Innholdsfortegnelse for 9/24/2020 i TV Plus Afrikaans

Suid-Afrikaners is dol oor gevegskuns. Ons sluip rond en spring soos ninjas rond in ons slaapklere en volg dit op met kinderpartytjies met temas soos die geanimeerde fliekfranchise Kung Fu Panda (2008-2016), en slaan ons sibbe en vriende pap met ons beste koeng foe-bewegings uit ’n Bruce Lee-fliek (soos in die ikoniese The Way Of The Dragon, 1972). Wie kan die opwinding van die kreatiewe spoed en akrobatiese toertjies van die Oosterse gevegskuns weerstaan, of die storielyne oor eer en familie? DStv is stel op Donderdag 1 Oktober 2020 ’n kanaal met hoë energie en hoë intensiteit bekend. KIX (*114) gaan kykers met die Premium-, Compact Plus-en Compact-pakket opwindende gevegskunsaksie uit die Ooste tot in die Weste in Hollywood bied. Almal word in Engels aangebied (oorgeklank of met onderskrifte onder…

Mrs America Seisoen 1 Maandae M-Net (*101) 21:30 (begin 28 September) Die 1970’s het nie net gegaan oor betogings teen die Viëtnamoorlog of om na die disko te gaan in gewaagde klere en met welige haarstyle nie. Die era is ook gekenmerk deur ’n nuwe golf van feminisme in Amerika, waarin vroue van alle vlakke in die samelewing saamgespan het om stelsels omver te werp wat hul stem probeer onderdruk het. Dit is die uitgangspunt van die reeks Mrs America (2020). Die drama van nege episodes is op ware gebeure gegrond, en speel in die 1970’s af. Dit is toegespits op die radikaal regse skrywer en kerndeskundige Phyllis Schlafly (Cate Blanchett, Lou in die aksiekomediefliek Ocean’s 8, 2018) se stryd teen die vrouebeweging en die Equal Rights Amendment (ERA), ’n…

“Ek het ’n goeie gevoel hieroor,” sê Bertie (Wilhelm van der Walt, Ty, 2016-2017 in 7de Laan, 2000-nou) in die nuwe ligte dramareeks Ekstra Medium oor sy idee om sy eie skemerkelkiekroeg oop te maak net ná sy lewe in duie gestort het. “Sy vrou het hom uit die huis geskop en om ’n egskeiding gevra, en nou plak hy op sy suster, Sophia (Cintaine Schutte, Katrien in Fynskrif, 2018-2020) se bank en probeer weer sin van die lewe maak,” verduidelik Wilhelm van sy karakter en die storie. Die kroeg en sy potensiaal is die enigste ligpunt in die donker wat hom wil verswelg, maar of dit hom gaan vervul, is ’n ander vraag . . . Soms kan die klein jakkalsies van die verlede jou aan die hakskene kom…

“Vir my was daar geen twyfel dat ons suksesvol sou wees nie, want die mense wat die reeks saamstel, is talentvol en werk asof dit hul laaste projek is,” sê Theltom Masimila, skepper van die telenovelle Arendsvlei (2018-nou). En hy mag trots wees, want Maandag 28 September begin die derde seisoen van Arendsvlei en dit saai nou vier dae per week vanaf Maandag tot Donderdag uit. Seisoen 2 het kykers op die punt van hul stoel gehad met die dubbele moord (kyk op Dinsdag 22 September wie oorlede is) waarmee die seisoen geëindig het en die Arendsvleigemeenskap tot in sy diepste wese geruk is. “Seisoen 3 begin met die nasleep van die tragedie,” sê Theltom, en dit gaan vele karakters se lewe onherroeplik verander. NÓG INTRIGES Seisoen 3 fokus ook…

Daar is net geen tekort aan drama in die Willemse-huis nie. Die pasgetroude Liam (David Johnson) en Candice (Claudia Jones) probeer om die een struikelblok ná die ander, soos haar werksdruk as vervaardiger van haar webreeks, uit te stryk, maar telkens duik daar nóg ’n probleem op. Wanneer Candice se ma, Priscilla (Shemane Harris), uit die bloute sak en pak by hul voordeur opdaag, weet albei: Hier kom nóg groter moeilikheid, want Priscilla is beslis nie net hier vir ’n vriendelike, kort kuiertjie nie. TOKSIESE VERHOUDING Claudia sê Priscilla se skielike besoek laat Candice dadelik terugflitse uit haar verlede kry van hul onstabiele ma-dogter-verhouding. “Priscilla het Candice altyd aangedryf om Candice se drome te bewaarheid. Sy het byvoorbeeld gesê dis goed Candice trou met Liam sodat sy sy roem en…

