Innholdsfortegnelse for 1/1/2020 i TV Plus Afrikaans

Die besige lewe kan soms jou TVkykgenot beïnvloed en van jou sepietyd steel. En as jy dalk van die eerste storielyne vergeet het, kan jy op Showmax weer daarna kyk. Die stroomdiens spog met ure se episodes van jou gunsteling- Afrikaanse sepies waarna jy enige tyd kan kyk. GETROUD MET RUGBY Rugby is so eie aan Suid-Afrika soos biltong en dit is die middelpunt van die gebeure in Getroud Met Rugby – Die Se-pie (2016-nou). Die Stryder-rugbyspelers met hul bultende spiere en blokkiesmae en die sexy lywe van die pompon-dansers, gekombineer met rugstekery, gaan jou aandag behoorlik vasvang. Die bose paartjie Laetitia en Gerald (Franci Swanepoel en David Clatworthy) maak van meet af aan moeilikheid vir die span. Bart Smith (Pierre Breytenbach) en sy vrou, Kristien (Marlee van der Merwe),…

Dit was die jaar van die groot uittog met vier permanente karakters wat die Laan in 2019 verlaat het – van hulle is gesê om te waai, terwyl ander self die besluit geneem het. Hillside se geliefde veteraan-inwoner Hilda (Annelisa Weiland) is in September weg nadat sy uiteindelik weer liefde by Hugo (Tobie Cronjé), die boetiekeienaar, Connie (Quinne Brown Huffman) se oulike oom, gevind het. Kort op haar hakke was die Beleef-deli-kelnerin Olivia (Nadia Herbst) wat in Oktober gegroet het ná die fiasko met haar ekskêrel, Brummer (Abel Knobel), wat haar gyselaar gehou het. En toe pak die Laan se eie moederhen, Charmaine (Vinette Ebrahim), einde Oktober haar tasse en verhuis Kaap toe nadat dit op die lappe gekom het sy is nie Vanessa (Ingrid Paulus) se biologiese ma nie.…

Verlede jaar het op ’n moeilike noot afgeskop vir die geliefde Mrs J. (Theresa Sedras) wat in Januarie moes toekyk hoe haar man, Ronald (Ivan Abrahams), elke dag agteruitgaan weens die aftakelende Alzheimersiekte. Hy is uiteindelik in ’n versorgingseenheid in sy tuisdorp Port Elizabeth opgeneem en Mrs J. gaan kuier steeds gereeld vir hom. JALOESIE Ander paartjies was ook ongelukkig op die liefdesfront. Die argitek Tim (Marco Spaumer) en Suidooster-Eiendomme se sekretaresse, Danni (Vashti Prins), se verhouding is in Maart lelik beëindig toe Danni vir Tim in die eiendomsagent Izette (Shana Mans) – wat skaars ’n maand by die agentskap gewerk het – se arms betrap het! Izette het Tim om elke hoek en draai verlei en Tim het vir haar geval sonder om agter te kom sy is besig…

Dr. Annelize (Cindy Swanepoel) is vir ’n verandering gelukkig in haar sakehuwelik met die hoof van die Binneland-kliniek, At Koster (Hans Strydom), sedert hul blitstroue in September verlede jaar. “At se houding teenoor Annelize is sagter en gemoedeliker nadat sy in Desember amper deur een van At se groot vyande, Jonas (Jacques Gombault), vermoor is,” sê Cindy. At gee meer aandag aan Annelize en sy waardeer dit, maar dit word vinnig kortgeknip wanneer een van At se eksvroue, die prokureur Ingrid Jordaan (Michelle Botes), onverwags haar verskyning maak. IRRITASIE Ingrid is terug in Pretoria op soek na werk en dit irriteer Annelize wanneer sy hoor At het Ingrid tegemoet gekom met regsake wat sy namens die hospitaal kan behartig. “Dis nogal vreemd hoe Annelize so jaloers raak,” vertel Cindy. “Haar…

