Innholdsfortegnelse for March 2024 i Die Tuinier Tydskrif

“Doen wat jy wil, volg jou eie ster; wees oorspronklik as jy wil wees en moenie as jy nie wil wees nie”, is ‘n bekende aanhaling deur Constance Spry, die kleurvolle breker van reëls (ek hou baie hiervan!), en kreatiewe mens wat die tuinmaakwêreld en hoë samelewing in die 1920’s betree het. Wat my aanbetref, is dit vandag steeds relevant! Kyk gerus na Gill se artikel op bladsy 75 oor dié legende – dit is ‘n lekkerte om te lees! Hierdie maand wys ons ook ‘n juweel van ‘n tuin. As jy ‘n tekort van inspirasie het in jou tuin, of dit nou groot of klein is, waarborg ek dat daar vir jou doen-idees in hierdie artikel sal wees. Met 100% oortuiging kan ek sê dit is een van die…

Nerine bowdenii (grootpienknerina) Onder die 23 spesies inheems aan Suid-Afrika, word Nerine bowdenii die meeste gekweek as ‘n sierplant. Die blare is liggroen en lintvormig, en lang blomstingels dra liggeurige helderpienk blomme wat soos klein lelies lyk, van Januarie tot Maart. Nerina-bolle word gewoonlik in September en Oktober geplant. Hulle verkies gekomposteerde, goed gedreineerde grond en moet met die nek van die bol net bo grondvlak geplant word. Spasiëring tussen die bolle behoort 15 cm uitmekaar te wees. ‘n Goeie posisie is in volson of oggendson en middagskadu. Hulle presteer nie goed in baie droë en baie warm toestande nie. Benat elke vier dae na die plantslag en tydens aktiewe groei. Bedek die bolle met ‘n dik, droë deklaag gedurende hulle winterrus en hou droog. Amaryllis belladonna (Maartlelie) Die Kaap…

Min plante is so dramaties soos agaves om tekstuuraksente en fokuspunte by ‘n tuin te voeg. Aangesien daar baie verskillende agave spesies is, maak dit sin om die regte een vir jou tuin te kies. Mexiko is die tuiste van meer as 270 soorte agaves met baie wat elke jaar plaaslik bekendgestel word. Sommige kan groei tot monstergrootte plante wat net geskik is vir groot tuine, terwyl ander ‘n kompakte groeiwyse het wat sal werk in kleiner ruimtes. ‘n Algemene eienskap van hierdie vetplante is die simmetriese rosette van vlesige veselagtige blare wat lank, dun en grasagtig kan wees, kort en vingeragtig, of baie groot, breed en swaar kan wees. Die blare van baie spesies eindig dikwels in skerp punte of dorings terwyl baie van hulle ook blaarrrande het met…

Of jy nou ‘n spasie in die tuin het of net ‘n pot of twee, sal vincas ‘n doel vervul met hulle glansende groen blare en ‘n groot keuse in blomkleur. Hulle het boonop‘n lang blomseisoen tot aan die einde van die herfs. Wat hulle nodig het • Volson tot halfskadu. • Skraal grond (ons sê dit nie gereeld nie) mits dit goed dreineer. Grond wat te vrugbaar is inhibeer blomproduksie. Die dreinering is belangrik om wortelvrot te voorkom – een van min probleme wat hulle met enige tipe plae of siektes het. • Beperkte water (weer eens nie iets wat ons baie sê nie). Los dit vir die reënval of maak een keer per week by die wortels nat. • Knip die plante gereeld terug om bosagtige groei aan…

Dit is blomtyd vir een van die mooiste meerjarige plante – Eriocapitella hupehensis (voorheen Anemone hupehensis). Hulle word algemeen windblomme of Japannese anemone genoem (hoewel inheems aan China, maar al vir eeue genaturaliseer in Japan) en is lede van die botterblomfamilie. Hierdie grasieuse plante dra hul enkel-of dubbelblomme met hul delikate kelkblare op stingels wat ‘n hoogte van een meter bo donkergroen, esdoornagtige blare kan bereik. Mettertyd sal hierdie plante dik polle vorm wat via ondergrondse risome of lopers versprei. Hul grondvoorkeur is klam en komposverryk, en effens alkalies, met’n organiese deklaag bo-op om hul wortels koel te hou. Hulle groei graag in gedeeltelike skaduwee en in bostuine waar hulle oggendson sal kry en aanvaar verskeie toestande behalwe uiters droë of vogtige streke. In koue klimate sal hulle in die…

