onverantwoordelik en roekeloos,” sê sy. GOEIE ONTVLUGTING Stephanie sê die aanlyn-afsprake is goeie ontvlugting vir Bibi. “Dit is ’n…

SABC3 se nuwe weekdag-telenovelle The Estate is spoggerig en vertonerig van buite danksy die hoë mure en mooi eiendomsontwikkeling, maar daar is drama agter die pronkerige hekke waardeur jy die ryk landgoed binnery. “Kykers sien gou hoe die karakters fronte gebou het waaragter hulle skuil,” verduidelik Jacques Blignaut, wat die rol van Vince Meintjies in die sepie 7de Laan (2000-nou, sien ble. 18-19) die afgelope 15 jaar gespeel het voor hy die reeks vroeg in Maart vanjaar verlaat het. Sy karakter Martin van Wyk, byvoorbeeld, hou ’n dapper front voor wanneer hy as algemene praktisyn werk. Maar wanneer hy saans huis toe gaan, is Martin se lewe ver weg van die beeld wat hy voorhou. “Dié mense (die karakters) het hul foute. Hulle het positiewe kenmerke, maar dis hul foute…