Innholdsfortegnelse for 7/3/2019 i TV Plus Afrikaans

Dis nooit lekker wanneer ’n sepiekarakter, veral ’n gewilde een, uit ’n reeks geskryf word nie. Dink maar net aan Hendrik Lategan se onlangse skokvertrek uit Isidingo. Gérard Rudolf, die man agter Hendrik, onthul hy was glad nie gelukkig oor hy Horizon Deep moes groet nie (bl. 9). Dis ook nie die laaste sien van hom nie. Gérard maak eersdaags sy terugkeer – in Suidooster. En hy skud sy TVskurkreputasie af en slaan ’n nuwe blaadjie om as die eerbare besigheidskonsultant Pierre. Gepraat van skurke. Dit het omtrent gegons oor die superfeeks Cherel (Michelle Botes) se vlugtige terugkeer na die Deep. En net voor druktyd kom nog skoknuus uit sepieland: Hilda verlaat 7de Laan einde September! Maar voor jy die sneesdoekies nader trek, is daar darem goeie nuus: Annelisa Weiland…

“First Dates is ’n hoogs suksesvolle formaat regoor die wêreld. Ons het gedetailleerde riglyne vir die struktuur van die program en die hoofspelers ten opsigte van die hoofkelner, die kroegman en die kelnerpersoneel,” onthul Ed. “Ons het insig gekry in die soort deelnemers wat werk en hoe om groot persoonlikhede te balanseer teenoor groot persoonlike agtergrondstories om dit saam te vleg en opregte verhale van mense te kry wat na liefde soek. Die globale formaat het verhoudings, huwelike en selfs babas opgelewer, so ons hoop vir dieselfde toorkrag,” sê Ed. Sy span het gou snuf in die neus gekry as mense net agter kitsroem aan was. “Dit het gewoonlik deurgeskemer wanneer ons mense genooi het vir onderhoude op kamera. Hul stories begin ontrafel en hulle sal nie werk op die…

Abduraghmaan Adams het kykers sedert 2015 vermaak as die gehate Ian October in Suidooster. Wie kan vergeet hoe hy Adam (Kevin Smith) in 2017 gehuur het om sy skoonsuster Lee-Ann te verlei, met haar te trou, al haar geld te steel en te verdwyn? Toe sy vrou, Bridgette, onlangs uitvind hy was by haar pa se dood betrokke en het dit toegesmeer, was die gort gaar. Ian het sy rug beseer ná Bridgette hom per ongeluk van die trappe in hul huis afgestamp het toe hulle oor hul egskeiding gestry het. Hy moes ’n noodoperasie ondergaan, en terwyl hy onder die mes was, het hy ’n ernstige beroerte opgedoen en alle beheer oor sy spraak en beweging verloor. Einde Junie was die laaste sien van Ian. “Dit was tyd om…

• Meer as 150 akteurs was al in die reeks se bestaan van 10 jaar. • Daar is tans 32 akteurs wat in die sepie speel. • Daar werk daagliks 60 mense agter die skerms. • Die reeks word vyf dae per week daagliks van 07:00 tot 19:00 in Johannesburg geskiet. • Ná elke 260 episodes verander die Stryders se rugbytruie, asook die pompons se rokkies. Daar is ongeveer 340 episodes per seisoen. • Schalk, Fafa (Altus Theart), Festus (Louis van Niekerk), Koekie (Rina Nienaber) en Maryke (Marijke van der Westhuizen) is al vanaf 2009 deel van die drama en sepie. • Veldtonele word slegs een dag per week by die Ellis Park-rugbystadion in Johannesburg verfilm. • Die jongste akteur in GMR was die vier weke oue Luan Els, wat…

Weekdae op M-Net-dek. 16:30 H Weekdae kykNET (*144) 23:30 H Di.-Vr. kykNET 08:30 O Sa. M-Net-dek. 06:00 O Sa. kykNET 09:30 VERLEDE KEER Tracy en Albert was gereed om tot aksie oor te gaan, Clint het Annelize geteister en Danny het Katryn in ’n moeilike posisie geplaas. 3 – 5 JULIE Elana praat haar hart uit en Tracy se woede jeens Danny vlam op. ’n Prokureur kontak Ilse oor Brian Els. Tracy stel haar plan in werking en Annelize besef wie die prokureur is. Okkie se ontmoeting met die prokureur het nagevolge en Jax moet ’n belangrike besluit neem. Ilse gee At die versekering sy sal tot Okkie deurdring. 8 – 12 JULIE Okkie speel oop kaarte met Ilse, en Louis vra vrae oor At en Ingrid. Jax bevraagteken Danny…

