Innholdsfortegnelse for Stroom Saam! i Stroom Saam!

1 The Acolyte (Stroom lewende-aksiereeks, 2023) 2 Tales of the Jedi (Animasiereeks, laat 2022) 3 StarWars: Episode I – The Phantom Menace(1999) 4 StarWars: Episode II – Attack of the Clones(2002) 5 Star Wars: Clone Wars (Animasiereeks, 2003–2005) 6 Star Wars: The Clone Wars (Animasieflieken-reeks, 2008–2020) 7 Star Wars: Episode III – Revenge of the Sith(2005) 8 Star Wars: The Bad Batch (Animasiereeks, 2021-nou) 9 Star Wars: Droids (Animasiereeks, 1985-1986) 10 Solo: A Star Wars Story(2018) 11 Obi-Wan Kenobi (Stroom lewende-aksiereeks, 2022) 12 Andor (Stroom lewende-aksiereeks, 2022-nou) 13 Star Wars: Rebels (Animasiereeks, 2014-2018) 14 Rogue One: A Star Wars Story(2016) 15 Star Wars Episode IV: A New Hope(1977) 16 Star Wars Episode V: The Empire Strikes Back(1980) 17 Ewoks (Animasiereeks, 1985-1986) 18 Caravan of Courage: An Ewok Adventure (1984-TV-fliek) 19…

Wanneer mense oor die beste TV-programme praat, stem hulle gewoonlik saam oor ’n paar: Breaking Bad, The Wire, The Sopranos … Maar daarna raak dit moeiliker, want smaak verskil. Dit was ’n kopkrappery om ons top-10-reekse van alle tye te kies. Daar is soveel faktore om in ag te neem. Daar moet ’n balans en amper iets van alles wees, want daar is soveel genres om van te kies. Benewens die gewone drama en komedie is daar realiteitsreekse, fantasie en selfs natuurdokkies wat ons al beïndruk het. En dan is daar die gehalte-aspek. Bly ’n reeks met baie seisoene in die top-10 as die eerste seisoene briljant was maar dit later uitgerafel het? En ons moet programme op die lys hê wat die weg gebaan het vir ander reekse om…

Kykers word regtig lekker bederf met die groot keuse in die uitgebreide katalogusse vir flieks op aanvraag. Van die nuutste Hollywood-treffers wat hul pad na ’n stroomplatform gevind het kort nadat dit op die silwerskerm gedebuteer het, oorspronklike skatte vol intrige, tot klassieke flieks wat jy oor en oor kan kyk, soos The Parent Trap (1998), Father Of The Bride – wat albei op Disney+ te kry is – of Clueless op Netflix. Kies ’n genre en jy sal ’n fliek kry wat by jou luim pas. Disney+ het al die animasieflieks waarvan jy kan droom, soos die nuutste Toy Story 4, Encanto, Lightyear en Turning Red. En hulle huisves ook versamelings soos die Marvelflieks of die klassieke Star Wars-rolprente. Oorspronklike stroom-flieks is net so gewild met rolprente soos die…

Trots, adellikheid, klasseverskille, en alles waaroor Jane Austin boeke geskryf het, maak periodedramas (ook historiese dramas genoem) gewild. Die kostuums, romanse en drama wat die karakters beleef, voel soos ’n koninklike fees. Op die stroomdienste kan jy ’n hele era se stories kettingkyk sonder om ’n week lank te wag vir die hertog om op sy diensmeisie verlief te raak. Die liefde was nog nooit terselfdertyd so romanties en so gekompliseerd nie, maar ons het vir jou die beste uitgesoek wat aangebied word. The Crown NETFLIX 2016-NOU SEISOEN 1-4 (SEISOEN 5 BEGIN 9 NOVEMBER) Koningin Elizabeth ll – die monarg wat die langste nóg in die Verenigde Koninkryk geregeer het – se dood vroeër in September vanjaar het veral die harte van The Crown-kykers geroer omdat die reeks oor haar…

Lank gelede in die 1700s, het die skrywer Sir Horace Walpole aan ’n vriend neergepen: “Die wêreld is ’n komedie vir dié wat dink; ’n tragedie vir dié wat voel.” Maar jy kry gereeld ’n vermenging van dink en voel, en dis presies waar drama met ’n glimlag, of dramedie (kombinasie van drama en komedie) vandaan kom. Daar’sbaiebekendereekse in die genere, soos Ally McBeal, Desperate Housewives, Devious Maids, en Ugly Betty (almal beskikbaar op Disney+), Sex And The City (Showmax), Gilmore Girls (Netflix) en Suits (Prime Video) maar hier is nóg reekse wat jy nou kan kyk en waarna jy kan uitsien. The White Lotus SHOWMAX 2021-NOU SEISOEN 1-2 Hierdie reeks oor die ryk en snobistiese kliënte wat personeel by ’n eksklusiewe oord hiet en gebied, is weer hier met…

