Innholdsfortegnelse for 8/13/2020 i TV Plus Afrikaans

Laat ek maar bieg: Die fliek Hoofmeisie (2011) laat my altyd giggel. Daar is een toneel waartydens Hannes Muller (hy speel Llewellyn Greeff) vir Annemicke Kotze (sy speel Melissa) lesse gee. Hy trek die snaaksste gesigte en sê vir haar dinge soos: “Maak soos ’n slap slak.” Ek kan nie help om te lag nie. En die gemene Susan (Melissa Massyn) wat enigiets sal doen om as hoofmeisie gekroon te word, het my net so laat skater. Ek kan dus nie wag om te sien wat Melissa in haar nuwe rol van Nesie in Getroud Met Rugby (lees meer op bl. 26) gaan doen nie. Maar ek is oortuig daarvan sy gaan vir lekker drama sorg. En hoe wonderlik is dit nie om Theodore Jantjies ook weer in ’n sepie…

Naam: Genevieve Terblanche Pos: Senior skrywer, wat tydens die inperking haar dieet vermy. Ek kyk nou: Dinner At Somizi’s (2020), seisoen 1, op Showmax. ook op 1Magic (*103), Vrydae om 19:00 en op DStv Catch Up. My mening oor die reeks: Tydens die inleiding gooi Somizi glinsterstof in ’n pan. Daardie glinsterstof kom van hoe Somizi tale vermeng en sy vernuftige woordgebruik. Die verfilmingsopset vereis dat Somizi en sy gaste langs mekaar agter sy kombuiseiland staan, asof hulle in ’n skoolopvoering is, maar sy warmte en uitbundigheid laat hom desondanks met hulle aansluiting vind, want wanneer jy die deksel effens lig, is dit eintlik ’n deernisvolle program vol onderhoude met glanssterre. Ns.: Ons hoop dit is ’n ateljee en nie Somizi se huis nie, want dis die enigste deel van…

Daar is nie net ’n stormloop na nuwe uitreikings op stroomplatforms nie. Kettingkyk ook nou al dié reekse wat in hoërskole afspeel. • School Of Rock seisoen 1-2 komedie, 2016-2018, Showmax. ’n Aflosonderwyser gee musieklesse en vorm ’n rockorkes met sy leerlinge. • PEN15 seisoen 1 komedie, 2019, Showmax. Twee eienaardige bes-ties vind hul pad deur die hel van hoërskoollewe. • Glee seisoen 1-6 musiekdramedie, 2009-2015, Showmax. Wanaangepastes en gewilde kinders span saam en baklei in hul sangklub. • The Girl From St Agnes seisoen 1 misdaadriller, 2018, Showmax. ’n Moord op ’n student by ’n SA spogkosskool lê geheime bloot. • Blood & Water seisoen 1, drama, 2020, Netflix. ’n Suid-Afrikaanse meisie sluit aan by ’n privaat spogskool om te soek na haar suster, wat by geboorte gesteel is.…

GUNSTELING-RESEP Marinda deel een van haar gunsteling-resepte met lesers. MAALVLEISKERRIE MET PIESANGS BESTANDDELE 2 uie 10 ml knoffel 10 ml gerasperde vars gemmer 25 ml kerriepoeier 10 ml borrie 10 ml komyn 5 ml fyn koljander (coriander) 1 kg maalvleis 500 ml water 60 ml asyn 125 ml blatjang 60 ml appelkooskonfyt Sout en peper 4 piesangs in skyfies gesny 100 ml klapper Vars koljanderblare METODE • Braai die uie in die olie tot glaserig. • Voeg die knoffel en gemmer by en braai saam met die uie. • Voeg die kerrie, borrie, komyn, en koljander by en braai saam. • Roer die maalvleis by en braai vir 5 minute. • Voeg nou die water, asyn, blatjang en appelkooskonfyt by. • Voeg sout en peper na smaak by. • Laat…