H Weekdaye SABC1 (*191) 09:30 H Weekdae SABC2 (*192) 14:00 VERLEDE KEER Kwaito het geweier om tussen Glenda en Elizabeth te kies, BigBoy en Leshole het die aand in die tronk deurgebring, en Fanie het Marothi se bankdokumente van sy rekenaar probeer terugkry. 3 – 5 JULIE BigBoy en Leshole word gespot omdat hulle gearresteer is, Ma’Koloi se geldsake laat haar familie stres, en Lizzy kry ’n anonieme oproep dat sy dinge met Kwaito moet beëindig. Koloi het goeie nuus vir sy ma, Kwaito en Tbose se graadvangpartytjie eindig met trane, en BigBoy verloor sy humeur wanneer hy nie sy sin kry nie. 8 – 12 JULIE Candice is jammer sy het haar ekskêrel Katlego verraai deur sake met Lehasa te doen, en Leeto bly nie stil wanneer sy ouers…

BOLD Thomas gryp stilletjies in wanneer Xander by Brooke se huis instorm om te keer dat Liam en Hope hul huwelik nietig laat verklaar. Brooke kan nie oor die skok kom van Hope se besluit om haar huwelik met Liam vir goed te beëindig nie, en Ridge wonder wat die situasie vir sy huwelik met Brooke gaan beteken. Thomas plaas druk op Flo om te erken baba Beth leef nog en hy besef Steffy maak Hope se dogter groot. Liam trek terug in die huis teen die krans, Zoe probeer Flo eerder stilmaak as om saam met Reese agter tralies te beland, en Thomas manipuleer Hope. DAYS Ben kom tot Claire se redding net wanneer sy die Horton-hut aan die brand steek met Tripp en Haley binne-in, maar die Salem-polisie…

H Weekdae SABC1 (*191) 08:30 O Saterdae SABC1 11:00 VERLEDE KEER Palesa het soos ’n buitestander in die Diale-huis gevoel, en die swanger Tshidi het haar dood versin en weggegaan, want sy wil nie haar baba saam met haar fling Jack of haar man Gadaffi grootmaak nie. 3 – 5 JULIE Lerato steek haar teleurstelling agter ’n glimlag weg, en Zondiwe is verstom oor hoe Gadaffi Tshidi se vertrek hanteer. Speurder Pele ondersoek die oënskynlike sabotasie van die kitskosrestaurant S’khaftin Chicken, en Smanga is woedend wanneer hy sy broer Mazwi se video op sosiale media sien waarin hy met Smanga spot. Crazy J span vir sy nuwe projek saam met ’n vriend, en Cosmo vind uit wat die rede is vir die kosmoeilikheid in sy restaurant. 8 – 12 JULIE…

H Weekdae Mzansi Magic (*161) 09:30 & 12:30 O Sondae Mzansi Magic 10:00 VERLEDE KEER Qaphela en sy pa, Judas, se bitter vete het vererger, en Ntwenhle was verheug oor haar pa se trougeskenk aan haar. Beauty was woedend oor haar man Judas se besluit, en Fenyang is tussen twee vroue vasgevang. 3 – 5 JULIE Cebisile hou ’n wakende oog oor Fezile en wat hy aanvang, en Qondi en Mabuyi is so seker van hul verskillende menings oor Ntwenhle dat hulle bereid is om geld daarop te verwed. Lillian is verpletter deur ’n onthulling wat Beauty raak en sy verklaar oorlog teen die Ngwenya-familie, en slegte nuus bereik die stamhoof se ore. 8 – 12 JULIE Ntwenhle beleef ’n moeilike tyd met haar eerste regte taak in die stamhoof…

H Weekdae Mzansi Magic (*161) 10:30 & 13:30 H Sondae Mzansi Magic (*161) 14:30 VERLEDE KEER Mme. Ethel het haar pastoorseun Banzi vergewe vir die foute wat hy in sy misdadigerlewe gemaak het en wat nou in sy verlede lê, Chunks se wangedrag het haar ingehaal, en Diamond was in ’n benarde posisie, nes Koloi. 3 – 5 JULIE Ma Dolly word verras deur iemand van wie sy eerder sou wou vergeet, en Banzi weet nie wat om van Lihle se onthulling te dink nie. Ayanda word gedwing om haar verlede te aanvaar of steeds gepla te word daardeur. Banzi is bereid om vir sy familie te veg, en Chunks dink sy het Abednego dalk gedwing om haar te verlaat. 8 – 12 JULIE Anathi kry hulp en ondersteuning ná…

