Innholdsfortegnelse for 2023-05-14 i Isolezwe nGesonto Sunday

Inhloso yawo ukugqugquzela uthando futhi kuhlelwe ukuthi kunandise abagxile emculweni opholile kwiMetro FM, nabasebenzela Ukhozi FM. Phakathi kwabazobe benandisa kubalwa uMsizi Shembe, Sentle Lehoko beMetro FM, Linda Mr OG weVuma FM, uDJ Muntu, DJ Mlisa, Midnight Uzo kanti umcimbi uzobe usingethwe uNomfundo Mkhize, woKhozi FM. Ngokwezinhlelo zawo uzosingathwa kathathu ngonyaka kule ndawo. NgoMgqibelo uqala ngo-3 ntambama kuze kube sebusuku. Amathikithi abiza uR250 eTicket Pro kanti itafula leVVIP lingu-R5000. Kugqokwa umbala omhlophe oxube nesintu.…

KULINDELEKE ukuthi likhishwe ekupheleni kwenyanga esikhundleni salo ikhansela le-ANC kuwadi 101 eThekwini, uMnuz Mzimuni Ngiba, elihola lisejele. UNgiba uboshwe ngoMeyi wonyaka odlule wathweswa icala lokufa kukaMnuz Siyabonga Mkhize owayengenele ubukhansela. UMkhize wadutshulwa wabulawa ngesikhathi ekhankasela ukhetho lohulumeni basekhaya ngo-2021 ehleli emotweni nomunye umlisa. Ukuboshwa kukaNgiba kudale ukuthi iwadi yakhe isale dengwane ingenalo ikhansela ngoba ulokhu ehleli ejele. Wanqatshelwa ibheyili waqhubeka wabhadla esitokisini kanti kulindeleke ukuthi kuqale maduze ukuqulwa kwecala . Kuke kwasuka umsindo ngokuthi uNgiba usaqhubeka nokuhola ebe ehleli ejele. I-ANC esifundeni seTheku ithi iyaluxoxa udaba lukaNgiba futhi bavumelane ngokuthi asuswe esikhundeni. Bathe banethemba lokuthi umhlangano womkhandlu ozohlala ngoMeyi 30 uzokwenza isiphakamiso sokuthi uNgiba akhishwe esikhundleni. I-ANC esitatimendeni ithi bekufanele kulandelwe imithetho ngoba kunemidanti nemicilikisho ukususwa kwekhansela esikhundeni. “Akunabo ubulungiswa ukuthi abakhokhi bentela baholele iziboshwa ezisalinde ukuqulwa kwamacala azo ezibuye…

YIZE i-Unilever SA idume ngemikhiqizo ehlukene etholakala amakhaya amaningi kodwa umsebenzi wayo awugcini lapho. UNkk Queen Mgobhozi oyiPurpose Strategist e-Unilever SA, uthi ziningi izinhlelo abanazo zokuthuthukisa umphakathi. Njengengxenye yomsebenzi wakhe, uthe kungumsebenzi wakhe ukuqinisekisa ukuthi zonke izinhlelo abanazo ziyenzeka. “Esikukhathalele kakhulu ukuthi abantu bathuthuke ngayo yonke indlela, kuphinde kube nenhlanzeko nokuqinisekisa ezempilo. “Yingakho sisebenzisana neminyango kahulumeni okungowokuThuthukiswa koMphakathi noweMfundo eyisisekelo. “Intsha nayo ithola amathuba omsebenzi khona kwa-Unilever njengoba sivamise ukuthatha inqwaba esanda kuphothula izifundo zayo emikhakheni eyahlukene uma kuqala unyaka, ukuthi iqeqeshwe ngaphansi kwethu,” kusho uNkk Mgobhozi. Kweyokusebenzisana noMnyango weMfundo eyiSisekelo uthe baneminyaka emihlanu besebenzisana nawo ezinhlakeni ezahlukene kodwa basanda kuqala ukusebenzisana nawo ohlelweni lokudla ezikoleni. “Umsebenzi wethu ukuqeqesha abantu abaphekayo ezikoleni ukuthi bangakumoshi ukudla nokuqinisekisa inhlanzeko ezindaweni abaphekela kuzona. “Njengoba lolu hlelo lusanda kuqala, sisanda kulusabalalisa ngokwenele eGauteng,…

