Innholdsfortegnelse for 25 Feb 2021 i TV Plus Afrikaans

Die Istagram-sensasie, beïnvloeder en denkeleier Tali Shapiro-Nudelman (gespeel deur Julia Anastasopoulos, Suzelle in SuzelleDIY, 2014-nou) is swanger. Sy het haar goddelose, oplettende dokkiefilmspan, wat vir ons die glorie van Tali’s Wedding Diary in 2017 gelewer het, byeengekry om ook Tali’s Baby Diary te verfilm. Ons het gesels met Julia en Anton Taylor (Sebastian in die kortfliek Keys, Money, Phone, 2014), wat Tali se man en die aanstaande pa Darren speel, om ’n binnekykie van die babasaligheid vanaf Sondag 7 Maart te sien. “Die program speel af aan die begin van 2021. Ons bring nie eintlik 2020 by die storie in nie. Ons het gevoel ons wil ’n bietjie daarvan ontvlug. Dis ietwat van ’n uitdaging om so te verfilm, maar ons het besluit om dit uit die storie weg te…

Afgrond Seisoen 1 Woensdae kykNET (*144) 20:00 Verbeel jou jy maak jou oë oop en vyf jaar van jou lewe is skoonveld. Vyf verjaardae het gekom en gegaan, en jy het geen idee hoe dit gebeur het, of selfs wat voor dit gebeur het nie. Dis die verwarrende werklikheid waarin die sepiester Lana Bridgett (Kim Cloete, Anne Matthews in seisoen 1-2 in die dramareeks Fynskrif, 2018-2020) haarself bevind in kykNET se nuutste drama, Afgrond. Die storie gaan oor vyf vroue wat deur verskillende omstandighede elkeen na haar eie afgrond gedryf word. “Sy was vir vyf jaar in ’n koma vasgevang en ly nou aan geheueverlies,” sê Kim oor haar karakter. “Met behulp van hipnoterapie begin Lana stadig maar seker haar ou lewe onthou, maar die terugflitse traumatiseer haar, want die…

Love Island SA Seisoen 1 Sondag 28 Februarie 20:00, daarna weekdae M-Net (*101) 21:30 Wat gebeur wanneer ’n groep aantreklike 20-plussers na ’n luukse villa in Kaapstad gevlieg word waar van hulle verwag word om liefde te vind terwyl die kameras hulle 24/7 dophou . . . vir drie maande? Kykers sien uit na stomende romanses, prettige vriendskappe en smerige liefdesdriehoeke! Dis die aard van die speletjie in die nuwe realiteitsafspraakprogram Love Island SA, wat met ’n spesiale episode op Sondag 28 Februarie begin, voor dit weekdae om 21:30 op M-Net (*101) uitgesaai word. In die loodsepisode trek vyf pragtige vroue en vyf spiertiere, wat saam “The Islanders” genoem word, by hul nuwe tuiste in om paartjies te vorm. Sodra hul gevoelens vir mekaar ontwikkel, word hul romanse getoets, verduidelik…

Die spanning loop hoog in die gange van die Binneland-kliniek nadat senior lede van die bestuur en raad middel Februarie in meer as een bomontploffing in hul hotel in Kaduna in Nigerië vasgevang is. Niemand weet of die hospitaalhoof, At Koster (Hans Strydom), sy seun en die HUB van Binneland, Conrad (Hykie Berg), en die dokters Steve (Clint Brink) en Annelize (Cindy Swanepoel) die ontploffings oorleef het nie, en dit bring groot onsekerheid. Dr. Ela-na (Ilne Nienaber) is nou die enigste persoon in ’n gesagsposisie by Binneland en almal steun op haar om beheer van die chaos te neem. Gaan sy die mas kan opkom? WAT LAAS GEBEUR HET Conrad en Steve is vroeër in Februarie na Nigerië om met At te gesels oor die moontlikheid om die Binneland-kliniek te…

Die tyd is ryp vir Beatrice (Jolene Martin) om weer beheer oor haar lewe te neem en die eerste stap is wanneer sy besluit om aan die gemeenskap van Arendsvlei te onthul sy is die skrywer Leah Cobus (skuilnaam), wat die aangrypende boek Oorlewingsreis geskryf het. Dié boek het almal aan die gons en sonder dat Beatrice dit besef, gaan haar verbintenis met die boek haar waarskynlik help om haar ou pos as hoof by die Hoërskool Arendsvlei terug te kry. Maar daar is ook ander lekker dinge op die horison vir Beatrice wanneer Jake (Clayton Evertson) sy verskyning in Arendsvlei maak. Ons weet mos goed hoe die twee tussen die lakens kan dans! INNERLIKE VRYHEID Dis die aand van Beatrice se boekbekendstelling en die hele Arendsvlei is verras dat…

