Innholdsfortegnelse for 10/23/2019 i TV Plus Afrikaans

Noem net die naam Brooke Logan en dit ontketen ’n stortvloed van herinneringe by Bold-aanhangers. Brooke, die ewige bruid, Brooke, die verleidster, krap-in-andervroue-se-slaai-Brooke . . . Maar noem haar wat jy wil. Kykers van The Bold And The Beautiful kan nie genoeg kry nie van dié gewilde karakter en die lief en leed van die Forrester-kliek, wat sedert 1988 weekliks in ons sitkamers gekuier het tot die sepie in Maart skielik van ons kassies af verdwyn het. Maar nou kan Bold-kykers weer breed glimlag. Dié Amerikaanse sepie is terug in Suid-Afrika – maar nie op TV nie. Hy beweeg nou in die digitale era (lees meer op bl. 18). Dié uitgawe is propvol nuwe kykstof. Ons vertel als wat jy moet weet oor Trackers, ’n TV-reeks wat op Deon Meyer…

H Di.-Sa. kykNET (*144) 09:00 H Weekdae kykNET 22:30 VERLEDE KEER Julia was ontsteld oor Lienkie se brief aan Blitz, ’n SinBin-artikel het Kristien tot breekpunt gedryf, en Liam het Reitz probeer oorreed om weer rugby te speel. 23 – 25 OKTOBER Koekie en Magda betrek Festus en Pottie by hul vertoning, die pompons ontvang nóg ontstellende nuus, en Julia het groot nuus vir Blitz. Die poppe dans tussen Koekie en Magda, Julia en Blitz vind uit of hulle ouers gaan word of nie, Candice ontvang ontstellende nuus oor haar eenvrouvertoning, en Koekie en Magda het ’n krisis voor hul konsert. 28 OKT. – 1 NOV. Reitz besef hy gaan sy loopbaanopsies moet heroorweeg, Candice is moedeloos oor haar ma se dreigemente, en Liam word vrygespreek deur die kommissie van…

Vodacom-kliënte kan op twee maniere toegang tot die netwerk se video-op-aanvraagdiens Video Play kry: Gaan na www.videoplay.co.za of laai die app in Vodacom se App-winkel of Google Play Store af; die app is met alle slimfone en tabletrekenaars versoenbaar. Vodacom het videodatabundels wat net gebruik kan word vir die Video Play-diens wat op verskillende kanale beskikbaar is, soos My Vodacom App, Vodacom. co.za en USSD. Die netwerk het daaglikse, weeklikse en maandelikse video-bundels vir ononderbroke kettingkyk. Jy hoef nie ’n intekenaar te wees nie. Bold-inhoud is gratis solank as wat jy data het.*…

H Weekdae SABC1 (*191) 09:00 H Weekdae SABC2 (*192) 14:30 VERLEDE KEER Marang het haar verlowing met James verbreek, Mulimisi het ontstellende nuus van die voorvaders ontvang, en KK het die DNS-uitslae gekry wat bewys hy is Kgosi se biologiese pa. 23 – 25 OKTOBER Tenda praat kwaai met Mulalo oor die korrupsiesage, Dee manipuleer haar pad oop tot in Tenda se familie, en Kgosi se eerste dag by die werk is niks besonders nie. KK wil ’n modelpa wees, en Mpho weet iets slegs gaan gebeur, maar sy kan niks daaraan doen nie. 28 OKT. – 1 NOV. Iemand se gesondheid versleg, en Dee kry skielik ’n paniekaanval oor haar geboorteplan. KK plaas Kgosi in ’n onmoontlike situasie, en Azwindini en Mpho besoek die ongelukstoneel en besef iemand het…

H Weekdae e.tv (*194) ná die 00:00-fliek VERLEDE KEER Sirin het geweet wie Suhan se pa vermoor het, Turhan het Tahsin gehelp deur ’n getuie te ontvoer, en Cesur is in hegtenis geneem omdat hy skuldig gelyk het. 23 – 25 OKTOBER Cesur word uit die tronk vrygelaat en loop vir Riza op die dorp raak, en Suhan belowe haar oorlede ma sy sal haar dood wreek. Mihriban onthul haar politieke ambisies, en Riza hoor van Tahsin se mediese probleem. Kemal luister Cesur en Sirin se gesprek af oor Riza wat Sirin aanval, en die polisie sien hoe Cesur ’n ernstige gesprek met die berugte tronkvoël Riza voer. Tahsin se maatskappy kry ’n belangrike kontrak, en Cesur dink nie ’n daklose man het Salih vermoor nie. 28 OKT. – 1…