UMENGAMELI we-ANC uMnuz Cyril Ramaphosa, uphinde wasebenzisa igama elithi “iziphukuphuku’’ echaza abantu abangenawo amakhono okwenza imisebenzi abasuke benikwe wona. URamaphosa ubekhuluma namalungu e-ANC ePlayhouse, eThekwini izolo. Isigungu sokusebenza kwe-ANC kuzwelonke besiphume ngobuningi sithe chithi saka esifundazweni. Abaholi abehlukene batshalwe isifundazwe sonke beyokhuluma nezinhlaka zenhlangano. Uthe i-ANC kufanele ishintshe izinto iqashe abantu abanamakhono nabawufundele umsebenzi ezinhlakeni zikahulumeni. “Kufanele siqaphele ukuthi siqasha abantu abawaziyo umsebenzi abanamakhono afanele, hhayi iziphukuphuku nje ezingazi lutho. Abangazi lutho kufanele babuyele eceleni sizobafaka kwezinye izindawo,’’ kusho uRamaphosa elandelwa yinhlokomo nohleko. URamaphosa ubengaqali ukusebenzisa leli gama uma echaza abangenawo amakhono kodwa wake walibeka ngembaba ekhuluma eMangaung, eFree State. Wagxekwa kakhulu ngabantu bekhala ngokuthi usebenzise igama elilumelayo abanye bethi ube namawala. Uncome ubuholi be-ANC esifundeni iTheku wathi uthole umbiko okhomba ukuthi uKhongolose uyaphila eThekwini. Uthe uyazi kukhona izinselelo…

I-ANC esifundeni seTheku, ithi nakuba uhulumeni esefake umlekeleli kuMasipala waseThekwini, kodwa iMeya uMnuz Mxolisi Kaunda, ayiyi ndawo. UMasipala weTheku ufakwe ngaphansi kuka-section 154 woMthethosisekelo ogunyaza uhulumeni kazwelonke nesifundazwe ukuthi balekelele umasipala. Uhulumeni uthi uzama ukulekelela umasipala ukuze usebenze kangcono. Kuthunyelwe uDkt Cassius Lubisi oke waba wumqondisi jikelele ehhovisi likamengameli, kuvela negama likaDkt Mike Sutcliffe, owayeyimenenja yeTheku. Banikezwe umsebenzi wokulekelela umasipala futhi bahlonishwa kakhulu ngamagalelo abo ekuphatheni izikhungo zikahulumeni. Okhulumela i-ANC esifundeni seTheku, uMnuz Mlondi Mkhize, uthe bayayizwa indaba yosizo eThekwini, kodwa ngeke bamxoshe uKaunda. UMkhize uthe ayikho into abake bayixoxa ngokususa imeya esikhundleni. “Sisamethemba umeya ngomsebenzi wakhe, usizo luka-section 154 lufakelwe ukusiza ukuhambisa izidingo kubantu. Usopolitiki akangeni ekusebenzeni kodwa kukhona izikhulu zikamasipala nabasebenzi. Sibona sengathi kunenkinga esigabeni sezikhulu nabasebenzi,’’ kuchaza uMkhize. Kwenzeka konke lokhu nje, kusanda kuvela ukuthi uMasipala…

