Innholdsfortegnelse for November 2024 i Die Tuinier Tydskrif

Ons fokustuin vir November is al ‘n paar jaar in die pyplyn. Wanneer jy die artikel lees, sal jy verstaan hoekom ons in ‘n stadium al baie foto’s vir die tuin gehad het, maar die lewe het ons beplanning ietwat verander, en daarom kan ons eers nou hierdie pragtige tuin met julle deel. Sonder om te veel weg te gee, is hierdie reis en die tuin wat jy nou in hierdie bladsye sien ‘n hergeboorte met ‘n sterk herinnering aan waar Marionette se tuinreis begin het. Die tuin het ‘n ingewikkelde ontwerp, wat eenvoudig die volmaaktheid van balans, struktuur, kreatiwiteit en bowenal, interessante plante is. Dit is gebou met die herinnering aan DM, Marionette se oorlede man, in gedagte. DM en ek het altyd ‘n passie vir agaves en plante…

Impatiens kraai koning in die skadutuin Die gewildste somerkleur vir die tuin, Impatiens ‘Sunpatiens’, het ‘n nuwe suster in die Eckardsstal, en sy is hierdie seisoen se eenjarige plant wat jy net moet hê! Met hul geil tropiese gevoel, hou hulle goed tot in die herfs en is die maklikste manier om jou tuin kleur te gee. Ons stel aan jou voor Impatiens ‘Solarscape’, die nuwe variëteit wat van volskadu hou, maar wat ook in oggenson sal groei met sy pragtige groot, effens gekartelde blomme. Pak hulle albei in jou Eckardsinkopiemandjie. www.eckards.co.za Wen 5 Mangave-plante CND Nursery gee vyf van die nuutste mangave-plante weg aan een gelukkige leser. Die nuwe mangaves is die jongste modegier en baie gesog in die plantewêreld. Al wat jy nodig het om vir hierdie prys…

Hierdie bont sedum-grondbedekker is ‘n pragstuk wat jou in jou spore sal laat vassteek. Die blare vorm klein volmaakte rosette en elke blaar is diepgroen in die middel met ‘n wye romerige geel rand wat die opvallendste kenmerk daarvan is. Waarvan hou dit? Hierdie laaggroeiende, spreidende vetplant is uiters droogtebestand en is onderhoudvry. Dit vorm ’n digte mat van blare wat ’n doeltreffende grondbedekker of randplant is in droë, sonnige tuine of om sypaadjies en hellings te bedek. Dit sal ook uit hangmandjies en potte tuimel. Kweekwenk Plant dit in gewone tuingrond wat goed dreineer. Ligte snoeiwerk sal dit in toom hou. Goed om te weet Hierdie grondbedekker is geskik vir kusgebiede aangesien dit soutverdraagsaam is. www.ballstraathof.co.za…

Onder die tradisionele variëteite wat gekweek word vir hul baie aantreklike hangende blomme wat aanhoudend van somer tot herfs geproduseer word, is daar drie groeitipes: Bosserige en regop groeiwyse is geskik vir aanplanting in die grond (en houers). Semi-hangend is perfek vir potte en om te snoei in hoogstamboompies. Hangende groeiers is die perfekte keuse vir hangmandjies, vensterbakke en potte. Die blomvorms verskil en wissel van enkel tot semi-dubbel en dubbel of buisvormig (triphylla), afhangende van die hoeveelheid blomblare. Hou hulle aan die blom • Hierdie plante blom op nuwe groei. Om hulle tot Mei in volle blom te hou, knip die groeipunte af en toe uit om meer blomme te kry. • Die snoei van gevestigde plante word in die vroeë lente gedoen deur ongeveer twee-derdes van die lang…

