Innholdsfortegnelse for 11 Feb 2021 i TV Plus Afrikaans

Die Boekklub Seisoen 3 Dinsdae kykNET *(144) 20:00 (begin 16 Februarie) Kykers wag nou al langer as drie jaar vir die volgende seisoen van die reeks Die Boekklub (2016-nou) om te sien wat gebeur het met die voormalige Kaapse hipster en nou gevestigde skrywer Tom Niemandt (Armand Aucamp, Ben Human in die dramareeks Sterlopers, 2014-2016) nadat hy aan die einde van seisoen 2 die Karoodorpie Merweville vaarwel toegeroep en na Pretoria getrek het. “Tom was die inspirasie vir my om seisoen 3 te skryf,” onthul die vervaardiger Louis Pretorius (vervaardiger van die dramareeks Fynskrif, 2018-2020). “Die aanvanklike plan was om direk ná seisoen 2 ’n derde seisoen in Pretoria te laat afspeel, maar uiteindelik is Merweville so onlosmaaklik deel van die storie dat dit nie uitgewerk het nie. Begin 2019…

The Bachelorette SA Seisoen 1 Donderdae M-Net (*101) 19:30 (begin 11 Februarie) Die reis om haar Droomprins te vind begin op Donderdag 11 Februarie vir die selferkende eksentrieke model, aktrise en sosiale antropologie-student Qiniso van Damme, wat in beheer is as die land se eerste vroulike hoofspeler in die realiteitsafspraakreeks The Bachelorette SA (die VSA weergawe word sedert 2003 uitgesaai). Hoewel sy seisoen 2 (2020) van The Bachelor SA (2019-nou) in trane verlaat het nadat die entrepreneur Marc Buckner Qiniso uitgeskakel het voor die tuisdorpafsprake, is sy hoopvol sy sal ware liefde vind terwyl die kameras rol. “Toe ek die eerste oproep ontvang om die Bachelorette te wees het ek gedink die vervaardigers skeer die gek, want dit was tydens die Covid-inperking,” sê Qiniso. Maar dit het nie lank geduur…

Die sakevrou Bridgette (Denise Newman), en haar halfbroer Nazeem (Irvine van der Merwe) is in ’n oorlog gewikkel en dit het alles te doen met die nuwe ontwikkeling wat Bridgette se maatskappy Jacobs Property Developement (JPD) tans behartig. “Bridgette het ’n motorhandelonderneming, waarop Nazeem sy hart gesit het, voor hom weggeraap, asook die omliggende besighede ook gekoop,” sê Denise oor Bridgette se dade in Januarie. “Hoewel sy ’n nuwe sentrum daar wil oprig, is haar hoofdoel eintlik om Nazeem se hoekwinkel, The Royal, te vernietig om hom só op sy knieë te dwing.” Maar Nazeem gaan nie so maklik lê nie en loods sy eie wraakplan deur Bridgette se ontwikkeling om elke hoek en draai te saboteer. TOT STILSTAND “Nazeem wil vir eens en vir altyd vir Bridgette ’n les…

As daar een paartjie in Binnelanders (2005-nou) is wat wonderlike ouers vir ’n baba sal wees, is dit Louis (Germandt Geldenhuys) en Naomi (Je-ani Swiegelaar). Hul liefde is opreg en hul behoefte om met ’n gesin te begin, raak al hoe sterker wanneer hulle na ’n seuntjie omsien. Maar hulle sal eers struikelblokke in hul pad moet oorkom voor hulle so ’n groot stap kan doen. KRAPPERIGE KNAPIE Naomi en Louis het hul hande vol terwyl hul vriendin, die fisioterapeut Julia (Eloise Claasen), se seuntjie Sammy (HJ Horjus), in hul sorg is. “Aanvanklik verloop dinge goed – tot hulle Sammy moet voer. Die mannetjie raak krapperig en skreeu blou moord en gooi sy bord kos om,” sê Germandt. Louis en Naomi probeer alles om hom te kalmeer en hy kom…

