Innholdsfortegnelse for 7/17/2019 i TV Plus Afrikaans

Hier by tvplus kyk ons sommer baie TV. Noem ’n reeks en die kans is goed dat een van die span al ál die seisoene kaf gedraf het. Sekere reekse maak ’n mens nie net warm onder die kraag nie, dis ook die spulletjie waarom gesprekke draai om die etenstafel en in die kuberruim. Survivor SA: Island of Secrets is een van hulle. Gekonkel, rugstekery . . . hoe meer, hoe beter! Wie sou nou kon dink Nicole, wat lyk of botter nie in haar mond kan smelt nie, sou haar bestie Nathan onder die bus gooi en uitstem – en dit sekondes nadat hy gesê het sy is soos ’n suster vir hom? Ander reekse laat ons gons oor als van die kamerawerk tot waagtoertjies – dink aan die…

Die oud-swendelaar Vernon “Stokkies” Jacobs in Scandal! (2005-nou, lees meer op bl. 27) is ’n man met ’n plan – al is dit nie altyd goed nie. In 2018 moes hy juis in ’n rok vlug vir sy lewe van ’n ontstoke bende oor ’n piramideskema. Stokkies konkel alewig in sy kop. En in die regte lewe is Wayne van Rooyen (41), die man agter Stokkies, net so bedrywig . . . maar met sukses. Benewens al die sepiepret maak die akteur, wat al in reekse soos Fluiters (2016-nou) te sien was, ook in September ’n draai op die silwerdoek as Selling Komoetie in die fliekweergawe van Dalene Matthee se boek van 1985, Fiela Se Kind. Wat was die eerste TV-program wat jy en jou vriende kamma-kamma gespeel het? Dit…

Geen herhalings. 15 – 19 JULIE ’n Aantreklike vreemdeling genaamd Cesur red ’n pragtige jong vrou wie se perd buite beheer is en haar amper by die rand van ’n krans afgooi. Cesur weet nie wie Suhan is nie en gaan na haar huis om haar familie te ontmoet. Tahsin verkleineer steeds sy seun Korhan omdat hy nie vir hom ’n kleinkind kan gee nie en steeds ’n mislukking is, maar Korhan se vrou Cahide steek ’n geheim weg van albei mans: Sy vermoed sy is swanger. Nadat Cesur Suhan se saal ondersoek, besef hy dit was gesaboteer en iemand wil haar dood hê. Dit gons op die dorp oor Tahsin se verjaardagmakietie, maar nie almal gaan dit geniet nie: ’n Berugte sluipmoordenaar is op pad Korludag toe. 22 –…

H Weekdae SABC1 (*191) 09:30 H Weekdae SABC2 (*192) 14:00 VERLEDE KEER BigBoy en Leshole het die aand in die tronk deurgebring, die neutfabriekwerkers het verhogings gesoek, en Ma’Koloi se geldkrisis het haar familie verdeel. 17 – 19 JULIE Ma’Ntuli se plan om Lehasa te vernietig ontstel haar familie, en Leeto se geluk draai. Ma’Koloi weier om deel van die fabriekstaking te wees, en John is onseker oor Leeto se idees. Candice probeer haar eks Katlego beïndruk, en Ma’Ntuli se dade het nare gevolge. 22 – 26 JULIE Ma’Ntuli word as die vyand uitgekryt tydens die betoging, en dit lyk nie of Lehasa se persoonlike dramas sy restaurantbesigheid affekteer nie. Kat ontlont die spanning met Candice en ’n brand onstaan by die neutfabriek. Ma’Ntuli is vermis en almal dink sy’t…