H Weekdae e.tv 11:30 VERLEDE KEER Lerato het Mzi verlei terwyl sy meisie Pearl in die tronk was, Suffo wou van Puleng skei, en Puleng se geheime bewonderaar het gedreig om dit wat oor was van haar huwelik te vernietig. 3 – 5 JULIE Mzi besef hy raak verlief op Lerato al het hy ’n meisie, en Puleng het geen ander keuse as om die skeidokumente te teken nie. Mampho voel seergemaak wanneer Siya die werksaanbod in Kaapstad aanvaar, en Pearl kry haar pad uit die tronk met omkopery. Puleng oorweeg dit om ’n nuwe kêrel te kry om haar gedagtes van haar mislukte huwelik af te lei, en Pearl daag sak en pak by Mzi se plek op. Fats laat die gemeenskap gons met sy talentkompetisie, en Puleng weier…

H Weekdae Mzansi Magic (*161) 12:00 O Saterdae Mzansi Magic 13:30 VERLEDE KEER Sello en Odirile het bekommerd geraak toe daar weer ’n vertraging in die hofsaak was, maar dit het hulle meer tyd gegun om die DNS te vind wat hulle nodig het om die Kwenas as aanspraakmakers op die troon te ontmasker, en Mapula was in gevaar toe ’n vreemdeling opdaag wat na haar gesoek het. 3 – 4 JULIE Mapula kry hulp om vir haar potensiële aanvallers weg te kruip, maar haar verbintenis met die Kwena-familie word terselfdertyd bekend. Die DNS-onthulling in die hof laat die Kwenas sprakeloos en woedend, want dit skend hul beeld, maar daar wag nog slegte nuus. 8 – 11 JULIE Die koninkryk is verstom wanneer koningin Mosadi afstand doen van die troon…

Lui Maar Op, Belinda Seisoen 1 Maandae kykNET (*144) 20:00 (begin 8 Julie) “Ek lag nie sommer hardop vir iets snaaks op TV nie,” sê Marcel Spaumer, skepper en skrywer van die nuwe kykNET-komediereeks Lui Maar Op, Belinda. “Maar Belinda laat my hardop lag.” En dis wat hy hoop kykers ook sal doen wanneer die reeks eersdaags op die kassie afskop. Marcel (28) het twee jaar gelede met die konsep vir die program vorendag gekom. “My idee was om weg te beweeg van ’n tipiese cliché waar ’n komediereeks met ouer mense in ’n ouetehuis afspeel. Ek het eerder ’n ander invalshoek benader en gefokus op ’n aktrise wat haarself op haar oudag platsak bevind en nou moet werk anders beland sy op straat.” En van daar af het die…

Sy is die beste van die beste! Ek wens Barker was ook daar. – MATSHEPO, FACEBOOK Michelle is ’n briljante aktrise! Cherel het baie mense met wie sy moet afreken! – ERIC, FACEBOOK Ek kan nie wag nie! – NICOLENE, FACEBOOK Ek wonder van wie Cherel die keer ontslae gaan raak? – REALNOBIE, FACEBOOK Ek is mal hieroor – ek kan nie wag om haar te sien nie! – DELIA, FACEBOOK My gunstelingster! Dit gaan fantasties wees. Ons het jou gemis! – CAROL, FACEBOOK Cherel en Lincoln sal ’n lekker nuwe paartjie maak. – LOWIE, FACEBOOK Ja! En bring ook Slu en Bra George terug. Al die ou skurke. – MARLENE, FACEBOOK Wat gaan in ons sepies aan! Generations: moord en aborsie, Isidingo: dwelms en misdaad, en 7de Laan: moord…

