Innholdsfortegnelse for 2/26/2020 i TV Plus Afrikaans

Ek het ’n bekentenis om te maak: Dis tans ’n gesukkel om soveel TV te kyk as wat ek moet. Dit was nog altyd ’n uitdaging om by al die programme en sepies uit te kom, maar dit voel deesdae onmoontlik. Die probleem? My baba! Sy is nou amper 9 maande oud en ek kan net nie meer iets kyk sonder dat haar ogies vasgenael na die skerm staar nie. Waar ek gewoonlik sommer in die middag programme soos American Gods of Supernatural gekyk het om ’n bietjie op my kyklys in te haal, kan ek dit nie doen met haar oë en ore wat niks mis nie. Al kyk ek rustiger programme of sepies, voel ek steeds die inhoud is nie heeltemal geskik vir haar nie en voor ek…

H Di.-Sa. kykNET (*144) 09:00 H Weekdae kykNET 22:30 VERLEDE KEER Schalk het uitgevind Jana ondersoek Gideon se dood, Kristien en Jean se affair het intens geraak, en die pompons was opgewonde oor hul Valentynsdag-kompetisie. 26 – 28 FEBRUARIE Mia het groot planne met Bart, Maryke is bekommerd oor Bibi wat haar aandele wil verkoop, en Jana wil ’n artikel oor haar ontvoering skryf. Simon besef Renate verwyt hom steeds oor die verlies van hul kind. Buys veroorsaak spanning tussen Bibi en haar vriendinne, en ’n nadoodse ondersoek word op Gideon se lyk uitgevoer. 2 – 6 MAART Amanda gee Reitz waardevolle insig in homself, Simon en Renate se onenigheid bereik ’n hoogtepunt, en Bart is in sy skik met sy nuwe status by die Stryders. Die besonderhede oor Gideon…

Die paramedikus Danny Jantjies (Bradley Olivier) is nie baie trots op sy familie en die onderduimse praktyke waarby hulle betrokke is nie. Tim Jantjies (Leslie Fong), Danny se pa, is ’n bendebaas met verskeie verbintenisse. Maar waar pas Danny se ma, Vida Jantjies (Vinette Ebrahim), in? Tot dusver was daar nie veel oor haar bekend nie, maar dit verander wanneer sy onverwags haar verskyning in Pretoria maak. Sy het haar eie agenda en Tim is haar teiken. En intussen probeer sy ook weer haar seun se vertroue wen. VIDA SIEN ROOI Terwyl Vida en Danny probeer om hul ma-seun-verhouding te verbeter, hoor Danny sy pa is geskiet. “Danny is geskok wanneer kapt. Botha (Johan Baird) hom van die skietery vertel. En dit word gou duidelik Tim het heeltemal beheer oor…

Weekdae op M-Net-dek. 16:30 H Weekdae kykNET (*144) 23:30 H Di.-Vr. kykNET 08:30 O Sa. M-Net-dek. 06:00 O Sa. kykNET 09:30 VERLEDE KEER Susanna en At het koppe gestamp oor Kallie se boedel, Tertius is in hegtenis geneem, Okkie het Wimpie iets gegee om oor na te dink, en Chanel het besef haar pa meng by haar lewe in. 26 – 28 FEBRUARIE At besef waarom Susanna sy aanbod van die hand gewys het, Tracy vertel Hugo ontstellende nuus, en Danny hou Vida in die duister. Steve se koppigheid frustreer Elana, en Jerry voel bedreig en ontstel Vida met nuus oor Tim. Steve wys sy waardering vir Elana, en Jerry probeer Vida oortuig wat met Tim moet gebeur. 2 – 6 MAART Hugo moet slegte nuus oordra, Vida kan die…

