Innholdsfortegnelse for April 2024 i Die Tuinier Tydskrif

Lyne is fundamenteel vir enige soort artistieke uitdrukking. Hulle gaan terug na die basiese beginsels in die vorm van stokfigure, inkleurboekprente en die definisie van vorms in byna enige soort tekening of kuns. Ek het al dikwels gesê dat tuinmaak kuns is. Tuinmaak is in wese ‘n reeks vorms en lyne, wat meestal uit tuinbeddings bestaan. In baie gevalle kan dit verbeter, gedefinieer en gemaak word om uit te staan deur ‘n soort formele rand of raamwerk te skep. Afgesien van die artistieke of ontwerpbeginsels waaraan dit voldoen, is daar baie praktiese en funksionele elemente om soliede rande om jou tuinbeddings te plaas. Ons mede-tuiniers ervaar seker ook die voortdurend veranderende vorm van beddings langs grasperke wat mettertyd wyer en wyer word deur die gebruik van die gevreesde graaf wat…

Papawers Papaver nudicaule, ook bekend as Yslandse papawers, is van die beste blomplante wat jy kan kry om kleurvolle blomme en baie bye en skoenlappers in jou tuin te hê. Hulle is ook uitstekende snyblomme. Plant só Papawers vaar beter in gebiede met koel somers, maar sommige variëteite doen goed met warm dae en koeler nagte. Kies’n posisie in volson of’n bietjie skaduwee en berei die grond voor met hope kompos, ’n paar handevol stadigvrystellende kunsmis en’n paar handevol beenmeel of superfosfaat wanneer jy plant. Die grond moet goed dreineer en hou dit regdeur die seisoen goed natgemaak, veral in warm weer. Plant in groot groepe in blombeddings of strooi hulle rond in ‘n veldblomtipe tuin. Die lang blomstingels groei tot ongeveer 38 cm bo die blare. Alhoewel hierdie papawers…

Lig jou potte Buitelugpotte moet nooit direk in potpierings staan wat water opvang of waar daar dalk plasse kan wees nie om wortelvrot as gevolg van voortdurende sopnat grond te vermy - die rede waarom baie duur plante vrek. Om die basis van die pot uit water te hou, lig dit op potvoetjies (dit is beskikbaar by tuinsentrums) of gebruik sommer bakstene wat ewe goed werk. Versamel blomsade Kyk na jou eenjarige en meerjarige plante vir saadkoppe. Laat hulle op die plant ontwikkel voordat hulle versamel word tot hulle bruin en papieragtig word. Wanneer gereed, sny hulle af en lê elke variëteit op velle papier in ‘n beskermde area om vir ‘n paar dae verder droog te word. Skei die sade en pak dit weg in skoon en gemerkte koeverte,…

Calibrachoas is staatmakers! As jy‘n vinnige kleurstorm wil hê, behoort hulle jou eerste keuse te wees. Die plante produseer massas klein blommetjies en hou nie van piep of pamperlang of te veel water nie. Geil vertakking en kragtige groei maak gou‘n pot of hangmandjie vol. Soos hulle groei, vorm hulle‘n kussing van blomme en tuimel dan losbandig oor die rand van die pot. Selfs wanneer die dae korter word, bly hulle oop en blom ewe goed onder lae ligtoestande. As houer-of mandjieplante vaar calibrachoas die beste met oggendson en middagskadu. Laat die grond effens uitdroog voordat dit natgemaak word, hoewel plante in hangmandjies meer gereelde water benodig. Behou die blomkrag deur een keer per maand met ‘n vloeibare kunsmis te voed. As hulle langbenig en skraal raak, knip hulle liggies…

Oes die laaste tamaties Die laaste van die tamaties kan groen geoes word en in‘n smaaklike blatjang verwerk word. Hierdie blatjang kan saam met kouevleis en kaas bedien word of by jou volgende kerrie gevoeg word. Groen tamatieblatjang 1 kg groen tamaties, gekap3 uie, fyn gekap2 appels, geskil, ontpit en gekap100 g dadels, gekap (of gebruik rosyne)300 ml wynasyn4 brandrissies1 eetlepel gedroogde gemmer1 teelepel sout300 g suiker Voeg al die gekapte bestanddele in‘n kastrol saam met die asyn en prut liggies totdat al die bestanddele sag is (1 uur). Voeg die brandrissies, gemmer, sout en suiker by, roer tot die suiker opgelos is en prut dan tot dit lekker dik is. Gooi in gesteriliseerde flesse en verseël om te stoor. Kruiespeserye vir vis Wanneer daar‘n oorvloed van kruie in die…