Dit is ‘n variëteit van Kalanchoe blossfeldiana en bekend vir sy kompakte groei wat beide binne en buite gebruik word. Binnenshuis is hierdie groot vetplante maklik om in die regte toestande te kweek. Beligting Die beste posisie in die huis vir ‘Else’ is een met helder lig, maar nie direkte sonlig nie. As die plant yl word, kry dit waarskynlik nie genoeg lig nie. Dit kan na ‘n minder helder plek geskuif word nadat dit klaar geblom het. Stokkietoets vir natgooi Dit is ‘n vetplant, so wees suinig met natmaak. Kyk of jou plant water nodig het met‘n houtpen as ‘n ‘peilstok’ – steek dit in die grond, wag ‘n minuut of twee en verwyder dit. As dit skoon en droog uitkom, moet jy natmaak. Neem die plant na die…

Jy het nodig • Woodoc Gel Stain (Adriatic Blue) • Woodoc Water-Borne FLOOR (Clear, Matt) • Fyn skuurpapier • ‘n Verfkwas en skinkbord • Skoon lappe • Tafelpote (dit word voorsien met‘n M8-skroef wat reeds ingebed is) • Meubelmoere • Ons het met die hand ‘n visvorm op ‘n stuk van 21 mm gelamineerde dennehout geteken en dit met‘n figuursaag uitgesny Gereedskap Skuurder met 180-grint skuurskyfies, boor met ‘n 9 mm boorpunt, hamer en ‘n graveringslyper* met ‘n verskeidenheid slypstene. * ʼn Graveringslyper is ʼn handkraggereedskapstuk wat gebruik word vir slyp, skuur en poleer. Graveringslypers tol teen ongeveer 25 000 r.p.m., veel vinniger as ʼn boor en talle punte (boorpunte, slypstene, poleerpunte, ens.) kan daarmee afgewissel word. Hierdie gereedskapstuk moet versigtig hanteer word omdat dit blitsig sommer baie verwyder van…

Turbineblaarblaser Die ligte en kompakte ontwerp van die Worx 20V Turbine Leaf Blower WG547E.9 verhoog die doeltreffendheid en verminder uitputting. Dit voer koordlose blasers tot ʼn nuwe vlak met turbinetegnologie wat alles kan doen van die motorpad en paadjie vee tot blare wat in die herfs afval met een hand ophoop. www.worxsa.co.za Plant volgens die maan Die Moonlight 2024-kalender is nou beskikbaar om direk by die vervaardiger, Ilona Thorndike, te bestel. Sy stel ook ons maandelikse maankalender op. Hierdie plakkaatgrootte kalender wys al die maanvorms en-fases vir elke dag van die jaar en het ‘n kleurgekodeerde aanwyser wat die grondvrugbaarheid vir elke dag wys. Moonlight 2024 is die 19de uitgawe van hierdie gewilde kalender, wat deur talle maanliefhebbende tuiniers, boere, natuurkundiges, beplanners en fotograwe gebruik word om die beste dag…

NUUT! INTEKENING- WINSKOPIE! Teken vir 1 jaar in op Die Tuinier, betaal R49 maandeliks en SPAAR 30% Teken vir ʼn hele jaar in, maar geniet die gerief van maandelikse betalings. Hierdie winskopie geld slegs wanneer inskrywings aanlyn gekoop word. www.thegardener.co.za Hoe lewer ons jou intekening af? ʼn Afleweringsdiensverskaffer lewer dit in stedelike gebiede per hand af. Plattelandse intekenings word per Suid-Afrikaanse Posdiens gestuur of vra ons vir ʼn kwotasie om jou tydskrif maandeliks per koerier te laat aflewer. Teken in NOU! Ter waarde van R1000 Teken in of hernu jou jaarlikse intekening van 26 Februarie – 25 Maart 2024 en jy word ingeskryf vir ʼn wenkans in die kompetisie. Die wenner word telefonies of per e-pos gekontak (minstens 14 dae na die kompetisie sluit). Slegs intekenaars wat in Suid-Afrika woon, kom…

Verdeel lugplante Maak die plant los van die stuk hout waarop dit gemonteer is, en trek die rosette liggies uitmekaar. Indien nodig, gebruik ‘n snoeiskêr om hulle van mekaar los te sny. Verwyder ou, droë blare om hulle skoon te maak. Sny ou sykouse in repe om jou verdelings op nuwe stukke hout vas te bind om hulle in plek te hou. Bind dun draad aan die hout vas met ‘n handige lus om dit weer aan ‘n struktuur of in ‘n boom te kan ophang. DDS-dekor Spog kunssinnig met jou lugplante. Hierdie maklike projekkie sal werk vir beide binne en buite en neem ongeveer ‘n uur om te doen. Kry ‘n paar stukkies afvalhout bymekaar, verf dit en timmer ‘n raam. Sny’n stuk kunsgras om binne-in die raam te…