H Weekdae e.tv (*194) 09:30 VERLEDE KEER Hattie het Hope gehelp om uit die tronk te ontsnap en Eric het haar onder sy beskerming geneem, en Nicole is gearresteer nadat sy ’n sluipmoordenaar gesteek het. 26 – 28 FEBRUARIE Andre laat sink ’n boot van die Kiriakis-vloot, en lt. Raines beveel JJ en Lani om die jongste Di-Mera-Hernandez-Kiriakis-twis te ondersoek. Nicole praat met Daniel se spook, en Chloe erken teenoor Maggie en Victor Holly is Nicole en Daniel se dogter. Justin betaal Nicole se borgtog, en ’n fortuinverteller voorspel ’n troue in Patch en Kayla se toekoms, maar ook vuur en ’n feniks. 2 – 6 MAART Eric loop Jennifer raak terwyl hy by die hospitaal medisyne vir Hope steel. Jennifer het ’n nuwe kollega by die Spectator: haar ou…

H Weekdae SABC1 (*191) 08:30 O Saterdae SABC1 11:00 VERLEDE KEER Dr. Nico het belowe om Zitha se geheime vir haar geliefdes te verberg, Jack het sy vertroueling, Captain, gestuur om Tshidi en sy seun te soek, en Palesa wou haar ma se skuld delg. 26 – 28 FEBRUARIE Zitha bekruip Jack om hom te keer om verder na Tshidi te soek, en Palesa twyfel of sy nog ’n nag saam met die boef Gadaffi moet deurbring. Crazy J se fotosessie is ’n ramp, en Boipelo het gevoelens vir Cosmo. Palesa kan nie haar vriende in die oë kyk nadat sy en Gadaffi seks gehad het nie, en dr. Nico se openbaring verstom Zitha. Lucy waarsku Fikile om nie deur Gadaffi se persoonlike goed te snuffel nie, en Mpho is…

H Weekdae e.tv (*194) 12:00 H Weekdae eExtra (DStv *195/Openview *105) 13:15 O Saterdae e.tv 09:30 VERLEDE KEER Mthunzi en Thembeka het saamgespan om Thebe-Langa te infiltreer en Quinton terug te wen, MaBetty het gesterf, en ’n skare het gedreig om Gloria se huis af te brand nadat Kgosi aan die kaak gestel is. 26 – 28 FEBRUARIE Yvonne deel haar kommer oor Tebello se pa, Nare, met Lerumo, en Neo spoor Lerumo aan om Yvonne te oortuig om nie op haar bootreis te gaan nie. ’n Bekentenis ruk die Legae-huishouding, en Phindi konfronteer ’n misdadiger. Vincent mislei Stokkies oor sy spioenwerk, en Mthunzi is verras wanneer hy ontdek hy vind aansluiting by sy nuwe sakevennoot. 2 – 6 MAART Yvonne kan haarself skop en rig ’n dreigement, en Timmy…

BOLD Hope soek troos in Thomas se arms oor haar verbreekte verhouding met Liam, en Thomas oorreed Steffy om stil te bly oor die voorgeesoen met Liam. Quinn dokter Brook se sap met drank nadat Brooke met haar baklei omdat sy Shauna in die herehuis laat bly, en Eric skop Shauna uit. Thomas en Quinn bespreek hoe om van Brooke ontslae te raak, en Quinn en Brooke het ’n hewige argument. Sally maak ’n afspraak by die dokter om haar simptome te bespreek, en Quinn dring by Wyatt aan om met Flo te trou hoewel hy nog aan Sally verloof is. DAYS Brady en Kristen besoek hul dogter se graf, Sonny en Evan het seks, en Will vind uit Victor het hom skuldig laat lyk. Patch/Stefano hoor hoe Anna behom…

H Ma.-Do. VIA (*147) 23:00 O Saterdae VIA 00:30 VERLEDE KEER Cihan en Dilara se stryery het handuit geruk, Rhami het Gülseren se projek gesaboteer, en Cihan het Cansu gevra om ’n band met Gülseren te smee. Dilara het Hazal na ’n ete in hoë sosiale kringe geneem, en Keriman het aangebied om Özkan se borgtog te betaal. 26 – 27 FEBRUARIE Özkan besef hoe groot sy liefde vir Gülseren is en besluit om na Cansu se skool te gaan om Gülseren se dogter te ontmoet. Rhami vind uit Alper het Cihan geskiet en hy slaan Alper byna dood. Gülseren verloor haar werk en is haweloos. 2 – 5 MAART Cihan is buite homself van woede wanneer hy uitvind Özkan het na Cansu se skool gegaan om haar te ontmoet,…

