Innholdsfortegnelse for 12/3/2020 i TV Plus Afrikaans

Dit is tans vir my byna onmoontlik om rustig te sit en TV kyk. My dogtertjie dink wanneer die TV aan is, mag sy video's kyk op YouTube Kids en raak baie ongelukkig wanneer Mamma nie haar foon wil gee nie. Wanneer sy saans gaan slaap, is daar skaars tyd om ’n episode van iets saam met my man te kyk voor ek verder moet werk en dan gewoonlik sommer ook aan die slaap raak. Ek dink 2020 het ons almal tot op die been uitgeput! DStv Catch Up en stroomdienste is dus my redding deur die dag wanneer my kleinding by die babawagter of skooltjie is. Dikwels is die TV op een kanaal ge-pause omdat ek letterlik net 10 minute van Legacy (lees meer op ble. 6 en 33)…

Naam: Genevieve Terblanche Pos: Senior skrywer, ná 2020 is ek ’n dier wat deur spertye doodgery is. Ek kyk nou: Die realiteitstalentprogram The Masked Singer, seisoen 2 (2019-nou) op Show-max (slegs dié seisoen was beskikbaar). My mening oor die reeks: Ek het versot geraak vanweë die absurditeit om na geheime sterre te kyk wat liedjies sing in lawwe kostuums. Daar is reëls, maar jy hoef dit eerlikwaar nie te verstaan om te geniet hoe ’n boom en ’n roomys met sang meeding terwyl die beoordelaars (oor verskeie episodes) probeer raai wie dit is nie. Indien jy kettingkyk, kan jy al die twakpraatjies in die episode oorslaan en net die binnekomste en optredes geniet. Maar hou die gemaskerde sangers dop, want die beste kunstenaars gee aan daardie uitrustings karakter: parmantig en…

Daar is nie net ’n stormloop na nuwe uitreikings op stroomplatforms nie. Daar is ander programme wat jy nie durf misloop nie. Kettingkyk die volgende programme wat sangers in die kollig geplaas het. • Parow To Parowfest Afrikaanse spesiale dokkie, 2020, Showmax vanaf Donderdag 10 Desember. • Song Exploder seisoen 2 musiekdokkie, 2020, Netflix vanaf Dinsdag 15 Desember. • Bruce Springsteen’s Letter To You musiekdokkie, 2020, Apple TV+. • Behind The Story: Cassper Nyovest musiekdokkie, 2017, Showmax. • Francois & Tasché musiekdokkie, 2020, Showmax. • Mariah Carey’s Merriest Christmas verskeidenheidsdokkie, 2015, Netflix. • Dolly Parton Here I Am musiekdokkie, 2019, Netflix. • Dumbest Music Videos seisoen 1 komedie, 2020, Amazon Prime Video.…

My Kersfeeskombuis Seisoen 1 Vrydae VIA (*147) 17:00 (begin 4 Desember) Kersfees is om die draai en dit beteken familiekuiers, geskenke en tafels wat kreun onder die kos. En by die TV-sjef Marinda Engelbrecht, beoordelaar van die potjiekoskompetisiereeks Laat Die Potte Prut (2016-nou), se huis gaan dit presies só wees. Sy is een van vyf sjefs wat heerlike geregte optower in die reeks My Kersfeeskombuis (2020) van vyf episodes. Die ander sjefs is die bobaas-bakker Yolani Abrahams van Kole & Deegrestaurant in Tulbagh, Fritz en Chanelle Schoon van Schoon Manufactory & Kie in Stellenboch, die potjiekoskenners Piet Marais en Frik Oosthuizen, en die kosskrywer Dorah Sitole (Cooking From Cape To Cairo: A Taste Of Africa, 1999). Die reeks is reeds verfilm en in Marinda se episode, neem sy kykers op…

