Innholdsfortegnelse for 9/10/2020 i TV Plus Afrikaans

Indien jy dink om ’n nuwe program van niks af te skep is moeilik, het jy nog niks gesien nie! Om ’n suksesvolle nuwe weergawe te maak van ’n franchise wat dekades gelede goed gevaar het, is dikwels ingewikkelder vanweë die nostalgie en superaanhangers wat nie by hul “kosbaarheid” wil laat inmeng nie. Soms is die nuwe weergawe net so goed. Hier is van die beste oorgemaakte reekse wat jy op Showmax kan stroom. PERRY MASON (2020-NOU) In die reeks, wat gegrond is op die oorspronklike reeks van die middel 1950’s, deurkruis Perry Mason, (Matthew Rhys, Philip Jennings in The Americans, 2013-2018), voormalige soldaat en nou ’n privaat ondersoeker, Los Angeles in die tyd van die Depressie om ’n saak op te los wat sy geluk kan verander. Maar terwyl…

Fundis Seisoen 2 Donderdae SABC2 (*192) 19:00 “Ek is net Sorina. Nie Sorina Erasmus, my nooiensvan, nie en ook nie Sorina Riekert, my getroude van, nie. Noem my net Sorina,” skerts die oulike blondekop wat deesdae terug is op gratis-TV as medeaanbieder van die speletjiesprogram Fundis (2017-nou), aan die sy van die komediant Schalk Bezuidenhout (Die Ware Naarheid, 2018-nou). “Die eerste seisoen was in Engels en toe die produksiemaatskappy my nader om deel te wees van ’n Afrikaanse weergawe van die reeks, het ek dadelik ‘ja’ gesê. Afrikaans is my taal.” Dit is ook die eerste keer dat sy weer op die kassie is sedert sy in 2017 aanbieder was van die kykNET-realiteitreeks Ons Sprokiesbruilof (2017). In Fundis word twee deelnemers se kennis per episode getoets oor voorbladnuus, vermaak, sport,…

I Am The Night Seisoen 1 DInsdae M-Net (*101) 22:30 (begin 22 September) Die moord op Elizabeth Short in Hollywood in 1947 het skokgolwe deur die stad gestuur. Dit was nie net oor die gewelddadigheid nie (haar liggaam is in twee gesny), maar ook dat die mensejag 150 verdagtes opgelewer het en nie ’n enkele arrestasie gemaak is in die saak bekend as die Black Dahlia-moord nie. Maar agter die storie het ’n ander tragedie afgespeel van ’n onskuldige tiener wat op soek was na haar biologiese familie. En haar oupa, dr. George Hodel, ’n bekende Hollywood-ginekoloog, was een van die verdagtes in die Black Dahlia-saak. Die 2019-minireeks van ses dele I Am The Night is gegrond op die 2008-outo-biografie One Day She’ll Darken: The Mysterious Beginnings Of Fauna Hodel…

Daardie plusteken op die swangerskaptoets het die mag om vir jou groot vreugde of groot onsekerheid te veroorsaak. En dis nie goeie nuus vir verpleegster Chanel Samuels (Lindsey Abrahams) wanneer sy uitvind sy is swanger nie . . . Sy en haar paramedikuskêrel, Danny (Bradley Olivier), se lewe is besig om handomkeer te verander. Nie net moet hulle nou ’n moeilike besluit oor hul toekoms neem nie, maar boonop daag Chanel se pa, Brandon (Zane Meas), in Pretoria op en krap dinge nóg verder om. SKEP MOED “Chanel kan nie glo sy is swanger nie,” sê Lindsey. Sy het vir ’n ruk naar gevoel en toe einde Augustus ’n swangerskaptoets gedoen. Die resultaat was positief, en bloedtoetse het dit bevestig. “Chanel is dadelik oorweldig en gespanne oor hoe haar familie,…

Renate (Christel van den Bergh) en die Stryderspeler Wynand (Hanno Hattingh) se verhouding hang aan ’n draadjie. “Renate het tot dusver alles ingesit om die verhouding te laat werk. Sy probeer hard om Wynand sover te kry om teenoor haar oop te maak, veral wat sy persoonlike probleme met sy familie betref,” sê Christel. Maar Renate begin nou moed verloor. Wynand is lekker hardekwas, sê Han-no. “Vandat sy ouers geskei is, wys hy nie maklik sy emosies nie. Hy is ook immers ’n boerseun en rugbyspeler wat nie veronderstel is om sy sagte kant te wys nie. Maar dit is alles net ’n beskermingsmeganisme.” En dit lyk of albei binnekort die handdoek gaan ingooi. NIE GOEIE KANDIDAAT NIE Wynand is baie groen wanneer dit by hartsake kom, voeg Hanno by.…