O Saterdae SABC2 (*192) 11:00 VERLEDE KEER Vukosi het van plan verander oor sy egskeiding van Khensani, Musa het Tiyiselani gevra om die troue uit te stel, en Gladys en Richard se oudburgemeester-martelslagoffer het ontsnap. 23 OKTOBER Richard en Gladys maak sy kantoor skoon voordat Collen ’n lasbrief vir huisdeursoeking kan kry, en Magwinya en Njakeni slaan ’n afpersingslag. Kokwani speel vir tyd nadat Vukosi aankondig hy en Khensani trek uit die Chavalala-Mudau-huis, en Musa en die Baloyi’s pas hul trouklere aan. Tiyiselani vind uit sy is swanger net toe Musa en Khensani se passie die oorhand kry. 28 – 30 OKTOBER ’n Vrou genaamd Julia kom soek na Richard en Gladys, en Gladys verdwyn net nadat Njakeni haar en Richard vir R2 miljoen afpers. Njakeni verdwyn nadat hy Magwinya…

H Weekdae e.tv (*194)/Openview (DStv *104) Di.-Vr. 14:00 VERLEDE KEER Neo is wonderbaarlik genees nadat hy tydens ’n operasie gesterf het, en Ntombi het uitgevind haar pa kry elke aand visioene van haar dood in sy drome. 23 – 24 OKTOBER Die studente gaan Ntombi help om die dood vry te spring, en Ntombi se ondersoeke lei terug na die Impilo Labs. Sonny help Mpendulo sy talent ontgin, en Mpendulo onthul Moses se doodsvisioene is werklik. Sonny en Dimpho ontwikkel ’n eksentrieke onderhoudsproses en Elihle kry die pos nadat sy toevallig op die onderhoude afkom. Pastoor Rametsi word aangespoor om sy ou gemeente te verlaat en ’n nuwe kerk te vind. 28 – 31 OKTOBER Ntombi se ondersoek verbind die vals aanval op Nomzingeli aan ’n uitvoerende lid van Impilo…

H Weekdae e.tv (*194) 11:30 VERLEDE KEER Reneilwe het gevoelens vir haar nuwe vervaardiger, Mark, Lefa is uit die skool geskors oor sy gedrag, en Banele was weer dakloos. 23 – 25 OKTOBER Kea sien deur Mapula se bedrog, en Mark is huiwerig om sy verlowing aan sy kollega Reneilwe bekend te maak. Lefa wil met sy onderwyser uitgaan, en Renei vertel die media van haar en Mark. Gift dwing Mapula om oor hul verhouding te lieg, en Fats word in ’n verdagte posisie betrap. Mapula sukkel om haar kêrel, Banele, en haar skelmpie, Gift, vir mekaar geheim te hou, en Mark trek teësinnig by sy verloofde, Renei, in. 28 OKT. – 1 NOV. Mapula voel Gift keer haar in ’n hoek vas, en dis vir Mark ’n nagmerrie om…

H Weekdae Mzansi Magic (*161) 10:00 & 13:00 O Saterdae Mzansi Magic 11:00 VERLEDE KEER Gracious het seker gemaak haar liefie, Skhumbuzo, verstaan haar posisie, Kea en Kagiso het hul ma, Harriet, geïgnoreer en Dingane het ’n bitter smaak in Shaka se mond gelaat. 23 – 25 OKTOBER Kagiso en Kea sluit ’n ooreenkoms om Harriet uit hul verdagte transaksies te hou, en die spanning tussen Shaka en Dingane verhoog. Die Khoza-kinders loop op eiers terwyl hulle vir die koms van nóg ’n dwelmbesending voorberei, en die twee Khoza-bulle baklei weer. Mmabatho ontdek ’n geheim wat haar huwelik sal bedreig, en Vuyiswa oortuig haar gespanne man, Jerry, om ’n pak klere na ’n belangrike geleentheid te dra. Harriet beveel Kea om haar kontakte by die lughawe bekend te maak, Shaka…