H Wo.-Vr. SABC2 (*192) 13:00 O Saterdae SABC2 11:00 VERLEDE KEER Henrietta is weens Cebile se optrede in die pad gesteek, Kabe het besef hy kan nooit weer vir Senzo, sy vriend uit sy kinderdae, vertrou nie, en Moipone het vir haar dogter, Pabi, gelieg oor Nolo wat by haar aangelê het. 26 FEBRUARIE Tselane is versigtig vir ’n teenreaksie wanneer sy meer hoor van Senzo se eiendomsontwikkeling in Alexandra-township, en Laiken probeer Nkosana se spandabelrigheid beheer. Pabi is bewus haar ma het vir haar gelieg, maar gee haar oor aan Nolo. Hy gaan egter haar skelmpie bly: Sy het Brian se geld nodig, en hy sal dus haar hoofkêrel bly. 2 – 4 MAART Thandeka se stres vermeerder wanneer sy besef Nolo gaan sy regte pa, Senzo, vind. Zano…

H Weekdae 1Magic (*103) 23:30 & 10:30 O Saterdae 1Magic 17:00 O Sondae 1Magic 09:30 VERLEDE KEER Lindiwe is depressief ná haar dogter Mbali se begrafnis, onbewus daarvan dat haar ander dogter, Itumeleng, Mbali se dood veroorsaak het. Cobra se vriende het hom die rug toegekeer, en Itumeleng verwyt haarself steeds oor Mbali se dood. 26 – 28 FEBRUARIE Zweli en die res van die Dikana-gesin is bekommerd oor Lindiwe se obsessie om Mbali se moordenaar te ontmasker, en ’n openbaring laat Cobra se lewe verder verbrokkel. Die Mokoenakinders is ontredderd wanneer hulle van ’n geliefde se dood hoor, en Zolani verloor sy humeur wanneer hy toegang geweier word tot veiligheidsopnames van die dag waarop Mbali dood is. Itumeleng se optrede spook by haar, en Lindiwe hou haar gesin op…

Indien jy ’n aanhanger is van onkonvensionele programme wat nie heeltmal by die boek hou nie, kan jy dié polisieprogramme stroom. • Broadchurch (2013-2017, seisoen 1-3 op Netflix) • Fargo (2017-nou, seisoen 1-3 op Showmax & Netflix) • Kriminele Meesterbrein (2012, seisoen 1 op Showmax) • Luther (2015-nou, seisoen 1-5 op Showmax) • Mindhunter (2017-nou, seisoen 1-2 op Netflix) • Rig 45 (2018, seisoen 1 op Showmax) • Sherlock (2010-nou, seisoen 1-4 op Netflix) • The Wire (2002-2008, seisoen 1-5 op Showmax)…

Die ses bekende gesigte wat dié seisoen deelneem, is geen vreemdelinge nie indien jy ’n groot TV- en sosiale media-aanhanger is. Kay Sibiya voorheen Ayanda in Uzalo (2015-nou) en Kwanele in The Queen (2016-nou) en Blaze in Agent (2019) op Netflix. Bouwer Bosch YouTuber, komediant en die voorsanger vir Glaskas en Straatligkinders. Ntando Duma voorheen Zinzi in Rhythm City (2007-nou), oud-aanbieder van die leefstylprogram TMI (2019-nou) en eks-Craz-e-aanbieder (1990’s-nou). Nadia Jaftha regisseur van die handelsmerk Strada Chic, sosiale media-ster, eienaar van Birdline Blog. Siphesihle Vazi voormalige aanbieder van Selimathunzi (1990’s-nou) en Mthoko in die drama Makoti (2019). Simphiwe Ngema Muvhango (1997-nou) se eks-Thuli en eks-Buhle in The Queen.…

