Innholdsfortegnelse for Jan - Mar 2024 i SARIE KOS

“Every good thing in this world started with a dream . . . so you hold on to yours”WILLY WONKA SE MA AAN HOM En dis waar, solank ons nog kan droom, sal ons nuwe dinge ontdek, nuwe dinge ervaar en nuwe hoogtes bereik. Soos ons hier aan die begin van ’n splinternuwe jaar staan met sy belofte van oor begin, nuut dink en weer probeer, wonder ek of ons vergeet het hoe belangrik dit is om die drome van ons kinderdae steeds te koester. Om uitbundig te lewe en te kies om die goeie raak te sien in ander mense. Vroeg Desember stap ek met my boks springmielies, sjokolade-moutballe en oorgroot papierkoppie vol Creme Soda die fliekteater binne om die nuwe Wonka-fliek gegrond op Roald Dahl se boek Charlie…

24 Of twee dosyn. Dis hoeveel hoendereiers gelyk is aan een volstruiseier. ’n Hoendereier op steroïede! Die dop is dikker en bietjie moeiliker om te breek as dié van ’n standaardhoendereier. Dit smaak egter baie dieselfde. Maak roereier en vries dit wat oorbly. Skud-skud só Sugarhall, ’n kroeg in Singapoer wat al as die 7de beste mengeldrankiekroeg in die land aangewys is, het onlangs ’n makietie met ’n Afrika-tema gehou. Vaardige mengeldrankie-skeppers van drie verskillende Afrika-kroeë moes hul slag wys – en rooibos was prominent in baie van hul konkoksies. Een van die gewildste mengeldrankies was die “Ayoba”, ’n mengsel van whisky, gebrande botter en rooibos. Gemmerbier vir die kroos Jy kan jou kind met ’n geruste hart tuisgemaakte gemmerbier gee, want dit bevat nie juis alkohol nie. Pynappelbier is…

1 Yolani, ons lesers ken jou as SARIE se Voorbladgesigwenner van 2017. Maar Anwar, wie is jy, wat laat jou hart stadiger klop? Anwar is ’n doodgewone persoon van die Kaap. Cape Malay culture is wie ek is. My vrou is die enigste een wat my hart stadiger laat klop. Ek is iemand wat baie hard werk. My lewe gaan oor familie en kos, dis wie ek is. As ek extreme sports kan doen soos branderplankry, is ek op my heel gelukkigste. 2 Julle is albei opgeleide sjefs. Yolani, wat maak julle twee saam so ’n wenkombinasie? As dit nie vir ons sterk liefde en passie vir kos was nie, sou ons mekaar nooit ontmoet het nie. Ons kan vir ure gesels oor idees vir nuwe geregte. Ons weet hoe…

SPESIALE SEKSIE SJOKOLADE LEES MEER OOR • Daarom so kosbaar soos ’n oog• Só lyk die Sjoko-roete• 8 beste sjokoladeresepte Die Sjoko-roete 3500 v.C. In 2018 het argeoloë aan die Universiteit van Berkeley in Kalifornië tekens van kakao op antieke potte ontdek. Dit dui daarop dat die mensdom li fd vir sjokolad as wat voo is – omtre ouer as vro – wat die o kakao-prod van Sentr na die reën noorde van waar Ecuad 2000 v.C. Eerste aangetekende argeologiese bewyse van kakaoproduksie in die Amasone. 1500 v.C.-400 v.C. Olmek-beskawings in Sentraal-Amerika (Majas en Asteke) slaag daarin om kakaobome aan te plant in Yucatán, Guatemala en Chiapas. Die maal van kakaobone om dit in drankievorm te geniet ontstaan by hulle. 1400’s Ná die val van die Maja-beskawing het kennis van…

LEES MEER OOR • Wat is ’n erfenistamatie?• Vrug of groente?• Proe 6 nuwe tamatieresepte TAMATIEFEITE ● Die woord tamatie kom van die Spaanse tomate, wat afgelei is van tomatl in Nahua, die ou Asteekse taal. Tomatl beteken “plomp ding met ’n naeltjie”. ● Botanies gesproke is ’n tamatie die vrug van ’n blomplant. Maar dit word as ’n “kulinêre groente” beskou omdat dit ’n aansienlik laer suikerinhoud as kulinêre vrugte het. ● Die eerste tamaties wat in die 16de eeu in Europa aangekom het, was klein, goudkleurig en kersiegrootte. Weens dié voorkoms het hulle in baie lande ’n naam gekry wat aan goud herinner, soos die Duitse Goldapfel (goue appel). ● Na raming word meer as 3 000 variëteite erfenistamaties die wêreld oor verbou, en daar is altesame meer…