BOLD Steffy en Flo is bekommerd oor die uitstappie na die strand wat Liam en Wyatt beplan, en Brooke waarsku Hope Thomas gebruik Douglas om haar hart te wen. Emma konfronteer Zoe en Xander nadat sy gerugte van die babaomruiling hoor, maar net wanneer sy op pad is om Hope te gaan vertel, meng Thomas in en Emma sterf. Pam en Brooke praat oor hoe Emma dood is wanneer die families begin treur, en Eric en Quinn vertel van hul herinnerings aan Emma met Hope en Steffy. Thomas vra sy vriend Vincent om hom te help om Hope te kry, en Hope noem Phoebe per ongeluk Beth. DAYS Will en Sonny trou weer net wanneer Kayla, Sarah en Rex mediese behandeling vir Will kry. Sami en Lucas kom in Salem…

O Saterdae SABC2 (*192) 11:00 VERLEDE KEER Vho Phophi se aanval op Mhani Tsakani het ’n opskudding in Risinga veroorsaak, Collen het by Tiyiselani aangelê, en Musa het onder druk begin verbrokkel. 17 JULIE Die lydsame Mhani Tsakani kyk hulpeloos toe wanneer haar seun Musa buite beheer raak en dit lyk of sy nog ’n Mike op haar hande gaan hê. Gladys wys haar man Richard wie eintlik die broek in hul huis dra ná sy talle mislukkings om Vukosi in toom te hou. 22 – 24 JULIE Burgemeester Vukosi sukkel om sy mag te handhaaf wanneer alles om hom in duie stort, en dit kan sy hele plan vir oorheersing beduiwel. ’n Bedreigde Vukosi raak genadeloos en dreig om korrupsie te onthul en Khensani se hele familie tronk toe…

H Weekdae SABC1 (*191) 08:00/SABC3 (*193) 11:00 O Sondae SABC3 09:30 VERLEDE KEER Anja het op Wendy geskree dat sy haar gesin vernietig het, Lincoln het Hendrik se skuld betaal, en Gatanga en Makgorometsa het weer bymekaar uitgekom. 17 – 19 JULIE Sechaba en Phindi se verhouding het versleg wanneer sy uitvind hy en sy eks Palesa verwag ’n baba, en Nina kry dit reg om in die tronk te oorleef. Makgorometsa het ’n geheime bewonderaar, Phindi los Sechaba omdat hy vir haar gelieg het, en Obakeng glo daar is ’n spioen in sy bende. Die susters Lalage en Wendy besef ál wat hulle het, is mekaar noudat hul enigste ware liefde, Hendrik, nie meer daar is nie. 22 – 26 JULIE Almal sien deur die vonke tussen Makgorometsa en…

O Saterdae & Sondae Telemundo (*118) 00:50 VERLEDE KEER Omar het Paloma gevra om te trou, en Eva het hulp nodig gehad met ’n moeilike posisie waarin sy beland het. Feyo het hulp gevra om uit te vind wie Ismael regtig is, en Omar wou inligting oor Eva hê. 17 – 19 JULIE Garnica moet Ignacio vir die volgende deel van sy plan omkoop, maar dit gaan nie maklik wees nie. Mónica kom by Esperanza, en Eva hoor die polisie soek haar. Victor stuur ’n groot besending geld na Esperanza met die opdrag dat sy dit onmiddellik was, en Aurelio sê vir Eva sy gaan boet vir wat sy aan sy familie gedoen het. Dan hoor Aurelio Lencho het uit die tronk ontsnap. 22 – 26 JULIE Emiliana en Feyo…

H Weekdae Mzansi Magic (*161) 10:00 & 13:00 O Saterdae Mzansi Magic 11:00 VERLEDE KEER Die Khoza-familie het die erns van hul finansiële situasie besef nadat hulle hul dwelmbesigheid gesluit het, kanker is by Jerry gediagnoseer, en Mmabatho het emosioneel ineengestort. 17 – 19 JULIE Daar is niks wat die Maake-familie kan doen wanneer Jerry se kanker vinniger versprei as wat verwag is nie, en Harriet en haar kinders Kagiso en Kea is haweloos nadat hulle hul herehuis verloor het. Vuyiswa is verpletter omdat Jerry weier om alternatiewe metodes te probeer om sy toestand te behandel, en Shaka en Brutus vier Harriet se ondergang. Dit lyk of Jerry sy lot aanvaar, Harriet weier om terug te staan terwyl haar lewe voor haar verkrummel, en Vuyiswa steun steeds op haar geloof.…

