Innholdsfortegnelse for 7/30/2020 i TV Plus Afrikaans

“Julle staan hopeloos te veel bladsye en spasie af aan stroomkyk. Is dit werklik nodig? Ek kan nie dink soveel mense wat tvplus lees, stroomkyk nie,” raas ’n leser nou die dag met my. Ek vestaan heeltemal mense wat nie stroomkyk nie, wil dalk nie daaroor lees nie. Maar navorsing wys ’n beduidende hoeveelheid van ons lesers stroomkyk wel op verskillende platforms. Baie van ons Afrikaanse lesers kyk nie al die Engelse sepies nie, maar daar is genoeg mense wat dit wél kyk sodat ons die “wat is volgende” van die meeste van die sepies op TV in die tydskrif insluit. Dis nie maklik om almal tevrede te stel nie, en om tred te hou met die tyd, kan ons nie stroomkyk ignoreer nie. Die stroomplatform Viu het onlangs ’n…

Naam: Genevieve Terblanche Pos: Senior skrywer, TV hou my normaal. Ek kyk nou: Norsemen, seisoen 1-2 (2016-2017) op Netflix. My mening oor die reeks: Norsemen laat reekse soos Vikings (2013-nou) op hul agterent terug aarde toe val. Dit speel af op ’n Wikingdorpie in die 790’s en die histories korrekte produksieontwerp en kostuums gee dit die gevoel van ’n bloeddorstige historiese drama. Maar deur ’n moderne gevoeligheid met tradisionele Wikingwette en -kultuur te balanseer, bereik Norsemen absurditeit. ’n Vertonerige, waansinnige nuwe slaaf, Rufus (Trond Fausa Aurvåg), is die Romeinse akteur wat ons die buitestander se siening van dié “barbaarse” dorpie gee. Indien jy met die Asterix-boeke (1959-2019) grootgeword het, is dié program ’n bekende en genotvolle weergawe van die antieke geskiedenis. Nie geskik vir kinders nie. My gunsteling-oomblik: Ek het…

Weekdae op M-Net-dek. 16:30 H Weekdae kykNET (*144) 23:30 H Di.-Vr. kykNET 08:30 O Sa. M-Net-dek. 06:00 O Sa. kykNET 09:30 VERLEDE KEER Okkie het probleme met sy gesondheid ervaar, Conrad het beheer oor Binneland se raad geneem en Annelize as HUB uitgeskop, en Chanel was jaloers op die band tussen Danny en Sasha. 29 – 31 JULIE Conrad praat met Elana oor Delia, Hugo se huiswerk kry Maya in die moeilikheid by Annelize, en Sasha is nie baie gretig om op ’n toeoogafspraak te gaan nie. Delia se teenwoordigheid maak Conrad ongemaklik, Annelize is verpletter deur ’n besluit van At, en Louis meen hy kan Okkie se gemoed verklaar. Naomi dink haar pa verstaan nie die erns van die saak nie, en Danny praat met Chanel oor Sasha. 3…

H Weekdae SABC2 (*192) 12:30 H Weekdae SABC3 (*193) 10:30 O Sondae SABC2 08:30 VERLEDE KEER Vince het homself in groot moeilikheid bevind, Nikki was seergemaak deur ’n gesprek tussen haar pa, DeWet, en Mariaan wat sy afgeluister het, Esti het Rickus se asem weggeslaan, en Fikani het sy probleme met Marko bespreek. Esti was agterdogtig oor Thomas se vreemde gedrag, DeWet se mening oor ’n situasie het sy gesin ontstel, die jongklomp het oor ’n sosiale media-onderwerp verskil, en Lesedi het haar plan in werking gestel. 29 – 31 JULIE Marvin probeer DeWet perspektief gee, Fikani is onkant gevang deur wat Rickus vir hom vertel, en Shawn is omgekrap wanneer hy uitvind Erika steek haar neus in sy sake. Daar is iets aan die gang met Lesedi en Connie,…

H Di.-Sa. kykNET (*144) 09:00 H Weekdae kykNET 22:30 VERLEDE KEER Julia het die Stryders verlaat, die Stryders het hul nuwe afrigter, Jordan James, verwelkom en Maryke het slegte nuus oor haar gesondheid gekry. 29 – 31 JULIE Fafa is bekommerd oor Maryke se gesondheid. Anna en Candice bereik ’n groot mylpaal, en Lulu is gespanne om Yvonne te ontmoet. Maryke besoek ’n nefroloog, Lulu ontmoet Yvonne, en Bart is keelvol vir druk op die sosiale media om Mia weer aan te stel. Renate stel Wynand aan Yvonne voor, Anna besef sy het nog gevoelens vir Reitz, en Maryke het ’n emosionele uitbarsting oor haar diagnose. 3 – 7 AUGUSTUS Bart besluit om Mia weer aan te stel, Maryke begin met dialise, Reitz ontvang besoek van ’n vorige vlam, en…