Die probleem met groot geld – ons praat van miljarde – is dit gaan saam met yslike verraad, implikasies, verdelings en yslike probleme wat ’n familie kan verwoes. Kykers het dit gesien in Billions (2016-nou), en in Succession (2018-nou) het die sieklike mediamagnaat Logan Roy (Brian Cox, Agamemnon in die fliek Troy, 2004) feitlik sy familie en kinders vernietig in sy soektog na ’n erfgenaam om sy sakeryk te bestuur. Dis effens anders in M-Net se nuwe telenovelle, Legacy, wat vanaf Ma. 21 Sep., Ma.-Do. om 19:00, uitgesaai word. DIE PRYS VAN ROEM “Hebsug is die superrykes se swak plek,” verduidelik Phathutshedzo Makwarela, uitvoerende vervaardiger en medeskepper van Legacy. “Daar is nie iets soos te veel rykdom in die Pricehuis nie en dit laat hulle veragtelike dinge doen.” Die familie…

CRIMINAL MINDS VIDEO PLAY | 2005-NOU | AKSIE | SEISOEN 1-14 | KETTINGKYK VANAF MA. 7 SEP. Misdaadprofileerders van die FBI se Behavioural Analysis Unit (BAU) gebruik bewyse om af te lei wie is byvoorbeeld die waarskynlikste reeksmoordenaar. Seisoen 15 is nie hier beskikbaar vir kettingkyk nie. THE BOLD & THE BEAUTIFUL VIDEO PLAY | 1987-NOU | SEPIE | SEISOEN 32 | KYK VANAF MA. 7 SEP. Dié seisoen is Sep. 2018-Sep. 2019 in die VSA uitgesaai en begin met Katie Logan (Heather Tom, Victoria Newman, 1990-2003 in Y&R, 1973-nou) wat met Thorne Forrester (Ingo Rademacher, Robert Coughlin, 2016-2017 in Hawaii Five-0, 2010-2020) trou. MY OCTOPUS TEACHER NETFLIX | 2020 | SPESIALE DOKKIE | KYK VANAF MA. 7 SEP. Suid-Afrika se eerste oorspronklike Netflix-dokkie handel oor die avonture van die…

Ontbytsake Saterdae kykNET (*144) 07:30 Toe die vervaardigers van kykNET se program Ontbytsake begin vanjaar ’n nuwe kok vir hul kosinsetsels op die program gesoek het, was Corli Botha, die 2016-wenner van seisoen 2 van Koekedoor (2015-2019) nommerpas. “Dis ’n droom wat waar geword het, want ek wou nog altyd my eie kosprogram hê en my idees en wenke met ander mense deel,” sê die sprankelende Corli wat net so tuis voor die kameras as voor die kospotte is. OPNAMES TYDENS INPERKING Corli se vuurdoop-opnames vir Ontbytsake het in Julie tydens die inperking begin en omdat daar toe nog nie ateljee-opnames gedoen is nie, het die verfilming in haar kombuis in Equestria in die ooste van Pretoria plaasgevind. Haar moderne kombuis, waar sy gereeld demonstrasies en spyseniering onder die vaandel…

Kopskuif Seisoen 1 Woensdae VIA (*147) 18:30 (begin 9 September) Dis lente en die dae van onder die kombers wegkruip, is verby. Die inperking weens die koronapandemie is nou verslap, en daar is nie meer ’n verskoning om nie jou tekkies aan te glip en ’n oefensessie aan te durf nie. En as die weer nie genoeg inspirasie is nie, kan jy inskakel op VIA se nuwe gewigsverliesreeks, Kopskuif. Ses deelnemers kry die geleentheid om ’n lewensverandering te ondergaan en die gewig af te skud wat hul selfbeeld belemmer. Die radio-en-TV-persoonlikheid Rozanne McKenzie (aanbieder van Nasie In Gesprek, 2017-nou, en omroeper op Jacaranda 94.2 FM) is die aanbieder van die reeks. Sy vertel van haar eie gewigsverlies en wat dié program van ander gewigsverliesreekse onderskei. VERSKILLENDE BENADERINGS “Kopskuif is anders…

