Innholdsfortegnelse for December 2023 i Die Tuinier Tydskrif

Kan jy dit glo! Dis alreeds Desember, en dit beteken dis somer, en lieflike weer saam met reën en hitte – alles wat ons tuine nodig het en ons met mening lank sal besig hou. Ons het somerpragstukke om vinnig kaal kolle in jou tuinbeddings vol te maak sodat daar niks vir jou skoonma is om oor te kla nie. Ons het ook ʼn wonderlike artikel oor tuinverligting en om die regte keuses te maak, terwyl daar ʼn fantastiese potresep is wat vir jou wys hoe om tropiese plante in ʼn sterk, indrukwekkende en moderne vertoning saam te voeg – bromelias (jy weet – daardie stekelrige maar mooi naverwant van die pynappel), krotons en meer. Onkruid kan nou ʼn probleem wees met alles wat vinniger groei as wat jy kan…

Jy het nodig ʼn Groot pot • Plastiekbottels met doppe om vir opvul te gebruik • Potgrond Beenmeel • Organiese 3:1:5 stadig vrystellende misstof • ʼn Verskeidenheid tropiese plante Meng saam 1 sak potgrond, 4 hande vol beenmeel en 2 hande vol organiese misstof. Sit dreineermateriaal onderin die pot om te keer dat die gate verstop en dreinering voorkom word. Maak halfpad vol met die plastiekbottels om plek op te neem. Vul in met die potgrondmengsel en laat bly ʼn kwart van die plek vir die plante. Plant eerstens die groot “treffer” in die middel, vul in met die “vullerplante” en sit laastens die “tuimelaars” in. Maak vol met die grondmengsel en maak goed nat. WENK Moenie bang wees om die plante teen ʼn hoek te plant om hulle op…

Hierdie glinsterende reeks hibriede het almal die skittering van die outydse impatiëns sonder die donsskimmel van vroeër. Hulle is pragtige dubbele impatiëns in die helderste kleure vir skadu en halfskadu, het ʼn geronde groeiwyse en blom van die lente tot in die somer. Plant hulle in tuinbeddings, hoewel hulle ook uiters geskik in potte of hangmandjies vir skaduryke patio’s is. Die plante is oortrek met blomme en dis onnodig om dooie blomme te verwyder – geniet net die kleuregloed. Hulle verkies warmer streke en word ongeveer 30 cm wyd en 40 cm hoog. Versorging • Plant hulle in ryk, klam, goed dreinerende grond. • Hulle het volop water nodig en vaar nie goed as hulle te min water kry nie. As jy sien hulle hang, moet hulle meer gereeld water…

Wat jy benodig Masjiengeskaafde hout (102 x 21 mm), noukeurig gesaag • 11 x 400 mm • 4 x 358 mm • 2 x 800 mm • 4 x 895 mm Skuur die rande van die gesaagde hout ligweg om splinters en growwe kante te verwyder. 40 mm tekskroewe 3,5 mm-skroewe Skuurpapier 1 liter wit akrielverf Verfkwas Stappe Vorm’n reghoek met twee van die 358 mm-stukke en twee van die 400 mm-stukke: die korter 385 mm aan die binnekant van die bypassende oppervlaktes. Klem dit vas en boor twee gate. Draai al vier lasplekke met die Philips-skroewe vas. Plaas drie van die 400 mm-stukke bo-op die reghoek; belyn die planke gelyk met die kante van die reghoek met eweredige spasies tussenin. Boor gate en heg dit met skroewe. Doen dieselfde…

Baie van die kwessies waarmee ek worstel is seker buite jou beheer en dalk meer rede vir gebede, maar dit kan seker nie kwaad doen as ek jou vra nie. Jy het darem meestal drome waar gemaak en wonderwerke gedoen toe ek nog ‘n dogtertjie was. Ek glo nog steeds… Eerstens, wil ek weet of jy nog altyd daai mollige ou man met die wilde baard is en nog ferm in beheer is van jou produktiewe elwe en superfikse rendiere? Of, is jy ook ‘gekanselleer’ en vervang met ‘n robot met kunsmatige intelligensie wat blitsvinnig pleitbriewe lees en geskenke aanstuur per plaaslike koerier? As laasgenoemde waar is voorsien ek probleme, want soos ek verstaan, kan KI net reageer op feite en miskien ‘n bietjie logika, maar nie op die rou…