• Y&R het verfilming gestaak weens die Covid-19-pandemie en saai ’n keur van episodes vol-gens temas uit totdat verfilming hervat. Bold het weer begin skiet, maar saai steeds die spesiale keur uit (*uitsaaidatums in die VSA). BOLD (ONTHOU DIÉ BOTSINGS) Die sepie begin die terugkykweek met ’n onderonsie tussen Eric en sy seun Ridge wat meeding om hoofontwerper te wees vir Forrester se komende modevertoning in Portofino, Italië in 2003. Bridget is woedend wanneer sy in 2002 vir Brooke ’n ooievaarspartytjie hou en hoor hoe Deacon sy liefde vir Brooke verklaar. Die trougaste is geskok op Thomas en Zoe se troue in 2020 wanneer die ma van sy baba, Hope, ongenooid by die troue opdaag – Zoe soebat Thomas om haar nie te los nie, maar hy kies Hope, wat…

Woensdag PROJECT RUNWAY Seisoen 18 1Magic (*103) 19:00 Episode 9 (realiteit) 29 Julie Dié tuxedo-uitdaging waarin konvensionele geslagsdrag omgeruil word, is puik. Die beste oomblik? Die beoordelaars wat Sergio se totale onkunde oor die geskiedenis en mode sien. Hy beweer hy weet nie van John Galliano se agterstevoor tuxedo vir Celine Dion nie. Is jy ernstig? IRISH PICKERS NUWE REEKS!  Seisoen 1 History (*186) 20:15 Episode 1 (leefstyl) 5 Augustus Ja, dit ís die soet stem van Ardal O’Hanlon (Father Dougal in die komediereeks Father Ted, 1995-1998) wat jy as die verteller in dié program hoor! Irish Pickers het ’n voorsprong bo American Pickers (2010-nou), want die smaraggroen eiland Ierland het kroeë wat ouer is as Amerika. Donderdag THIS IS US NUWE SEISOEN!  Seisoen 2 SABC3 (*193) 18:30 Episode 1…

By tvplus kyk ons ongelooflik baie televisie. En al hou ons dalk nie van alles nie, doen ons ons bes om elke program ’n regverdige kans te gee. Maar dis nie als werk nie. Ons raak diep verknog aan reekse. Stroomdienste laat ons toe om na hartelus te kettingkyk, en ons gunsteling-programme in te pas by al die regstreekse TV-kykery wat ons professioneel doen. Ons kan agteroor sit met ’n lekker opfrissertjie nadat ons intense dramas en rillers oor donker temas gekyk het. En soms kan ons afskakel en net ’n oomblik geniet wanneer ons kniediep in seisoen 4 van ’n reeks vol kinkels is met 40 verskillende sleutelkarakters. Hier is waarna tvplus kyk vir pret (benewens al die wonderlike Afrikaanse inhoud op kykNET en VIA) . . . TVPLUS…

Suidooster (2015-nou) bederf kykers die afgelope ruk met bekende akteurs, soos Monique Rockman (Joy) en Marlo Minnaar (Imraan), wat hul verskyning in Ruiterbosch maak – en nou verras hy weer met die aktrise Lee-Ann van Rooi (Maggie Cloete in Sara Se Geheim, 2017-2020) wat haar sepiedebuut in Suidooster maak. “Farah Adjerahn is ’n Moslem-vrou wie se man onlangs oorlede is. Nou pro-beer sy kop bo water hou deur tuisgemaakte skoonheidsprodukte te verkoop,” sê Lee-Ann oor haar karakter. “Farah is sjarmant en sy weet hoe om dit te gebruik om haar sin te kry. Sy wil nie moeilikheid maak nie, maar sy skroom nie om die grense te toets nie,” voeg Lee-Ann by. En dis juis haar sjarme wat die getroude apteker AB (Cedwyn Joel) se oog so effens laat dwaal…