Sommige Suid-Afrikaners sal die “outydse” wasplant onthou wat ‘n familielid in ‘n hoek van ‘n tuin gehad het, wat oor ‘n raam of teen ‘n boom op gekruip het, met sy wasagtige wit blomme: die ou getroue Hoya carnosa. Die genus Hoya bestaan uit meer as 500 erkende spesies, wat oor ‘n groot deel van Oos-Asië, die meeste van die eilande, en die vasteland van Australië voorkom. Die variasie tussen spesies het die harte verower van tuiniers en mense wat dit as ’n stokperdjie versamel. In die Filippyne is een van die fassinerendste spesies in hierdie groot genus Hoya darwinii, genoem na die vader van evolusie self, Charles Darwin. Hierdie interessante spesie het ongelooflik aangepas, wat sy oorlewing bevorder waar dit as ‘n epifiet hoog in die bome in die…

Wenorief Hallo Tanya… My wingerdstok is reeds baie oud en word kleiner, met minder druiwe elke jaar. Wanneer en hoe maak ek steggies van wingerdstokke? Dankie, Cobus Hallo, Cobus, Alhoewel dit te laat is om hierdie seisoen steggies te maak, kan jy dalk ‘n paar probeer en die res vir volgende seisoen los. Soos jy voorgestel het, is die beste manier om jou wingerdstok te vernuwe deur nuwe steggies te maak; dit sal die lewensduur van jou wingerdstok verleng terwyl jy steeds jou gunstelingdruif behou. Hier is die stappe: 1. Kies die langste lote van die wingerdstok wat potlooddikte is en nie nuwe groei toon nie. Die stamme moet volwasse stamme wees met semiverharde groei. Sny dit in dele van 20-30 cm. Maak ‘n plat snit aan die bokant van…

In die rustige voorstad van Moreletapark, Pretoria, lê ‘n tuin wat die gewone oortref. Dit is nie net enige tuin nie; dit is ‘n lewende getuienis van die passie, toegewydheid en deursettingsvermoë van sy skepper, Marionette Lubbinge. Elke blaar, elke blom en elke sorgvuldig geplaaste klip weerspieël die siel van ‘n vrou wat haar lewe aan die kuns van tuinmaak gewy het. Marionette se tuin is nie bloot ‘n versameling plante nie; dit is ‘n lieflike en kreatiewe toevlugsoord, ‘n plek waar natuur en menslike vindingrykheid in perfekte harmonie verweef is. Marionette Lubbinge is die dryfkrag agter Plant Paradise Garden Centre en Plant Paradise Landscaping. As die eienaar van hierdie suksesvolle ondernemings, is sy diep betrokke by elke aspek van tuinontwerp en tuinuitleg. “Ek doen self die tuinontwerpe en hou…

Die droë, warm toestande wat ‘n kaktus in sy natuurlike habitat verkies, is heel waarskynlik soortgelyk aan dié in jou huis. Dit beteken dat kaktusse in die regte posisie en met die korrekte versorgings baie goed in die meeste huise sal aard. Kaktusse se argitektoniese vlesige stamme en interessante dorings maak hulle ook ‘n ontwerper se droomplant. ‘n Groep potplante is ‘n stelling wat nie geïgnoreer kan word nie. Met genoeg sonlig, die regte grond, en nie te veel water nie, kan kaktusse baie lonend wees en uitstekende geskenke vir beginnertuiniers maak. Goue reëls Alhoewel hulle plante is wat lae onderhoud verg, het enige sukkulent of kaktus spesifieke reëls nodig om binnenshuis te oorleef. Lig Maak seker dat jou kaktus minstens 4-6 uur se sonlig per dag kry. Dit sou…

As jy na ‘n ontploffing van kleur op soek is, moet jy beslis in ‘Supertunias’ belê. Hierdie petunia-hibriede word deur Proven Winners geteel om kragtig te groei en uitstekend in tuinbeddings, houers en hangmandjies te presteer. Hulle het ‘n oorvloed van blomme vanaf die lente, deur die somer en tot in die herfs, so hulle is vir ‘n lang tyd produktief. Hulle is rankerig, wat maak dat die blomme oor ‘n pot se rand hang en letterlik ‘n hangmandjie in ‘n kleurbal verander. Hulle staan bekend daarvoor dat hulle vogtigheid en hitte verdra en wanneer hulle in groot maat aangeplant word, sal hulle uitstekende plante vir bestuiwers wees. ‘Supertunias’ moet in volson en in ryk, goed dreinerende grond geplant word vir die beste resultate. Hulle benodig gereelde water, veral in…

