Innholdsfortegnelse for July/August 2024 i Die Tuinier Tydskrif

Hê ʼn wenkans vir ʼn Tuinmaakgeskenkpak! Die geskenkpak sluit in • ʼn R300-aanlynkoopbewys van Plantland • Plantmandjies ter waarde van R400 • Tuingereedskap ter waarde van R300 Teken in of hernu jou jaarlikse intekening van 24 Junie – 26 Augustus 2024. en jy word ingeskryf vir ʼn wenkans in die kompetisie. Die wenner word telefonies of per e-pos gekontak (minstens 14 dae na die kompetisie sluit). Slegs intekenaars wat in Suid-Afrika woon, kom in aanmerking. Besoek asseblief www.thegardener.co.za. vir die bepalings en voorwaardes. Plantland-aanlynwinkel Benewens die vier Plantland-kwekerye in Pretoria en omgewing (Akasia, Cornwall Hill, The Wilds en Menlyn) kan jy nou aanlyn koop en oral in Suid-Afrika gehaltetuinartikels en -plante by jou deur afgelewer kry. Besoek www.plantland.co.za vir ʼn uitstekende verskeidenheid en doen vandag inkope. Teken vandag in! Blom…

• Kweek tuinplante in goed dreinerende grond wat met kompos verryk is. Gebruik ‘n kommersiële vetplantmedium vir potte.• Die ideale plek is volson, maar ‘n paar uur se ligte skaduwee is nie skadelik nie.• Sommige vorms wat in die binneland groei, is redelik rypbestand, maar dié wat van die kus af kom, is sensitief. Almal sal oor die algemeen ligte ryp verdra, maar swart ryp sal die blomme beskadig.• Cotelydons is droogtebestand wanneer hulle gevestig is en sal selfs ‘n droë rusperiode nodig hê wanneer dit nie blom nie. Te veel water kan lei tot verrotting.…

Daar word nie gereeld oor hierdie interessante meerjarige lid van die roosfamilie gepraat wanneer ’n algemene kruietuin ter sprake is nie, maar dit is ‘n waardevolle skat uit die natuur. Agrimonia eupatoria (lewerkruid) word hoofsaaklik as ‘n medisinale plant gekweek. Tog het dit lieflike stringe bottergeel blomme in die somer, gevolg deur stekelrige saadpeule wat kleur en tekstuur aan ‘n kruietuin verskaf. As dit net ter wille van bestuiwing gekweek word, is dit steeds die moeite werd om dit te kweek. Dit is deur die eeue in ‘n voetbad vir moeë voete gebruik, en die blare word dikwels as ’n tee getrek of as ’n salf gebruik om inflammasie te verminder. Baie antieke beskawings het dit gebruik om ‘n verskeidenheid siektes te behandel, van vir die genesing van wonde tot…

Jy kan die heerlikste sop met groente maak en klassieke kombinasies is altyd ‘n wenner. ‘n Vars sampioensop met ‘n bietjie room of ‘n sop met’n verskeidenheid groentes met sy wonderlike geur sal jou op daardie koue winteraande warm hou. Voeg kluitjies by en jy het so te sê die spreekwoordelike kersie op die koek. Wat maak dit ‘n goeie groentesop? Lae geure Begin met die basiese dinge soos uie, seldery en wortels – die bekende mirepoix wat jy op kookskool leer, en bou dan daarop met ander groente, kruie en speserye. Of begin met een bestanddeel soos aartappels vir ‘n aartappelsop en voeg ui en knoffel, ‘n bietjie spek (altyd ‘n wenner), hoenderaftreksel, room, suurroom of jogurt, sout en peper by en eindig met ‘n bietjie kaas, grasuie en…