Tim is ’n arrogante man. Ek het nog nooit in enige sepie gesien iemand kan so ’n tweegesig wees nie. Hy vat die koek. – ALET, FACEBOOK Sy karakter walg my. Sy storielyn moet verander. – CHRISTI, SMS Hy is so irriterend! – DESKEA, FACEBOOK Ek het absoluut geen tyd of respek vir Tim nie. – DAANTJIE, FACEBOOK Dis tyd vir hom om die sepie te verlaat. Hy het sy vervaldatum bereik. – SUSAN, FACEBOOK Hy verdien ’n snotklap. Hy is eintlik vervelig. – HELEN, FACEBOOK Praat van ’n sluwe slak en ’n seekat. Hy is die tornado wat Tafelberg omwaai. – MEEMO, FACE-BOOK…

Deur dik en dun, komplotte, sondes en moord, kan die inwoners en gaste in Scandal! (2005-nou, lees meer op bl. 24) se Newtonian Hotel op een man staat maak om hul pel te wees. Die veeltalige hotelbestuurder Timmy (Charlie Bouguenon) se besorgdheid en vermoë om skinderstories uit te snuffel en stilletjies in die kiem te smoor het hom van onskatbare waarde gemaak. En as kykers hou ons van enigeen wat Yvonne (Kgomotso Christopher) waarsku om nie weg te gaan en op ’n toerskip te gaan werk nie, want dit kan sink. Charlie het, nes Timmy, sy oog op alles, veral op TV . . . Wat was die eerste TV-program wat jy kamma-kamma saam met jou vriende gespeel het? Die eerste karakter wat ek onthou wat ek by die kleuterskool…

Vinette (62) sê sy is in ’n baie beter gemoedstoestand sedert sy verlede jaar in die pad gesteek is by die sepie 7de Laan (2000-nou), waar sy vir 19 jaar die rol van Charmaine Meintjies vertolk het. “Dit was ’n moeilike tyd vir my, juis omdat ek so sleg behandel is. Maar sedert ek by Binnelanders betrokke geraak het en aan ’n plaaslike rolprent gewerk het, het dinge beter begin gaan. Ek het besef daar is wel nog mense in die filmbedryf wat jou met respek en deernis behandel.” Vinette gaan vir sowat ses weke op die kassie te sien wees as Vida. “Dis heerlik om nuwe rolle op TV te speel, en ek is dankbaar vir die geleentheid.”…

H Weekdae eExtra (DStv *195/Openview *104) 11:40 O Saterdae eExtra 15:20 VERLEDE KEER Ender se modeparade het in ’n ramp geëindig, Zehra was in ’n geldelike nood, Erim het ’n mediese noodgeval gehad, en Halit het getwyfel oor Yildiz se ware voornemens. Ender en Caner is uit die herehuis geskop. 26 – 28 FEBRUARIE Zeynep kry ’n nuwe werk, en Halit en Zehra maak vrede. Alihan snuffel in Zeynep se verlede, en Ender en Zehra het nuwe respek vir mekaar. Yildiz se lewe is in gevaar, en Zeynep is beïndruk met haar nuwe werkgewer. Hakan kry ’n projek om aan te werk, en Yildiz probeer ontsnap van die mense wat haar gevange geneem het. Caner begin sy eerste dag by die werk, en Alihan probeer keer dat Cem en Zeynep…

H Weekdae SABC2 (*192) 13:30 O Sondae SABC1 (*191) 12:00 VERLEDE KEER Khehla het verdwyn en sy ma, Nomcebo, het in KwaMashu aangekom om na hom te soek, en die nuweling Mpume het van Sbu begin hou. 26 – 28 FEBRUARIE MaNgcobo se liefde is aan die afneem en sy doen iets afstootliks. Sbu ignoreer Fikile se jaloerse gegrom, maar Mpume dreig om hul standvastige verhouding te skud wanneer sy hofmakery aan Sbu duidelik word. Gabisile vlug ná haar ontdekking, en Lilly is oorgehaal om die saak van Khehla se verdwyning op te los. 2 – 6 MAART Khathaza spook uit sy graf by ’n vyand, en MaNgcobo pak die bul by die horings op ’n nuwe interessante manier. Zekhethelo besef hoe baie haar stiefma haar pa, Nkunzi, verafsku, en…