Voor hulle in 2019 in Hillside aangekom het, het Marvin en Ivy (Duncan Johnson en Nazli George) op ’n klein, onbelangrike dorpie gewoon “en dit was ook nie ’n progressiewe plek nie. Die vroue het tuis gebly en die mans het alles gedoen. Ivy het dus nooit ’n rybewys gekry nie, want sy het dit nie nodig gehad nie,” sê Duncan. Maar daardie probleem het hulle agteruit geskuif sedert hulle na die fiktiewe Johannesburgse woonbuurt getrek het. “Marvin is beskaamd wanneer hy besef sy bestuur wel – en vervoer hul jong tweeling, Vee en Eddie (Zoey Volkwyn en El-Kody Langeveldt) – onwettiglik,” voeg die akteur by. Dis ’n probleem vir Marvin, maar hy kan dit regstel – indien hy toegelaat word. AAN DIE STUUR Duncan herinner aanhangers dat as ’n…

Die aksiebelaaide mediese drama The Resident (2018-nou) het begin Februarie op FOX (*125) met ’n tragedie geopen. Dit word Dinsdae om 20:45 uitgesaai, en die junior resident dr. Devon Pravesh (Manish Dayal, Raj in die tienerdrama 90210, 2008-2013) probeer die verlies van sy geliefde pa, Tejan (Brian George, dr. V.M. Koothrapali in die komediereeks The Big Bang Theory, 2006-2019), verwerk, wat sy mediese studies betaal het deur ’n taxi te bestuur. Tejan het ’n hoë risiko vir infeksie tydens die Covid-pandemie gehad en Devon is gedwing om van veraf sy pa te groet – soos in die regte wêreld, is hy nie langs sy pa se bed toegelaat nie. ’N SIEK STELSEL “Dit was hartverskeurend. Toe ek daardie eerste episode lees, kon ek nie die hartseer glo nie,” sê Manish.…

Sê Vir Mamma Seisoen 3 Donderdae VIA (*147) 20:30 (begin 25 Februarie) Ma weet mos alles. Sy weet Jannie eet nie pampoen nie en Danie verkies ’n blondine. Maar kan sy vir hulle die perfekte pasmaat kry? “Beslis ja,” sê Pulane Sekepe, uitvoerende vervaardiger van die reeks Sê Vir Mamma (2019-nou), waarvan seisoen 3 op Donderdag 25 Februarie op VIA (*147) begin. “Ma’s het ’n sesde sintuig, intuïsie, ’n sekere aanvoeling. Wanneer sy haar seun se nuwe liefde ontmoet, sal sy dadelik weet of die verhouding gaan werk en of dit op die ashoop gaan beland.” En as ’n mens kyk hoe dit vir Zanné Potgieter en haar seun, Erik, uitgewerk het, lyk dit of dit inderdaad so is. In die nuwe seisoen van Sê Vir Mamma ding 40 meisies…

Vir die Samsodiens is daar ’n groot geskenk oppad – Carmen (Desiré Gardner) en Rhafiek (Irshaad Ally) ontdek hulle is swanger! Vir Mymoena (Jill Levenberg), Rhafiek se ma, is dit ’n droom wat waar word om weer ouma te word, maar vir Carmen is dit iets waaraan sy nog gewoond moet raak. Tog is sy opgewonde oor die vooruitsig van ma-wees – tot ’n besoek aan die dokter daardie opwinding omskakel in vrees, angs en onsekerheid. Daarby dreig dié verwikkeling om die Samsodiens weer uitmekaar te skeur. ’N SAADJIE IS GEPLANT “Carmen voel al ’n geruime tyd nie te lekker nie, en toe sy tydens ’n ete by Mymoena sê sy voel naar, spot haar skoonma sy is dalk net swanger,” vertel Desiré oor hoe Carmen onlangs van haar swangerskap…