Sluit by Freddie aan om uit te vind wat nuut en mode is in die wêreld van blomplantjies. Die volgende blomgunstelinge is hierdie maand landwyd beskikbaar by tuinsentrums en net reg om in jou tuin of in ‘n pot geplant te word. Probeer die nuwe ‘BeautiCal’-reeks, wat ‘n Petchoa is – die beste van petunias en calibrachoas gekombineer in een reeks in die kleure van ‘n pragtige sonsondergang. KIES PETUNIAS vir kleur Kleurryke strepe, rande, kolletjies en tinte kom voor in die duisende variëteite petunias en hul kleiner neefs, calibrachoa. Hierdie veelsydige eenjariges bedek ‘n hangmandjie in massas blomme, voeg kleure by ‘n tuinbedding, of staan uit in potte op hul eie of gemeng met ander eenjariges, grasse en meerjarige blomplante. Wat hulle nodig het • Ryk grond met baie…

Greg het ‘n passie om groen ruimtes te omskep en tuine te skep in asemrowende buitelugkuns terwyl hy aan ‘n volhoubare toekoms werk. Met ‘n kunstenaar se oog en ‘n tuinier se aanraking, sal Greg vir jou ‘n pasgemaakte tuin ontwerp, onderskryf deur ‘n uitgebreide portefeulje en toekenningspryse. www.gregdowsett.co.za Goeie wenk As jy pragtige hiasinte het wat blom, ondersteun die swaar blomme met kort sosatiestokkies om te keer dat hulle ombuig. Hoe om rypskade te troef As plante soos tweejaarlikse, delikate meerjariges en klein struike deur ryp beskadig is, sal hulle verlep en halfdood lyk. Moenie … • Hulle soos gewoonlik water gee nie; hou by jou normale natlei-skedule.• Die gerypte dele wegsnoei nie, aangesien dit die plant teen verdere ryp-en wortelskade kan beskerm. As jy dit snoei, kan nuwe…

Bring lewendige kleure, gewaagde patrone, tasbare teksture en ‘n gevoel van nostalgie bymekaar, en jou brein vertel jou om plesier, bevrediging en motivering te voel – die dopamien-effek. En, wat is meer nostalgies as krisante in ‘n pot? Kleur speel ook ‘n belangrike rol in jou buie en in die winter is die maklikste manier om kleur in jou huis te bring natuurlik met blommende potplante. Kleurterapie met huisplante Elke kleur het ‘n unieke effek wat fisieke, emosionele en geestelike welstand bevorder. Kyk net na hierdie lys en voeg die regte kleur by wat jy kort: • Geel – positiwiteit en geluk• Groen – natuur, kalmte en balans• Blou – vrede en bekwaamheid• Oranje – entoesiasme en warmte• Pers – elegansie en inspirasie• Pienk – liefde en optimisme• Rooi –…

Hallo Jean, Die goeie nuus is, ja, dit kan. Die Viburnum-familie is ongelooflik veelsydig, en die beste van alles, hulle sal nie jou fondamente of plaveisel beskadig nie. Om ‘n netjiese heining te verseker, moedig ek jou aan om hulle gereeld te snoei; dit hou die basis van die plant vol blare. Daar is niks ergers as wanneer die onderste deel van die plant kaal is nie. Onthou wanneer jy die heining vorm om die basis altyd effens wyer te hou as die bokant, sodat die onderste deel van die plant ook lig kry. Dit moedig die struik aan om blare te produseer, dus geen kaal onderste dele nie! Gaan kyk gerus by www.thegardener.co.za vir ‘n gedetailleerde artikel oor viburnum. Alles van die beste, Tanya Ek het vier bakke Maartlelies…

Vir die fynproewer wat op soek is na ‘n spoggerige vetplant om in ‘n hangmandjie of spesiale pot te plant, is daar Cotyledon pendens (kransplakkie of kransklokkie). Dit is ‘n habitatspesialis wat net aangetref word waar hy vreesloos aan die steil bergkranse langs die Mbashe-rivier in die Oos-Kaap hang. Jy hoef nie daarheen te reis om klippe te gooi na ‘n moederplant vir ‘n paar steggies nie (ook onwettig), aangesien dit in verbouing is en by kwekerye of aanlyn beskikbaar is. Dit produseer slingerende stammetjies wat soos gordyne hang en ongeveer 60 cm lank word, en diggepak is met baie vlesige en klein eiervormige blare in teenoorgestelde pare. Die blare het ‘n poeieragtige oppervlak en is witgrys van kleur met dun rooi rande. Die tipiese klokvormige, salm-oranje tot oranje-rooi blomme…