Hoekom het e.tv The Wild halfpad deur die seisoen na eExtra geskuif? Nie almal van ons het dit nie en nou gaan ons die res van die storie misloop. – ELAINE, E-POS Die skuif is al in Januarie vanjaar beplan toe e.tv The Wild (2011-2013) begin uitsaai het, wat oorspronklik ’n M-Net-produksie was toe dit die eerste keer ons kassies tref. “Daar was ’n halfuurgleuf op eExtra se skedule en The Wild het perfek ingepas,” verduidelik die reklameagent Joe Strydom. The Wild skuif op Maandag 15 Julie om 18:05 na eExtra (*195). “The Wild is deel van ons daaglikse sepieblok, dit het dus sin gemaak om dit oor te skuif, terwyl ons op e.tv ’n nuwe Afrikaans oorgeklankte telenovelle Die Vreemdeling bekendstel – als in dieselfde trant as Gebroke Harte…

Getroud Met Rugby het in 2009 as ’n dramareeks begin en ná vier seisoene in 2015 tot ’n einde gekom. In April 2016 het die sepieweergawe van die reeks begin en vanjaar word die tiende bestaansjaar van die reeks in die geheel gevier. Ons het met Soné Combrinck, die vervaardiger en grootbaas van die sepie, gesels oor wat dié mylpaal vir hulle beteken: Hoe het die konsep van Getroud Met Rugby ontstaan? Die dramaturg en skrywer Deon Opperman en sy eksvrou, die aktrise Hanli Rolfes (tans hoofskrywer van 7de Laan, 2000-nou), het in 2008 ’n gesprek gehad oor nuwe projekte wat hulle wou ontwikkel. In daardie stadium was Footballers’ Wives (2002-2006, ’n dramareeks oor voetbalspelers se vroue) en die sportdramareeks Friday Night Lights (2006-2011) baie gewild oorsee. Toe kry hulle…

Een gelukkige leser en drie vriende kry die kans om ’n stelbesoek te wen en ’n dag by die ateljee deur te bring waar Getroud Met Rugby in Johannesburg verfilm word. Vir ’n kans om te wen, beantwoord die vraag langsaan en SMS die woord GETROUD, die antwoord, jou naam en stad of dorp voor Donderdag 25 Julie na 35982. VRAAG: Wie vertolk die rol van Lienkie in Getroud Met Rugby? Bepalings en voorwaardes: Die wenner en drie vriende is verantwoordelik vir hul eie vervoer na en van Atlas Studios in Joburg, waar Getroud Met Rugby geskiet word. Overberg Produksies sal die wenner kontak en ’n datum vir die stelbesoek reël. Lees meer oor die B’s & V’s op bl. 69.…

H Weekdae e.tv (*194) 09:30 LW! Days word vanaf Maandag 15 Julie om 16:45 uitgesaai, en die herhalings om 09:30. VERLEDE KEER Die matriekdans het in die tronk geëindig, Ciara en Claire het in die DiMera-herehuis se gastehuis ingetrek, en Summer het Clark vermoor. 3 – 5 JULIE Dario help Summer om van Clark se lyk ontslae te raak, en Theresa sê vir Brady Summer se regte naam is Cindy. Gabi vat klein Arianna hospitaal toe, en Aiden beland agter tralies nadat hy by Hope se huis inbreek. 8 – 12 JULIE Aiden probeer verskonings maak vir Chase ná Ciara onthul hoe Chase haar verkrag het, en Hope kry ’n teken dat Aiden in haar toekoms dalk ’n rol gaan speel. Yo Ling het Paul, Gabi, Arianna, John en JJ…

O Saterdae Telemundo (*118) 10:00 VERLEDE KEER Gavino is in die hof gevonnis, Marlene en Porfirio se emosies het woer-woer gespeel met hulle, en die bende het na Diego begin soek om hom te bevry. 3 – 5 JULIE Felipa lig Circe in van ’n aanval en sê vir haar waar ’n veilige wegkruipplek is, en daar is slegte nuus vir Gavino wanneer twee besoekers op sy plaas opdaag. Joselito maak gereed om terug te keer huis toe in Mexiko, en Circe soek na Diego maar hy is nie by die huis nie – dit lyk of hy en Isabel ook vinnig vertrek het, want hul ID’s lê nog op die tafel. Marlene onthul later sy het Jim lief, al beteken dit moeilikheid vir haar. 8 – 12 JULIE Augusto…