H Weekdae SABC2 (*192) 13:30 O Sondae SABC1 (*191) 12:00 VERLEDE KEER Nkunzi het die stryd na Khathaza geneem, Qhabanga was in die hospitaal nadat hy gedrink het, en Khathaza het uitgevind MaNgcobo het Steleka vermoor. 23 – 25 OKTOBER MaNgcobo is woedend wanneer iemand een van Khathaza se kosbare besittings steel, en Khathaza wurg MaNgcobo. Gabisile maak soveel moeilikheid tussen Nkunzi en MaMlambo dat Nkunzi dreig om MaMlambo uit die huis te skop, en Sbu trek kop uit sy besnydingsafspraak. Sibonelo hoor dis te laat om verskoning te vra dat hy Nonka se hart gebreek het, want sy het na Phelelani aanbeweeg. 28 OKT. – 1 NOV. Liefde en lojaliteit is nie genoeg wanneer so baie mense in die geheim saamsweer nie, en Khathaza toets sy manlikheid. Gabisile gebruik…

Wat gaan aan op die kanale wat programme sonder kennis verander? Ek het ’n lokprent van Chicago P.D. gesien en dit is deur Shades Of Blue vervang. – JEAN, SMS Die e.tv-skedule het sedert begin Oktober aansienlik verander. Daar is geen kennis gegee nie vanweë die baie veranderinge, waaronder Chicago P.D. wat van sy uitsaailys verwyder is. “Ons moes op die nippertjie ’n paar verstellings doen,” verduidelik die kanaal se skakelspan. “Ons het ’n seisoen van die geselsprogram The Late Show With Stephen Colbert ontvang, wat om 23:00 uitgesaai gaan word. Dit vervang gevolglik die flieks wat gedurende die week uitgesaai word, want dié tydgleuf is meer gepas vir geselsprogramme.” Die verandering is aangebring lank nadat tvplus na die drukkers is en nadat navraag gedoen is – die verandering is…

H Weekdae SABC2 (*192) 12:30 H Weekdae SABC3 (*193) 10:30 O Sondae SABC2 08:30 VERLEDE KEER Bonita was besorg oor die situasie tussen haar en Vanessa in hul huis, Lesedi het ontstellende nuus ontvang, en Gabby en Khethiwe was bekommerd oor Olivia. 23 – 25 OKTOBER Jacob vra Fikani om met ’n familiekwessie te help, Alexa moet ’n onverwagte prosedure op ’n pasiënt uitvoer, en ’n moeilike taak lê voor vir Xander en Justin. Matrone gee Tjattas waardevolle raad, Aggie is diep teleurgesteld in haar familie se gedrag, en Marko is vasbeslote om ’n kosbare verhouding te red. 28 OKT. – 1 NOV. Connie is verbaas om ’n ou bekende te sien, Vince ontvang ’n aanbod van hulp by Beleef, en later wag goeie nuus op hom. Alexa word gedwing…

Weekdae op M-Net-dek. 16:30 H Weekdae kykNET (*144) 23:30 H Di.-Vr. kykNET 08:30 O Sa. M-Net-dek 06:00 O Sa. kykNET 09:30 VERLEDE KEER Annelize het At uitoorlê toe hy hul huwelik onwettig wou laat verklaar, Jax het by die Binneland-kliniek bedank en Kaapstad toe getrek, en Danny het oop kaarte met Chanel gespeel. 23 – 25 OKTOBER At lig Conrad in oor ’n netelige saak en skok Annelize met sy ultimatum. Elana gee Danny raad oor Chanel, die spanning tussen Okkie en Ilse loop hoog, en Annelize konfronteer Quinton oor At se plan. ’n Pakkie uit China lei tot paniek, Ilse erken sy het ’n duur les geleer, en Tertius praat met Annelize oor sy vermoedens. 28 OKT. – 1 NOV. Chanel is omgekrap oor Danny se gedrag, Elana vra…