As kook jou ding is, sal jy waarskynlik meer belangstel in die kulinêre waarde van die drie kruie en sommige van hul variëteite wat ons beskryf. Maar, as kook en tuinmaak jou passies is, sal ons jou meer redes gee om hierdie drie kruiegrondbedekkers te plant. Die waarde van grondbedekkers in die algemeen • Grondbedekkers doen net wat hul naam sê; hulle is laag groeiend en gewillig om taamlik vinnig te versprei om groot oppervlaktes grond te bedek.• Hulle kan gebruik word as lewende deklae wat as isoleerders teen koue optree, of om vogverdamping te vertraag, en as hulle dig groei, sal dit baie help om onkruid te onderdruk.• Hulle moedig mikrobiese aktiwiteit aan om ‘n gesonde habitat vir grondorganismes te skep en sodoende die grondstruktuur te verbeter.• As dit…

Ertjies in ‘n pot Plant ‘Tom Thumb’,’n bosagtige tuinertjie van Raw Seeds, in potte of klein plekkies in die tuin. Plante groei 30 cm hoog en 10 cm wyd, so spasieer hulle 10 cm uitmekaar. Die peule is op hul lekkerste as hulle binne 50 dae na ontkieming jonk gepluk word. www.rawliving.co.za Plant preie Rypbestande preie is makliker om te kweek as uie. Plant ‘n laaste oes saailinge in komposverrykte grond. Plant hulle in ‘n klein slootjie van ongeveer 8 cm diep en voed hulle elke twee tot drie weke met ‘n wateroplosbare kunsmis. Probleemoplossing vir kompos ’n Slegte reuk naby kan beteken dat die hoop te nat is en nie genoeg suurstof het nie. Draai dit om en voeg nog gekapte growwe materiaal by. As dit te stadig afbreek,…

PLANTVROU EN SKRYWER Die bekroonde plantvrou en produktiewe skrywer Beth Chatto, het die harte van tuiniers vasgevang met haar naturalistiese en ekologiese benadering tot plante. Sy is gebore in ‘n huis waar haar ouers die meeste van hul vrye tyd in die tuin deurgebring het, dikwels met Beth wat ‘n graaf en ‘n saailing in die hand hou. Dit was dus geen wonder dat sy nadat sy met die vrugteboer en plantekoloog Andrew Chatto getrou het, geïnspireerd was om haar onderwysloopbaan te verlaat en met tuinmaak te begin nie. Die egpaar het in Colchester gewoon waar hul twee dogters gebore is en het in 1960 na White Barn House in Elmstead Market verhuis. In hierdie tyd het hulle goeie vriende geword met die kunstenaar sir Cedric Morris, wat Beth beïnvloed…

Hierdie heuninggeurige alyssum-grondbedekking (ook bekend as Lobularia) is perfek vir lentetuine en sal aanhou blom tot in die vroeë somerhitte. ‘Easy Breezy’ produseer ‘n massa klein helder blommetjies in skakerings van pers, pienk of wit. Anders as ander alyssums, groei dit tot uitgespreide hopies wat sy vorm behou en nie oopvou nie, wat ‘n mat van kleur tot gevolg het. Dit verhelder ‘n beddingrand, vul gapings tussen plaveiklippe en aard goed tussen ander lenteblomme soos gesiggies, viooltjies en diascia. Wanneer dit in ‘n pot of hangmandjie geplant word, groei dit in’n geronde vorm en krul dan onder in sodat dit soos ‘n kolwyntjie of muffin lyk. Kweekwenke Plant in volson of gedeeltelike skaduwee in goed gekomposteerde grond. Spasieer plante 20 cm uitmekaar. Bemes een keer per maand.…