Weekdae kykNET & kie (*145) 18:30 Weekdae M-Net-dek. 17:30 H Weekdae kykNET (*144) 23:00 H Weekdae kykNET & kie 14:00 VERLEDE KEER Joy en Wade se verhouding het ernstig geraak, Bridgette wou haar huis verkoop, AB het hom in ’n web van leuens bevind, en Tim het vir Zoe en Bridgette gekonfronteer oor geld wat Bridgette vir Zoe gegee het. 29 – 31 JULIE Ty beloof om Joy en Wade se geheim te bewaar, Tim gee Bridgette ’n waarskuwing, en Rabia reik uit na Imraan. Joy moet ’n moeilike besluit oor haar geheime verhouding neem, Chris gee Tim perspektief, en Farah draai AB se arm. Nazeem bieg oor sy gevoelens vir Joy, en Wade bly die werklikheid ontken. 3 – 7 AUGUSTUS Lee-Ann ontdek iets vreemds, AB het sy hande…

THIS IS US Seisoen 2 SABC3 (*193) 18:30 Episode 1 (drama) 30 Julie Seisoen 2 se eerste episode eindig met die Pearsons se huis wat deur ’n brand verwoes is en Rebecca (Mandy Moore, Erin in Red Band Society, 2014-2015) wat huis toe ry met ’n plastieksak met Jack (Milo Ventimiglia, Peter in Heroes, 2006-2010) se persoonlike besittings. Maar oor wat presies met Jack gebeur het, waarsku Milo kykers om die laaste twee minute goed dop te hou. “Mense moet net aandag skenk, want hulle sal aanduidings kry. Dis soos ’n speletjie met leidrade.” Dit word eers in episode 14 opgeklaar. Mandy onthul die toneel van die uitgebrande huis is ’n jaar en ’n half voor dit uitgesaai is, verfilm, en moes hoogs geheim gehou word. “Ons het dit ‘die…

THE UMBRELLA ACADEMY NETFLIX | 2019-NOU | SCI-FI | SEISOEN 1-2 | KETTINGKYK VANAF VR. 31 JULIE Seisoen 1 het geëindig met die ses Hargreaves-sibbe wat ’n desperate tydsprong gewaag het om die wêreldapokalips wat hulle veroorsaak het, te vermy. Toe hulle in die 1960’s beland, meen hulle hulle is daar met ’n doel – iets te doen met die sluipmoord op pres. Kennedy van die VSA op 22 November, 1963 – maar tydreis-sluipmoordenaars is kort op hul hakke. GET EVEN NETFLIX | 2020 | RILLER | SEISOEN 1 | KETTINGKYK VANAF VR. 31 JULIE Vier skoolmeisies vorm ’n kliek genaamd DGM (Don’t Get Mad) om boelies te ontmasker in dié reeks gegrond op Gretchen McNeil se Don’t Get Mad-boeke (2014-2015). Maar hulle lyk skuldig aan moord wanneer ’n boelie…

H Di.-Do. kykNET & kie (*145) 11:00 O Sondae kykNET & kie 16:00 VERLEDE KEER Debra was geskok toe Steve haar vertel van hul ware konneksie, Zane was bekommerd toe Daniel dreig om Thys alles oor die dwelms te vertel, Woelag het Zane gewys wie is baas, en Fred het vir advies na Lionel uitgereik. 29 JULIE Debra sukkel nog om dit wat haar ma van haar weggesteek het te verwerk, Fred probeer om Elsa met ’n romantiese gebaar te bederf, en Zane staan met sy rug teen die muur. 3 – 5 AUGUSTUS Zane raak paniekbevange wanneer hy hoor speurder Karelse gaan nóg ’n klopjag by die skool uitvoer, Janice kry snuf in die neus oor Steve en Wendy se verhouding, en Fred en Elsa doen verdere stappe ten…

Nadat sy Binnelanders vaarwel toegeroep het, het Odelle vir ’n ruk in Bali gebly waar sy opleiding as jogainstrukteur gekry het. Daarna het sy vir ’n leerlingskap-onderneming Advanced Assessments And Training gewerk (hulle help ondernemings met leerlingskappe en BEE-akkreditasie). “Ek is steeds daarby betrokke, maar die maatskappy is so gaaf om vir my tyd te gee om Delia te laat herleef. Ek kan nou weer aandag aan my eerste liefde – toneelspel – gee.” Odelle studeer ook tans aanlyn en doen ’n kursus in lewensafrigting aan die Universiteit van Kaapstad se besigheidskool. “Ek hoop om daardie vaardighede in die toekoms te gebruik en my loopbaan verder uit te brei,” sê Odelle. Maar vir eers is sy ingeburger as Delia. “En ek hoop Delia en Conrad raak versoen.”…

