Innholdsfortegnelse for 12/17/2020 i TV Plus Afrikaans

Nou die dag hou ek by ’n verkeerslig stil, en iemand staan bakhand by my venster. Gewoonlik het ek geen kleingeld of iets te ete in my motor nie, maar toevallig het ek vroeër stilgehou om ’n tvplus en perskes te koop (die lus vir perskes was uiters oorweldigend!). Dié lê toe op die passasiersitplek en die gehawende man kon dit sien. Ek bied ’n perske aan, wat hy gretig aanvaar, en vra toe skaam of ek dalk die tvplus klaar gelees het. Ja, sê ek, ek hou gewoonlik net ’n eksemplaar vir my rekords. Asseblief, vra die man, kan hy dit nie maar lees nie? Hy vertel dis nou ses maande sedert hy op straat woon en hy mis sy sepies. Eintlik sommer al die sepies, en hy wil…

Naam: Genevieve Terblanche. Pos: Senior skrywer, wat dié vakansie alleen tuis is. Ek kyk nou: Die Britse komediereeks Toast Of London, seisoen 1 van 3 (2013-2015) op Netflix. My mening oor die reeks: Steven Toast (Matt Berry, Laszlo in die vampierkomediereeks What We Do In The Shadows, 2019-nou) is ’n jaloerse, onsuksesvolle akteur met ’n groot ego wat nie naby die rooi tapyt toegelaat moet word nie. Dis ’n konsep wat in Ricky Gervais se komediereeks Extras (2005-2007) verken word, maar dis die komedieweergawe. Effens goedkoop, baie armsalig, met die klankie van ’n 1970’s-seksklug – maar ’n slag vir surrealistiese, visuele humor. My gunsteling-oomblik: In seisoen 1 episode 1, wanneer Toast sê hy wil die komediant Caroline Quentin (Dorothy in die sitkom Men Behaving Badly, 1992-1998) se huisinwydingspartytjie bywoon, wys…

THE SURGEON’S CUT NETFLIX | 2020 | DOKKIE | SEISOEN 1 | KYK VANAF WO. 9 DES. Vier chirurge aan die spits van die wetenskap in fetale medikasie, neurochirurgie en kardiologie voer innoverende prosedures uit en bespreek hul benadering tot chirurgie. THE WILDS AMAZON PRIME VIDEO | 2020 | DRAMA | SEISOEN 1 | KYK VANAF VR. 11 DES. Tienermeisies word doelbewus op ’n eiland gestrand. Onder die spelers is Rachel Griffiths (Diane in die regsminireeks When We Rise, 2017-nou) en Reign Edwards (Melody in die sci-fi-reeks Snowfall, 2017-nou). TINY PRETTY THINGS NETFLIX | 2020 | DRAMA | SEISOEN 1 | KYK VANAF MA. 14 DES. Gegrond op die 2015-roman deur Sona Charaipotra en Dhonielle Clayton, volg die reeks dansers by Chicago se elite Archer-balletskool. Dis ’n kruis tussen Black…

Die Vlieënde Springbokkie Seisoen 2 Woensdae SABC2 (*192) 19:30 “Ek sou nooit in my lewe kon dink of droom ek sou ’n baba in die lyf van ’n grootmens speel nie,” gesels die akteur-sanger Bobby van Jaarsveld (Rossouw in die komediereeks Mense Mense, 2018) oor sy rol Robbie wat hy in die tweede seisoen van die futuristiese komiese ruimtereeks Die Vlieënde Springbokkie vertolk. Hy vertel: “Robbie word elke minuut ouer en het dus in elke episode ’n ander persoonlikheid,” verduidelik hy. “Hy is eers ’n liefdevolle baba, dan ontluik hy in ’n tipiese temperamentele tiener en word daarna ’n volwassene wat die beheer van die ruimteskip wil oorneem. Maar hy is onseker wie en wat hy is en is sosiaal heeltemal wanaangepas. Robbie is nie ’n ou met enige kwaad…

Julia (Eloise Clasen) en Hugo (Cobus Rossouw Jr.) het uiteindelik weer ewige trou aan mekaar beloof, maar nou lê daar ’n ander uitdaging vir die fisioterapeut en dokter voor: “Julia het positief vir die borskankergeen BRCA (Breast Cancer Gene) getoets en gaan nou ’n dubbele mastektomie- en rekonstruksie-operasie ondergaan,” sê Eloise. Dis ’n ernstige besluit wat Julia neem om die operasie te laat doen, en dit gaan gepaard met ’n warboel van emosies – nie net vir Julia nie, maar ook vir Hugo wat sy bes probeer om sterk te wees vir sy vrou. HARTSEER GEVOELENS “Julia is op haar senuwees oor die operasie,” vertel Eloise. “Hartseer gevoelens spoel oor haar omdat dit voel asof sy ’n deel van haarself gaan verloor, wat haar baie emosioneel maak.” Hugo probeer enige…

