Innholdsfortegnelse for October 2025 i Die Tuinier Tydskrif

Kies ‘n posisie in volson wat teen die wind beskut is. Die grond moet ryk wees en goed dreineer. Voeg baie kompos by met planttyd. Hulle verkies meer alkaliese grond met ‘n pHvlak van 6.0 tot 7.5. Voed vanaf die begin van lente elke twee tot drie weke met ‘n gebalanseerde vloeibare kunsmis. Plante mag stutstokke nodig hê wanneer hulle ongeveer 30 cm hoog word. As dit genoeg reën, sal hulle nie veel water benodig nie, maar maak seker die grond droog nie uit nie. Snoei enige sylote van die stingels af wanneer hulle ongeveer 8 cm hoog is sodat al hul energie vir drie tot vyf sterk blomstele beskikbaar is. Sny uitgeblomde blomme tot by ‘n syloot terug. Verdeel die knolle elke drie tot vier jaar. LET WEL: Ridderspore…

As jy hierdie maand inteken, kan jy dalk -grassnyer-en-randsnyerkombinasie wen. Dit is die perfekte gereedskap om jou tuin te onderhou. Wat behels die prys? Die nuttige tuin-duo neem die moeite uit grasperkversorging en gee jou meer tyd om jou buitelugspasie te geniet. Die PowerMax™ 1600/37 Electric Lawnmower waarborg ‘n skoon eweredige snit met gemak en die ComfortCut 550/28 Electric TurboTrimmer maak seker dat elke grasrand en hoekie skerp en netjies afgerond is. Saam bied hulle alles wat jy nodig het vir ‘n pragtige, perfekte versorgde, florerende tuin – of jy nou ‘n groot grasperk aanpak, of net dinge in jou buksietuin netjies en ordelik wil hou. Waarde R629999 Teken in of hernu jou jaarlikse intekening van 15 September – 20 Oktober 2025 en jy sal ingeskryf word vir die kompetisie…

Die plante 1. Brachyscome ‘Fresco Candy’ – ‘n kleurryke hibried van die Australiese madeliefie, wat ‘n taai klein eenjarige grondbedekker is. Die helderkleurige blommetjies van die klein madeliefie kan in kleur wissel van magenta (wat ons gebruik het) tot pers, blou en wit, en omring heldergeel, bruin of groen kerns. Die blare is veeragtig en fyn, en meestal weggesteek onder die massa blomme. 2. Osteospermum ‘Akila White’ – dit is weer tyd vir die Kaapse madeliefies, en hierdie een neem ereposisie in met sy regop groeiwyse, spierwit blomblare en helder geel kerns. 3. Kalanchoe pumila – ‘n vetplant wat uitsprei met silwergrys blare en regop, delikate pienk blomme met opvallende helmknoppe. 4. Bacopa ‘MegaCopa White’ – hangende groeiwyse en baie blomryk met massas helderwit blomme versier met geel kele. Potvoorbereiding…

BOEKKLUB Botanical bounty of the Pondoland Centre of Endemism Vir diegene wat daarvan hou om te verken, versterk hierdie boek die ervaring met sy diepgaande inligting, foto’s en botaniese tekeninge. Dit verken ‘n gedeelte van Suid-Afrika aan die ooskus wat uitsonderlike konsentrasies van spesies met hoë vlakke van endemisme bevat. Van die Mthatha-rivier in die suide tot die Mtamvunarivier in die noorde, is die Pondoland-sentrum een van die wêreld se botaniese brandpunte. Hierdie boek is deur Kate Grieve, Graham Grieve en Dirk Bellstedt, Bewaarders van Skaars en Bedreigde Veldblomme (CREW), Suid-Afrikaanse Nasionale Biodiversiteitsinstituut, Durban, Suid-Afrika en Universiteit van Stellenbosch, Stellenbosch, Suid-Afrika. Uitgegee deur die Suid-Afrikaanse Nasionale Biodiversiteitsinstituut en beskikbaar by die SANBI Boekwinkel, Cussonialaan 2, Brummeria, Pretoria, E-pos bookshop@sanbi.org.za, webwerf www.sanbi.org Sappige, sagte soetmielies Nebula is ‘n splinternuwe F1 Baster…

