Innholdsfortegnelse for September 2023 i Die Tuinier Tydskrif

Ay caramba, dit was ʼn koue winter! Die sneeu in Bedfordview het die plectranthusse swart verkleur, begonias gesmelt en Sunpatiens in ʼn groen klewerige massa verander! Ja, onder al die pragtige sneeuvlokkies en bome wat afgeteken staan, het ons tuiniers geweet wat voorlê. In Europa noem hulle dit “The Melt”, maar daar gebeur dit elke jaar en is hulle daarop voorbereid. Hier gebeur dit vir sommige slegs een maal in ʼn leeftyd. Dis wanneer dit smelt dat ons die skade sien! Ons kan maar net toekyk, hulpeloos, maar hier is ʼn silwer randjie: Namate die lente om die hoekie loer, is jy in die wegspringblok en reg om uit te gaan en meer tuin te maak! Dit is die siklus, die immer veranderende klimaat waaruit ons almal moet leer, en…

Echeveria ‘Afterglow’ Groot en helder rosette (tot 40 cm wyd) met effens gekartelde, poeieragtige laventelpienk blare wat met helderpienk rande versier is. Genoeg son en ʼn bietjie winterkoue versterk die mooi tinte van hierdie hibried. Echeveria ‘Imbricata’ Vanweë sy blougrys poeieragtige voorkoms word dit ook die blou roos genoem. Dis een van die gehardste en oudste hibriede, maar is steeds ʼn gunsteling. Dit dra groot rosette en maak volop sylote. Baie son kan maak dat die blare met pienk deurspoel word. Echeveria ‘Mauna Loa’ Dié koolagtige echeveria het groot blare wat op die rande kreukel en kartel, en rosette van tot 30 cm in deursnee vorm. Die rosette is dofgroen as hulle jonk is en verander dan mettertyd na skakerings van blou en pienk. As dit in genoeg son gekweek…

Op jul merke, gereed, groei… Al het ons wel vir julle ʼn omvattende voedingsprogram in die Augustus-uitgawe gegee, herinner dié jou daaraan om nou te begin kos gee: • Petunias, gesiggies, viooltjies, sleutelblomme en ander lenteblommende jaarplante sal tot diep in Oktober aanhou blom as dit tweeweekliks met ʼn vloeibare misstof gevoed word.• Werk kompos en beenmeel asook stadig vrystellende misstowwe in rondom somerblommende meerjariges wat begin uitspruit en begin hulle meer gereeld natmaak.• Voed blaarstruike met ʼn algemene misstof en blomstruike met 3:1:5 of 5:1:5.• Dien misstof om die druplyn van bome toe en maak goed nat.• Voed potplante buite tweeweekliks met ʼn vloeibare misstof teen halfsterkte vir gesonde loof en meer blomme. Wenk Maak nat en voed lenteblombolle wat jy nog ʼn seisoen aan die gang wil hou.…

GRATIS! BATTERY STARTER KIT INGESLUIT (Sluit in ‘n vinnige herlaaier en 1 x 2.5Ah battery) Teken in of hernu van 21 Augustus tot 25 September 2023 en jy word ingeskryf vir ʼn wenkans in die kompetisie. Die wenner word na die trekking (minstens 14 dae na die kompetisie sluit) telefonies gekontak of geëpos. Slegs intekenaars wat in Suid-Afrika woon, mag deelneem. Besoek asseblief www.thegardener.co.za vir die bepalings en voorwaardes. Die GARDENA EasyCut Battery Trimmer is ʼn kragtige en ligte koordlose grasperkrandsnyer wat enige grasperk vinnig en doeltreffend sal regruk. Montering is vinnig en maklik, en die stelbare handvatsel en teleskopiese steel verseker dat jy ʼn regop en ontspanne liggaamshouding het terwyl jy sny. Die kantelkopfunksie help om by daardie moeilik bereikbare plekke uit te kom en die verwyderbare skerm help…

