Innholdsfortegnelse for 10/8/2020 i TV Plus Afrikaans

Indien jy onlangs na die WWE-skerms gekyk het (Raw en SmackDown word Vrydae en Saterdae op Mzansi Magic, *161, uitgesaai, terwyl NXT, kyk-enbetaal en nog meer op SuperSport Wrestling, *236, uitgesaai word) en die stelle almal dieselfde lyk, is dit nie oëverblindery nie. Die sportvermaakmaatskappy het miljoene dollars in sy produksies belê, dié keer om sy WWE ThunderDome te bou. Dis ’n veeldoelige stadion binne ’n stadion slegs vir stoei, wat in die Amway Center in Orlando, Florida, gebou is. Talle WWE SuperStars woon in Orlando, waar die WWE Performance Center ook is. Dit maak dus sin. Die ThunderDome gee stoei-aanhangers die voorste sitplekke sonder om fisiek in die stadion te wees, maar bied stoeiers steeds die gebrul van die skare. Die SuperStar-stoeier Triple H (regte naam Paul Levesque), wat…

9-1-1 Seisoen 1 Woensdae e.tv (*194) 20:30 (begin 14 Oktober) Polisiesers. Athena Grant (Angela Bassett, wat verskeie rolle sedert seisoen 3 van die gru-antologiereeks American Horror Story, 2011-nou, vertolk het) moet daagliks ’n delikate balans handhaaf as deel van haar werk as ’n noodbeampte in die aksiereeks 9-1-1 (2018-nou). ’n Noodoproep word ontvang. Die 9-1-1-operateur stel die noodpersoneel – ’n brandbestrydingspan van Los Angeles met paramediese opleiding, saam met die LAPD-beamptes – in kennis en hulle haas dan na die noodtoneel. “Wanneer sy soggens die huis verlaat, is Athena nooit seker of sy daardie aand sal terugkeer of haar lewe aan diens sal verloor en in ’n lyksak êrens in ’n lykshuis beland nie,” sê Angela van Athena se dilemma. KLIM DIE LEER Athena is al lank in die tuig…

Ekstra Medium Seisoen 1 Dinsdae kykNET (*144) 20:00 Die aktrise Cintaine Schutte het met haar knap vertolking van die prokureur Katrien in drie seisoene van die regsdrama Fynskrif (2018-2020, lees meer op bl. 13) diep in mense se harte gekruip. Maar sy moes onlangs Katrien se snyerspakkies uittrek om in die skoene van haar karakter, Sophia, in Ekstra Medium te klim. “Gelukkig was Beer Adriaanse, wat die rol van Corné in Fynskrif vertolk het (en dus baie saam met haar gespeel het), die regisseur van Ekstra Medium en ek het hom gevra om seker te maak Katrien glip nie dalk deur in my spel nie,” vertel Cintaine oor hoe sy aan Sophia geslyp het. BESKERMER EN ’N KRUISPAD Cintaine bring graag iets van haar eie persoonlikheid na elke karakter. “Dit…

Daar is nooit ’n tekort aan drama, intrige en selfs vermaak in die gange van die Binneland-kliniek nie. Oor die afgelope 15 jaar het die sepie Binnelanders (2005-nou) ’n rits opwindende storielyne aan kykers verskaf waar die dokters, verpleegsters, en mediese personeel van die fiktiewe hospitaal in Pretoria deur groot geluk en onheil gegaan het. Van spogtroues, merkwaardige karakters en aangrypende stories wat afspeel in die Kongo of Venesië – daar is soveel wat ons nuuskierigheid geprikkel het. Vanjaar is tot dusver ’n onstuimige jaar met ’n pandemie wat almal onkant gevang het, maar Binnelanders was en is nog elke weekdag om 19:30 op ons kassies te sien, wat ons van ons probleme laat vergeet. En nou in Oktober vier die sepie sy 15de verjaardag, pas nadat dit einde September…