Tanya is besig om die tuin voor te berei vir die winter met take om nou aan te pak. GOEIE WENK As jy sjampanjeproppe opgegaar het nadat jy spesiale geleenthede gevier het, plak dit op die punte van die stokke wat hoë plante soos ridderspoor (delphiniums) en vingerhoedjies ondersteun. Dit kan toevallige oogbeserings voorkom wanneer daar tussen hulle gewerk word. Gladde klippies sal ook werk. Versorg jou potplanttuin • Berei leë potte voor vir nuwe plante deur hulle ‘n goeie skrop te gee met seepwater, waarby ‘n bietjie huishoudelike bleikmiddel gevoeg is.• As jy ‘n nuwe voorkoms wil hê, verf hulle met krytverf wat’n waterbasis het. Dit werk op enige oppervlak, vereis minimale voorbereiding en geen onderlaag nie, is maklik om aan te wend en is duursaam genoeg om ‘n…

Die Leopold-bank is vernoem na Aldo Leopold, die Amerikaanse natuurbewaarder. Hy het hierdie bankstyl vir in die natuur ontwerp sodat hy iets het om op te sit terwyl hy daar na voëls op soek was. As jy agterstevoor op die bank sit, ondersteun die rugleuning jou arms as jy deur ʼn verkyker kyk. Gereedskap Sirkel-of versteksaag Booraandrywer 3 mm-houtboorpunt 70 mm-boutkophout-skroewe 10 mm-soksleutel Timmermansnelvierkant Potlood Maatband Wat jy nodig het KCA-behandelde hout 38 mm x 152 mm lank wat soos volg gesny is: • 1 x 1200 mm (rugleuning)• 1 x 1200 mm (sitplek)• 2 x 840 mm (buitepote)• 2 x 460 mm (binnepote) Ons het 2 x 3 m-lengtes vir hierdie projek gebruik. Woodoc 30 (Low Gloss, Clear) Woodoc Stain Concentrate (Meranti) Verfkwas Houtgom Staalwol Minerale terpentyn Stappe 1.…

Daar is min dinge wat ‘n sappige, soet aarbei, varsgeplukte aarbeie uit die tuin, klop, maar nou kan ons ook hierdie interessante wit aarbeie, bekend as ‘Pineberry’ kweek wat ‘n sweempie van ‘n pynappelsmaak het. Hierdie wit aarbeie met mooi rooi sade is nie ‘n mutasie nie, maar ‘n slim kruisras wat ook minder aantreklik is vir voëls, so jy sal verseker meer vrugte van elke plant kry. Hulle is kragtige produsente wat lopers uitstuur soos gewone aarbeie sou doen, en hulle vaar goed in die tuin en in potte. Kweekwenke • Plant in volson.• Die grond moet sanderig of leemagtig wees en baie voedingstowwe bevat. Voeg baie kompos by wanneer jy plant, en maak seker dat die grond goed dreineer.• Gebruik’n dik laag organiese materiaal as deklaag om vog…

Lavandula x intermedia ‘Margaret Roberts’ Ons is so gelukkig om ‘n plaaslik geteelde laventel (met Engelse laventel-voorsate) genaamd ‘Margaret Roberts’ te hê. Na ons mening is dit die beste algemene laventel sonder enige fieterjasies wat aanhoudend blom. Hierdie mooi afgeronde struik is ongeveer 1 m hoog en wyd en produseer lang, stewige stingels met welriekende ligblou tot violetblou blompunte. Die gesonde blare is grysgroen. Dit is gehard teen koue en sal droë tye moeiteloos oorleef sodra dit gevestig is. Hierdie laventel het verskeie medisinale gebruike, met blare wat perfek is vir die brou van genesende tee. Lavandula x allardii L. x allardii, ook na verwys as “Dutch lavender”, is ‘n hibried van L. dentata en L. latifolia. Dit is ‘n robuuste laventel met meestal geskulpte blare en ‘n ryk kanferreuk en…

• Praat met die natuur. Kyk en luister, want elke seisoen bied verskillende lesse, maar die natuur sal jou die pad wys.• Moenie Karooplante te veel kompos gee nie, en moenie die aarde te veel hark, skoonmaak of vee nie. Die plante benodig ‘n verspreide deklaag vir beskerming en voedsel.• Maak klein holtes windaf van plante, en hulle sal jou beloon deur hul sade daar te laat val. Daar sal hulle in die natuur se kwekery vestig en ontkiem.• ’n Leegte en heuwels kan ryp weg van plante af kanaliseer. Ryp is soos water; dit is swaar en vloei afdraand na laerliggende dele, waar dit versamel.• Moenie jou tyd mors met plante wat nie klimaat-gepas is nie. Kies eerder inheemse plante as groot blomme en kleurryke, dorstige plante. Die ontwerp…