’n Huisplantkraag dien as ’n deklaag en hou die vog in die grond en die dekoratiewe mos skoon en netjies. Hier is hoe dit gemaak word: Kry bymekaar • Onkruiddoek • Droë veenmos • Blomgom (die tipe wat bloemiste gebruik) of kontakgom • Skêr • Maatband • ‘n Potplant Meet vanaf die stam van die potplant tot by die rand van die pot. Verdubbel die maat en merk ‘n vierkant op die onkruiddoek uit. ‘n Witbordmerker help as jy swart onkruiddoek gebruik. Draai die vierkant in ‘n sirkel en vou dit om ‘n gaatjie in die middel vir die plant se stam te sny. Sny tot by die gat aan die een kant van die sirkel. Laat lê die onkruiddoek op ‘n bord en bedek met ‘n laag gom. Pak…

Greg het ‘n passie om groen ruimtes te omskep en tuine te skep in asemrowende buitelugkuns terwyl hy aan ‘n volhoubare toekoms werk. Met ‘n kunstenaar se oog en ‘n tuinier se aanraking, sal Greg vir jou ‘n pasgemaakte tuin ontwerp, onderskryf deur ‘n uitgebreide portefeulje en toekenningspryse. www.gregdowsett.co.za MY BESTE PLANTWENKE Dis weer somer, en dit beteken ons is almal in die tuin besig om nuwe plante te plant. Ek het ‘n paar wenke vir jou. Hoekom ‘n struik nie blom nie • Die meeste struike moet ‘n vlak van volwassenheid bereik voordat hulle goed begin blom, maar dan doen hulle dit soms steeds nie. Hierdie kan die redes wees: • Die plant is swak of op die verkeerde tyd gesnoei, wat die blomknoppe verwyder het. • Dit het…

‘Foxy Lady’ is ‘n netjiese, geronde roos ideaal vir houers. Die bloeisels is dig en ontluik in vol granaatroos-tipe blomme in ‘n skerp rooibruin kleur. Die bos produseer konstant blomme op kort stele. Roosversorging vir November Dit is tyd om vir die tweede vlaag rose reg te maak: • Bemes een keer per maand met ‘n kunsmis vir rose. • Gee minstens twee keer per week diep water as dit nie reën nie. • Hou nuwe groei gesond deur dit met Ludwig’s Insect Spray Plus gemeng met Chronos te spuit om swartvlek te voorkom of gebruik Rose Protector, wat beskerming teen peste en siektes bied. • Indien droë hitte rooispinmyt veroorsaak, spuit die onderkant van die blare met ‘n dubbele dosis van Ludwig’s Insect Spray. • Hou aan om dooie…

Word ’n Groen Godin Die varsheid van kruie kan nie geëwenaar word wanneer ‘n goeie maaltyd voorberei word nie, en met die oorvloed kruie wat jy in die tuin kan kweek, is daar geen verskoning om hulle nie te kweek en te gebruik nie. Dikwels is die probleem dat ons ‘n houer kruieplantjies vir die tuin koop en dan te veel het vir ‘n huishouding om op te gebruik. Het ek ‘n oplossing vir jou? Dit word ‘n Groen Godin-sous genoem, en dit kan gebruik word op burgers, as ‘n doopsous vir aartappelskyfies, op pasta of pizza, as ‘n slaaisous, om groente in te doop, op toebroodjies, en vir enigiets waaraan jy kan dink wat ‘n romerige, geurige sous benodig. Die beste ding is dat jy hope kruie vir die…