LEES MEER OOR • 12 dinge oor waatlemoen• Sout en vrug se soet werk saam• Maak roomys sonder ’n masjien Waatlemoen-en-fetaslaai Maak hierdie ikoniese kombinasie nuut en anders. GENOEG VIR 6-8 • 4 wiele fetakaas• 100 ml yskoue room• 6 wiele waatlemoen• 12 kersietamaties, gehalveer• 12 vars kruisementblare Plaas feta en room in voedselverwerker se beker ( jug blender) en verwerk op hoë spoed tot romerige mengsel vorm. Skep in spuitsak met 1 cm-skerprandtuit. Sny waatlemoen in reghoeke van sowat 2 cm breed en 5 cm lank (sien foto). Jy kort 16 reghoeke. Plaas agt reghoeke op opdienbord en spuit klein klontjies fetaroom op elke reghoek. Plaas ’n tweede waatlemoenreghoek bo-op elk en spuit res van fetaroom bo-op. Pak kersietamaties en kruisement bo-op en sit voor. WATERMELON KISSES My lady’s…

As kind was my grootste ambisie om ’n dinosourusfossiel in ons tuin te ontdek. ’n Ambisie wat summier geblus is ná my katastrofiese deurbraak-ontdekking – daar was ’n halsband met ’n naamplaatjie (“WOLLIE”, gevolg deur ons huistelefoonnommer) om daai baba-T-Rex se nek. My tweede grootste ambisie was om in te pas. Ek wou soos al die ander kinders wees, asseblief. Glo my, in ’n skool waar die prys vir akademie ’n skaap en ’n geraamde foto van Loftus Versfeld is, is “kunstige weirdo” nie juis hoog op die voedselketting nie. Terwyl die ander kinders hulle aan hul pligte gewy het, insluitend hardloop, skree, balle skop, balle vang, in goed rol, oor goed klim, taai goed eet, vir karre blaf en oor grondgebied baklei, het ek prentjies geverf, gelees of stories…

Op net 39 het sjef Siba Mtongana die koswêreld aan haar voete, nee, eintlik die wêreld! Sy is die kragtoer agter The Siba Co, haar handelsnaam wat alles van kookboeke, TV-optredes en BBP-spyskaarte insluit. Stewig geanker in Suid-Afrika, is hierdie Xhosameisie die skrywer van haar eie suksesverhaal. Google haar en jy lees gou dat dié voormalige kosredakteur van Drum wêreldwyd in aanvraag is, en van die talle toekennings wat sy al ontvang het. Vir haar as kind was kos nooit ’n loopbaanopsie nie, maar mettertyd het sy besef dít wat sy in haar ma se kombuis geleer het, is iets wat sy met die wêreld moet deel. Siba glo wel niks kom vanself nie en harde werk is die sleutelbestanddeel van wat sy vermag. Deur haar vyfster-restaurant SIBA – The…

Lawwe Woordeboek Botaniste klassifiseer piesangs, komkommers, avokado’s, pampoene en kiwi’s as bessies. Maar nie aarbeie (strawberries), braambessies (blackberries), moerbeie (mulberries) en frambose (raspberries) nie. • Lees ook bl. 48 Metusalag-burger Foto’s word gereeld op sosiale media gedeel van ’n McDonald’s-burger wat klaarblyklik alle natuurwette troef. Ses jaar, selfs twaalf jaar ná dit gekoop is, lyk die frikkadel daarop byna nes ’n vars een. Lang storie kort: McDonald’sburgers word nie sleg nie omdat dit te vinnig uitdroog, dis al. Nes biltong. In die eerste plek is die frikkadel baie dun. Boonop word dit teen ’n hoë hitte gaargemaak. Dit verloor daarom vinnig vog, vóór dit sleg kan word. Bakterieë het water nodig om te floreer en kos met ’n hoë voginhoud word dus gouer sleg. Die hoë hitte wis ook alle…

Vrugte wat blom Vanjaar sê ons: “Dink anders aan blomme en hul potte!” Vir ons vrugte-feestafel het ons halwe waatlemoene as blompotte gebruik. Steek langstingelblomme in die waatlemoen of ander vrugte van jou keuse en plaas as dekor op jou tafel. LEES MEER OOR • Vrugte-blompotte vir 2024• Jou feestafel se spyskaart• Herman se 8 beste onthaalwenke…