Tannie Koekie (Rina Nienaber) en oom Festus (Louis van Niekerk) is twee karakters in die wêreld van Getroud Met Rugby wat sorg vir komiese oomblikke met die lawwe dinge wat hulle aanvang – soos om dagga-olie vir hul pyne en skete te brou (in Mei 2019). Die jaar 2020 hou nuwe avonture vir die paartjie in, dus is dit net gepas dat Koekie op haar beste lyk. En wie beter is daar om haar op te dollie as die skoonheidsghoeroe Hannon? KOEKIE VERDIEN DIT Koekie was in ekstase toe sy in Desember die nuus gekry het sy het die Hannon-mooimaaksessie-kompetisie gewen wat Bibi (Stephanie Baartman) se salon gehou het. “Oe! Royality soos ek verdien dit mos,” sê Rina in haar karakter Koekie se stem. Koekie is skoon op haar senuwees…

In Januarie het Thys (Sherman Pharo) en Ronel (Melanie du Bois), die twee ou skoolverliefdes, hul gevoelens vir mekaar herontdek, maar Thys was getroud met Janice (Crystal-Donna Roberts) en Ronel met Lionel (Jody Abrahams). In Maart het dit uitgelek Janice en Lionel vry na mekaar en Thys en Ronel se gevoelens vir mekaar is eg. Uiteindelik is hulle geskei en die paartjies kon hul harte na nuwe geluk volg. BOOSWIG Daar was bespiegel Wendy (Rehane Abrahams) is verantwoodelik vir die dood van die skoolhoof Beatrice se man, David (Oscar Petersen), einde 2018, en Wendy het Beatrice se lewe in 2019 hel gemaak. Sy het Beatrice in Augustus in die tronk laat beland as ’n verdagte vir David se moord. K IS VIR KANKER Lee-Roy (Roberto Kyle), Ronel en Lionel se…

Smanga Moroka (Moopi Mothibeli) en Zitha Langa (Zoe Mthiyane) het ondanks hul suksesvolle loopbane ’n dodelike verhouding gehad. Teen einde Januarie het Zitha Smanga begin aanrand en geskel omdat hy laat gewerk het. Teen Februarie het Smanga haar gelos. In Maart het Zitha met die korrupte sakeman Jack (Vusi Kunene) begin uitgaan. ONTSNAPPINGSPLAN Tshidi (Letoya Makhene) was seker haar man, Gadaffi (Vuyo Dabula), het haar in April met sy vorige minnares, Sphe (Pearl Monama), verneuk, daarom het Tshidi ’n een-aand-afspraak met Jack gehad. Daarna het sy ontdek sy verwag Jack se baba. Gadaffi het Tshidi uitgeskop en sy het by Jack en Zitha ingetrek. Zitha sou nie toelaat dat Tshidi en die baba haar plek in Jack se lewe inneem nie en sy het Tshidi se drankie vergiftig. Tshidi het…

Meeulanders Seisoen 1 Dinsdae SABC2 (*192) 19:00 (begin 7 Januarie) Ryna van Rensburg (Michelle Burgers, Emma van Rhijn in Vallei Van Sluiers, 2010-2015) is ’n gebroke vrou in Meeulanders (1996). “Sy het gesien hoe haar man en seuntjie doodbrand, en vlug na die Weskus om aan haar verlede en die pyn te ontsnap,” vertel Michelle. Sy vind ’n heenkome in Saldanha en besluit om vir drie jaar op Meeuland, ’n fiktiewe eiland noord van Saldanha, te gaan werk en navorsing oor seevoëls te doen. Dit is hier waar sy by drie families op die eiland betrokke raak: die Langhanse, die Bindemans en die invloedryke Blanckenbergs. ’N LIEFDESDRIEHOEK “Ryna vind veral aanklank by Attie Langhans (Kevin Smith, Hamilton in Arendsvlei, 2018-nou) en saam leer hulle die lief en leed van die…

Hotel Seisoen 4 Maandae kykNET (*144) 20:00 (begin 6 Januarie) Die personeel van Die Fransenhotel in die komediereeks Hotel (2016-nou) is terug met nuwe avonture, misverstande en poetse. Aan die einde van seisoen 3 (2019) het die hotelbestuurder Ferdie (James Borthwick), wat as burgemeester van Fransenburg gestaan het, besluit om aan die verkiesing te onttrek. Skielik was daar weer rus en vrede op die dorp. Daardie vrede volg Ferdie in die nuwe seisoen wanneer hy dit oorweeg om af te tree, maar hy kom gou agter hy kan dit nie bekostig nie. En dis nie al nie. Ferdie se aartsvyand, Stefano (James Cunningham), wat nou die burgemeestersketting dra, beplan om die hotel te sloop om plek te maak vir die Mautrein (’n geskerts met die Gautrein). Kan Ferdie en kie…