Hierdie plante word met ligtheid geassosieer, is as pronkridderspore bekend en is ʼn gunsteling onder tuiniers wat ʼn tikkie elegansie aan hul randakkers wil verleen. Die blomme wat van staalbloue tot laventelkleure, pienke en witte wissel, skep dwarsdeur die lente en somer ʼn kunstige spatsel kleur teen ander blomme. Ook is hierdie blompragstukke ʼn magneet vir bestuiwers wat ʼn gonsende biodiversiteit in jou tuin skep. Wanneer pronkridderspore geplant word, is ʼn delikate balans van die regte toestande nodig omdat hulle nogal fiemiesrig kan wees (soos hul dramatiese voorkoms te kenne gee). Hulle is ongetwyfeld sonliefhebbers en wil elke dag minstens ses uur sonlig hê. Tog waardeer die plante ook ʼn bietjie namiddagskadu, veral in warmer klimaatstreke, om hulle te beskerm teen die skroeiende temperature wat hulle kan laat swaarkry. Oor…

As deur die baie mooi rankende grondbedekkers gesif word wat vir Suid-Afrikaanse tuine geskik is, is dit onmoontlik om nie bacopa (Sutera cordata) te noem nie. Dié Suid-Afrikaanse plant is gewild vanweë sy tuimelende groeiwyse en skattige blommetjies. Die bekoorlike piepklein vyfkroonblarige blommetjies bedek die plant van laatlente tot die herfs en skep die indruk van ʼn kleurtapyt. Bacopas is die perfekte keuse vir hangmandjies, vensterbakke en patiohouers en sal met oorgawe uit hulle tuimel. Die rankende stingels vol delikate blommetjies kan ook as pragtige grondbedekker of grasperkvervanger dien as dit nodig is. By hierdie plant gaan dit egter nie net om sy voorkoms nie. Dis ook ongelooflik betroubaar en besonder bestand teen hitte en droogte, wat daarvan ʼn minsorgkeuse vir besige tuiniers maak. Wat plant betref, is dit belangrik…

✓ Gee meer water namate die weer warmer word en maak bedags so vroeg moontlik nat. Bedek die beddings.✓ Laat lente-en somergroente in saailaaie ontkiem om uit te plant sodra plek beskikbaar raak en die gevaar van ryp verby is.✓ Saai opvolgend, begin met wortelgroente wat teen die einde van September deur blaargroente en vrugdraende groente gevolg word wanneer die grond warmer is. Die ideale saaitoestande is wanneer die dagtemperatuur deurlopend 18 °C tot 21 °C is.✓ Trek winter-en lentegroente uit wat klaar gedra het en werk die grond weer om met ekstra kompos en ʼn grondopknapper met koolstof in.✓ Voorkom plantluise en ander suiginsekte op koolgewasse deur met ʼn organiese of biologiese plaagdoder te spuit.✓ Herstel die latwerk en sit dit op sy plek as dit nodig is voor…

✓ Maak rose minstens twee maal per week diep nat om hul snelle groei te ondersteun en bedek rondom die stam om die grond langer klam te hou.✓ Bemes teen die middel van die maand met ʼn roosmisstof soos Vigorosa.✓ As die grond na snoei nie verbeter is nie, spit organiese materiaal (waaronder kompos) 30 cm diep in. Dit maak dat water maklik die wortels bereik. Maak deurnat ná spit.✓ Verleng die blomtyd van edelrose deur ʼn derde van alle nuwe lote te verwyder net voor die lote ʼn blomknop vorm. Dit verleng die blomdrag en dié verspreide blom word die hele seisoen volgehou.✓ Beskerm nuwe groei teen plantluise, blaaspootjies en poeieragtige meeldou deur die grond om die rose met Koinor te deurweek, of spuit met Rose Protector of ʼn…