FBI: Most Wanted Seisoen 1 Woensdae M-Net (*101) 21:00 (begin 16 September) Polisie-aksieprogramme is ’n wenner op TV. Kykers hou daarvan om te sien die goeie ouens vang die slegtes, want in die ware lewe gebeur dit nie altyd nie – veral nie in Suid-Afrika nie. Met die aksieprogram FBI (2018-nou), wat in die kol was, het die supervervaardiger Dick Wolf ruimte gesien vir die splinterreeks FBI: Most Wanted (2020) wat dieselfde trant volg – FBI-agente – maar pleks van een saak per episode (soos in die moederreeks), soek die Most Wanted-karakters misdadigers op die FBI se lys van die 10 mees gesoektes. “Ons het met FBI ’n baie suksesvolle program. Maar die karakters soek elke week na misdadigers wat baie van mekaar verskil,” sê Dick. “Ek het gedink aan…

Okkie (Ben Kruger) se gemoed is nie op ’n goeie plek nie. Die gebeure van die afgelope ruk met dr. Sergio (Emmanuel Castis), wat sy verskyning in Pretoria gemaak het en die onthullings van Okkie se tyd jare gelede as soldaat in Angola, het die man geknak. “Hy het swaar gedra aan die skuldgevoel oor die siviele konvooi wat hy opgeblaas het,” sê Ben. En dit was ’n skok toe onthul word sy soldaatmakker De Klerk (Anton Dekker) was die een wat vir Okkie die verkeerde koördinate gegee het en sodoende die aanval op die konfooi veroorsaak het. En De Klerk was ook die man wat Sergio se ma (nie op die skerm nie) destyds vermoor het – die raaisel wat Sergio met alle mag wou oplos. “Met De Klerk…

AB (Cedwyn Joel) is ’n man met groot probleme. Hy is dolverlief op Farah (Lee-Ann van Rooi), en weet nie hoe om sy vrou Mymoena (Jill Levenberg) daarvan te vertel nie. Hy wil albei vroue in sy lewe hê, en die enigste manier hoe hy dink hy dit sal reg kry, is as hy Farah sy tweede vrou maak! “AB dink nie nugter oor die saak nie,” sê Cedwyn. Sy geloof keur die neem van ’n tweede vrou goed, maar dis ’n drastiese stap om te doen, en die res van sy gesin gaan nie goed daarop reageer nie. “Hy wil eintlik sy brood aan albei kante gebotter hê,” voeg Cedwyn by. En sy gedrag het die potensiaal om alles wat hy so lief het, te vernietig. DIE DRUK RAAK…

Arendsvlei se bose sakevrou Wendy (Rehane Abrahams) het haar skerp naels in die pa van haar kind, Steve (Elton Landrew), geslaan en hom weer goddeloos gemaak. Al die beloftes wat Steve aan sy familie – en veral sy suster, Janice (Crystal-Donna Roberts) – gemaak het om die reguit pad te volg nadat hy (in Maart) ná 20 jaar in die tronk op parool vrygelaat is, is by die deur uit! En nou is hy kop in een mus met Wendy en een van haar trawante, Woelag (Ceagan Arendse). En hulle beplan iets groots wat maklik kan skeefloop . . . DIE WARE STEVE In Augustus het Wendy Steve laat karnuffel sodat hy weer hard word en kan onthou wie hy werklik is: ’n gevaarlike man. “Wendy doen net wat haar…

Hofprogramme is die uiterste vermaak. Jy kan dikwels nie glo wat die beskuldigdes kwytraak nie. Om van die gevatte regters nie eers te praat nie! Regters soos Judge Judy en haar volgelinge, insluitende Judge Joe Brown (lees meer op bl. 11 oor albei), laat ons die kop skud oor die sluwe en onbeholpe bedrieërs in die wêreld. Ons leer ook die regters se karakter ken, ’n hoër gesag, wat dikwels net so geskok is soos ons deur die beskuldigdes se vermetelheid, en dan moet straf uitdeel. Dis so bevredigend wanneer dit afspeel en oortreders in skaamte weggelei word. Die gewildste regters op TV is werd om aan te haal en om mee te vereenselwig. Die gesegde “net Judy kan my veroordeel” het tot al ’n gewilde tatoe geword. Want dis…