H Weekdae SABC1 (*191) 08:00/SABC3 (*193) 11:00 O Sondae SABC3 09:30 VERLEDE KEER Marius het Lalage, met wie hy voorheen ’n kort verhouding gehad het, op Valentynsdag na sy hotelkamer genooi, Sibiya het sy ontmoeting met Cebisa gekanselleer toe sy vrou, Patience, onverwags by The Deep opdaag, en Mayekiso het geboet omdat hy Lincoln verraai het. 26 – 28 FEBRUARIE Sibiya is sprakeloos wanneer sy vrou, Patience, en sy minnares, Cebisa, mekaar ontmoet, en twee geswore vyande maak oorlog in Horizon Deep. Marius en Lalage bewys die vonk in hul romanse is steeds daar, en Lincoln wil Mayekiso vernietig. Patience is bekommerd oor haar huwelik ná ’n slegte droom, en Marius en Lalage kan nie hul gevoelens vir hul familie en vriende verberg nie. Sibiya se ontrouheid bedreig sy lewe…

H Weekdae e.tv (*194) ná die fliek om 00:00 VERLEDE KEER Galip is in hegtenis geneem, en Emir het die waarheid oor sy ma se gesondheid gehoor. Kemal het kleinkoppie getrek op sy troudag, en Nihan het haar verhouding met Kemal probeer beëindig nadat hy sy verlowing aan Asu verbreek het. Galip het Ayhan in hegtenis laat neem, Zehir het iets ontstellends ontdek, en Tufan was in groot moeilikheid. 26 – 28 FEBRUARIE Kemal kom al hoe nader aan die waarheid oor Asu se biologiese ouers, en Nihan vind dit moeilik om te aanvaar dat Kemal en Asu weer verloof is en dat hul troudag so naby is. Emir pers Asu af, en Nihan vind uit Zeynep was in Ozan se kamer op sy sterfdag. 2 – 6 MAART Zeynep…

Weekdae eExtra (DStv *195/Openview *105) 22:30 H Weekdae e.tv (*194) 12:30 O Saterdae e.tv 11:20 VERLEDE KEER Khemisi het MaNdlovu afgepers, ’n romanse het tussen Nkululeko en Zethu begin, en Themba het sy kind van Lindiwe geëis. 26 – 28 FEBRUARIE MaNdlovu verdwyn nadat die voorvaders haar geroep het, Macingwane verseker die Bhengu’s sy gaan terugkeer, en kaMadonsela spoor Phakade aan om Khemisi se boks met die snaakse reuk weg te gooi. Ngcolosi probeer Nkululeko waarsku om nie met Zethu uit te gaan nie, en Lindiwe is vreesbevange wanneer sy Themba betrap wat op Khwezi spioeneer. 2 – 6 MAART Dit lyk asof Khemisi se boks ’n wil van sy eie het, en Phakade konfronteer Khemisi omdat sy rondsnuffel. MaNdlovu keer terug maar is ’n ander mens, en ’n skok…

H Weekdae SABC1 (*191) 09:30 H Weekdae SABC2 (*192) 14:00 VERLEDE KEER Vivian flankeer met sjef Francois voor hul reis na Parys, Tumishang is dood nadat Meikie hom uit selfverdediging geskiet het, en Sthoko het gesukkel om haar gevoelens vir haar kollega Alfred weg te steek. 26 – 28 FEBRUARIE Lehasa vaar weer uit teen sy oudwerknemer Francois, en Turfloop distansieer homself van die Maputlas tydens Meikie se moordondersoek. Alfred verbreek sy bande met Sthoko voor hulle iets doen waaroor hulle albei spyt gaan wees, en die skoolraad neem ’n besluit oor die skooluitstappie wat voorlê. 2 – 6 MAART Meikie is gefrustreerd deur Mokgadi en Leeto wat in haar pad is, en Clement betrap sy ma, Sthoko, in ’n ongemaklike situasie. Francois ontdek om sake met Lehasa reg te…