Weekdae kykNET & kie (*145) 18:30 Weekdae M-Net-dek 17:30 H Weekdae kykNET (*144) 23:00 H Weekdae kykNET & kie 14:00 VERLEDE KEER Anton het Zoe ontvoer, Siya het ’n band met Danni ontwikkel, en Michelle en Stefan het Quinton ontmoet. 23 – 25 OKTOBER Siya probeer vir sy werksonderhoud voorberei, die Gerbers kry skoknuus, en Lee-Ann en Ty maak gereed vir ’n spoggeleentheid. Quinton verbaas die Gerbers, Siya weet nie herwaarts of derwaarts nie, en Danni se lont raak ál korter. Mymoena stel voor Quinton en Stella ontmoet mekaar, maar dinge loop nie soos verwag nie. 28 OKT. – 1 NOV. Siya is in die wolke ná sy naweek, Tim is op die oorlogspad, en dinge in die Gerber-huis neem ’n wending. Lee-Ann betrap Ty onkant, Siya vind dit moeilik…

H Di. – Do. kykNET & kie (*145) 11:00 O Sondae kykNET & kie 16:00 VERLEDE KEER Die skool het vier nuwe leerders gekry, Daniel Lafras moes op straat probeer oorleef, Mtshali en Beatrice het mekaar beter leer ken, Hamilton en Beatrice se verhouding het begin uitrafel, en almal het Thys se verjaardag vergeet. 23 OKTOBER Daniel vind die lewe op straat moeilik. Wesley en Lee-Roy se liefdeslewe word versuur weens Curtley se inmengery, en Beatrice praat haar mond verby wanneer Wendy haar weer tart. 28 OKT. – 30 OKT. Beatrice het dringende nuus vir haar familie, en Valdonia is nie ingenome met Waanie nie. Hamilton is in sak en as oor sy en Beatrice se verhouding en trek by die Cupido’s in. Almal is in rep en roer oor…

H Weekdae SABC1 (*191) 08:00/SABC3 (*193) 11:00 O Sondae SABC3 09:30 VERLEDE KEER Gatanga het Florence afgesê om met Morongwa uit te gaan, Anja is nie na Phindile se partytjie genooi nie, en Nina het haar aan-af kêrel, speurder Majola, vertel sy’s swanger. 23 – 25 OKTOBER Gatanga probeer homself aan Morongwa bewys, en daar’s ’n ernstige mediese struikelblok in Nina en Majola se verhouding. Die spanning in die Matabane-huis laai op, en Simon probeer sy gevoelens vir Wendy wegsteek. Phindile en Kgothalo is vies vir hul kêrels, Sechaba en Lefa, wat hul planne verongeluk, Majola vind uit Nina het kanker, en Wendy is onbewus van Simon se flankeerdery. 28 OKT. – 1 NOV. Lalage se pogings om Kupido te speel in Wendy se liefdeslewe word verydel, en Nina is…

BOLD Katie se dokters soek ’n nierskenker, en Quinn hoor van Wyatt en Sally se verlowing. Thomas boelie klein Douglas omdat hy ’n klikbek is nadat Vinny onthul Danny het hom vertel Ridge en Shauna deel ’n kamer, en Thomas dreig Brooke omdat sy toegang tot die familie en die maatskappy vir hom moeilk maak, dan sê hy die Logans die stryd aan met planne om hulle uit te skop by Forrester Creations. Shauna erken teenoor Flo sy het ’n bewusteloos dronk Ridge gesoen, en Thomas wend hom tot Shauna om Ridge en Brooke se huwelik te verwoes. DAYS Lucas gee toestemming dat Kate, wat in ’n koma is, se hart aan Julie geskenk word, maar Rolf peuter met Kate se aarvoeding, wat haar uit haar koma laat ontwaak, en…