Eens ‘n vrystaande huis, en nou een van vier eenhede op ‘n privaat landgoed, weerspieël dit harmonie tussen die oue en die nuwe. Hoewel die eienaars baie veranderinge aan die eiendom gemaak het, is daar steeds bekoorlike oorblyfsels van vervloë dae. ‘n Stewige betonpaal wat onmoontlik was om te verwyder en eens die ou hekpaal na die plaashuis was, is nou geïnkorporeer in ‘n tuinhuisie, en die oorspronklike fontein wat in die binnehoftuin teen die muur gemonteer was, is liefdevol bewaar. Die suksesverhaal van hierdie gerestoureerde tuin is egter een van aanpassing. Volhoubare lewe Toe die huis in die middel 2000’s deur sy nuwe eienaars gekoop is, het ‘n groot swembad die voortuin oorheers. Die tuin het ook skuins na die oprit afgeloop, wat dit moeilik gemaak het om te…

Verbruikerskeuse-toekennings Die Consumer Choice Award for Independent Garden Centres is ‘n spesiale erkenning aan diegene wat uitsonderlike klantediens lewer en konsekwent meer as hul plig doen. Baie geluk aan al die wenners en finaliste wat die standaard in kleinhandel-tuinmaak verhoog het. Deur ‘n spookkoper-program het onafhanklike tuinsentrums besoeke van alledaagse individue verwelkom, sommige ervare tuiniers, ander wat pas begin tuinmaak het. Hierdie kopers, gelei deur ‘n volledige evalueringsvorm, het die werkverrigting in verskeie afdelings beoordeel. Interessant genoeg was die verbruikersperspektief minder krities as wat die bedryfstandaard is, met deelnemende winkels wat merkwaardige hoë tellings behaal het. Om die finale wenners te bepaal, het ons die gedetailleerde tellings en waardevolle terugvoer wat deur ons spookkopers verskaf is, noukeurig nagegaan. Hier is die wenners: AFDELINGSTOEKENNINGS ✓ Beste Binnenshuise Afdeling – Stodels, Somerset…

Die konsep van ‘Unique Utopia’ in tuinneigings is om van die sleur van die daaglikse lewe na ‘n tropiese utopia binne jou eie tuin te ontsnap. Hierdie tuinstyl is oorvloedig en gevul met kleure, teksture en patrone. Dit is ook tyd om bolle by die mengsel te voeg vir iets anders. Gebruik helder, ryk kleure om ‘n hoek van jou tuin te omskep, terwyl jy inspirasie uit die trope put en plante met groot en klein blare met indrukwekkende blomme meng – ‘n visuele skouspel wat jou na jou kamera sal laat gryp. Put inspirasie uit hierdie foto’s en bestel dan jou gladioli-en dahlia-bolle. Dahlias Plant in laatlente wanneer die grondtemperatuur bo 15 °C is. Gee hulle minstens ses tot agt uur sonlig per dag, verkieslik oggendson. Plant in ryk,…

Actinidia deliciosa, oorspronklik van China, word vandag hoofsaaklik in Nieu-Seeland vir die kommersiële mark verbou. Hierdie smaaklike, maar duur, klein eiervormige vrugte in die supermark kan maklik tuis verbou word met hierdie paar wenke: Jy sal ‘n manlike en vroulike plant nodig hê om vrugte te kry. Albei produseer blomme, maar dit is die vroulike plant wat vrugte sal produseer. Sommige variëteite is selfbevrugtend as jy hulle kan opspoor. Hulle verkies ‘n temperatuur van 5-25 °C om goed vrugte te dra, maar hulle kan temperature van so laag as -10 °C oorleef terwyl hulle dormant is. Dit sluit koeler gebiede van KwaZulu-Natal, die Hoëveld en Laeveld, sowel as die Wes-Kaap in. Die blomme moet teen ryp beskerm word. Erge, vroeë ryp sal groei vertraag. Baie hoë dagtemperature kan sonbrand op…

Terug in tyd vir lente Hier is een manier hoe om blomme uit te stal. Pluk ’n verskeidenheid blomme na willekeur uit die tuin en stal dit in ‘n verskeidenheid houers uit. Daar is verskillende maniere om dit te doen. Gebruik een tipe houer, soos ‘n versameling blou glasbottels of gebruik ‘n verskeidenheid deursigtige glasbottels in verskillende groottes en vorms. Of, maak ou artikels of erfstukke in jou huis bymekaar en groepeer hulle volgens hoogte en tekstuur vir ‘n interessante uitstalling soos hierdie. Wat jy ook al kies, wees kreatief en geniet dit.…