H Weekdae e.tv (DStv *194/Opeview *104) 13:30 O Sondae eExtra (DStv *195/Openview *105) 11:50 VERLEDE KEER Itumeleng is in ’n hoek gedryf, en Lelo was kwaai met ’n vriend. Tristan moes ’n ongemaklike besluit neem, die gemeenskap het Modise vermy, en Bernie het na Itumeleng uitgereik om sakeredes. 26 – 28 FEBRUARIE Modise se dag in die hof eindig rampspoedig vir hom, en Tristan en Lelo probeer om eerder as vennote saam te werk as vyande. Itumeleng se plan boemerang skouspelagtig, Modise word in die versoeking gelei, en Lelo word verplig om in die hof te getuig. Itumeleng vorder in sy stryd teen ’n vyand, en Karel en Sarah speel Kupido vir Tristan. Itumeleng wil weet hoekom Amita sy aanbod verwerp het. 2 – 6 MAART Marang heroorweeg haar verhouding…

Vir die eerste keer in Survivor se geskiedenis (ook internasionale weergawes), is ’n deelnemer uitgeskop, wat nie moeilik was nie, sê Jeff. “Van die spelers het gekla oor ’n ander deelnemer se onvaspaste aanraking. Ons monitor hulle 24/7 vir 39 dae. Hulle is nooit sonder ’n vervaardiger nie. Ons het met almal in ’n groep en individueel vergader en vooraf ’n amptelike waarskuwing gegee.” Dit was so ernstig dat een oortreder die reünie verbied is. Vind in episode 8 (12 April) uit wat gebeur.…

Die celebs gaan spanne vorm met dié ses “gewone” mense. Caldine Wyngaard (26) van Kaapstad is ’n aanbieder op kinder-TV en ’n radiopersoonlikheid. Siphosethu (Sethu) Colo (27) van Kwa-Mashu werk in Johannesburg. Hy skep digitale inhoud en is ’n bemarker. Janeske Rademan (24) van Kaapstad is ’n voornemende aktrise. Darren Solomon (22) van Kaapstad is ’n bemarkingstudent. Siyasanga (Siya) Mfenyana (27) het in Queenstown grootgeword, woon in Johannesburg en is ’n mediapersoonlikheid en medestigter van die webwerf Girls With Gains. Trevor Lagerwey (34) van Kaapstad is ’n atleet, voorbladmodel van Men’s Health en ’n entrepreneur.…

Hoekom bly e.tv die Fast And Furious-flieks uitsaai? Dis so erg soos die SABC1, 2 en 3 wat week ná week flieks deel. – RENE, FACEBOOK Dis omdat die Fast And Furious-franchise van flieks (2001-nou) goeie kyksyfers vir kanale lok.e.tv se pubiliteitsbestuurder, Joe Strydom sê “daar is nie ’n vasgestelde plan om dit jaarliks te wys nie”. Internasionale verskaffers bied kanale die keuse om flieks te koop, en kanale kies die flieks wat hulle dink ’n voordeel vir hulle sal inhou. Daar is byna jaarliks nuwe flieks in die franchise en dit word as ’n stel verkoop (soos ’n boksstel-DVD’s), en dit duur amper twee maande om almal uit te saai. En dis ook nie toevallig dat die SABC-kanale flieks deel nie, sê SABC 3 se publisiteitskoördineerder, Doulha Domingo. “Wanneer flieks…

H Weekdae SABC2 (*192) 12:30 H Weekdae SABC3 (*193) 10:30 O Sondae SABC2 08:30 VERLEDE KEER Daar was troukoors in Hillside met Vince en Aggie se troue op Valentynsdag, Marko was nie met Connie se gedrag beïndruk nie en Romeo was onrustig oor iets wat hy gesien het. Justin het Bonita gerusgestel dat alles sal ten goede uitwerk, André het ’n belangrike besluit geneem, en Alexa het huiwerig ingestem om ’n guns vir iemand te doen. 26 – 28 FEBRUARIE Diederik verduidelik sy afwesigheid ná alles wat gebeur het, Connie se emosies oorweldig haar, en Esti gee Alexa danslesse. DeWet neem ’n belangrike sakebesluit, Diederik vra ’n dokter om advies, en Connie en André het ’n groot uitval. 2 – 6 MAART Alexa beplan iets spesiaals vir haar kêrel, Fikani,…