H Weekdae eExtra (DStv 195/Openview 105) 12:05 O Sondae eExtra 14:45 VERLEDE KEER Mahide het ’n nuwe bondgenoot, maar dis moeiliker om met Candan te werk as wat sy verwag het, Cihan het ontdek sy vuurwapen is gesteel en is in ’n misdaad gebruik, en Harun is gered deur die mens wat hy die meeste haat. 23 – 25 OKTOBER ’n Nuwe vyand weet van Mahide en Harun se vorige lewe, en Hazal se vloermoer in die musiekwinkel het ’n nadraai wat sy dalk nie sal kan hanteer as Cihan daarvan uitvind nie. Cihan en Ozan se vriendskap verflou, en Hazal word groot skindernuus wanneer ’n video van haar in die sosiale media versprei word. Cihan sien Ayse van aangesig tot aangesig en weet nie wat hy met hierdie nuwe…

Weekdae eExtra (DStv *195/Openview *105) 22:20 H Weekdae e.tv (*194) 12:30 O Saterdae e.tv 11:20 VERLEDE KEER Shria het Futhi afgedank, Shukela het Zakithi in ’n tref-en-trap-ongeluk verlam, en Sanil Maharaj het Nilesh se finansier geword, wat hom gehelp het om ’n oliemaatskappy te koop. 23 – 25 OKTOBER Ngcolosi vind uit Ray & Sons Oil is onder hul neus verkoop, en Sanil vertel Nilesh sy doelwit is om Maluju te vernietig. Khanyo bid oor haar troue met pastoor Ndamase, en MaZulu aanvaar geen verantwoordelikheid vir Zakithi nadat Zakithi haar eenkant toe stoot. Celiwe trotseer MaZulu om vir Zakithi se versorging te veg, en Phakade nooi Zakithi om in sy huis te kom bly. 28 OKT. – 1 NOV. Zakithi kan weer loop, en Ngcolosi kom agter hoe eenders hy…

H Weekdae Mzansi Magic (*161) 10:30 & 13:30 H Sondae Mzansi Magic 14:30 VERLEDE KEER Vivian het oorweeg om haar verlowing aan Kero te verbreek, Banzi het ongewenste aandag op die kerk gevestig, en Patrick se wanhoop het hom ’n oorhaastige besluit laat neem. 23 – 25 OKTOBER Diamond weet nie hoe om Vivian se besluit te verstaan nie, en Palesa se pogings om haar openbare skandaal in die verlede te laat, boemerang. Cheez vermoed iemand in sy binnekring beplan sy ondergang, en Karlujah help Palesa in haar tyd van nood. Abednego soebat Chunks om hul verhouding nog ’n kans te gee, en Tiro se romantiese gebaar laat Sne glimlag. Vivian se integriteit word bevraagteken, en Chunks is onversetlik dat Abednego haar reëls respekteer. Palesa se oorhaastige besluit skok die…

H Weekdae e.tv (*194) 12:00 H Weekdae eExtra (DStv *195/Openview *105) 13:15 O Saterdae e.tv 09:30 VERLEDE KEER Yvonne het vermoed Loyiso is Chumani se biologiese pa, Dintle en mej. Zuki is as NFH se nuutste meningsvormers aangestel, en die Ngemagesin het ’n huis gekoop. 23 – 25 OKTOBER Loyiso wonder of hy Chumani van sy vermoedens moet vertel, en Yvonne laat onbedoeld glip dat Boniswa iets wegsteek. Arabella maak ’n skokkende bekentenis, en Layla erken aan Grace sy’s nie onverskillig teenoor Wesley nie. Dintle hou nie van ander mense wat probeer naam maak deur astrantheid nie, en Kgosi se ekstra werk beïnvloed sy loopbaan as platejoggie. 28 OKT. – 1 NOV. Boniswa vertel Chumani iets afskuweliks oor Loyiso, en mislukte onderhandelings tussen twee eksminnaars het gevolge. ’n Seun is…

