Innholdsfortegnelse for 3/25/2020 i TV Plus Afrikaans

Die slim mense sê die enigste ding wat konstant is, is verandering. En die afgelope jaar het die TV-landskap so verander en ontwikkel dat die tydskrif ook gereeld by nuwe kyk- en leesbehoeftes aangepas is. Dis nou weer tyd vir ’n klein regruk en ek (en die span) is opgewonde oor die nuwe bladsye wat vanaf dié uitgawe deel is van tvplus. Navorsing wys ’n groot deel van ons lesers teken in op stroomdienste en ’n groot aantal het wel DStv. Daarom het ons besluit om meer bladsye daaraan af te staan. Moenie bekommerd wees nie, ons skeep nie die sepiestories en ander artikels af nie. Die tydskrif se formaat lyk dalk effens anders, maar al die gunstelinge is steeds daar. Laat weet my asseblief of julle die nuwe inhoud…

MAKING THE CUT AMAZON PRIME | 2020 | REALITEIT | SEISOEN 1 | BEGIN VRYDAG 27 MAART Die voormalige aanbieder van Project Runway (2004-nou) Heidi Klum en die eksmentor Tim Gunn het ’n modeontwerpkompetisie van 10 episodes bekendgestel. Ná elke episode is beperkte weergawes van die wenvoorkoms wêreldwyd aanlyn te koop by Amazon se Making The Cut-winkel! Ons wonder hoe die TV-ontwerp met die kleinhandelproduk vergelyk. Twee episodes word elke week uitgesaai. PICARD AMAZON PRIME | 2020 | SCI-FI | SEISOEN 1 | KETTINGKYK VANAF DONDERDAG 26 MAART In Star Trek: The Next Generation (1987-1994), was Jean-Luc Picard (Patrick Stewart) een van die franchise (1966-nou) se mees filosofiese kapteins. ’n Krisis dwing adm. Picard uit sy aftrede 14 jaar ná die vernietiging van die planeet Romulus, maar hy kom te…

Naam: Genevieve Terblanche Pos: Supermoeg (maar geïnspireerde) senior skrywer. Hou van reekse oor: Fopdos, tegnologie-wetenskapsfiksie, absurde komedie, prul-realiteit. Hou nie van: Wetenskapsfiksie wat eintlik net verdoeselde polisieprogramme is nie. Ek kyk: RuPaul se Drag Race (2009-nou) seisoen 12 op Netflix. My mening oor dié reeks: Ek hou van Drag Race omdat dit ten minste ses talentreekse in een is met besonderse kreatiwiteit. Dit is ook ’n satire op werklikheidsreekse en het diepte. Elke seisoen wanneer ek die fopdossers sien praat tydens grimering, moedig hul moed om hul ware self uit te leef, my aan om dapperder in my eie lewe te wees. My gunsteling-oomblik: Ek het gedink Violet Chachki het die loopplankkompetisie in die sak gehad met haar geruite uitrusting in seisoen sewe. Maar Crystal Methyd het my laat skater…

Jy is nie al een wat wonder waar die vroue op The Bachelor South Africa (2019-nou) die mikrofone in hul nousluitende skemerparty-rokke wegsteek nie, of hoe die tegnologie in die swembad beskerm word nie. Ons het ook, dus het ons die antwoord uit die perd se bek gekry: Die produksiespan van The Bachelor. “Die mikrofoon bestaan uit twee dele – ’n sendtoestel en die werklike mikrofoonkapsule wat ongelooflik klein is. Die sendtoestel word vir skemerpartye gewoonlik laag aan die rug vasgeheg, tensy die rok ’n lae rug het, wanneer dit aan die binne-bobeen vasgemaak word, wat nie baie gemaklik is nie en dit gly soms af.” Die mikrofoon word dan net onder die neklyn van die vroue se rokke met kleeflint vasgeheg. Vir waterpark-afsprake, verseël die klanktegnici die sendtoestelle met…

