Innholdsfortegnelse for November 2023 i Die Tuinier Tydskrif

Die somer is in volle gang en baie van ons wonder waar die maande, weke en dae heen is! Teen die tyd dat jy hier lees, is dit oor net twee maande Kersfees. Hoe vlieg die tyd nie! Maar terug na die somer. Ek hou van hierdie tyd van die jaar met sy langer dae en die meer tyd op die stoep in die aande om net te sit en die mooi lig in die tuin te geniet! Ek hoor baie mense sê hulle worstel met plantkeuses om tydens die somermaande te plant en te geniet. Moenie jou bekommer nie, ons span het die plantwêreld deursoek en net die beste keuses vir jou uitgesoek – trouens, en jy kan maar lekker lag, ons het baie opbouende argumente? gevoer oor wat…

Ons het ʼn paar outydse staatmakers afgestof wat maklik by plaaslike kwekerye te kry behoort te wees en perfek is vir ʼn winderige kustuin met ʼn Mediterreense klimaat. Jy kan op hulle staatmaak om kaal kolle tussen ander plante te vul wat in volson in vinnig dreinerende sandgrond groei. Hulle verdra ʼn bietjie koue en ryp, ook somer-en winterreënval, maar sal nie gelukkig wees in ʼn vogtige subtropiese klimaat nie. Heliotropium arborescens ‘Royal Marine’ Hierdie outydse en steeds gewilde sagtehoutstruik het ʼn spreidende groeiwyse en persgetinte dofgroen blare met ʼn growwe tekstuur. Dit raak ʼn lus vir die oog wanneer dit groot trosse donker blouerige pers blomme met ʼn lieflike vanieljegeur dra. Blomtyd is van die lente tot laatsomer. Hierdie klein struikie van 90 cm by 70 cm groot is…

TEEN DIE MUUR OP Die maklikste manier om vertikale ruimte in jou tuin te gebruik, is deur voordeel te trek uit ʼn aksentpunt wat dikwels misgekyk word – mure. Mure word gewoonlik met ʼn funksie in gedagte gebou, maar kan ook estetiese waarde toevoeg wanneer die plek ten beste benut word. Deur bloot ʼn paar hangende plantbakke vol plante vas te maak, kan die oog boontoe trek en ʼn plek skep wat heeltemal deur groenigheid omring word. Voer jou ontwerp na die volgende vlak deur gedetailleerde plantbakke en sierlike aksentpunte te kies om die vertikale elemente die ster van die vertoning te maak. Maak die houers vol taai rankplante (vetplante vaar veral goed) wat mooi ondertoe tuimel met min sorg. As jy nie plantbakke wil ophang nie, het ʼn eenvoudige…

Golwend groen Smaragsiervarings – wat uiters gewilde huis-en tuinplante is – is nie ware varings nie, maar is wel verwant aan die eetbare aspersie. ʼn Mens kan egter vergewe word as jy dink dat Asparagus densiflorus ‘Green Ripple’ ʼn varing is vanweë sy blare met die sagte tekstuur en geboë stingels wat soos varingblare lyk. Die naaldagtige heldergroen blare is al met die stingels langs diggepak en die hele effek is sag en bollend tot jou strelende hand aan die skerp klein stekeltjies raak wat op die stingels weggesteek is. In die somer verskyn ʼn massa klein wit blommetjies wat deur rooi bessies gevolg word. Hierdie pragtige immergroen plant is ʼn kruising tussen A. ‘Meyeri’ (katstert) en A. ‘Sprengeri’ (mandjie-asparagus) en fantasties om binne of buite in houers of in…