Vir die perfekte rand Om daardie perfekte tuinrand te bereik was nog nooit so maklik nie. PermaEdge-tuinrand is ‘n duursame, buigsame en veelsydige oplossing tot die rand van tuinbeddings, grasperkareas, boomringe, paadjies en meer! www.permaedge.co.za ʼn Smaragtamatie vir die somer Die nuwe Tomato ‘Emerald’, ʼn F1-baster, is pas deur MayFord Seeds vrygestel om dié lente te saai vir ʼn someroes. Hierdie tamatie aan ʼn plant wat uitstekend dra, het eenvormige vrugte van ʼn goeie gehalte wat vroeg bekwaam raak (60 tot 65 dae na uitplant) en ook perfek vir souse en salsa is. ‘Emerald’ het blokvormige vrugte aan plante met goeie blaarbedekking wat die sonblootgestelde vrugte beskerm en het intermediêre weerstand teen bakteriese verwelksiekte. www.mayford.co.za Basil Blue Spice MayFord het ʼn nuwe aromatiese kruiesaad genaamd Basil Blue Spice wat hul…

Soos die ou gesegde lui, ‘Rome is nie in ʼn dag gebou nie’, kan dieselfde van Water Oak-plaas gesê word. Wendy dink terug en vertel: “Ons het die eiendom in 1986 gekoop, maar dit was eers in 2001, toe my man se werksverpligtinge dit toegelaat het, dat ons na Kaapstad kon trek en ons huis kon voltooi.” In daardie stadium was die eiendom nie veel meer nie as ʼn kaal lap grond. “Ons het net ʼn paar sipresse en een klein eikeboompie geërf,” onthou Wendy. Die harde rooi kleigrond sou jare se versorging met kompos en kunsmis verg om sy volle potensiaal te bereik. Wendy en haar toegewyde personeellede het elke plant in die tuin self geplant, wat ʼn persoonlike stempel afgedruk het waarvan die hele tuin straal. Water Oak-plaas…

Hoewel daar meer as ʼn duisend anthurium-variëteite is, is die algemeenste een Anthurium andreanum wat in die reënwoude van Suid-Amerika en die Karibiese Eilande ontstaan het. Die ikoniese tropiese blomme word dikwels saam met ʼn vrugteskemerkelkie op ʼn eiland uitgebeeld. Die regte toestande Anthuriums sal gedy as hulle die regte toestande gegee word: • Helder, indirekte lig met geen direkte sonlig wat hul blare brand nie.• ʼn Warm temperatuur en geen trekke nie.• Hoë vogtigheid met af en toe misbespuiting in droë klimaatstreke. Plante wat saamgegroepeer word, kan ook die vogtigheidsvlakke verhoog.• Maak nat as die boonste 2 cm van die grond droog is. Gee minder water in die herfs en winter.• Pot oor as die wortels heeltemal potgeknel is in vars potgrond waarby dreineermateriale soos perliet of vermikuliet bygevoeg…

Vygies is ons kleurvolste plantgroep, met talle spesies wat‘n oorvloed van helder, glimmende blomme bied. Min ander plante kan kers vashou by die vrolikheid van‘n lappie vygies in volle blom! In hierdie kombinasie word die oog gevang deur Drosanthemum speciosum (rooi ysplant), ‘n vygie wat van nature in Worcester, Robertson en die Klein-Karoo voorkom. Drosanthemum beteken ‘doublom’ in Grieks, wat verwys na die glinsterende waterselle op die vlesige blare van hierdie laaggroeiende grondbedekker of klein struikie. Die plant dra van September tot Februarie skarlakenrooi, geel of oranje blomme. Die blomme is ligsensitief en open eers na 9vm op ‘n sonnige dag en maak weer om 5nm toe. Vygies is vinnig groeiend en uiters droogtebestand sodra dit in grond gevestig is wat baie goed dreineer. Hulle is perfek vir rotstuine of…

Soetrissies is die perfekte huisgroente. Die vrugdraende plant is tog te mooi en die groen of ryp rissies is heerlik, hou goed en kan op ʼn menigte maniere gebruik word. Kom aan die gang Soetrissies het warm grond nodig om te ontkiem wanneer die dagtemperatuur tussen 20 ⁰C en 30 ⁰C is. Saai die saad vir ʼn vroeë begin in laaie en hou dit op ʼn warm, beskutte plek, maar nie in direkte son nie. Plant anders kwekerysaailinge na die laaste ryp uit en wanneer die dae al warmer is. Om te kweek Soetrissies het daagliks minstens ses uur son nodig, verkieslik oggendson, en vrugbare grond wat goed dreineer. Werk vir langdurige vrugbaarheid kompos en ʼn organiese misstof in of deurweek dit met ʼn middel wat boor bevat omdat rissies…