Survivor: Game Changers Seisoen 34 Maandae SABC3 (*193) 19:30 (begin 13 Januarie) Met elke seisoen verander Survivor (2000-nou) terwyl hy op soek is na die volgende wenner. Vir seisoen 34 is deelnemers teruggebring wat, soos die aanbieder, Jeff Probst, sê: “Die manier waarop gespeel word, verander. Of dit hul persoonlikheid of die foute is wat hulle maak, of net mekaar [en die kykers] geïrriteer het, hulle het ’n impak op Survivor gehad en dié seisoen gaan jou verras. Tydens die verfilming het ek daar gesit en my kop het gedraai toe ek sien hoe die gestrandes hulle werklik in die seisoen se spel verdiep het.” Om te uitoorlê word tot ’n nuwe vlak gevoer. NUKU-STAM CIRIE FIELDS (45) van seisoen 12, 16, 20 “Ek is minder aggressief, minder emosioneel en…

Woensdag 1 Januarie THE GOOD DOCTOR Seisoen 1 SABC3 (*193) 21:30 Episode 13 (drama) Shaun verwerk nog sy ontdekking dat pasiënte uit hul pad gaan om leuens te vertel aan dié wat hulle wil help. Die waarheid maak wel seer, maar jou leuens kan tot jou dood lei. En asof dit nie genoeg is vir ’n dokter wat alles as wit of swart beskou nie, kry Shaun boonop ’n nuwe buurman – die sitkom Undateable (2014-2016) se Chris D’Elia, wat Danny gespeel het. Donderdag 2 Januarie DIY SOS: THE BIG BUILD Seisoen 30 BBC Lifestyle (*174) 20:00 Episode 1 (realiteit) ’n Dakdekker, wat voorheen aan DIY SOS-projekte gewerk het, benodig nou die span se hulp. Met ’n ruggraatbesering, gevolg deur sy vrou se dood,…

Jy moet eet om te lewe, maar wat gebeur wanneer jy verveeld raak in die kombuis? Jy gebruik Showmax vir die beste kosinspirasie. Koud? Geniet ’n gekruide tamatiesop! Moeg? Maak ’n vinnige roosterbroodjie. Gaste oor die naweek vir ete? Onthaal met styl! Showmax het ’n hele klomp kosprogramme wat regstreeks na jou toestel gestroom kan word wanneer jy in die kombuis begin woel. Maar dit is nie net kookgidse met instruksies wat deur beroepsjefs gegee word terwyl jy met die bereiding van geregte besig is nie – daar is baie realiteitsreekse ook! Hier’s ’n voorsmakie van wat jy op Showmax kan sien . . . NEILL ANTHONY – PRIVATE CHEF Seisoen 1-2 (2017-nou) Neill Anthony het al in die kombuise van die beste restaurante in Europa gewerk. Hy het onder…

Die Suidooster gaan woes te kere in Ruiterbosch en waai kompleet ’n ou inwoner terug in die gemeenskap. Nazeem Samsodien (Irvine van der Merwe), AB (Cedwyn Joel), se jonger broer, maak einde Januarie sy verskyning en die misterieuse karakter is hier om te bly. DIE BOSE KARAKTER “Daar is vele geraamtes in Nazeem se kas,” sê Irvine (39) wat ons onlangs in Binnelanders (2005-nou) gesien het in die rol van nog ’n skurk, Dennis, wat gehuur is om Louis (Germandt Geldenhuys) te vermoor. “Maar ek kan nie te veel oor Nazeem uitlap nie behalwe om te sê hy gaan die nuwe groot antagonis in die storielyn wees. En hy is alles behalwe ’n skorriemorrie – Nazeem is slim en voer sy onderduimse planne met berekende stappe uit. Hy gaan verseker…

Die Binneland-kliniek se gange het van die begin van 2019 af behoorlik gegons met skindernuus wat verpleegsters, dokters en bestuurders geraak het, soos toe die verpleegster Karli (Pascal Pienaar) van oorsee af teruggekom het. Sy het gedink sy kon haar geliefde Quinton (Ramey Short) verras met haar terugkeer en hulle kon hul verhouding hervat, maar hy het haar op ’n afstand gehou. Boonop het Quinton dit laat lyk of hy met die nuwe verpleegster René (Simoné Pretorius) gekys is, wat later tot ’n lelike katgeveg tussen die vroue gelei het. Hulle het nooit versoen nie en sy het later met haar psigiater, Ben (Rowan Cloete), ’n verhouding begin. Maar Ben was eintlik getroud en toe wil Karli hom los en sy vrou vertel. Ben wou haar keer en hy het…

