Innholdsfortegnelse for 11 Mar 2021 i TV Plus Afrikaans

Da Vinci Media neem Showmax oor met ’n klomp nuwe programme wat jy kan stroom. Vanaf regstreekse aksie tot geanimeerde reekse is daar genoeg opvoedkundige vermaak vir die kleinspan vir die res van 2021. Hier is ’n voorsmakie van Da Vinci kindervriendelike kykstof op Showmax. MATILDA & THE RAMSAY BUNCH (2015-NOU) Gordon Ramsay (MasterChef US, 2010-nou) is dalk mnr. Gemeen in die kombuis, maar sy dogter Matilda is stroopsoet. Dié tiener staan agter die stoof en leer kykers hoe om vinnige, smaaklike etes te maak. Jy kan nou vier seisoene van die episodes van 15 minute stroom. SCIENCEXPLOSION (2019-NOU) Almal hou van wetenskap en die bleeksiel Eric Leclerc raak self betrokke by ontploffings, chemiese reaksies, wiskunde, biologie en baie meer. Die beste deel is jy kan veilig die eksperimente met…

Die Boekklub Seisoen 3 Dinsdae kykNET (*144) 20:00 Terwyl die hoofkarakter Tom Niemandt (Armand Aucamp, die volwasse Sean in die dramareeks Kompleks, 2020-nou) weer op ’n identiteitsreis is in die derde seisoen van die geliefde dramareeks Die Boekklub (2016-nou), lyk dit of sy vriende wel goed sonder hom regkom. Of eerder, sy eksvriende – soos John (Pietie Beyers, aanbieder van die vasvraeprogram Blitsbrein, 2018-nou) homself beskryf. “Tom het homself geïsoleer van sy geliefdes en sy eie gang gegaan, en as gevolg daarvan is die verhouding koud tussen hom en John,” verduidelik Pietie. Maar dinge is vuurwarm tussen John en die nuwe distriksgeneesheer op die dorp, Julia (Nicole Fortuin, Lee-Anne in die dramareeks Alles Malan, 2019-nou). LIEFDE MET EERSTE NOOT “Trou met my,” is die eerste woorde wat John aan Julia…

Daar is darem niks beter as ’n lekker liefdestorie nie. Veral as die paartjie lyk asof hulle goed bymekaar sal pas. Connie (Quinne Brown Huffman) het hoeka al genoeg moeilikheid in haar lewe gehad, ’n mens wil hê sy moet iemand kry wat ’n bietjie na háár kan kyk. En Braam (Pietie Beyers, Roelof Schoeman in die minireeksdrama Siende Blind, 2020) lyk na presies die ou. ’n Mens kan nie help om sommer onmiddellik van die nuweling in die Laan te hou nie. Kykers is maar onlangs aan Braam voorgestel toe hy vir Ivy (Nazli George) te hulp gesnel het nadat sy in ’n motorongeluk was. “Ivy het hom as ’n engel gesien,” vertel Pietie. “Hy het haar later by Beleef weer raakgeloop en sy het hom met ’n lekker…

Die lewe het die afgelope ruk vir die paartjie Lee-Roy (Roberto Kyle) en Wesley (Craig Adriaanse), oftewel Wes-Lee soos hulle bekend staan, ’n paar taai klappe uitgedeel. Hul verhouding het aan die begin van 2020 tot ’n einde gekom toe Wesley na familie op die dorpie Pearston in die Oos-Kaap verhuis het. En toe Lee-Roy kort daarna hoor Wesley het ’n nuwe kêrel, was dit ’n bitter pil om te sluk. Daardie verhouding het nie lank gehou nie, en Wesley het einde verlede jaar na Arendsvlei teruggekeer, maar dinge was yskoud tussen hulle. Toe Wesley uit desperaatheid op Lee-Roy se nommer moes druk toe sy pa, Bradley (Noel Oostendorp), onlangs beseer is in ’n fratsongeluk by die perdestalle waar hy werk, het dinge egter verander. “Lee-Roy se onvoorwaardelike ondersteuning in…

Die pa-seun verhouding tussen At (Hans Strydom) en Conrad (Hykie Berg) is gekompliseerd. Daar is geen twyfel aan At se liefde vir sy seun nie, maar hy sukkel om hom te vertrou – veral wanneer dit kom by die oorhandiging van die Binnelandkliniek se leisels. At duld dit nie dat Conrad se aandag afgelei word nie – nie eers ’n bietjie nie – en daarom wil hy vir Tracy (Melinda Brink) so ver moontlik van Conrad af weghou. En hy is bereid om ’n groot som geld voor Tracy se neus te swaai as dit beteken hy kan sy sin kry. EK HET JOU LIEF Conrad en Tracy, wat nou as sekretaresse by die Binneland-kliniek werk, se romanse is die afgelope ruk deur diep waters. Net wanneer ons dink dinge…