O Sondae eExtra (DStv *195/OpenView *105) 11:55 VERLEDE KEER Tristan het ’n belangrike personderhoudsessie misgeloop en met Kate vrede probeer maak, en Isaac het steeds ’n onwettige luiperdjag beplan, onbewus daarvan dat die toesigspan hom dophou. 17 – 19 JULIE Die lodge hou ’n partytjie om die opening van die brug te vier en Itumeleng straal van trots, en Mama Rose is gereed vir oorlog teen die res van die raadgewers. Kate wil almal die rug toekeer en weggaan, en Amber verdwyn. Bernie weet nie wat om te doen met ’n vriend wat ’n bedrieër is nie, Karel herinner Kate aan die dag toe sy en Tristan ontmoet het, en Mama Rose vind iets kommerwekkends in RraTladi se testament. 22 – 26 JULIE Kate doen ’n voorraadopname van haar besluite,…

Is Olivia regtig nodig in 7de Laan? Sy weet altyd beter, maak ’n gemors van alles, en tog hou sy aan om gesig te wys. – RAY, SMS Ek’s bly Getroud Met Rugby begin so vroeg, nou kan ons bejaardes dit ook kyk. 7de Laan kan maar 21:00 begin, dis buitendien ’n swak sepie. – TINA, SMS Vanaf 15 Julie word Days vroeër uitgesaai. Wees gewaarsku, dit gaan dieselfde paadjie as The Young and the Restless loop. Dit word uitgesaai in ’n tydgleuf wanneer mense nog nie tuis is nie, en kort voor lank word dit gekanselleer. – ANDRÉ, FACEBOOK Dankie eExtra dat julle vir ons seisoen 2 van Gebroke Harte wys. Meer mense moet dit kyk. Dit is regtig baie goed. – ELIZMA, FACEBOOK Ek geniet dit om Giyani:…

H Di. – Do. kykNET & kie (*145) 11:00 O Sondae kykNET & kie 16:00 VERLEDE KEER Gertie het die waarheid oor haar wyle man George en Pieter onthul aan Beatrice en Thys, Lee-Roy en Debra het vrede gemaak, en Beatrice het besluit om haar trouring af te haal om met haar lewe en romanse met Hamilton voort te gaan. 17 JULIE Beatrice en Hamilton gaan kamp vir die naweek en hy maak oop en onthul wat met sy oorlede vrou en kind gebeur het. Thys gee vir Ronel ’n ultimatum oor hul toekoms, en Wesley mag die hospitaal verlaat en terugkeer huis toe. 22 – 24 JULIE Aunty Gertie en Johnny het ’n verrassing vir Hazel, en Ronel is woedend wanneer sy ontdek Thys neem iemand anders na ’n…

H Ma.-Sa. kykNET (*144) 09:00 H Weekdae kykNET 22:30 VERLEDE KEER Johan het sy eerste oorslaapaand by Blitz gehad, Kristien en Renate se vriendskap is getoets, en Yvonne was opgewonde om Ryno en Thinus se troue te beplan. 17 – 19 JULIE Anna ontmoet vir Jacques, Renate kry nuwe inspirasie om vir Schalk ’n maat te vind, en almal neem afskeid van Chrissie. Kristien raak ongeduldig met Jacques se plan om vir Anna in te katrol, Renate vertel vir Schalk van haar ‘Coach Soek ’n Vrou’-inisiatief, en Chrissie vertrek oorsee. Anna word dieper by Kristien en Jacques se komplot ingetrek. 22 – 26 JULIE Johan slaap weer by Blitz oor, dis Anna se eerste dag as Jacques se persoonlike assistent, en Fafa en Maryke probeer die romanse in hul huwelik…

