Innholdsfortegnelse for 28 Jan 2021 i TV Plus Afrikaans

Wil jy dalk jou kykgenot ’n adrenalienskop gee? Die stroomdiens het ’n versameling aksiefieks wat klassiek voel, maar eintlik heel nuut is. COLD PURSUIT (2019) Liam Neeson (eks-CIA-agent Bryan Miller in die Taken-franchise, 2008-2014) is op sy gemeenste as die sneeuploeg-bestuurder Nelson Coxman. Hy’s nie kwaad omdat iemand sy bande in Kerstyd afgeblaas het nie. Nee, hy’s op ’n sending om die dwelmbaron wat sy seun vermoor het, te jag, martel en dood te maak. Sy enigste leidraad? Die ou se naam is “Viking”. ESCAPE PLAN 2: HADES (2018) Sly Stallone (oud-soldaat Rambo in die Rambo-franchise, 1982-2019) is dol oor karakters wat in die sop beland en dan merkwaardige vaardighede gebruik om daaruit te kom en mense te red. Soos sy karakter Ray Breslin, ’n veiligheidsdeskundige, in hierdie misdaadriller vol…

Broke Seisoen 1 Saterdae M-Net (*101) 18:30 (begin 30 Januarie) Die laaste keer wat Pauley Perrette op ons skerms was, het sy die goth- forensiese wetenskaplike Abby Sciuto in NCIS (2003-nou, sy het die reeks in 2018 verlaat na wat verneem word gewelddadige konfrontasie met die hoofster Mark Harmon, Gibbs in die program) gespeel. Die aktrise is minder donker en somber in haar nuwe sitkom Broke (2020), maar sy’s steeds nie ’n mense-mens nie. “Jackie, mykarakter, is in ’n posisie waarin baie mense hulle bevind: ’n Enkelouer wat doen wat sy moet om haarself en haar seun, Sammy (Antonio Corbo, Tate in die grureeks Into The Dark, 2018-nou), te onderhou,” sê Pauley. Dis waar die pret begin – terwyl die kroegvrou Jackie probeer oorleef en haar eie besigheid wil begin,…

Die broers Tyrone (Ty) (Maurice Page) en Wade (Dean Smith), en hul huismaat, Justin (Eden Classens), het verlede jaar hul vingers verbrand nadat hulle ’n groot som gesteelde geld in ’n ou motor wat Ty wou restoureer, gevind en uitgegee het – totdat Joy (Monique Rock-man) die geld weer by hulle gesteel en die polisie later daarop beslag gelê het. Maar hulle hoop steeds om vinnig ryk te word en is alewig op die uitkyk vir ’n manier om ’n ekstra randjie of twee te maak. Die drie het begin vanjaar hul eie bier begin brou en toe die plan gekry om huispartytjies te hou – die gaste moet net vir die kos bydra. “Ty was eers teen die nuwe idee gekant, maar het besef hulle sit dalk op ’n…

Saartjie (Hunter Plaatjies), het die afgelope ruk diep gevoelens vir haar beste vriend, Daniel (Cantona James), ontwikkel en dit op ’n manier reggekry om hom in ’n verhouding met haar in te praat. “Daniel beskou Saartjie egter net as ’n goeie vriendin, maar kan dit nie oor sy hart kry om dit vir haar te sê nie, en nou lewe hy in ongemak as haar kêrel,” sê Cantona. Dinge raak ook meer gekompliseerd wanneer Daniel gevoelens vir Angelique (Chelsea Thomas) begin ontwikkel wanneer hulle saam aan die skooltoneelstuk deelneem en Saartjie agterdogtig raak. Gaan meer as een hart gebreek word? DIE EEN VIR HAAR “Hoe meer tyd Saartjie saam met Daniel deurgebring het, hoe meer het sy begin glo hy is die een is vir haar,” vertel Hunter oor haar…