As daar ’n inwoner in Ruiterbosch is wat haar sout werd is, is dit Mymoena (Jill Levenberg). Sy is ’n geliefde ma, vrou en vriendin duisend, en haar man, AB (Cedwyn Joel), wat uit die bloute ’n tweede vrou wil vat, is vir haar net wreed! Maar omdat Mymoena so sterk in haar huwelik en haar liefde vir AB glo, gaan sy vir hom baklei. Al beteken dit sy moet toegee aan ’n veelwywerhuwelik. HET JY BEGRIP? Die hele gedoente is vir Mymoena ’n bitter pil om te sluk en dinge raak vir haar erger wanneer AB haar paai om die situasie met Farah (Lee-Ann van Rooi) te aanvaar. “Hy vra haar om dieselfde begrip te hê as toe hy (in 2016) uitgevind het van Mymoena se buiteegtelike dogter, Bianca…

LAZOR WULF SHOWMAX | 2019-NOU | ANIMASIE | SEISOEN 1 | KETTINGKYK VANAF VR. 18 SEP. Strongburg is ’n dorpie waar die melkskommelrestaurant oorheers en aanvaarding in die gemeenskap afgedwing word deur een wolf met ’n laser op die rug en ’n ander wolf met ’n kanon op sy rug. SPACE CHICKENS IN SPACE SHOWMAX | 2019-NOU | ANIMASIE | SEISOEN 1 | KETTINGKYK VANAF DO. 24 SEP. Drie kuikens word uit hul rustige huise gesteel en by ’n elite- militêre akademie in die intersterrestelsel ingeskryf, waar hulle in dié kinderreeks oor gevare soos tuiswerk, ruimtewesediplomasie en ruimtereise leer. GHOST HUNTERS VIU | 2014-NOU | REALITEIT | SEISOEN 1 | KETTINGKYK VANAF DO. 1 OKT. Die loodgieters Jason Hawes en Grant Wilson is ook die medestigters van The Atlantic Paranormal…

Musiek laat die wêreld draai, maar wat gebeur wanneer jy tuis vasgekeer is weens die Covid-19-inperking? Met programme kan ’n mens wel kyk wat oor die wêreld gebeur, maar local bly lekker! Hoekom dus nie luister na plaaslike musieknote nie? Showmax het hope Afrikaanse musikante wat treffers lewer en vermaak met ’n kykie na hul lewe. Kyk dié programme: KAREN ZOID Die rock-koningin van Suid-Afrika verdriedubbel haar musiekvermaak op Showmax met haar verskeidenheidsgeselsprogram Die Republiek Van Zoid Afrika (2014-nou), haar konsert Toe Vind Ek Jou (2016), wat regstreeks saam met Fokofpolisiekar se voorsanger Francois Van Coke opgeneem is, en die dokkie Op Die Oomblik (2017). Wat jy moet weet: • Al ses seisoene van die kykNET-reeks Die Republiek Van Zoid Afrika is op Showmax beskikbaar. En dis nie net Karen…

Party Of Five Seisoen 1 Vrydae M-Net (*101) 21:00 (begin 2 Oktober) Onthou jy nog die Salinger-kinders in die dramareeks Party Of Five (1994-2000) wat gedwing is om oornag volwasse te word en die gesin se restaurant moes oorneem nadat hul ouers in ’n motorongeluk dood is? Dis weer die uitgangspunt in ’n gelyknamige nuwe weergawe van ’n enkelseisoen, maar met ’n 2020-kinkel, sê Brandon Larracuente (Jeff in die drama 13 Reasons Why, 2017-nou). Hy speel die oudste kind, Emilio, en “pleks dat die ouers sterf, het die skrywers iets gebruik wat immigrante meer vrees as die dood: die United States Immigration And Customs Enforcement (ICE).” Aan die begin van Party Of Five 2020, kyk die voornemende musikant Emilio en sy broers en susters toe wanneer hul ouers, restauranteienaars, geboei…