H Weekdae SABC1 (*191) 09:00 H Weekdae SABC2 (*192) 14:30 VERLEDE KEER Tenda se broer Tshamano was betrokke by ’n tronkgeveg en was in die hospitaal onder Susan se sorg. Nare het met Warona en KK se planne ingemeng, en Tshamano is dood. 17 – 19 JULIE Vhutshilo sê vir Tenda hy soek dadelik sy geld, en Nare ontdek KK het hom ’n rat voor die oë gedraai. Sersant Neshehe ondersoek Tshamano se dood en meen dis moord, maar Tenda kry die hospitaal se veiligheidsbeeldmateriaal eerste in die hande, en Shumi sukkel as nuwe ma. 22 – 26 JULIE Tenda weet wie sy broer vermoor het en hy soek wraak. Warona dink sy moes Johannesburg verlaat het toe Nare haar gevra het om saam met hom Mafikeng toe te gaan.…

O Saterdae Telemundo (*118) 10:00 VERLEDE KEER Joselito het die Babel-ontkleeklub aangeval, Deivid en Gaby het verloof geraak, en Paloma het Porfirio die rug toegekeer toe hy haar vra of sy met hom wou uitgaan. 17 – 19 JULIE Jim gee hom by die polisiestasie oor ná die skietery by Babel, en die polisie begin ’n volskaalse ondersoek na die Guevara-moorde. Marlene sê vir Jim sy het hom lief, en Diego het goeie nuus vir Frank: Circe en die bende gaan wel die reis aflê. Gavino wil hê Joselito moet die omvang van sy verraad besef, en Diego onthul die polisie weet van hom weens sy misdade. 22 – 26 JULIE Frank sê vir Diego die dwelmeenheid is reg vir die geheime optrede, en Circe erken skuld in die bende…

Weekdae eExtra (DStv *195/OpenView *105) 22:20 H Weekdae e.tv (*194) 12:30 O Saterdae e.tv 11:20 VERLEDE KEER Mira se nuwe kêrel Navin het haar grense getoets, Mthunzi het dwelms by Emsamo geplant, en Zakithi het uitgevind Nkululeko is Ngcolosi se seun, wat hulle neef en niggie maak. 17 – 19 JULIE Mthunzi stuur dreigboodskappe na Zithulele en Andiswa, en die Bhengu-familie hou uiteindelik die umsebenzi-ritueel ter nagedagtenis van MaNdlovu se oorlede man. Zithulele beland in die hospitaal, Phunyuka red Ngcolosi van ’n aanrander, en Shria vind uit Mira maak gereed om seks met Navin te hê, maar Mira is ontsteld wanneer Navin haar verwerp. 22 – 26 JULIE Futhi kom op ’n vermiste Maluju Oil-kontrak af en gee dit vir Phakade, Ngcolosi vind uit Mthunzi was verantwoordelik vir die aanvalle…

H Weekdae e.tv (*194)/OpenView (DStv *104) Di.-Vr. 14:00 VERLEDE KEER Die skoolhoof Shezi het Mpendulo van selfdood gered, Gift Hunter het Neo se magte gesteel, en Ntombi het huis toe gevlug nadat sy in die pad gesteek is. 17 – 18 JULIE Ntombi onthul die diewe wat haar aangerand het, is deur haar vorige werkgewer Impilo Labs gehuur, en die inbrekery by die skool was nie deel van die skelmstreek wat deur haar studentemaat Lwandle bewimpel is nie. Lwandle verwerp Ntombi se verskoning, en Tandzile ontmoet iemand wat belowe om haar loopbaan ’n hupstoot te gee, maar hy lyk nie veel beïndruk deur haar nie. Gift Hunter Nomzingeli gee Neo die trekpas, wat hom dwing om ’n nuwe pilverskaffer te soek. Neo beleef later ’n emosionele uitbarsting en soen Nomzingeli…