16 Desember 17 Desember 18 Desember 19 Desember 21 Desember 22 Desember 23 Desember 24 Desember 25 Desember 26 Desember 27 Desember 28 Desember 29 Desember…

Woensdag E! BOTCHED Seisoen 5 E! (*124) 20:00 Episode 15 (realiteit) 16 Desember ’n Britse pasiënt reis halfpad om die wêreld na Las Vegas om dokters te spreek, en sy het ’n interessante versoek: Sy wil hê hulle moet haar so na moontlik laat lyk aan die karikatuur Jessica Rabbit in die 1988-animasiefliek Who Framed Roger Rabbit, en hulle moet met mega-grootte borste begin. MINKI Seisoen 6 VIA (*147) 19:30 Episode 12 (leefstyl) 23 Desember Kersfees is ’n baie spesiale tyd van die jaar in die bekroonde glanssjef, restaurateur en mediapersoonlikheid Reuben Riffel se lewe. Hy het baie staaltjies om te vertel wanneer hy die kletskoningin Minki ontmoet. Hy gesels oor sy kinderjare en Kersfees, en hy vertel kykers van sy gunsteling-Kersgeregte. Donderdag WRAAK MY MOOI Seisoen 2 VIA (*147)…

By tvplus kyk ons ongelooflik baie televisie. En al hou ons dalk nie van alles nie, doen ons ons bes om elke program ’n regverdige kans te gee. Maar dis nie als werk nie. Ons raak diep verknog aan reekse. Stroomdienste laat ons toe om na hartelus te kettingkyk, en ons gunsteling-programme in te pas by al die regstreekse TV-kykery wat ons professioneel doen. Ons kan agteroor sit met ’n lekker opfrissertjie nadat ons intense dramas en rillers oor donker temas gekyk het. En soms kan ons afskakel en net ’n oomblik geniet wanneer ons kniediep in seisoen 4 van ’n reeks vol kinkels is met 40 verskillende sleutelkarakters. Hier is waarna tvplus kyk vir pret (benewens al die wonderlike Afrikaanse inhoud op kykNET en VIA) . . . TVPLUS…

Die klappe het uiteindelik van Hein (Merlin Balie) se oë afgeval en hy sien Natalie (Carmen Maarman), die ma van sy kind, Anton (Dean Richard Olivier), nou vir wie sy werklik is: uiters selfsugtig en gemeen! “Natalie het weer die pad gevat,” sê Merlin, en nou is Candice (Nancia Dorland), Natalie se stiefdogter, wat Natalie in die Kaap agterlaat, Hein se probleem. Dis ’n bitter pil om te sluk, veral omdat almal in Arendsvlei, insluitend Anton, hom teen Natalie gewaarsku het. Maar nou sit Hein met die gebakte pere, en as hy werklik wil aanbeweeg, gaan Hein ’n manier moet vind om homself te vergewe. ’N GROOT GRAP Natalie het in Oktober uit die bloute haar verskyning in Arendsvlei gemaak, en onder valse voorwendsels by Anton se bakkery begin werk.…

eExtra Weekdae 20:30 H Weekdae eExtra (*DStv 195/Openview *105) 04:05 O Saterdae eExtra 20:50 VERLEDE KEER Ebru het ’n meeluistertoestel geplant, ’n vreemdeling het Namik inligting gegee wat sy familie kan vernietig, Sahin het sy trawante gestuur om Ferhat en Asli op te spoor, en Idil het by die familieherehuis ingetrek. 16 – 18 DESEMBER Namik is desperaat om te verseker Idil en die res van sy familie is veilig, en Sahin se manne word vermoor voor hulle Ferhat en Asli kan vind. Cüneyt het die inligting wat Sahin soek, maar dit kom teen ’n prys, en Ferhat word later geskiet. Verslae oor Ferhat se dood bereik sy familie, maar daar is iets anders wat hulle moet weet, en ’n geheimsinnige persoon word gehuur om Namik te vind en uit…

