Innholdsfortegnelse for Jan/Feb Summer Bumper issue 2024 i Die Tuinier Tydskrif

Petunias is tevore altyd van saad gekweek, ʼn voortplantingsmetode wat nie kan waarborg dat die nageslag presies soos die moederplant sal lyk nie omdat genetika betrokke is. Die hibridiseerders het toe begin om interessante kleurkombinasies vegetatief van steggies voort te plant wat verseker dat alle trekke van die plantouer in die nuwe plant bewaar word, en het hul prestasie opgeknap. Hul kenmerke is verspreiding en veelvertakking, blomrykheid, met bestandheid teen hitte en droë weer. Ons drietal vegetatiewe petunias som die speelsheid en helder kleure van moderne petunias op wat elke hangmandjie, vensterbak en pot sal ophelder. Bittermin sorg is nodig. Kweek hulle in volson en oppas om hulle nie te oorbenat nie. Sny hulle na ʼn goeie blommedrag terug en voed met ʼn wateroplosbare misstof om hul spoggerige blomme maande…

Karin Morse van Witrivier in Mpumalanga het slegs 320 m2 van haar privaat tuin aan haar omvattende bromeliaversameling gewy om ʼn spesiale soort bekoring te skep wat ryk aan struktuur en kleur is. Dalk ʼn magiese handeling, net seksie, of iets wat sê: “Ek smelt nie saam nie, ek staan uit.” My eerste vraag aan Karin was waarom hulle haar so betower het. “Die meeste mense dink aan blomme as hulle aan kleurryke plante dink. Ongelukkig blom die meeste plante net seisoenaal, en dit is te kort vir my. Bromelias is anders omdat hul kleur hul loof is en met meer as 3 500 spesies en ʼn menigte hibriede wat oor die hele wêreld aangetref word, elkeen met iets pragtigs om aan te bied en wat op sy eie manier…

GEBRUIK VAN BLOMME EN PLANTE Die blommerangskikkings in hierdie tendens word gebruik om kamers sagter te laat lyk en ‘n meer droomagtige gevoel te gee. Daar is ook ruikers met ‘n lywige, sagte voorkoms, of ‘n paar blomme wat sagtheid inbring danksy die vorms of kleure wat saggies in mekaar invloei. Wanneer dit by plante kom, sal die deursigtige aard en sagte blare – wat kleur en tekstuur betref – ook belangrik wees. Vir die tuin word sagte en donsige grasse met digter plante verwissel. Wanneer dit by blomplante kom, is die kleure sowel as die blomvorms sag. PATRONE Die patrone verskil baie. Daar is romantiese blompatrone sowel as abstrakte patrone. Die sagtheid van die kleure is wat hierdie verskeidenheid patrone in gemeen het. Gradiënteffekte is gebruik. VORMS Die vorms…

Sagina subulata Ierse mos is ʼn immergroen meerjarige plant wat ʼn digte tapyt vorm met soms klein rondings wat nie net mooi is om na te kyk nie, maar ook sag en kussingagtig is om op te loop. Die ryk smaraggroen loof groei net ʼn paar sentimeter hoog, maar kan ongeveer 30 cm of meer uitsprei. Dit lyk baie soos ʼn mos (soos baie van sy volksname aandui) maar is eintlik ʼn lid van die angelierfamilie, Caryophyllaceae. Piepklein wit blommetjies verskyn van die lente tot die somer aan reguit stingels van sowat 3 cm hoog wat die tapyt in ʼn miniatuurweiland omskep. Dit lyk dalk delikaat, maar kom gou weer regop nadat daarop geloop is. Die plant maak ʼn goeie beddingrand uit, versag rotse, is ʼn minsorggrondbedekker vir ʼn minimalistiese…

