Innholdsfortegnelse for October 2023 i Die Tuinier Tydskrif

Vir Adene het die reis begin met ‘n liefde vir tuinmaak en ‘n begeerte om die mooiheid van blomme met ander te deel. Adene is geïnspireer deur haar ma se tuinargitektuurstokperdjie en haar oupa se passie vir tuinmaak. Adene het in kwekerye grootgeword en ontelbare ure daar deurgebring, iets wat haar aanvanklik verveel het maar wat uiteindelik in‘n waardering vir die lewendige wêreld van plante ontwikkel het. “Ek het dit gevrees om kwekerye toe te gaan toe ek klein was, want ek het geweet my ma sou ure lank deur die plante dwaal,” sê Adene. Nou verskuif die toneel na ‘n paar jaar gelede, toe Adene haar man gevra het om‘n klein groentetuintjie op hulle plaas aan te lê. Min het sy besef dat hierdie nederige versoekie die katalisator vir…

Die pretensielose maar sterkgroeiende Viola odorata ‘The Czar’ is ʼn immergroen spreidende grondbedekker met donkergroen hartvormige blare wat gelukkig groei in ligte skadu in klam grond met baie kompos in. Wanneer dit lente word, vul dit die lug met sy drywende soet geur van ʼn oorvloedige oes van baie mooi violetblou blomme aan dun draderige stingels. Alle dele van hierdie plant kan geëet asook medisinaal gebruik word. Dit word ook as valgewas gebruik om insekte van kool, krulkool, blaarslaai en spinasie af weg te lok. Dit plant maklik voort van lopers.…

Min bolle het die durf, krag en prag van die amarillis. Hulle gee jou baie goeie wins op jou uitgawe met ʼn lang lewensduur en vermeerder oorvloedig as hulle reg versorg word. Amarillisbolle (Hippeastrum-hibriede) kan van September tot Desember geplant word om hulle te manipuleer om voortdurend te blom. Hoewel bolle wat reeds uitgespruit het (wat gewoonlik deur ʼn warmer temperatuur aangewakker word), dadelik geplant moet word nadat hulle gekoop is, kan dié wat nog rustend is in bruinpapiersakke in die groentelaai van die yskas gehou word om hulle langer rustend te hou. As hierdie bolle aan die begin van November geplant word, sal hulle Kerstyd blom – vanwaar hul ander Engelse volksnaam“holiday flower”. Onder die talle hibriede kan jy dié met enorme blomme, dubbelblomme en selfs miniatuurblomme verwag. Sommige…

Met treffende loof in ʼn reënboog van kleure is heucheras noodsaaklike toevoegings tot moderne tuine. Hierdie plante – wat algemeen as koraalklokkies bekend staan – is bekend vir hul veelsydigheid en verleen heeljaar interessantheid met ʼn versameling kleure wat wissel van boergonjerooi tot goudkleurig. Heucheras was lank die liefling van die boslandtuin danksy hul Noord-Amerikaanse habitats en gewildheid onder die Victoriane. Onder die hand van ervare kwekers het hulle oor die jare van hul oorspronklike groen blare ontwikkel in kultivars wat ʼn massa kleure vertoon, wat menige keuses vir alle tuiniers bied. Of dit nou in houers, beddings of mandjies is, verleen heucheras ʼn helderheid wat die skaduplekke van jou tuin ophelder. Hierdie plante is ʼn ontwerper se droom wat landskappering betref. Hul ongelooflike verskeidenheid blaarkleure, -teksture en-vorms saam met…

