Innholdsfortegnelse for Landbou Boerekos: Saam aan Tafel i Landbou Boerekos: Saam aan Tafel

Dit is Saterdag. Ek jaag om ’n klomp agterstallige werk in te haal. Dít buiten my vrou se nimmereindigende lysie van dinge wat om die huis gedoen moet word. Dié is ook reeds maande agter skedule. Ek sien net nie kans om ’n paar uur aan ’n behoorlike braai af te staan nie. ’n Afskeepbraai bly ’n skande, en van dié het ek al genoeg in my lewe gepleeg. Nee wat, makliker om net vinnig iets in die oond te gooi, dink ek. Kry dit net gedoen. “Maar dis die Wêreldbekereindstryd,” skel my laaitie, reeds vroegoggend al in sy Springboktrui, en vars uit ’n lang, tegniese rugbygesprek in die kombuis met sy ouer broer oor die Springbokke se gewraakte besluit om sewe voorspelers en net een agterspeler as plaasvervangers te…

TAMATIEBROODJIES SOOS IN SPANJE Tydens een van my soeke na nuwe idees en inspirasie bevind ek myself in Barcelona, Spanje. Die stad is ’n mengelmoes van argitektuur, kuns, moderne en antieke geboue, en natuurlik ’n rykdom van kos en bestanddele. Ek is wel ook ’n waaghalsige eter as dit kom by ander lande. Ek gaan soek dus vir daardie klein plaaslike restaurante, meestal in agterstrate en op vergete plekke. In my soeke na die beste tapas in Barcelona beland ek en Wilmer in ’n klein, baie donker, baie vuil bar in ’n agterstraat net duskant die stadsaal van Barcelona. Effens bang en effens opgewonde probeer ek en die kelner mekaar verstaan. Maar helaas niks. Die een bord ná die ander land op ons tafel – elke happie smaak na aan…

Fynbos-kersversierings: ANDREA’S TOPIARY www.topiary.co.za Goue kersballe en ander kersversierings: CHECKERS Kersklappers: HOLLY & IVY beskikbaar by www.yuppiechef.com WERKSKEDULE 3 dae vooraf: • Maak die terrien, laat oornag afkoel en verkoel tot benodig. 2 dae vooraf: • Kook die soutvarkboud.• Maak die roomystoebroodjies.• Maak die appel-en-komkommerslaai. 1 dag vooraf: • Maak die roomkaramel en kersiekoekstruif.• Maak die hoenderrolletjies en voeg die sous by. Verkoel.• Maak die aartappelslaai en alles-watgroen-is, bedek en verkoel. BROOD, KAAS EN KONSERF ’n Broodtafel bly ’n treffer. Maak dit jou eerste gang en laat dit sommer deel vorm van jou tafeldekor. Jy kan hier soveel of so min moeite doen as wat jy wil. Bak self brood, of koop. Kook en bottel self klein flessies konfyt of konserf, of koop ’n paar flesse en skep dit eenvoudig…

WERKSKEDULE 2 dae vooraf: • Bak die dadelpoeding, laat afkoel en verkoel.• Maak die roomys en vries. 1 dag vooraf: • Kook die bababeet en rys, en verkoel.• Maak die hoenderpastei se vulsel en verkoel. Oggend voor die ete: • Maak die sop en speksprinkel.• Bak die varklies en laat rus (maak warm net voor ete).• Maak die mosterdroomsous en laat afkoel. 1 uur voor ete: • Maak die wortels, bak die beet en maak die broccolirys klaar.• Maak die gemmervla. AARTAPPEL-EN-UIESOP MET BROS SPEKKRUMMEL Hierdie heerlike, romerige sop is die beste voorgereg vir ’n Sondagmiddagete in die winter. Die spekkrummel is opsioneel, maar ’n lekker toevoeging wat ekstra geur en tekstuur verleen. Sop • 30 g botter• 2 groot uie, fyngekap• Sout en peper na smaak• 3 groot aartappels,…