H Weekdae e.tv 11:30 VERLEDE KEER Cuba wou nie haar dogter Puleng help om haar vervreemde pa op te spoor nie, Pearl het gesien hoe haar kêrel Mzi Lerato soen, en die talentkompetisie het dramaties begin. 17 – 19 JULIE Suffocate betrek Pearl by sy plan om haar pa, David, te vernietig, en Cuba onthul haar rede waarom sy Puleng van haar biologiese pa probeer weghou. Mzi se mond hang oop wanneer hy sien hoe sy pa, Suffo, vatterig raak met Pearl, en die waarheid neem Puleng op ’n warrelwind van emosies. Fats diskwalifiseer Valentine van die talentkompetisie, en Pearl vra haar pa om sy helfte van die radiostasie aan haar oor te teken. 22 – 26 JULIE David besef Pearl het hom nog nie vergewe vir hoe hy haar…

H Weekdae 1Magic (*103) 23:30 & 10:30 O Saterdae 1Magic 17:00 O Sondae 1Magic 09:30 VERLEDE KEER Cobra se misdadigervriende Oupa en Percy het teen hom gedraai noudat hy vir die munisipaliteit werk, Zweli was versigtig om weer met iemand uit te gaan, en Lindiwe se planne het misluk. 17 – 19 JULIE Al is Zweli smoorverlief op Gail is hy steeds nie heeltemal op sy gemak by haar nie, Cobra stel sy susters Dimpho en Itumeleng in gevaar, en die inwoners van die Refilwe township soek na die een wat vir hul jongste probleme verantwoordelik is. Gail wil bitter graag nader aan Zweli se kinders kom, en Itumeleng sukkel om haar broer Cobra se probleme op te los. Wanneer Lindiwe en Gail die eerste keer ontmoet, pak hulle mekaar…

H Weekdae SABC2 (*192) 13:30 O Sondae SABC1 (*191) 12:00 VERLEDE KEER Sbu het van die Bybelstudie probeer ontsnap, MaMlambo het geweier om huis toe te gaan na Nkunzi, en Njeza het ná haar ontvoering na Zekhethelo uitgereik. 17 – 19 JULIE MaNgcobo stuur Sbu om op Nkunzi te spioeneer, maar Sbu se lojaliteit laat dit nie toe nie. Wanneer Sbu bewys hy is nutteloos teen Qhabanga, neem sy ander baas, Nkunzi, sake in eie hande. Gabisile verklaar oorlog teen MaMlambo en doen alles moontlik om haar huwelik te red, en Nkunzi verwerp ’n paar fortuinsoeksters. 22 – 26 JULIE MaNgcobo maak gereed om Nkunzi se volgende karrooftog te fnuik, en sy het inligting wat haar sal toelaat om Nkunzi te slaan waar dit die seerste maak – sy beursie.…

• Jody Abrahams, Lionel Foster van Arendsvlei (2018-nou), is in die eerste episode te sien as kaptein Willem Ruiters wat hand bysit met ’n moordondersoek van ses lede van die Sons of Samson, ’n bende op die Kaapse Vlakte. • Jana Kruger van Swartwater (2014-nou) speel in episode vier Esti Willemse, ’n plat-op-dieaarde ma wat deel is van ’n groep vriende wat op Facebook geteister word – en dan die een na die ander koelbloedig vermoor word. • Marius Weyers, wat nou as Peet de Villiers te sien is in Alles Malan (2019), speel in episode 6 Petrus “Priester” Lotz, die bloeddorstige hoof van een van die grootste misdaadsindikate in die land, wat tot politici se toutjies trek. • Denise Newman, Bridgette October in Suidooster (2015-nou), vertolk in episode 14…