White Maize ‘Nevada’ Die nuwe ‘Nevada’-witmielie, ʼn uitstekende saadvariëteit, is net betyds vir die somer. Dis besonder siektebestand met goeie graangehalte en is selfs reg vir kleinskaalse boerdery. Ook is dit perfek geskik vir organiese boerdery, en in antwoord op ʼn dikwels gestelde vraag veral met betrekking tot mielies is ‘Nevada’, net soos die geval met alle MayFord-produkte is, heeltemal nie-GMO. www.mayford.co.za Word ʼn tuinontwerper Lifestyle College bied reeds 32 jaar lank Landskapontwerpkursusse aan deur dosente wat kundiges in hul veld en passievol oor onderrig is. Hier is ʼn paar van die opwindende kursusse wat binnekort aangebied word: • Landskapontwerp – 28 Oktober• Kweek Organiese Vrugte en Groente – 18 November• Landskapontwerptekenkursus – 18 November Bel 011 792 8244 of 084 668 1568, of e-pos: enquiries@lifestylecollege.co.za vir meer inligting. Hope…

“My droom vir ons tuin was om ‘n plek van vreugde en vrede te skep waarin al die seisoene waardeer kan word, waarin vertoef en nagedink kan word, en wat ‘n veilige hawe vir ons kleinkinders kan wees om in te speel.”– Petro Meintjes. Die Meintjes-gesin kon nie ʼn beter plek gekies het om hul stylvolle huis en tuin te bou as op een van Suid-Afrika se beroemde gholflandgoedere nie – die pragtige Fancourt wat deur die Outeniekwaberge op die Tuinroete van die Suid-Kaap beskut word. George en sy omgewing het ʼn gematigde klimaat met geen ryp of uiterste koue nie en geniet ʼn hoë winter-en somerreënval. Die tuin is oorspronklik in 2015 deur Mariénne Uys ontwerp toe die huis gebou is. Sy het ʼn algehele ontwerpplan geskep wat in…

Daar is verskeie spesies dianthus, insluitend die gewone angelier – Sweet William of China Pink, soms eenvoudig ‘pinks’ genoem. Die rede hiervoor is dat hulle dikwels in die kleur pienk voorkom. Sommige mense sê selfs dat die naam verwys na hulle krullerige blomblare, al asof dit met ʼn kartelskêr gesny is. Dianthus is deesdae beskikbaar in ʼn reeks helder kleure wat wissel van spierwit tot donker en dramatiese rooi, en al die skakerings en tweekleurige variante tussenin. Dianthus-beddingplante is perfekte eenjarige plante vir ʼn kothuis-styl tuin, maar leen hulle ook tot eenkleurige massa-aanplantings. Hulle vaar ook baie goed in houers. Plant hulle naby die huis om heeldag lank die speseryagtige geur te geniet. Hulle is ook uitstekende snyblomme. Wat hulle nodig het • Hulle is sonbehoewende eenjarige plante wat minstens…

Dis tyd om jou innerlike blommekunstenaar aan te gryp en pragtige blomme uit jou tuin in te bring. Die beste blomme vir snyblomme is blommende meerjariges, struike en selfs blombome met loof omdat dit lank in die water hou en heeljaar groenigheid verskaf. Dis wat jy nodig het om aan die gang te kom: ●ʼn Vaas wat met warm water en ʼn bietjie bleikmiddel skoongewas is.● Louwarm water – dit help dat die blomme vinniger drink.● Snyblomvoedsel.● ʼn Skoon, skerp snoeiskêr.● ʼn Emmer skoon water.● Jou blomme en groenigheid.● Bloemisteband, na keuse. Kom ons raak skeppend • Maak jou vaas driekwart vol louwarm water. Voeg ʼn bietjie blomvoedsel by en roer goed.• Plak ʼn rooster van bloemisteband op die vaas wat die blomme op hul plek sal hou, of sit…

