Innholdsfortegnelse for 2023-05-07 i Isolezwe nGesonto Sunday

UKeletso Dlamini wamaSatma, uthi njengoba umcimbi ubuyele KwaZulu-Natal, zingena ngobuningi izicelo zokuqokwa kwamaciko. Kuhlelwe ukuthi umcimbi wezindondo ube ngo-Okthoba 7, e-ICC, eThekwini. “Bekuvamise ukuthi izicelo zigqoze uma umcimbi uhlelwe kwezinye izifundazwe. Kuze kusiphoqe ukuthi silule isikhathi ukuze abangalitholanga ithuba bakwazi ukufaka izicelo. Kulo nyaka ziningi kakhulu esezingenile, okwenza singakungabazi ukuthi ngeke silulwe isikhathi. Ongakwazanga ukufaka isicelo kusenesikhathi ngeke esakwazi uma kuze kwafika umnqamulajuqu,” kuchaza uKeletso. Uqhube wathi njengoba amaSatma ebuyele KwaZulu-Natal, ngenhloso yokugubha iminyaka ewu-18 wasungulwa (umcimbi wezindondo), kuhlelwe ukuthi ahlale esifundazweni iminyaka emithathu. Njengenjwayelo uthe imiviliyelo ebingabonakali uma umcimbi wenzelwe kwezinye izifundazwe, bazoyivusa nonyaka. Ngokusho kukaKeletso, ukumenyezelwa kwabaqokiwe ngeke kwenzelwe KwaZulu-Natal, njengoba kuyinqubo yabo, abaqokiwe bazomenyezelwa kwesinye isifundazwe lapho kungezosingathelwa khona umcimbi.…

I-DA ithi imeya yaseJohannesburg entsha, uMnuz Kabelo Gwamanda, yisichuse se-ANC, ne-EFF. Ithi ayinawo amagalelo afanele okwenza umsebenzi. UGwamanda ukhethelwe kwesobumeya emhlanganweni womkhandlu obubhekwe ngabomvu. UGwamanda we-Al Jama-Ah, wehlule uDkt Mpho Phalatse weDA, noMnuz Funzile Ngobeni we-ActionSA, abebegaqele isikhundla. UDkt Phalatse uke waba yimeya kodwa waketulwa ngevoti lokungabethembi ubuholi bakhe. UGwamanda uthatha izintambo kuzakwabo abanaye eqenjini uMnuz Thapelo Amad, ohlale isikhathi esincane wesula esikhundleni. USihlalo weDA eGauteng, uMnuz Fred Nel, uthe abeneme ngokukhethwa kukaGwamanda oqokwe yisixaxa se-ANC ihambisana ne-EFF. “Kuyinhlekelele ukukhethwa kukaGwamanda ngoba uyisichuse se-ANC ne-EFF futhi asiboni ukuthi unawo amakhono afanele ukwenza umsebenzi omhlalele. Kufanele kube nozinzo, umphakathi ubuyelwe yithemba futhi kube ngumuntu onekhono elifanele emsebenzini,’’ kuchaza uNel. UGwamanda uyimeya yesithupha kulo masipala, njengoba kulokhu kuphekwa kuthululwa izimeya. Khonamanjalo iMeya kaMasipala uThukela, KwaZulu- Natal, inkosi Ntandoyenkosi Shabalala, isindile ezembeni…

YIZE umnikazi weDonga La Boutique Hotel, eseHyde Park, eMnambithi, edonse kanzima esayakha kodwa manje uthi lithela izithelo ibhizinisi lakhe. UNkk Ruby “Mam Ruby” Shabalala, uMaHadebe, ongumphathi wehhotela, uthe inselelo waba nayo esaqala ukulakha, wathi kudonse iminyaka ukuthi aphothule isakhiwo sale ndawo njengoba eqale ukuyakha ngamandla akhe. “Ngiyiqale ngingaxhasiwe, ngizizamela, eminyakeni eyisishiyagalombili edlule. Bekuke kubekhona izikhathi lapho ebekubuye kume ukwakha ngenxa yokuthi bekudingeka imali eningi, ngingenalo uxhaso. Luze lwavela emva kwesikhathi uxhaso sengiphakathi nokwakha okwenze isakhiwo saphumelela,” kusho uNkk Shabalala. Kumanje le ndawo inamagumbi angu-19 okulala kanti amanye ayisithupha asanda kuphothulwa ukwakhiwa, uthe azovulwa maduze. Kule ndawo, uNkk Shabalala uthe baqashe abantu abangu-20. Abantu bajabulela ukuba sendaweni epholile eshaya umoya njengoba ingekho eduze kwemizi futhi iseduze kwezintaba. Ngaphakathi kunendawo yokulala, indawo yokudla, ihholo lokusingatha imihlangano, indawo yokucima ukoma neyokuzijabulisa. Uveze ukuthi…

