Innholdsfortegnelse for 9/11/2019 i TV Plus Afrikaans

Dit is lanklaas dat ’n plaaslike seisoen van Survivor mense so op die punt van hul stoel gehou en in die kuberruim laat gal braak het. Hoe Mmaba, Mike en kie. toegelaat het dat die Amigos – Rob, Steffi en Nicole – hulle so aan hul neus laat lei in Survivor: Island of Secrets en hulle boonop soos prooi op uitstemtyd geslag het, sal die hemel alleen weet! ’n Mens wou omtrent uit pure frustrasie voor jou kassie skree wanneer hulle die een na die ander die trekpas kry. In dié uitgawe kyk ons terug na ál die gekonkel en rugstekery (bl. 34). En daar kom nóg Survivor-aksie! Jonk en oud pak mekaar nou in Survivor: Millennials vs. Gen X (bl. 35). Vir dié wat die liefde wil sien seëvier,…

Rickus het al talle vroue in sy lewe gehad: van die Haven-kultusvolgeling Suna (Anelle Bester) en die Beleef-kelnerin Olivia (Nadia Herbst), tot die naïewe Mienkie. Maar niemand het ’n groter impak op hom gehad as Eugenie, wat ook aan ’n rolstoel gekluister is nie. “Eugenie het soos ’n vars briesie in Rickus se lewe geblaas,” sê André. “En omdat Rickus toe al deur vele traumatiese gebeure was, soos die vliegtuigongeluk (in 2016), sy testikulêre kanker (April 2018), sy betrokkenheid by die (onwettige) Leef Of Ly-gevegklub (in September 2018 onder die bynaam Ratel) en die Haven-kultusgroep (November 2018), kon hy vinniger en makliker kalmeer en na Eugenie luister toe sy hom help om in ’n rystoel aan te pas.” Rickus het dolverlief geraak op Eugenie en teen begin verlede maand was…

H Weekdae e.tv (*194) 09:30 VERLEDE KEER Deimos en Chloe het na Salem teruggekeer, Andre het ’n bom aan Rafe vasgeketting, en Hope het uitgevind Aiden het haar probeer vermoor. 11 – 13 SEPTEMBER Rafe droom daarvan om Andre en Aiden te vermoor omdat hulle hom tart oor Hope se dood terwyl hul tyd uitloop in die tonnels, maar Chad tree in en probeer hulle op die nippertjie red. Brady beskuldig Victor daarvan dat hy Tate ontvoer het, en Theresa ondergaan hipnose om meer te onthou. Andre wil Kate se guns wen, en Deimos probeer vrede maak met Victor. 16 – 20 SEPTEMBER Aiden toon tekens dat hy geestelik onstabiel is wanneer hy Chase in die gestig besoek, Adriana beplan om Rafe en Hope op te breek, en Eduardo kry…

H Weekdae SABC2 (*192) 13:30 O Sondae SABC1 (*191) 12:00 VERLEDE KEER MaNgcobo het Khathaza haar versteekte miljoene gewys, Lilly het die pos as salonbestuurder gewen, en Nkunzi het Gabisile gevra om te trou. 11 – 13 SEPTEMBER Nkunzi en Gabisile se komende troue laat nóg ’n paartjie op hul tande kners. MaNgcobo konkel om Nkunzi te laat kaap, en Sibonelo beplan om oor sy sondes te bieg nadat hy op die mees ongeleë tyd verstar. Die sogenaamde vriend Fikile steek haar rugsteker-onderneming vir Lilly weg, en Sibonelo los Nonka as die eerste tree na sy nuwe lewe. 16 – 20 SEPTEMBER Nkunzi is onskuldig maar sy ondervraers glo nie sy bewerings nie, en dis tyd vir Gabi om ernstig met Lilly se tant Nokwanda te praat. Sibonelo moet bedel,…