Basiliekruid (Ocimum basilicum) is boaan die lys van moet-kweekkombuiskruie vir die somer vanweë sy geurige blare wat lekker is in slaaie, op pizzas, in somerse tamatiesouse en pastas. Hierdie eenjarige kruid groei maklik van saad en hou van son of halfskadu (namiddagskadu) en grond met volop kompos in wat goed dreineer. Basiliekruid groei ook goed in houers wat ʼn bietjie namiddagskadu kry. Gee basiliekruid meer gereeld water as ander Mediterreense kruie (soos tiemie, roosmaryn en salie) en die grond van veral dié in potte moet nie uitdroog nie. Voed dit maandeliks vir welige blare, maar twee maal per maand as dit in ʼn pot gekweek word. Knyp die groeipunte van klein plantjies uit om bosagtige groei aan te moedig. Metgeselaanplanting: Dis ʼn bekende metgeselplant vir tamaties wat na bewering meer…

As jy op soek is na ʼn houerkombinasie om jou somertuin op te helder, kan jy nie ʼn fout maak deur hierdie klassieke tuinplante saam te voeg nie. Hoewel dahlias, salies en petunias alleen goed lyk, lyk hulle selfs beter saam, met kontrasterende kleure om te verseker elke blom skitter. Hoekom dit werk Oorweeg ʼn paar goed wanneer besluit word watter blomme om saam in ʼn pot te plant. Plantsorg moet voorop in jou gedagtes wees en maak seker elke plant hou van dieselfde grond-, water-en ligtoestande. Die gebruik van plek is belangrik vir ontwerp, en hou by ʼn kombinasie van hoë en middelgroot plante met laaggroeiendes wat oor die kante rank. Kleur is nog ʼn ontwerpfaktor omdat verskillende kleure op verskillende maniere mekaar uitbring of op mekaar reageer. Hierdie…

NUUT! INTEKENING-WINSKOPIE! Teken vir 1 jaar in op Die Tuinier, betaal R49 maandeliks en SPAAR 30% Teken vir ʼn hele jaar in, maar geniet die gerief van maandelikse betalings. Hierdie winskopie geld slegs wanneer inskrywings aanlyn gekoop word. www.thegardener.co.za Hoe lewer ons jou intekening af? ʼn Afleweringsdiensverskaffer lewer dit in stedelike gebiede per hand af. Plattelandse intekenings word per Suid-Afrikaanse Posdiens gestuur of vra ons vir ʼn kwotasie om jou tydskrif maandeliks per koerier te laat aflewer. Teken in NOU! Hê ʼn kans om 2 ADDIS blomplant-potte te WEN Waarde R1000 Teken in of hernu jou jaarlikse intekening van 23 Oktober tot 20 November 2023 en jy word ingeskryf vir ʼn wenkans in die kompetisie. Die wenner word telefonies of per e-pos gekontak (minstens 14 dae na die kompetisie sluit). Slegs…

Wat jy nodig het 1 stuk dryfhout3 skulpe11 oogskroeweKetting: 1 x 110 mm lank; 2 x 160 mm lank; 3 x 50 mm lank; 1 x 500 mm lankWoodoc Water-Borne MARINESpatel vir roerLiniaalSkuurder/skuurpapier 120-grintBooraandrywerBoortjies: 1 mm en 2 mm, veeldoeligSoldeerboutVerfkwasPotloodSykniptang Snylys: 2 x Dennehout (42 mm x 5 mm) 200 mm lank1 x Dennehout (42 mm x 5 mm) 300 mm lank Stappe 1. Gebruik een 42 mm x 5 mmdennehoutstrook van 1 m lank, merk en sny die hout soos volg: 2 stukke 200 mm lank en 1 stuk 300 mm lank. 2. Skuur die kante en oppervlak van die hout liggies en maak seker al die growwe plekke is glad. 3. Teken jou motief lig met potlood op die hout. Deur lig te teken, kan jy dit maklik…

Terwyl ons op die stoep die Sondagkoerante met ‘n gedeelde leesbril bestudeer het en losgetrek het met negatiewe kommentaar oor die inhoud daarvan en veral kospryse, het ons ou vriend skielik sy oë gesluit. Ons het respekvol stilgebly omdat ons gedag het hy spreek die Hoër Orde aan. Toe kom daar ‘n diep sug: “Ai, ek verlang so na my ma se kerrieafval!”. Ek het laat hoor dat ek eerder varsgesnyde kikoejoegras sal eet as die binnegoed net voor die stertkant van ‘n kosdier – ek hou darem van beesstert en vet skaapstertjies. Ons begin toe praat oor skaapkoppe wat hy beskou as die tweede beste ding om te eet, gevolg deur ‘n uitgebreide beskrywing van die harsings, tong, oë, en wange. Ek het my slap gegril en hom vertel…