Gebruike Die baie stekelrige stingels beteken dat, indien dit baie naby aan mekaar geplant word, dit gebruik kan word as ‘n veiligheidsversperring. Deurditteen‘nbuitemuurteplant, maak dit dit moeilik om teen die muur op te klim. Dit is ook nuttig in die tuin as ‘n ineengevlegte grondbedekker benodig word of kan selfs as ‘n regop struik geplant word. Dit aard puik as jy dit in potte plant en kan selfs as ‘n huisplant in helder lig gebruik word, solank dit een keer per week gedraai word om soveel lig as moontlik te kry. Om dinge nog verder af te rond, is dit ook soutverdraagsaam, so as ʼn kusplant, kan veelsydigheid definitief op sy CV geplaas word. Die enigste werklike swakheid van hierdie plant is dat hy nie van die koue – enigiets…

Ja, jy kan, en die bepalende faktore is genoeg lig (sonlig of kunsmatige lig), plek, ʼn voedsame groeimengsel en jou eie beskikbare tyd. Kry die lig reg Groente, vrugte en kruie het minstens ses uur sonlig per dag nodig. Dit kan moontlik wees in huise met sonnige vensterbanke, patio’s of binnehowe en kamers wat oos, noord of wes kyk wat volop helder lig inlaat. As dit nie die geval is nie, kan jy daardie toestande namaak deur LED-kweekligte te gebruik wat sterker (20 tot 40 watt) is vergeleke met huishoudelike LED-ligte (9 watt). Eetbares wat onder ligte gekweek word, het agt tot 12 uur en saailinge tot 14 uur lig per dag nodig. Die ligte moet minstens 12 uur afgeskakel word om die gereelde patroon van dag en nag na…

Lotus berthelotii (pelikaanbek, papegaaibek) kom endemies voor op die Kanariese Eilande en die Kaap-Verdiese Eilande. Dis ʼn uiters bekoorlike immergroen plant met lang rankende stingels wat soos delikate kettings afhang met fyn, naaldagtige silwergrysgroen blare wat in klein kransies al met hulle langs gerangskik is. Soos een van hul algemene volksname voorstel, lyk die blomme soos papegaaibekke. Daar word geglo dat die vorm aangepas is om maklik deur voëls bestuif te word. Na gelang van die verskillende kultivars wat vir kweek te kry is, kan hulle karmosynrooi, oranje of geel wees. Hulle verskyn vroeglente en bly heelsomer as die plant gelukkig en gesond is. Die oorlewing van hierdie begeerlike plant hang af van: • volson (nie bakkend nie) of slegs oggendson;• goed dreinerende grond; en• ʼn gereelde natmaakprogram – maak…

Die naam Phalaenopsis is van Grieks afgelei en beteken “lyk na ʼn mot” omdat hul blomme soos vlieënde motte lyk. Jy kan raai wat die volksnaam is – ja, motorgideë. Een of twee stingels groei onder uit, word lank en reguit voor hulle knoppe maak en uiteindelik blomme, wat oopgaan en van twee tot ses maande hou. Dis een van die orgideë wat die langste blom en is ʼn lonende belegging vir blommerangskikkings. Hoe om hulle te versorg Motorgideë is algemeen by van kwekerye tot supermarkte te kry. Hier is hoe om vir hulle te sorg: • Lig – Maak seker hulle kry genoeg helder lig, maar nie direkte sonlig nie. Hoe meer indirekte lig hulle kry, hoe beter groei en blom hulle.• Water – Orgideë moet gewoonlik weekliks water…

WENK Plant nou cliviasaad vir later Terwyl cliviasaad steeds vars aan jou cliviaplante is, kan hulle nou in saailaaie ingesit word. Skandeer die QR-kode vir die skakel na die Sowing Clivias-blog. Petuniasnoei Deur uitgeblomde petunias te snoei wat ʼn bietjie langbenig lyk, kan jy nuwe groei vir ʼn laat herfsblommedrag aanmoedig. Knip weekliks ʼn paar stingels af om hulle mooi, bosagtig en vol blomme te hou. Maak seker jy knip bo ʼn knoop af. Snoei ’n rankroos Hou ʼn rankroos gesond en blomryk deur uitgeblomde takke te verwyder. Nuwe groei sal nuwe blomme bring. Jy kan ook rose vorm om hulle netjies te hou en hulle meer lugomloop te gee om siektes te voorkom. Knip reg en ruim op Beteuel oorgroeide struike behalwe dié wat nog in die winter en…