H Weekdae 1Magic (*103) 23:30 & 10:30 O Saterdae 1Magic 17:00 O Sondae 1Magic 09:30 VERLEDE KEER Cobra en Itumeleng het hul verskille opsygeskuif om hul suster, Dimpho, deur ’n moeilike tyd te help, Lindiwe se nuwe mededinger het haar kinders Mbali en Andile gebruik om haar by te kom, en Flora was agterdogtig oor Mosa se gedrag. 23 – 25 OKTOBER Die Dikana-kinders word by Lindiwe se stryd met haar nuwe sakemededinger ingesleep, en Cobra is onbewus dat sy nuwe vyand nie volgens die reëls speel nie. Zolani is oortuig sy verlede gaan in sy toekoms probeme veroorsaak. Paulina is omgekrap oor haar man, Cobra, haar sakeplanne ruïneer, en Zolani probeer vergoed nadat hy ’n geliefde seergemaak het. Cobra loop gevaar om sy werk te verloor weens astrantheid en…

23 Oktober 24 Oktober 25 Oktober 26 Oktober 27 Oktober 28 Oktober 29 Oktober 30 Oktober 31 Oktober 1 November 2 November 3 November 4 November 5 November…

Ek dink sy is ’n baie goeie aktrise. Hoeveel mense kan só baie emosies uitbeeld in een reeks? Dit vereis talent en moed. Voorspoed vir die toekoms. – REINET, FACEBOOK Sy is pragtig, maar dis tyd dat sy die sepie verlaat. Haar karakter het sy einde bereik en is nou net irriterend. Voorspoed dus vir haar nuwe avonture en ek hoop sy kry ’n lekker rol in ’n ander fliek. – SHARON, FACEBOOK Ek is seker sy is wonderlik in die regte lewe, maar moes ’n aaklige rol in dié sepie speel. Voorspoed. Jy is pragtig! – MARISA, FACEBOOK Nadia is ’n fantastiese aktrise, maar haar storielyne in 7de Laan was verskriklik. Hoeveel probleme kan een huwelik verduur? – LINDZAY, FACEBOOK…

Jy ken dalk nie vir James Gracie nie, maar die naam James Alexander sal wel ’n klokkie lui: Hy het die rol van Tristan van Reenen in die M-Net-sepie The Wild (2011-2013) vertolk. Die 41-jarige akteur keer terug na ons skerms as Lemmer in die nuwe aksiereeks Trackers (lees meer op ble. 34 en 35) en onthul hy het sy naam in 2016 verander toe hy en sy aktrisevrou, Anel, na Los Angeles verhuis het. “Hier is ’n paar James Alexanders. Gracie is my ma, Elsie, se nooiensvan en nadat my agente gekyk het na my voorstel ‘James Glitterpony’, wat hulle ‘te uniek’ genoem het, het ek my ma gevra of sy sou omgee. Sy was baie opgewonde,” sê James, en voeg by: “My pa, Jim Alexander, se naam het…

Beatrice en Hamilton se liefdesbootjie is ook aan die wankel, weens die superfeeks Wendy (Rehane Abrahams) wat al lank dié verhouding probeer saboteer. En sy kry dit sowaar reg! Nadat Wendy stories oor Beatrice in Hamilton se ore fluister, besluit die paartjie op Maandag 28 Oktober om hul verhouding te beëindig. Maar is dit werklik so of net ’n klug om Wendy ’n rat voor die oë te draai? “As Wendy moet uitvind die opbrekery was ’n klug, gaan die vonke behoorlik spat,” waarsku Rehane.…

H Weekdae e.tv (*194) 09:30 VERLEDE KEER Belle en Shawn het na Hongkong verhuis, en Orpheus, Xander en Clyde het uit die tronk ontsnap en Theresa en Brady se troue bygewoon. 23 – 25 OKTOBER Chad besef Clyde en Ben glo albei steeds Thomas is Ben se seun. Chase vra sy pa of hy Hope gaan afpers om saam met hulle na Oregon te gaan, en Clyde rig ’n vuurwapen op Kate by die Martin-huis, maar Chad stoei met hom vir die wapen. Deimos vra Brady, Theresa, Nicole, Philip en Chloe om saam met hom na die herehuis terug te trek, en Marlena probeer Claire uit die moeilikheid hou. 28 OKT. – 1 NOV. Victor moedig Sonny aan om na die herehuis te trek, en Jennifer, Julie, Ciara en Claire…