Hoekom kan Zolisa Xaluva net omruil tussen The Queen en The Throne as Diamond en Sello, maar Gérard Rudolf (Isidingo se Hendrik) en Annelisa Weiland (7de Laan se Hilda) moet hul sepie verlaat vir nuwes? – ANGELINA, FACEBOOK Drie faktore speel ’n rol. Eerstens kan die span die karakter uitskryf, soos met Gérard. “Dis nie die eerste keer nie en seker ook nie die laaste keer nie,” sê Gérard. “Ek was nie gelukkig dat Hendrik sterf nie, maar dis wat die span gemeen het die beste vir die sepie is.” Tweedens verhuis akteurs, soos Annelisa. 7de Laan word in Johannesburg verfilm, terwyl haar nuwe sepie, Suidooster, in Kaapstad geskiet word, waarheen Annelisa verhuis. En derdens, die Mzansi-sepies (The River, The Queen, The Throne en ander) word soms deur dieselfde maatskappy…

Woensdag 14 September 2016 was ’n donker dag by die Binneland-kliniek. Dit was die dag waarop die nuus dat die skatryk sakeman Rian Malherbe (Erik Holm) se vliegtuig in die Malawi-meer neergestort het, oorgedra is. En daar was geen oorlewendes nie. Sy vrou, Pippa (Nadia Valvekens), het twee dae vroeër uitgevind hul eersteling is op pad en wou nog die blye nuus aan hom oordra. Maar toe is dit te laat . . . Nege maande later is hul seuntjie, Dian (Noah Geldenhuys), gebore en Pippa het weer liefde gevind en vroeg in 2018 afgehaak met die polisiekaptein Liebenberg (Dirk Stoltz). Maar toe kom die skok onlangs op Donderdag 11 Julie. Ross Marks, die geheimsinnige, welgestelde sakeman van Mauritius, is al die tyd niemand anders nie as Rian – Rian…

Weekdae op M-Net-dek. 16:30 H Weekdae kykNET (*144) 23:30 H Di.-Vr. kykNET 08:30 O Sa. M-Net-dek. 06:00 O Sa. kykNET 09:30 VERLEDE KEER At se eksvrou Ingrid is terug en wou die Binneland-kliniek dagvaar vir dr. Brian Els se wandade. Danny het Jax in ’n ambulanskaping geskiet en Quinton was oorbeskermend teenoor René. 17 – 19 JULIE At gee Annelize ’n belangrike opdrag en Ingrid en haar vennoot se mening oor Conrad verskil. Chanel help Okkie met ’n tentatiewe plan van aksie. Tertius probeer Quinton verdedig. At het ’n nuwe plan vir ’n saketransaksie. René kry ’n skok in Amoret. Louis ondersteun Naomi. At wil Ingrid se vertroue wen en Okkie besluit om sy voet dwars te sit oor uitbuiting. 22 – 26 JULIE Louis wil Okkie help en Sookun…

H Weekdae SABC2 (*192) 13:00 H Weekdae SABC3 (*193) 10:30 O Sondae SABC2 08:30 VERLEDE KEER Bonita en Justin het ’n hewige bakleiery gehad, Lesedi het die vrede in die Meintjies-gesin probeer bewaar, en Rickus het nostalgies oor sy lewe geraak. 17 – 19 JULIE Connie skop haar mini-projek af, Diederik ondersteun Marko wat probleme met Esti ervaar en Jacob en Charmaine maak planne vir ’n aandjie uit. Vanessa kry ’n onaangename verrassing, Marko verloor sy humeur met Kevin, en Alexa maak die verkeerde afleiding. 22 – 26 JULIE Connie vat die jongklomp vas oor hul gedrag, Lesedi en Marko is bekommerd oor Kevin wanneer die joernalis vrae begin vra, en Alexa praat Rickus moed in oor die situasie waarin hy hom tans bevind. Jacob en Charmaine het ’n onderonsie,…