STAP-VIR-STAP Geniet die vars smaak van aarbeie wat jy self gekweek het deur dit van nou af tot April te plant om in die lente te oes. Oes die oormaat groente en kruie Oes nou en preserveer vir gebruik tydens die skraal maande. • Bevries – dis een van die vinnigste en maklikste maniere om groente te preserveer. Kap ook kruie op vir ysbakkies en maak hulle vol water om te bevries en later te gebruik.• Bottel – maak kooksels van produkte soos tamaties en brandrissies om souse te maak, of pak ʼn keuse van groente in flesse en vul dit met kookwater of pekel om in te lê.• Droog en dehidreer – gebruik die oond, dehidreerder of net gewone sonlig om groente en kruie in enkel lae te droog.…

Die genus Pentas word in die trope van Suider-Afrika, die Comore, Madagaskar en die Arabiese Skiereiland aangetref. Die plante is tegnies nie inheems nie, hoewel ons daarop moet aanspraak maak omdat hulle so oulik is! Die ou Pentas lanceolata was geneig om langbenig en na ʼn rukkie slap te raak. ʼn Nuwe reeks met ʼn kompakter groeiwyse in ʼn reeks kleure genaamd ‘Lucky Star’ is egter bekendgestel. Ons keuse is Pentas ‘Lucky Star Violet’, ʼn kompakte, regopgroeiende plant met welige en harige heldergroen blare en trosse pers blomme. Dit kan as ʼn jaarplant of meerjarige behandel word na gelang van die klimaat – in warm streke sal dit in die rondte bly en heeljaar blom. Die grootte is ongeveer 40 cm x 35 cm. Goed om te weet… Pentas blom…

BESTE DAE VIR JANUARIE…

Die saaklike deel van‘n meningsopname is vrae wat gevra word aan ‘n verteenwoordigende groep mense met die doel om inligting in te samel. As dit suksesvol aangepak word met ‘n entoesiastiese reaksie daarop, kan die opnemers ingeligte besluite en gevolgtrekkings maak oor produkte en dienste wat hulle lewer. Ongelukkig skop die meeste (of eintlik alle) meningsopnames wat jou aandag persoonlik, telefonies, elektronies of in ink verg, op die verkeerde voet af. Die vrae is onsensitief… Nee, my dekselse ouderdom het niks hiermee uit te waai nie! Hemel, watter verskil maak dit of ek manlik of vroulik, wit of swart, arm of ryk is, en of ek in die Wes-Kaap of Limpopo bly? Met ‘n klompie ‘kontakte’ in regeringsdepartemente of by Jan Taks kan jy dit mos self loop uitvind! Al…

Die gras is altyd groener as jy… Bio Ganic for Lawns van Atlantic Fertilisers gebruik. Dit is die ideale organiese kos vir alle grasperke, beide nuut en gevestig. Die stadige-vrystellende aksie help om dooigrassnysels wat soms op die grasperk opbou, te verhoed. Dit is ‘n organiese en omgewingsvriendelike produk wat patogeen-vry is, vriendelik vir kinders en troeteldiere, en dit sal nooit jou grasperk brand nie. Eenoftweehandevolperm2 elke 10-12 weke is al wat jy nodig het vir ‘n welige, gesonde grasperk. www.atlanticfertilisers.co.za Bereik Nuwe Hoogtes Geen klim op lere meer nie! Hierdie nuttige gereedskapstuk van Good Roots het ʼn 1,8 m teleskopiese handvatsel wat jou toelaat om vrugte maklik direk van die boom af te pluk. Die sagte katoensak vang die vrug terwyl dit liggies met die nylonveselglastande afgetrek word. Dis…

STYLTENDENS Hierdie tema behels die aanvaarding van die aarde as ons verbintenis met die geskiedenis. Dit gee aanleiding tot ‘n effens growwe omgewing wat deur bruin skakerings oorheers word. Daar is ’n groot fassinasie met alles wat in die aarde voorkom, soos die aarde se lae, verskillende kleure van sand, minerale en klippe, asook historiese voorwerpe soos kanne of beelde wat ons aan primitiewe kuns of antieke beskawings herinner. Dit laat ons voel asof ons met die wortels van ons kultuur verbind is. Verskillende strukture van materiale word gekombineer om ‘n ryk kontras te verseker. SLEUTELWOORDE Natuurlik, mistiek, plat op die aarde, outentiek, geskiedenis, argeologie, wild en omgewingsbewus. VORMS Die vorms wat gebruik word is grof en onreëlmatig of handgemaak, wat hulle ‘n oer-voorkoms gee. Hulle is van nature kru…