Wie het gesê rugbyspelers het nie ’n sensitiewe kant nie? Toe die Stryders se loskopstut Buks (Adriaan Marais) hoor sy meisie, Nesie (Melissa Massyn), is dol oor mooi digkuns – veral as dit uit ’n man se pen vloei – laat hy nie op hom wag nie. Buks skryf sy eerste gedig, maar toe hy dit vir sy spanmaats voorlees, dink hulle glad nie sy eerste poging is so waffers nie. Sy mede-Stryder Liam (David Johnson) kom wel met ’n blink plan na vore: Liam se vrou, Candice (Claudia Jones), ’n vervaardiger wat baie knap is met die pen, kan vir Buks die gedigte skryf en dan kan Buks voorgee dis sy eie pennevrug. Maar natuurlik werk hierdie kullery toe nie heeltemal soos beplan nie . . . MAANSKYN EN…

Die woord “stroom” het voorheen beteken jy kan jou gunstelingbokstelle kyk wanneer dit jou pas, want die hele seisoen was reeds beskikbaar om te kettingkyk. Maar dit het verander danksy die plaaslike programplatform Showmax, wat nou ook regstreekse programme bied om te kyk. Tot 31 Maart vanjaar kan jy die DStv-kanale Mzansi Magic (*161) en kykNET (*144) regstreeks stroom – en jy het nie eers ’n DStv-subskripsie nodig nie. Dis eenvoudig – meld aan by jou Showmax-rekening (of skep een indien jy nog nie ’n intekenaar is nie), klik op “Home” en rol af na “Live Channels”. Klik en jy kan jou gunsteling-Mzansi- en -kykNET-programme kyk terwyl hulle op DStv uitgesaai word. En daar is geen beperkings aan die twee kanale nie: Jy het 24 uur van die dag toe-gang…

Swartwater Seisoen 3 Dinsdae SABC2 (*192) 19:30 Die Boekklub Seisoen 3 Dinsdae kykNET (*144) 20:00 Soos sy ouer word, verweef sy ál meer aspekte van haarself in haar karakters, sê die aktrise June van Merch. June praat spesifiek van Sofia, eienaar van die gastehuis in Merweville in die kykNET-dramareeks Die Boekklub (2016-nou), en die vrygewige en bekkige Kinta, wat Dinsdae in SABC2 se dramareeks Swartwater (2014-nou) in ons voorhuise kuier. “Wanneer jy iets van jouself in Sofia en Kinta se velle en selle verweef, kom die toneelspel maklik en die briljante skrywers maak dit ook makliker, want jou karakter lê ook in die teks. Dit is net ’n kwessie van situasionele en kontekstuele vertolking,” verduidelik sy. En die stof wat June inweef, is van top-gehalte. YSTERVROUE Hierdie deurwinterde aktrise het…

J are se afskeep en verwaarlosing sny diep, en dit gaan meer as mooipraat kos vir Joy (Monique Rockman) om daarvan te vergeet. Die nuwe gesig in Ruiterbosch is Gino (Adrian Alper, Ismail Daniels in die aksiereeks Trackers, 2018-nou), Joy se pa. Hy is vervreemd van sy dogter en daag onverwags in die Kaap op, met die hoop op versoening. Maar as Pappa gedink het Joy gaan hom met ope arms verwelkom, wag 'n ontnugtering op hom! NIE ’N SLEGTE MENS NIE “Gino is iemand wat al baie swaar gekry het, en ook ’n hele paar verkeerde besluite geneem het wat die lewe vir hom verder bemoeilik het,” vertel Adrian oor sy karakter. “Hy is nie ’n slegte mens nie, maar ongelukkig moes hy al ’n slegte ding of twee…

Candice (Nancia Dorland) het ’n tweede kans in die lewe gekry toe Hein (Merlin Balie), die opsigter van Hoërskool Arendsvlei, haar onder sy vlerk geneem het nadat haar stiefma en Hein se eksvrou, Natalie (Carmen Maarman), haar in Arendsvlei agtergelaat het. Dit was toe Candice se oorlede pa se boedelgeld in Desember 2020 aan Natalie uitbetaal is dat sy Candice aan die genade oorgelaat het. “Vir die eerste keer het sy iemand wat werklik vir haar omgee,” sê Nancia. En dit het ’n groot impak op haar, maar soos die meeste tieners volg Candice haar eie kop – veral ten opsigte van die liefde. En wanneer sy deur iemand aanlyn gevlei word, verloor sy perspektief – iets wat verreikende gevolge kan hê. AANLYN AANLOKLIKHEID Die aanlyn liefie wat Candice se…

Kykers weet al wanneer Elise Kruger (Lindie Stander) haar verskyning in die gange van die Binneland-kliniek maak, is daar altyd iets wat skeefloop. “Maar terselfdertyd bring sy darem komiese verligting,” sê Lindie, laggend. En dis presies wat die voormalige Binneland-verpleegster en nou mediese verteenwoordiger dié keer gaan doen wanneer sy by Binneland opdaag om haar maatskappy se chirurgiese robot aan die hospitaal te demonstreer – en hopelik te verkoop. ’N GELEENTHEID Dinge is tans nog chaoties by Binneland sedert At (Hans Strydom) en kie van Nigerië, waar hulle in ’n oorlogsone vasgekeer was, teruggekom het. “Elise wil so graag met At vergader om hom aan die robot voor te stel,” sê Lindie. Maar die man is besig en sy aandag is by sy seun Ethan (Jaco-Neil Verwey) wat by hom…