Rooiryp tamaties en basiliekruid met korserige brood, perfekte pasta al dente, smulsagte stowevleis en dekadente nageregte, afgerond met ’n sopie met skop. Alles in klein porsies voorgesit en tydsaam geniet met goeie wyn en sterk koffie. Só eet hulle in Italië, en jy kan dit maklik hier op eie bodem ook doen. Die struktuur van ’n tradisionele Italiaanse ete is nommerpas vir ’n lang, luilekker kuier. Veral oor naweke is ’n Italiaanse ete ’n geleentheid om tyd saam met familie en vriende deur te bring, en word ure om die etenstafel vertoef. Nie net drie gange word voorgesit nie, maar tot ses kleiner gange. Eerste aan die beurt is gewoonlik aperitivo, ’n voor-ete-drankie wat die aptyt moet aanwakker voor die eerste gang voorgesit word. ’n Glas vonkelwyn, spritzer of wyn…

WERKSKEDULE 3-4 dae vooraf: • Maak die suurlemoensmeer en die boneslaai. 2 dae vooraf: • Maak die roomyskoek. 1 dag vooraf: • Maak die skilpadjies, bedek lugdig en verkoel.• Marineer die hoender.• Maak die aartappelslaai, bedek en verkoel. 3-4 ure voor ete: • Bak die ribsosaties in die oond en laat kamertemperatuur bereik.• Maak die tamatieslaai.• Maak die brooddeeg. Net voor ete: • Sny die patattjips. ROOSMARYNSTOKBROOD Stokbrood is nie net vir kinders nie! Hou op skarrel en maak die kosmaak deel van die kuier – laat elke gas sy of haar eie stokbrood braai. • 6 x 250 ml witbroodmeel• 15 ml kitsgis• 5 ml sout• 10 ml vars roosmaryn, fyn gekap• Genoeg louwarm water• Skeut olyfolie Meng die meel, gis, sout en gekapte roosmaryn in ’n bak. Voeg…

• Nooi soveel gaste as wat jy wil minstens twee weke voor die tyd uit, maar moenie meer nooi as wat jou ruimte jou toelaat om met gemak te hanteer nie. Hou ook die hoeveelheid breekgoed wat jy besit (of kan leen of huur) in gedagte. • Plekmatjies en papierservette hoort nie by ’n teeonthaal nie. Netjies gestrykte en eenvoudig gevoude lapservette is eenvoudig en smaakvol. • Dek ’n kleinbordjie en koekvurkie vir elke gas. As die gasvrou die tee gaan skink, word die koppies voor haar neergesit. As gaste hul eie tee skink, dek by elke gas se sitplek ’n koppie, piering en teelepel. • Die teestel: Tee smaak beter as dit uit ’n porseleinteepot geskink word. Belê in ’n mooi porseleinteestel. • Koekspane en tertmesse moet langs die…

WARMMELK-SPONSKOEK Hierdie sponskoek is die heel eerste koek wat my ma my leer bak het en ek het dit as kind só baie gemaak dat ek die resep nou nog in my slaap sal kan opsê. Die geheim vir die koek se sukses is om vars eiers (teen kamertemperatuur) te gebruik en om die suiker-en-eiermengsel baie goed te klits – minstens 10 minute lank. • 4 ekstragroot eiers• 450 ml witsuiker• 10 ml vanieljegeursel• 125 ml melk• 125 ml water• 100 ml olie• 500 ml koekmeel• 10 ml bakpoeier• 2 ml sout Voorverhit die oond tot 180 °C en smeer twee koekpanne van 20 cm met olie of spuit met kleefwerende kossproei. Voer uit met bakpapier en smeer of spuit weer. Breek die eiers in ’n groot mengbak en klits…

“Ons moet praat oor my verjaardag,” sou my pa rondom Mei begin voorbrand maak wanneer ons mekaar sien of oor die foon gesels. Sy verjaardag was eers in Julie. Maar soos ’n kind kon hy nie wag nie. Dit was sy absoluut gunstelingdag van die jaar, en die een waarna hy die meeste uitgesien het. Nie oor geskenke nie en ook nie noodwendig oor die aandag wat saam met ’n verjaardag kom nie, maar oor die samesyn aan tafel met sy beste vriende. ’n Tafel wat gekreun het onder sy gunstelingboerekos. Die geroosterde lamsboud met ryk bruinsous en bros, goue braai-aartappels, hoenderpastei, soetpatat en groenboontjiebredie wat hy elke jaar vir sy verjaardagspyskaart bestel het. In my tienerjare het my ma die werk van partytjiebeplanner aan my oorhandig en ek onthou…