Amagoli ashaywe nguTerrence Dzvukamanja, no-Edwin Gymah ngomzuzu ka-31 noka-38 ngokwehlukana. Ibimelwe wukunqoba umdlalo ukuze iqede ukuqagela ukuthi ngubani ozongena endaweni yesibili emuva kweSundowns, eqede ngesicoco seligi kusasele imidlalo eyisikhombisa. Umphumela wayizolo uyinyusele emaphuzwini angu-51 nalingana naweSuperSport United, yona enqamule umsila weKaizer Chiefs ngo 1-0, eRoyal Bafokeng Sports Palace, eNorth West. Umdlalo obubhekwe ngabomvu yiwo oweChiefs neSuperSport, kwazise bekubangwa indawo yesibili yeCaf Champions League neyesithathu. Bekungalele-ke ezinyaweni zabadlali konke kwazise bekusekhona nomphumela wePirates. Ukunqoba kweSuperSport nokudlala ngokulingana kwePirates kushubise umbango emidlalweni yokugcina ngempelasonto ezayo. Igoli leSuperSport lishaywe nguGhamphani Lungu, ngesiwombe sokuqala ehlomula ngombozo odlalwe nguBrando Pietersen. IPirates ngelizayo ivala naMaZulu FC, wona aphantshiswe yiLamontville Golden Arrows kowomkhaya baseThekwini. ISuperSport yona iya kwiSekhukhune, esazophinda ibhekane neZimnyama emdlalweni wamanqamu eNedbank Cup kwephezulu. Umphumela we-Arrows naMaZulu, usho ukuthi Usuthu luzoqeda isizini lungakaze luwine emdlalweni…

AKOBE niyabuka njalo baphathi boKhozi FM ukuthi abasebenzi benu babuye benzeni. Bathi "Siyagruva Akekh' ugogo." Noma ngabe izinto ziyefana uMdonso Ngcobo nomculi kamaskandi, uNelisani "Ndlemnyama" Mseleku. Umzala waleyondoda. Bese nithi uQeks uyasinaka kanti yibona abasakazi abamubiza ngisho eziphumulele ekhaya. Nenza kahle nina Mdonso nandise isibalo sabalaleli ukuze ningadlulwa ngoMhlobo Wenene. Kodwa kuhle ningabi ongoqo. Niwaqashe amahhotela ntombi. Awusho weMdonso, alisekho yini i-body guard lakho?Angithule kungaze kuthiwe sengithe.…

KUBIKWA ukuthi uNyazilwezulu namaNazaretha angaphansi kwalo bafudukela eNtabazwe, eHarrismith, okuzoba yikomkhulu lebandla. Lokhu kuza ngemva kwezindaba zokuthi ludilize wonke amadokodo aseBuhleni, okungacaci noma asazovuselelwa yini. Isimo secala lokususa lo mholi esikhundleni nokuthi angaziphathisi okomholi wamaNazaretha, lizongena enkantolo ngoJulayi 17. Kungenzeka lukhishwe uma inkantolo inquma kanjalo. Umthombo weSolezwe ngeSonto ongaphakathi eBuhleni, uthe kumanje kumatasa kuyakhiwa eNtabazwe, kanti eBuhleni kuyadilizwa. “Kuthiwa akuphuthunywe kwakhiwe eNtabazwe. Kunezinhlelo zokuthi umuzi oseNtabazwe, umenyezelwe ngoJune 15. Njengamanje seziphelile izakhiwo eziningi eNtabazwe, futhi kusakhiwa ezinye. Akukho okuningi okuchazwayo ngeNtabazwe ngaphandle kwesimemezelo sokuthi akuphuthunywe ukuze wethulwe ngokusemthethweni ngomhlaka 15. “Ngakolunye uhlangothi eBuhleni kudilizwa amadokodo futhi akubukeki kunesakhiwo esizoqala maduze. Ngisho nabazalwane batshelwa ukuthi bayoziphathela amatende okukhosela uma sekuqale umhlangano kaJulayi ngoba kuzobe kungakakhiwa,” kusho umthombo. Leli phephandaba linevidiyo yoNyazilwezulu luhamba phakathi kwesithabathaba somuzi owakhiwayo okuthiwa useNtabazwe. Kunenye ividiyo kushunqa…