D it lyk of die bose Bart (Pierre Breytenbach), HUB van die Stryders, ’n nuwe blaadjie omgeslaan het, want hy het die hand van vrede na die hulpafrigter Schalk Brand (Johan Scholtz) uitgesteek en aangebied om hom te help om Schalk se vermiste lewensmaat Jana (Juanita de Villiers Velts) op te spoor. Bart weet hy sal nie hierdie uitgebreide soektog alleen kan baasraak nie en vra sy eksvrou, Kristien (Marlee van der Merwe), en haar nuwe minnaar, Pine (Gerald Steyn), wat by SinBin werk, om hom te help. Tydens hul soektog ontdek die driemanskap die ondergrondse maatskappy waarby Bart verlede jaar betrokke was, dryf ook mensehandel en hulle vrees Jana het dalk in hierdie booswigte se kloue beland. MENSEHANDEL Pierre vertel Bart het hom verlede jaar aan hierdie ondergrondse netwerk,…

Waar is die miljarddollar-besighede wêreldwyd wat bedryf word deur mense wie se gesig ons nooit sien nie? Hulle word nie eens op die aandelemark verhandel nie. Dít is die skadu-ekonomieë wat geskep word deur onwettige bedrywighede soos dwelm- en wapenhandel, sekshandel, stropery, swendelary, valsmuntery, en dies meer. Die Portugese ondersoekende joernalis Mariana van Zeller (2013-dokkie El Chapo: CEO Of Crime) neem ons nou tot binne-in dié swartmarkorganisasies om met mense te praat wat hul bestaan maak in die boewewêreld in die reeks van agt episodes, Trafficked With Mariana Van Zeller, Donderdae om 21:00 op National Geographic (*181). Vir sommige van van die mense wat sy ondersoek het, was dit ’n manier om hul mag te vertoon. Mariana onthul: “In net Sinaloa (Mexiko) is daar verskeie soorte sektore en groepe wat…

Die tonge klap oor die SABC2 se besluit om in April die sepie 7de Laan (2000-nou) van vyf tot drie dae per week te sny. 7de Laan sal Maandae tot Woensdae uitgesaai word, waarna die nuwe plaaslike telenovelle Die Sentrum (2021) op Donderdae en Vrydae aan die beurt sal wees. Geen amptelike redes is nog verskaf vir die besluit nie, wat bydra tot die frustrasie van kykers wat die sepie al vir 20 jaar kyk. 7de Laan self wou nie enige redes verskaf nie, asook nie SABC2 se kanaalhoof, Gerhard Pretorius, nie. Hoe dit die huidige akteurs se kontrakte en salarisse gaan raak, is ook ’n ope vraag – wat 7de Laan se publisiteitsbeampte, Kayleen Bessit, ook nie wil bespreek nie. VORIGE SPELERS SÊ Die bekende getroude fliekpaartjie Ivan Botha…

Dr. Siya (Gantane Kusch) se gewete vreet sedert die begin van die jaar aan hom omdat hy een van sy pasiënte doodgemaak het. Denver (Marlon Swarts) was in die hospitaal weens ’n hartkwaal en Siya het hom behandel, maar Siya het besef Denver was een van die ouens wat hom in 2018 verkrag het. Siya het ’n ernstige interne worsteling ervaar en het terugflitse van die aaklige gebeure gekry – wat hy met drank probeer verdryf het. Toe hy Denver in sy hospitaalbed vermoor het, het hy gedink sy hel is verby, maar dit was net die begin. En boonop wou Denver se sus, Chantel (Megan Saayman), antwoorde oor haar broer se dood hê. Nou lyk dit asof Chantel eindelik die afsluiting sal kry waarop sy hoop. ’N OPLOSSING Siya…