Geen herhalings. VERLEDE KEER Suhan het antwoorde geëis van haar pa, Tahsin, Korhan het uitgevind Hulya was eens ’n prostituut, en Rifat is in hegtenis geneem. Bulent is by sy werk afgedank, Tahsin wou van die tronkvoël Riza ontslae raak, en Hulya is gearresteer. 11 – 13 SEPTEMBER Tahsin word in hegtenis geneem omdat hy Riza uit die tronk help ontsnap het, en Korhan verloor belangrike bewyse. Cesur wil ’n nadoodse ondersoek op sy pa laat doen om te bewys hy is vermoor, en Suhan en Cesur baklei oor Tahsin se betrokkenheid by Riza se ontsnapping. Hulya flankeer met die nuwe polisiehoof om vertroulike inligting te kry oor wat by die tronk gebeur het. 16 – 20 SEPTEMBER Cesur kry ’n brief van die huurmoordenaar Riza wat sê Cesur is…

O Saterdae SABC2 (*192) 11:00 VERLEDE KEER Mhani Dayina se suster Khwinana het kom kuier, die ontvoerder Magwinya het teruggekeer, en Tiyiselani en Musa het hul hofsege met seks gevier. 13 SEPTEMBER Musa se ouers terg hom oor slaap by Tiyiselani se plek wanneer sy hul toestemming vra dat hy by haar kan intrek, en Collen betrap Musa en Tiyiselani. Mhani Tsakani doen weer sake, en Magwinya hoor hy is onskuldig van die Vukosiskietery en hy vier dit in die kroeg, waar hy ’n swendelares genaamd Njakeni raakloop. 16 – 18 SEPTEMBER Njakeni steel van Magwinya, en Hlengani skinder by Mike, Gladys en Vukosi oor Magwinya se skielike rykdom. Gladys is ontsteld oor Magwinya se volgehoue teenwoordigheid op die dorp, en Njakeni wil weet wat Magwinya vir die Mudaus doen.…

H Weekdae e.tv (*194)/Openview (DStv *104) Di.-Vr. 14:00 VERLEDE KEER Die onderwyser Dimpho het by die akademie aangesluit, Lwandle het sy talent teen Elihle gebruik, Mpendulo het van Mbali geskei, en Nomzingeli het Tandzile gered. 11 – 12 SEPTEMBER Neo se gemeentelede begin onwelkome aandag na die plaas en die akademie trek wanneer hulle vir Neo se seën opdaag. Lwandle beëindig die hipnose waaronder hy Elihle geplaas het, maar Moses is woedend wanneer hy uitvind hoe Lwandle sy talent misbruik het. Nomzingeli word daarvan beskuldig dat sy Impilo Labs se agenda bevorder wanneer haar identiteit onthul word. 16 – 19 SEPTEMBER Neo se gegriefde pa, pastoor Rametsi, moedig sy gemeente aan om teen die akademie te draai, terwyl Neo instem om die kerkmense wat by hom hulp soek, te help.…

H Weekdae SABC1 (*191) 09:00 H Weekdae SABC2 (*192) 14:30 VERLEDE KEER Gugu het weer liefde gevind, Vho-Mukondeleli het Sundani se kant gekies teen Teboho en Mulalo, en Azwindini het Kgosi se bewering weerlê dat hy lid is van die koninklike Mukwevho-gesin. 11 – 13 SEPTEMBER Vhangani wil die koninklike huis verlaat, en Imani kry Gugu en Seretse saam in ’n hotelkamer. Shaz word in ’n tenderaanbod uitgevang, en Azwindini maak vrede met Vhangani. Susan smee ’n band met Vhutshilo se terapeut, en Seretse soebat Imani om hom te vergewe. 16 – 20 SEPTEMBER Senamile se belangstelling in Azwindini verras mense, Gugu se verraad teenoor Imani sal beduidende gevolge hê, en die koninklikes is ongemaklik met hul nuwe besoeker. Warona en Shaz se besigheid sink vinnig, en grieselige goed gebeur…

H Weekdae Mzansi Magic (*161) 10:00 & 13:00 O Saterdae Mzansi Magic (*161) 11:00 VERLEDE KEER Harriet en Kea het na Kagiso, Shaka en Brutus gesoek, Thato het sy gesin se restaurant probeer red, en Jerry se kollegas wou hê hy moet terugkeer werk toe. 11 – 13 SEPTEMBER Jerry is weer reg om met sy speurwerk te begin nadat hy met prostaatkanker gediagnoseer is, en Kea maan haar broers, Kagiso en Shaka, om vrede te maak. Patronella soek ekstra werk om kop bo water te hou, en Kea reël ’n modevertoning. Jerry wil saam met die ander speurders op ’n observasietaak uitgaan, maar nie almal dink hy is gereed nie, en Thato kry ’n ander kelnerin. 16 – 20 SEPTEMBER Kea is verpletter ná ’n onsuksesvolle gebeurtenis, en Sthembiso…