As die rande om jou waterelement, die eko-swembad se waterfiltreerbedding, of enige ander moerasagtige areas in jou tuin ʼn bietjie kleur nodig het, is ‘Starship’ die antwoord. Die lang en statige Lobelia x speciosa is ʼn tuinkultivar wat uit twee veldblomspesies L. cardinalis en L. siphilitica geteel is. Hierdie kultivar groei graag in natuurlike of ontwikkelde vleilandgebiede en produseer ʼn massa terminale trosse tweelippige blomme (gewoonlik dieprooi) vanaf die middel van die somer tot laat herfs. Dit is ʼn bladwisselende, polvormige, meerjarige plant met ʼn baie regop groeiwyse met smal blare. Die ‘Starship’-reeks bied meer blomkleure van koningsblou, dieproos en skarlakenrooi met óf groen óf ryk bronsblare met maroen stingels. Hierdie plante het ʼn kolomvormige groeiwyse tot 60 cm hoog, en ʼn goed vertakte verspreiding van 30 cm. Hulle gee…

Wat jy benodig • ‘n Hoe keramiekpot (45 cm) soos die een, of ‘n ou gebreekte pot met ‘n kraak in • 2 houtstokkies effens langer as die pot se hoogte • Katoengare of tou • Potgrond • Klippies of stukkies gebreekte klei • Plante: Ons het gebruik… Sedeveria ‘Lulu’ Echeveria ‘San Carlos’ Sempervivum tectorum Pachyphytum ametistinum Aloe aristata Delosperma repens Sedum ‘Golden Acre’ Hoe om te plant Bedek die gat aan die onderkant van die pot met klippies of gebreekte skerfies klei, om te keer dat die potgrond uitloop. Vul die pot met potgrond, tot ongeveer ‘n derde van die hoogte van die pot. Neem jou houtstokkies, plaas hulle in die grond en sentreer hulle. Neem verskeie stukke tou en maak ‘n lusknoop aan beide kante van die tou…

Onder die nimmereindigende aantal salvias wat van ons warm klimaat hou, moet daar nie vergeet word om die ridderlike en baie aantreklike hibried van die Kanariese-eiland, Salvia canariensis ‘Lancelot’, in te sluit nie. Baie salvias groei tot robuuste en groot plante, maar ‘Lancelot’ het ʼn meer toegeeflike groeiwyse en grootte van ongeveer 1 m x 70 cm. Die groeiwyse is regop, met silwerwit, viltagtige blare en laventelblou blomme wat van middelsomer tot vroeë winter voorkom. Die blomme word omring deur rooskleurigelaventelskutblare. Beide blare en blomme het ʼn aangename salie-geur. Perfek as ʼn… • bestuiwerplant vir voëls, bye en skoenlappers; • meerjarige vuller in gemengde blomakkers of gekombineer met grasse in ʼn wilde-of veld-tuin; • kusplant aangesien dit redelik windbestand is. Kweekwenke • Baie goed dreinerende grond. • Volson. • Sensitief…

Volgens maantuiniers is die laastekwartierfase geskikvir opruiming en onkruiduittrek omdat dit dan maklikeren effektiewer is, veral naby donkermaan omdat die dae vir "grondvoorbereiding" daarop volg. Wees daarna bewus van die halfvrugbare dae om blaarkoolsoorteen "blomdae" om broccoli, blomkool, beddingjaarplante en blomstruike teplant Plantknoffel navolmaanop "wortelgewasse" -dae, veral op die twee "skerp groente" -dae. As jy nie tydens dieeerste kwa rtier pronkertjies op "blom"-dae kan plant nie, benut die halfvrugbare dae tydens volmaan. BESTE DAE VIR MAART…

Beste Tanya… ‘Die Tuinier’ is elke maand vir my ʼn ware bron van kennis en inspirasie! Ek geniet, verslind en bêre elke uitgawe. Die vetplantkersboom was my Desember-inspirasie en ek het dit so geniet. Hier is my weergawe. Groete, Mariëtte Eckard Hallo Mariëtte Sjoe, dit het my bly gemaak! Mooi so, ek hou daarvan. Ek is seker jou boom het baie oe’s, aa’s en sjoe’s gekry! Dankie dat jy dit gedeel het. Alles van die beste, Tanya. Ek het ʼn vinnige vragie: Is dit te laat om hardehoutsteggies van Freylinia tropica te maak? Ons woon in Limpopo. Hallo Tony, Freylinia is waarlik vergewensgesind en kan as plant baie mishandeling verduur, wat ook op die maak van steggies van toepassing is. Mits die temperatuur stabiel bly, is die saak reg. As…

HOOGMODE Philodendron x Egoli Volgens The Garden Media Trends Report 2024 is die kleur van die jaar Cyber Lime: “A punchy near-neon that exerts and energises the body and mind”. Wel, die goue pothos of hartblaarranker, ‘n klimmende huisplant met hartvormige blare in helder neon-lemmetjiegroen, versinnebeeld wat voorspel is as ‘n kleurneiging. Dit is nou by kwekerye en tuiswinkels beskikbaar. • Hou dit in helder, indirekte lig binnenshuis. • Maak goed nat, maar net wanneer die boonste laag van die grond droog voel.…