Nie ’n voorstander van ligte komedie nie? Moeg vir die eindelose realiteitsprogramme waar almal kook en braai? Skakel dan oor na iets met meer aksie en grafiese inhoud om die werklikheid te ontvlug. Op die stroomplatforms kan jy kies en keur van Wiking-stropers uit Skandinawië wat plunder en uitroei, tot monsters, vampiere wat suig dat die bloed spat en nog baie meer. True Blood SHOWMAX 2008-2014 SEISOEN 1-7 Die reeks is gegrond op Charlaine Harris se The Southern Vampire Mysteries en gaan oor ’n moeilike tiener met die naam Sookie (Anna Paquin) wat verlief raak op die Vampier Bill (Stephen Moyer) in die fiktiewe dorp Bon Temps, Louisiana, in ’n wêreld waar vampiere nie in die geheim leef nie. Maar wat Sookie nie weet nie, is daar lê veel meer…

Die lewe is nie maklik nie. Jy sal gereeld iemand in ’n TV-reeks hoor sê hoeveel moed dit verg om net te bly bestaan. Programme en flieks is ’n weerkaatsing van die lewe (al is dit soms hoe absurd of ondenkbaar), dus is daar ook reekse wat sielskos bied om jou ’n hupstoot te gee. Of dit nou morsjorse is wat hul huise uiteindelik skoonmaak, inspirerende verhale of iemand is wat met hul vervreemde ouers herenig is – jy kan in elke reeks iets vind om jou siel te voed en beter oor jouself te voel. Sparking Joy With Marie Kondo NETFLIX 2021 SEISOEN 1 Die koningin van opruim Marie Kondo help gesinne wat sukkel om ’n balans in hul werk-en huislewe te vind met haar vreugdevolle vernuf en taktieke.…

Stroom (streaming) is al lank deel van ons lewe – of jy ’n platform soos Netflix of Showmax gebruik en op jou skootrekenaar of foon kyk – of reeds weet hoe om dit op jou TV te kyk – dis iets wat ons byna daagliks doen. Vir baie is die dae om net SABC, DStv of selfs Openview te hê, reeds iets van die verlede. Die gewildheid van stroomdienste soos Showmax, Netflix, Disney+ en Prime Video neem voortdurend toe. As jy al gehoor het van die term OTT (over-the-top) is dit presies wat hierdie platforms is: ’n Diens wat jy kry sonder om ’n sattelietskottel (soos DStv) te hê en wat slegs ’n internetverbinding nodig het om te werk. Hierdie stroom dienste is almal toe passings of applications (ons gebruik…

Een van die beste dinge van stroomdienste is jy hoef jouself nie vas te teken met ’n maande lange kontrak nie. Jy kan besluit wanneer jy die diens wil staak en net weer inteken wanneer nuwe reekse op die platform beskikbaar is wat jy graag wil kyk. Die beste is om te kyk wat tans op dieplatform is wat jou aandag trek, en ook wat op pad is wat jy graag sal wil kyk. Sê nou jy volg Bridgerton, dan hoef jy net op BritBox in te teken wanneer ’n nuwe reeks beskikbaar is, tensy daar ander programme is wat jy wil kyk. Die meeste dienste volg’n voorafbetaaldemodel – jy betaal vir ’n maand vooruit. As jy vandag wil begin kyk, betaal jy van vandag af vir die res van…

Met so ’n groot keuse van programme is weet ’n mens nie waar om te begin nie. In die tydskrif is ons keuse van die top-10-programme van alle tye, asook die 10 beste plaaslike reekse. Maar as jy nie weet wat om te kyk terwyl jy die verskillende stroomdienste se aanbod verken nie, hier is ons keuse van die 10 beste internasionale reekse wat nou beskikbaar is. Sommige programme is bekend en ander is versteekte juwele wat dalk nie sommer op die platform se algoritme sal verskyn nie, maar ons dol was daaroor. Party groter (en na sommige se mening dalk beter, soos Peaky Blinders, Westworld en Game Of Thrones) reekse het nie ons top-10 gehaal nie, maar jy sal hulle elders in Stroom Saam! opspoor. 1 What We Do…