Tuisgemaakte limonade is verfrissend en kan vir ‘n paar maande in die yskas hou. 1 koppie suiker1 koppie water1 koppie vars geperste suurlemoensap (4-6 suurlemoene) Gooi die water en suiker in ‘n kastrol en verhit. Roer af en toe totdat al die suiker opgelos is. Voeg die suurlemoensap by. Bottel dit dadelik en stoor dit in die yskas. Wanneer jy gereed is om te bedien, verdun met 2-3 koppies water en ys. Wenk Ek het heel suurlemoene in ‘n houer gepak en ‘n 3%-soutoplossing daaroor gegooi (gemaak van 2 koppies gebottelde water en 1 eetlepel niegejodeerde sout), en dit vir meer as ‘n jaar in die yskas gebêre. Hulle lyk net soos die dag toe ek hulle gepak het, en hulle is nie so sout soos sout-gepakte suurlemoene nie –…

Jy weet jou plante moet oorgeplant word wanneer die wortels deur die dreineringsgate kruip! Oktober is ideaal, aangesien die risome pas uit hul winterslaap ontwaak het. Herplanting laat jou ook toe om digte plante te verdeel, wat ruimte skep vir meer bekers en ekstra plante om met ander versamelaars van inseketende plante te deel. Gee jou Sarracenia die perfekte medium met Bark Unlimited se Carnivorous Plant Mix, spesiaal gemeng om hul natuurlike habitat na te boots en sterk wortelgroei te bevorder. 1. Week jou plantmengsel in ‘n bak water om gronddeeltjies te hidreer. 2. Verwyder die plant uit die pot en snoei enige dooie bekers weg. 3. Verwyder die meeste grond van die wortels om risome maklik te kan verdeel. 4. Vul jou pot halfpad met potgrond, hou die plant…

Die plante 1. Phormium ‘Cream Stripe’ – het jy iets nodig wat uitstaan, selfs in ‘n pot? Sit ‘n phormium in. Phormiums, ook vlasse genoem, is in baie kleurkombinasies en groottes beskikbaar en ons het ‘n bont groen-en-geel een gekies. 2. Plectranthus ciliatus ‘Sasha’ – dit is die goue neef van die gespikkelde muishondblaar en sal in die herfs delikate wit blomtrosse produseer, maar hierdie hibried word meer gesien as ‘n blaarplant met sy pers stingels en goue geel blare, met hier en daar smaraggroen en brons vlekke 3. Crassula pellucida – laag groeiend en rankend, met dekoratiewe liggroen vlesige blare en trosse stervormige ligpienk of wit blommetjies in die lente. 4. Osteospermum ‘Akila Grand Canyon’ – hierdie reeks word uit saad gekweek en is in verskillende kleure beskikbaar. Ons…

Toe die eerste neongroen snyblom-krisante, so anders as die tradisionele krisant-kleurpalet, jare gelede verskyn het, het dit byna ’n opskudding veroorsaak. Deesdae is die neiging surrealistiese blomkleure op tuin-en potplante – tot op die punt van “tyrannical cuteness”, soos die Garden Media Group, ‘beïnvloeders’ en Pinterest sou sê. Ons stem saam, en het ‘n paar plante wat byna onwerklik lyk, uitgekies wat jy kan plant en bewonder… Waar kom blomme se kleur vandaan? Biologiese, ekologiese en evolusionêre faktore speel ‘n rol, maar so ook menslike ingryping deur selektiewe teling op bestaande blomplante, wat die kleurpalet uitbrei en wat nooit self in die natuur sou ontwikkel het nie. Dianthus ‘Amazon Neon’ Hibridisering van dianthus-spesies het reeds in 1934 begin. In 2025 het ons nou pienk en pers kleurspelings in die ‘Neon’-reeks.…

Kry die vorkomc met my gunstelinge ‘n Tuinpartytjie is ‘n plesierige manier om die buitelug te vier en vriende en familie in ‘n ontspanne omgewing bymekaar te bring. Omring deur blomme en vars lug, kan jy nie anders as om lekker kos, lekker lag en vrolike gesprekke te geniet nie. Jy het nie veel nodig om dit onvergeetlik te maak nie; ‘n paar herbenutte artikels kan uiters bekoorlik wees. Emmers vol moontlikhede As jy dit nie het nie, kry dit! Emmers kan as koelhouer gebruik word, met sand gevul en as kershouers gebruik word, of as houers vir jou braaigereedskap. My gunsteling is emmers vol water gevul met blomblare en drywende kerse. Druk jou stempel op die emmers af met ‘n spatsel verf – die moontlikhede is onbeperk wanneer dit…