Louis (Germandt Geldenhuys) en Naomi (Je-ani Swiegelaar) se droom om ouers te word is besig om goed vlam te vat, maar die vraag wat hulle nou moet beantwoord, is of hulle ’n anonieme of bekende eierselskenker gaan gebruik. “Naomi raak vinnig ernstig oor die besluit om eerder iemand bekend te kry,” sê Je-ani. “Want as dit iemand in haar biologiese familie is, sal daar iets van haar in die kind wees. Dis belangrik omdat sy nie self ’n eiersel kan skenk nie, nadat sy twee jaar gelede weens endometriose probleme met haar eierstokke ervaar het.” Louis sal enigiets vir sy vrou doen, en spoor ’n niggie van Naomi, Joline Hofmeyer (Rika Nieuwoudt, ’n nuweling), op. Sy is die perfekte kandidaat. Maar hoe gaan jy te werk om iets só groot…

Die sagmoedige prokureur Thinus (Arno Marais) se lewe raak ’n ál groter nagmerrie. Die geheimsinnige man Eric (Tiaan Slabbert) wat hom sedert einde Januarie met ’n valkoog dophou en agtervolg, het nou behoorlik sy mes vir Thinus in en hy begin ook Thinus se wederhelf, die Stryder-kaptein Ryno (Adrian Steyn) teiken. Nadat Thinus vir Eric gekonfronteer het oor hoekom hy hom agtervolg, het Eric op 18 Februarie vir Pine (Gerald Steyn), die redakteur van SinBin genader en hom vertel Thinus het hom meer as een keer aangerand. “Dit was natuurlik nie die waarheid nie, want Thinus het Eric net gekonfronteer oor die agtervolging en hom glad nie te lyf gegaan nie. Nadat die negatiewe storie gepubliseer is, ruk dinge heeltemal handuit,” vertel Arno. Thinus se werk as regsverteenwoordiger van die…

Die skok wanneer Felicity (Mary-Anne Barlow) se tienerseun, Charlie (AJ Cullinan, Tyler in die tienerdrama The Girl From St Agnes, 2019-nou), vroeg Februarie terugkeer, is nie die enigste verrassing vir die Price-ystervrou nie: Die pa van haar kind, James (Robert Hobbs, Gary Clayton in The Girl From St Agnes), was kort op sy hakke en het ’n bietjie later in die maand opgedaag. “James het Charlie na sy familie teruggebring, maar sy aansporing is om te kry wat hy voel hom toekom,” verduidelik Robert. “Hy is deur Felicity en haar pa, Sebastian (Deon Lotz), uitgeskop toe Charlie nog ’n baba was. Hy soek wat van hom weggeneem is, en hy gaan nie ophou voor hy sy prys gekry het nie,” voeg die akteur by. ’N PLEK IN DIE KLIEK Hoewel…

Die lykskouer van Toronto, Jenny Cooper (Serinda Swan, Chloe, 2017 in die sportdramedie Ballers, 2015-2019), word oorweldig deur lyke wanneer seisoen 3 van die dramareeks Coroner (2019-nou) op Maandag 8 Maart om 20:00 op Universal Channel (*117) begin. Dis midde-in die eerste vlaag van die koronavirus-pandemie in 2020 en Serinda sê: “Elke lyk wat weens die virus of enigiets anders inkom, gaan deur haar kantoor. Aan die begin van die seisoen sien kykers hoe dit haar oorweldig, die wanhoop en uitputting, en hoe Jenny probeer om kop te hou en verstaan sy versamel dié lyke.” Daar is egter ’n goue draadjie. Die druk laat Jenny ’n belangrike stap neem in die proses om haar geesteskwessies te hanteer. En vir Serinda is die tonele agter die skerms in die lykskouer se…

Swartwater Seisoen 3 Dinsdae SABC2 (*192) 19:30 Dit was glad nie moeilik om ná vier jaar weer in die vel en siel van Karen in te kruip vir die verfilming van die derde seisoen van Swart-water nie, sê die aktrise Antoinette Louw. “Dis maar soos fietsry, alles kom terug. Karen se wese het nie verander nie, en dankie tog vir Hélène Truter (Poppie in Huis Lelieveld, 2019-2020) se wonder-like skryfwerk. Dit maak my werk as aktrise net soveel makliker.” EMOSIONELE UITDAGING Antoinette, wat in 2018 met ’n ATKVmediaveertjie as beste aktrise in ’n drama bekroon is vir haar uitmuntende vertolking van Karen in Swartwater, sê die groot uitdaging van hierdie rol is dit kan emosioneel uitmergelend wees. “Ek het dus gesorg dat die emosies nie in my lyf gaan sit…