H Di.-Sa. kykNET (*144) 09:00 H Weekdae kykNET 22:30 VERLEDE KEER Mieke en Maryke het besluit om die pompons ’n les te leer, Bernard het sy liefde aan Anna verklaar, Julia en Blitz het mekaar weer probeer vind ná Julia se miskraam, en TJ het kom kuier vir die skoolvakansie. 25 – 27 MAART Bernard vererg hom lelik vir Pottie, Mieke help TJ met sy liefdeslewe, en Bart en Mia knyp die kat in die donker. Schalk vind uit van Mia en Bart se verhouding, Magda is keelvol vir Bernard se houding, en Blitz is moedeloos oor sy en Julia se baba-argumente. 30 MAART – 3 APRIL Renate lees vir die pompons die leviete voor oor verhoudings by die werk, Magda en Bernard stamp steeds koppe, en Anna vind uit…

H Weekdae SABC1 (*191) 08:30 O Saterdae SABC1 11:00 VERLEDE KEER Palesa en haar sekswerker-vriende is in hegtenis geneem, die Diales het tussen Cosmo en Lucy ingegryp, en Ayanda het die ware Tau gesien. 25 – 27 MAART Sphe pak haar swaer, Smanga, omdat hy Tau se kant teen hul familie kies, en Fikile hoor ’n vertroulike gesprek wat haar woedend maak. Die polisie ontwrig ’n partytjie, en Crazy J se onlangse gedrag irriteer die Moroka-oudstes. Gog’Flo kry goeie nuus by die kerk, en Nontle is briesend nadat sy hoor haar ma, Ayanda, meng by haar private lewe in. Tau en Smanga se vennootskap begin wankelrig, en Nontle doen haar uiterste bes om Mpho te beïndruk. 30 MAART – 3 APRIL Lesedi is oorbluf wanneer Crazy J ’n emosionele ineenstorting…

H Weekdae SABC2 (*192) 12:30 H Weekdae SABC3 (*193) 10:30 O Sondae SABC2 08:30 VERLEDE KEER Rickus het Mariaan stof tot nadenke gegee, Esti was oorweldig deur die chaos in Oppiekoffie, Willem en Nikki het mekaar gesoen, en Alexa het Lesedi in haar vertroue geneem oor haar verhouding met haar ma. Ivy en Marvin het hulleself in ’n groot penarie bevind. Connie wou die Laan verlaat ná André en Mariaan ’n amptelike paartjie geword het, en die Laners het Fikani se verjaardag in die klub gevier. 25 – 27 MAART Esti raak nostalgies wanneer sy aan die verlede terugdink, Thomas se opmerkings vang Rickus onkant, en Matrone vrees die ergste. Lesedi neem beheer oor ’n situasie, Mariaan maak oop oor haar gebrek aan selfvertroue, en Rickus help vir Esti. 30…

H Ma.-Do. VIA (*147) 23:00 O Saterdae VIA 00:30 VERLEDE KEER Alper het ná die skietvoorval in die hospitaal aangesterk, Dilara het aan haar prokureur gesê om Özkan tot elke prys van tronkstraf te red, en Gülseren het die skuld gekry vir ’n voorval. Dilara het Özkan gevra om nie van Gülseren te skei nie, en Cansu het haar humeur verloor. 25 – 26 MAART Özkan vertel hoe hy uit die tronk vrygelaat is en hoe Dilara en Cihan se pa, Rahmi, gehelp het om sy borgtog te betaal. Cihan is geskok wanneer hy familiegeheime uitvind en begin sy egskeiding van Dilara deur middel van ’n persverklaring. Om Cihan die harnas in te jaag, huur Dilara Özkan as haar motorbestuurder en lyfwag. Gülseren aanvaar Cihan se hulp om haar kafee…