STYLTENDENS Aangesien bestaande stelsels besig is om vas te klou, moet ons op elke gebied na hervorming soek. Dit behels die eksperimentering en die ondersoek van alles vanuit ‘n ander perspektief. Dieselfde geld ook vir ontwerp. Dit help om ‘n binnenshuise ruimte te skep wat vol speelse oplossings en grillige strukturele elemente is. Pype draai vrolik om mekaar voordat dit blyk ‘n lamp te wees, of reuse kettingskakels op die grond wat eintlik ‘n bank vorm. Kortom, ‘n verrassende en onortodokse benadering van beide verbruikersgoedere en dekoratiewe produkte. GEBRUIK VAN BLOMME EN PLANTE Hangplante beklee die middelpunt wanneer dit by huisplante kom. Hulle bied dikwels ‘n verrassende kontras met die basiese strukture wat in potte of muurversierings gevind word. PATRONE In hierdie geval is die patrone beperk tot strepe, ruite,…

COLEUS Vir helder blaarkleur in skaduagtige areas, behoort coleus bo-aan die lys te wees. Die helder kleure herinner ons aan lig, en sommige variëteite bied ‘n kombinasie van kleure wat enige tuinier opgewonde sal maak. Coleus kan ook in volson geplant word. Daar is byna nêrens in die tuin waar hulle nie sal aard nie. Botanikuste het Coleus scutellarioides na Solenostemon scutellarioides verander, maar hulle kan steeds in ʼn kwekery as coleus gevind word. Nuwe variëteite Bestudeer gerus die nuwe variëteite in die ‘Premium Sun’ reeks genaamd ‘Crimson Gold’, ‘Pineapple Surprise’ en ‘Watermelon’ – mooi kleure wat enige tuin sal opkikker. Hoe om te kweek Grond: Goed gedreineer met bygevoegde kompos. Lig: Volson of gedeeltelike skadu. Water: Maak goed nat, veral in houers. Voed: Organiese bemesting tydens die plantproses. Vloeibare…

Delosperma scabripes is ʼn inheemse grondbedekker wat dalk nog nie so bekend is nie, hoewel ontwerpers van spoggerige, gemengde potte vetplante en kwekeryeienaars wat vertoonvensterbakke beplant om hul klante te inspireer dikwels daarvan gebruik maak. Dis ʼn sterk en geharde platliggende groeier met dun stingels en blink pers of diepmagenta jong blare. Ouer blare is liggroen. Die sukkulente loof alleen maak daarvan ʼn wenner, hoewel die prag van ʼn massa intense magenta blomme ook heeljaar bykom. ʼn Vrolike byvoeging by ʼn versameling echeverias. Afgesien van die Delosperma scabripes is Echeveria ‘Marrom’, ‘Blue Swirl’ en ‘Carlos Blouech’ gebruik. Potontwerp: John Sauer van Ngena Succulents. Facebook @Ngena Succulents Epos: John@ngena.africa…

Met 20 jaar se kennis van tuinmaak en landskappering het Greg Dowsett alles gesien. Hy deel sy praktiese wenke, doendinge en raad oor landskappering die eerste keer hierdie maand. Wees op die uitkyk na meer van Greg se wenke in ons volgende uitgawe. Kyk vlugtig na ʼn paar van sy bekroonde tuinontwerpe by www.gregdowsett.co.za. WENK Bedek, bedek en bedek meer in die somer In die warm tyd wil jy soveel water moontlik bespaar en bedekking is een manier om dit te doen. Organiese deklae soos kompos, strooi, blare, ou saagsels, knipsels en houtspaanders dra almal tot grondgesondheid by en breek af om plante te voed. Sit jaarplante by vir kitskleur Beddingplantsorg • Maak goed nat tydens plant en sit ʼn deklaag van 5 cm booor. Hou aan natmaak as die…