Fnige ouma het ’n sagte plekkie vir haar kleinkinders, maar Kate (Annelisa Weiland) se liefde vir haar kleinseun Francois (Phillip Schnethler, ’n nuweling), is ietsie ekstra omdat hy haar gunsteling is. Wanneer sy dus hoor hy kom vir haar in die Kaap kuier, borrel sy van opgewondenheid. “Sy is in die wolke,” sê Annelisa. “En al weet Kate ’n ouma moenie ’n favourite hê as dit by haar kleinkinders kom nie, trek sy hom in elk geval voor.” En omdat Kate met ’n liefdesbril rondloop wanneer dit by Francois kom, sien sy hom nie raak vir wie hy werklik is nie: ’n Jong man wat haar bedrieg, besteel en manipuleer. OP ’N ONTDEKKINGSREIS “Francois is 19 jaar oud en ná sy matriekjaar is hy op ’n ontdekkingsreis en kom kuier…

Die Stryder-hartebreker Wynand (Hanno Hattingh) laat nie gras onder sy voete groei nie. Die sexy rugbyspeler en sy blondie Renate (Christel van den Bergh) het ’n paar weke gelede hul verhouding verbreek en nou soek hy reeds na nuwe, groener weivelde. Hoewel hy eers sy lot saans by Nesie (Melissa Massyn) oor ’n paar biere in die kuierplek Potties bekla, staan sy hartsgebrokenheid haar hoegenaamd nie aan nie en die uitgesproke Nesie raai hom aan om êrens anders vlerk te sleep. En gelukkig vir Wynand is daar sommer ’n paar gewillige bokkies wat in sy jagveld op hom wag: die sensuele pompons. MANLIKE EGO GEKNAK “Eintlik is Wynand se hart gebroke oor Renate, want dit was die eerste vrou teenoor wie hy oopgemaak het en wat hy liefgekry het,” vertel…

CONDOR SHOWMAX | 2018-NOU | AKSIE | SEISOEN 1-2 | KETTINGKYK VANAF DO. 1 OKT. Max Irons (Howard Carter in Tutankhamun, 2016) speel die CIA-ontleder Joe Turner, gegrond op James Grady se 1974-roman Six Days Of The Condor. In seisoen 2 se begin haal ’n Russiese agent Joe uit ballingskap. SONG EXPLODER NETFLIX | 2020 | DOKKIE | SEISOEN 1 | KETTINGKYK VANAF VR. 2 OKT. Dié reeks, wat gegrond is op die aanbieder Hrishikesh Hirway se podsending, vertel hoe musikante hul treffers tegnies, laag vir laag, afbreek en onthul die persoonlike inspirasie agter die lirieke. DAVID ATTENBOROUGH: A LIFE ON OUR PLANET NETFLIX | 2020 | DOKKIE | SPESIALE PROGRAM | KETTINGKYK VANAF SO. 4 OKT. Vier Wêrelddieredag deur te kyk na die aanbieder van natuurprogramme David Attenborough se…

Wanneer dit kom by ’n rowwe lewe, laat die SA verkenner, avonturier en gawe Riaan Manser dit lyk asof ander avonturiers in luuksheid kamp. Pleks van met ’n fiets om die blok te ry, het hy in 2006 die eerste mens geword wat om Afrika fiets gery het – 37 000 km! Tydens sy reis is hy in Ekwatoriaal-Guinee gearresteer en in Liberië deur dwelmslawe gyselaar geneem. Hy het Kilimandjaro (die hoogste piek in Afrika) uitgeklim en na die Assalmeer (die laagliggendste deel van Afrika) gereis. Hy is dol oor avonture en nou kan jy in die gemak van jou sitkamer saamreis, danksy Showmax. Riaan gebruik sy reise om gemeenskappe op te voed en om verandering in die wêreld teweeg te bring. Al is dit een mens op ’n slag.…