I-PAN South African Language Board (PanSALB), okuyibhodi elibhekelele izilimi ezisetshenziswayo ezweni, lithi umbhalo ngolimi iXitsonga osemalini entsha yiwona oshaya emhlolweni, omdala owawubheda. I-South African Reserve Bank (SARB) isanda kumemezela ukuthi idedele imali entsha yamaphepha nohlweza. Bathe imali entsha yenziwe ngendlela yokuthi kube lula nakubantu abangaboni emehlweni. Kukhona imali enjengoR 100 kule entsha, ebhalwe ukuthi ‘Bangikulu Ya Afrika - Dzonga ‘ nokuchaza ukuthi ibhange elikhulu laseNingizimu Afrika. Emalini endala lo mbhalo wawuvela uthi ‘Banginkulu Ya Afrika - Dzonga’. Yilokhu okwenze ukuthi abantu abaluqonda kahle lolu limi, bakhononda ngokuthi kubhedile ukubhalwa kwalo. AbePanSALB bakhiphe isitatimende becacisa ngalokhu besho nokuthi, empeleni umbhalo omusha yiwona ofanele ngoba kucutshungulwe kabanzi. Bathe umbhalo wamanje uxoxwe kabanzi abeXitsonga National Language Body, okuyinhlangano esemthethweni edlelana nayo iPanSALB. AbePanSALB banxuse umphakathi ukuthi uzihluphe ungene kwisizindalwazi sayo babheke umqingo…

KUBE yisenzo esimangazayo uma uNgqongqoshe wamaBhizinisi kaHulumeni, uMnuz Pravin Gordhan, edlulisa isinqumo senkantolo ethe ugesi akufanele ucishwe ezibhedlela, ezikoleni nakwezinye izikhungo ezenza umsebezni obucayi. Izwe libhekene nenkiyankiya umchwayo waMamboza yenkinga yokucinywa kukagesi ngenhloso yokuwonga. Yinkinga eqale eminyakeni eminingi eyedlule kodwa kwabuye kwaba sengathi iyanqobeka, yabuya ngezinkani kwacaca ukuthi izwe lisenkingeni. Inkinga yokucinywa kukagesi ibonakala idloba kakhulu ngoba ize ifike esigabeni sesithupha nangaphezulu. Ukucinywa kukagesi kufake uhulumeni ngaphansi kwenkulu ingcindezi ngoba kunomthelela omubi ngezindlela ezehlukene. Abantu bakuleli sebeze bakujwayela ukuthi kuhlala kubuye kucime ugesi. UMengameli Cyril Ramaphosa useze waqoka uNgqongqoshe wezikaGesi uDkt Kgosientso Ramakgopa ukuze abhekane nenkinga ekhungethe izwe. Bekuqala emlandweni wezwe ukuthi kuthiwe kukhona ungqongqoshe kagesi nokuyinto esuse omkhulu umsindo. Ungqongqoshe kagesi uqokwe ngomashi nonyaka waqala umsebenzi wakhe kusalindelekile ukuthi kubonakale amagalelo akhe. Udaba lokucinywa kukagesi obelufakwe enkantolo lulalelwe ihlandla…

UKAPUTENI we-University of Western Cape (UWC), uBongeka Gamede, ufuna bazibambele ngokwabo iMamelodi Sundowns, bayiphendule isitebhisi sokunqoba iHollywoodbets Super League. La maqembu ahlangana emdlalweni wezingqungqulu ose-University of Pretoria Stadium, eTshwane namuhla ngo-3 ntambama. “Impela ngumdlalo obhekwe ngabomvu yizinkumbi zabathandi bomdlalo kanobhutshuzwayo. Kuyajabulisa lokho ngoba kuzoklama indima emqoka ekuthuthukiseni nasekukhangiseni ibhola labesifazane,” kusho uGamede. “Umqeqeshi uhlezi esishumayeza ngokuthi uma sizimisele ukunqoba iligi, kumele sehlule labo esiyibanga nabo. Kulo mdlalo kufanele sizibambele thina iSundowns ngoba asiqhelelene kangako ngamaphuzu. Kufanele sibanike umdlalo osezingeni eliphezulu nonzima. Sizimisele ukushiya isiwombe sokuqala sisemeni esihle.” Lo mdlalo, ozovezwa bukhoma kwi-SABC1, ungase ucacise ngombango wesicoco seligi ngenxa yokuthi kubhekene amaqembu ajahana endaweni yesibili neyokuqala kwi-log. – Ajahana nje, yi-UWC eseqhulwini ngamaphuzu angu-33, nokungamaphuzu amabili ngenhla kweSundowns esendaweni yesibili ngo-31. – Akugcini lapho, i-UWC selokhu imise umhlwenga kusukela nyakenye, iba…