H Weekdae SABC1 (*191) 09:00 H Weekdae SABC2 (*192) 14:30 VERLEDE KEER KK het ernstige vrae aan Matshidiso gestel, Shaz het Warona probeer help, maar haar raad is geïgnoreer, hoofman Azwindini se ego was geknou, Kgosi was kwaad vir sy pa, KK, en Mpho het nog ’n boodskap van die voorvaders gekry. 25 – 27 MAART KK maak die ontstellende afleiding dat Matshidiso dalk agter sy siekte sit, en Mpho meen sy het ’n manier om Azwindini op die troon terug te kry. Die tyd het vir Matshidiso uitgeloop, en Vhangani en Mpfareni raak vervreemd. Dit lyk asof Azwindini se vyande agter sy rug konkel, KK is gereed om wraak te neem, en Vhangani is hewig geskok. 30 MAART – 3 APRIL Vho-Mukondeleli is ’n huweliksberader vir Mpfareni en Vhangani,…

Haai nee, ek kyk waarlik nie meer na Suidooster nie. Kinders kyk ook die sepie en daar is nou net nie goeie storielynie nie. Ek sal maar weer inskakel as Tim se gekonkel uitkom. – PETRONELA, SMS Wade raak nou vervelig met sy gesanik oor Zoe in Suidooster. Dit is pateties. – CHRISTI, SMS Kan Marko in 7de Laan nou asseblief sy hare sny en sy baard afskeer? Hy lyk so verslons in die sepie. – VDB, SMS Ek mis vir klein Karmen in 7de Laan, en ek hoop om haar gou weer te sien. – YOLANDA, FACEBOOK Ek dink Alexa in 7de Laan is besig om ’n drankprobleem te ontwikkel. – SYLVIA, SMS 7de Laan se stories is nou baie flou. Ek sien nie die punt daarin nie. –…

Dit is nie net nuwe programme wat op die stroomplatforms te sien is nie. Daar is ook programme wat jy nie durf misloop nie en tans net aanlyn uitgesaai word. • Marvelous Mrs Maisel komedie, seisoen 1-3, 2017-2019, Amazon Prime. • Good Omens fantasie, seisoen 1, 2019, Amazon Prime. • Tom Clancy’s Jack Ryan aksie, seisoen 1 en 2, 2018-19, Amazon Prime. • Queen Sono aksie, seisoen 1, 2020, Netflix. • Babies dokkie, seisoen 1, 2020, Netflix. • The Dark Crystal fantasie, seisoen 1, 2019, Netflix. •Black Mirror sci-fi, seisoen 1-5, 2011-2019, Netflix. • Somizi & Mohale: The Union realiteit, seisoen 1, 2020, Showmax. • Lockdown drama, seisoen 5, 2019, Showmax. • What We Do In The Shadows komedie, seisoen 1, 2019, Showmax.…

By tvplus kyk ons ongelooflik baie televisie. En al hou ons dalk nie van alles nie, doen ons ons bes om elke program ’n regverdige kans te gee. Maar dis nie als werk nie. Ons raak diep verknog aan reekse. Stroomdienste laat ons toe om na hartelus te kettingkyk, en ons gunsteling-programme in te pas by al die regstreekse TV-kykery wat ons professioneel doen. Ons kan agteroor sit met ’n lekker opfrissertjie nadat ons intense dramas en rillers oor donker temas gekyk het. En soms kan ons afskakel en net ’n oomblik geniet wanneer ons kniediep in seisoen 4 van ’n reeks vol kinkels is met 40 verskillende sleutelkarakters. Hier is waarna tvplus kyk vir pret (benewens al die wonderlike Afrikaanse inhoud op kykNET en VIA) . . . TVPLUS…

Weekdae kykNET & kie (*145) 18:30 Weekdae M-Net-dek. 17:30 H Weekdae kykNET (*144) 23:00 H Weekdae kykNET & kie 14:00 VERLEDE KEER Wade het in sy dronkenskap Zoe en Tim se trou-onthaal versuur, die waarheid oor Nazeem en sy konneksie met die Jacobse het uitgekom, en Quinton se geskenk het wrywing tussen Kate en Michelle veroorsaak. 25 – 27 MAART Lee-Ann neem ’n dapper besluit oor die skokaantygings, maar Bridgette is nie beïndruk nie. Justin sukkel om ’n nuwe verhouding met sy pa Willem te bou, Lee-Ann voel skuldig oor van haar besluite, Justin het genoeg gehad van sy pa se manipulasie, en ’n nuwe krisis staar die Jacobs-gesin in die gesig. 30 MAART – 3 APRIL Quinton het sy hande vol wanneer sy maat kom kuier, Junaid raak nuuskierig…