Dit maak sin om dit wat jy in jou tuin het, in die huis te gebruik, net soos om vars blomme vir ‘n vaas te pluk. Droë saadkoppe met interessante vorms kan baie mooi wees vir gebruik in rangskikkings wanneer vars blomme in die tuin beperk is. Baie ikoniese vorms, welbekend en gesog by blomkunstenaars, kan ons in die tuin kweek om die voordele van hul wintervoorkoms te geniet. Sommige kan selfs gekleur of geverf word vir ‘n ekstra moderne voorkoms. Hier is my dosyn gunstelinge. Papawers Oosterse papawers sorg vir die skouspelagtigste gedroogde saadkoppe met hul bolvormige vorms elk met ‘n krullerige ‘hoed’ bo-op. Jy moet hulle vang voordat die duisende piepklein saadjies ontsnap. Sny hulle na blom af en bind hulle saam om op ‘n droë plek te…

Gekookte, gebakte of gebraaide patats (Ipomoea batatas) is ‘n heerlike en gesonde wintertrooskos. Net ‘n klontjie botter, ‘n bietjie geurmiddels en jy kan aansit om te eet. Hulle oortref aartappels in geur en voeding, synde ‘n lae-GI-groente wat jou langer versadig laat voel en bloedsuikervlakke konstant hou. Patats is boonop hoog in vitamien B6, is ‘n goeie bron van vitamien C, en bevat vitamien D, sowel as minerale soos yster en magnesium. Gesondheids-en voedingswebwerwe stem almal saam dat hierdie groente, wat maklik is om te kweek, kan help om hartaanvalle te voorkom, die immuunstelsel ‘n hupstoot te gee, die liggaam teen gifstowwe te beskerm en metabolisme te verbeter. Spring weg Om jou eie patats te kweek, is heeltemal anders as alle ander groente, insluitend aartappels. Hulle groei van uitlopers en…

Hangmandjies kan lewe in patio’s, balkonne en tuine blaas. Dit omskep die alledaagse in welige en kleurryke hangende fokuspunte. Leer meer oor hierdie tipe tuinmaak met blomme en loof wat oor die mandjie se rand hang om jou eie kunstige meesterstukke te skep. Probeer hierdie: Seisoenale eenjariges: Seisoenale eenjariges weerspieël die veranderende kleure en gees van die seisoene. Lenteblomme verskaf ‘n massa kleur en geur; die somer voorsien blomme wat van die hitte hou, soos petunias, pelargoniums en helderblou lobelias; herfs wys ons dat goue siergrasse en gousblomme met hul skerp kleur goed saamgaan; en winter kry ons geharde plante soos die helderkleurige siklame en immergroen plante. Vetplante: Die wêreld van vetplante maak dit moontlik om plante wat min instandhouding nodig het en in’n verskeidenheid vorms, kleure en teksture beskikbaar…

Een van ons mooiste inheemse lenteblomme is die Diascia (horinkie) met sy delikate pienk blomme. Diascia ‘Diamond’ is ‘n sterker hibriedreeks met groter blomme op ‘n netjiese, kompakte plant. Behalwe pienk, is die ander beskikbare blomkleure oranje, fuchsia en wit. Diascia ‘Diamond’ vertoon die beste in hangmandjies en gemengde houers. Een plant vul ‘n middelslag-grootte hangmandjie terwyl drie saam ‘n pot van 25-30 cm-deursnee vul. Dit is ook ‘n goeie vuller vir rotstuine en as randplante in’n bedding omdat dit oor die rand hang en die harde kante versag. Kweekwenke Plant in vrugbare, komposryke grond wat goed dreineer en in ‘n posisie wat baie winterson ontvang. Houer-of hangmandjie-plante benodig gereeld water omdat die blomme afval as die grond heeltemal uitdroog.…