Die jaar het ongemaklik vir die Lategans begin. Lalage (Elma Postma) se agterdog dat haar man, Hendrik (Gérard Rudolf), haar verneuk het, is bevestig nadat sy in Januarie kwitansies vir hotelbesprekings in sy baadjiesak gekry het. Sy het hom na die Bokamo-hotel gesleep en haar suster, Wendy (Michelle Beling), daar gevind! Lalage wou aanvanklik die verraad oor die hoof sien en voortgaan met haar lewe asof die twee mense die naaste aan haar nie saamgeslaap het nie. Maar sy kon nie en het geestelik ineengestort. Daarna het die voortdurende spanning die huwelik op die afgrond laat afstuur. OP SOEK NA BLOED Die ryk mynbaas, Lincoln (Lindani Nkosi) – ’n vriend van die Lategans – was op soek na bloed. In Maart het hy sy sakemededinger, Nina (Khabonina Qubeka), beveel om…

Die jaar 2019 het begin met Salem se tweede eeufeesvieringe, maar hope aksie was op die horison toe Days sy 50ste herdenking in Januarie (November 2015 in Amerika) gevier het. Terwyl Hope (Kristian Alfonso) blindelings in ’n huwelik met die moorddadige Aiden (Daniel Cosgrove) getree het, het haar eksman, Bo (Peter Reckell), geveg om uit gevangenskap te ontvlug. Bo het betyds tydens Hope se wittebrood opgedaag om te keer dat Aiden haar doodwurg. Hope en Bo se reünie is onderbreek toe die marteling tydens Bo se gevangenskap gelei het tot sy dood in Hope se arms die einde van Januarie. Sy het wraak gesweer. AAN DIE BRAND Abby (Kate Mansi) het die lewe geskenk aan haar en Chad (Billy Flynn) se seun, terwyl sy deur haar eksliefde en reeksmoordenaar, Ben…

Die jaar 2019 het begin met die groot totsiens tussen die misdaadbroers Mastermind (Ntokozo Dlamini) en Mxolisi (Nay Maps). Mxolisi het vroeg Januarie in die tronk beland nadat Mastermind hom vir miljoene rande afgepers het om sy vryheid te koop en het onthul dat Mxolisi sy eie ma MaNzuza (Leleti Khumalo) in Februarie 2018 doodgeskiet het. Nadat Mastermind vrygelaat is, het hy vergoed deur Mxolisi se tronkvervoer te kaap, en hom sodoende te bevry en hom dokumente vir ’n nuwe identiteit te gee. Maar die koppige Mxolisi het steeds sy eie naam gebruik toe hy vroeg Desember in Turfloop, van alle plekke, opdaag in ’n oorkruisepsiode met die sepie Skeem Saam. DOODSDOKTER Gabi (Baby Cele) en Nkunzi (Masoja Msiza) se seun wat hulle versteek het, Sibonelo (Wiseman Mncube), het vir…

Scandal! het in 2019 soveel bitter mededinging gehad dat selfs die kinders hul fopspene in Januarie begin slyp het. Toe Gloria (Marjorie Langa) en Dintle (Mapaseka Koetle) die klein Sihle (Xolani Xaba) en Jewel (Kai-Ann Munyaka) teen mekaar in ’n modeparade laat deelneem het en dan gehaas het om dit op die internet te versprei, het dié stryd Gloria se slegte kant na vore laat kom toe sy op Sihle geskree het oor sy optrede. Maar die kykers was in hul noppies om te sien hoe die trotse en beskermende ma Dintle alles stopgesit het toe Jewel weghardloop en weier om haar jogurt te eet vir likes op die sosiale media. GRILLERIGE CREDENTIAL Die storie wat vanjaar oorheers het, was dié van Lindiwe (Nomvelo Makhanya) en Mary (Mikateko Hlabangwane) wat…