Weekdae op M-Net-dek. 16:30 H Weekdae kykNET (*144) 23:30 H Di.-Vr. kykNET 08:30 O Sa. M-Net-dek. 06:00 O Sa. kykNET 09:30 VERLEDE KEER Steve se lewe was in gevaar nadat hy deur Jerry ontvoer is, Elana het probeer om nie die operasie op Tim te doen nie, en Maya het gesukkel om by die Binneland-kliniek aan te pas. 25 – 27 MAART Rian is woedend wanneer ’n dagvaarding op hom bestel word, en Greeff het sy eerste sessie met Liezl. Tracy se leuens begin haar inhaal. Jacques voer sy manipulasie een stappie verder, en Tertius wil Greeff laat erken dit wat almal reeds weet. Jacques gee Tracy ’n opdrag, en Quinton gaan gebuk onder emosionele spanning. 30 MAART – 3 APRIL Tertius maak voorbrand vir Rian en beskuldig Annelize van…

H Weekdae e.tv (*194) 12:00 H Weekdae eExtra (DStv *195/Openview *105) 13:15 O Saterdae e.tv 09:30 VERLEDE KEER Boniswa en Tshepo het ’n dooiepunt bereik, Caiphus en Gloria het vrede gemaak, Neo en Sheila het teruggekeer, en Yvonne het pleegouers vir Tebello benodig. 25 – 27 MAART Mthunzi skilder ’n rooskleurige prentjie vir sy toekoms met Thembeka, maar sy kritiseer hom. Die Langas herenig, Grace bring Romeo op hoogte van die onlangse agterdogtige bedrywighede by Thebe Langa, en die spanning broei tussen Neo en Sheila. Yvonne gee die eerste treë op ’n senutergende nuwe pad. 30 MAART – 3 APRIL Boniswa sonder Chumani af om hul geheime so te beheer. Romeo, Xolile en Boniswa bespreek iemand wat moontlik die maatskappy kan saboteer, en Mthunzi kry ’n waarskuwing. Neo se skuldige…

Die hardwerkende onderwyser Sthoko (Innocent Sadiki) kan nie in die personeelkamer stap sonder om te hoor hoe haar kollegas oor haar skinder en onbeleefde kommentaar lewer nie. “Hulle is oortuig daarvan sy het ’n affair met haar vriend, Alfred (Putla Sehlapelo), die getroude onderhoof,” sê Innocent. Vir Sthoko se kollegas is daar nie so iets soos jou “man by die werk” nie, ’n vriend wat so na aan jou is soos jou man, maar by die werk. Hulle meen Sthoko en Alfred is hopeloos te verknog aan mekaar om “net vriende” te wees, sê Innocent. “Sthoko en Alfred is altyd saam. Dis moeilik om nie te vermoed iets is aan die gang nie. Hulle is so gemaklik in mekaar se geselskap dit kan verkeerdelik gesien word as ’n vonk,” voeg…

H Weekdae SABC2 (*192) 13:30 O Sondae SABC1 (*191) 12:00 VERLEDE KEER Thulani het opgedaag en beweer hy is Ma­Mlambo se seun, Qhabanga het van Gabi probeer ontslae raak, en Sbu het ’n groot leuen voorgehou om ’n punt aan Fikile te bewys. 25 – 27 MAART Thulani stel voor hoe hulle met die polisiehoof, Lilly, kan afreken, en MaNgcobo staan haar man voor Mondli. Mazaza weet waar Gabisile se lyke begrawe is en sy is gereed om dié inligting te gebruik om te kry wat sy wil hê. Sibonelo swig onder druk en stem in om iets verskrikliks te doen, en Fikile gebruik Nonka om kliënte na die salon te lok, maar Sbu bederf Fikile se groot oomblik. 30 MAART – 3 APRIL Lilly sien deur Njeza se bewerings,…