Daar is ʼn ou geloof onder tuiniers waarvolgens ons ons plante net van die lente tot die herfs moet voed, en dat bemesting in die winter net tyd-en geldmors is. Daardie mite moet verkeerd bewys word omdat wintervoeding met die regte produk tot gesonder grond en plante, en ook ʼn mooier tuin sal lei. Wonder Organic Vita-Boost is ʼn uitstekende produk vir wintervoeding, selfs al toon dit nie sigbare resultate op die tydstip nie. Wat jy nie kan sien nie, is dat daar wonderlike resultate onder die grond aan die gebeur is – die Wonder Organic Vita-Boost moedig die ontwikkeling van sterk wortelgroei aan ten spyte van die koue toestande. Die wortelstelsel sprei uit om oor ʼn groter gebied te strek, wat die plant in staat stel om voedingstowwe uit…

Die herfs-en wintermaande is ongelooflik kleurryk in die somerreënstreke van Suid-Afrika – en die lug is vol skoenlappers en ander insekte. Saadvretende voëls benut die saaddraende gras die beste en ʼn verskeidenheid bome en struike wat laatsomer blom, dra tot in die winter vrugte, wat kos aan baie voëls en insekte verskaf. Die wintertuin kan kleurryker as die somertuin wees en dis net ʼn geval van om te weet wat om te plant. Van April tot Augustus raak die aalwyne spatsels helder kleur, en die belangrikste is die nektarryke blomme wat kos verskaf vir voëls en ʼn menigte insekte, waaronder ʼn aantal bysoorte. Sorg vir afwisseling en ʼn mengsel van teksture en kleure deur ook ʼn groot verskeidenheid ander vetplante te plant. Namate die weer koel en droog word, verander…

TEKEN IN EN SPAAR 30% As jy graag ‘n tydskrif op die gewone manier wil lees en tussen kleurryke bladsye wil kuier, of verkies om digitaal in te teken, het Lonehill Media beide opsies! Ons inhoud is propvol inligting en inspirerende tuinmaakidees, en ons het gewilde digitale platforms waarop jy GRATIS kan deelneem op FaceBook Live en GardenTube. Albei word aangebied deur ons innemende tuinghoeroe Tanya Visser, waarvan elke interaktiewe uitsending inlig, inspireer en aanspoor. Bly op hoogte van die nuutste tuinmaakmodes. Skakel in, teken in, en volg ons! VOLG ONS OP SOSIALE MEDIA!…

Botaniese Galery geopen Tinus en Nollie @plantae orchids Dit is altyd hartverblydend om te sien wanneer iemand se lewenslange droom bewaarheid word. Die perfekte voorbeeld is die R Allen Dyer Botaniese Galery wat op 5 November 2023 deur sy dogter en kleindogter geopen is. Hierdie galery is die resultaat van Allan Tait se onwrikbare verbintenis tot Suid-Afrikaanse plantkunde en is vernoem na een van die groot pioniers van die Suid-Afrikaanse plantwêreld naamlik R Allen Dyer, wat die Pretoria Botaniese Tuine en Nasionale Herbarium begin het. Hierdie galery bevat ‘n paar kosbare en skaars botaniese skilderye, botaniese boeke en al Allen Dyer se briewe om ‘n paar te noem. Die galery is tans oop op afspraak: allan.clivia@gmail.com Philodendron ‘Splendid’ Tinus en Nollie @plantae orchids Dit word die “aroid craze” genoem en…

Sedums (huislook) is oor die algemeen bekend vir taaiheid en nie skouspelagtige blomme en massas daarvan nie, maar Sedum spectabile ‘Brilliant’ wyk af van die norm. Dit word ‘n regop, droogtebestande meerjarige van 50 cm hoog en breed, met gladde grysgroen blare en groot trosse ligpienk tot diep, roospienk stervormige blomme. Hierdie laatsomer-en herfsblommende sedum ontwikkel stadig sy groot blomkoppe gedurende die somer. Sodra die blomme oopgaan, kom die skoenlappers en bye. Nadat die blomfase verby is, kan jy die koppe los vir saad vir die voëls. Sedums is baie taai plante, kan somerhitte weerstaan en groei steeds kragtig sonder om te dors te wees. Sedums groei in volson en in gewone tuingrond wat goed dreineer. Hulle benodig minimale water en geen bykomende kunsmis nie. ‘n Goeie plant vir beginners…