Izolo uMosimane uphanyeke ekhasini lakhe leTwitter ethi: “Umsebenzi ufeziwe, ivuswe ezinyangeni eziyisishiyagalombili ingqomondo ekade ilele. Ezweni elisha, ezwenikazi elisha, kwenye iligi. Ngesi-Arab bathi ‘Khalsa! okusho ukuthi kufeziwe. Ngiyabonga Jeddah ngokungithemba ngalo msebenzi onzima kangaka. Salute” Uhaliliselwe ngabanye abaqeqeshi okubalwa kubo uGeoffrey Toyana, ocija i-Easterns edlala kwi-division 2 kwikhilikithi noweBanyana Banyana, uDesiree Ellis osanda kuhlonishwa nge-Order of Ikhamanga. Akashayanga ngamaningi uToyana, oqophe umlando eminyakeni edlule eba ngumqeqeshi wokuqala ongumu-Afrika ukucija iqembu elidlala esigabeni esiphezulu sekhilikithi. Ubize uMosimane ngenkakha. U-Ellis, oya kwi-2023 Fifa Women’s World Cup neBanyana ngoJulayi kuya ku-Agasto e-Australia naseNew Zealand, uthe: “Siyakubongela mqeqeshi. Uyasikhuthaza sonke.” Akugcinanga ngalaba baqeqeshi, kwazise nenkakha yeBanyana u-Amanda Dlamini ayisalanga ngaphandle. “Siyakubongela mqeqeshi. Kufezwe ngobukhulu ubuyoninco. Sikhuthazekile impela. Uhambo lweqophelo,” kuloba uDlamini, obengukaputeni iBanyana izibekisela indawo iphinde idlala okokuqala kuma-Olympics ngo-2012. Ngokunyukela kwiProfessional League, i-Al…

UMLINGISI owaziwa ngokubonakala kwiSibaya neSithembiso, uPuleng Nomvula Ndlovu, uchaza ngembangela yokunquma ukuthi angaphinde azale. Uthe uma umuntu wesilisa efuna ingane, umuntu wesifazane kufanele abaleke ngazo zombili ngoba usuke efuna ukumgila. UPuleng uchaze kanje: "Ngikhuluma ngento engiyaziyo. Ubaba wayenza kumama ngesikhathi ngiseneminyaka emibili. Wamlaxaza nengane, kwamele azikhulisele ngokwakhe futhi wakwenza lokho, ngaphandle kokusizwa ngumuntu." "Nobaba wengane yami wangicela ukuba ngibe nengane naye. Ngavuma ngoba ngangingayiboni inkinga. Kanti, Weee usathane wayengilinga! “Nansi-ke, usekhona. Weeeeeh! Akangigilanga yini ngoba wangigila ngokwenza lokho. Akondli nje futhi akanandaba. Wahlukana nami yena wasekhetha ukungabe esayondla." Uthe ubaba wakhe wahlukana nonina maqede wazonda yena. Umlingisi uthi "engibona zinsuku zonke esikoleni ayesiphethe enguthishanhloko kodwa enze engathi akangazi. Yingakho ngithi abantu besifazane kumele baziqonde ukuthi amanye amadoda athunywe ngusathane awazona izibusiso." Uthe uyise wengane yakhe ucabanga ukuthi uzomhubha ezinkantolo…