H Di.-Do. kykNET & kie (*145) 11:00 O Sondae kykNET & kie 16:00 VERLEDE KEER Janice se ete vir haar broer was rampspoedig, Beatrice het ou kennisse van Hamilton besoek, en Nathan het aan die kortste ent getrek nadat Wendy haar plan deurgevoer het. Hamilton het Wendy gekonfronteer, en Beatrice het lang trane oor Hamilton gehuil. 26 FEBRUARIE Janice verdedig haar broer by die Cupido’s, Hamilton trap Nathan uit, en Hein is geskok wanneer hy Steve op die skoolterrein sien. Beatrice en Nathan is nog nie klaar met mekaar nie. 2 – 4 MAART Lionel vra Janice moet uitvind wat Steve se toekomsplanne is. Mielies se ouers praat met haar oor seks, Bompie wil nie vir Monique uitlos nie en sy raak ál meer bekommerd. Wendy en Steve sien mekaar…

Weekdae kykNET & kie (*145) 18:30 Weekdae M-Net-dek. 17:30 H Weekdae kykNET (*144) 23:00 H Weekdae kykNET & kie 14:00 VERLEDE KEER Ty het sy betrokkenheid by Nazeem se dobbelbesigheid van Lee-Ann probeer wegsteek, Bridgette en Tim het Zoe en Wade se verlowing gesaboteer, en Justin het in die geheim met Liezl ’n verhouding aangeknoop. 26 – 28 FEBRUARIE Mrs J. het ’n appeltjie te skil met Nazeem, Bridgette en Tim span kragte saam, en die Gerbers is bekommerd oor Quinton. Wade moet bontstaan met verduidelikings, Ryan kom vra die Gerbers om verskoning en Justin nooi Liezl na ’n strandpartytjie. AB ontvang ’n onverwagte besoeker, en die Gerbers kry skokkende nuus. 2 – 6 MAART Die Gerbers weet nie of hulle vir Quinton moet vertel wat met Ryan gebeur het…

Wil jy graag Bold op jou slimfoon, tablet of skootrekenaar kyk? Indien jy ’n Vodacom-intekenaar is, het jy ’n voorsprong en kan op twee maniere toegang tot Vodacom se video-opaanvraagdiens kry: Besoek www. videoplay.co.za of laai die app af van Vodacom se App-winkel of Google Play Store. Indien jy nie ’n Vodacomintekenaar is nie, is dit maklik: Koop ’n Vodacom-simkaart (kontrak of vooruitbetaal) en kry toegang tot Video Play, soos hierbo uiteengesit. Al wat jy nou benodig, is data. Die netwerk het daaglikse, weeklikse of maandelikse video-subskripsies wat vir Video Play ontwerp is; óf jy kan jou bestaande Wifi-netwerk gebruik vir ononderbroke kettingkyk.*…

H Weekdae SABC1 (*191) 09:00 H Weekdae SABC2 (*192) 14:30 VERLEDE KEER Azwindini het probeer vrede maak met sy strydlustige halfbroer, Mulalo, KK het sy sake in orde gekry voor sy naderende dood, en Vho-Masindi het haar stryd aan die koninklikes onthul. 26 – 28 FEBRUARIE Vho-Masindi se geheim verstom Thathe se regerende familie, en Warona se pogings tot finansiële vryheid misluk. Matshidiso vrees KK sal van haar aandeel in die agteruitgang van sy gesondheid uitvind, en Mulimisi dink dis ’n slegte plan om Azwindini die waarheid te vertel. 2 – 6 MAART Matshidiso het ’n plan B nodig, en Warona se aanlyn trol val steeds haar sosiale mediarekeninge aan. Mudi moet Matshidiso help, en Teboho se ambisies versterk. Vho-Masindi hoop die koninklikes sal haar geheim bewaar, en KK se…

H Weekdae e.tv (*194) 11:30 VERLEDE KEER Suffocate en Khulekani het hul sakemededinger David Genaro vermoor, en Reneilwe het haar miskraam vir Mzi weggesteek. 26 – 28 FEBRUARIE Khulekani konkel om speurder Madikgetla te laat vermoor voor sy ontdek hy sit agter David se dood, en Reneilwe is nie gereed om te erken sy is nie meer swanger nie. Sabelo vererg hom vir Sindiswa se verwaandheid, en Suffo red Madikgetla se lewe. Mzi is salig onbewus van Renei se leuens, en Khulekani konfronteer Suffo omdat hy Khulekani se planne om van Madikgetla ontslae te raak, geruïneer het. Fats is vasgevang in die drama van Renei en sy beste vriend, Mzi, se verhouding. 2 – 6 MAART Madikgetla plaas haar werk op die spel vir Suffo, en Renei se poging om…