Mense se leefstyle verskil, maar dis interessant om te sien hoe ander mense hul lewe inrig. Leefstylreekse op stroomdienste bederf ons met programkeuses wat ons oor ons eie lewe laat nadink, en gee ’n kykie na ander se leefstyl – of dit is hoe hulle huise opknap, bloot in ’n sitkamer gesels of wêreldwyd aan verskillende geregte smul. Die grens tussen leefstyl-en realiteitsreekse is vaag. Hoewel die genres sekere elemente gemeen het, is die groot verskil die kompetisie-element wat realiteitsreekse dikwels het (soos Survivor en MasterChef), waar leefstylprogramme meer fokus op maniere om jou lewe te verryk. Realiteitsreekse het ook sterre soos die span van Selling The OC, terwyl die mense in leefstylprogramme vanweë hul vaardighede beroemdheid verwerf het. ’n Goeie voorbeeld is Gordon Ramsay met sy eie kookprogram (leefstyl),…

Spannings-en rilreekse word gereeld geskoei op diewerklikheid, soos’n moord wat plaasgevind het. Of dit is ’n bietjie onrealisties, soos Pretty Little Liars (lees meer onder), maar dit vermaak en sorg vir drama met ’n spanningslyn wat jou hartklop opjaag. ’n Goeie riller het altyd meer aksie as dialoog, en in die meeste gevalle wil jy graag weet wat volgende gaan gebeur, want die episodes eindig met onsekerheid (cliffhanger). Tom Clancy’s Jack Ryan PRIME VIDEO 2018-NOU SEISOEN 1-2 (SEISOEN 3 BEGIN 21 DESEMBER) In die derde seisoen van die gewilde Tom Clancy se reeks Jack Ryan-boeke, is die CIA-agent Jack Ryan (John Krasinksi) op die vlug en in ’n stryd teen tyd. Jack word verkeerdelik verbind met ’n groter sameswering en word nou gesoek deur die CIA en ’n internasionale sindikaat…

Soms is ’n eenvoudige, lawwe komedie net die ding om jou gedates af te lei. Lag is immers goeie oefening: Dit werk jou maagspiere, verhoog jou hartkop en soms kan jy jouself sommer lekker uitasem lag. Tog is komedies is nie breinlose vermaak nie, maar dit laat jou ontspan. Meesterlike komedieskrywers het die vermoë om die onverwagte kant van ons alledaagse lewens uit te lig. Hulle daag ons uit oor die aannames wat ons dikwels in ons lewe maak. ’n Komedie wat die kol tref, sal jou laat voel jy het pas iets met jou grootste vertroueling bespreek en ’n nuwe perspektief gekry. As jy die humor van ’n bepaalde program snap, beteken dit ander mense sien ook soms die humor in ernstiger situasies raak. Soms lê die snaaksheid net…

Wetenskapsfiksie (sci-fi) en fantasie, is ’n verbeeldingsvlug belaai met intrige. Dié genres is so wyd, dit kan amper na enige program verwys omdat dit komedie, drama, polisieprosedures, ruimtereise en omtrent enigiets onder die son (of volmaan!) kan insluit. Een ding wat sci-fi en fantasie gemeen het, is dit het ’n element van spekulasie – die reekse vra dikwels “wat as?”. Om dit te doen neem dié programme jou dikwels deur alternatiewe geskiedenis of tydgebeure. Wat as dit moontlik was om deur tyd te reis, die geskiedenis te herskryf of as ander spesies werklik bestaan het? En wat sou die impak daarvan op die huidige, moderne samelewing wees? In fantasie kom veral gode en monsters voor – kreature en wesens wat buite die normale werklikheid bestaan. Hier sal jy drake, spoke,…

Die waarheid is dikwels vreemder as fiksie en ware lewensgebeure wat mediaopskrifte gehaal het, is ’n gewilde en immergroeiende genre. Jy sal van die beste ware lewe-verhale op Netflix kry, maar moenie van ander platforms vergeet nie. Jy het dalk die mediaberigte gelees, maar nie die storie agter die storie gesien nie. Dahmer – Monster: The Jeffrey Dahmer Story NETFLIX 2022 MINIREEKS Sedert dié reeks op 21 September 2022 bekendgestel is, is wêreld wy dal 196,2 miljoen ure daarna gekyk. Evan Peters is die kanni-balistiese reeksmoordenaar Jeffrey Dahmer, wat 17 homosek-suele mans en seuns in Wisconsin in die laat 1970’s tot vroeë 1990’s vermoor het. Hierdie reeks van 10 episodes wat grotendeels uit die oogpunt van Dahmer se slag-offers vertel word, delf diep in die polisie se onbevoegdheid en apatiese…