O Saterdae SABC2 (*192) 11:00 VERLEDE KEER Mike het sy lewe probeer neem, Richard en Gladys was met afgryse vervul deur die gedagte van Vukosi as hul skoonseun, en almal het Fanisa ’n moeilike tyd gegee. 3 JULIE Khensani bly by haar jongste besluit ondanks haar familie se verset, en die Baloyi’s word met ’n ystervuis deur ’n nuwe vyand bygekom. 8 – 10 JULIE Khensani skryf die reëls vir Gladys en Richard voor nadat sy ’n ander kant van Vukosi sien as die sukkelende idioot wat haar eindeloos die hof maak. Daar is ’n interessante verwikkeling oor die burgemeesterskap van Risinga, en Vukosi, oftewel “die man wat alles het”, het ’n verrassende nuwe eis vir sy familie. Beskuldigings vlieg rond teen die Baloyi’s, en Vho Phophi se vernietigende aanval…

H Weekdae SABC1 (*191) 08:00/SABC3 (*193) 11:00 O Sondae SABC3 09:30 VERLEDE KEER Lalage het oor haar oorlede man Hendrik getreur, Nina het haar oor haar seun Obakeng se meisie ontferm, en Lincoln was gebroke ná sy verloofde Lungi hom gelos het. 3 – 5 JULIE Speurder Majola se aandag word van sy werk afgelei deur sy geheime verhouding met Nina, en Gatanga se nuwe reëls as skofbaas maak die myners kwaad. Sechaba verklaar sy liefde aan Phindile nadat sy amper in haar woonstel doodgebrand het, en Ntando is vies omdat sy pa, Lincoln, elke aand ’n ander vrou huis toe bring. Anja hou Wendy verantwoordelik vir die stres en ontsteltenis wat haar gesin ervaar ná Hendrik se affair met Wendy en sy dood. 8 – 12 JULIE Phindile dink…

O Saterdae & Sondae Telemundo (*118) 00:50 VERLEDE KEER Catalina en Feyo het seks gehad, Rivero wou meer van Salazar en Esperanza se romanse weet, en Tata was bekommerd oor ’n aanval. 3 – 5 JULIE Aurelio en Victor stamp koppe oor die besigheid, en Feyo hou ’n oog oor Dalvio wanneer hy vreemd optree. Feyo gaan drink later drankies by Tata’s Bar, en Aurelio vra Mónica om Victor te los en met hom uit te gaan. Esperanza is bang sy word dopgehou, en Aurelio en Victor maak vrede. 8 – 12 JULIE Die polisiemanne wat Esperanza ondersoek en agtervolg het, word vermoor, en die familie verwelkom ’n nuweling met ope arms. Rivero en Salazar bespreek die moontlikheid dat Esperanza ’n geldwasser kan wees, en Feyo lê die grondslag vir…

H Weekdae Mzansi Magic (*161) 10:00 & 13:00 O Saterdae Mzansi Magic 11:00 VERLEDE KEER Patronella se bose dade het by haar kom spook, Harriet en Lindiwe se plan het Brutus en Shaka verstom, en Jerry en Vuyiswa moes ’n besluit oor hul toekoms neem. 3 – 5 JULIE Jerry vernietig Harriet se planne sonder dat hy dit besef, en dit lyk of Schumacher se geluk ten goede verander. Vuyiswa se slegte geluk maak haar steeds kwaad, maar haar optrede vererger sake net, en Harriet kyk toe hoe mense verder deur haar jongste plan geraak word. Gracious se geldsake kry ’n ernstige knou, en Brutus en Shaka moker mekaar oor hul gewig. 8 – 12 JULIE Mmabatho se plan boemerang weens slegte voorbereiding, en Kagiso en Keabetswe probeer hul situasie…

H Weekdae e.tv (*194) 13:30 O Sondae eExtra (DStv *195/OpenView *105) 11:55 LW: The Wild word vanaf Maandag 15 Julie om 18:05 op eExtra (DStv 195) uitgesaai. VERLEDE KEER Jack se plan het geboemerang toe hy te ver gegaan het, Marang het besef sy het ’n verandering in haar lewe nodig, en Tristan is in ’n hoek gedryf om Kate te red. 3 – 5 JULIE Tristan moet hulpeloos toekyk hoe Kate se toestand agteruitgaan, en Karel is woedend wanneer hy uitvind wat sy seun Jack gedoen het. Zweli moet elders liefde soek, en Jack dink hy weet wie Kate seergemaak het, maar daar is niks wat sy teorie bevestig nie. Kate bly bewusteloos in die hospitaal, en Lindsay kry lekker wanneer sy sien hoe haar teenstander onder druk kriewel.…