Daar is twee dinge wat die vriendelike sjef en kosstileerder Caro Alberts geniet: Om te reis en om kos te maak. “Voor Covid-19 die wêreld tot stilstand geruk het, was ek gereeld op ’n vliegtuig op reis iewers heen. Ek is dol daaroor om nuwe plekke te sien en hul kos en kultuur te leer ken,” vertel die 31-jarige Caro. Dié reise was haar inspirasie agter die nuwe seisoen van KosKaskenades (2017-nou). “Ek het die reeks met 13 episodes in Desember begin beplan net nadat ek van die Ooste teruggekom het, en besluit om eksotiese geure uit onder meer Japan en Korea te gebruik.” In die nuwe seisoen reis sy die land plat, besoek gesinne en help hulle liplekker geregte vir spesiale geleenthede berei. “Dit kan wees vir ’n huweliksherdenking,…

Dr. Maya (Kara du Toit) het haar posisie by die Binneland-kliniek se ongevalle-eenheid op meriete gekry – en nie omdat haar pa, Faf Gosslin (André Stolz, Lange in die rolprent Fiela Se Kind, 2019) ’n ryk sakeman is en saam met Binneland se grootbaas, At Koster (Hans Strydom), gholf speel nie. “Haar prestasies is haar eie, soos sy daarvan hou,” sê Kara. Maar pa Faf en sy geldgierigheid en magsbeheptheid kan dit alles vernietig wanneer hy in Pretoria opdaag met ’n beleggingsgeleentheid vir Binneland wat hulle bloot nie kan ignoreer nie. BINNELAND VS. SOUTHERN HOPE “Faf Gosslin is ’n geharde sakeman: Alles gaan oor besigheid en hoe om die vinnigste en die maklikste geld te maak,” sê André oor sy karakter. Hy maak Binneland ’n aanbod om geld in ’n…

Die paramedikus Tjattas (Rikus Strauss) is iemand wat altyd vol hoop is en die lewe vierkantig in die oë kyk. “Hy word elke oggend wakker met ’n lied in sy hart en ’n groot glimlag,” sê Rikus. Nie eens die feit dat hy in ’n plakkerskamp woon, demp sy lewensvreugde nie. “Hy het ’n groot hart en maak altyd plek en tyd vir almal.” En sy liefde ken geen einde nie. MY MENSE Tjattas het ’n groot liefde vir sy ma, Hettie (Karin van der Laag). “Hettie is sy steunpilaar. Hy sal enigiets vir haar doen. Sy lyk soms befoeterd, maar het eintlik ’n baie klein hartjie. Ek dink Tjattas het sy liefde vir mense en omgee vir ander by haar geleer.” Kinders is Tjattas se ander groot liefde. “In…

September is ons Erfenismaand in een van die strafste jare wat Suid-Afrika nog in die gesig gestaar het. Maar een boodskap wat tydens die grendeltyd duidelik geword het, is saam is ons sterker. En in Oktober gaan die nuwe dokumentêre reeks Chasing The Sun daardie boodskap versterk wanneer dit verken wat is in ons as Suid-Afrikaners wat ons nie net die ergste laat oorleef nie, maar ook ons bes laat doen. Dit begin op Sondag 4 Oktober op M-Net (*101) om 18:00 met Siya Kolisi, die eerste swart kaptein van die Springbokrugbyspan, wat die William Webb Ellis-beker by die 2019-Wêreldrugbybeker in Japan omhoog hou. NEDERLAAG TOT GLORIE DStv Premium-kykers kan daardie Sondagdepressie in Oktober verdryf danksy dié opkikkerende samewerking tussen M-Net en SuperSport. Chasing The Sun vertel die verhaal van…