UNOBHALA-JIKELELE we-IFP, uMnuz Siphosethu Ngcobo, uthi ihlanekezelwe incwadi yakhe ayibhalele izinhlaka zeqembu ngodaba lobuso babaholi ezikibheni. UNgcobo uphawule emuva kokusabalala kwencwadi eyalela abaholi bezinhlaka ukuthi bahlonze bonke abantu abafaka izikibha ezinobuso bukaMengameli uMnuz Velenkosini Hlabisa. UHlabisa wakhethelwa kwesikamengameli we-IFP ngo-elethu ngo-2019, ethatha izintambo kuShenge engqungqutheleni eyayisoLundi. Selokhu akhethwa akukaze bushintshwe ubuso ezikibheni zeqembu. Ubuso bukaShenge bulokhu busezikibheni zeqembu kusukela lasungulwa nguyena ngo-1975. Phambilini lwaqubuka udaba lobuso babaholi ezikibheni ze-IFP, ngesikhathi kulungiselelwa ukhetho lohulumeni basekhaya luka-2021. Kukhona abebuza ukuthi kungani uHlabisa engafakiwe ezikibheni? Incwadi kaNgcobo idweba isithombe sokuthi izikibha ezisebenzayo yilezo ezinobuso bomsunguli weqembu inkosi Mangosuthu Buthelezi, futhi yizona okuzokhankaswa ngazo. Incwadi ikubeka kucace ukuthi kuwukuphambana nezinqumo zeqembu ukugqoka isikibha esinobuso bukaHlabisa. Incwadi ithi abazingelwe bonke abafaka izikibha ezinobuso bukaHlabisa noma ngabe babonakale ezinkundleni zokuxhumana. Iqhuba ithi abaholi bezinhlaka kufanele bathumele…

UKHWELE wadilika umelaphi wendabuko waseThekwini, kuzakwabo emsola ngokuqola abantu ngomncintiswano wemoto owawungo-2021. UMnuz Zamokwakhe “King Bhaka” Nzama ushiye angalazi ngoMnuz Bhongolethu “Dr Khehlelezi” Mzozo. Uthe waqola abantu ngomncintiswano wemoto engazange iwinwe ngumuntu. Ngo-2021, uDr Khehlelezi wayenomncintiswano wemoto i-Audi RS 3, eyayizowinwa ngokuthi abantu bavote, bese kuthi ovote kakhulu ashaye achithe nemoto. Indaba isuswe wukucasuka kukaKing Bhaka, othi udelelwe wuDr Khehlelezi, embiza ngoBob Marley. Ekhuluma uKing Bhaka uthe imoto okuthiwa yawinwa ayikaze iwinwe umuntu futhi alikho igaraji okwathengwa kulona le moto. Kunalokho uthe kwathathwa imoto eyayikhona enombala osampunga yagoqwa ngombala obomvu, ukuze ibukeke sengathi yimoto entsha. Eqhuba uthe umncintiswano awubhalwanga ngegama likaDr Khehlelezi kodwa wabhalwa ngowayeyintatheli uSandile Makhoba. Uthe unobufakazi balento ayishoyo wathi uDr Khehlelezi akabikele abameli uma ethanda bese ekhomba negaraji athi wayithenga kulona. Wathi ngisho umuntu wase-Eastern Cape,…

LICHITHIWE icala lomlingisi obesolwa ngokunukubeza uzakwabo, okuthiwa waziwotawota umphambili embhekile, ngesikhathi beqopha umdlalo ababelingisa kuwo ngo-2021. UMangaliso Ngema wamangalelwa yintokazi ayelingisa nayo, uLorraine Moropa, emdlalweni owawukhonjiswa kuSABC 2, iLithapo. iLithapo. Kwasuka umsindo ngesikhathi uLorraine enameka inkulumo yakhe ezinkundleni zokuxhumana, ekhononda ngesenzo sikaNgema. Enkulumeni yakhe waveza ukuthi uNgema wamthinta izinqe zakhe ngesikhathi beshutha umdlalo ababelingisa kuwona. Osaziwayo abehlukene nabalandeli bentokazi bakhombisa ukunengeka ngesenzo somlingisi wesilisa. INPA kubikwa ukuthi ilichithile icala enkantolo ngenxa yobufakazi obungabambeki. Ekhuluma neSolezwe ngeSonto uMangaliso, uthe impilo ibe nzima kakhulu ngemuva kokuthi icala abelihamba lidicilele phansi isithunzi sakhe. Uthe ngemuva kokubekwa izinsolo wanquma ukuwushiya umkhakha wezokulingisa ngenhloso yokuthi ageze igama lakhe ngokulwa enkantolo. “Ngemuva kokushiya emdlalweni engangilingisa kuwo nale ntombazane ( Lorraine) ngathatha isinqumo sokubuyela ekhaya. Ngibe sengikhohlwa umkhakha wezokulingisa ngagxila ebhizinisini lemfuyo. Impilo ibingasafani nakuqala…