Hoe Amarula een van die wêreld se gewildste roomlikeurs geword het.” Die opskrif van ’n artikel in die Amerikaanse finansiële tydskrif Forbes. En verder word geskryf: “Die prominente olifant op die etiket is net so herkenbaar op die rak agter ’n kroegtoonbank in Londen as in ’n belastingvrye winkel in Santiago, Chili.” ’n Suksesresep uit eie bodem. Meer daarvan word uitgevoer as enige ander plaaslike drankhandelsnaam, volgens Dennis Matsane, hoof van geïntegreerde kommunikasie by Heineken. Dis ook op een na die gewildste roomlikeur ter wêreld. Soet, romerig en vrugtig in die mond, met note van karamel, peperige speserye en ’n titseltjie sitrus . . . onweerstaanbaar. Die blaarryke maroelaboom (Sclerocarya birrea), inheems aan Afrika suid van die Sahara, se vruggie gee Amarula Cream-likeur sy unieke klap. Dis die enigste plek…

LEES MEER OOR • Maak só jou eie ricottakaas • Slim wenke vir kaaskoek-sukses • Probeer ’n sout weergawe van kaaskoek vir jou kaasbord Kaaskoek-sukses Herman se 5 beste wenke vir die lekkerste kaaskoek 1 Bak kaaskoek stadiger en by ’n laer temperatuur vir daardie roomsagte smelt-in-diemond-tekstuur. 2 Gebruik ’n waterbad (bain-marie) om kaaskoek in te bak. As jy ’n losboompan gebruik, draai die onderkant van die pan toe in aluminiumfoelie om te keer dat die water inlek. Die waterbad beskerm die kaaskoek en gee dit ’n beter tekstuur. 3 Laat kaaskoek eers tot kamertemperatuur afkoel voor jy dit in die yskas verder laat afkoel. As jy dit warm in die yskas sit, gaan dit bars. 4 Sit gebakte kaaskoek eerder by kamertemperatuur voor as direk uit die yskas. Haal…

KUBERKUIER Hoekom Aboe-Dhabi? Ek en my man, Nick, flenter maar nog altyd agter avontuur en werksgeleenthede aan. Van die Wesrand tot die Kaap, Karibiese Eilande, Doebai en toe Aboe-Dhabi, hier in die VAE, wat onverhoeds in ons bloed beland het. Wat maak Aboe-Dhabi spesiaal? Die naam beteken letterlik “vader (aboe) van die gasel (dhabi)” – hul weergawe van ’n springbok wat vroeër volop hier voorgekom het en nou streng beskerm word. Van die sewe emirate (provinsies) beslaan Aboe-Dhabi meer as 80 persent. Doebai, ons naaste emiraat, is skaars 80 km in die pad af, maar voel soos ’n ander land. Beide die emiraat en die hoofstad waarin ons bly, heet Aboe-Dhabi en is baie meer tradisioneel. Die pas is net stadiger . . . daar heers so half ’n eilandgevoel,…

Swartkersieslaai met gebraaide-uiesous Die eerste keer toe ek die slaai geproe het, was ek ’n bietjie skepties. Maar glo my, yskoue kersies met die geur van uie in die sous wérk net. • 30 ml olyfolie• 1 groot ui, fyngekap• 50 ml appelasyn• 100 ml goeie olyfolie• 15 ml dijonmosterd• 30 ml heuning• 5 ml sout• 2 sprietuie (spring onions) • yswater• 400 g vars kersies, ontpit en gehalveer• 100 g gesoute pistasieneute, grofgekap Verhit groot braaipan tot warm en voeg 30 ml olyfolie by. Braai uie tot goudbruin, sowat 3-5 minute. Verwyder van hitte en laat afkoel. Plaas afgekoelde uie in glasmaatbeker met volume van 500 ml. Voeg asyn, 100 ml olyfolie, mosterd, heuning en sout by. Verwerk met staafmenger tot gladde slaaisous vorm. Gebruik skerp mes en sny…