‘The Princess-laventel’ Die Australiërs (wat altyd die beste wil wees) het in die laventelwêreld ingespring en ‘The Princess’-reeks laventel uit geharde Europese laventel (Lavandula pedunculata) geteel en ware koninklikes geskep, gekroon met groot pienk blomkoppe wat met gedraaide helderpienk skutblare bedek is! Hierdie netjiese laventel, sowat 70 cm x 70 cm, is nie skaam om sy lieflike geur vry te stel nie, en die grysgroen loof is ewe aromaties. Dit is bestand teen koue en ryp en blom lank. Hierdie gewilde laventel verdien om in massas aangeplant te word, ongeveer 30 cm uitmekaar, vir ‘n wonderlike vertoning. Dit is ook perfek vir potte, as jy nie kan bekostig om uitspattig te wees nie. Die ‘Elsas’ Geen tuin, balkon of pot is sy sout werd sonder die gelukkige gesiggies van madeliefiebosse…

Izolda het ‘n paar goeie wenke vir binnenshuise tuinmaak hierdie seisoen. Versorging Hou plante stofvry deur die blare met’n klam lap af te vee. Baba-natlappies is baie nuttig vir hierdie werk. Verwyder ook dooie blare en blomstingels as dit klaar geblom het. Voeding Plantgroei neem af in die winter wanneer die voeding daarvan gestaak moet word. Warmer weer in die vroeë lente sal weer nuwe spruite aanmoedig, en kan ons voeding hervat. Aan die einde van Augustus kan jy geleidelik met normale vloeibare bemesting begin deur vir ‘n maand lank die aanbevole dosis met die helfte te verdun. Waterbehoeftes Voor voeding moet die plant altyd deeglik natgemaak word om wortelbrand te voorkom. As die blare skielik afval of gebrande kolle op die rand van blare verskyn, kan dit tekens van…

Die middeljaarmaand is meestal h rusfase, hoewel maantuiniers steedsdie maansiklus volg om die tyd te bepaal vir spesifieke onderhoudstake of-aktiwiteite om hul tuine vir die groeityd voor te berei. "Oes"-dae is geskik om jaarplante op te ruim en ou meerjariges en ongewenste borne uit te haal. Die eerste week voor donkermaan, of na volmaa n, isideaal hiervoor. Die middelmaanddae wat halfvrugbaaren vrugbaar gemerkis, isdie geskikste om saadvarieteite te saai wat bedek word. Let op die "wortel" -dae om laat lenteblombolle te plant. BESTE DAE VIR JULIE…

Diesnoei van tengermeerjariges isslegs raadsaam na die laaste ryp, en maantuiniers verkies strawwer snoei met die wassende maan - na donker-en voor volmaan. Die dae word op die gids hieronder as "knip reg om groeite vermeerder" aangedui. Snoei slegs goed gevestigde struike met die afnemende maan, na volmaan, en vermy liefs "baie onvrugbare" dae, veral in die laaste kwartier omdat nuwe groei en blom waarskynlik stadig sal wees. Let daarop dat die "blaargewasse"-dae in die eerste fase ideaal isom roket en pietersielieteplant omdat hulle van h koeler temperatuur hou. BESTE DAE VIR AUGUSTUS…

Op ‘n sonnige Sondagoggend in die laatherfs, het twee 13-jariges elk met ‘n koeldrank in die hand op die skoppelmaaie in ’n speelparkie in ’n stil woonbuurt gesit. Hulle het daar uitgehang, omdat een vir sy pa moes wag om hom op te laai vir sy niggie se eerste verjaarsdag… ‘n Vreemdeling het hulle genader en beleefd verneem hoe laat dit is, omdat hy blykbaar ‘n bietjie haastig was. Toe een van die seuns sy selfoon uit sy sak haal om te kyk, is dit uit sy hand gegryp. Vinniger as wat ‘n mamba aanval, het die vreemdeling die loop van ‘n pistool teen die ander seun se slaap gedruk, sy hand in die seun se broeksak gedruk, en sy selfoon ook gegryp. Toe bemerk hy die mooi baadjie wat…