H Weekdae e.tv (*194) ná die fliek om 00:00 VERLEDE KEER Zeynep is onkant gevang oor haar verhouding met Emir, Asu het haar verloofde, Kemal, gesoebat om by haar te bly, en Leyla wou antwoorde hê by Ayhan. Kemal het nie geweet hoe naby hy aan Deniz se geheim gekom het nie, Kemal het Zeynep probeer help, en Tarik het ’n betekenisvolle ontdekking gemaak. 25 – 27 MAART Galip is geskok om te hoor iemand ontwaak uit ’n koma en kan die waarheid oor ’n aanval vertel, en Kemal sukkel om Nihan te vergewe dat sy hom nie van Deniz vertel het nie. Asu het Nihan se motor gesaboteer, wat ’n ernstige ongeluk veroorsaak het, en sy beland in die hospitaal. Almal probeer Kemal oorreed om nie die waarheid te…

Weekdae eExtra (DStv *195/Openview *105) 22:30 H Weekdae e.tv (*194) 12:30 O Saterdae e.tv 11:20 VERLEDE KEER Sibongile het Themba afgesê, MaNdlovu het haar seuns vertel waarom hul bloedlyn vervloek is en hul pa gesterf het, en pastoor Ndamase se alkoholisme het op die lappe gekom. 25 – 27 MAART MaNdlovu smeek Phakade om te help soek na die voorvaders se sak nadat die voorvaders ’n offer eis. Ngcolosi moet Phunyuka by die hospitaal teëhou nadat Nkululeko en Zethu in ’n ongeluk betrokke is. MaZulu let op Thokozile is meer geïnteresseerd in Ngcolosi as in haar seun, Nkululeko, se welstand, en pastoor Ndamase onderneem om ter wille van Khanyo te verander. 30 MAART – 3 APRIL MaKhumalo voer rituele uit om die Bhengu’s van die vloek te bevry, en MaNdlovu…

H Weekdae e.tv (*194) 11:30 VERLEDE KEER Speurder Madikgetla het steeds met Suffocate uitgegaan selfs nadat sy ontdek het hy is ’n moordenaar. Mzi het homself gedistansieer van sy nuwe vrou, Reneilwe, nadat hy van haar leuens oor die miskraam uitgevind het, en Fats het aanlyn afsprake beproef. 25 – 27 MAART Renei se wanhoop om ’n baba te hê, stoot haar oor die afgrond, en Puleng is nie beïndruk wanneer sy hoor haar bestie, Madikgetla, steek geheime weg nie. Sabelo is oorweldig deur die 68-bende se jongste eise, en Jafta skryf in vir die Lonely Hearts-afspraakkompetisie. Sabelo se lewe is in gevaar omdat sy bende hom oral soek, en Renei kan nie meer haar afperser betaal nie. 30 MAART – 3 APRIL Die wenners van Lonely Hearts is verstom…

H Weekdae 1Magic (*103) 23:30 & 10:30 O Saterdae 1Magic 17:00 O Sondae 1Magic 09:30 VERLEDE KEER Cobra se misdadigheid en leuens het hom weer ingehaal, die band tussen Lindiwe en Zolani is bedreig deur hul teenstellende sienings van Itumeleng, en die Mokoenas treur steeds oor Malefu se skielike dood. 25 – 27 MAART Tumi is gereed om die verlede te vergeet en aandag te skenk aan die heropbou van haar gebroke verhouding met haar ma, Lindiwe, en die oudgevangene Mabutho is oorgehaal om met Cobra af te reken ná sy verraad. Tumi se los tong laat haar in die moeilikheid beland, en Mabutho neem op ’n wrede manier wraak op Cobra. Tumi se erkentenis spook by haar net toe dinge begin goed gaan, en Cobra waag sy lewe wanneer…