Sommige oorgroeide en taai kalante soos Shasta-madeliefies, echinacea, rudbeckia en duisendblad kan nou opgegrawe en verdeel word met die twee-vurk-metode. Stap-vir-stap Verdeling vir meer plante en nuwe groei. Sny ou blomstingels af en gebruik‘n graaf om die pol eers los te werk en dan versigtig uit te lig. Die proses is maklik as die plante die vorige dag natgelei was. Druk twee vurke skuins van mekaar en rug-aan-rug diep in die pol in. Bring die handvatsels bymekaar en druk hulle dan ferm wyd uitmekaar om die wortels te skei. WENK: As jy met te veel verdelings vir die tuin sit, kan jy dit oppot en hou vir die lente. Kies die beste dele rondom die buitekant van die ou pol vir herplanting. Verwyder enige onkruid tussen die wortels en maak…

Deur hierdie metode van voortplanting te gebruik, skep jy effektief ‘n kloon van die plant waarvan jy die steggies neem. Dit is maklik en enigiemand kan dit doen, en as jy glashouers gebruik, kan jy kyk hoe die wortels groei, wat die baie bevredigende deel is. Hier is ‘n paar wenke om dit reg te kry: • Neem altyd steggies van gesonde plante wat nog nie geblom het nie. As jy blomme op ‘n steggie het, verwyder dit sodat al die energie liewer gebruik word om wortels te maak.• Gebruik ‘n skerp snoeiskêr en sny net onder ‘n blaarknoop of ogie. Die meeste steggies moet ongeveer 10 cm lank wees met 5 cm onder die oppervlak van die water. Verwyder enige oortollige blare, veral dié onder die watervlak, maar laat…

Wenbrief Hallo Tanya… Help asseblief! Wat gebeur met my Prunus-boom? Dit is nou die tweede somer wat dit gebeur. Die blare begin verbruin vanaf die onderste takke en beweeg stadig opwaarts. Ek is bekommerd dat dit aansteeklik is en vrees vir ‘n nabygeleë treurmoerbei wat nuut in die tuin is. Jou raad sal waardeer word en dankie vir ‘n wonderlike tydskrif. Vriendelike groete, Anne Whitehead Hallo Anne, Dit was ‘n moeilike een - ek moes baie navorsing doen om dit vas te stel. Ek hou egter van hierdie vrae, want ons leer altyd iets nuuts. Wat jy het is Coryneum blight of Shot Hole disease – moenie dit met die stompkopkewer verwar nie. Dié fungussiekte word veroorsaak deur ‘n patogeen en is algemeen wanneer dit by die besmetting van die…

In hedendaagse voorstede met nuutgeboude huise, het die buitelugtoebehore (behalwe sonpanele op dakke om krag op te wek), deurlaatbare plaveisel in opritte geword om besoedelingstowwe uit stormwater te filtreer en om dit in die grond daaronder te laat wegsak; en watertenks om reënwater vir huishoudelike en tuingebruik te oes – albei laasgenoemde is prysenswaardige maatreëls om goeie waterbestuur in‘n woonbuurt toe te pas. Maar, ná ‘n goeie ou donderstorm en swaar reënbui, sal daar altyd plasse staande water wees (wat soms in moerasagtige plekke verander), veroorsaak deur afloop van oppervlaktes soos patio’s, dakke, geplaveide areas en selfs grasperke. As dit nie binne 24 uur na ‘n storm gedreineer het nie, kan dit ‘n probleem vir strukture of ondergrondse dienste veroorsaak. Dit is dus tot jou voordeel om sulke gebiede te…