Intekening winskopie Skryf nou in en spaar 30%! • Druktydskrif 12 uitgawes R540 Spaar R228 – 30%-afslag op die omslagprys• Digitale tydskrif 12 uitgawes R430 Spaar R338 – 44%-afslag op die omslagprys Hoe om in te skryf? • Kontak ons by 031 003 0940• E-pos ons by subs@thegardener.co.za• Vul die vorm hieronder in en WhatsApp dit aan ons.• Skandeer die QR-kode om aanlyn in te skryf en betaal per kredietkaart Hoe lewer ons jou tydskrif af? ʼn Diensverskaffer lewer tydskrifte in stedelike gebiede met die hand af. In plattelandse gebiede word jou tydskrif met die Suid-Afrikaanse Posdiens gestuur, of vra ons vir ʼn kwotasie om dit maandeliks per koerier af te lewer. Vul die vorm hieronder in, neem ʼn foto en Whats-App dit na 061 866 7780. Teken in of hernu…

Die aanbevole aktiwiteite vir die eerste en laaste naweek van die maand is dieselfde omdat daar h hele maansiklus tussenin is; dit maak die laaste naweek ideaal vir opvolgaanplanting van wortelgroente en knolle. Blommende eetbares en struike groei goed as hulle nou geplant word. Sagtehoutkruiesteggies op die dae bewortel maklik; pot die wat die eerste naweek gemaak word die laaste naweek. "Skerp groente"-dae na nuwemaan is ideaalvir blaarvarieteite soos mosterd; en die dae net voor volmaan is vir vrugtesoorte soos soetrissies. BESTE DAE VIR OKTOBER…

Hallo Tanya… Jy verwys na Supertunias in uitgawes. Kan jy ons help met inligting oor waar ons van die saad kan bekom asseblief? Nie een van die bekende saadverskaffers soos Kirchoffs of Mayford hou dit aan nie. Hoor graag van jou. Phillip Wenbrief Hallo Phillip, Dit is inderdaad ʼn baie goeie vraag. Supertunias is eintlik letterlik petunias op steroïede. Die Supertunia is deur die kruising van goeie ouerplante geskep. Die rede waarom hulle so lonend vir die tuin is, is vanweë verskeie faktore waarvan die belangrikste waarskynlik is dat hulle “selfskoonmakend” is – die dooie blomme val bloot af en hoef nie afgesny te word nie. Soos die meeste petunias is die plant se lewenstaak om te blom en dit met saadskiet op te volg om die volgende geslag te…

Ons het in vorige uitgawes vertel van die fantastiese Agapanthus ‘Blackjack’ wat die hooggeagte Plant van die Jaar 2023 gewen het, wat vanjaar beslis op die lys van goeie aankope moet kom. Moet egter nie vergeet om nog twee van planttelers Andy De Wet en Quinton Bean van De Wet Breeders (Hartbeespoort) by te voeg nie – Agapanthus ‘Great White’ en Agapanthus ‘Everpanthus Midnight Sky’. ‘Great White’ Met supergroot blomkoppe is dié agapanthus net soos ʼn groot wit haai in die see – indrukwekkend, majestueus en sterk. Dit het kompakte loof en word ongeveer 50 cm x 50 cm in ideale toestande. Plant hulle in volson of halfskadu. Hulle is kouegehard, maar moet net teen ryp beskerm word. ‘Midnight Sky’ Deel van die ‘Everpanthus’-reeks agapanthus wat deur De Wet Breeders…

Groente… WAT IS NUUT Miniskorsie ‘Colinky’ is is ʼn minibasterskorsie met die vorm van ʼn klein Hubbard-pampoentjie met ʼn soet, neutagtige smaak en ʼn dun, eetbare skil wat ook maklik is om af te skil. Dis deur die Sakata-saadmaatskappy in Japan ontwikkel. Die vrug is goudoranje, net 15 cm in deursnee en weeg 1 tot 2 kg. Die rou skorsie kan by slaaie ingemeng, in toebroodjies gebruik en as peuselhappie geëet word. Dis heerlik in pastas, roerbraai-en stowegeregte, soppe en meer. Hierdie skorsie wat gou bekwaam word, dra vier tot vyf skorsies per plant. Dis die beste om die vrugte te oes wanneer dit jonk en sag is, binne 65 tot 75 dae na direkte saai. Om te Kweek: Plant dit in volson, in vrugbare grond met volop kompos in.…