Farah in Suidooster is ’n meester-manipuleerder. Mymoena moet ’n bietjie opstaan teen haar en haar ontmasker vir wie sy regtig is. Ek is nou al keelvol van Farah in die sepie. – ANDELENE, SMS Ek kry vir Mymoena in Suidooster so jammer. Ek hoop sy kan vir Farah op haar plek sit. – ALMARIE, SMS Farah moet boet vir haar sondes. Mymoena is so ’n goeie mens. AB moet wakker skrik. Hy gaan dit nog berou dat hy met Farah deurmekaar geraak het. – CINDY, SMS AB het hom glad te veel geniet met Farah ten spyte van Mymoena se hartseer. Mymoena moet hom net los. – PIERRE, FACEBOOK Mymoena moenie vir AB terugvat nie. Liefde of nie, dis ’n teken van ’n emosioneel swak vrou, en dit beeld vroue…

Woensdag DANS IN JOU TAAL NUWE SEISOEN!  Seisoen 5 VIA (*147) 19:00 Episode 1 (realiteit) 2 Desember Sowat 1 700 inskrywngs is vir die reeks ontvang waaruit 230 deelnemers gekies is, wat video’s moes instuur waarop hulle solodanse in verskillende dansstyle doen. Die beoordelaars moet vanaand twee hip-hop-dansers uit 12 kies. • Lees meer op bl. 43. MINKI Seisoen 6 VIA (*147) 19:30 Episode 10 (leefstyl) 9 Desember ’n Stampvol episode waarin gesels word oor kos, velsorgwenke tot raad oor seks en verhoudings. Minki se gas is die bekende hip-hop en kletsrymer Early B. Sy verras hom met een van sy goeie vriende, C-Jay Jansen, wat ’n bekende gospel-musiekster is, Early B. se mentor was en ’n belangrike invloed op sy loopbaan gehad het. Donderdag BOLHUIS Seisoen 2 kykNET (*144)…

By tvplus kyk ons ongelooflik baie televisie. En al hou ons dalk nie van alles nie, doen ons ons bes om elke program ’n regverdige kans te gee. Maar dis nie als werk nie. Ons raak diep verknog aan reekse. Stroomdienste laat ons toe om na hartelus te kettingkyk, en ons gunsteling-programme in te pas by al die regstreekse TV-kykery wat ons professioneel doen. Ons kan agteroor sit met ’n lekker opfrissertjie nadat ons intense dramas en rillers oor donker temas gekyk het. En soms kan ons afskakel en net ’n oomblik geniet wanneer ons kniediep in seisoen 4 van ’n reeks vol kinkels is met 40 verskillende sleutelkarakters. Hier is waarna tvplus kyk vir pret (benewens al die wonderlike Afrikaanse inhoud op kykNET en VIA) . . . TVPLUS…

THE HOLIDAY MOVIES THAT MADE US NETFLIX | 2020 | DOKKIE | SEISOEN 1 | KYK VANAF DI. 1 DES. Onderhoude en agter-die-skerms-filmmateriaal gee ons ’n kykie in twee geliefde flieks, Elf (2003) en die enkelraam-animasie The Nightmare Before Christmas (1993). MURDER FOR HIRE VIU | 2019 | WARE MISDAAD | SEISOEN 1 | KYK VANAF DI. 1 DES. Vind alles uit oor moordenaars wat uitreik na vreemdelinge om namens hulle moord te pleeg. Die seisoen van 20 episodes sluit in die saak van ’n vrou wat haar eie pa gevra het om haar eksman dood te maak. EUPHORIA SPECIAL 1 SHOWMAX | 2020 | DRAMA | KYK VANAF MA. 7 DES. Die eerste spesiale program skakel in by seisoen 1 se tienerseks, dwelms, identiteit en trauma. ’n Rowwe Kersfees…