Daar was ’n tyd toe Blitz (Werner Coetser) net aan homself gedink het en baie selfgesentreerd was, vertel Werner. Maar sedert sy jeugliefde Lienkie (Mandi du Plooy-Baard) en sy biologiese kind, Johan (Dirk Jacobs), verlede jaar weer deel van sylewe geword het, het sy lewe soos handomkeer verander. “Lienkie en Johan kom nou eerste in sy lewe,” vertel hy. “Hy het besef die lewe draai nie net om hom nie, maar om die mense wat hy liefhet.” Blitz en Lienkie het vroeg in Oktober 2020 getrou, maar skaars vier weke later is sy met fase 4-pankreaskanker gediagnoseer, en sy het net voor Kersfees by die dood omgedraai. “En dit het Blitz se hele lewensbeskouing nóg meer verander, want hy besef nou hoe kosbaar die lewe en tyd saam met jou…

Noudat No Time To Die (met Daniel Craig in sy vyfde en laaste James Bond-fliek) in April 2021 uitgereik gaan word, is dit tyd om jou Bonds, James Bonds, te verfris. Kykers met die DStv Premium-, Compact Plus- en Compact-pakket kan al (nou) 25 Bond-lokettreffers van Vrydag 22 Januarie tot Sondag 31 Januarie op die M-Net Movies 007 James Bond Pop-Up Channel (*111) sien –Family- en Accessintekenare moet die Add Movies-diens gebruik om die Bond-flieks te kyk. Al die flieks is ook tot Dinsdag 2 Februarie 2021 op DStv Catch Up te sien. Bond-flieks laat dit sedert 1962 koel lyk om ’n wêreldreisiger-spioen te wees en nou kan talle geslagte saam praat oor wat maak “hul” Bond die beste, die allerbeste Bond-toestelle kies, en moenie die motors vergeet nie! Boonop…

Laat Die Potte Prut Seisoen 12 Donderdae VIA (*147) 17:30 Die nuwe seisoen van die potjiekos-kompetisiereeks Laat Die Potte Prut (2016-nou) het ’n paar uitdagings vir die produksiespan en die twee aanbieders en beoordelaars, Alvin Bruinders (Melvin in die komediereeks Molly & Wors, 2009-2013) en TV-sjef Marinda Engelbrecht, opgelewer. “Eerstens is dit tydens die Covid-pandemie opgeneem, ons moes dus alle veiligheidsregulasies nakom, en dan wou die weer nie saamspeel nie. Sekere dae was die wind stormsterk en die volgende dag het dit weer gestortreën,” vertel Marinda. Die 39 spanne in seisoen 12 moes nie net hul eie potte saambring nie, maar ook alle ander kombuistoebehore, soos mengers en vysel-en-stampers. Die produksiespan het hout en houtskool verskaf, en die spanne was verantwoordelik vir hul eie vure. “Dit was ’n fyn balans…

The Victim Seisoen 1 Donderdae M-Net (*101) 21:30 (begin 4 Februarie) Die Skotse verpleegster Anna Dean (Kelly Macdonald, Margaret Thompson in die periodedramareeks Boardwalk Empire, 2010-2014) se 9-jarige seun is 14 jaar gelede vermoor in die sielkundige dramareeks The Victim (2019). Sy moordenaar, wat toe 14 was, het 7 jaar agter tralies in ’n sentrum vir jeugoortreders deurgebring voor sy verslae verseël en hy met ’n nuwe identiteit vrygelaat is. Nou glo Anna sy het weer haar seun se moordenaar gevind, wat met die nuwe naam Craig Myers (James Harkness, James in die drama-reeks The Nest, 2020), as ’n busbestuurder, saam met sy vrou en dogter leef. Nadat ’n plasing aanlyn Craig se “ware identiteit” as die kindermoordenaar Eddie J. Turner onthul, kompleet met ’n foto van Craig, sy adres…

Dis nooit vervelig by die Welmans nie. Dink maar aan enigiets, hulle het dit al gedoen – van moord tot ontrouheid, tot twyfelagtige saketransaksies en erger. “Dit voel asof dit nooit ophou nie,” sê Deirdre Wolhuter laggend, wat Mariaan Welman speel. Begin Januarie het Kotie (Marian Hooman, Sandra van de Merwe in die sci-fi-fliek District 9, 2009) opgedaag, en beweer Mariaan het haar seun, Kareltjie (nie op die skerm nie), meer as 20 jaar gelede as ’n baba gesteel en Mariaan se seun, Rickus (André Lötter), is Kareltjie. “Daar steek geen waarheid in Kotie se bewerings nie,” sê Deirdre, wie se karakter vir ’n rukkie deur Kotie gevange gehou is. Mariaan se man, Chris (David Rees), het haar beledig toe hy in dieselfde week vir ’n DNS-toets gevra het. “Sy…