O Saterdae & Sondae Telemundo (*118) 19:00 VERLEDE KEER Cindy betrap Ricardo en Marcela ná ’n werkspartytjie, Armando kies Betty bo Marcela, en Jack en Cindy verkies om eerder met V&M te werk as hul mededingende boetieks. 23 – 25 OKTOBER Armando verraai Betty en skryf sy troubeloftes saam met sy verloofde, Marcela, maar hy twyfel steeds, en Nicolás probeer Betty oorreed om wraak te neem op Armando omdat hy haar soos ’n gek laat lyk het. Marcela eis dat Ricardo haar vertel met wie Armando ’n kort affair het. 28 OKT. – 1 NOV. Betty gee voor Nicolás is haar kêrel wanneer sy Catalina en Patricia op ’n werksgeselligheid raakloop, en Armando probeer Betty later terugwen deur haar voor almal te soen. Cindy beveel Marcela om haar affair met…

H Weekdae SABC1 (*191) 08:30 O Saterdae SABC1 11:00 VERLEDE KEER Palesa se baas het met sy onetiese versoek haar in ’n ongemaklike situasie geplaas, die blinde Smanga het sy meisie, Bulelwa, vermy, en Zitha en Sphe se stryery het hand uitgeruk. 23 – 25 OKTOBER Tau se vrae irriteer sy werkers, en Smanga word deur sy depressie verteer. Bulelwa se tirade teen haar werknemer is onregverdig, en ’n onwelkome besoeker klop aan Gadaffi se deur. Speurder Roberts nader die verkeerde man vir hulp om die misdadiger sakeman Jack in hegtenis te neem, en oom Kabisi is beïndruk met Crazy J se nuutgevonde vaardighede as ’n pa. Gadaffi verban sy aangenome seun, Mpho, terwyl hy van sy onwelkome gas ontslae wil raak. 28 OKT. – 1 NOV. ’n Paartjie se…

H Weekdae Mzansi Magic (*161) 09:30 & 12:30 O Sondae Mzansi Magic 10:00 VERLEDE KEER Thokozani het die dorp verlaat kort nadat sy haar ma, Phumelele, se affair met die prokureur Fenyang onthul het, Mkabayi het Duma gepak, en S’khaleni se taxi-app-besigheid het gevou. 23 – 25 OKTOBER Mkabayi sleep Thokozani aan sy ore by Iris se huis uit, en die Zungu-familie baklei onder mekaar. Sibongile speel haar troefkaart met die hoop dit sal haar familie van verwoesting red, en Mkabayi word in boeie weggelei. Almal merk die vonk tussen Duma en Qondi op, en die Zungu’s skuif hul vyandigheid opsy om Mkabayi deur haar borgtogverhoor te help. Fenyang en Phumelele sien mekaar nog ’n laaste keer, en Fenyang is stomgeslaan wanneer sy kliënt Mpiyakhe hom nie afdank omdat hy…

O Saterdae & Sondae Telemundo (*118) 00:50 VERLEDE KEER Pilar se lewe was in gevaar, Carmen het haar kinders by Rutila laat wegkruip, en Aurelio is terug na Spanje. Esperanza is deur die Amerikaanse dwelmagentskap gesoek. 23 – 25 OKTOBER Mónica wil weet of Tony regtig op haar verlief is, en Aurelio weet nie hy het ’n vals verslag oor Pilar se dood gekry nie. Dalvio stuur ’n spioen om vir hom ’n oog oor Tata te hou, en Esperanza weet nie haar blyplek is ontdek nie. Pilar se dood word aan ’n dwelmoordosis toegeskryf, en Antonio se trawante wil Aurelio aanval. 28 OKT. – 1 NOV. Mónica moet die dorp verlaat, en die dwelmagentskap dink hulle het Aurelio se besending dwelms. Felina verwerp ’n apologie, en Carmen gebruik elke…