Gewoonlik word die strand geassosieer met sandkastele, roomys, die son en pret. Maar dit is nie altyd die geval nie en sommige Britse oorde het die jagterrein van berugte reeksmoordenaars geword. Vind meer daaroor uit in Coastal Killers (2018-nou) op CBS Justice (*170) waar misdade op die skilderagtigste plekke plaasvind. In dié reeks word kykers op ’n reis terug in tyd geneem na ’n paar van die berugste moorde langs die kus: Dit gaan daardie vakansie-atmosfeer verdryf en kykers laat ril. Wat Coastal Killers interessant maak, is dit probeer verduidelik presies waarom misdade plaasgevind het en kyk ook na die impak op die slagoffers en hul families wat nooit hul vakansies sal vergeet nie. Hier volg ’n paar van die sake wat in dié seisoen ondersoek word en wat jou…

Kompleks Seisoen 1 Dinsdae kykNET (*144) 20:30 Wat gebeur wanneer twee tieners mekaar ontmoet en verlief raak? En watter invloed het hierdie gebeure en besluite later op hul lewe? Louis Pretorius, skrywer en medevervaardiger van die nuwe dramareeks Kompleks sê hierdie tema het hom nog altyd gefassineer. “Ek hou daarvan om verskillende genres te ontgin en wou my hand vir ’n verandering aan ’n coming of age- storie waag. Ek is dol oor jeugrolprente, soos The Fault In Our Stars (2014), en tienerreekse, soos Dawson’s Creek (1998-2003),” sê Louis wat saam met sy vennoot, Albert Snyman, al verskeie reekse, soos Die Boland Moorde (2013-2017), Fynskrif (2018-2020) en Die Boekklub (2016-nou), vervaardig het. Louis beklemtoon Kompleks is egter nie net op jong kykers gemik nie. “Enigeen wat al sy of haar…

DEUR ELRI BOUCHER. FOTO’S: KYKNET. Dit lyk kompleet asof net slegte geluk Tracy (Melinda Brink) beskore is, want dinge loop die heeltyd skeef vir dr. Hugo Vos se sekretaresse by die Binneland-kliniek. “Sy probeer so hard om haar verlede as tienerma en ontkleedanser agter te laat, maar die verlede kom konstant terug om by haar te spook,” sê Melinda. En dié keer is dit haar eks en die pa van haar dogter, Kayla (nie op die skerm nie), wat groot moeilikheid vir Tracy kom maak – en dis net die oortjies van die seekoei. VREES VIR DIE ONBEKENDE Tracy vertel haar vriendin, verpleegster Felicity (Marilise van Wyk, ’n nuweling), van haar eks wat haar uit die bloute gekontak het en haar intimideer. “Die laaste wat sy van hom gesien het,…

Daar kan nie iets goeds van gesteelde geld kom nie en Ty (Maurice Paige), sy broer, Wade (Dean John Smith), en hul huismaat, Justin (Eden Classens), kom dit agter wanneer die geld reg onder hul neuse gesteel word! En kort daarna is die polisie sowel as die oorspronklike bankrowers op hul spoor, en albei partye gaan die lewe vir die manne hel maak – veral vir arme Justin . . . WAT LAAS GEBEUR HET Einde Augustus het Ty, ’n motorwerktuigkundige, ’n kar by die skrootwerf gekoop om reg te maak om weer van die hand te sit. “Ty, Wade en Justin het derduisende rande in die kar se stoffeerwerk gevind,” sê Maurice. Ty het daarna ondersoek ingestel en met behulp van Chris (Marcel van Heerden), ’n eks-speurder, is bevestig…

Daar’s ’n nuwe hospitaaltelenovelle op pad vanaf Maandag 5 Oktober op e.tv (*194) om 18:30. Dr. Mbali Mthethwa’s (die verhoogaktrise Nelisiwe Sibiya) het nog altyd daarvan gedroom om stad toe te trek en by een van die land se beste hospitale te werk. Dié protagonis is ambisieus en maak nie verskoning daarvoor nie, maar is tog gebalanseerd. Sy laat haar familie en verloofde, Sibusiso Dlamini (Ntando Mncube, Bhekile in die periodedrama Ifalakhe, 2019-nou), agter op hul dorpie om haar laaste jaar van gemeenskapsdiens by Durban Gen te voltooi – waar sy en die kykers weggevoer word na ’n fiktiewe wêreld van medisyne, smerige liefdesdriehoeke en dokters wat daaraan toegewy is om lewens te red. “Mbali is ’n tradisionele vrou wat vasberade is om ’n naam vir haarself in die wêreld…