Dit ly g’n twyfel die sekretaresse by die Binneland-kliniek Tracy Smit (Melinda Brink) is vasberade om ’n beter lewe vir haarself te skep nie en haar verlede as ’n prostituut agter te laat nie. Haar pogings is merkwaardig, maar haar uitdagings is nog nie verby nie. Veral nie noudat sy wonder of sy die een is wat Phillip (Francois Coetzee, dr. Ian Smith in 2019 in Isidingo, 1998-2019), vermoor het nie. Of was dit dalk eerder haar geliefde Conrad (Hykie Berg)? VOL BLOED Tracy kan niks onthou van Phillip se moord nie. Sy weet net sy het Phillip – haar ekskêrel Ian (Duan Wanty, deelnemer in 2013 aan Tropika Island Of Treasure, seisoen 5) se broer – besoek omdat Ian en Phillip haar afgepers het om geld byConrad, die HUB…

Toe As Die Skoen Pas op Maandag 18 Januarie op TV verskyn het, het aanhangers van Turkse telenovelles die gewone verwag: oordrewe drama. Maar daar is baie meer aan dié reeks, wat met die titel Kiralik Ask verskyn het toe dit van 2015 tot 2017 in Turkye uitgesaai is. Die hoofaktrise Elçin Sangu, wat die rol van Defne Topal speel, sê: “Een van die beste dinge van ons produksie is dis vol humor. Dis meer soos ’n romantiese komedie as ’n drama, waarvoor telenovelles nie bekend is nie. Dit maak ons program anders en ons het baie pret gehad terwyl ons dit gemaak het.” GELDSAKE Defne (die stem van die eNCA-nuusanker Sue Pyler) sukkel vir die duur van die reeks van twee seisoene om die armoede agter te laat. “Sy…

Dis geen geheim dat die WWEstoeiers goeie akteurs is nie. Dis nie net die fisieke aksie van hul werk wat hulle gewild maak nie – hulle is uitstekende akteurs in die kryt. Heelwat stoeiers het na “regte” toneelspel oorgeskakel – in flieks. ROTSVAS Dwayne Johnson het in die WWE naam gemaak as “The Rock”. Maar dis waar hy sy bynaam gelos het – in die stoeikryt. Deesdae is Dwayne een van die groot geldmakers in Hollywood – sy flieks maak miljarde dollars. Boonop het hy die sportagent Spencer Strasmore in HBO se gewilde komediereeks Ballers (2015-2019, stroom dit ook op Showmax) gespeel, wat Dwayne ook vervaardig het. Die 48-jarige akteur het getwiet: “In 1995 het ek $7 (R106) in my sak gehad. Ek het twee goed geweet: Ek is platsak…

Swartwater Seisoen 3 Dinsdae SABC2 (*192) 19:30 Annalien Steyn (Dorette Potgieter, Tina-Marie de Wet in die drama-reeks Die Kasteel, 2018 en 2020) het in die eerste twee seisoene van Swartwater (2014 en 2018) ’n taai klap van die lewe gekry, vertel Dorette. “Sy was al dikwels die slagoffer. Haar eksman, Phillip (Dirk Stoltz, van 2019 DeWet Bas-son in 7de Laan, 2000-nou, lees meer op bl. 21) het haar eers mishandel, toe is sy verlei deur Francois le Roux (Louw Venter, sedert 2020 Lukas in Suidooster, 2015-nou, sien ble. 22 en 23) en toe raak sy swanger. Alles het te veel geraak en sy is in ’n psigiatrie-kliniek opgeneem, net om daar verkrag te word,” verduidelik Dorette. Toe verstoot Francois haar boonop toe hy hoor sy is swanger. En nadat sy…