Tussen Ons Seisoen 3 Ma.-Do. kykNET & kie (*145) 17:30 “Die tyd was ryp,” sê Paul Venter, die vervaardiger van Tussen Ons (2018-nou) oor die opwindende nuwe veranderinge aan die geselsprogram. Vanaf Maandag 5 Oktober kan kykers Tussen Ons nie net een keer per week kyk nie, maar sommer vier dae per week! Tussen Ons gaan van Maandae tot Donderdae om 17:30 op kykNET & kie uitsaai, pleks van slegs Donderdae om 20:00. “Omdat die telenovelle Arendsvlei (2018-nou) ook nou vier dae per week uitsaai (lees meer op bl. 28) is dit nou moontlik vir Tussen Ons om sy laatmiddag-buiging te maak,” voeg Paul by. En daar is baie om na uit te sien! ’N GELEENTHEID VIR VERANDERING “Tussen Ons is ’n besonderse reeks, want dit skep die geleentheid om…

Kompleks Seisoen 1 Dinsdae kykNET (*144) 20:30 Toe die aktrise Greta Pietersen in Februarie die sepie Suidooster (2015-nou, lees meer op ble. 26-27) gegroet het nadat sy vir vyf jaar die rol van die assistent-apteker Michelle Gerber vertolk het, het sy groot planne gehad om die res van die jaar haar vlerke te sprei en eers Portugal toe te reis en daarna die Camino-staproete in Spanje aan te pak. Maar toe tref die Covid-19-pandemie die wêreld en al haar onmiddellike planne het in die hek geduik. Sy kon haar brood en botter gelukkig wel met die vertaling van Turkse telenovellas verdien, en toe kom daar nóg ’n meevallertjie na haar kant toe: die rol van dr. Belinda in die nuwe dramareeks Kompleks. GOEIE REDE “Toe die pandemie uitbreek en die…

Die argitek Tim du Plooy (Marco Spaumer) is ’n man met groot ambisie, daarom skroom hy nie om ’n geleentheid aan te gryp as dit geld in sy sak gaan bring nie. En die geleentheid wat tans sy aandag trek, is die skatryk sakevrou Wilmien Badenhorst (Isadora Verwey, Brumilda in 2020 in Die Byl, 2016-nou) en die grond wat sy besit. Tim wil dit met alle mag laat ontwikkel, maar so maklik gaan hy dit nie regkry nie – nie met Wilmien wat ’n obsessie met hom ontwikkel nie! TIM GEBRUIK SY SJARME “Tim se hande jeuk vir ’n groot ontwikkeling,” sê Marco. Dus het Tim agter sy baas, Bridgette (Denise Newman), se rug gekonkel en Wilmien gekontak, al weet hy Bridgette en Wilmien het al in die verlede swaarde…

Die nuwe realiteitsprogram The Single Wives SA volg ses vroue wat voorheen getroud was en nou op soek is na ’n tweede kans op die liefde. Maar hulle pak nie die reis alleen aan nie, want die aanbieders en die verhoudingafrigter Mapaseka Mokwele en transformasie-afrigter Justin Cohen bied hulle kundige afspraakwenke. Dié dinamiese twee tree op as die enkellopende vroue se towerpeetouers en stuur hulle nader aan hul pasmaat. Maar daar is geen towerspreuk nie – hulle moet hard werk om hulself te red. “Terwyl die meeste afspraakprogramme daarop gefokus is om die ou te kry, help ons die vroue om beter weergawes van hulself te word. The Single Wives SA gaan oor transformasie,” verduidelik Justin. “Om die waarheid te sê om die man te kry is net een voordeel…

Het jy tydens die inperking soos ’n prokureur begin debatteer oor die meriete van die verbod op alkohol- en tabakverkope, die klokreël en dat jy nie by jou familie mag gaan kuier nie? Moenie vrees nie – daar is hope regsprogramme op Showmax om jou vir die dag in die hof voor te berei. FYNSKRIF (2018-2020) Dié drama draai om die prokureurs by Van Wyk & Vennote, wat nie net sukkel om hul onderskeie sake te wen nie, maar ook hul persoonlike lewe moet hanteer. Daar is ’n sweempie dramedie ingewerk by die slim draaiboek, net soos by The Good Wife (lees meer onder), en die sake het dikwels ’n maatskaplike gewete, kykers kan dus danksy hul persoonlike ervarings emosies voel. Moenie drama in die hof verwag nie – Fynskrif…