Die aanbieder met die borrelende persoonlikheid kuier weekdae douvoordag in ons sitkamers tussen 06:00 en 09:00 op die ontbytprogram Expresso (2010-nou). “Ek het nooit in ’n miljoen jaar gedink ek sou my droom uitleef en op ’n nasionale platform kan werk en vir ’n lewe gehore met inligting vermaak nie,” sê Leigh-Anne Williams (37). Die Kapenaar is boonop ’n vrou van vele talente: Sy het al haar lyf aktrise gehou in dramareekse soos Montana (2009-2010) en 2010 se sokkerreeks League Of Glory, en was die naaswenner in seisoen 8 van die danskompetisiereeks Strictly Come Dancing South Africa (2006-nou). Trouens, sy is byna net so versot op TV kyk as wat sy is om op die kassie gesig te wys . . . Wat was die eerste TV-program wat jy kamma-kamma…

Weekdae kykNET & kie (*145) 18:30 Weekdae M-Net-dek. 17:00 H Weekdae kykNET (*144) 23:00 H Weekdae kykNET & kie 14:00 VERLEDE KEER Stefan se verhoor het begin, Bridgette het ’n moeilike besluit oor Ian en Suidooster-Eiendomme geneem, en Wade het in die geheim by Mymoena bestuurslesse begin neem. 3 – 5 JULIE Suidooster-Eiendomme vaar in troebel water, Ty doen speurwerk oor Wade se geheime afsprake en Michelle maak ’n fout by die apteek. Stefan beplan ’n groot verrassing vir Michelle, Wade voel skuldig oor hy vir Ty gejok het, en Tim se werksomstandighede frustreer hom. Lee-Ann is oortuig daarvan iemand lek inligting oor Suidooster-Eiendomme aan die media. 8 – 12 JULIE Dis vir Michelle moeilik dat Stefan so oorboord gaan met alles, Wade sit met ’n onverwagte dilemma, en Ty…

H Weekdae SABC2 (*192) 13:00 H Weekdae SABC3 (*193) 10:30 O Sondae SABC2 08:30 VERLEDE KEER Bonita het aangebied om Justin se kind te baar, André het almal vertel wat tussen hom en Marko tydens die wegbreeknaweek gebeur het, en Thomas en Chanelle het in die hysbak in ’n verlate gebou vasgesit. 3 – 5 JULIE Die Hillsiders vier fees soos in die jare tagtig op Marko en Esti se matriekafskeid-geselligheid. Connie verwelkom haar nuwe assistent in die boetiek en Matrone heet ’n nuwe personeellid welkom. Almal wonder of die nuusbrief ’n sukses gaan wees, Esti troos vir Mariaan, en ’n onaangename verrassing wag op André. 8 – 12 JULIE Diederik raai Olivia aan om oop kaarte te speel, Fikani sit sy voet dwars, en André besef hy het dalk…

H Ma.-Sa. kykNET (*144) 09:00 H Weekdae kykNET 22:30 VERLEDE KEER Julia het uitgevind van Blitz se geheim, Kristien het die raad probeer oortuig om Mia weer as pompon-danser aan te stel, en nog skuldeisers het aan Magda se deur kom klop. 3 – 5 JULIE Johan slaap die eerste keer by Blitz oor, die Stryders is keelvol vir die sensitiwiteitsopleiding, en Chrissie het ’n onaangename mens geword. Blitz geniet dit om ’n pa te wees, die pompons vat die Stryders vas, en Simon kry kommerwekkende nuus. Renate lap Kristien se geheim uit, en die manne wys die pompons hoe polities korrek hulle kan wees. 8 – 12 JULIE Kristien en Renate se vriendskap word getoets, Yvonne is opgewonde om Ryno en Thinus se troue te beplan, en Koekie verras…

H Di. – Do. kykNET & kie (*145) 11:00 O Sondae kykNET & kie 16:00 VERLEDE KEER Beatrice het Ronel geskok met die nuus oor Sam se kêrel, Debra het met Lee-Roy gesels oor die lewe en gay-wees, en Emile het later sy broer Chris gekonfronteer oor sy verhouding met Sam. 3 JULIE Wendy voel hulpeloos wanneer geen einde in sig is met Emile en Chris se vete nie, Hamilton haal als uit om Beatrice se voete onder haar uit te slaan, en Thys soek antwoorde by Ronel oor hul uitganery. 8 – 10 JULIE Anton, Ilke en Vernon is gestres terwyl hulle op hul matriekeksamenuitslae wag en weet nie wat hul toekoms inhou nie. Nicolene is gelukkiger: sy weet presies wat haar volgende stap gaan wees, maar Anton is…