H Daagliks Telemundo (*118) 00:50, 03:20 VERLEDE KEER Alejandro is geskors nadat bewyse verdwyn het, en Roxana het haar op die nippertjie aan die ontsnapping onttrek, wat die res van die betrokke gevangenes omgekrap het. 26 – 28 FEBRUARIE Alejandro word heraangestel, en Roxana weet nie sy is die hoofverdagte in die polisie se soektog na onwettige diamante nie. Alejandro kry nuus oor sy ouers se dood en hoekom hulle regtig gesterf het, en Roxana is weer agter tralies, maar beplan reeds haar ontsnapping. Anselmo se handlangers moet Daniel vermoor. 29 FEB. – 6 MRT. Roxana ondervra Nemesio oor haar band met Anselmo en Nemesio se reaksie vertel haar alles. Die ontdekking van ’n lyk het ernstige gevolge vir ’n klomp gevangenes, en Roxana nader ’n medegevangene met ’n aanbod:…

H Weekdae Mzansi Magic (*161) 09:30 & 12:30 O Sondae Mzansi Magic 10:00 VERLEDE KEER Busi het gedreig om koningin Ntwenhle se affair met Jabu te onthul, Phumelele en Mpiyakhe se egskeiding is openbaar gemaak, en Judas en Beauty se plan om uit die land te vlug is gestuit. 26 – 28 FEBRUARIE Siphokazi en Beauty haas hospitaal toe nadat hulle vergiftigde vrugte geëet het, en Ntwenhle se dae in die koningshuis is getel. Sbu se opgewondenheid om Thandeka huis toe te bring na hul kinders word onverwags in die wiele gery, en Judas stel sy lewe in gevaar om Beauty van die Zungu’s te red. Jabu verbreek sy belofte en kontak Ntwenhle, en ’n skinderstorie loop rond oor Thandeka se ongeluk. 2 – 6 MAART Die Zungu’s beleef ’n…

H Weekdae Mzansi Magic (*161) 10:00 & 13:00 O Saterdae Mzansi Magic 11:00 VERLEDE KEER Siyanda em Kagiso se romanse het aan ’n draadjie gehang, die Khozas het ’n nuwe aanval op hul vyande beplan, en Kagiso het probeer keer dat sy familie se dwelmryk ineenstort. 26 – 28 FEBRUARIE Die Khoza-familie se rug is teen die muur wanneer die Therons oorlog teen hulle verklaar, en Goodness besef sy het te veel hooi op haar vurk. Brutus is onbewus van die groot gaping in sy plan en dit kan noodlottige gevolge vir iemand inhou, en Vuyiswa weet nie van die plan vir haar ondergang wat Goodness en Gracious bedink nie. 2 – 6 MAART Harriet wil haar familietwis beëindig, maar die Theron-groep wil dalk nie vrede sluit nie, en Siyanda…

Wanneer word Wendy in Arendsvlei se vlerke dan geknip? Niemand kan met so baie verkeerde dinge wegkom nie. – CHRISTI, SMS Wendy in Arendsvlei is ’n bose vrou wat al lankal in die tjoekie mos gesit het, maar sy is te slim vir almal en kom letterlik met moord weg. – STEFAANS, FACEBOOK Ek is nog hartseer oor Xander uit 7de Laan vertrek het. Bonita moes eintlik die sepie verlaat het. – FRANCES, SMS Hoekom moes Xander gaan? Die storie sou baie beter sonder Bonita gewees het. Nou sit ons steeds met die “drama queen”. – LINDA, SMS 7de Laan is nou net ’n klomp gemors. – MARIE, SMS Ag nee wat, 7de Laan het nou in ’n bordeel verander. Connie en Diederik is selfsugtig en dit sit my af.…