KUYENELE insizwa (17) yaseNsuze, “evuke ekufeni” sekuzofakwa isidumbu sayo emotweni yamaphoyisa ethwala izidumbu, endaweni yesigameko epulazini iWaterfall, eMhlali, oThongathi. Isolezwe ngeSonto libike ngalolu daba ngeledlule, olwenzeka epulazini. Lithole izindaba zokushona kukaCebo Ximba, ngesihlobo somndeni esiqinisekisile ukuthi kugcine kuyenele. “UCebo ushonele egumbini labagula kakhulu esibhedlela abelashelwa kuso. Ushone ngoLwesithathu wafihlwa ngoLwesihlanu,” kusho isihlobo esingafunanga ukudalula igama laso. Siqhuba sithe, ukuvuka kukaCebo kungenzeka ukuthi bekunenhloso ethize ngoba kunguye owamemeza lapho ayegqitshwe khona nomfowabo owashonela esigangeni. Umufi wathathwa ngamalungu omphakathi ehamba nomfowabo uMnuz Xolani Ximba, nabangani ngoba besolwa ngobugebengu. Amalungu omphakathi kuthiwa afike abatalabha esigangeni ababekuso maqede avulela ngenhlamvu kubona. Umfowabo kamufi uXolani, washonela endaweni yesigameko. UCebo okwathiwa washona ngesikhathi edutshulwa nomfowabo “wavuka ekufeni” ngesikhathi abezimo eziphuthumayo sebelungisela ukufaka izidumbu zabo emotweni yezidumbu. Oyedwa wabangani bakhe kuthiwa waphunyuka wabaleka…

PHAKATHI kweStellenbosch FC, neSekhukhune United kukhona iqembu elizoqopha umlando ngokwengeza isibalo samaqembu asedlale kowamanqamu eNedbank Cup. Lokhu kungenxa yokuthi kula maqembu azoshukana eDanie Craven, eKapa namuhla ngo-6 ebusuku, alikho eselike ladlala kowamanqamu. Yize kunjalo kodwa iStellenbosch ingagaba ngamava omqeqeshi wayo, uSteve Barker, okuzoba ngokwesibili edlala kowamanqamu alo mqhudelwano ohamba nezigidi. UBarker udlalile kowamanqamu ngo-2009 ecija i-University of Pretoria kodwa wakhala ngaphansi kwiMoroka Swallows. Esikwatini saMaTuks, uBarker wayegabe ngesikwati esicebile nesabonakala ngokushiya sivale ngehlahla emaqenjini ayeyibamba kwiPremiership waze yayogcwalelwa umgodi kowamanqamu. EzikaBarker ezazidlala kwi-1st Division, zadlula kwiJomo Cosmos, eyayingontanga yazo ngaleyo sizini, ngaphambi kokulandelisa ngeKaizer Chiefs, Bloemfontein Celtic ne-Ajax Cape Town. Umehluko wukuthi uBarker, yize enendathane yamava kodwa ushaya ngesikwati esiwantulayo njengoba ebophele injejane yodwa edle ngokugijima nokulangazelela impumelelo. “Kumnandi ukuthi sidlale ekhaya, ikakhulu ngendlela nabalandeli bethu abaphuma ngayo nobuningi babo…