Verskeie vroue ervaar die trauma van ’n miskraam en die boetiekbestuurder Connie (Quinne Brown Huffman) in die sepie 7de laan (2000-nou) het ongelukkig onlangs ook haar baba ná ’n miskraam verloor. Maar sy steek dit goed weg. “Dit het nie op die skerm plaasgevind nie,” bevestig Quinne. “Sy gee al ’n rukkie ’n skynswangerskap voor omdat sy nie die werklikheid dat sy die baba verloor het, kan hanteer nie. Sy het nie die hart of die moed om André (Marcus Muller), die pa, daarvan te vertel nie.” Maar so ’n groot geheim kan nie vir lank in die donker bly nie en André gaan een of ander tyd op ’n manier uitvind . . . ANDRÉ SE ENIGSTE VRIEND Sedert die nuus van André se vroueslanery en selfdoodpoging in Junie…

H Di.-Do. kykNET & kie (*145) 11:00 O Sondae kykNET & kie 16:00 VERLEDE KEER Fred het Elsa met ’n romantiese gebaar bederf, Zane was in ’n hoek gedryf, en speurder Karelse het nóg ’n klopjag by die Hoërskool Arendsvlei uitgevoer. Beatrice het Daniel gevat om vir Laetitia te gaan kuier, en Saartjie het op Daniel verlief geraak. 12 AUGUSTUS Ronel bespreek haar toekomsplanne met ’n ongelukkige Thys, en Steve besef hy gaan homself moet hervestig as iemand met wie niemand kan mors nie. 17 – 19 AUGUSTUS Valdonia en Chantel groet hul geliefdes voor hul opwindende nuwe hoofstuk begin, Zane besef sy moeilikheid is nog lank nie verby nie, en Debra verras haar ouers terwyl hul verhouding al hoe gevaarliker raak. Thys is gereed vir nog kinders en besluit…

12 – 18 AUGUSTUS 19 – 25 AUGUSTUS 12 Augustus 13 Augustus 14 Augustus 15 Augustus 16 Augustus 17 Augustus 18 Augustus 19 Augustus 20 Augustus 21 Augustus 22 Augustus 23 Augustus 24 Augustus 24 Augustus 25 Augustus…

Woensdag MET ’N HUPPEL IN DIE STAP Seisoen 8 kykNET (*144) 17:30 Episode 7 (leefstyl) 12 Augustus Die aanbieder Riaan Cruywagen en veldaanbieder Lieb Bester wys daar is wel lewe in jou goue jare – jou beste jare begin ná 50. Hulle besoek families met ’n sterk familiegeskiedenis en vind inspirerende stories by dié mense. En het self ’n paar waardevolle lesse geleer. • Lees meer op bl. 43. MILES APART, MILES TOGETHER NUWE REEKS!  Seisoen 1 SABC3 (*193) 19:30 Episode 1 (realiteit) 19 Augustus Dié aangrypende reeks, wat voor die inperking en reisverbod verfilm is, herenig Suid-Afrikaners wie se familielede oorsee woon. In die eerste episode, kom ’n briljante student van Amerika af huis toe vir ’n prettige besoek aan sy familie in KwaZulu-Natal. Donderdag LAAT DIE POTTE PRUT…

By tvplus kyk ons ongelooflik baie televisie. En al hou ons dalk nie van alles nie, doen ons ons bes om elke program ’n regverdige kans te gee. Maar dis nie als werk nie. Ons raak diep verknog aan reekse. Stroomdienste laat ons toe om na hartelus te kettingkyk, en ons gunsteling-programme in te pas by al die regstreekse TV-kykery wat ons professioneel doen. Ons kan agteroor sit met ’n lekker opfrissertjie nadat ons intense dramas en rillers oor donker temas gekyk het. En soms kan ons afskakel en net ’n oomblik geniet wanneer ons kniediep in seisoen 4 van ’n reeks vol kinkels is met 40 verskillende sleutelkarakters. Hier is waarna tvplus kyk vir pret (benewens al die wonderlike Afrikaanse inhoud op kykNET en VIA) . . . TVPLUS…