Die Vlieënde Springbokkie Seisoen 2 Woensdae SABC2 (*192) 19:30 Sy twyfel of sy ooit in ’n ruimtetuig na ’n ander planeet sal wil vlieg, sê Mari Molefe van Heerden wat die rol van kapt. FJ Bezuidenhout in die futuristiese komediereeks Die Vlieënde Springbokkie vertolk. “Ek is reeds bang om in ’n vliegtuig te vlieg, watwou ’n ruimteskip. Ek kan nie verstaan hoe so ’n groot masjien in die lug kan bly nie,” sê sy. “En om heeltyd saam met dieselfde mense in ’n beperkte ruimte te leef, sal my frustreer. Boonop sal ek die natuur mis, want in die ruimte sien jy nie bome, plante of berge nie.” Maar ondanks haar voorbehoude het Mari die hele ervaring om so kamma-kamma in ’n ruimtetuig te pendel, tog baie geniet. GROOT SPRONG…

eExtra Weekdae 20:30 H Weekdae eExtra (*DStv 195/Openview *105) 04:05 O Saterdae eExtra 20:50 VERLEDE KEER Asli se ontsnappogings het weer misluk, Cünyet en Gülsüm het hul liefde op hul ongebore baba se lewe gesweer, en Cem het die troue bederf. Asli het aan Cem gesê sy wil trou, en Ferhat se motor is gesteel. 2 – 4 DESEMBER Handan se plan om Ferhat te vernietig neem vorm aan danksy die hulp van ’n nuwe bondgenoot, en Cem sleep Ferhat en Asli na die polisiekantoor vir ondervraging, maar albei hou by hul stories. Die gesin hou ’n oordadige partytjie soos beplan ondanks die ontwrigting van die troue, en Asli is nie tevrede met haar nie huis nie en eis ’n opknapping. Ferhat kry die skootrekenaar met verdoemende bewyse terug, en…

2 – 8 DESEMBER 9 – 15 DESEMBER 2 Desember 3 Desember 4 Desember 5 Desember 6 Desember 7 Desember 8 Desember 9 Desember 10 Desember 11 Desember 12 Desember 13 Desember 14 Desember 15 Desember…

THE THIRD DAY Seisoen 1 M-Net (*101) Maandag 7 November 22:30 Episode 1 (drama) Die verfilming van die ril-minireeks The Third Day (2020) het nie net die akteurs beproef wat met temas soos selfdood, gedagtebeheer en moord moes werk nie – dit het ook die filmspan tot die uiterste getoets, vertel die uitvoerende vervaardiger, Adrian Sturges (skepper en uitvoerende vervaardiger van die 2017-dra-ma-minireeks Fearless). “Getye was een van die probleme. Osea-eiland is klein en met die vasteland verbind deur ’n spoelbrug wat tydens hooggety oorstroom is.” Die eiland is in werklikheid ’n weelderige vakansieoord met 18 huisies. Maar Moeder Natuur het seker gemaak hul verblyf is nie weelderig nie. “Dit was moeilik om volgens die weer te voorspel hoe lank dit gaan duur vir die gety om te styg. Ons…

LEBO M – COMING HOME SHOWMAX | 2020 | REALITEIT | SEISOEN 1 | KYK VANAF WO. 2 DES. Die plaaslike sanger Lebo M keer terug huis toe in dié reeks van 10 episodes wat die ster volg in sy pogings om sy familie te herenig, en om nuwe musiek saam met Zahara, Ladysmith Black Mambazo en sy dogter Refi te skep. Lebo kyk ook na sy verlede, insluitende sy toevallige verhuising na Lesotho, haweloosheid in die VSA, sy opgang na roem en sy suksesjare. INDUSTRY SHOWMAX | 2020 | DRAMA | SEISOEN 1 | KYK VANAF WO. 2 DES. Top-gegradueerdes ding mee om poste by die Londense beleggingsbank Pierpont. Dis ’n hoëdruk-omgewing waar geldmarkte lewens ruïneer en ekonomieë ’n spel met wenners en verloorders is. Ego’s en dwelms is…