Gee bruisende vreugde; gee ʼn Sodastream Vier met ʼn sjiek nuwe Sodastream die verandering van gewone water in bruisende skeppings! Navorsing toon dat Sodastream-eienaars 83% meer water drink wat goed is om gehidrateer te bly. Jy kan ook jou gaste op alkoholvrye drankies trakteer terwyl die nostalgiese Sodastream se psshhhhh klaarmaak vir onvergeetlike oomblikke. Dis meer as ʼn kombuisapparaat, dis ʼn volhoubaarheidstelling! Verlede jaar het hulle borrels 5 biljoen plastiekbottels vir eenmalige gebruik van afval gered. Hierdie geskenk beliggaam ekobewussyn, welwees en kombuiskreatiwiteit; en is ideaal vir geliefdes wat omgee vir die planeet, hul gesondheid en om die lewe se eenvoudige plesiertjies te geniet. Wees op die uitkyk na Sodastream by kleinhandelaars en ook aanlyn. Intrekbare slangtol Hou jou tuinslang so netjies moontlik met hierdie Garden Master 20m Retractable Hose…

Stel jou voor wit blomme wat by hangmandjies uithang of fyntjies al in die rondte deur ʼn obelisk of oor ʼn eenvoudige traliewerk op jou patio of balkon rank. Met oordeelkundige snoei kan jy hul natuurlike groeiwyse in ander vorms lei eerder as om hulle net te laat om hemelwaarts op te klim! Al drie ons gunstelinge verlang ʼn goed gedreineerde potmedium, matige natmaak wanneer hulle gevestig is, en ʼn gereelde dosis oplosbare misstof tydens die somer. Geeneen word deur plae en siektes geteister nie. Mandevilla ‘Sundaville Cosmos White’ Hierdie tropiese klimplant met sy enorme trompetvormige blomme wat elk ʼn opvallende geel keel het, blom onophoudelik en eintlik heeljaar lank. Dit is halfimmergroen in koel klimaatstreke en moet in die winter teen ryp beskerm word, is immergroen in subtropiese streke…

Ellen Willmott 1858 – 1934 TUINEIENAAR, BOTANIS, OUTEUR, MUSIKUS EN ROOSKENNER ʼn Fassinerende vrou, vol selfgeloof en vasberadenheid, een van die mees gevierde tuiniers in Brittanje. Gertrude Jekyll het haar beskryf as “die grootste van alle lewende vrouetuiniers” toe hulle albei in 1897 die Victoria-erepenning gewen het. Hoewel sy ʼn oorvloed pryse en medaljes gewen het, is sy dikwels oor die hoof gesien. Sy het in ʼn bevoorregte huis grootgeword met toegang tot ʼn deurlopende trustbetaling, en het haar tuin van 30 acre, Warley Place, in Essex, gevestig. Die tuin was ʼn indrukwekkende wonder waar sy meer as 100 000 spesies en variëteite bome, struike en plante gekweek het. Sy het plantsoekekspedisies befonds, en baie van die plante wat ontdek is, is na haar vernoem. Vandag word kultivars met Willmott’s,…

1 Physostegia virginiana Die outydse spesie is ʼn polvormende meerjarige met hoë are ligpers buisblomme – en was nog altyd ʼn gewilde tuinsnyblom. Dit het egter die geneigdheid om om te val en “gehoorsaam” plat te bly, en volwasse blomme is geneig om te gou tot bruin te verdof. Goeie teling het egter tot moderne hibriede gelei wat kompak en goed vertak is en ʼn menigte blomare maak wat nie verdof nie. Volksnaam: Skarnierplant (Obedience plant). Plantsoort: Meerjarig. Aanbevole hibried: ‘Crystal Peak White’ bied ʼn vars voorkoms met stewige stingels en regop eindstandige are spierwit blomme. Grootte: 40 cm x 40 cm. Blootstelling: Volson tot ligte skadu in die namiddag. Grondsoort: Effense suur skraal grond wat met kompos verryk is. Gebruik dennenaalde as ʼn deklaag. Nasorg: Gereelde natmaak maar nie…