In sy gepotte vorm word die gewilde huisplant Ficus microcarpa dikwels Ficus ‘Ginseng’ genoem wat as ʼn maklike groeier en om sy unieke vorm bekend is. Ginseng is die Chinese woord vir wortels en die naam is aan sy unieke wortels ontleen. Interessant genoeg kan dié boom in die natuur in China en Maleisië tot 20 m hoog word, maar dit bly kompak deur sy wortels in ʼn houer in te perk. Die grootte hang dan van die houergrootte af. Uit sy wortelvorms kan maklik gesien word hoe dit in vogtige tropiese manglietwoude en-moerasse sal gedy. Ficus ‘Ginseng’ is ʼn wonderlike geskenk vir beginner bonsaientoesiaste vanweë sy min onderhoud en vergewensgesindheid wanneer die kuns beoefen word. Kweek en versorging Gebruik hierdie gids om jou plante welig en gesond te hou:…

Die gerifde vorm van die breinkaktus genaamd Mammillaria elongata ‘Cristata’ is nie ʼn natuurlike verskynsel nie, maar eerder ʼn mutasie weens fisieke skade wat aangerig word aan sy apikale meristeem wat in die punte van die wortels en nuwe lote teenwoordig is. As dit deur ʼn insek gevreet of opsetlik deur ʼn mensehand beskadig word, lei dit tot ʼn dolle vorming van selle wat gekronkelde en bogtige groei met hope stingels en kinkels in ʼn stywe bondel vorm. Hierdie betreklike klein plantjie (sowat 15 cm hoog) is bedek met fyn, haaragtige dorings wat daaraan ʼn bleek groengryserige kleur gee wat soos ʼn brein lyk. Vertoon dit in ʼn vlak bak met ʼn deursnee wat net wyer as die plante is. Sommige versamelaars met ʼn voorliefde vir die vreemde en die…

Dis verspotmaklik om Rudbeckia hirta ‘Denver Daisy’ te kweek met sy groot goudgeel madeliefieagtige blomkroonblare wat met mahonieborselstrepe rondom ʼn opvallende sjokoladebruin keëlskyf bespat is. Hierdie hibried van die uiters geliefde Amerikaanse veldblom is geteel om die 150ste bestaan van die Stad Denver te vier. Dit word geklassifiseer as ʼn verdraagsame tweejaarplant of kortstondige meerjarige wat goed vertak is met effens harige blare en stewige blomstingels. Die volwasse grootte is 60 cm by 50 cm. ʼn Uitstekende rede om dit te plant: Jy sal tot diep in die herfs ʼn mooi snyblomoes sonder einde hê en goeie winterbelangstelling wanneer die keëls droog raak van ʼn paar uitgeblomde stingels wat aan die plant gelaat is. Kweekaantekeninge • Volson.• Grond met volop kompos in en verdraagsaam teen kleigrond.• Maak op die grond…

Ons het ‘n lang dag gehad en was belas met bagasie. Afgesien van ‘n groot kaaskoek, twee bakkies bokbaaivygiesaailinge, sakke met gebottelde water en ander eetgoed, ‘n blik Frisco-koffie, baniere en dik winterjasse, het ons ook rugsakke en loodswaar koffers gehad. Die inboekery by‘n reuse ou gastehuis was redelik vinnig, maar die ontvangsdame het nagelaat om te sê dat ons kamers sowat 40 dae te perd verder van die hoofhek was. Ongelukkig het party van ons alreeds die kar afgepak voor ons dit gehoor het. Ons het die growwe gruisklipareas om ons só bekyk, en besluit te duiwel daarmee, ons gaan nie alles weer in die kar pak nie en begin aanstruik op ‘n kortpad. Ons het gou agtergekom dat taswieletjies nie oor gruisklip ry nie en toe maar swaar…