Avondale se reis het by die oorspronklike eienaars, Jack en Julie Grieves, begin. Dié ywerige tuiniers was verantwoordelik vir die plant van talle van die volwasse bome wat die landskap tans versier. In 2000 is die eiendom verkoop en het die nuwe eienaars met ʼn vernuwingsprojek begin. Die volgende 22 jaar het die tuin van gedaante verander van ʼn hoewe met stalle en weiding vir perde na ʼn belandskapte, bewerkte tuin. Baie jare lank het die tuin in die Engelse styl met sy kleurryke beddings besoekers plesier gegee. Die eienaars het later aangrensende eiendomme gekoop, die tuin uitgebrei en in ʼn manjifieke oase omskep. Namate die tyd verbygegaan het, het droër toestande en ‘n belangstelling in inheemse plante posgevat en tans word die aandag toegespits op inheemse spesies en die…

Plumbago auriculata ‘Royal Cape’ Suid-Afrika het vir die res van die wêreld ‘n wonderlike geskenk gegee in die vorm van plumbago, ook blousyselbos genoem. Hy is oral as geliefde tuinplant verwelkom wat met oorgawe blom en parmantig oor ander plante klouter. Hy versprei ook deur lang lote oor betreklik groot areas te anker, en rank teen bome op agter die son aan. Daar is ook ‘n meer kompakte vorm ontwikkel met helder diepblou blomme, genaamd ‘Royal Cape’, wat ons harte gesteel het. Die loof is kruisementgroen, en die nektarryke blomme lok voëls en die gewone blou skoenlapper. ‘Royal Cape’ kan koue en ligte ryp verdra, en as hy nie te veel skade opdoen nie, sal hy kort voor lank weer in die lente bot. Hy is ideaal geskik vir winderige…

In die somerhitte gedy jakobregoppe in droë toestande en blom mooi en lank. Gee hulle die nodige basiese sorg en hulle sal heelsomer en tot in die herfs uitmuntend presteer. • Plant hulle in goed dreinerende grond wat oorvloedig met kompos verbeter is om dit te verryk.• Maak seker hulle kry volop son – minstens ses tot agt uur per dag.• Berei die plek voor voordat die saailinge oorgeplant word omdat hulle aan oorplantingskok kan ly. Voorkom dit deur die plante versigtig uit die kwekeryhouer te haal deur elke bakkie van onder af op te druk tot die plante uit is. Plant dit in gaatjies wat net so diep as die holtes is.• Maak goed nat wanneer geplant word en maak dan onder die plante nat wanneer die grond 5…

Een van ons nuwe gunstelingvariëteite is die Coreopsis ‘UpTick’-reeks wat met tweekleurige blomme verkrygbaar is en effens groter blomme as enige van die ander het. Hierdie hibriede het talle pryse gewen en blom vanaf vroeglente voortdurend tot laatsomer. Hulle het ʼn netjiese geronde vorm, is hitteverdraagsaam, meeldoubestand en ʼn minsorgplant. Hul behoeftes Plant hulle in volson in goed dreinerende grond. Gee hulle ʼn hupstoot deur maandeliks met ʼn algemene stadig vrystellende produk te bemes. As hulle eers gevestig is, is waterverbruik matig. Opmerking: Coreopsis lanceolata het ʼn indringer in Suid-Afrika geraak, ding mee met en verdring inheemse plantegroei, en is giftig vir lewende hawe. Bly by die hibriede om seker te maak jy dra nie tot die probleem van hierdie kategorie 1-indringer by nie. Het jy geweet? Die naam “coreopsis”…