Weekdae kykNET & kie (*145) 18:30 Weekdae M-Net-dek. 17:30 H Weekdae kykNET (*144) 23:00 H Weekdae kykNET & kie 14:00 VERLEDE KEER Bridgette het Suidooster-Eiendomme oorgeneem en Pierre, ’n ou familievriend, raakgeloop. Stefan het Michelle gevra om weer te trou, en Ty het gevoel Lee-Ann skeep hom af. 17 – 19 JULIE ’n Vasberade Stefan stu voort met planne vir Michelle om weer swanger te raak, die winde van veranderinge waai by Suidooster-Eiendomme, en Wade kry ’n groot verrassing. Bianca kom van Stefan en Michelle se planne te hore, Lee-Ann is op die oorlogspad, en Wade se nuwe stokperdjie maak Ty bekommerd. 22 – 26 JULIE Mymoena kry Stefan voor stok oor sy gedrag, Wade kry nog ’n uitnodiging vir ’n gevaarlike uitstappie, en Stefan sien ’n huis wat hy…

H Weekdae e.tv (*194) 09:30 NB! Vrydag 19 Julie is Jennifer se spesiale episode waar Jack se spook verskyn. VERLEDE KEER Aiden herrys uit die dood en beweer ’n DiMeradubbelganger het sy lewe oorgeneem, en Joey en Jade neem Los Angeles op horings. 17 – 19 JULIE Kate verbreek haar verlowing aan Deimos, en Chad droom oor Stefano. Belle en Shawn het seks, en Rafe sien hoe Aiden Hope soen. Die droomspook Jack daag Jennifer uit om haar lewe te verander, Jennifer erken sy is ’n verslaafde nadat sy Julie klap, en Lucas neem Jennifer na ’n AA-vergadering. 22 – 26 JULIE Andre eis dat Aiden hom uit die tronk kry, en Chase erken hy het Ciara verkrag. Hope ontdek Ciara is beenaf op Chad, Ciara sê vir Theo sy…

H Weekdae SABC1 (*191) 08:30 O Saterdae SABC1 11:00 VERLEDE KEER Gadaffi se reaksie op Tshidi se dood het Zondiwe verras, speurder Pele het die voedselvergiftiging by S’khaftin Chicken ondersoek, en Mpho het ’n ou vriend gered. 17 – 19 JULIE Cosmo storm by sy restaurant uit om te keer dat sy suster, Lucy, ’n fout maak, en Smanga probeer nog een van Ezweni se openbare skandale geheim hou. Gog’Flo vat Zondiwe vas, en Lucy blameer steeds haarself vir die sterftes weens die voedselvergiftiging by haar restaurant. Speurder Pele kry ’n lasbrief om ’n gebou wat glo ’n dwelmhool is te deursoek, en Sphe se openbarings verstom die speurders. Die Diale-kinders is in ’n hoek gedryf deur hul restaurantprobleme, en Lerato se foonoproep eindig sleg. 22 – 26 JULIE Smanga…

H Weekdae eExtra (DStv 195/OpenView 105) 12:05 O Sondae eExtra 14:45 VERLEDE KEER Cansu het die gesin se huis verlaat ná ontstellende gebeure, Ozkan het in ’n woonstel ingetrek, maar sy geld het opgedroog en hy kon nie die huur bekostig nie, en Candan het haar aandag op Dilara gevestig. 17 – 19 JULIE Harun kry dit reg om Dilara op te spoor en haar betyds te waarsku, en Cansu maak ’n skokkende bewering oor iets wat sy gesien het. Ozkan moet Cihan noodgedwonge vra om hom geldelik te help, en Cansu het nêrens heen om te gaan wanneer sy uit haar woonstel geskop word nie. Gulseren word gekonfronteer deur ’n gemaskerde man wat haar met ’n vuurwapen dreig, en twee besoekers wat buite beheer is, het die herehuis net-net…

H Weekdae Mzansi Magic (*161) 09:30 & 12:30 O Sondae Mzansi Magic 10:00 VERLEDE KEER Mpiyakhe het ’n nuwe selmaat gekry, Ngwebedla wou by die koninklike raad antwoorde hê oor die ongeluk, en Sbu het ondersoek ingestel na die skooltaxi’s. 17 – 19 JULIE Qaphela het nuwe vyande van wie hy nie maklik ontslae sal kan raak nie, en Samson en Sbu oorweeg dit om hul hoof te verraai weens sy vreemde nuwe eis wat hy aan hulle stel. Qaphela sê Mpiyakhe moet uit sy pad bly, en Fenyang begin van Phumelele hou wanneer sy sy dogter help. 22 – 26 JULIE Mpiyakhe kan nie besluit wat sy volgende skuif moet wees nie, en Qaphela vind op die harde manier uit hy moes hulp met sy plan gevra het. Slegte…