Die Booysen-gesin is die afgelope jaar deur diep waters. Hul seun Vernon (Dillon Windvogel), wat tans in Londen studeer, is in 2018 tydens ’n skietvoorval by die Hoërskool Arendsvlei gewond. En einde verlede jaar het die skollie Bompie Galant (Jarrid Geduld) hul dogter, Mielies (Kaylene Bergstedt), se lewe bedreig omdat Mielies gesê het Bompie het haar vriendin Monique (Robyn Rossouw) vermoor. Die spanning van alles wat gebeur het, knaag steeds aan ma Elsa (Roxanne Blaise) en sy besluit om by die skoolsielkundige Alta-Marie (Roeline Daneel) om hulp aan te klop. Haar man, Fred (Jeffrey Moss), ondersteun haar, maar dinge loop skeef wanneer hy saam met Elsa na een van die sessies gaan en Elsa gal braak oor hul sekslewe! BEGIN BY DIE BEGIN “Ek dink nie Elsa het ooit Vernon se…

Die voormalige pompon Sasha (Anlia van Rensburg) moet een van die grootste besluite van haar lewe neem. Die liefde tussen haar en die Stryder-hartebreker Wynand (Hanno Hattingh) het drie weke gelede weer begin opvlam, maar ná Wynand se pa se dood einde Januarie het hy besluit om sy kontrak by die Stryders te kanselleer en terug te gaan plaas toe om te gaan boer. Wynand het Sasha gevra om saam te gaan, maar sy het nóg ’n aanloklike aanbod gekry: Heinrich (Neels Clasen), Amanda (Natasja Jacobs) se eksman wat sy in Potties ontmoet het, wil hê sy moet saam met hom Duitsland toe gaan. En op die koop toe sal hy vir haar ’n werkspermit reël om haar sangloopbaan daar te bevorder. WIK EN WEEG Anlia sê Sasha is verskeurd…

Suid-Afrikaanse skrywers weet hoe om stories te vertel, al is daar deesdae nie baie kampvure waarom hul verhale vertel word nie. Maar danksy tegnologie kan jy nou aanpassings van sommige van hul bekendste literêre werke op Showmax stroom. FIELA SE KIND Dié ikoniese Afrikaanse roman, wat in 1986 deur die bekroonde skrywer Daleen Matthee (1984-roman Kringe In ’n Bos) geskryf is, is so aangrypend daar is twee weergawes om te stroom. In die oorspronklike fliek van 1988 vertolk Shaleen Surtie-Richards (Milly in die 2019-fliekdrama Draadloos) die rol van Fiela Komoetie, ’n bruinvrou wat ’n verlore witseun genaamd Benjamin red en as haar eie grootmaak. Jare later hoor wit mans van Benjamin (Jan Ellis, Loek in die dramareeks Amalia, 2005-2006) en neem hom na vreemdelinge wat beweer hy is hul verlore…

Afgrond Seisoen 1 Woensdae kykNET (*144) 20:00 (begin 17 Februarie) “Ek is altyd geïnteresseerd in vroueverhale asook verhale waar karakters in aparte heelalle of storiewêrelde is, maar tog verbind is,” sê Roberta Durrant, die skepper en vervaardiger van Afgrond, kykNET se nuwe dramareeks van 10 epsiodes wat in Februarie afskop en oor vyf vroue handel. “Al vyf hoofkarakters bevind hulle op die rand van ’n afgrond waar hulle gedwing word om keuses te maak wat hul lewe verander,” sê Roberta. “Dit is ’n diep emosionele reeks en ’n psigologiese melodrama met ’n sterk patriargie-tema wat gaan sorg vir spanning wat die kykers vasgenael voor hulle kassies sal hou.” Sy voeg by: “Dit is baie lonend om ’n reeks soos hierdie aanmekaar te sit,” voeg sy by. “Dit is ’n bietjie…

Grey’s Anatomy Seisoen 17 Maandae M-Net (*101) 20:30 & 21:30 (begin 22 Februarie) Weens die voortslepende pandemie wat die wêreld op sy kop gekeer het, sukkel die werkers in die voorste linie by Grey Sloan Memorial Hospital om kop bo water te hou in seisoen 17 van die mediese dramareeks Grey’s Anatomy (2005-nou). Die hospitaal het nie net ’n tekort aan personeel nie, daar is ook ’n tekort aan beskermende toerusting en die kafeteria is omskep in ’n Covid-19-behandelingsone. Kortweg: Dis chaoties. Een dokter vir wie dié veranderinge nie goed is nie, is die gerekende chirurg Meredith (Ellen Pompeo, Missy in 2004 in die komediereeks Friends, 1994-2004), wat in beheer gestel is van die gesondheidsorghelde. Sy het twee weke laas ’n blaaskans gehad of haar kinders gesien, en Meredith het…