LEES MEER OOR • Leer ken bessies en hul persoonlikhede • Geniet jellie en vla met ’n bessie-kinkel • Maak roomys met net 5 bestanddele Jellie en vla Daar is nooit nié ’n rede om vla te geniet nie, dit bly een van my gunsteling-nageregte! GENOEG VIR 6-8 • 2 x 80 g-boksies framboosjellie• 400 g frambose• 500 ml melk• 5 ml vanieljegeursel• 60 ml strooisuiker• 5 groot eiergele (sien wenk onder)• 250 ml room• 80 ml kondensmelk Maak eers die jellie Maak jellie aan volgens aanwysings op pakkie. Gooi in groot opdienbak van jou keuse en voeg frambose by. Laat stol in yskas vir 2-4 uur. Maak vla terwyl jellie stol Plaas melk, vanieljegeursel, strooisuiker en eiergele in mengbak en klits goed. Gooi in skoon pot en roer met…

LEES MEER OOR • Maklike etes met min bestanddele• Kortpad-manier van bobotie maak• Kook met min skottelgoed Varkfrikkadelle in lemoensous Bekostigbaar en so lekker! Lemoen en vark is goeie vriende. GENOEG VIR 4-6 1. 1 ui, baie fyn gekap2. duimnaelgrootte vars gemmer, fyngerasper3. 500 g varkmaalvleis4. 6 snye vars brood, fyngekrummel5. 120 ml taai (sweet) sojasous6. 120 ml suiwer lemoensap7. 6 bondels droë eiernoedels+ sout en varsgemaalde swartpeper en olyfolie vir braai Meng uie, gemmer, maalvleis en broodkrummels saam en geur goed met sout en peper. Vorm mengsel in happiegrootte frikkadelle. Verhit skeut olyfolie in groot pan en braai frikkadelle vir sowat 3-5 minute tot oraloor mooi goudbruin. Verwyder uit pan en hou eenkant. Gooi sojasous en lemoensap in pan en bring tot kookpunt. Kook vir 5 minute of tot…

LEES MEER OOR • Ystee se komvandaan• Smake reg oor die wêreld• 6 resepte vir tuisgemaakte tee Jare lank was groentee my gunsteling. Vir nog langer was dit rooibostee. Êrens langs die pad het ek egter ’n koffiemasjien present gekry . . . en ek was op die breë weg. Maar koffie het nou ’n sterk mededinger: Yskoue boegoetee. Nes rooibos, is boegoe inheems aan die Wes-Kaap. En gesond ook. Ek gooi lemoenskywe en ’n blertsie heuning by. Of gekapte vrugte wat ek saam met water in ysbakkies vries. Come on, summer! Moet jou egter nie verbeel ystee en gesondheid gaan altyd hand aan hand nie. Dis ’n stapeldrankie van die Yanks – sowat 85 persent van die tee wat hulle drink, is ystee. En hulle is nou nie juis…

Drankies 58 Aarbei-frappé127 Rooibos-en-aarbei-ystee128 Grenadella-ystee128 Waatlemoen-en-groenystee129 Framboos-ystee129 Perske-ystee129 Lemoen-ystee (B) Sop 139 Tamatie-en-waatlemoengazpacho Voorgereg 28 Kouevleis met soet mosterd30 Murgbene gebak met parmesaankors en appelsalsa111 Harissa-geroosterdetamatieslaai143 Biltongpatee (B) Pasta 98 Forel-pastaslaai99 Tamatiepasta Maak jou eie 83 Ricottakaas (B) Brood 28 Druiwe-focaccia met neute en heuning97 Avokado op roosterbrood (B)106 Tamatie-potbrood111 Kaiingbrood met tamaties Slaai en bykos 27 Swartkersieslaai met gebraaideuiesous93 Ertjieslaai (B)94 Tongslaai (B)95 Kroningshoenderslaai (B)111 Tamatie-en-vinkelslaai (B)132 Waatlemoen-en-fetaslaai138 Waatlemoen met boegoesout139 Waatlemoenroomys139 Waatlemoen-caprese-slaai op ’n stokkie (B)143 Geurige geroosterde speserywortels met feta en blaarslaai (B) Seekos 112 Bros calamari met tamatieblatjang Eend 112 Eendporsies met tamatiebone Varkvleis 29 Varklies met pruimsous92 Varkfrikkadelle in lemoensous (B)100 Vark en peer alles in een pan101 Gebraaide varktjops met perskeslaai (B)139 Waatlemoen-en-varkliesslaai (B)144 Ontbeende varknek in die ketelbraai met ’n heuningmosterdsous (B) Beesvleis…