• The Orville seisoen 2, sci-fi. Kettingkyk op Showmax vanaf 30 Maart. • Press seisoen 1, drama. Kettingkyk op Showmax vanaf Maart. • Brooklyn Nine-Nine seisoen 6, komedie. Kettingkyk op Showmax vanaf Maart. • The Planets seisoen 1, dokkie. Kettingkyk op Showmax vanaf Maart. • Westworld seisoen 3, sci-fi. Nuwe episodes Woensdae ná uitsendings Maandae op M-Net (*101) om 22:00. • Noughts And Crosses seisoen 1, sci-fi. Nuwe episodes Donderdae ná die M-Net-uitsendings om 22:05. • Gomora seisoen 1, telenovelle. Nuwe episodes weekdae vanaf Maandag 30 Maart, ná die uitsendings op Mzansi Magic (*161) om 19:30. • I’m Sorry seisoen 1, komedie. Kettingkyk op Showmax vanaf 30 Maart. • Hackerville seisoen 1, riller. Duitse en Engelse onderskrifte. Kettingkyk op Showmax vanaf Maandag 30 Maart.…

QUANTICO VODACOM VIDEO PLAY| 2015-2018 | AKSIE | SEISOEN 1-3 | BEGIN APRIL Die oud-FBI-nuweling Alex Parrish (Priyanka Chopra) probeer haar onskuld bewys nadat sy vir verraad gearresteer is. Maar om goed te lieg, is net deel van die werk by die CIA en FBI. • Lees meer op bl. 28 oor Video Play. MARY KILLS PEOPLE VODACOM VIDEO PLAY| 2017 | DRAMA | SEISOEN 1 EN 2 | BEGIN APRIL Dr. Mary Harris (Caroline Dhavernas) is bedags ’n dokter en saans die doodsengel. Sy het ’n geheime kliniek om dié met ongeneeslike siektes met selfdood te help! SUPER STROOMKANAAL VIR SEPIES VIU | 2020 | PLAASLIKE SEPIES | LOPEND Sommige van Suid-Afrika se gunsteling-sepies word nou gratis op die VIU-diens se oop platform gestroom. ’n Mens kan die vorige…

Woensdag KINGDOM TERUG NÁ RUSKANS! Seisoen 2 e.tv (*194) 22:00 Episode 11 (drama) 25 Maart Alvey is ’n bron van groot aanhalings in hierdie episode insluitend die klassieke kommentaar oor Jay en Ryan se komende geveg: “Die sterkes doen wat hulle kan en die swakkes ly wat hulle moet.” Maar wie is in Jay en Ryan se geval sterk, en wie is swak? • Lees meer op bl. 19. PRODIGAL SON Seisoen 1 M-Net (*101) 21:00 Episode 5 (aksie) 1 April Ons kry ’n interessante kykie in Malcolm se gedagtes wanneer hy ’n droom het kort nadat hy aan ’n dwelmmiddel blootgestel was. Dat hy in sy droom sy pa se klere aangehad het, is interessant . . . en ’n bietjie kommerwekkend. Donderdag STILL BREATHING Seisoen 1 M-Net (*101) 20:10…

Forti Mazzone Die aanbieder van kosinsetsels is die sjef by Forti Grill And Bar-restaurant in Sandton. Hy vertel kykers meer van die kuns van kosmaak. Gerard Scholtz Hy is ’n reisjoernalis en een van die streekaanbieders wat reisstories uit die Kaap aanbied. Jawaahier Petersen Sy is een van twee aanbieders van insetsels oor boeke en is bekend vir haar rol as Kaashifa in Suidooster (2015-nou, lees meer op ble. 22 en 23). Sy vertel van die uitmuntende boeke wat sy raakloop. Leon van Nierop Die fliekaanbieder is ’n gesoute rolprentresensent en lig kykers in oor flieks wat nie misgeloop mag word nie. Marliza van den Berg Nóg ’n streekaanbieder. Sy is ’n joernalis en lig kykers oor stories uit die Tuinroete in. Piet Matipa Die kunsaanbieder is ’n rubriekskrywer en…