Almost Family Seisoen 1 Saterdae M-Net (*101) 20:00 (begin 30 Januarie) Die direkteur van kommunikasie by die vrugbaarheidskliniek, Julia Bechley (Brittany Snow, Meg in die dramareeks American Dreams, 2002-2005), het altyd heimlik gewens sy is nie die enigste kind nie. En in ’n bose wending word haar wens bewaarheid in die enkelseisoen-dramedie Almost Family (2019-2020). Julia se pa, die pionier-vrugbaarheidspesialis dr. Leon Bechley (Timothy Hutton, Hugh Crain in die grureeks The Haunting Of Hill House, 2018), word daarvan beskuldig dat hy sy eie sperm, pleks van dié van die skenkers wat hulle gekies het, gebruik om sy kliënte te bevrug. Maar die program handel nie oor die slagoffers van soortgelyke misdade wat gewalg genoeg was om hul dokters te dagvaar nie – soos wat werklik gebeur het. Die storielyn fokus…

Kykers het einde verlede jaar asem opgehou, want dit het gelyk asof Imraan (Marlo Minnaar) en Kaashifa (Jawaahier Petersen) ondanks hul gevoelens vir mekaar net nie by mekaar kon uitkom nie. Toe Kaashifa en haar vorige kêrel, Junaid (Hein Poole), boonop weer begin uitgaan, het Imraan gedink dis neusie verby vir hom. “Imraan het gedink hy het sy kanse verspeel en daar’s nie meer hoop vir hom en Kaashifa nie. Boonop het hy homself daarvoor blameer,” sê Marlo. Maar gelukkig het die twee verliefdes hul hardkoppigheid laat staan en na hul hart begin luister. GROOT OPGEWONDENHEID Imraan waag nie die kans om Kaashifa weer te verloor nie. Hulle was verlede jaar verloof, maar hy het koue voete gekry omdat hy nog nie gereed was vir so ’n groot stap nie.…

Die grapjas en akteur Schalk Bezuidenhout het kykers vroeër in Januarie verras met sy verskyning in Binnelanders (2005-nou) as die interessante patoloog Petrus Botha. Maar nou lyk dit asof sy storielyn ’n bose wending neem en Petrus op een of ander manier verbind is aan die swart mark waar ortopediese prostese op ’n onwettige manier vir ’n appel en ’n ei verkoop word. Oom Wimpie (Paul Lückhoff) is die een wat eerste snuf in die neus kry oor Petrus en sy alewige gekuier by die verpleegsters. En waar daar ’n rokie is . . . ’N LASPOS Wimpie is oortuig Petrus pla die verpleegsters omdat hy gedurig by hulle rondhang. “Wimpie is beskermend oor die Binneland-kliniek en sy personeel,” sê Schalk. “Petrus is ’n nuweling wat hy nie ken nie,…

Toe Maryke (Marijke Coetser) verlede jaar vir ’n nieroorplanting moes gaan, het sy met ’n groot skok uitgevind Magda (Elzabé Zietsman) is haar biologiese ma nadat Magda vrywilliglik haar nier aan haar geskenk het. En nou word sy weer onkant gevang: Haar halfbroer, JJ (Zak Hendrikz), daag uit die bloute op haar drumpel op en hyis allermins ’n engel. Inteendeel, dis duidelik JJ is nie net in Johannesburg om mooi broodjies te bak en sy nuutgevonde halfsuster beter te leer ken nie . . . AARDJIE NA SY VAARTJIE JJ is ’n regte kansvatter en ’n wheeler-en-dealer, sê Zak. Nadat sy pa, Jakkie – wat intussen oorlede is – Magda etlike jare gelede gelos het, het hy JJ onder sy vlerk geneem en hom al sy skelmstreke geleer en by…

VERLEDE KEER Ferhat het raad gevra oor ’n egskeiding van Asli, Cünyet wou aan Namik bewys hy is eerlik en hy weet nie wie sy potensiële moordenaar is nie, en Gülsüm het ’n impulsiewe huweliksaansoek verwerp. 27 – 29 JANUARIE Asli en Ferhat word ná ’n botsing uit die wrak van hul motor gehaal deur twee voetgangers wat nie weet wie die paartjie is nie, en Idil gee voor sy het ’n miskraam om te keer dat Namik haar vermoor nadat sy ’n aborsie gehad het. Gülsüm het Yigit se seën nodig voordat sy met ’n plan voortgaan, Asli is byderhand om Gülsüm se baba veilig te verlos, en Namik is woedend oor ’n probleem. 1 – 5 FEBRUARIE Ferhat en Asli het ’n blaaskans nodig terwyl hulle herstel, Namik…