Sanil Maharaj (Jack Devnarain) het in Januarie Nganono Bhengu (Xolani Mfeka) se verbrande lyk gesteel en gebruik om Nganono se moordenaar, Phunyuka (Mduduzi Nombela), af te pers en Nganono se pa, Ngcolosi (Tony Kgoroge), skuldig aan die moord te laat lyk. Ngcolosi is by Nganono se begrafnis gearresteer. Phunyuka het in Februarie erken hy het die moord gepleeg en Maharaj se greep het verslap. Maar hy was nog nie klaar met die Bhengu’s nie. Nadat Shukela (Mondli Makhoba) Zithulele Bhengu (Raphael Griffiths) middel Desember ontvoer het, het Maharaj Shukela se keel afgesny en Zithu se toon aan die Bhengu’s gestuur. SLEGTE KÊRELS Die Imbewu-vroue het verskeie stelle met slegte mans afgetrap. Zakithi (Nokubonga Khuzwayo) het in Februarie verlief geraak op die forensiese ondersoeker Manqoba (Melusi Yeni). Manqoba het vinnig sy…

Die nuwe prokureur Mzi (Jesse Suntele) wou sy meisie, Pearl (Petronella Tshuma), in 2019 vra om te trou. Maar dinge het ná ’n tref-en-trap-ongeluk skeefgeloop. Pearl het verantwoordelikheid aanvaar om Mzi se loopbaan te red en hul romanse het begin verbrokkel terwyl sy in die tronk was. Pearl het die beamptes omgekoop om haar vroeg Junie vry te laat, maar Mzi het toe by sy vriendin, Lerato (Samukelo Ndlovu), geslaap. UIT DIE WEG GERUIM Lerato het in Februarie haar voormalige vriendin, Bongi (Thembi Seete), vermoor. Bongi wou verklap Lerato wil haar baba ruil vir Nomalanga (Nomalanga Shozi) se radiostasie. Lerato het met David (Jamie Bartlett) geknoei, wat Bongi bedwelm, gehang en selfdood geveins het. In die outopsie is Lerato se plan onthul en sy het Bongi se kêrel, Bash (Simphiwe…

Die Byl Seisoen 2 Sondae kykNET (*144) 20:00 (begin 5 Januarie) Dit is vyf jaar sedert ons laas vir kol. Piet van der Bijl (Waldemar Schultz, Jan-Hendrik Terreblanche vanaf 2000-2009 in 7de Laan, 2000-nou), alias Byl, in Die Byl (2016-nou) gesien het, en baie dinge het verander, verklap Waldemar. “Daar is nou meer op die spel as om net reeksmoordenaars te vang.” ’N DONKER MAG In die vorige seisoen is in elke episode afsonderlike reeksmoorde ondersoek. Maar daar is dié keer ’n kinkel. “In elke episode word steeds na reeksmoordenaars gesoek en die moorde is grusamer as in seisoen 1, maar dié keer is daar ook ’n oorkoepelende storielyn wat kykers voor die TV vasgevang gaan hou,” verduidelik Lika Berning (Liefling Marais in die musiekfliek Liefling, 2010), wat die rol…

Suidooster-Eiendomme se binnehuisversierder Carmen Samsodien (Desiré Gardner) is op hete kole sedert einde Desember toe haar ekskêrel JP (Frank Rautenbach) onverwags verskyn het. “Carmen was oorbluf toe hy ewe nonchalant by haar kantoor opdaag, maar het gou koelkat gespeel en voorgegee JP is net ’n doodgewone kliënt wat haar kom besoek,” sê Desiré. Dit word vinnig duidelik JP is ’n man met ’n missie en gaan Ruiterbosch nie gou verlaat nie. DIE HOUVAS Die sluier oor Carmen en JP se geskiedenis word nie nou al gelig nie, maar Carmen vertel wel vir Rhafiek (Irshaad Ally), haar man, sy en JP was jare gelede ’n paartjie. “Maar sy brei nie veel daaroor uit nie,” sê Desiré. JP het beslis een of ander houvas op Carmen, want hy plaas druk op haar…

Die verpleegster Chanel (Lindsey Abrahams) se pa, dr. Brandon Samuels (Zane Meas), het einde Desember onverwags in Pretoria opgedaag, en sommer met die intrapslag was daar moeilikheid. Brandon is glad nie gelukkig met Chanel se nuwe kêrel, die paramedikus Danny (Bradley Olivier), nie omdat Brandon weet Danny se pa is die bose bendebaas, Tim Jantjies  (Lesley Fong). Chanel en Danny probeer hard om aan Brandon te bewys hulle is goed vir mekaar ondanks Danny se familiegeraamtes, maar Brandon se aandag is verdeeld en hy kom dit skaars agter. Hy is nie net in Pretoria om te sien hoe dit met sy dogter gaan nie. Hy steek iets weg en hy is nie van plan om Chanel daarvan te vertel nie. VREEMDE GEDRAG Dis duidelik Brandon is op soek na iets…