Die laaste keer wat kykers Hillside se grootste booswig nóg, Gita (Jo da Silva, 2009-2016), se seun, Ty Prinsloo (Wilhelm van der Walt, Jan in die dramareeks Fynskrif, 2018-2020) gesien het, was in 2016 toe hy lewenslank tronk toe gestuur is vir ’n moord op ’n man (nie op die skerm nie). Nou maak Ty weer sy opwagting as een van André (Marcus Muller) se tronkmaats. André is einde verlede jaar skuldig bevind aan aanranding en die ontvoering van sy voormalige liefde Mariaan (Deirdre Wolhuter) en vir 10 jaar tronk toe gestuur. Hy het vriende gemaak met Ty wat hom gewys het hoe dinge in die tronk werk. “Ty is ’n uitstekende manipuleerder wat hom by enige situasie kan aanpas,” sê Wilhelm oor Ty se vriendskap met André. Ook agter…

Daar is iets aan die broei in die mediese wêreld en die Binneland-kliniek en sy mededinger die Southern Hope-hospitaal is vasgevang in die middel daarvan. Chiron, ’n (fiktiewe) reuse internasionale mediese maatskappy het sy voet in die deur in Suid-Afrika gekry en is tans besig om al die hospitale in die land oor te koop, en Binneland en Southern Hope is nou in sy visier. Die hoof van Southern Hope, Rian Malherbe (Erik Holm), sukkel tans finansieel en hy het twee keuses: óf hy verkoop Southern Hope aan Chiron óf sy hospitaal moet saamsmelt met Binneland, sy aartsvyand, At Koster (Hans Strydom), se hosptiaal. WEES OP JOU HOEDE Rian se vriendin Annelize (Cindy Swanepoel), wat by Binneland werk, vermoed iets jaag Rian wanneer hy haar met vrae oor Chiron peper.…

In die gemeenskap van Arendsvlei is Lionel Foster (Jody Abrahams) eiesoortig: Hy is ’n man met ’n plan – wat selde uitwerk. En dié keer wil hy ’n komediant word. “Laas jaar het hy probeer om sy eie fiksheidsprogram vir grootmense aan te bied by die Hoërskool Arendsvlei, waar hy as onderwyser werk, maar dit het nie so lekker gewerk nie,” sê Jody. “En nou kry Lionel die briljante idee om ’n komediant te word, maar die groot vraag is: Gaan dit werk?” SLYP JOU VAARDIGHEDE “Lionel is oortuig hy is snaaks genoeg,” sê Jody oor Lionel se nuwe droom. Hy het nog altyd vertoue in homself en sy vermoëns gehad, en met sy lewensmaat Janice (Crystal-Donna Roberts) wat hom ondersteun, is daar niks wat Lionel voel hy nie in…

VERLEDE KEER Yasemin het ’n verswakkende Ömer tot haar voordeel gemanipuleer, Sinan het ’n uitstappie gebruik om Defne se aandag van haar siek kêrel, Ömer, af te lei, en Serdar het oorlog verklaar teen Ismail oor Nihan se liefde. 10 – 12 FEBRUARIE Defne dien haar bedanking in, maar Ömer aanvaar dit nie en maak haar ’n teenaanbod om by Passionis te bly. Türkan dink Serdar kan trots wees op sy sukses, maar Serdar steek iets vir hom weg, en Koray kry lekker oor Defne se stryd. Neriman en Necmi voel feestelik, en Ömer verplig Defne en Yasemin om as ’n span te werk. 15 – 19 FEBRUARIE Sinan beken sy kwellende romanse, maar hy is nie voorbereid op Neriman se reaksie nie, en Neriman beveel haar neef, Ömer, later…