Stroomdienste wedywer vir die beste en nuutste reekse en flieks. En hoewel sommige dienste soos Apple TV+ meestal fokus op reekse wat hulle self vervaardig het, delf ander platforms ook diep in die verlede. Disney+ het ongelooflike argiefinhoud vir kinders wat teruggaan na jou ouma se jongdae, en jy sal ook jou eie tienergunstellinge soos Adventures Of The Gummi Bears (1985), The Wonder Years (1988) en Lizzie McGuire (2001) sien. BritBox spesialiseer in die klassieke Britse reekse van alle tye, en verken Showmax vir meesterstukke uit TV se Goue Era. Maar jy kan nie altyd voorspel wie het wat nie. Kan jy glo die invloedryke Britse sketskomediereeks Monty Python’s Flying Circus is op Netflix te sien? Dis moeilik om in Prime Video se argiewe klassieke reekse te kry – hul…

Net soos Oscarbekroonde flieks en uitmuntende literatuur, is menswees die kern van ’n drama. Dit vertel emosioneel komplekse stories, dinge waarmee jy kan identifiseer en struikelblokke wat uitgebeeld word, is gegrond in die regte wêreld en verken lewens, of dit nou dié van ’n koning, ’n werker of ’n alledaagse huisvrou is. Dramareekse gee jou die kans om in iemand anders se skoene te staan, om die wêreld deur hul oë te sien, om te voel wat hulle voel, en om te verstaan hoekom hulle sekere keuses maak. Baie dramareekse grens aan spanning maar ons het besluit om dit hier te plaas. Donkerbos SHOWMAX 2022 SEISOEN 1 (BEGIN 22 NOVEMBER) Ons het hoë verwagtinge vir die reeks! Die akteursis uitstekend, en met Nico Scheepers in die regiestoel weet ons dit…

Die wêreld is ’n vreemde en wonderlike plek en om te verstaan hoe alles werk kan ’n ontdekkingsreis wees met hierdie dokkumentêre reekse. Elke moontlike onderwerp word verken, van ware misdaad, die natuur tot musiek, en die meeste daarvan sal jou boei asof dit ’n versinde storie is en nie wat in die ware lewe gebeur en deur koerantopskrifte bewys word nie. Waar moet jy begin? Hier is alles wat jy moet weet van die nuutste dokkies wat nog op pad is, en dié wat reeds beskikbaar is en nie misgeloop mag word nie. Steinheist SHOWMAX 2022 DOKUMENTÊRE REEKS Steinheist is ’n reeks in drie dele oor Markus Jooste, ’n leuen van multi-miljard rand wat talle mislei het en die grootste korpora-tiewe bedrog nóg in Suid-Afrika. Markus het op 6…

Die lewe is vol lief en leed, en deesdae voel dit asof negatiwiteit, slegte nuus en twyfel jou in ’n gat kan dompel. Maar daar is verskeie reekse op stroomplatforms wat jou ’n hupstoot kan gee wanneer jy dit nodig het – medisyne vir jou hart en siel. Wanneer dit by Christelike inhoud kom, het TruthTV die grootste katalogus programme en flieks. Daar is selfs programme vir kinders, reekse in Afrikaans en hulle het van hul inhoud self geskep, soos die prediker Angus Buchan se dokumentêr wat vroeg 2023 bygevoeg gaan word. Showmax en Netflix het ook flieks wat geloofsgeoriënteerd is, maar Prime Video en Appel TV+ se aanbiedinge is beperk. Hier is van die progamme wat jy kan kyk om jou ’n hupstoot in jou geloofslewe te gee, ongeag…

85% huishoudings in Amerika is op minstens een stroomplatform ingeteken. 70 000/500/2000 URE/REEKSE/FLIEKS Indien Discovery+ en HBO Max binne die volgende twee jaar in die land beskikbaar is, sal ons toegang hê tot 70 000 uur van ware misdaad-en dokkiereekse op Discovery+, en dan ook fantasiereekse soos House Of The Dragon en 500 ander reekse. En daar is boonop meer as 2 000 flieks op HBO Max. Hoe dit DStv en Shomax, wat albei HBO-inhoud het, gaan beïnvloed, sal ons moet sien. 5 DAE & 1 UUR (AANEEN!) Dis hoe lank dit sal duur om elke liewe episode van die komediereeks Friends te kyk. Dis die reeks wat die vyfde meeste gekettingkyk word, sê bingeclock/com. 160 MILJARD minute se inhoud is in Maart 2022 in Amerika gekyk – dis ongeveer 304,414…