Die vensterplant (Monstera) is al dekades lank ‘n staatmaker-binnenshuise plant regoor die wêreld en is baie gewild as ‘n skaduplant in die tuin in rypvrye gebiede van ons land. Soos met enige plant, wanneer dit in groot maat gekweek word, kry jy wel af en toe vreemde mutasies of dinge wat gebeur. Wat hierdie gewone plant betref, was daar verskillende vorms van kleurskakerings. Die pragtige groen blare met hul “vensters” van hierdie spesie is baie struktureel en indrukwekkend, en die silhoeët word dikwels om hierdie rede in ontwerp gebruik. In onlangse jare het hierdie indrukwekkende blare ook kleurskakerings bygekry, wat net tot die aantrekkingskrag bydra (en tot die prys, soos later verduidelik sal word). Baie verskillende kleurskakerings het in die laaste paar dekades na vore gekom, en sommige bont plante…

Bale eetbare jaarplante is nou reg vir pluk, en çie beste isom na behoefte vir die tafelte pluk. Die maantuinier se oesdae word volgens die maanfase en-stand aangedui en gekies, enprodukce wat dan geoes word, hou volgens berig langer. Cae wat na donkermaan vir "oes" gemerk is, is goed vir blywende blombakke on smaaklike blaargroentevariëteite. "Des" dae voor en na volmaan is die beste vir plomp sappige vrugte wat nie gou sal sleg werd nie, en die twee "oes" dae na laaste kwartier is ideaal om blare, blemme, wortels en medisinale kruie te droog.…

Deesdae vat dit drie draaie van die aansitter en ‘n energieke pomp van die petrolpedaal om ons tjor aan die gang te kry. Aanvanklik het ek gedink die ou kar kry maar net koud aangesien ons so ‘n ysige en nat winter beleef het, maar die probleem het aangehou. My skoonseun het ongeduldig ges?: “Ma! Jy moet die kar ‘n bietjie meer ry. Om net een keer per dag kafee toe te gaan is nie genoeg nie; kom uit die dorp uit!” Wel, ons het die langpad gevat met my agter die stuurwiel en die “outoppie” as die passasier. Sonder my medewete het my eggenoot ons in die karaktervolle Paternoster Hotel aan die Weskus inbespreek om ons huweliksherdenking te vier. Ons is nou al meer as ‘n halfeeu getroud… Ek…

Granaat Punica granatum Granate is aantreklike klein bome of groot struike (3 m x 3 m) wat die mees eksotiese vrugte dra, wat hoog is in antioksidante, vitamiene en voedingstofryke minerale en het ‘n belangrike uitvoergewas in ons land geword. Daar is baie kultivars, met ‘Wonderful’ as die mees geredelik beskikbare vir die tuinier om te plant. Die blare is heldergroen, en die plant kan bladwisselend word in koue klimate met slegs matige ryp. Die skarlakenrooi blomme is manlik en tweeslagtig, waaruit die groot vrugte ontwikkel met blink skille wat helderrooi word wanneer dit ryp is in April. Hulle het semi-harde sade met ‘n soetsuur smaak. Die vrugte is perfek om te eet en sap van te maak en kan tot drie maande hou as dit in ‘n yskas gehou…

Die WORX-blaser-en-snoeier-kombinasie Ongeveer 85% van die vuiligheid in jou huis word ingetrap, ingewaai of ingedra vanaf ingangspunte soos jou motorhuis, dek, stoep of werkswinkel. Met die veelsydigheid van die WORX-blaser kan jy met minimale tyd en moeite ‘n skoon area by hierdie ingangspunte skep. Die lang buis met sy skuins punt gee jou toegang tot moeilik bereikbare plekke, soos onder meubels, dekke of motors. Die WORX-snoeier is ‘n snoeier en randsnyer in een. Dit skakel maklik binne sekondes oor van ‘n snoeier na ‘n randsnyer sonder dat gereedskap nodig is. Dit is ontwerp met ‘n enkellyn-outomatiese voerstelsel, wat maklike gebruik, vinnige snoei, en langer werktyd moontlik maak. Hierdie 20V-stel kom met ‘n battery en ’n standaardlaaier. WORX se kragtige boor-gereedskapstel WORX se 20V Drill Driver Combo sluit die 20V MAX…