VYE MET GORGONZOLA IN KOMBERSE Die Britte is lief vir pigs in blankets – varkworsies wat in spek toegedraai en tot goudbruin gerooster word. Maar figs in blankets is ’n varser Mediterreense weergawe en selfs lekkerder as die gerookte vleis met ’n braaivuur kennis maak, en ’n rokerige geur aanneem. • 24 ryp adamsvye• 200 g gorgonzola (of ander romerige bloukaas), in klein wiggies gesny (sien kombuiswenk)• 24 dun snye (ongeveer 300 g) prosciutto• Heuning, om oor te drup• 400 g gorgonzola, vir opdiening (opsioneel)• Crostini of melbaroosterbrood, vir opdiening (opsioneel) Sny’n diep kruis in elke vy aan die onderkant, tot in die helfte van die vye. Stop ’n klein wiggie bloukaas in elke vy, waar die kruis gesny is. Draai elke vy in ’n sny prosciutto toe en…

WERKSKEDULE Tot ’n week vooraf: • Maak die verskillende soorte sop en vries tot ’n dag voor die ete. Een dag vooraf: • Bak die brode en die appelkoek. Die oggend: • Ontdooi die sop. 2-3 ure vooraf: • Maak die karamelvla.• Pak die kase, smere, piekels en patee op die broodtafel uit. Net voor ete: • Maak die sop kokend warm en verhit die brood tot louwarm. PATAT-EN-BOTTERSKORSIESOP Hierdie sop is een van die maklikste resepte wat jy jou kan voorstel, maar dit is absoluut heerlik. As jy nie ’n staafmenger het nie, verpulp die sop met ’n aartappeldrukker. • 1 x 250 g pak-spekvleis, gesnipper (as jy sukkel, knip dit met ’n kombuisskêr in stukkies)• 4 patats, geskil en in klein blokkies gesny• 1 middelslag-botterskorsie, geskil en in…

WERKSKEDULE 1-2 dae vooraf: • Bak en versier die sjokoladekoek (of maak die sjokolademousse).• Maak die rissiebotter, bedek en verkoel.• Maak die carnitas, pluis en verkoel. 2-3 uur voor ete: • Maak die salsa en guacamole, bedek en verkoel.• Kook die mielies tot halfgaar. Net voor ete: • Skep ál die bolae en souse vir die nacho’s in bakkies.• Maak die margarita. MARGARITAS Dit is maklik om hierdie klassieke mengeldrankie vir ’n groot groep mense voor te berei. Jy werk op ’n verhouding van 2:1:1 – twee dele tequila, een deel triple sec en een deel lemmetjiesap. Meng eenvoudig alles saam, voeg ys by, en jy’s reg vir partytjie hou. Margaritas het skop, en as jy wil, kan jy dit na smaak met sodawater verdun. • 625 ml tequila• 310…

WERKSKEDULE 2 dae vooraf: • Maak die yskasmelktert. 1 dag vooraf: • Maak die bobotie se vulsel, skep in die oondbak en verkoel.• Stowe die perskes (of kook die pampoen) en verkoel. Die oggend vooraf: • Maak die tamatie-en-uieslaai. 1-2 uur vooraf: • Kook die rys en hou eenkant.• Maak die poffers. Net voor ete: • Bak die bobotie.• Maak die piesangslaai. LEPELVETKOEK • 750 ml koekmeel• 20 ml bakpoeier• 30 ml strooisuiker• 4 ml sout• 4 ekstragroot eiers• 360 ml melk• Olie, vir braai Meng die meel, bakpoeier, suiker en sout in ’n bak. Klits die eiers en melk saam en voeg by die droë bestanddele. Klits tot ’n gladde, dik beslag vorm (voeg ’n paar druppels melk by as die beslag te dik is). Verhit olie in ’n…

Wyn: KWV Cathedral Cellar Bykomstighede: Kerskranse: ANDREA’S TOPIARY topiary.co.za, Sonhoede: URBAN SUPPLY urbansupply.co.za SEEKOSFEES FEESTELIKE ROCKSTER-OESTERS MET MIGNONETTE-EN EKSMEISIESOUS Ek glo dat oesters al die geheime van die see bewaar en smaak op hul lekkerste in die winter! Dan het oesters ’n heel ander, gekonsentreerde smaak en, afgespoel met ’n glasie plaaslike MCC, bereik dit sterstatus. Hier is my weergawe van die ikoniese gereg – die mignonettesous is ongelooflik lekker en die eksmeisiesous is al jare een van my gunstelinge. Ek het die resep jare gelede by ’n dame gekry by wie ek verblyf gehuur het in Irene, Pretoria. Die oorspronklike resep kom van Braam Kruger en die storie loop dat dit ’n resep van die beeldskone aktrise Grethe Fox is. Dit kan met amper enigiets geëet word, maar dit verander…