FOOTBALL, PRINCE WILLIAM AND OUR MENTAL HEALTH Seisoen 1 BBC BRIT (*120) Tuesday 22 Desember 22:10 Episode 1 (dokkie) Mense praat nie graag oor geestesgesondheid nie. Die hertog van Cambridge, prins William, gebruik sy koninklike posisie en verbintenisse in die sokkerwêreld om die stigma van geestesgesondheid te verken en stres te hanteer. “Dié program vorm deel van #HeadsUp, ’n veldtog wat die grootste bespreking nóg oor geestesgesondheid afskop, deur sokker en gesprekke met sportlui wat ongelooflike hoogte- en laagtepunte in hul loopbane ervaar,” sê die uitvoerende vervaardiger Jonathan Smith. Geestesgesondheid is iets waaroor prins William openhartig is ná wat hy tydens gewapende gevegte in die lugmag gesien het. Hy verduidelik wanneer iets lewensveranderend met jou gebeur – in sy geval was dit toe sy kinders gebore is – het hy…

THE EXPANSE AMAZON PRIME VIDEO | 2020 | SCI-FI | SEISOEN 1-5 | KYK VANAF WO. 16 DES. Marco Inaros (Keon Alexander, Rami in Tyrant, 2014-2016) en sy terroristeorganisasie verskuif die magsbalans vanaf die Aarde en Mars na die Belters, selfs wanneer Mars se posisie ineenstort, want die Sol System het ’n magdom bewoonbare planete ontdek om te koloniseer. Episodes 1-3 begin op 16 Des. met nuwe episodes elke Woensdag daarna. THE GRAND TOUR PRESENTS: A MASSIVE HUNT AMAZON PRIME VIDEO | 2020 | SPESIALE MOTORPROGRAM | SEISOEN 1 | KYK OP VR. 18 DES. Jeremy Clarkson, James May en Richard Hammond jaag resies deur Reunion en Madagaskar op die spoor van ’n seerowerskat. Die lande se rowwe paaie vereis dat die drie karghoeroes vooruit moet dink om hul voertuie…

Op My Eish! Seisoen 1 kykNET (*144) (begin April 2021) Dié man maak darem die knieë lam – of so gons dit op die sosiale media oor die 41-jarige akteur Neels van Jaarsveld (bekend vir sy rol as Ben van Wyk in die dramareeks Fynskrif, 2018-2020). Want Neels gaan nou liefde op die kassie soek en indien jy enkellopend en ouer as 21 jaar oud is, staan jy dalk ’n kans om deel te wees van Neels se liefdesreis op die realiteitsreeks Op My Eish! wat volgende jaar verfilm en uitgesaai gaan word. Verskeie ouer vroue sug “as hulle tog net jonger was en kon inskryf”, soos Louise du Plessis wat op kykNET se Facebook-blad sê: “Neels . . . jy is gorgeous, ou bul, maar ek’s al reg vir…

Manhunt: Deadly Games Seisoen 2 Dinsdae M-Net (*101) 21:30 (begin 22 Desember) Die antologiereeks Manhunt (2017-nou) sit sy bomtema voort in seisoen 2, en pak die werklike terreuraanval op die Olimpiese Spele in 1996 in Atlanta, Georgia, waarin een mens dood en 111 beseer is. Maar pleks van op die slagoffers fokus Manhunt: Deadly Games op die polisieondersoek en die soektog na die aanvaller. Dit onthul ’n kommerwekkende neiging waaraan ons byna 30 jaar later daagliks blootgestel word. “Vals nuus is ’n moderne begrip, maar dié polisiesoektog is in 1996 byna deur vals inligting geruïneer,” sê Carla Gugino (Olivia Crain in die grureeks The Haunting Of Hill House, 2018). Sy speel die verslaggewer Kathy Scruggs van die koerant The Atlanta Journal-Constitution en sê: “Onskuldige mense is deur die misdaad geraak.…

Kersfees in Ruiterbosch is vir ’n deftige partytjie wat by die statige sakevrou Bridgette Jacobs (Denise Newman) se huis gehou word, maar vanjaar is die Daniels-broers lus vir iets meer informeel. “Ty (Maurice Paige), Wade (Dean John Smith) en hul huismaat, Justin (Eden Classens), wil ’n loslit-Kersfees hê en hulle dring aan by Lee-Ann (Portia Joel), Bridgette se suster en Ty se meisie, dit is hul beurt om die Kerspartytjie by hul huis te hou,” sê Maurice. Die manne is baie opgewonde oor die partytjie, maar hulle onderskat die harde werk wat so ’n geleentheid vereis en los alles tot die laatste oomblik. TYD RAAK MIN Bridgette is omgekrap wanneer sy hoor die partytjie gaan nie by haar huis gehou word nie. “Sy wil dit stopsit, want sy dink dis…