PLANT NOU Lisianthus in potte Die sagte en elegante blomme van lisianthus (Eustoma grandiflorum) maak ʼn pragtige potplant uit. Hierdie plante is dwergvariëteite met langhoudende blomme van vroeglente die hele tyd tot in die laat somer. Hulle lyk dalk soos ʼn delikate soort roos, maar het wonderlike uithouvermoë as hulle vir die huis gepot word. Wees op die uitkyk na die variëteite genaamd ‘Julietta’ en ‘Carmen’ en ruil ʼn bos snyblomme vir hulle in dubbele sagpienk, helderwit en helderblou. Hulle is ook uitstekende geskenke. Vereistes is ligte natmaak, volop helder lig en tweeweekliks ʼn vloeibare plantvoedsel om hulle mooi te hou en meer te laat blom. Hierdie variëteite word 36 cm x 25 cm. OPMERKING: Die hoër lisianthus-variëteite word tot 45 cm in die tuin, maar dis moeilik om hulle…

Euphorbia pulcherrima, wat ook as die poinsettia en in die Noordelike Halfrond as Christmas star flower bekend staan, spog met helderrooi skutblare in die winter, die rede waarom dit in koel temperature in kweekhuise in Suid-Afrika gekweek word tot dit vir die winkels gereed is. Rooi is die gewildste kleur vir die feesgety, maar daar is ook ander kleure, waaronder room, geel, pienk en oranje, om voor op die uitkyk te wees. 4 gulde reëls Hou gepotte karlienblomme in volle blom met hierdie paar gulde reëls: 1. Wanneer ʼn karlienblom gekoop word, soek na ʼn plant met klein geel knoppies tussen die helder skutblare blare (dis die eintlike blomme) en loof wat vars lyk. 2. Kry ʼn plek wat goed uit direkte sonlig is maar met genoeg helder lig vir…

https://www.makro.co.za/terrace-leisure Eerste VIRSA ✓ Kan24/7buitewees ✓ Waterdigte akrielstof ✓ Aluminiumraam ✓ UV-stabiel ✓ Eenjaarwaarborg Kikker jou patio betyds op vir die somervakansie – verander dit in ʼn buiteleweplek vir ontspanning, prettige familietyd en die onthaal van gaste met ʼn moet-hê gemaklike patiostel wat alle weerstoestande kan weerstaan, ʼn hoekstel wat vir kleiner plekkies geskik is, ʼn prettige eierstoel en ʼn ontspannende hangstoel. Sit ʼn klompie potte vol kleurryke plante by en die somer wag. Dit is waaroor buitelewe eintlik gaan! 1 Die luukse Dune Swing Chair is vir gemak en ware ontspanning gemaak, die perfekte plek vir ʼn blaaskans terwyl jy kyk hoe die son sak. Kenmerke • Oxford-agterkant en -kussings • Poliësterdak • Poeierbedekte staalraam • 320 kg-gewigsbeperking • Eenjaarwaarborg 2 Die Orchid Set is stylvol, elegant en heeltemal bestand…

1 Geldplant Pilea peperomioides is ʼn speelse huisplant met skraal stingels en ronde blink blare wat soos munte lyk – en dit word algemeen die Chinese geldplant, of meer aards, die pannekoekplant genoem. Dit is bedreig in sy natuurlike habitat (China) en sy verlede was nogal twyfelagtig deurdat dit deur vlugtende sendelinge en plantjagters rondversprei en sylote en steggies later deur amateurtuiniers rondgedeel is. Die Westerse wêreld het eers in die laat 20ste eeu met hierdie plant kennis gemaak, en toe het dit in 2019 deur sosialemedianeigings gewild geword wat die prys van ʼn klein plantjie met beswaarlik worteltjies hemelhoog laat styg het. Die RHS het dit met ʼn Award of Garden Merit bekroon. Gelukkig is die plant deesdae maklik verkrygbaar teen ʼn realistiese prys. 2 Vingerpol Van Jan van Riebeeck…

Jou tuin is dalk mooi, maar dit behoort nie net om sy sierwaarde geniet te word nie. Wanneer jy ʼn paar eetbare plante bymeng, kan dit ook kombuisproefnemings aanvuur. Iets so eenvoudig soos ʼn paar roosblare of ʼn takkie roosmaryn kan gewone kombuisbestanddele in ʼn opwindende en unieke infusie verander, wat gereed is om in jou somerskemerkelkies of vakansiegebak te gebruik. Kruiestrope Kruieblare is propvol olies wat diep geure aan strope kan verleen. Vergeleke met bestanddele soos bessies gee die aardse smake balans aan suikerstrope, wat die stroop nuttig maak vir pikante sowel as soet geregte of jou gunsteling botaniese skemerkelkies. Beproef dit om ʼn kruiestroop met jou gunsteling jenewer-en-kinawater te meng en jy sal nooit weer daarsonder wil wees nie. Vir kruiestrope kan jy altyd ʼn enkele kruid kies,…