NGEMVA komsindo wabalandeli bakamaskandi, bekhala ngokungamenyezelwa komuntu owine imoto emcimbini iKhuphuka Nezakho Festiveli ngeledlule, umhleli wawo ukhiphe usuku lokumemezela owinile. NgoMgqibelo abalandeli bakamaskandi baphume enkundleni yezemidlalo uCurries Fountain, eThekwini bengeneme ngenxa yokungaziswa ukuthi ngubani owine imoto. Abanye bebesola ukuthi kunesandla semfene ngomqhudelwano wemoto obekulindeleke ukuthi kumenyezelwe oyiwinile emcimbini. Umncintiswano okwamenyezelwa kuwona umuntu owinile, uKhuzani othathe uR100 000 ngokuthengwa kakhulu kwamathikithi akhe okungena emcimbini. Ngemva kokumenyezelwa kukaKhuzani, akubange kusashiwo lutho ngowine umqhudelwano wemoto, kwabe sekuyahlakazekwa. Umhleli wefestiveli uNgelo V, uthe onqobe imoto uzomenyezelwa kusasa. “Okwenza singamemezeli ngosuku lomcimbi ukuthi besifuna ukuthi kube yinto ehleleke kahle ukumenyezelwa kowine imoto. Konke kumi ngomumo ukuthi simemezele owinile ngoMsombuluko (kusasa). Akuzoba owine imoto kuphela ozomenyezelwa kodwa nabawine imifundaze njengoba kwakuvelile ukuthi kukhona abazohlomula ngayo ngalo mcimbi. Sihlele ukuthi kube wumcimbi ozimele ngokwawo ukwenza lesi…

AMACIKO kamaskandi asebenzisa amakhono awo ukukhuza ukubulawa kwamakhosi nezinduna okudla lubi KwaZulu-Natal. UThokozani ‘Somnandi’ Langa, uGadla Nxumalo, Igcokama Elisha noDumakahle bahlanganise ingoma eyisingili bekhuza isihlava. Udaba lokubulawa kwamakhosi nezinduna luyinkinga esifundazweni kanti uhulumeni usezame okuningi ukuzama ukunqanda isihlava. Inqwaba yabaholi bomdabu ababulawayo kusebenza isibhamu behlaselwe abantu abangaziwa. Abanye abaholi bomdabu ababulewe basondelene neSilo. Engomeni amaciko acela iSilo uMisuzulu kaZwelithini, ukuthi sikhuze. Isilo sesike sazwakalisa ukukhathazeka kwaso ngodaba. Amaciko azwakale ekhala kuNgqongqoshe wezokuBusa ngokuBambisana neziNdaba zoMdabu KwaZulu-Natal, uNkk Bongi Sithole-Moloi. UNgqongqoshe uNkk Sithole-Moloi, usekukhuze kaningi ukubulawa kwabaholi bomdabu waze wanxusa umphakathi ukuthi ubambisane nabomthetho ukuqeda lokhu. Engomeni, amaciko athi njengoba izikhulu zikahulumeni zigadwa nje, aphakamisa ukuthi kungaba kuhle ukuthi amakhosi ahlinzekwe ngezokuphepha. ULanga ongelinye lamaciko aculayo uthe, kuyabakhathaza ukubulawa kwamakhosi nezinduna base benquma ukuthi basebenzise amakhono abo ukukhuza. “Ukucula akukhona okokugida…

KUNINGI okushaqisayo okwenzeka ngaphansi koMkhandlu waseThekwini. Lokhu kulahlisa ithemba ngenqubekela phambili yedolobha nokufukulwa komnotho walo. Kuyajabhisa ukuthi kunemigudu yokuqasha engalandelwa, nemigomo yokunakekela idolobha engenziwa ngendlela efanele bese izindleko zithwalwa ngabakhokhi bentela. Lingcolile idolobha futhi linezitamukoko eziqhumayo ngapha nangapha. Konakele kuMasipala waseThekwini. Kuyabheda, kusukela ekuphathweni kwawo kuze kuyofika ekuhlinzekeleni umphakathi ngezidingo ngqangi. Kayichazeki eyekhansela (uMnuz Mzimuni Ngiba) le-ANC elibhekele uwadi 101 okukhona iCato Manor, neMayville neManor Gardens. Kuthiwa laboshwa ngemva kwezinsolo zokubulala uzakwabo (uMnuz Siyabonga Mkhize) owayethwelwe ngeqoma ukuthi adle ubhedu kuwadi 101. Imibiko ithi namanje ikhansela liyaholelwa yize liduve ejele. Uma bezithethelela abakwamasipala badalula ukuthi kuwumqansa ukuvala umholo wekhansela ngoba kumele kulandelwe imigudu yomthetho. Zolo lokhu, kunezimoto ezikhalakethele emigodini kweminye yemigwaqo eThekwini. Kuthiwa imigodi ibivulelwe ukuthi kulungiswe amapayipi athutha indle, okuthiwa asemadala. Kepha, ngenxa yokuthi abasebenzi abawuqedanga umsebenzi wokulungisa imigodi,…