STYLTENDENS Die oorvloed van krisisse het‘n aansienlike groep verbruikers genoop om hul lewens te probeer vier en al die ellende en negatiwiteit vir ‘n rukkie uit te sluit. Dit is presies waaroor hierdie tendens gaan. Dit behels ‘n vrolike, uitbundige gevoel wat bars van passie, ekspressiwiteit en kleur. Hierdie bestanddele produseer ‘n warm, someragtige atmosfeer wat aan Suid-Europa herinner, met ‘n tikkie Sentraal-Amerika wat soms by die mengsel gevoeg word. Die tema is vol dekoratiewe elemente soos patrone, yster, mosaïek, gekleurde teëls, tossels, fieterjasies en ruches. VORMS Die vorms wat gebruik word, word oor die algemeen onderskat en het‘n kontemporêre voorkoms. Dit is egter die treffende materiale wat die voorwerpe‘n intens dekoratiewe kwaliteit gee. Frilletjies en tossels word ook soms gebruik. KLEURE ’n Warm, uitbundige palet wat bestaan uit pienk,…

Tuinmaak is ʼn stokperdjie sowel as vaardigheid en word, soos enige vaardigheid, deur probeer en weer probeer geleer. Elke gesoute tuinier het baie stories oor die foute wat gemaak is aan die begin. As tuinmaak vir jou nuut is, sal ʼn begrip van hierdie algemene valstrikke jou help om hulle te vermy en jou in die regte rigting na ʼn florerende tuin toe lei. ʼn Te Groot Begin Entoesiasme is ʼn wonderlike ding en wanneer die tuingogga byt, is dit nie ongewoon vir nuwelinge om groot te droom nie. Dit kan egter gou oorweldigend raak om dadelik ʼn groot tuin aan te pak. Tyd, moeite en hulpbronne is nodig vir die bestuur van ʼn groot plek. Dit kan uitdagend wees om by te hou met natmaak, onkruidverwydering en algemene onderhoud.…

Die vars geur van kruie, die delikate geur van rose, die eksotiese aroma van frangipani en die bedwelmende reuk van jasmyn is maar net ‘n paar van die geure wat plante vir ons inhou. Ironies genoeg, is plantgeure nie daar tot voordeel van die tuinier nie (hoewel ons nogal emosioneel daaroor kan raak aangesien‘n plant se geur soms‘n herinnering aan iemand of iets in ons wakker maak), maar eerder ‘n noodsaaklike vorm van kommunikasie tussen plante in‘n chemiese taal wat bestaan uit vlugtige stowwe wat verdamp en deur die lug dryf om bestuiwers te lok. Dit is ‘n slim meganisme om oorlewing en die produksie van vrugte of sade te verseker. Geen plantsoort produseer dieselfde geur nie. Daar is dié plante wat blomme het wat in die dag, wanneer dit…

Huisplante het ʼn geliefde plek in ons huise, soos bewys word deur hul blywende gewildheid in onlangse jare. Hulle is geliefd vanweë hul vermoë om ʼn tikkie van die buitewêreld binne te versprei, ongeag waar hulle geplaas word. Maar wat as die plek waar jy hulle wil sit, nie goed geskik is vir plante om optimaal te groei nie? Ons almal het areas met “lae lig” in ons huise wat ons met groenigheid wil ophelder. Kamers met klein venstertjies, of dalk ʼn plant wat ver van die venster gesit is, bied almal ʼn probleem vir plante wat “helder indirekte lig” nodig het. Gelukkig is daar ʼn paar taai en veerkragtige huisplante wat nie omgee vir effens donkerder hoekies nie. Voor ons egter na die plante kyk, is dit belangrik om…