Die skrif is aan die muur . . . Die Stryder-rugbyspeler Reitz (Sean van Noordwyk) en sy skrywer-meisie, Anna (Kate Roothman), se verhouding is op die rotse. Die trauma rondom Anna se verkragting deur die hygromanskrywer Jacques (Armand Aucamp) in Augustus verlede jaar het hul verhouding te veel skade berokken. En omdat Anna aan Reitz erken het sy het vir ’n splitsekonde vir Jacques geval toe hy haar begin soen het, wat tot die verkragting gelei het, is hul vertroue in mekaar ook geskend. Die twee bly nog onder dieselfde dak en die atmosfeer is gespanne – en kort voor lank breek daar ’n groot rusie uit. PROBLEME IN DIE SLAAPKAMER Die feit dat Anna en Reitz ná die verkragting gesukkel het om intiem te wees, is ook ’n faktor…

Blitz (Werner Coetser) se hart is gebreek toe die liefde van sy lewe, Julia (Zetske van Pletzen), in Januarie 2019 aan die prokureur Divan (David Konrad) verloof geraak het en enige kans op versoening tussen Blitz en Julia vernietig het. Maar dit was nog nie heeltemal die einde nie. Al het Julia en Divan in Februarie getrou, het hul huwelik teen Mei verbrokkel omdat Divan weens ’n ski-ongeluk in die Alpe tydens hul wittebrood ’n parapleeg geword het. Julia het alles probeer om haar huwelik te red, maar Divan het tog van haar geskei. Sy en Blitz het weer vriende geword en sy het hom ondersteun toe hy in Julie die skok van sy lewe gekry het toe ’n ou vlam uit sy matriekjaar, Lienkie (Mandi du Plooy-Baard), uit die…

Claudette (Schelaine Bennett) vermoed haar verloofde, Lincoln (Lindani Nkosi), het haar met sy eksmeisie Lungi (Jo-Anne Reyneke) verkul terwyl sy laat Desember uitstedig was. “Lincoln staan vroeg op en hy is nie ’n oggendmens nie. Hy is ook senuweeagtig,” vertel Schelaine. Maar Claudette praat nie daaroor nie, want sy het nie bewyse nie. Dis wel net ’n kwessie van tyd voor Claudette se vermoede bevestig word, want Lungi onthul die verbintenis wanneer sy met Lincoln se das om haar nek by die oujaarsaandpartytjie opdaag – die das van dieselfde nag wat Claudette uitstedig was. “Claudette is verpletter. Maar sy hou haar dapper. Sy stap na Lungi toe en waarsku haar om van Lincoln af weg te bly,” verduidelik Schelaine. Claudette beveel ook vir Lincoln om hom van Lungi te distansieer…

Adrienne (Judi Evans) se eksman, Justin (Wally Kurth), het einde Desember haar troue met Lucas Horton (Bryan Dattilo) skielik tot ’n einde gebring. En die jaar het geëindig met die bruid in trane en ’n keuse tussen twee liefdes. Maar almal sal nóg langer moet wag op Adrienne se antwoord nadat sy flou geword het, want wanneer sy later in die hospitaal bykom, is trouringe die laaste ding waaraan sy dink. Adrienne se dokter, Kayla (Mary Beth Evans), se diagnose was: Dis borskanker. DRASTIESE VERANDERING “Adrienne hou daarvan om na almal om te sien. Ek hou daarvan dat haar eerste reaksie is om weg te hardloop, want sy is gewoond daaraan om almal te versorg. Sy sou weghardloop en dit ignoreer, wegkruip en haar kop in die sand druk. Ek…