H Weekdae eExtra (*195/Openview *105) 13:30 O Sondae eExtra (*195/Openview *105) 11:55 VERLEDE KEER Tiro en Lelo se verhouding het die lodge laat skinder, en Marang en Zintle se verhouding is openlik geknou. Jack het Itumeleng afgepers, en Tiro het Tristan gevra om sy strooijonker te wees. Karel en sy seun Jack het die reservaat probeer red, en wellus vir Zintle het Isaac verblind. 11 – 13 SEPTEMBER Itumeleng word in ’n hoek gedryf, wat hom ’n gevaarlike teenstander maak, en Tristan vind uit Karel, Jack en Itumeleng het die waarheid gepraat oor ’n verdagte gas by die lodge. Bernie verklaar oorlog teen ’n ou vriend, Lelo is vasberade om ’n regte bruid te wees, maar besef ook sy is nog nie gereed vir kinders nie, en Isaac onthul sy…

Hoekom kos dit soveel meer om plaaslike programme as internasionale programme te maak? – PETER, E-POS Die hoofrede is dat die plaaslike inhoud steeds die hele produksieproses moet deurloop, terwyl die internasionale inhoud se rolverdeling reeds gedoen is, dit reeds geskryf, verfilm, vervaardig, geredigeer en vir verspreiding verpak is, verduidelik DStv se kanaal-en-bemarkingspan. “Eers moet dit deur die produksiemaatskappy voorgelê en goedgekeur word indien die uitsaaier dit kan finansier. Daarna moet die draaiboek uitgedink en geskryf word, die akteurs vir die rolle (hulle is nie altyd beskikbaar nie) en die plekke vir die opnames gevind word, asook kamera- en produksiespanne gehuur en die verfilmde materiaal geredigeer word.” Dit dra alles by tot die koste. Verder verhoog die prys van feitlik alles deesdae, insluitende elektrisiteit, want die beligting in die ateljee…

H Di.-Sa. kykNET (*144) 09:00 H Weekdae kykNET 22:30 VERLEDE KEER Lienkie het Blitz vermy nadat hy aan Julia verloof geraak het, die spanning van Jacques se dood het Kristien tot breekpunt gedryf, en Schalk het erge bedenkinge oor sy nuwe vriendin gehad. 11 – 13 SEPTEMBER ’n Artikel verskyn op SinBin wat Reitz by Jacques se moord betrek, Julia voel onrustig oor Blitz en Lienkie se vriendskap, en Breytenbach ontdek iets uit Kristien se verlede. Anna meen Reitz steek iets vir haar weg, Ryno en Thinus is op hul senuwees oor die troue die volgende dag, en die spanning loop hoog tussen Reitz en Anna. 16 – 20 SEPTEMBER Julia pols Blitz oor hul troudatum, Kristien besef Breytenbach het sy mes in vir haar, en Bart vind uit wat…

H Weekdae SABC2 (*192) 13:00 H Weekdae SABC3 (*193) 10:30 O Sondae SABC2 08:30 VERLEDE KEER Gabby, Khethiwe en Romeo het as woonstelmaats 'n bietjie koppe gestamp, Mariaan was pessimisties oor die toekoms, en Hilda het gehaltetyd met haar kleinkinders deurgebring. 11 – 13 SEPTEMBER Connie konfronteer Lesedi oor haar gedrag, Matrone is sinies oor die vooruitsig van liefde in haar lewe, en Diederik wend hom tot Alexa vir hulp met sy gesondheid. ’n Bekende gesig maak ’n draai in Hillside, Hilda neem Charmaine en Matrone in haar vertroue oor iets wat haar pla, en Diederik gee sy vrou, Olivia, ’n ultimatum. 16 – 20 SEPTEMBER ’n Gawe man kom tot Hilda se redding en sy is baie beïndruk deur hom, Rickus neem ’n belangrike besluit oor wat hy met…