Is jy vanjaar op soek na iets anders vir ʼn Kersboom, iets wat ʼn bietjie skeppend en speels, maar ook sakpas is? Ons vetplantkersboom is net die ding. Jy het nodig: veenmos, oaseblokke (groot genoeg vir die piramiede van jou keuse), hoenderdraad, kabelbinders, ʼn broodmes, U-vormige haarnaalde, ʼn pot of laai vol sand of klippies en vetplante. Maak so: Sny die vetplante se wortels af en behou die grootste deel van die stingel. Hulle sal later na die feestyd wortelskiet, dus is dit nie ʼn probleem nie. Week genoeg oaseblokke en stapel hulle horisontaal op mekaar om ʼn regop reghoek te vorm. Sny die hoeke met die broodmes weg om dit in ʼn hoë piramiede te vorm. Draai die piramiede met hoenderdraad toe vir ekstra ondersteuning en maak die kante…

Met so ʼn groot keuse wat vir kweek in die somer beskikbaar is, kweek liewer net dit wat jy graag wil eet. Vandeesmaand kan jy kies uit die saai of plant van aarbeie, basiliekruid, bone, brandrissies, dille, eiervrugte, grasuie, komkommers, ment, mielies, okra, origanum, pampoen, seldery, skorsies, soetrissies, sonneblomme, spanspek, tamaties, vingerskorsies en waatlemoen. Maak groente en kruie soggens vroeg by hul wortels nat om swamsiekte soos poeieragtige meeldou te help voorkom. Maak gevestigde plante twee maal per week en saailinge daagliks nat as dit nie reën nie. Plant hierdie maand aartappelmoere om in April te oes. Van die baie groei in die tuin is die grond se voedingstowwe uitgeput. Gooi ʼn deklaag kompos oor en maak al jou plante goed nat met ʼn vloeibare plantvoedsel, wurmtee of seewiervoedsel. ʼn…

Kattekruid is raak benoem omdat dit alom as die kruid vir katte bekend is, en enige huishouding met een of meer katte moet hul kietsies ʼn guns bewys en dit kweek. Kattekruidplante (Nepeta cataria) groei maklik van saad en kan tot 60 cm hoog word, mits daar nie katte naby is wat daarop kan rol en dit kan platlê nie. Die getande donkergrysgroen blare het ʼn sterk ontsmettende mentagtige reuk soortgelyk aan polei. Hierdie reuk is onweerstaanbaar vir katte en is oënskynlik soortgelyk aan die feromone wat ʼn seksueel gelukkige reaksie by hulle uitlok. Vir ʼn gereelde voorraad probeer kweek dit in ʼn hangmandjie, of in ʼn pot wat met ʼn ou voëlhok of ander bedekking toegemaak word waarin die katte nie kan kom nie. Rantsoeneer dit dan as lekkerny.…

As al die aanhou van koi jou lewe interessant maak, is dit waardevol om te noem dat koi ʼn bietjie liefde en aandag nodig het en in ʼn veilige, gelukkige omgewing versorg moet word. Koi is sosiale diere wat daarvan hou om saam met ander koi aangehou te word en nie alleen gelaat te word nie anders kruip hulle weg en is ongelukkig. Hulle het elke dag goeie watergehalte en voedsame kos nodig om gesond te bly. Hier is ʼn gids om jou koi in ‘n gesonde omgewing te hou, en om ʼn suksesvolle koidameienaar te wees. Hoe om jou koivis te versorg Daaglikse behoeftes: Voed jou koi soggens en hou vir seker dop hoe hulle die kos eet. Dis hoe jy weet of hulle ʼn gesonde eetlus het. Indien…

Tuiniers geniet ideaal gesien hul tuin op warm somerdae al is onderhoud en natmaak noodsaaklik vir pragblomme en heerlike eetbares. Benut die “benat”-dae deur gereelde natmaak in te kort vir minder moeite en nog meer deur vloeibare misstof vir patioplante in gieters by te voeg. Bedek beddings en potte oorvloedig op gemerkte dae. Verwyder dooie blomme vir saad op “oesdae” in die laastekwartierfase, en dan ná nuwemaan vóór volmaan om nuwe blomme aan te moedig. Die feesnaweek is ideaal om kruie en slaaie te pluk. Deur Ilona Thorndike…