H Weekdae e.tv (*194) 12:00 H Weekdae eExtra (DStv *195/OpenView *105) 13:55 O Saterdae e.tv 09:30 VERLEDE KEER Dambisa se tradisionele geneser het wondere verrig met Mthunzi, Shado is gearresteer ná sy probeer het om Dintle skuldig te laat lyk, en Quinton se lidmaatskap by The Credentialmansklub is onthul. 3 – 5 JULIE Al het sy en die Langa-familie meningsverskille, trek Yvonne haar neus op wanneer sy dink aan alles wat Mthunzi gedoen het. Dambisa bring weer hulp van buite in wanneer sy ’n gevaarlike situasie met Mthunzi het, en Layla is bekommerd oor NFH se beeld wanneer Quinton aandag trek weens sy jongste skandaal. 8 – 12 JULIE Romeo kry moeilikheid van ’n afperser, en goeie nuus vir Mthunzi is slegte nuus vir die Langas. Boniswa is nie so…

H Weekdae eExtra (DStv 195/OpenView 105) 12:05 O Sondae eExtra 14:45 TOE ONS LAAS GEKYK HET Hazal het haarself probeer doodmaak deur met haar rolstoel in die see te ry nadat sy van haar middel af ondertoe verlam is. Ozkan is gearresteer vir sy bande met die dwelmkartel, en gerugte oor Cansu het deur die dorp versprei. 8 – 12 JULIE Die Gurpinar-familie probeer vrede maak met die openbare aanval op die herehuis en Hazal se selfdoodpoging, maar iemand in die groep beplan reeds vergelding. Ozkan dring daarop aan om te weet wie vir hom ’n strik gestel het, maar voor hy kan uitvind word hy tydens ’n sluipmoordpoging geskiet. Cihan weet nie of hy Ozkan kan glo nie, wat steeds verklaar hy’s onskuldig wanneer hy uit die tronk vrygelaat…

Weekdae eExtra (DStv *195/OpenView *105) 22:20 H Weekdae e.tv (*194) 12:30 O Saterdae e.tv 11:20 VERLEDE KEER Zandile het ná haar miskraam vertrek, en Manqoba het die pad gevat nadat Zakithi hom verwerp het. Zithulele het die dwelmslaaf Andiswa uitgeneem, en Mira het ’n geheime liefie gekry. 3 – 5 JULIE Zakithi sê vir Zithu Nkululeko is Ngcolosi se seun, en sy kom agter iets skort met Maluju se finansiële rekords. Ngcolosi gee Phunyuka ’n geheimsinnige missie en kaMadonsela stort ineen ná ’n vreemde droom. Elders stel Lindiwe ’n lokval vir Andiswa. 8 – 12 JULIE Zakithi steel Nkululeko se mansjetknope en manipuleer hom om Maluju se dokumente te steel, en Ngcolosi vra Phunyuka om geld in ’n aktetas af te lewer. Zakithi se plan val plat wanneer sy Ngcolosi…

H Weekdae e.tv (*194)/OpenView (DStv *104) Di.-Vr. 14:00 VERLEDE KEER Gift Hunter het Lwandle en Tandzile aan die bende se woede blootgestel, en skoolhoof Shezi het sy eerste twee studente gekry. 3 – 4 JULIE Die TV-weerman Mpendulo gaan vinnig huis toe na sy feekserige vrou Taryn en sy tarotkaartlesende skoonma wat sy voorspellings steel. Oor die lug reik Mpendulo ’n tornadowaarskuwing uit wat kykers ontstel en tot drastiese optrede by die werk lei, en sy broer roskam hom. Gift Hunter fluister in Mpendulo se oor, wat dalk iets te doen het met sy vrou se eis om ’n egskeiding, en Lwandle en Tandzile ontmoet skoolhoof Shezi se nuwe hawelose jongman. Die charismatiese prediker se seun Neo berei vir die kerkdiens voor, en Gift Hunter steel Neo se mag –…