Weekdae op M-Net-dek. 16:30 H Weekdae kykNET (*144) 23:30 H Di.-Vr. kykNET 08:30 O Sa. M-Net-dek 06:00 O Sa. kykNET 09:30 VERLEDE KEER Renate het met Quinton geflankeer en hom gesoen, At het dr. Hugo ’n pos by onkologie aangebied, en René en Chanel moes vrede maak met Stefan se besluit. 11 – 13 SEPTEMBER At is terug in Pretoria, Tertius is bekommerd oor Annelize se welstand, en Hugo raai Elana aan om nie met die volle waarheid vorendag te kom nie. Kaptein Botha stel sy visier op Annelize, Steve kan nie langer stilbly nie, en die mediablootstelling en ’n duikklopper maak Annelize gespanne. At gee sy handlanger, Piet, ’n nuwe opdrag en Danny raak onrustig oor Steve. 16 – 20 SEPTEMBER Die raad ontvang skokkende nuus oor een van…

H Di. – Do. kykNET & kie (*145) 11:00 O Sondae kykNET & kie 16:00 VERLEDE KEER Claudia se gesin het Arendsvlei omgekeer op soek na hul dogter, speurder Karelse het meer druk op Wendy geplaas oor David se moord, Emile was in ’n gemors en Wendy het tot sy redding gekom, Beatrice het slegte nuus gekry, en Hazel het amok gemaak. 11 SEPTEMBER Nicolene se ouers is geskok wanneer sy hulle vertel sy gee nie meer onderwys nie, Janice kry onverwagte besoekers, en Lee-Roy en Wesley besluit om op te staan vir wat reg is. Die nare waarheid staar Beatrice in die gesig. 16 – 18 SEPTEMBER Lee-Roy kom met ’n slim plan vorendag wanneer ’n mosie van wantroue teen Beatrice ingestel word, Anton raak paniekbevange wanneer Nicolene verdwyn,…

H Weekdae e.tv (*194) 12:00 H Weekdae eExtra (DStv *195/Openview *105) 13:15 O Saterdae e.tv 09:30 VERLEDE KEER Neo het Yvonne gedwing om in te stem om met hom te trou, en die Langa- en Medupe-gesin het oor Xolile en Romeo se baba onderhandel. 11 – 13 SEPTEMBER Neo trek kop uit ’n transaksie en rig ’n dodelike uitdaging aan Quinton, en Yvonne neem ’n verrassende besluit om ’n gesin se toekoms te red. Almal soek werk, van Dintle tot Layla, en Damon Bradbury het die sleutel tot minstens een ryk. Die Ngema-gesin staan met die rug teen die muur in ’n behuisingskrisis. 16 – 20 SEPTEMBER Yvonne doen ’n dapper stap om lewens te red, iemand kry ’n desperate pleidooi om hulp wat sal vereis dat sy reg in…

BOLD Steffy huil in Ridge se arms nadat sy baba Phoebe/Beth aan Hope afgegee het. Ridge laat Reese in Londen in hegtenis neem voordat hy Zoe afdank, Wyatt en Sally maak vrede, en Xander vertel Ridge wat hy dink met Emma gebeur het. Ridge is ontsteld wanneer speurder Sanchez met Thomas oor Emma se dood wil praat, en Shauna en Flo bely hul kant van die storie in die baba-omruilingsdrama. Thomas is woedend wanneer hy uitvind Hope gaan hul huwelik laat ontbind en hy beskuldig klein Douglas van moeilikheidmakery, en Brooke jaag om te keer dat Thomas by Hope uitkom. DAYS Will vertel Brady Kristen lewe dalk nog, Kristen dreig sy sal Anna doodmaak as Tony nie van haar af wegbly nie, en Anna vertel Tony sy sal met Roman…