Dinge om hierdie maand in die eetbare tuin te doen Saai of plant die toptiengroente wat goed vaar in die lente – groenbone, wortels, vingerskorsies, komkommers, eiervrugte, blaarslaai, aartappels, pampoen, tamaties en suikermielies. Voed nuutgeplante of gesaaide groente en kruie tweeweekliks met ʼn vloeibare misstof. Hou alle eetbares goed benat namate die temperatuur styg. Hou dop vir slakke en naakslakke en gebruik troeteldiervriendelike lokaas om hulle te vang, of vang hulle snags met ʼn flits en versuip hulle in ʼn emmer seepwater. Lentesnoei vrugtebome en verwyder alle dooie of beskadigde takke om te keer dat siektes versprei. Maak seker die boom het oral genoeg lig sodat al die vrugte wat set genoeg sonlig kry. Beskut klein saailinge teen die strawwe son tot hulle ʼn sterk wortelstelsel het en groot genoeg…

Die span van die tydskrif Grow to Eat het bloubessieboer Pieter Duif gevra wat sy kundige wenke is om bloubessies tuis te kweek. Dis wat hy gesê het: • Eerstens is die grond-pH uiters belangrik. Die grond moet suur wees met die ideale pH van 4,5 tot 5.• Goeie dreinering is noodsaaklik, gebruik dus groot potte van 40 L en groter met baie son. • Wat voeding betref, bly weg van die gewone stikstofvoeding met ʼn nitraatbasis; hulle moet die ammoniumvorm van stikstof kry. Bloubessiewortels is uiters delikaat en brand redelik gou van ʼn oordosis misstof. Gebruik klein hoeveelhede op ʼn keer. ʼn Misstof wat spesifiek vir plante soos asaleas of kamelias bedoel is, werk goed vir bloubessies. Benut jou kombuistuin tuin ten volle met die lente-uitgawe van Grow to…

Die natuurlike groeivorm is vaasvormig met halfbuigende, diggetroste en stafvormige stingels wat are fyn blomme dra wat soos fladderende skoenlappervlerkies lyk. Dit blom van vroeglente tot laatherfs en lok swerms bye en skoenlappers. Hoewel daar talle engelvlerkiehibriede is om te plant wat van spierwit, pienk, donkerpienk tot amper rooi wissel, het dié Gaura ‘Ice Cream Pink’ met sy mooi tweekleurige sagpienk-wit blomme as nuweling ons aandag getrek. Dis maklik om engelvlerkies suksesvol in volson of oggendson, en in komposverrykte goed dreinerende leem-of sandgrond te kweek. Gebruik hulle as langblommende gatvullers in gemengde beddings, graslandtuine of tussen jou rose. Nasorg • Yl en langbenige groei beteken dat die plant nie genoeg teruggesny word nie. Knip dit liggies reg na ʼn goeie blommedrag laatlente om vars somergroei aan te moedig, en snoei…

Baie organiese tuiniers meng hul praktiese metodes met Maantuinmaakbeginsels omdat dit mekaar en ʼn volhoubare omgewing ondersteun en albei seisoenale vloei-en natuursiklusse op prys stel. Ons maandgids dui die beste dae vir spesifieke tuinaktiwiteite aan wat deur maantuinmaakreëls, die posisie van die maan en die natuurelemente vir daardie dag bepaal word. In midsomer is tenger saailinge in gevaar van hitte en plae. Let op die dae om te “benat” en vir “plaagbeheer” om te verseker hulle gedy en blom. BESTE DAE VIR NOVEMBER…

Wenbrief Hallo Tanya… Baie dankie vir al die inspirasie oor die afgelope paar jaar. Ek het gedink ek wil hierdie foto’s van my tuin en sy omskepping van 2021 tot 2022 met julle deel. Hierdie lente sal beslis net meer vreugde en groei bring met al die nuttige raad en inligting wat in die bladsye van Die Tuinier vervat is. Hou aan met die goeie werk! Yogan Hallo Yogan, ongelooflik! Jy was baie besig en het ʼn absolute meesterstuk geskep. My hart is vol in die wete dat die bladsye van Die Tuinier jou geïnspireer en al die pad gelei het. Nou vir die volgende projek! Baie dankie dat jy dit gedeel het, Tanya Verbeterde doeltreffendheid deur innovering Ek het hierdie boom van sy snoeisels probeer plant, maar hulle gaan altyd…