I-SOUTH African Local Government Association (Salga) KwaZulu- Natal, iphakamisa ukuthi uhulumeni azame imali yokubonelela omasipala ngoba bashayeka kakhulu ngokucishwa kukagesi. USihlalo weSalga KwaZulu-Natal, uMnuz Thamsanqa Ntuli, udalule isiphakamiso ngoLwesihlanu esithangamini sabezindaba eMusgrave, eThekwini. UNtuli oyiMeya kaMasipala iKing Cetshwayo, uthe omasipala babhekene nengwadla ngoba kuphazamiseka imisebenzi yawo. “Uma kucishwa ugesi kufanele omasipala basebenzise imishini yokuphehla ugesi kodwa imali yokuyithenga abakaze banikwe nekadizili ayibaliwe kwisabelo sabo. Ezindaweni zasemakhaya ugesi uhamba isikhathi eside kakhulu futhi imishini yokuphehla ugesi ayidalelwanga ukudonsa isikhathi eside,’’ kuchaza uNtuli. Uthe uma kufanele kuphakelwe umphakathi amanzi kusebenza wona ugesi kodwa uma uhlala ungekho kuba nzima kakhulu. “Kungaba kuhle kube khona imali yokutakula omasipala ezovela kuhulumeni omkhulu. Sizobiza imbizo nezikhulu zomasipala luxoxwe lolu daba, ngiyafisa izimeya, osomlomo nezimenenja zomasipala baphelele bonke emhlanganweni,’’ kuchaza uNtuli. UNtuli uthe ngisho amabhizinisi amancane akhahlamezekayo…

Ibambela umniniyo/umnikazi: Uma umuntu ofuye inja eyozingela nayo, uma ibambe izinyamazane isuke ibambela yena ngoba nguyena umnikazi oyinakekelayo, oyenzela konke. Uma kwenzeka iluma umuntu noma yona emzini womuntu nalokho kukhonjwa kumnikazi kube wuyena othweswa amacala ayo. Ukukhuluma okugcwele kuthi inja ibambela umnikazi. Uma ingane yenze okuhle kudunyiswa abazali bayo bashayelwe ihlombe bahalaliselwe ngengane yabo. Kuvame ukuthi noma ngabe ingane yenze icala bese kubikelwa abazali bayo noma ngabe kade bengayithumanga. Kuba lapho-ke okuthi uma umzali ethi uyazihlangula emkhubeni yengane kuthiwe cha ibambela umniniyo. Kusuke kuqondwe ukuthi konke okwenziwa yingane kubuyela kumzali kukuhle noma kukubi. Umvundla ziwunqanda phambili: Umvundla wuhlobo oluthile lwenyamazane ewunogwaja ngoba behlukene nabo ngokwezinhlobo zabo. Umvundla waziwa ngobuhlakani bokukwazi ukujika izinja uma ziwuhubha. Njengazozonke izinyamazane umvundla kuyenzeka ugcine ubanjwe yizinja. Uma umuntu enza into enobuqili noma ekhuzwa kuyaye…