H Weekdae eExtra (DStv 195/OpenView 105) 12:05 O Sondae eExtra 14:45 VERLEDE KEER Rahmi het geweier om vir Harun op Cihan te spioeneer, Cansu se nuwe kêrel het Ozan nie beïndruk nie, en Keriman se plan om Rahmi af te pers het geboemerang. Gülseren is in ’n hoek gedryf, en Dilara het nuus gekry wat haar lewe verander het. 11 – 13 SEPTEMBER Cihan probeer Dilara oor Harun waarsku, maar dit val op dowe ore, en Hazal dryf Gülseren te hard en te ver. Dilara se bekentenis lei tot ’n onwaarskynlike vennootskap van twee vyande, en ’n spook uit die verlede val Candan lastig. Cihan vermoed die verskriklike waarheid agter Harun se soektog na wraak, en Gülseren is onseker oor die troue. Cihan kry ’n vuurwapen en neem die reg…

Weekdae eExtra (DStv *195/Openview *105) 22:20 H Weekdae e.tv (*194) 12:30 O Saterdae e.tv 11:20 VERLEDE KEER Navin het met sy lewe betaal vir die ontvoering van Mira, Futhi het by Maluju werk gekry, en Shria het van Nilesh begin hou. 11 – 13 SEPTEMBER Maluju maak reg vir sluiting voor die raadsvergadering, maar Zakithi sit die stemmery stop. KaMadonsela skel Futhi oor sy by Maluju werk, Thu Sheleni is jaloers op Zithulele se vriendskap met Nilesh, en Zithulele en Nilesh wil ’n besigheid begin. Shukela vra Lindiwe uit op ’n afspraak, Shria stem in om met Nilesh uit te gaan, en Phunyuka ontmoet Nkululeko se regte ma, Thokozile. 16 – 20 SEPTEMBER Phakade beveel Futhi om Maluju te verlaat, en Khanyo vra Phakade hoe sy haar gevoelens vir Lindiwe…

H Weekdae Mzansi Magic (*161) 10:30 & 13:30 O Sondae Mzansi Magic 15:00 VERLEDE KEER Palesa was verras deur ’n aankondiging, ’n gewetenlose woekeraar het sy pond vleis gesoek, en twee vriende was angsbevange toe hulle iemand se slegte kant sien. 11 – 13 SEPTEMBER Abednego besef hy is opgeskeep met Khensani wanneer sy dreig om sy geheime te ontbloot as hy net dink daaraan om haar te los. Palesa oorweeg dit om die polisie om hulp te nader. Ayanda kry die hulp waarom sy so desperaat gebid het, Cheez hou aan sy prooi bekruip, en pastoor Absalom los ’n bom op mme. Ethel. Abednego is desperaat om Khensani te los, Madoda sukkel om te groet en Zamani smeek Ayanda om hulp. 16 – 20 SEPTEMBER Oscar veroorsaak meer probleme…

H Weekdae e.tv (*194) 11:30 VERLEDE KEER Jamaica het besin oor sy affair met die homofobiese sakeman Khulekani, Sindiswa het R10 000 van die bank gekry, en Renei het ’n video van haar reinigingseremonie aanlyn geplaas. 11 – 13 SEPTEMBER Jamaica is sprakeloos wanneer Bash onthul hy weet met wie Jamaica uitgaan, en Pearl is bereid om Mzi te vergewe oor hy haar met Lerato verneuk het. Gail wil haar minnaar, David, se sakegeleentheid met Khulekani in die wiele ry, en Pearl herinner Mzi hy is die een wat hul verhouding vernietig het. Khulekani bekruip Bash, en Jamaica vaar uit teen kliënte by die klub. 16 – 20 SEPTEMBER Sabelo en Sindiswa gaan op nog ’n inkopietog, en Jamaica is nie seker waar hy staan ná ’n argument met Khulekani…

H Weekdae 1Magic (*103) 23:30 & 10:30 O Saterdae 1Magic 17:00 O Sondae 1Magic 09:30 VERLEDE KEER Itumeleng en Dimpho het geweier om deel te hê aan hul broer Cobra se nuutste skelmstreek, en Andile en Mbali vermoed hul ouers, Zweli en Lindiwe, het hul romanse hervat. 11 – 13 SEPTEMBER Itumeleng is in die versoeking gestel deur haar biologiese ma, Lindiwe, se aanbod, en Cobra raak aggressief om homself en sy geliefdes te beskerm. Lindiwe laat geen steen onaangeroer tydens haar soektog na wraak nie, en Cobra kry hulp van ’n voormalige kennis om sy lewe te red. Lindiwe se moordlys word daagliks langer, maar sy’s geduldig met die uitvoering daarvan, en Khabzela weet waar om hulp te kry nie. 16 – 20 SEPTEMBER Khabzela kry ontstellende inligting wat…