Corine sê sy het ná ’n oorsese vakansie saam met haar ma, Lulu*, besluit om weer toneel te speel. Hulle het alleen gaan vakansie hou, iets wat hulle “gedoen het voor my seuntjie gebore is. En toe ons dié keer gaan, het ek tot my groot verbasing agtergekom dinge by die huis het nie uitmekaar geval sonder my nie. Ek het besef my gesin is gereed vir my om weer te begin toneelspeel, en toe gebeur 7de Laan,” sê Corine. Sy en Raz Jenzen*, ’n farmaseutiese ontleder, is in 2012 getroud. Corine het diep gegrawe om Erika te verstaan. “Ek sê altyd ek kan ’n rol net eerlik speel as ek by die plek kom waar ek my karakter nie judge nie. Erika is ’n interessante karakter, sy smag na…

Praat van slegte tydsberekening! Anna probeer steeds om haar hartsake in orde te kry nadat sy en haar beste vriendin Chrissie (Melissa Willering) ’n maand of wat gelede ’n katgeveg oor die nuwe Stryder, Wynand (Hanno Hattingh), gehad het en sy besef het Wynand is ook nie haar ridder op ’n wit perd nie. En in ’n oomblik van swakheid, verklaar sy haar liefde aan haar vorige kêrel, Reitz  (Sean van Noordwyk). “Sy het Reitz se ontferming oor haar verkeerd gelees en die liefdesverklaring bloot gedoen omdat sy ’n bekende gevoel kry wanneer hy in die omtrek is,” sê Kate. “Hulle is al immers deur soveel dinge saam en hy is haar beste vriend.” Maar sy besef gou sy het ’n yslike fout gemaak, want sy hoor kort daarna by…

Deur die jare heen is Lee-Ann al verskeie kere sepierolle aangebied, maar sy het nooit gevoel die tyd is reg om dit aan te gryp nie. “Sepies word hoofsaaklik in Gauteng geskiet en ek woon hier in die Kaap. “Suidooster is die eerste sepie wat hier in my kontrei geskiet word, en toe my ander vryskutwerk weens die pandemie opdroog, het ek die geleentheid aangegryp om die rol van Farah te speel.” Lee-Ann sal vir sowat 10 weke op die kassie as Farah te sien wees en “sy gaan veral vir AB en sy waardes uitdaag,” sê sy.…

Woensdag 29 Julie Donderdag 30 Julie Vrydag 31 Julie Saterdag 1 Augustus Sondag 2 Augustus Maandag 3 Augustus Dinsdag 4 Augustus Woensdag 5 Augustus Donderdag 6 Augustus Vrydag 7 Augustus Saterdag 8 Augustus Sondag 9 Augustus Maandag 10 Augustus Dinsdag 11 Augustus…

Ek is hartseer dat sy weggaan, maar Hope was nie dieselfde sonder Bo (in Days Of Our Lives) nie. My gunsteling- (maar hartseer) toneel was toe Hope uitvind haar seun, Zack, is dood. Ek het saam met haar gehuil. – SANDY MABUZA, FACEBOOK Princess Gina was my gunstelingstorielyn van Hope. Sy het daardie dubbelrol meesterlik vertolk. – WARREN ADAMS, FACEBOOK Toe sy terugkom nadat sy in die ontploffing “gesterf” het . . . Daar was twyfel of sy werklik Hope was, maar ek het geweet dis sy. Sy’s my gunstelingkarakter in Days. – WARREN ARMSTRONG, FACEBOOK Enige storielyn waarin Bo en Hope saam was, was goed. Daar was ’n vonk tussen hulle op die skerm. – HELEN DU PREEZ, FACEBOOK Days was nooit dieselfde sedert Peter Reckell (Bo) weg is…

Die doel met dié blad is om lesers ’n kans te gee om hul mening te lug. Dit weerspieël nie noodwendig tvplus se opinie nie. Verder probeer ons vrae wat per SMS, e-pos of ons sosiale mediaplatforms aan ons gerig word, regstreeks antwoord. Dus is hier nie vrae oor wanneer programme uitgesaai word, hoekom iets van die skedule af verdwyn het, ensovoorts, nie. Sover moontlik plaas ons SMS’e soos dit aan ons gestuur is, maar probeer konteks verskaf, soos die program waarin die karakter verskyn, indien dit nie in die SMS genoem word nie. Asseblief, laat weet ons wat julle dink! Dis lekkerder wanneer ons almal saam TV kyk en dit bespreek!…