‘Fragonard’ is‘n vroeë blomvariëteit wat verskeie toekennings gewen het vir die beste geurige roos. Die diepkoppige pienk blomme produseer‘n parfuum met‘n topnoot van pomelo en hartnote van intense appelkoos op‘n basisnoot van mango. Die stewige, skouerhoë plant het blink, donkergroen blare en is siektebestand. Roossorg vir Maart Vanaf Maart bepaal die klimaatsverskille van streek tot streek die soort sorg wat rose benodig: • Die Hoëveld en somerreënvalgebiede met koeler nagte en swaarder dou skep die regte toestande vir swartvlek. In ‘n groot roostuin is dit kostedoeltreffend om die swamdoder Chronos gemeng met Ludwig’s Insect Spray te gebruik. Vir kleiner tuine is Rose Protector ‘n goeie middel vir swartvlek en poeieragtige skimmel. • In die Wes-Kaap en winterreënvalgebiede is dit slegs nodig om voorkomend vir swartvlek en donsskimmel te spuit as…

ʼn Nuwe photinia met kleurvolle kenmerke en variasie is deesdae by uitgesoekte kwekerye te sien. Photinia x fraseri ‘Louise’ is ʼn groot immergroen struik met ʼn digte vorm of groeiwyse en blink, elliptiese tot lansvormige blare. Die baie opvallende jong lote is aanvanklik pienk, wat gevarieer word met pienk en roosrooi kenmerke wat later verouder tot ʼn olyfgroen en roomkleurige variasie. Aangesien hierdie lieflike struik twee tot drie natuurlike uitloopsels nuwe groei per jaar produseer, asook pluime romerige wit blomme in die lente, lok dit konstante belangstelling uit en verseker hierdie plant ʼn palet van verandering waar jy dit ookal plant. Gebruik dit as ʼn agtergrondstruik in ʼn gemengde aanplantingsarea, as ʼn skerm-of heiningplant of eksperimenteer daarmee deur dit in ʼn pot te plant. Dit kan selfs gesnoei word in…

I nheemse Streptocarpus is vreeslike mooi huisplante wat ook maklik is om te kweek in gebiede met spikkelskadu in die tuin. Net ʼn blaar of twee van ʼn gesonde plant is nodig om meer van hierdie lonende plante voort te plant, e n tekens van nuwe groei by die steggies kan so gou as na ses weke verskyn, met perfek gevormde nuwe plantjies wat langs die gesnyde rand van die blaar ontwikkel. 6 Maklike stappe Sny ʼn vars jong blaar in die middel onder van die moederplant af. Moenie meer as een of twee blare verwyder nie omdat dit die plant kan verswak. Sit die blaar op ʼn skoon bord. Sny met ʼn skerp gladdelemmes 5 cm uitmekaar af. Maak 10 cm-potte vol met kommersiële saailingmengsel (wat by kwekerye verkrygbaar…

Constance Spry 1886 – 1960 BLOMKUNSTENAAR, SKRYWER, KOK EN OPVOEDER Constance Spry, vrydenker en legendariese Britse blomkunstenaar, is in Engeland gebore en in Ierland opgevoed. Gedurende haar vroeë loopbaan het sy vir die Irish Women’s National Health Association gewerk, waar sy lesings oor gesondheid en tuisversorging gegee het. Haar lewe het ‘n wending geneem toe sy met ‘n Ier getrou het wat geneig was tot gewelddadige uitbarstings, wat haar waagmoedige ontsnapping na Cumbria, Engeland, saam met haar seun aangespoor het. Hierdie sjarmante en vasberade vrou het haar nie deur terugslae laat onderkry nie. In 1921 het sy skoolhoof van ‘n afrondingsskool in Oos-Londen geword waar sy fabriekswerkers kookkuns, kleremaak en blommerangskik geleer het. Gedurende hierdie tyd het sy op Henry Spry verlief geraak, by hom ingetrek, en sy van aangeneem…

Dit was met die “swaar dra al aan die een kant” gedeelte van die koortjie van die liedjie wat deur my kop gemaal het dat daar ook ‘n doodse donkerte in my hart en in my maag kom lê het. Na ‘n koorsagtige bymekaarmaak van besittings wat dwarsoor die huis rondgelê het, het ek en die kinders op die sypaadjie gestaan om te groet. Toe hulle om die hoek ry het my trane soos reën geval. Dit was die einde van nog ‘n vakansie en die laaste een wat ons by hierdie adres sou hê. Drie weke se vakansie in jou huis in die geselskap van‘n mens se nageslag wat hulle eie huise het, laat ‘n mens lank nadink aan, en wonder oor lukrake goed… Die jonger gesin, was nie…