11 September 12 September 13 September 14 September 16 September 17 September 18 September 19 September 20 September 21 September 22 September 23 September 24 September…

Hoe kan die twee nog op Wendy staatmaak vir hulp? Die twee broers moet hul kop laat lees, want daardie vrou is net moeilikheid met ’n hoofletter M. – DRIES, FACEBOOK Emile moet sy mond oopmaak. Wendy gebruik hom net. – LEANDA, FACEBOOK Dit lyk of Emile nou tronk toe gaan, want Wendy gaan beslis nie. – TERTIA, FACEBOOK Regtig ’n gevaarlike situasie. Ek voel eintlik jammer vir Emile. – BERNADETTE, FACEBOOK…

Rehane Abrahams laat menige kyker vuur spoeg wanneer sy begin konkel as die slinkse superfeeks Wendy Newman in die telenovelle Arendsvlei (2018-nou), wat onlangs vir ’n tweede seisoen hernu is (lees meer op bl. 19). “’n Mens kan sê sy is die mafiabaas van Arendsvlei. Sy regeer die gemeenskap met ’n ysterhand,” sê Rehane, wat in 1991 haar televisiedebuut in die dramareeks Die Allemans gemaak het. Weg van die woelinge in Arendsvlei, pink dié Kaapse aktrise maklik ’n traan weg as daar ’n mooi storie op die kassie is en sy kettingkyk graag reekse. “Ek het nou net die Britse donker komediereeks Flowers (2016-2018) klaar gekyk. Daar was net ses episodes in elk van die twee seisoene. My hart is gebreek,” vertel Rehane. Daar is egter baie ander kykstof wat…

Die Stryders-rugbyspeler Ryno (Adrian Steyn) en sy prokureurliefie, Thinus (Arno Marais), se groot dag is uiteindelik hier! Op Vrydag 13 September beloof die twee ewige trou aan mekaar, maar in tipiese sepiestyl gaan dit nie sonder kinkels en drama wees nie. “Eers is daar ’n krisis met die koek, dan breek die videograaf se kar,” sê Adrian. Ryno is boonop ontsteld, want hulle kan nie onmiddellik ná die troue op wittebrood gaan nie omdat Thinus eers moet agterbly om die eks-Stryder-rugbyspeler Reitz (Sean van Noordwyk) se hofsaak uit te sorteer. Reitz word verdink van die moord op die hygroman-skrywer Jacques (Armand Aucamp), wat Reitz se meisie, Anna (Kate Roothman), verlede maand verkrag het. “Uiteindelik oorwin die liefde en Ryno en Thinus vier hul spesiale dag saam met mekaar en hul…

Weekdae kykNET & kie (*145) 18:30 Weekdae M-Net-dek 17:30 H Weekdae kykNET (*144) 23:00 H Weekdae kykNET & kie 14:00 VERLEDE KEER Lee-Ann het by Suidooster-Eiendomme bedank, Gloria het haar seun vir die Gerbers gegee om aan te neem, en Pierre het sy verhouding met Bridgette verbreek. 11 – 13 SEPTEMBER Rhafiek spook om die buurtwag aan die gang te kry, terwyl Carmen agter Bianca se rug konkel. Die Gerbers se beker loop oor, Carmen maak ’n plan om Rhafiek te help, en Bridgette skuld iemand ’n verskoning. Gloria het ’n versoek wat Chris se nekhare laat rys, Michelle is vol vertwyfeling, en Carmen en Rhafiek bedoel goed met Bianca, maar dan loop sake skeef. 16 – 20 SEPTEMBER Mrs J. dink aan ’n manier om Bennie besig te hou,…