Simpel of hóé? Toe ek oplees oor gesegdes wat handel oor onnosele goed wat mense aanvang, het ek verstaan dat die woord ‘onnosel’ nie noodwendig beteken dat jy letterlik veroordeel word as ‘n ‘domkop’ of in der waarheid ‘n klap van die windmeul weg het nie. Dit is eerder die manier hoe jy goed aanpak, en die resultate agterna. En dan is daar mos deesdae immer neusinstekerige ‘woke’-siele wat reken die woord ‘onnosel’, of eerder stupid (wat al so verafrikaans het), ‘afbrekend’ is, en liefs met ‘ondeurdagte optrede’ vervang moet word. Ek noem niemand onnosel nie, net myself. En as ek aan praktiese voorbeelde dink, is daar heelwat bewyse van ‘ondeurdagte optrede’ in my verlede wat nie hier oopgevlek kan word nie, en hopelik in die newels van vergetelheid lê.…

Beste Tanya, Ek skryf vanuit Port Elizabeth om jou raad te vra oor ‘n lastige plek in my tuin. Ons het ‘n smal tuinbedding van slegs 60 cm langs ons swembad. Tussen die bedding en die swembad is daar plaveisel van 50 cm, en aan die ander kant is ons grensmuur met ‘n elektriese heining bo-op. Hierdie area is heeltemal in die skaduwee en klam in die winter, terwyl dit in die somer ongeveer ‘n halwe dag son kry en geneig is om droog te wees. Die grond is sanderig. Het jy enige voorstelle vir plante wat in hierdie uitdagende ruimte kan floreer? Ek sou graag ‘n bietjie hoogte wou inbring vir privaatheid en om aandag van die elektriese heining weg te trek, maar ek het iets nodig wat nie…

‘n Moet vir elke tuinier Waarom jy ‘n werkbank nodig het ‘n Werkbank bied ‘n stabiele, verhoogde oppervlak vir plant, snoei, oorplant en saadkweking – wat jou rug en knieë van te veel buig spaar. Dit help om jou tuingereedskap op een plek te hou en jou tuinstoorkamer of patio netjieser te hou. Met sy bergplek, rakke, hake en laaie kan ‘n werkbank alles huisves, van potgrond en handgereedskap tot sade, handskoene en kunsmis. Beste materiale vir ‘n werkbank Die keuse van die regte materiaal hang af van jou klimaat, begroting en styl. Hout is die gewildste keuse – rustiek, aantreklik en stewig. Behandelde dennehout is veral goed vir buitenshuise gebruik as gevolg van sy natuurlike weerstand teen verrotting en insekte. Herwonne hout bied ‘n bekoorlike, ekovriendelike opsie. As jy…

‘n Nuwe roos ‘Missing You’ is ‘n nuwe GrandiRosa van Ludwig’s Roses wat krag, gesondheid en bekoring kombineer. Dit groei tot ‘n netjiese 2 m-hoë bos, en sy ouderwetse blomme gee ‘n sagte, sitrusgeur af. Regdeur die somer dra dit ‘n oorvloed knoppe wat in diep, koppievormige blomme oopmaak wat eindig met ‘n gekwartierde roset-vorm. Dit presteer enige tyd beter as baie bestaande pienk rose, en die donkergroen blare is weerstandig teen swaminfeksies. Dit kan in ‘n groot pot geplant word, as ‘n enkele eksemplaar, of om ‘n netjiese skerm teen mure of ‘n heining te skep. Roostake hierdie maand: Hou die rose in die beste blomtoestand deur hulle een of twee keer per week diep nat te maak. Hou aan om dooie blomme te verwyder om nuwe blomme aan te…

Ons ou gunstelinge is opgegradeer – ontmoet die nuwe hibriede. Hierdie drie opvallende huisplante verskaf sonder baie moeite, indrukwekkende teksture en glansende groenigheid in die huis. Hulle bied ’n welige gevoel met min onderhoud en hulle floreer in die meeste huisomgewings – perfek vir ervare versamelaars of nuwe entoesiaste. Hier is hoe om die beste in elkeen uit te bring: Dieffenbachia ‘Reflector’ Sy indrukwekkend blare maak van hierdie plant ’n treffer. Die groot, diepgroen blare het onreëlmatige lemmetjiegroen en geel vlekke wat amper geverf lyk, vandaar die naam ‘reflector’. Dieffenbachia ‘Reflector’ floreer in helder, indirekte lig, maar sal laer ligtoestande verdra. Hou die grond liggies vogtig en laat die boonste paar sentimeter eers uitdroog voor jy natlei. Te veel water kan tot wortelverrotting lei, so verseker goeie dreinering. Dit verkies…