The Amazing Race Seisoen 32 Sondae M-Net (*101) 18:00 (begin 7 Maart) “Ons het na ons kernelemente teruggekeer,” sê Phil Keoghan, die aanbieder van The Amazing Race (2001-nou). “Ons het weggedoen met die temas en al daardie windmakerige elemente. Ons is terug by ‘gewone’ mense wat meeding. Daar is meer versperrings, kuipstoppe en ompaaie. Aanhangers hou daarvan dat hulle sekere dinge van die program kan verwag en hulle wil dit oor en oor sien, dus hier is dit nou!” 1 Die afgetrede NFL-besties DeAngelo Williams (37) en Gary Barnidge (34) Indien dit ’n voordeel was om soos ’n steenhuis gebou te wees, was dié vriende groot gunstelinge. “Ons is van nature mededingend en is steeds fiks,” sê DeAngelo, wat Gary Carolina se spanmaat in die Panthers was. 2 Die paartjie…

Wat ’n blye dag was dit nie in Januarie toe Ruiterbosch se geliefde paartjie Imraan (Marlo Minnaar) en Kaashifa (Jawaahier Petersen) verloof geraak het nie. Kykers en almal in die gemeenskap is dolgelukkig oor die groot stap wat die duifies neem, maar dit begin lyk asof die pad na die kansel baie kronkels het – veral met Kaashifa wat vinnig haar toekomstige skoonouers Adara (Riana Alfreds, Bianca Petersen in Arendsvlei, 2018-nou) en Reza (Andre Samuels, Rusty in die fliek Sonskyn Beperk, 2016) die hoenders in maak en haarself lelik in die sop laat beland. NIE ’N SOETTAND NIE “Imraan is sy ouers se trots en veral Adara sal enigiets vir haar seun doen. Hulle is baie opgewonde oor Imraan wat vir hom ’n pragtige bruid gekry het, maar dit beteken…

Die laaste wat ons van die wrede besigheidsvrou Wendy Newman (Rehane Abrahams) en eienaar van die Wendy House-restaurant in Arendsvlei gesien het, is toe sy einde verlede jaar stert tussen die bene Johannesburg toe gevlug het. Haar dogter, Debra (Kay Smith), het ontdek sy is eintlik ’n moordenaar genaamd Ingrid van Schalkwyk en wat Debra jare lank van haar oupa, Pieter van Schalkwyk (Ivan Abrahams), weggehou het. Wendy wou eers vir Debra én Pieter van kant maak, maar haar gewete het haar gekeer. Nou is daar ’n sakegeleentheid wat oor haar pad gekom het, en die versoeking is net te groot. Sy is terug in Arendsvlei, maar bly vir eers verskuil. ’N GEVAARLIKE MAN Dorothy Galant (Ilse Klink), vrou van die gevreesde bendebaas Desmond (Dezzie) Galant (nie op die skerm…

Candice (Claudia Jones) se moeilike ma, Priscilla (Shemane Harris, Fatima in die komedie Die Munisipaliteit van Gwarra Gwarra, 2014), het skaars vier weke terug haar tasse gepak, of ’n ander struikelblok duik in die Willemses se huwelik op: Candice se mede-akteur Markus (Danie Putter, Brett in die dramareeks Erfsondes, 2011-2012), wat saam met Candice in haar produksie In Die Krake speel, maak die groen monster in haar man, Liam (David Johnson), wakker. INTIEME SOENTONEEL Candice en Markus se karakters raak romanties betrokke in die storielyn van In Die Krake. Toe Liam een middag ná ’n rugbyoefening tuis kom, is Candice en Markus op die punt om hul intieme soentoneel op die rusbank te repeteer. “Liam het Markus nog nie voorheen ontmoet nie en word onkant betrap wanneer hy op dié…

VERLEDE KEER Ömer het ’n noodvergadering by sy skoenmaatskappy geëis om Koray oor die inkriminerende foto’s te konfronteer, en Yasemin het besef sy loop gevaar om ontmasker te word. 24 – 26 FEBRUARIE Yasemin is geskok deur die verrassing wat in haar kantoor wag en gee onmiddellik vir Defne die skuld, Ismail probeer Serdar met sy huweliksaanbod help, en die vonk tussen Ömer en Defne groei vinnig. Koray se oorwinning duur nie lank nie wanneer hy besef Yasemin se kantoor is nie so wonderlik nie, en Neriman hou aan speel met Yasemin se gevoelens. Defne en Yasemin sluit ’n wapenstilstand op Ömer se bevel, en Necmi vertel Defne die waarheid oor Ömer se lewe. 1 – 5 MAART Defne verdeel haar tyd by die maatskappy se rusoord tussen Ömer en…