WERKSKEDULE 1-2 dae vooraf • Maak die hawermout, laat afkoel en verpak lugdig.• Bak die vlakoekies (geskenkie), versier en verpak.• Kap die sjokolade en meng met die kakao en suiker. Verpak lugdig. 1 uur voor ete • Braai die spek vir die quiche en kry die res van die bestanddele gereed. 30 minute voor ete • Bak die korslose quiche.• Maak die plaatkoekies se beslag aan en braai net voor ete. GEBAKTE HEUNING-HAWERMOUT MET KANEEL EN AMANDELS Makliker en aansienlik goedkoper om te maak as granola, maar net so lekker. Sit die hawermout voor met jogurt van jou keuse. • 500 ml hawermout• 1 ml sout• 5 ml kaneel• 30 ml olie• 80 ml heuning• 5 ml vanieljegeursel• 125 ml gevlokte amandels Voorverhit die oond tot 140 °C en voer…

Indië is ’n hutspot van kleure en geure, en daarom is speserye die juweel van Indiese kos. Jy hoef egter nie ’n speserywinkel of deli te gaan soek nie — die meeste speserye vir basiese Indiese geregte is klaar in jou koskas, of jy sal dit by jou naaste supermark opspoor. ’n Ete met Indiese geure is een van die lekkerste maniere om in die winter te onthaal. Stomend warm, geurige kerrie en gestoomde rys met ’n verskeidenheid sambals, piekels en souse is nie net maklik om te maak nie, maar ook die ideale kos om vooraf te berei omdat kerriegeregte se geur verbeter as dit kans kry om te staan. Dit is deelkos, gemaak vir ‘n tydsame ete. Vir ’n ekstra tikkie tradisie kan jy gaste op ’n Oosterse…

WERKSKEDULE Tot 3 dae vooraf: • Bak die stroopkoek en brosbrood. 2 dae vooraf: • Marineer die olywe. 1 dag voor die tyd: Vul en vou die kaaspasteitjies, en verkoel of vries tot benodig. Oggend van die ete: • Maak die stroop vir die pons.• Kook die aartappels sag en dreineer.• Maak die hummus en tzatziki.• Sit die vleis in die oond, bak en pluis. Net voor ete: • Maak die slaai.• Sit die aartappels in die oond.• Rooster die pitabrood. GRIEKSE SITRUSPONS • 250 ml elk koue water, witsuiker, vars lemoensap en vars suurlemoensap• 1 liter gemmerlimonade• Ysblokkies, sitrusskyfies en vars kruisement Verhit die water en suiker tot ál die suiker opgelos is en verhit dan verder tot kookpunt. Kook vir 5 minute en laat die stroop afkoel tot…

WERKSKEDULE 2-3 dae vooraf • Bak die stroopkoek, giet die stroop oor, laat afkoel en verpak lugdig.• Maak die kersie-roos-en-klapperblokkies en verpak lugdig. 1 dag vooraf • Bak die kaaskoekies.• Maak die aspersietertjies. 1 uur voor die teepartytjie • Versier die kaaskoekies en stroopkoek.• Maak die broodhappies.• Rond die kaaskoekies af. WITSJOKOLADESTROOPKOEK MET CHANTILLY-ROOM EN ROOSBLARE Klam, deurdrenk met stroop en die geur verbeter selfs as die koek ’n paar dae staan. Skep die room eers op net voor jy dit voorsit. Beslag • 320 ml koekmeel• 250 ml suiker• 2 ml sout• 10 ml bakpoeier• 80 g witsjokolade, gerasper• 125 ml kookwater• 125 ml olie• 4 eiers, geskei Stroop • 180 ml ingedampte melk• 125 ml suiker• 5 ml vanieljegeursel Witsjokoladeganache • 80 g witsjokolade, fyngekap• 80 ml room…