THE HAUNTED HATHAWAYS VIDEO PLAY | 2013-2015 | KOMEDIE | SEISOEN 1-2 | KETTINGKYK VANAF DO. 13 AUG. ’n Enkelma en haar twee dogters trek by ’n nuwe huis in. Maar ’n ander gesin woon reeds daar – ’n spookpa en sy twee seuns. Hulle het uiteenlopende benaderings tot dissipline. AKA: ORCHESTRA ON THE SQUARE SHOWMAX | 2019 | SPESIALE MUSIEKPROGRAM | KYK VANAF MA. 17 AUG. In Maart 2019 het die hip-hopkunstenaar AKA saam met ’n orkes van 30 lede opgetree, en volgens sy aanhangers op Twitter het hy hulle verstom met sy “grootsheid” en “kuns”. Herleef dit indien jy een van die gelukkige 9 000 was of kyk dit vir die eerste keer. Kyk die dokkie oor die maak van die konsert op 17 Aug. op Showmax. THE…

H Weekdae SABC2 (*192) 12:30 H Weekdae SABC3 (*193) 10:30 O Sondae SABC2 08:30 VERLEDE KEER Marvin het DeWet perspektief probeer gee, Erika het Lana oor haar en Shawn se huwelik uitgevra, Thomas en Nikki was besig met iets geheimsinnigs, en Fikani het ’n groot lewensbesluit geneem. Justin het vir Bonita ’n interessante foto gewys wat haar nuuskierig gemaak het, Kopano het Khethiwe moed ingepraat, en Romeo het met sy ouers oor die tweeling Eddie en Vee gepraat. Lana het Shawn oor sy seksualiteit gekonfronteer. 12 – 14 AUGUSTUS Gabby het mediese hulp nodig, Rickus is tevrede met die stand van sake, en Marko gee onwetend vir Esti ’n idee. Lana kry terugvoering oor die tweeling Eddie en Vee, Marvin se speurinstink skop in wanneer dinge nie sin maak nie,…

H Di.-Sa. kykNET (*144) 09:00 H Weekdae kykNET 22:30 VERLEDE KEER Amanda het haar liefde aan Reitz verklaar en hy het haar gevra om te trou, Maryke moet ’n nieroorplanting kry en Anna het afskeid geneem. 12 – 14 AUGUSTUS Almal probeer Maryke oorreed om hulp te aanvaar, en Kristien vind uit Bart betaal vir Madie (nie op die skerm nie) se behandeling. Maryke sak inmekaar by die salon, en Blitz en Lienkie wroeg oor of hulle vir Johan van hul verhouding moet vertel. Wynand speel oop kaarte met Renate, Fafa oortuig Maryke om Bibi se hulp te aanvaar, en Bart wil met Kristien vrede maak. Die troureëlings veroorsaak wrywing tussen Reitz en Simon. 17 – 21 AUGUSTUS Maryke kry ’n skenker, Johan vind uit Blitz en Lienkie is weer…

Weekdae kykNET & kie (*145) 18:30 Weekdae M-Net-dek. 17:30 H Weekdae kykNET (*144) 23:00 H Weekdae kykNET & kie 14:00 VERLEDE KEER Farah het haar verskyning in Ruiterbosch gemaak en haar tuisgemaakte skoonheidsprodukte begin verkoop, Imraan en Kaashifa het besluit om ’n verhouding aan te knoop, en Joy het swaar aan haar dubbele lewe gedra. 12 – 14 AUGUSTUS Wade moet groot besluite neem, Nazeem ontdek iets wat sy bloed laat kook, en Wade moet ’n stap doen wat vir hom bitter moeilik is. Mrs J. neem ’n besluit wat Lee-Ann heeltemal onkant vang, Bridgette merk iets op wat haar laat wonder, en Joy is bekommerd oor wat Nazeem aan haar gaan doen. 17 – 21 AUGUSTUS Tim kry skokkende nuus, Imraan en Kaashifa wroeg oor hul geheim, en AB…