H Di.-Do. kykNET & kie (*145) 11:00 O Sondae kykNET & kie 16:00 VERLEDE KEER Lionel het die dood net-net vrygespring, Steve het hom voorberei om sy pa se oorskot te laat opgrawe, Beatrice het die situasie tussen Thys en Ronel vererger en Janice het per ongeluk ’n geheim verklap. 25 MAART Hein gaan uit sy pad om sy seun se stokperdjie te ondersteun, Monique veroorsaak groot moles by die huis, en Daniel is geskok wanneer hy uitvind Laetitia het iemand met klippe aangeval. 30 MAART – 1 APRIL Beatrice oorweeg dit om Maurice nog ’n kans te gee, maar sy is nie so seker of die skoolbeheerraad dit sal toelaat nie, en Steve is besig met plannetjies. Intussen besluit Monique sy wil by Bompie slaap. Janice en Steve is…

H Weekdae e.tv (*194) 09:30 VERLEDE KEER Stefano het uit sy tronksel verdwyn, Hope en Eric het Hattie se saak ondersoek, Maggie het Deimos gesoebat om sy gevangenes vry te laat, en Andre het Sonny ontvoer. 25 – 27 MAART Ciara en Claire stry omdat Claire nie David se begrafnis wil bywoon nie. Kate is vies vir Eduardo omdat hy Andre gehelp het om Sonny te ontvoer. Julie ontmoet Eli by die begrafnis. 30 MAART – 3 APRIL Nicole pleit by Chloe om haar baba terug te gee, Rafe en Hope het ’n romantiese aand, en Sonny wil Deimos opvolg. Brady vertel Nicole Eric is uit die tronk, Anne sê vir Chloe sy het gevoelens vir Lucas, en Chad keer dat Dario Deimos aanval. Jennifer bied Eric ’n werk by…

H Weekdae SABC1 (*191) 09:30 H Weekdae SABC2 (*192) 14:00 VERLEDE KEER Rachel en Marothi se huwelik was op die rotse nadat sy by die hospitaal begin verpleeg het, en Lelo het geknoei om Vivian gyselaar te hou. 25 – 27 MAART Marothi se onsekerheid oor sy huwelik vergroot, en Lelo se obsessie om van Vivian ontslae te raak, stoot Lehasa weg. Die skoolhoof se eise plaas Alfred en Sthoko in ’n ongemaklike posisie, en Marothi en Rachel se huis is ’n slagveld. Lelo gaan uit haar pad om Lehasa se neutefabriek te red, en Alfred en Sthoko maak vrede. Oom Phomolo probeer Lehasa oortuig om Lelo af te sê. 30 MAART – 3 APRIL Die skoolhoof is oortuig haar kollegas Sthoko en Alfred het ’n affair, en Rachel staan…

BOLD Sally is agterdogtig oor Katie wanneer Katie iets laat glip. Sally word onkant betrap wanneer Wyatt ’n verstommende voorstel maak en is heeltemal onbewus daarvan dat hy weet sy is sterwend. Die gemene Thomas probeer intussen om Hope jaloers te maak deur sy troue met Zoe te vervroeg, en Hope wend haar in haar uur van nood tot Liam vir vertroosting ná ’n aaklige konfrontasie met Thomas. Carter tree in en waarsku Zoe om versigtig te wees vir Thomas, want sy kan beter doen as hy, en dat hy ’n obsessie het met Hope. Die duiwel is los wanneer Thomas se web van leuens uitmekaar begin val. DAYS Dit is dalk Ben se laaste dag op aarde wanneer als gereed is vir sy teregstelling, maar sy familie het nog…