Khathaza (Sibonile Ngubane) se vlaag moorde het teen die einde van Desember die vroue van KwaMashu in hul huise gevange gehou. Maar sy vrou, MaNgcobo (Dawn Thandeka King), se jaar begin op ’n hoë noot. “Sy ontdek die geheime kamer waar hy die vroue vermoor. Dis baie traumaties,” onthul Dawn. En MaNgcobo dink geensins daaraan om sy dade toe te smeer nie, sy gaan reguit na die polisie. “Ongelukkig ignoreer hulle haar,” sê Dawn. Maar MaNgcobo se frustrasie word onderbreek wanneer sy hoor ’n skare mense ruk op om Khathaza, hul hoofverdagte, dood te maak. En wanneer sy tuis kom om die waarheid van Khathaza te eis, moet MaNgcobo kies tussen die lewe en die dood. “Hy vertel haar hy het alles vir haar gedoen. En wanneer sy begin verstaan…

Stel ’n heildronk in op ’n spesiale nuwe jaar. Die koms van Quinton Nyathi (Brighton Ngoma) se ambisieuse eksvrou, Thembeka Shezi (Masasa Mbangeni), ruk alles tot stilstand by NFH teen die einde van 2019. Toe Thembeka in Mei 2016 ná ’n moordverhoor en vals swangerskap weg is, het die Nyathi’s gedink dis die laaste sien. “Maar dis die einde van die jaar en ons begin ’n nuwe dekade. Thembeka kom sê ook sy is ’n heel nuwe mens. Enigiemand anders sou nie terugkom nie, want hulle weet hulle sou nie terugverwelkom word nie. Maar Thembeka moet iets belangriks sê en sy kan nie te lank wag nie,” skimp Masasa. OU LIEFDE “Die moeilikste ding vir Thembeka is om almal te oortuig waarom sy regtig daar is. Daar was ’n krisis…

Thathe se hoofman, Azwindini (Gabriel Temudzani), se oudste kind, Mulondo (Ndamulelo Mbuwe), is in Januarie per ongeluk vermoor. Tshamano (Nat Ramabulana) het gehoor Azwindini slaap by sy broer Tenda (ook gespeel deur Nat) se vrou, Livhu (Anzani Tshivhase). Toe Tshamano uit die tronk vrygelaat word, het hy gedink hy wil Tenda help deur die hoofman te vermoor, maar skiet toe in middel Januarie per ongeluk sy seun, Mulondo, in plaas van Azwindini. HUWELIK VERBROKKEL Die sakeman James (Dingaan Mokebe) en sy opvlieënde vrou, Moliehi (Vatiswa Ndara), se huwelik het teen Februarie gedreig om te verbrokkel. “Hul huwelik in 2018 was ’n sakebesluit,” sê Dingaan. Toe James vroeg Maart met Moliehi se persoonlike assistent, Marang (Sharon Seno), begin uitgaan het, het Moli se wraakplan begin. By James en Marang se verlowingspartytjie…

Katlego en Candice (Patrick Seleka en Liza van Deventer) was aan die begin van 2019 minnaars en het hul eie restaurant, Capsy’s, besit. Maar Candice het agteraf met hul belegger Lehasa (Cedric Fourie) gekonkel en Kat uit die restaurant probeer koop. Kat het baklei om sy aandeel van die onderneming te hou en het Candice gelos. Hy het aanbeweeg en gaan nou uit met Pretty (Lerato Marabe), maar Candice is steeds lief vir Kat. LIEFDE BO ALLES Marothi en Rachel (Macks Papo en Lesego Marakalla) het hul eie probleme gehad. Die polisie het Marothi in hegtenis geneem vir die dood (van die skerm af) van sy vrou, Angie, weke voor Marothi se troudag met Rachel in Mei. Rachel het haar kommer oor Marothi geïgnoreer en het die troue en wittebrood…

Projek Dina Seisoen 1 Dinsdae kykNET (*144) 20:00 (begin 14 Januarie) kykNET skop 2020 op ’n hoë noot af met twee aksiereekse: Die tweede seisoen van Die Byl (lees meer op bl. 36) en die splinternuwe aksiereeks Projek Dina, wat handel oor ’n taakspan wat ’n magdom sake van vermiste mense en mensehandel in Kaapstad ondersoek en oplos. PERSOONLIKE ERVARING Die reeks is deur ’n persoonlike ervaring geïnspireer, vertel Roberta Dur-rant, die skepper van Projek Dina. “Jare gelede toe my dogters sowat 12 en 13 jaar oud was, het ’n vreemde man hulle amper in ’n Johannesburgse winkelsentrum gegaps. Dit was die vreemdste ervaring. “My dogters was alleen in ’n winkel toe ’n man op hulle afgestorm en met hulle begin praat het asof hy hulle ken en gesê het:…