Op Vrydag 16 Oktober het die lewe vir Lienkie (Mandi du Plooy-Baard) en haar rugbyhartebreker Blitz (Werner Coetser) breed geglimlag. Blitz en Lienkie het op ’n vrolike lentebruilof ewige liefde aan mekaar beloof. Maar skaars vier weke ná hierdie vreugdevolle dag, het hul sprokie begin verbrokkel: Lienkie het siek geword en is met fase 3 pankreaskanker gediagnoseer. En nou kan die siekte die einde van alles beteken . . . GROOT GEHEIMHOUDING Mandi sê die slegte nuus het Lienkie verpletter. “Dit is ’n aggressiewe kanker met ’n swak prognose en sy wou dit eers vir Blitz wegsteek en nog minder hê hul seun, Johan (Dirk Jacobs), moet daarvan uitvind.” Vir dié wat vergeet het: Lienkie was baie jonk toe sy met Blitz se seun swanger geraak het. Sy het verdwyn…

BOLD Thomas verloor sy greep op die werklikheid en hou ’n etepartytjie, want hy dink die winkelpop Hope het lewend geword. Liam en Steffy bespreek of Thomas ’n gevaar vir Hope is, en dr. Finn vind uit van Thomas se vreemde gedrag en meen dis tyd dat hy ingryp en help. Liam en Steffy vind aansluiting bymekaar danksy hul liefde vir baba Kelly, en Eric en Quinn beplan ’n Dankseggingsete by die Forrester-herehuis. Ridge en Brooke baklei oor hul kinders, en in ’n terugflits na die 2019-Dankseggingsepisode onthul hoe Pam ’n poets op Quinn gebak het voor die ete. DAYS Gwen verlustig haar in die voortgesette chaos wat sy tussen die DiMera-broers veroorsaak, en Abby is in ’n moeilike posisie. Chad is ontsteld toe sy broer Jake ’n uitnodiging vir…

Ek weet dit is moeilik, maar ek dink AB in Suidooster verdien ’n tweede kans. Niemand is perfek nie en hy het haar nie verneuk nie. Hy het al die snert geglo wat Farah vir hom opgedis het en dit is hartverskeurend. Hulle sê mos liefde is blind. Ek dink AB moet baklei vir sy “darling”. – MARINDA, FACEOOK Ek dink AB verdien nog ’n kans, maar Mymoena moenie dit vir hom op ’n skinkbord gee nie. Hy moet ’n bietjie werk daarvoor. – LIZELLE, FACEBOOK Vat Elize weg uit Binnelanders. Hoekom moes sy nou weer haar verskyning maak? En Hugo en Julia raak nou irriterend. Getroud Met Rugby is ook pateties. Dis net Blitz, Lienkie, Liam en Candice. Moet ons net na hulle kyk? Stuur hulle op ’n lang…

Die doel met dié blad is om lesers ’n kans te gee om hul mening te lug. Dit weerspieël nie noodwendig tvplus se opinie nie. Verder probeer ons vrae wat per SMS, e-pos of op ons sosiale mediaplatforms aan ons gerig word, regstreeks antwoord. Dus is hier nie vrae oor wanneer programme uitgesaai word, hoekom iets van die skedule af verdwyn het, ensovoorts, nie. Sover moontlik plaas ons SMS’e soos dit aan ons gestuur is, maar probeer konteks verskaf, soos die program waarin die karakter verskyn, indien dit nie in die SMS genoem word nie. Laat ons asseblief weet wat julle dink! Dis lekkerder wanneer ons almal saam TV kyk en dit bespreek!…

Ek dink 7de Laan wil mense die verwoesting en hartseer in die ware lewe laat sien wanneer familielede mekaar nie aanvaar nie: ouers hul kinders en broers hul susters. Ek dink dié storie gaan ’n goeie einde hê, want met liefde en vergifnis is enigiets moontlik. Ek het gehuil toe Shawn erken en sê: “Lana, ek is gay.” – RENETTE, FACEBOOK Lana is seker so verward. Hoewel ek hoop hulle kan sake uitwerk, sal daar ooit weer vertroue wees? Twee van die gaafste mense in die program. Dis hartverskeurend! – BEVERLEY, FACEBOOK Ek dink hy is selfsugtig. Hy mors al vir lank Lana se tyd. Hoekom het hy hom in ’n huwelik begewe, terwyl hy bewus was van sy seksualiteit? Hy stel almal om hom tevrede en maak daardeur ander…