H Weekdae SABC1 (*191) 08:00/SABC3 (*193) 11:00 O Sondae SABC3 09:30 VERLEDE KEER Morongwa het ineengestort toe sy Gatanga met ’n ander vrou gesien het, Anja was bekommerd Olivia wou haar kêrel, Obakeng, steel, en Sechaba is by Lincoln se geveg ingesleep. 11 – 13 SEPTEMBER Lincoln probeer die aandag van hom aflei deur Sechaba die skurk te maak in sy planne om sy myn uit te brei, en Olivia se roekelose gedrag maak steeds die mense rondom haar seer. Gatanga nader die vrou wat hy liefhet, en Claudette stel haar saak aan die inwoners van KwaNomzamo. Wendy sê Morongwa moet Gatanga van haar gevoelens vertel voor sy hom verloor, en Lincoln se planne om beheer oor te neem van Horizon Deep laat ’n bitter nasmaak in Claudette se mond.…

Hier gaan ons alweer! Byna ’n jaar ná MaMlambo (Gugu Gumede) se huwelik met Nkunzi (Masoja Msiza) in September 2018 – toe MaNgcobo (Dawn Thandeka King) met ’n vuurwapen in die hand die trouplegtigheid ontwrig en Nkunzi gedwing het om met hulle al twee te trou – is MaMlambo weer op pad kansel toe. En daar is weer ’n bruid wat die kalklig wil steel. Gabisile (Baby Cele), die vrou van wie MaMlambo Qhabanga (Siyabonga Shibe) gesteel het, beplan om Qhabanga se broer Nkunzi na die altaar te sleep. Verward? Om die waarheid te sê die bruide voel dieselfde. Met twee troues om die draai in Oktober en die beplanning wat nou eers begin, is daar chaos net waar jy kyk. GABISILE “Gabisile plaas druk op Nkunzi om te trou,…

O Saterdae & Sondae Telemundo (*118) 19:00 VERLEDE KEER Patricia het ’n ongelukkie met haar kleredrag gehad, Bertha het vermoed een van haar kollegas is swanger, en Nicolás was in ’n motorongeluk. 11 – 13 SEPTEMBER Ricardo loer skelm terwyl Marcela haar trourok aanpas, Armando stel sy planne met Betty af om die nag saam met Marcela deur te bring, en Sofia vertel Betty die maatskappy kan nie die werknewers se salarisse op die gestelde tyd betaal nie. Daniel daag by die modemaatskappy op en dreig om die maatskappy te laat ouditeer, Armando probeer regmaak met Betty, en Marcela volg Armando op haar foon. 16 – 20 SEPTEMBER Marcela kry ’n onderhoud en fotosessie by ’n tydskrif, en Armando kom vir Betty op wanneer haar kollegas haar oor haar nuwe…

H Weekdae SABC1 (*191) 08:30 O Saterdae SABC1 11:00 VERLEDE KEER Mpho was jaloers dat twee van sy beste vriende romanties geraak het, speurder Pele het ’n belangrike arrestasie gedoen, en Lesedi se besluit om haar baba te behou, het haar familie kwaad gemaak. 11 – 13 SEPTEMBER Cosmo betrap ’n dwelmhandelaar op heterdaad in sy sjebeen, en Lerato kry Lesedi voor stok oor sy almal uitsluit. Die Diales is stomgeslaan ná ’n skokkende verklaring, en Crazy J se ongewone gedrag kwel sy gesin. Tau vermoed sy sakevennoot is nie wie sy voorgee om te wees nie, en Mpho word gedwing om ’n geheim te hou. Sphe probeer ’n ander afspraak vir Smanga reël, en Lesedi gaan nie terugstaan en ’n boelie oor haar laat loop nie. 16 – 20…

H Weekdae Mzansi Magic (*161) 09:30 & 12:30 O Sondae Mzansi Magic 10:00 VERLEDE KEER Die prokureur Fenyang het vir Mkabayi goeie nuus oor Mpiyakhe se saak gegee, S’khaleni het gevoel hy word verwerp, en Qaphela het Mabuyi gehelp toe sy dit die nodigste gehad het. 11 – 13 SEPTEMBER S’khaleni red homself van nog ’n bedreiging, en Mabuyi beland in die moeilikheid. Hoewel Fen-yang se loopbaan vooruitgaan, stort sy persoonlike lewe in duie, en S’khaleni is teleurgesteld in die resultate van sy nuwe werk as ’n TaxiAppbestuurder. Fenyang begin drink om van sy sorge te vergeet, en Mabuyi plaas haar lewe op die spel om ’n student te red. Fenyang is skoonveld. 16 – 20 SEPTEMBER Mabuyi se wraakplan slaan ’n kwellende koers in, en S’khaleni verbreek die reëls…