H Weekdae Mzansi Magic (*161) 10:30 & 13:30 H Sondae Mzansi Magic 14:30 VERLEDE KEER Anathi se besluit het haar vriende bekommerd gemaak, en Ayanda het probeer om nie voor versoeking te swig nie. Banzi het nie geweet hoe om Sne te behandel nie, en Kero het ’n kommerwekkende “geskenk” gekry. 17 – 19 JULIE Sne wil ’n antwoord van Banzi hê voor sy enigiets anders doen, en Palesa se probleme vererger. Ayanda word weer in ’n hoek gedryf en die enigste manier om daaruit te kom is om te lieg, en Kero weet nie wat hy nog kan doen met die problematiese Indy nie. Ayanda vind uit om ’n popster te wees is nie maklik nie, en Diamond aanvaar nie Kero se raad wanneer hy sy volgende skuif maak…

H Weekdae e.tv (*194) 12:00 H Weekdae eExtra (DStv *195/OpenView *105) 13:55 O Saterdae e.tv 09:30 VERLEDE KEER Quinton se reputasie is verwoes toe sy skakel met The Credential onthul is, en Yvonne en Quinton het vennote in ’n dobbelkartel geword. 17 – 19 JULIE Die Langas se pasiënt is woeliger as wat hy hulle wil laat glo, maar Mthunzi pleit by sy oppasser, Sewela, om sy geheim te bewaar, en Sheila nooi Neo na ’n spesiale geleentheid om hom vir sy hulp te bedank. Timmy fluister in Yvonne se oor van sekere bedrywighede by The Newtonian, en Mlungisi sukkel om sy drinkery in toom te hou. 22 – 26 JULIE Mthunzi doen desperate stappe nadat hy danksy Agatha uitvind nie alle oppassers dra hul pasiënte se beste belange op…

H Weekdae Mzansi Magic (*161) 12:00 O Saterdae Mzansi Magic 13:30 VERLEDE KEER Odirile was op die punt om gekroon te word as deel van die nuwe heersende Morule-familie, ’n vreemdeling het Mapula ontvoer, en die voormalige koningin Mosadi was geskok oor hoe ver haar dogter bereid was om vir die familie te gaan. 17 – 18 JULIE Kefilwe neem afskeid van haar familie, en Odirile gaan voort met die kroningseremonie. Sello maak seker daar is nie los drade nie deur een van die Kwenas te vermoor, en later gee Odirile Sello haar volle en openbare ondersteuning. Mapula smeek om vergifnis, en Sephiri verval in ’n depressie onder die gewig van die kroon. 22 – 25 JULIE Odirile en Sello raak bekommerd dat iemand op Kefilwe se lyk afkom, en…

Dit is jammer Hilda pak ook nou haar tassies. Gelukkig sien ons Annelisa binnekort op Suidooster, so sy is darem nie verlore vir sepieaanhangers nie. – GERDA, FACEBOOK 7de Laan sal nooit dieselfde wees sonder Hilda nie. Talle jong aktrises het baie van haar geleer. Voorspoed met wat jy volgende gaan aanpak. – BHEKUMZI, FACEBOOK Annelisa Weiland, Hilda in 7de Laan, is so talentvol en ’n pragtige mens. Ek het haar ontmoet toe sy nog in Kaapstad gebly het. Ek wens haar voorspoed toe met al haar nuwe projekte. – SUSAN, FACEBOOK Eerlikwaar, Hilda was nie meer interessant sonder Oubaas nie! Voorspoed, Hildatjie. – MAMASEDI, FACEBOOK…