Minki Seisoen 6 Woensdae VIA (*147) 19:30 (begin 7 Oktober) Die TV-persoonlikheid, sjef en kosredakteur Herman Lensing (34) is nie iemand wie se kosfokus is om die perfekte gereg vol tierlantyntjies te maak en voor te sit nie. “Ag nee wat, ek is maar net Herman van Upington in die Noord-Kaap wat hou van gewone mense en gewone kos,” sê hy laggend. Dus is ’n bord met ’n smaaklike gereg wat selfs Jan Alleman kan maak, vir hom perfek. En dis ook sy benadering op die geselsprogram Minki (2018-nou) waar hy die sjef is. “Ek berei eenvoudige resepte voor wat Minki van der Westhuizen (die aanbieder), die gaste en die kykers kan maak,” sê Herman. En in seisoen 6 is daar weer heerlike geregte op die spyskaart en natuurlik ’n…

Die Vlieënde Springbokkie Seisoen 2 Woensdae SABC2 (*192) 19:30 (begin 7 Oktober) Dis weer tyd vir intrige in die ruimte, en dié keer soek die bemanning van die ruimteskip Die Vlieënde Springbokkie na C-Aarde, waar hulle ’n nuwe woonplek vir die menslike ras wil vestig. Seisoen 1 van die wetenskapfiksiereeks, het katastrofies geëindig toe die bemanning besef het hulle is op pad na die son, pleks van na B-Aarde soos die plan was. Seisoen 2 begin 707 dae later – in die jaar 2070 – en die tuig, wat vir byna twee jaar rondgedryf het op soek na ’n nuwe koers, is nou op ’n missie om C-Aarde so vinnig moontlik te vind. Maar dit gaan natuurlik nie so maklik wees nie! MIKROKOSMOS Seisoen 1 van die reeks was uiters…

Die Binneland-kliniek het groot probleme! Misdadige kuberkrakers het beheer oor die hospitaal se rekenaarstelsels verkry en maak groot amok tot die bestuur, personeel en pasiënte se nadeel. En dit gaan nie so maklik wees om van die parasiete ontslae te raak nie – nie met ’n meesterbrein wat hulle soos marionette gebruik nie. Wie die meesterbrein is, mag ons nie verklap nie, maar een ding is seker: Dié mens wil Binneland beheer. En as dit beteken om een van die BBP-pasiënte in die hospitaal se lewe in gevaar te stel om dit te kry, gaan die persoon nie huiwer nie. BEWYS JOUSELF Conrad (Hykie Berg), At (Hans Strydom), die grootbaas van Binneland se seun, het sy hande vol as hospitaalhoof terwyl At in die buiteland vir die Wêreldgesondheidsorganisasie werk. “Conrad…

D it kom voor of die wrede Wendy (Rehane Abrahams) se dae getel is . . . Die spore wat sy toegevee het en haar versteekte geraamtes dreig om onthul te word – veral as dit van Janice (Crystal-Donna Roberts) afhang. Sy het haar mes in vir Wendy, want Janice is oortuig Wendy is verantwoordelik vir haar broer, Steve (Elton Landrew), se moord einde September – en Janice gaan nie rus voor sy dit bewys nie! WAT LAAS GEBEUR HET Steve se laaste maande was troebel. Hy het in Augustus uitgevind hy is die biologiese pa van Wendy se dogter, Debra (Kay Smith). Ou gevoelens het tussen hom en Wendy opgevlam en kort voor lank was hulle verloof. Kort daarna was Steve, Wendy en die skollie Woelag (Ceagan Arendse) by…