Hoëveld en KwaZulu-Natalse Middellande Aspersies, stam-en rankboontjies, beet, eiervrug, rissies en soetrissies, wortels, seldery, komkommers, spanspek en waatlemoen, witwortels, pampoen, radyse, spinasie, snybeet, mielies, bos-en rankskorsies, tamaties Middelveld (Tshwane en ander minder ysige gebiede) Aspersies, stam-en rankboontjies, beet, eiervrug, wortels, rissies en soetrissies, komkommers, spanspek en waatlemoen, witwortels, pampoen, radyse, bos-en rankskorsies, mielies, spinasie, snybeet, tamaties Oos-Kaap en Klein-Karoo Aspersies, stam-en rankboontjies, beet, eiervrug, kool, wortels, rissies en soetrissies, komkommers, blaarslaai, spanspek en waatlemoen, pampoen, radyse, spinasie, mielies, bos-en rankskorsies, snybeet, tamaties Wes-Kaap (en Suidkus) Aspersies, stam-en rankboontjies, beet, eiervrug, wortels, rissies en soetrissies, komkommers, blaarslaai, spanspek en waatlemoen, witwortels, pampoen, radyse, bos-en rankskorsies, mielies, rape Noord-Kaap en Groot-Karoo Aspersies, stam-en rankboontjies, beet, eiervrug, rissies en soetrissies, wortels, komkommers, spanspek en waatlemoen, pampoen, radys, spinasie, snybeet, mielies, bos-en rankskorsies, tamaties…

Die probleem lê dikwels nie in wat ons doen nie, maar hoe ons dit doen. Kom ons begin met 'n eenvoudige feit: onkruid mag nooit toegelaat word om te blom nie. Die oomblik wat hulle blom, vorm hulle saad, en jou probleem vermenigvuldig – letterlik. Om gereeld gras te sny, voorkom dit, maar hier’s waar die meeste fouteer: die gras word te kort gesny. Om jou grasperk te sny dat net die grasstoppels oorbly, verswak die gras, stel grond bloot, en maak die deur oop vir onkruid om te floreer. Gras benodig ’n blaaroppervlak om te fotosinteer en weerstandigheid op te bou. Daarteenoor skep 'n grasperk wat effens langer gehou word sy eie deklagie, wat die grond oorskadu en halsstarrige onkruid onderdruk. Sukkel jy steeds met breëblaaronkruid? Dit help as…

Die plante 1. Argyranthemum ‘Grandaisy Yellow’ – die middelpunte is twee kompakte madeliefiestruike met baie vrolike en groot geel blomme met donker kerns. Hierdie meerjariges sal tot herfs blom as dit regdeur die somer lig teruggesnoei word. 2. Calibrachoa ‘Conga Deep Yellow’ – natuurlik kompak en vinnig groeiend, met oorvloedige blomme vir maande lank. Dit is ‘n klassieke oorhangende plant, wat dit perfek maak vir houers. Die ‘Conga’-reeks is in ‘n wye keuse van soliede kleure, sowel as tweekleurige, streep-, patroon-en dubbele-blom-variëteite beskikbaar. 3. Lobularia ‘Easy Breezy White’ – ‘n variëteit van alyssum wat uitsprei in ‘n sagte kussing van klein, heuning gegeurde wit blommetjies wat mooi oor die rand van ‘n pot krul. 4. Carex oshimensis ‘Evergold’ – ‘n immergroen biesie wat in polle groei. Die grasagtige blare het…

Hier is hoe om dit te doen: 1 Maak alles bymekaar wat jy nodig het voordat jy jou steggies neem. Knip dan ‘n steggie van minstens 10 cm lank met ‘n skerp snoeiskêr of skêr. Kies lote sonder blomme en sny bo ‘n ogie op die stam. Plaas dit in ‘n plastieksak en verkoel tot gereed vir gebruik (tensy jy dit dadelik gaan gebruik). Neem altyd steggies in die oggend wanneer daar genoeg vog in die stamme is. 2 Berei die groeimedium voor. Jy kan algemene potgrond, saailingmengsel, of selfs net gewone sand kies om dit voort te plant. Vul ‘n houer – dit kan ‘n pot of bakkie wees – en druk die grond vas. Om die steggies in die pot te plaas, gebruik ‘n potlood of tappen om…

Hou in die vroegsomertuin blom en saailinggroei in stand deur die tydgids van ‘beste dae’ vir bepaalde aktiwiteite te volg. Gebruik ‘vrugte’-dae aan die begin van die maand om tamaties en ander vrugdraende groente opvolgend te plant. Plaagbeheer en onkruid uittrek in groentebeddings is uiters effektief en langblywend op ‘onvrugbare/baie onvrugbare’ dae na volmaan tot die donkermaanfase. Volg ‘bedek’-dae tydens die laaste kwartier deur verwaarlooste grasperke op grondvoorbereidingsdae te bobemes en maak dan diep nat op die aangeduide dae na donkermaan. BESTE DAE VIR OKTOBER…