Die skerpskertser Kevin Hart is oral. In flieks (Franklin in die nuwe weergawe van die Jumanji-flieks, 2017-nou), TV-programme (hy is die aanbieder van die komediereeks Laugh Out Loud, 2019-nou), TV-advertensies, skerpskertsklubs – as dit jou gaan laat lag, is Kevin gereed daarvoor. En nou pak die 41-jarige Kevin speletjiesprogramme aan met sy reeks Total Knock Out (TKO, 2018-nou), as aanbieder van die hindernis-realiteitsprogram wat deelnemers dwing om te koes soos ’n bokser, te hardloop en oor spoedbulte te spring soos ’n Olimpiese hekkiesatleet, en te balanseer soos ’n ballerina. Indien hulle nie daaraan kan voldoen nie, is die spel verby! AANBIEDER IS TOPS Al is hy net 1,6 m lank is Kevin ’n man met ’n missie wanneer dit by sy realiteitsprogram kom. “Ek kan jou heeltemal uitslaan, maar ek…

Survivor: Heroes vs Healers vs Hustlers Seisoen 35 Maandae SABC3 (*193) 19:30 (begin 14 Desember) Survivor: Winners At War Seisoen 40 Sondae M-Net (*101) 18:00 Die aanbieder Jeff Probst is die belangrikste man in die realiteits-TV-reeks Survivor (2000-nou). Hy is beroemder as die deelnemers, en met goeie rede: Sy reaksies en interaksies met die sterre onthul meer van hulle as hul optrede in die kamp en tydens uitdagings. “Ek dink dis belangrik dat ons kykers laat sien waarvan ons deelnemers gemaak is. Dis deels waarom seisoen 35 een van my top-5-reekse is,” verduidelik die 59-jarige Jeff, wat ook een van die uitvoerende vervaardigers is. “Ons het die groep van 18 volgens hul persoonlikhede in stamme verdeel. Hulle het soveel lewenservaring en is meesters in hul metodes. Dié seisoen gaan almal…

BOLD Thomas het ’n nuwe huismaat – ’n winkelpop wat baie soos Hope lyk, Liam is verras deur Steffy en Hope se reaksie op die nuus oor die winkelpop, en Paris plaas Zoe in ’n ongemaklike posisie oor die mans in haar lewe. Hope ontmoet die Hope-pop, Liam en Thomas voer oorlog, en dr. Finn is besorg oor Douglas. Thomas begin sy greep op die werklikheid verloor wanneer hy saam met sy pop eet en glo sy praat met hom, Zoe stry teen haar gevoelens vir Zende, en Eric is woedend vir Quinn. DAYS Abby vertel almal van Jack se geheim, Jennifer is geskok wanneer sy iets kommerwekkends oor Jack hoor, en Jennifer klap Jack ná ’n konfrontasie. Chad wil sy vermiste vrou opspoor, en ’n vrolike Gwen verlekker haar…

Ek is so opgewonde om te hoor Elise is terug in Binnelanders. Ek het haar maltrap-houding gemis. Welkom terug! – EMS, FACEBOOK Dit is so lekker om Elise weer in Binnelanders te sien. – ALMA, FACEBOOK Ek hoop Chris in 7de Laan word ’n les geleer. Hy is ’n slegte invloed op die arme Rickus. – ANNE, SMS Bring asseblief al die ou karakters van 7de Laan terug. Hulle sal ’n hele nuwe dimensie aan die sepie gee. – ANONIEM, SMS Ek vetrou glad nie die nuwe karakter Byron in 7de Laan nie. – LIDA, FACEBOOK Ek was nog altyd ’n groot aanhanger van die akteur Frank Rautenbach [Willem in Getroud Met Rugby], en dit was lekker om te hoor hy het ’n rol losgelaan in die nuwe, plaaslike M-Net-dramareeks…