Cupressus macrocarpa ‘Goldcrest’ het al die kenmerke van ʼn goeie konifeer – ʼn mooi vorm, helder goudgeel loof wat as dit gekneus word soos suurlemoen ruik, en genoeg van ʼn denagtige voorkoms om as Kersboom in te staan as dit nodig is. Boonop het dit ʼn bekroonde status (RHS) en is daarom ʼn goeie belegging as boom. Buite kan ‘Goldcrest’ meer as 5 m hoog word, hoewel daar ook dwergvariëteite is wat perfek vir houers binnenshuis is wat ongeveer ʼn meter hoog word. Sommige sipreskonifere kan tot 40 m hoog word, gevolglik is dit betreklik klein vir konifere. Onthou egter hulle is bome en verlang soveel lig as wat jy hulle moontlik binne kan gee – minstens ses tot agt uur per dag. Hoe om ʼn sipres in ʼn pot te…

As dit by saad kom, is die span by MayFord die kundiges. Hulle spoor die beste saad op sodat jy, wanneer jy ʼn pakkie koop, verseker is van vars saad wat hermeties verseël is om vir jou die beste geleentheid vir ʼn goeie ontkiemingskoers te gee. Hou jou oë hierdie somer oop vir die volgende: Megapakke Die gewildste saad wat ons almal in ons tuine wil hê, is nou in Megapakke te kry. Dit bied jou ekstra saad, wat beteken ekstra plante vir die helfte van die prys van die oorspronklike reusepak. Dis ʼn uiters koste-effektiewe manier om jou tuin vol kleur te maak. MayFord Nuttige ikons Met een oogopslag kan jy op ʼn rak met MayFord-saadpakkies maklik sien watter verskeidenheid saad ons vir jou bied. Die nuttige ikons op…

Kleurryke jaarplante Van die beste jaarplante kom voor onder Scabiosa atropurpurea (speldekussingblom) en kan suksesvol van saad gekweek word. Die kleure wissel van antieke roomkleure tot dieprooi en boergonje en die blomme lewer ʼn mooi vertoning in ʼn veldtuin of in groepe na agter in blombeddings. Koop die saad aanlyn by www.adeneflowers.co.za wat ʼn pragtige kleurreeks het. Hul behoeftes • Volson.• Goed dreinerende grond wat nie te ryk is nie – hulle kan in te ryk grond omval.• Maak matig nat, en hulle is droogtebestand as hulle eers gevestig is.• Vermy vogtigheid en erge hitte.• Verwyder gereeld dooie blomme.• Hulle het langhoudende snyblomme en skulpturele saadpeule. Plaaslike variëteite • Dalk het jy al toevallig ʼn paar van hierdie variëteite in die inheemse afdeling van jou plaaslike kwekery opgemerk. Hulle is…

Die proses om ʼn paar nuwe helder en blink lewende juwele vir jou versameling te kies, is vir die meeste koi-eienaars die hoogtepunt. Dit kan egter tot stres lei as jy baie jare lank nie koi by jou dammetjie bygevoeg het nie. Al die ouer koi in jou versameling was afgesonder, is nie aan sekere patogene en parasiete gewoond en nie aan iets nuuts blootgestel nie. Die beste manier is dus om nuwe koi wat jy graag by jou huidige versameling wil voeg eers onder kwarantyn te hou omdat medikasie moeilik is en dit onmoontlik is om alle mikrobes te dood. Ek beveel aan dat jy ʼn opslaanswembad (portapool) koop om as kwarantyndam te gebruik. Dis ʼn koste-effektiewe manier wat maklik is om op te slaan en weg te bêre.…