ININGIZIMU Afrika ayisalanga ngaphandle ngesikhathi amaciko ayo ephephezelisa ifulegi lakuleli emcimbini wokugcotshwa kwenkosi yamaNgisi uCharles III (74). Inkosi yamaNgisi igcotshwe emcimbini obuseWestminster Abbey eLondon. URebbeca Malope, Thina Zungu, Pretty Yende nabanye abaningi bebemenyiwe ukuyonandisa kulo mcimbi. Inkosi uCharles ithatha isihlalo emuva kokuthi kwakhothama unina iNdlovukazi u-Elizabeth II ngoSepthemba wonyaka odlule edunguzela. Inkosi uCharles yethula inkulumo ithe izibona kufanele kube yiyona esebenzela abantu hhayi ukuthi ikhonzwe. Umcimbi ubugcinwa kulandelwa izindlela zamaNgisi zakudala futhi ubuthanyelwe yizinkumbi zabantu. Uthweswe umqhele wagcotshwa amafutha njengokosiko lwakhona okuwuphawu lokuthi usenegene esihalweni ngokusemthethweni. Umcimbi wokugcoba inkosi wagcina ngo-1953 kungena unina wenkosi esesihlaweni manje. Ngokukahulumeni wakuleli izwe belimelwe wuNgqongqoshe wezoBudlelwano namaZwe oMhlaba, uNkk Naledi Pandor. UMengameli Cyril Ramaphosa wayemenyiwe kodwa wasichitha isimemo ngenxa yokuthi unohambo lombuso oluya eBurundi. uRamaphosa uke wahlangana nenkosi ngonyaka odlule beyoxoxa ngobudlelwano amazwe…

LISOBISHINI ikhansela le-ANC ku-ward 25 eNorth West ngaphansi kukaMasipala iMatlosana, elisolwa ngokulala nabesifazane nabesilisa ebelibathembisa umsebenzi. Ama-video nezithombe zaleli khansela elibonakala kuzo linabagilwa zimangaze abaningi ezinkundleni zokuxhumana ezisatshalaliswe kuzo. Kuthiwa leli khansela esigodle igama lalo, belinomkhuba wokuqopha ama-video lenza ucansi nabagilwa, liphinde lishuthe izithombe. Kubikwa ukuthi inhlanzi ishelwe ngamanzi ngemuva kokuthi kube nabagilwa ababika emahhovisi kaKhongolose ngomkhuba walo. Abagilwa babike ngemuva kokuthi ikhansela lingasatholakali ezingcingweni uma bethi bazama ukubuza ngemisebenzi ababethenjiswe yona. Belingagcini nje ngokushutha lizitika ngabagilwa, ngokomthombo kodwa kuthiwa beliphinde libakhothise umphambili walo. Esontweni elingumphrofethi kulo leli khansela, kubikwa ukuthi belifike libhemise izingane zamantombazane insangu, maqede lizitike liya ocansini nazo. Esitatimentini esikhishwe yi-ANC ehhovisi lesifundazwe saseNorth West, kuvele ukuthi ikhansela limisiwe yile nhlangano ngemuva kokuthola imbiko kubagilwa. “Akasavumelekile ukuthi azimbandakanye neqembu njengoba i-ANC ithathe isinqumo sokumumisa. Ukumiswa kwakhe kuzolawulwa…

IYA iphundleka usuku nosuku indlela ye-African Footballer of the Year, amahlandla amabili, uSadio Mane, ephuma ezikhondlakhondleni zaseGermany, iBayern Munich ebheke kwiLiverpool. UMane (31), uzoqeda isizini yokuqala ekwiBayern kodwa akuhambanga kahle empilweni yakhe yokudlala ibhola kangangoba sekuze kwavela namagama asakungabaza ubuqhawe bakhe enkundleni. NgoLwesine kuvukwe nezindaba ezithi iBayern isisifake ohlwini lwabadayisayo isilomo saseSenegal uMane ngokunjalo nozakwabo uSerge Gnabry. Mathathu amaqembu amataniswa nokusayinisa uMane kusuka ngoLwesine. Lawo, yiLiverpool ecijwa yiJalimane elinguJurgen Klopp, okuyiyo emdayisele iBayern. Kuvela ukuthi yona isiphumele obala ngokuhalela ukumbuyisa yize ibisebenze kwacaca ivala isikhala sakhe ngoDarwin Nunez. Amanye amaqembu abalwayo yi-Inter Milan neChelsea kodwa okungaveli wukuthi kukhona yini asebeke babeka okuthile etafuleni. IChelsea iphinde imataniswe noRafael Leao we-AC Milan. Kusuka ewelele kwiBayern, uMane izinto azimhambelanga neze kahle. Kamuva uqale ukunuka iqaqa kubaphathi nakozakwabo ngesikhathi egadla ngenkomane kuzakwabo, uLeroy Sane,…