UNGOTI kwezomthetho uMnuz Mpumelelo Zikalala, uthi okwehlele uMvikeli woMphakathi u-Advocate Busisiwe Mkhwebane osephuma, kuzodala ingcindezi kozovala isikhala sakhe. UZikalala uphawula kanjena nje, maduze iPhalamende lizoqala umsebenzi wokuqasha umvikeli womphakathi omusha. Inkontileka ka-Advocate Mkhwebane, iyaphela ngo-Okthoba, kanti ngeke ivuselelwe yingakho kufanele kuthungathwe omunye umuntu. Ihlandla lomvikeli womphakathi liba yiminyaka eyisikhombisa bese iyaphela inkontileka. Isikhundla somvikeli womphakathi sihambisana nomholo kaR 2,316,919 nemihlomula emihle. Kumanje isikhundla sibanjwe yiPhini loMvikeli woMphakathi, u-Advocate Kholeka Gcaleka. U-Advocate Mkhwebane uqokelwe esikhundleni ngo-2016, ethatha izintambo ku-Advocate Thuli Madonsela. NgoJuni wonyaka odlule u-Advocate Mkhwebane, wamiswa emsebenzini ngemuva kokuqonga kwezinsolo zokwehlulwa wumsebenzi. Izinsolo zidalwa wukuthi imibiko yakhe eminingi uma iya enkantolo, ifike ichithwe. Kumanje u-Advocate Mkhwebane, uhamba isigcawu sePhalamende sokuzama ukumketula esikhundleni okwenziwa ngaphansi ngokulandela isigaba 194 soMthethosisekelo wezwe. UZikalala uthe lokhu okwenzekayo ku-Adv Mkhwebane kuzodala ukuthi umsebenzi womvikeli…

KULINDELEKE ukuba kuqhume inhlokomo kuphuke nezinhliziyo emidlalweni yanamuhla yokusonga isizini kwiMotsepe Foundation Championship, phakathi kwamaqembu amathathu asembangweni wesicoco seligi. Lilodwa phakathi kweCape Town Spurs, iCasric Stars nePolokwane City iqembu elizokhala lemuke nesicoco seMotsepe Foundation Championship namuhla ngo-3 ntambama, lingene lishushuluza kwiDStv Premiership. Bese kuthi amabili azibekisele indawo kumaPlay-Offs neqembu leDStv Premiership elizoqeda endaweni ka-15 kwi-log. ISpurs izotholana phezulu ne-University of Pretoria, e-Athlone Stadium, eKapa, kuthi iCasric ibhekane ne-All Stars eTsakane Stadium, eGoli, bese kuthi iPolokwane idudulane nePretoria Callies e-Old Peter Mokaba Stadium, ePolokwane. ISpurs ihlezi phezulu kwi-log ngamaphuzu angu-56, iCasric isendaweni yesibili ngamaphuzu angu-55, kanti iPolokwane isendaweni yesithathu ngamaphuzu angu-54. Ngokwamaphuzu, libhekwe phakathi kweSpurs neCasric iqembu elizomuka nesicoco namuhla kodwa nePolokwane, isengawaphendula amatafula ishiye kukhalwa uma inganqoba bese iSpurs neCasric behlulwe. Okulindeleke kwiCape Town Spurs: Leli qembu eliqeqeshwa nguShaun…

I-MARITZBURG United isiwadinga ephelele amaphuzu emdlalweni wayo wokugcina wesizini neMamelodi Sundowns ngoLwesibili, ukuze ivike ukugawulwa yizembe kwiDStv Premiership. IMaritzburg elwa impi enzima yokubalekela izembe ibuyise ithemba kubalandeli bayo izolo ntambama ishaya iStellenbosch FC ngo 1-0 eHarry Gwala Stadium, eMgungundlovu. Lona beku ngomunye wemidlalo yeDStv Premiership ebibhekwe ngabomvu kule mpelasonto. Igoli enqobe ngalo iMaritzburg kulo mdlalo livalelwe phakathi wu-Amadou Soukouna ngesiwombe sokuqala sekusele imizuzu embalwa ziye ekhefini. Yize iMaritzburg iwunqobile lo mdlalo ebinganikwe thuba kuwo, kodwa lokho akukayisusi emsileni we-log phezu kokuba iChippa United ebanga nayo izembe ixetshulwe ngo 4-0 yi-TS Galaxy komunye umdlalo wempi yezembe obubhekiwe khona izolo. Njengamanje iMaritzburg ibambene ngamaphuzu angu-29 ngokulinganayo neChippa kanye neMarumo Gallants evika nabo izembe, kodwa okuyenza ihlale emsileni wumehluko wamagoli. Lokhu sekusho ukuthi iTeam of Choice kuzofanele nakanjani ibuye namaphuzu aphele emdlalweni wayo…