Tuis aan die kus Terwyl ons in ʼn klein kusdorpie in die Wes-Kaap rondry, merk ons ʼn uiters praktiese en tog elegante oplossing vir ʼn plantbaksypaadjietuin wat voortdurend deur sterk en soutbelaaide winde geteister word. Die plant, wat so kunstig benut en perfek versorg is, is die besonder gewilde Chenopodium robertianum (sin. Einadia hastata) – wat plaaslik die soutbos genoem word. Die lieflike silwergrys loof en wit stingels trek onmiddellik die oog. Dis ʼn geharde en droogtebestande vinnige groeier wat in enige formele vorm gesnoei kan word.…

Daar is egter ʼn paar voorstelle om seker te maak dat die plant in sy omgewing sal groei en gedy. Kies eerstens ʼn taai plant wat ʼn paar dae se verwaarlosing sal oorleef. Kyk ʼn bietjie na ons plantkeuse wat spesifiek hiervoor bedoel is. Stuur hulle dan weg met sorginstruksies: • Maak weekliks nat.• Gee dit volop helder lig.• Sit een maal per maand ‘n plantkosstokkie in die grond. MODIEUSE BONTHEID Peperomia prostrata Hierdie peperomia wat ook as snoer seeskilpaaie bekend is, is ʼn pragtige klein rankertjie met lang stingels en die oulikste bont blaartjies – soos seeskilpadjies. Moenie dit oorbenat nie, soos die meeste peperomias, trouens, die een-maal-per-week-reël moet dalk verleng word na elke twee weke. Hulle hou van warmte en helder lig. Peperomia argyreia Jy kan sien waarom…

Die tydskrif Grow to Eat is ʼn seisoengids vir die kweek van alle soorte eetbares en hoe om hulle in die kombuis en huis te gebruik. Die Someruitgawe wat nou te koop is, spog met artikels oor die kweek van aartappels in houers, die gebruik van pampoen sonder om te mors asook belangrike inligting oor die kweek van piesangs en druiwe. Ons kyk na ʼn paar ongewone kruie om te kweek, gee resepte vir ons gunstelingvrugtepasteie, en stel ʼn paar tegnologies vindingryke idees bekend om jou tuinmaak na die volgende vlak te voer. Maak ook ons voëlverskrikker vir jou vrugtetuin om ongewenste indringers uit te hou. Benut jou kombuistuin ten volle met die someruitgawe van Grow to Eat wat nou te koop is. Tafeldruiwe in potte Enigeen wat buite die…

Met ʼn passie vir kos en kosmaak hou Wendy daarvan om nuwe maniere te vind om produkte te gebruik wat ons in die tuin kweek. IN DIE MODE 2024 Plaaslike eksotiese produkte Dis nie meer nodig om net wasabi in Japan of quinoa in Peru te kweek nie. Tegnologie en innoverende boere is op pad om plaaslik uitheemse produkte te kweek om die koolstofvoetspoor van kos tot ʼn minimum te beperk. Wees op die uitkyk na plaaslike uitheemses in jou omgewing of kweek jou eie. Rooster al die kleure Benut ten volle die kleurryke verskeidenheid somergroente wat jy in die tuin kan oes en sit alles saam in ʼn bakpan om te rooster. Besprinkel dit met ʼn goeie olyfolie, geur met sout en peper en rooster 20 minute lank in…

Hierdie ouwêreldse kruik, bollend met ʼn Scaevola aemula-hibried en ʼn mooi verbena, is by die baie elegante wynlandgoed Vergelegen op Somerset-Wes gesien. Dit het die aandag getrek omdat • scaevolas (waaierblom) die uiterste somerhitte maklik kan verdra en windmaker genoeg is om die houer vol te maak en oor die rande uit te sprei. Hierdie vinnig groeiende meerjarige (wat meestal as ʼn langblommende jaarplant behandel en jaarliks vervang word) hou van volson, uiters vinnig dreinerende grond en natmaak slegs wanneer die grond droog voel. Verkrygbaar daarbuite: Die ‘Bondi’-reeks in ligblou en wit, en die ‘Touch’-reeks in dieppienk en indigo. • verbenas, wat in verskeie reekse en kleure te kry is, dieselfde kenmerke het. Hulle blom oorvloedig en is bestand teen die hitte, het min onderhoud nodig behalwe water wanneer die…

BESTE DAE VIR FEBRUARIE…