Het jy ’n stoei-inspuiting nodig? TNT (*137) verskaf elke Vrydagaand die aksie met die bekendstelling van All Elite Wrestling (AEW) en sy vertoonstuk: Dynamite. En een ster wat in die kryt ronddans van wie jy kennis moet neem, is Adam Bridle – alias Angélico. “Ek het my opleiding by ’n klein stoeiskooltjie in Durban begin, en kyk waar is ek nou,” sê die 33-jarige stoeier, wat van Mzansi tot in Spanje, en na Japan gereis het en nou in Amerika is. Wat verg dit om ’n internasionale ster in die stoeikryt te word? Gordel vas, want dit gaan ’n wilde rit wees . . . ADRENALIEN-AKSIE Hoe het jy by stoei betrokke geraak? Ek het van Durban na Johannesburg getrek waar die stoeiwêreld effens groter is . . . en…

Afgrond Seisoen 1 Woensdae kykNET (*144) 20:00 Hoeveel keer ’n dag kry jy lus om op ’n dak te gaan staan en jou frustrasies uit te skreeu? Om met een brul net van die seer, stres en angs ontslae te raak? Dit kan baie bevrydend wees, en dis presies wat die regsekretaresse Hannelie Fourie (Marguerite van Eeden, Alex Kruger in Fynskrif, 2018-2020) in die dramareeks Afgrond doen. Maar ongelukkig gaan dit nie veel vir haar vermag nie. Sy sal eers die afgrond moet trotseer – die risiko loop om dalk alles te verloor – voor daar ’n verandering kom. VASGEKEER IN DIE TRAUMA “Hannelie is konstant op breekpunt,” sê Marguerite. “Tragedie en trauma is al so ’n deel van haar lewe, sy weet nie meer wat dit is om gelukkig…

The Rookie Seisoen 3 Woensdae M-Net (*101) 19:30 (begin 10 Maart) Indien jy The Rookie (2018-nou) kyk, sal jy onthou die laaste keer wat ons die LAPD-nuweling John Nolan (Nathan Fillion, Richard Castle in die polisie-aksiereeks Castle, 2009-2016) gesien het, is hy deur sy eie held skuldig laat lyk. Speurder Nick Armstrong (Harold Perrineau, Dean Simms in die donker komedie Claws, 2017-nou) het bewyse geplant wat dit laat lyk asof Nolan ’n mol was vir ’n misdaadsindikaat, en dít gebeur in die ware lewe, sê Nathan. “Ons het met regte polisiemanne gewerk en hulle het vertel hulle het molle gehad wat hulle verraai het. Ons probeer met ons program die lewe van ’n polisieman so akkuraat moontlik uitbeeld. Alles vanaf die polisiëring van gebeurtenisse soos die Black Lives Matter-protes, tot…

Die emosies loop hoog tussen die getroude paartjie Carmen (Desiré Gardner) en Rhafiek Samsodien (Irshaad Ally) oor wat die regte besluit is vir Carmen se swangerskap. Die baba ly aan Edward se sindroom (’n toestand wat ’n ernstige ontwikkelingagterstand veroorsaak) en terwyl Carmen graag die kind wil behou, wil Rhafiek eerder die swangerskap beëindig. Die uiteenlopende sienings veroorsaak groot wrywing en die hoë mediese koste van die swangerskap maak dinge net erger. DIE GELD IS OP “Carmen is gefrustreerd omdat sy voel al haar geliefdes wil vir haar voorskryf wat sy moet doen en neem nie haar gevoelens in ag nie,” sê Desiré. Dit veroorsaak dat sy en haar ma, Estelle (Elsabe Daneel), wat uit Kuruman kom kuier het, in ’n hewige stryery betrokke raak wat eers eindig toe sy…

Hy is Dawid Minnaar, ’n ou hand in die vermaakbedryf en een van die hardwerkendste akteurs wat ons ken. Sy talent en vermoëns om ’n gehoor se aandag met sy toneelspel vas te vang, of dit nou op ’n teaterverhoog of op jou TV-skerm is, is merkwaardig – en in sy huidige rol as Willem Potgieter in die gewilde dramareeks Legacy (2020-nou), stel hy beslis nie teleur nie. Die reeks bereik in Maart die groot mylpaal van 100 episodes. Ons het meer gaan uitvind oor Dawid se rol op die stel en agter die skerms, maar eers wou ons hoor wat lê in die volgende twee weke vir kykers voor . . . ’N PA WAT PROBEER “As ’n alkoholis op die herstelpad is daar vir Willem Potgieter niks belangriker…