Die storie agter permakultuur is interessant, en kyk asseblief daarna, sou jy die behoefte voel. In hierdie artikel neem ons happiegrootte stukke van die beginsels wat jy sal sien redelik goed oorvleuel met enige soort kostuinmaak en pas dit toe op 10 idees wat ons geleen het om dit makliker en prakties te maak om dit dadelik te doen. Biodiversiteit Deur die natuur na te boots, soos dikwels in die beginsels van permakultuur gedoen word, kan ons leer dat daar in een stuk natuurlike grond honderde verskillende spesies plante is wat harmonie saamleef. Enigiemand wat al ooit in ‘n grasveld geloop het en laag afgebuk het om ‘n mooi blom te bekyk sal hierdie massa biodiversiteit opgemerk het. Elke plant sal verskillende insekte, bestuiwers, diere en voëls lok, en elkeen…

1 Penstemon ‘Arabesque’ Vir helder kleur in‘n prêrietuin pas penstemons perfek. Hierdie hoë meerjarige plante met verskeie tweekleurige blomme in trosse langs en aan die bokant van stingels, is bekend vir hul kragtige groei en veelsydigheid in die tuin en in houers. Dit is ‘n bekroonde plant vir ‘n rede. Hulle benodig baie min, behalwe water af en toe en die ontknopping van dooie blomme om nog aan te moedig. Later in die jaar verwag ons om nuwe variëteite soos ‘Peptalk’ in die tuinsentrum te sien. 2 Echinacea x hybrida ‘Artisan Collection’ Die ‘Artisan Collection’ van echinaceas kom in kleure wat sagte oranje, geel, dieporanje en oranjerooi insluit – warm kleure wat perfek is vir ‘n herfsvertoning. Dit is kompakte plante met groot blomme wat droogte, hitte en humiditeit verdra. Hulle is…

Die truuks van heiningsnoei Laatsomer tot middelherfs is ’n goeie tyd om bladwisselende heinings en dié wat klaar geblom het te snoei. Laat die basis van die heining wyer as die bokant wees. Sykante wat so effens skuins gesnoei word, laat sonlig toe om die onderste helfte van die heining toe bereik, wat ‘n heining dig en welig tot by sy basis hou. Kies ‘n heiningsnoeier om die werk te doen, versigtig • Petrolmasjiene is kragtig, maar swaar en raserig.• Elektriese snoeiers is goed vir fyn afwerkings en korter lengtes.• Die moderne litiumbatteryaangedrewe, koordlose masjiene is ligter en lawaai minder as ‘n petrolmasjien en is sonder die lastige koord van‘n elektriese een. Jy sal egter ‘n ekstra battery en ‘n laaier benodig. Nog snoeiwerk • Snoei ou sytakke van frambose,…

Houers Potte soos klei of terracotta is die beste opsie vir vetplante. Hulle is poreus sodat oortollige vog verdamp en hulle absorbeer hitte om die plante warm te hou. Die meer belangrike oorweging sal genoeg dreineringsgate wees. Puimsteen Gemaak deur lawa-rots te vergruis, word puimsteen wyd gebruik in die kweek van vetplante as gevolg van sy unieke eienskappe. Dit is liggewig en help met deurlugting, maar hou ook vog vas om dit stadig teen‘n bestendige tempo vry te stel. Dit kan ook tot 70 voordelige spoorelemente in die grond voeg. Die klein kraters op die oppervlak hou lug, vog en voedingstowwe in. Sakadama Sakadama is‘n substraat wat in bonsaiverbouing gebruik word, wat ook ideaal is vir vetplante. Dit is tot 600 °C behandel wat dit harde deeltjies gee wat nie…

Volg hierdie stappe Maak seker dat jou houers dreineringsgate het. Vul jou houers met kommersiële saailingmengsel (by kwekerye beskikbaar). Saai twee sade per pot of sel ongeveer 2 cm diep. Bedek met saailingmengsel en druk vas. Alhoewel parate tuiniers waarskynlik reeds hul pronkertjiesade direk in die grond gesaai het – hulle het diep wortels, vandaar die tradisionele direkte saai – is dit nie te laat vir die vergeetagtiges om hierdie geurige en mooi blomme te saai nie. Gebruik leë toiletrolle of papierkoppies met gate in die bodem vir dreinering. Jy kan selfs jou eie papierpotte van ou koerante maak. Pak watter herwinbare materiaal jy besluit om te gebruik, in ‘n groot saadbak of soortgelyke houer en vul rondom hulle met kompos of ou potgrond wat sal help om vog te…