Gryp ‘n graaf en sluit by Tanya aan in die tuin hierdie somer. Krulle in ’n pot Ek is versot op agaves, en een van my nuutste ontdekkings is Agave gypsophila ‘Ivory Curls’. Dit is ’n kultivar wat in ’n kwekery gekweek is met gekartelde blare met dorinkies en in wit en grys skakerings. ‘n Wenk van kwekers is om helder lig te gebruik – hulle kweek dit onder 40%-skadunet. Ek sou sê oggendson en middagskaduwee sou perfek wees. Hierdie stadig groeiende agave is rypsensitief, maar redelik bestand teen koue. Dit sal uiteindelik ‘n grootte van 1 m x 1 m bereik. Plant dit in ‘n sanderige vetplantgrondmengsel en gee dit gereeld water in die lente en somer, maar hou dit droog in die winter. Klassieke kombinasie Om plante te…

Miskien weet jy reeds, maar net vir ingeval: Erigeron karvinskianus ‘Profusion’ is een van die mooiste en gehardste blommende grondbedekkers vir volson of gedeeltelike skaduwee. Teen middelsomer is dit oortrek met die kleinste wit madeliefie-agtige blommetjies wat soms ‘n pienk skynsel het. Snoei sal keer dat dit ruig word. Hierdie meerjarige plant aard die beste in goed dreinerende grond en met gereelde water. Die oorvloed blomme lok skoenlappers en bye.…

Sluit by Freddie aan om uit te vind wat nuut en mode is in die wêreld van blomplantjies. Die volgende blomgunstelinge is hierdie maand landwyd beskikbaar by tuinsentrums en net reg om in jou tuin of in ‘n pot geplant te word. Moenie vergeet om soetrissies te plant nie Of jy nou soetrissies of brandrissies kies, dis tyd om hulle in die grond te kry vir ‘n goeie oes deur die somer. Hulle hou van die somerhitte en sal goed vaar as jy hulle gereeld water, ‘n goeie deklaag en voeding vir blomme en vrugte gee. VUL SOMER KLEUR AAN Sommige eenjariges doen so goed dat hulle noodsaaklik is vir ‘n somertuin. Hetsy in ’n tuinbedding of net vir ‘n pot vol kleur, kan jy nie ’n fout maak met…

My somerseisoen begin met heerlike tuintake, en dan kan ons die buitelewe na binne bring. Gerberas laat my glimlag! Variëteite van Gerbera jamesonii (Barbertonse madeliefie) is meerjarige plante wat in ‘n verskeidenheid helder en vrolike kleure voorkom. Hulle is uiters gewild as snyblomme maar word ook in potte as kleurryke binnenshuise plante verkoop. Hulle aard goed in vogtige grond op ‘n vensterbank met helder lig en goeie ventilasie. Vermy kamers met te veel humiditeit en moenie oormatig water gee of die blare natspat wanneer jy dit water gee nie. Neem hulle buitentoe Hul vrolike madeliefieagtige blomme skep helder kleurspatsels voor in tuinbeddings en skoenlappers is mal daaroor. As hulle reg versorg word, het hulle ‘n lang blomseisoen. Gerberas sal in son of semi-skadu oorleef. Alhoewel hulle hittebestand is, is dit…

Knyp dit af vir gehalte-oeste • Eiervrugte en soetrissies produseer baie blomme, maar nie almal lewer vrugte nie. Om die oes te versterk, verwyder sommige blomknoppe en laat nie meer as ses tot agt op elke plant nie. • Murgpampoentjies, murgvan-groente, pampoene en skorsies kan te groot word vir kleiner tuine. As jy nie die sade van klein variëteite geplant het nie, knyp die punte van die hoofstingels uit wanneer hulle ongeveer 60 cm lank is. Wanneer systingels tot 60 cm groei, knyp hulle ook uit. • Fokus ‘n tamatieplant se energie om groter vrugte te produseer eerder as meer blare, deur alle systingels te verwyder wat in die blaaroksel ontwikkel, behalwe by bosvariëteite. • As druiwestokke oormatig baie vrugte dra, dun hulle ‘n bietjie uit. Let op vir witroes,…