H Weekdae eExtra (DStv *195/Openview *105) 11:49 O Saterdae eExtra 15:20 VERLEDE KEER Zeynep het aan Cem gesweer sy het nie meer kontak met Alihan nie, Ender is gevra om in te gryp tussen Halit en Zehra, en Zeynep het haar werk bedank op dieselfde tyd toe Emir probleme veroorsaak het. 25 – 27 MAART Hira se openbaring ontstel Zeynep, maar Zeynep het haar eie geheime om te deel. Yildiz het ’n finale antwoord vir Kemal, en Halit se aandag is tydens ’n modeparade op sy eksvrou gerig. Halit en Yildiz gee voor hulle is ’n gelukkige paartjie, en Hira se woede oor Zeynep en Alihan kook oor. Ender vertel Zehra die waarheid oor Yildiz en Kemal se verlede saam. 30 MAART – 3 APRIL Alihan en Zeynep is onseker…

H Wo.-Vr. SABC2 (*192) 13:00 O Saterdae SABC2 11:00 VERLEDE KEER Thandeka het seker gemaak Kabe en Nolo se nuwe pa-seun-band hou nie, Cebile se 16de verjaardagpartytjie is bederf, en Pabi het haar vroetelpappie, Brian, afgesê, om met die arm Nolo uit te gaan. 25 MAART Patricia is bly haar dogter Cebile het haar kêrel Thabang, wat haar verkul, gelos, en Nolo gee sy vriend ’n hartaanval toe hy onthul met wie hy uitgaan. Nkosana maak ’n paar beloftes wat hy weet hy nie sal kan nakom nie. 30 MAART – 1 APRIL Senzo maak dit duidelik aan sy vrou, Thandeka, hy gaan haar nie vergewe omdat sy by sy nemesis, Trevor, geslaap het nie. Trevor het al Senzo se korrupte sakeooreenkomste aan die kaak gestel. Pabi sê Nolo af…

R Daily Telemundo (*118) 23:50, 02:20 WAAROOR GAAN DIT? Catalina Marin word vasgevang in ’n stryd met die magtige La Diabla-familie, maar sy het ook persoonlike probleme om op te los – haar man verkul haar, en sy wil hom dood hê. In ’n tydsprong is Catalina in die tronk en sy sweer wraak teen dié wat haar agter tralies laat beland het. 25 – 29 MAART Die Marin-gesin verloor hul huis, maar Ximena en Vanessa bied hulle blyplek aan. Catalina word uit die tronk vrygelaat en begin werk as ’n prostituut om genoeg geld vir ’n huurmoordenaar te verdien om Diabla en Daniela te vermoor. Jotica kry ’n klomp geld van ’n naamlose skenker om die Marin-huis te help herbou, en Daniel word daarvan beskuldig dat hy ’n kokaïen-laboratorium…

H Weekdae e.tv (DStv *194/Opeview *104) 13:30 O Sondae eExtra (DStv *195/Openview *105) 11:50 VERLEDE KEER Modise het op sy werk probeer fokus pleks van op sy private lewe, Itumeleng se aandag was nie by sy werk nie, en Angie het Jack probeer oortuig om stil te bly oor hul verhouding. 25 – 27 MAART Marang is ontsteld wanneer Zintle nie terugkeer huis toe nie, en Itumeleng het ’n verrassende aankondiging tydens sy inhuldiging. Jack is jaloers wanneer hy uitvind Angie het die aand by die Van Reenens deurgebring, Maxine se emosies is buite beheer, en Jack stort in die openbaar ineen. Zintle lieg vir Marang, en Jack raak paranoïes oor Tristan en Angie se ál hegter vriendskap. 30 MAART – 3 APRIL Maxine is op die oorlogspad en dreig…

Woensdag 25 Maart Donderdag 26 Maart Vrydag 27 Maart Saterdag 28 Maart Maandag 30 Maart Dinsdag 31 Maart Woensdag 1 April Donderdag 2 April Vrydag 3 April Saterdag 4 April Maandag 6 April Dinsdag 7 April…