H Weekdae SABC1 (*191) 09:30 H Weekdae SABC2 (*192) 14:00 VERLEDE KEER Mapitsi was ongemaklik met haar huismaat, Botshelo, wat met die ouer Tumishang uitgaan, Pretty se verhouding het die tonge laat klap, en die prokureur Leeto het mnr. Manaka se saak by die hoërskool aanvaar. 23 – 25 OKTOBER Die polisie kry bewyse wat verband hou met Kelebogile se ontvoerder, en skoolhoof Thobakgale wil teen mnr. Manaka optree. Koko Mantsha moedig haar kleinseun, Katlego, aan om vir Pretty tyd te maak, en mnr. Manaka oorreed twee studente om vir hom in sy tugverhoor te getuig. 28 OKT. – 1 NOV. Die onderwysers draai teen Sthoko, want hulle dink sy wil mnr. Manaka se werk hê, en Kat en Pretty wys vingers na mekaar ná hul rampspoedige afspraak. ’n Vrou…

H Weekdae e.tv (DStv *194/Openview *104) 13:30 O Sondae eExtra (DStv *195/Openview *105) 11:50 VERLEDE KEER Jack en Lelo het hul plan uitgevoer, Marang en Zintle het die kliniek besoek, en Mama Rose het by Modise se liefdeslewe ingemeng. Diksie was onseker oor haar verhouding met Khumo, en Karel het verdwyn. 23 – 25 OKTOBER Itumeleng dink hy weet wie die ongeluk veroorsaak het, en Karel hou ’n vriend se lewe in sy hande. Angie slaan in woede na Jack, die polisie ondervra Karel vir die waarheid, en Itumeleng en Modise trotseer die koninklike raad. Sarah aanvaar haar pa se penarie. 28 OKT. – 1 NOV. Lelo is gereed om haar geleentheid met albei hande aan te gryp terwyl sy die reservaat bestuur, en Itumeleng het ’n visie vir sy…

Die reeks word gerugsteun deur die Amerikaanse maatskappy Cinemax en lyk soos ’n internasionale reeks met ’n groot begroting. Volgens die spelers was die verwagting van buitelandse gehore nie die moeilikste deel nie . . . 1 JAMES GRACIE Wat was die moeilikste deel om die rol van Lemmer te speel? Om slank te bly! In die boek word hy as “seningrig” beskryf en dikwels onderskat omdat hy nie gespierd is nie. Ek is dol oor roomys, fyngebak en kos! Die verfilming het oor langer as vyf maande geskied. Hoe moes jy vir jou rol voorberei? Ons moes leer hoe om met renosters te werk. Dis redelik eenvoudig: Vermy die skerp kant. Die ander waardevolle les, op ’n baie warm en troebel dag, was om midde-in die vlug deur…

Die Shelby-mans se voorkoms is feitlik onveranderd vergeleke met seisoen 4 toe die familie se sosiale en finansiële status skielik ’n hupstoot gekry het. Dit word weerspieël in die mans se pakke en die vroue se pelse. Maar die kostuumontwerper, Alison McCosh, het die vrouespelers van Peaky Blinders ’n gepaste oormaaksessie gegee. Die jare 1929 tot 1930 toon ’n duidelike verandering in vroueklere. “Ek wou hul klere moderniseer en werklik nuut en gelyk aan dié van die mans maak. Ek moes gewaagde keuses maak, veral vir Polly, wat so ’n sterk karakter is. Ek wou hê Helen se karakter moet ’n pak in een van die tonele dra.” “Dis nie ’n oorspronklike idee nie,” voeg Helen by. “Greta Garbo het dit gedoen en daar is baie foto’s van haar. Maar…

Ek hoop as Xander 7de Laan verlaat, neem hy vir Karmen saam. Sy is een te veel. – JM, SMS Daar kan gerus meer van die ander akteurs ook maar 7de Laan verlaat. Van hulle doen niks vir die storielyne nie. – ELNA, SMS #7delaan, so baie mense verlaat die sepie. Wat gaan aan? SAM, SMS Ek hou van Gabby se karakter op 7de Laan. Ek hoop sy raak gou ’n hoofspeler. – RENIQUE, FACEBOOK Hoekom voel dit of akteurs op 7de Laan elke drie tot ses maande die sepie verlaat? Is dinge agter die skerms so sleg of soek die akteurs net verandering? Dis vreemd. – LERATO, FACEBOOK At van Binnelanders is ’n pragtige voorbeeld vir ons land en sy mense hoe om bombasties en korrup te wees. –…