H Weekdae SABC1 (*191) 09:00 H Weekdae SABC2 (*192) 14:30 VERLEDE KEER Susan en hoofman Azwindini was verbaas dat Vhutshilo sy verjaardagparty misgeloop het, en Tenda was ontsteld oor ’n oproep van sy tronkvoël-tweelingbroer Tshamano. 3 – 5 JULIE Azwindini is woedend wanneer hy uitvind Susan behandel Tshamano, en Marang weet nie wat om van Warona en Nare te dink nie. Daar is verwarring wanneer Tenda Susan in sy broer Tshamano se hospitaalkamer aantref, en James tree tussenbeide om Marang en Warona se vete stop te sit. 8 – 12 JULIE Azwindini gebruik sy mag en politieke invloed om Vhutshilo te red, Mulondo het ’n aanbod vir Shumi en haar baba, en Nare maak ’n voorstel aan Warona. Vho-Makhadzi het ’n ernstige gesprek met die jong Vhutshilo, Warona beveel Nare…

H Weekdae 1Magic (*103) 23:30 & 10:30 O Saterdae 1Magic 17:00 O Sondae 1Magic 09:30 VERLEDE KEER Lindani het Nomonde se bedoelings bevraagteken, Paulina is in die middel van haar man Cobra se florerende politieke loopbaan vasgevang, en Zweli was ’n wrak ná speurder Tshabalala se ontdekking. 3 – 5 JULIE Raadslid Cobra se dag verander van sleg na slegter wanneer ’n vuurwapen op hom gerig word in die Refilwe Township, die gemeenskap wat hy dien. Zolani vind ’n geheim uit wat ’n kloof tussen sy geliefdes kan veroorsaak, Cobra is jammer hy het ’n transaksie met korrupte politici gesluit, en die enkellopende Zweli is gereed om weer uit te gaan. Cobra het ’n skuldige gewete ná hy die gevolge van sy vinnige besluit eerstehands gesien het, en Zweli gaan…

H Weekdae SABC2 (*192) 13:30 O Sondae SABC1 (*191) 12:00 VERLEDE KEER Sbu het Fikile die jawoord gevra, MaNgcobo is met Khathaza getroud, Sibonelo het te vinnig beweeg vir Nonka, en Mondli het Zekhethelo in die pad gesteek. 3 – 5 JULIE Khathaza glo hy kan Nkunzi na sy pype laat dans en hy kom sy aaklige belofte aan Ma-Ngcobo na. Mev. Madlala pers MaMlambo af ná haar poging om Nkunzi die waarheid te vertel boemerang, en Gabisile laat Qhabanga dink sy is gereed om hom te laat gaan. Sbu moet al sy geslepenheid inspan om die Bybelstudieklas te ontwyk, maar dit blyk hy is nie die enigste een wat dit haat nie! 8 – 12 JULIE Nkunzi en Sibonelo jaag om die kontant in die hande te kry ná…

KosKaskenades Seisoen 2 Woensdae SABC2 (*192) 19:00 Die passievolle sjef, kosstilis en -skrywer Anna Carolina Alberts, of Caro Alberts (30) soos ons haar ken, is terug met innoverende kos- en stileringsidees. Sy kuier saam met Jan en alleman in hul kombuis en sit hand by om met die beskikbare bestanddele in hul yskas en spens bobaas-geregte op te dis en stylvol voor te sit. Ons het by Caro meer oor die nuwe seisoen en haar passies gaan uitvind. Hoe verskil die nuwe seisoen van die vorige een? Die formaat bly eintlik dieselfde, maar my uitrustings lyk in elke episode anders. Ons reis ook veel meer! Ons het onder meer in Langebaan en Churchhaven aan die Weskus, Pretoria, Hartbeespoortdam en die Wes-Kaapse dorpe Swellendam en Napier verfilm en duisende kilometers afgelê.…

Hoekom word dit nou so vroeg uitgesaai? – MARTJIE, FACEBOOK Ek dink 21:00 is ’n ideale tyd maar 18:00 is te vroeg. – YOLANDA, FACEBOOK Ek reken ek sal dan maar 7de Laan kyk en Getroud Met Rugby later op Catch Up – LIZ, FACEBOOK 7de Laan word ook dieselfde tyd uitgesaai. – CATHERINE, FACEBOOK Dis sommer bog dat Getroud Met Rugby nou na sesuur saans toe skuif. Daardie tyd is die meeste mense pas van die werk af en besig om aandete te berei. – MARIA, E-POS Hoekom skuif hulle Getroud na so ’n slegte tyd? Sesuur maak van ons kos, of is nog nie eens by die huis nie. – ANONIEM, SMS…