Die Lewe Skuld Jou Niks Seisoen 1 Donderdae VIA (*147) 21:00 Die lewe is soms wreed en genadeloos, vra maar net vir Marlene le Roux, hoof- uitvoerende beampte van die Kunstekaap en aanbieder van die geselsprogram Die Lewe Skuld Jou Niks (2020). “Ek het al so baie dwarsklappe in my 54-jarige bestaan gehad, en mense is verstom dat ek steeds die silwer randjie om ’n donker wolk sien om voort te gaan met my lewe.” Marlene, wat op Wellington gebore is, is op drie maande met polio gediagnoseer. “Ek loop met behulp van ’n stut vir my een been. Die mense het my kruppel Marlientjie genoem,” sê sy. Boonop is ’n kwaadaardige breingewas by haar ontdek toe sy 24 jaar oud was en dit moes verwyder word. Haar grootste terugslag…

Spoorloos: Heksejag Seisoen 2 Dinsdae kykNET (*144) 20:00 Niemand is onskuldig nie. Dís die tema van Spoorloos: Heksejag. Daar’s ook nie iets soos ’n groot of klein sonde nie – verkeerd is verkeerd en die skuldiges moet daarvoor boet. En die kans is groot dat dié seisoen se hoofkarakter, Adam Prinsloo (Andahr Cotton), wat drie jaar gelede sy geheue verloor het ná ’n motorongeluk op die aand van sy matriekafskeid, ook vir sy dade moet boet . . . In die laaste episode (Dinsdag 15 September) van Spoorloos: Heksejag onthou Adam alles wat hy van die ongeluk vergeet het en dit gaan kykers sowel as vir Adam uit die veld slaan. Die misterie word uiteindelik opgelos. Maar hoe gaan alles ontvou? Ons kyk na die leidrade in die reeks, en…

Daar is nooit ’n vervelige oomblik wanneer Zelda opdaag nie, sê die aktrise en sangeres Amor Vittone. Gewoonlik kom sy met ’n sak vol drama, maar nie dié keer nie. “Zelda kom kuier by haar suster, Mariaan (Deirdre Wolhuter). Sy woon daar naby, maar Zelda wil by Mariaan al die jongste nuus hoor,” sê Amor. “Hul verhouding was nie van die beste nie, dus is daar gewoonlik spanning. Dis ook nie die gewone stryery tussen sibbe nie.” Maar dit lyk nie asof dit dié keer die geval is nie. Amor voeg by Zelda weet nie van Mariaan se onlangse probleme nie, toe haar prokureurkêrel, André (Marcus Muller), haar in Junie en Julie mishandel en verkrag het nie. “Zelda is verstom wanneer sy daarvan uitvind en sy wil haar suster beskerm.…

Bibi (Stephanie Petersen) is tot oor haar ore verlief op die Stryders se aantreklike nuwe afrigter, Jordan James (Theodore Jantjies). Maar die liefde loop soms wye draaie voor twee mense mekaar vind, en daarom besluit Bibi se vriendin Kristien (Marlee van der Merwe) om die leiding te neem en Bibi en Jordan bymekaar te bring. “Hoewel Kristien self baie van Jordan hou, besluit sy hy en Bibi pas beter bymekaar. Hulle het tog immers albei hul geliefdes aan die dood afgestaan,” sê Marlee. Jordan is egter onbewus van Kristien se goeie voornemens en Bibi se gevoelens vir hom. “Hy geniet Bibi se geselskap en beskou haar bloot as ’n goeie vriendin. In hierdie stadium is sy aandag op die Stryders toegespits en allermins om ’n nuwe liefde te vind,” sê…

Ruiterbosch se gesiene sakevrou Bridgette October (Denise Newman) het ’n behoefte aan veranderinge in haar lewe ná die onstuimige jaar wat sy tot dusver ervaar het. Die onthulling (in Maart) van haar oorlede pa, Henry (nie op die skerm nie), se affair jare gelede en die feit dat Nazeem (Irvine van der Merwe) haar halfbroer is, is steeds ’n bitter pil om te sluk. Maar die opknapping van haar huis bring ten minste vir haar groot vreugde, en tvplus het eksklusief gaan loer hoe lyk die nuwe stel, wat vanaf vandeesmaand op die kassie te sien is. BRIDGETTE SWAAI DIE SEPTER “Bridgette glo die opknapping van haar huis en die nuwe dekor is net nóg ’n spyker die doodskis van die herinneringe aan die verlede,” sê Denise. “Dis vir haar…