VERLEDE KEER Miguel is van mensehandel beskuldig en deur die polisie ondervra, Graciela het aan Juan gesê sy wil Los Olivos hê, of anders . . . Fernanda het gesukkel om haar pa se nuwe meisie te aanvaar. 12 – 14 AUGUSTUS David verduidelik aan Luciana hoekom hy nog sy trouring dra, en Juan neem ’n eed hy sal David op sy knieë bring. Gutiérrez is desperaat om Marta se hart terug te wen, maar sy stel nie in die minste belang nie. Graciela is verras wanneer David aankondig hy gaan hul vennootskap beëindig, en David is gereed om sy kinders te vertel Luciana is die vrou wat hy liefhet. 17 – 21 AUGUSTUS Graciela waarsku Luciana sy sal enigiets doen om Luciana en David se verhouding te vernietig, Bobby…

Shawn se gay-storielyn (in 7de Laan) was absoluut briljant. Welgedaan, akteurs. Dit is baie meer intens as in die werklike lewe, maar die manier waarop dit weerspieël is, was briljant! – RENETTE DE BEER, FACEBOOK Die skrywers het nie hul huiswerk ordentlik gedoen met die gay-storie (in 7de Laan) nie, want daar het baie dinge gekort in die storielyn van Llewellyn en Shawn. Ek dink hulle moes meer navorsing oor die LGBTQ-gemeenskap gedoen het. – ANTHONY MASHABA, FACEBOOK Die 7de Laan-gay-storie was een van die slegstes nóg. Die toneelspel (waarskynlik weens die regie) was aaklig. Die karakter Llewellyn het my net geïrriteer. Dis jammer, want dit kon ’n fantastiese storielyn gewees het, maar dit was bombasties en gejaag. – GERALDENE KRUGER, FACEBOOK Die onlangse selfdood-episode in 7de Laan was siek.…

Die doel met dié blad is om lesers ’n kans te gee om hul mening te lug. Dit weerspieël nie noodwendig tvplus se opinie nie. Verder probeer ons vrae wat per SMS, e-pos of ons sosiale mediaplatforms aan ons gerig word, regstreeks antwoord. Dus is hier nie vrae oor wanneer programme uitgesaai word, hoekom iets van die skedule af verdwyn het, ensovoorts, nie. Sover moontlik plaas ons SMS’e soos dit aan ons gestuur is, maar probeer konteks verskaf, soos die program waarin die karakter verskyn, indien dit nie in die SMS genoem word nie. Asseblief, laat weet ons wat julle dink! Dis lekkerder wanneer ons almal saam TV kyk en dit bespreek!…

BARKSKINS Seisoen 1 National Geographic (*181) 21:00 Episode 1 (periodedrama) Donderdag 13 Augustus Periodedramas wat in die koloniale tydperk in die VSA op die grens afspeel, het dikwels kleurlose puriteinse klere. Barkskins se kostumier, Anna Terrazas, wou iets lewendiger skep, maar wat steeds histories akkuraat is vir die kolonie in New France in 1690. “Ons het na talle skilderye uit die 1690’s gekyk – voor, tydens en daarna – om ’n aanvoeling te kry vir die kleur en tekstuur. Ons het nou saamgewerk met ’n kostuumhistorikus om die silhouette te bepaal en werklik die vorm van die klere van ons era te ontdek,” sê Anne. “Dis ’n tydperk dié wat beïnvloed is deur lig en kleur, dus het ek begin deur kleure te probeer vind wat elke karakter sou dra.…

GREENLEAF NETFLIX | 2016-NOU | DRAMA | SEISOEN 1-5 | KETTINGKYK VANAF WO. 12 AUG. Die megakerk-drama Greenleaf (2016-nou) keer terug met meer sondes as Sodom en Gomorra. Die seisoen begin met ’n kruis wat weggegooi is, egskeiding, afpersing en selfdood. Dít is net die Greenleafs se persoonlike probleme! Swart teen wit kerke en politici wat ter wille van hul beeld aan godsdiens deelneem, word ook gepak. GLOW UP NETFLIX | 2019-NOU | REALITEIT | SEISOEN 1-2 | KETTINGKYK VANAF VR. 14 AUG. Jong grimeerkunstenaars van 19-25 jaar oud ding mee in warelewe-uitdagings, soos oormaaksessies vir die Londense modeweek, die perfekte duplisering van die grimering vir die verhoogproduksie van The Lion King (1997-nou), en selfs ’n wond vir ’n mediese TV-drama. Stacey Dooley is die aanbieder. THE WORLD’S TOUGHEST RACE…