O Saterdae & Sondae Telemundo (*118) 00:50 VERLEDE KEER Emiliana het Aurelio gesmeek om haar te spaar, Sebastián het Rutila gevra om te trou, en Aurelio het gedink hy het Victor geskiet. Antonio is uit die tronk vrygelaat, Tony en Mónica het saam gewerk, en Omar het Rodrigo laat agtervolg. 11 – 13 SEPTEMBER Felina vra Arnulfo om dwelms reg te kry om na Spanje te vervoer, Aurelio daag met Javi in Colombia op, en Zoe vergewe Esperanza. Tony se gewapende mans slaan toe op Nazareno se besigheid, en Tata se dokter gee vir hom slegte nuus. Victor vertel vir Alba en Rutila Mónica is by hom, en Aurelio hoor Nazareno is dood. 16 – 20 SEPTEMBER Mónica probeer ontsnap deur haar te vermom, en Niña en Mónica dreig mekaar…

H Weekdae SABC1 (*191) 09:30 H Weekdae SABC2 (*192) 14:00 VERLEDE KEER Tbose het sy baba se ma, Mapitsi, op ’n afstand gehou, Lehasa het ’n klant uit sy restaurant geskop, en Koko Mantsha het probeer keer dat Charity die pad byster raak. 11 – 13 SEPTEMBER Tbose ignoreer waarskuwings om Mapitsi te help, en Lelo delf in haar kêrel, Lehasa, se verlede. Charity probeer sin maak van haar roeping, Mapitsi se joernalistiekloopbaan kry ’n slag ná nog ’n kuberboelie haar aanval, en Emkay is keelvol vir sy vriende. 16 – 20 SEPTEMBER Mapitsi weier om terug te staan terwyl haar geloofwaardigheid bevraagteken word, en Lehasa oorweeg vrede met haar sakevennoot Cindy. Pretty sit Candice en Katlego op hul plek, en Mapitsi kan agter tralies beland weens ’n omstrede blog-inskrywing.…

H Weekdae Mzansi Magic (*161) 12:00 O Saterdae Mzansi Magic 13:30 VERLEDE KEER Lazarus is betrap toe hy sy beste vriend Maswabi se beeste gesteel het, Sephiri wou wraak neem, en die bose Sello en Odirile het ’n plan gehad om hul name uit Kefilwe se moordondersoek te hou. Goitseone wou hê sy ma moes Lazarus los, en ’n gyseldrama het op die dorp ontstaan. 11 – 12 SEPTEMBER Lazarus neem sy roeping as ’n profeet ernstig op en begin die evangelie in die Kweneng-gemeenskap versprei, en die Kwena-gesin is gelukkig wanneer koningin Mosadi haar suster Odirile met haar trouplanne help. Nie almal is ingenome met Lazarus se nuwe roeping nie en hulle gaan kla by die koningin, en Odirile se droom van ’n lang, geluk-kige lewe word deur ’n…

Dit sal lekker wees as Tjattas en sy ma, Hettie, meer in 7de Laan is, en dalk kan hul lewe verander as hulle die Lotto kan wen. – SUSAN, SMS Ek verlaat 7de Laan ook nou. Met Oubaas, Hilda en Charmaine se vertrek bly daar niks oor om te kyk nie. Ek hoop Charmaine neem ook vir Jacob saam, en Karmen kan ook maar haar tassies pak. – JOHAN, SMS Ek kan nie meer 7de Laan kyk nie. Karmen is eenvoudig net onuitstaanbaar irriterend. – PAT, SMS Hoekom word die herhaling van 7de Laan so vroeg op Sondagoggende herhaal? Ek is dan in die kerk. Kan dit nie weer na die ou tydgleuf van 13:30 skuif nie? – JUDY, SMS Kevin Smith het aantreklik grys geraak as die karakter Hamilton…