In telenovelles, is hy ’n galan, ’n “hartedief”. Dit moet ’n man wees wat aantreklik genoeg is om selfs ’n ystervrou se knieë lam te maak, en sjarmant genoeg om die mees diaboliese divas van hul hakke te laat tuimel. Die ideale galan moet iemand wees wat werd is om oor te baklei en om voor vyande te maak, anders sal ’n beeldskone, passievolle vrou net simpel lyk. Hy kan ryk of arm wees, maar hy moenie bang wees om lief te hê nie en moet kreatief wees wanneer hy wil wys wat in sy hart is. Dis nie ’n wêreld vir sissies nie. Dis egter jammer vir die divas, want hoewel ’n galan se doel is om getrou aan die “een” te wees, word hy soms gefop om te…

Weekdae op M-Net-dek. 16:30 H Weekdae kykNET (*144) 23:30 H Di.-Vr. kykNET 08:30 O Sa. M-Net-dek. 06:00 O Sa. kykNET 09:30 VERLEDE KEER Delia het in Pretoria opgedaag en Conrad oor sy aandele in Southern Hope-hospitaal genader. Die openingsaand van die nuwe kuierplek, Doepa, was ’n groot sukses en Okkie het ’n operasie ondergaan. 12 – 14 AUGUSTUS Tertius vind meer uit oor Sergio, Tracy is opgewonde oor drankies saam met iemand spesiaal, en Elana probeer duidelikheid by Steve kry. Annelize belowe om haar gedrag aan te pas, Tertius speel nie oop kaarte met Tracy nie, en die eerste fiksheidsklas is ’n uitdaging vir Maya. Lexi is nie beïndruk met ’n besluit nie, Annelize besef At en Ingrid praat nie met mekaar nie, en Conrad moet begin werk aan Elana…

• Y&R het verfilming gestaak weens die Covid-19-pandemie en saai ’n keur van episodes volgens temas uit totdat verfilming hervat. Bold het weer begin skiet, maar saai steeds die spesiale keur uit (*uitsaaidatums in die VSA). BOLD (ONTHOU DIÉ BOTSINGS) Wyatt word onkant gevang wanneer hy by die strandhuis inloop en ’n kwellende toneel sien, Bill is reg om enige gevolge van sy dade te dra, en Sally en dr. Escobar sleep ’n bewustelose Flo na Sally se woonstel. Flo is geskok dat Sally haar ontvoer het, en dr. Escobar soebat Sally om nie met haar plan voort te gaan nie. Steffy se lewe is in gevaar wanneer sy in ’n ongeluk is. Sally probeer Wyatt verlei, maar hy sien Flo se boodskap, en Bill vertel Ridge en Brooke wat…

Mag Elise Cawood in vrede rus. Sterkte aan haar familie. – ANNE, SMS Ek onthou haar in die fliek Taxi To Soweto. Dankie vir die vermaak oor die jare heen. Rus in vrede. – MFANIZILE NKOSI, FACEBOOK Rus sag, tannie Elize. Jy was ’n legende, en ek is seker jy is nou op ’n beter plek. Dankie vir al die jare se pret-rolle. Jy was beslis een van my gunstelinge. Sterkte vir die familie en vriende. – LAZANNE LOUBSER, FACEBOOK Ek onthou haar as Marlien in Isidingo. Sy was ’n talentvolle aktrise. – SIYA SABANI, FACEBOOK Sy was ’n pragtige en talentvolle dame wat ’n mentor vir baie ander in die TV- en filmbedryf was. My innge meegevoel aan haar familie en bewonderaars. Mag haar siel in vrede rus. –…