Die plante se wortel, blomme en blare word kommersieel gebruik om kruieaanvullings en eteriese olies van te maak, hoewel die tipe verwerking en ekstraksie nie vir die huistuinier moontlik is nie. Die blare en blomkroonblare bevat egter vitamien C en kan vars of gedroog gebruik word om ʼn kruietee te maak wat seerkeel streel en lyfseer verlig wat deur verkoue en griep veroorsaak word. Dis belangrik om die medisinale eienskappe na te gaan voor dit gebruik word. Gebruik dit, soos met alle eetbare blomme, spaarsaam tot jy weet hoe dit jou affekteer, veral as jy geneig is tot plantallergieë. Hoekom daarvan hou Echinacea dra treffende blomhofies en moet nie tot die kruietuin beperk word nie. Plante word tot 80 cm hoog en blom teen die einde van die somer en…

Hallo Tanya… Goeie dag, ek wil graag ’n blaar plant wat ek by ’n vriend gekry het. Ek woon in die Noord-Kaap waar dit nou koud is. Kan ek die blaar sommer net plant? Indien nie, hoe raai jy my aan om dit te doen? Baie dankie, Carlene Fisher Wenbrief Hallo Carlene, hierdie is ʼn raaiskoot, maar ek dink jou blaar word Kalanchoe tomentosa genoem. Ja, dit kan eintlik met groot sukses van blare gekweek word. As die blaar bloot van die moederplant afgeval het of versigtig van die stingel verwyder is, is die sukseskoers gewoonlik werklik goed. Sit die blaar op ʼn laai vol fyn gruis op ʼn goed verligte plek – nie in direkte son nie. Sodra die blaarpuntwond – waar dit oorspronklik aan die moederplant vas was…

Daar is talle verskillende soorte madeliefies om van te kies. As jy egter na iets taais en met min sorg op soek is, moet Argyranthemum (margriete) jou eerste keuse wees. Hulle het die beminlike blomvorm wat almal van hul heel eerste blomtekening as kind herken saam met treffende kleure en indrukwekkende veerkragtigheid. As sierplante is margriete ongelooflik vrolik. Die blomme verrig wonders in verskillende omgewings, waaronder randakkers, houers en hangmandjies, wat elk met ʼn intense kleurknal besiel. Hul stewige stingels en helder blomme maak ook van hulle uitstekende snyblomkeuses. ʼn Vaas vol van dié blomme kan die betowering van buite tot in jou huis inbring, wat ʼn rangskikking binne skep wat vir die oë sowel as die gees aangenaam is. Afgesien van hul mooi voorkoms, is een belangrike voordeel van…

Deur sekere dele van die plant te verwyder – knoppe, takke of wortels – kan jy gesonder groei bevorder, nuwe groei aanmoedig, die vorm verbeter en die verspreiding van plae en siektes in ʼn mate beheer, om net ʼn paar te noem. Hier is ʼn paar voordele van snoei: Verjong Een van die belangrikste redes vir snoei is om nuwe groei, soms bosagtiger groei, aan te moedig wat op sy beurt ook meer stingels en meer blare en uiteindelik meer blomme maak. Plante raak mettertyd langbenig en hul groeikrag neem af. Daar is verskeie grade van snoei van die eenvoudige uitknyp met jou vingers tot strawwer snoei om te verjong of te verbeter. Vingersnoei of uitknyp Die ligste snoei is om die nuwe spruite by ʼn knoop uit te knyp…

Toppresterende lentemaats wat jy in jou tuin kan terugverwelkom, is die Australiese madeliefie of kleurryke hibriede wat geteel is uit Brachyscome iberidifolia, ʼn taai klein eenjarige grondbedekkertjie wat uit Australië afkomstig is. Die lintblomme van die helder klein madeliefietjies wissel in kleur van magenta, mauve en blou tot wit, en omring heldergeel, bruin of groen harte. Die loof is veeragtig en fyn en word meestal deur die massa blomme gekamoefleer. Hierdie langblommende (van die lente tot die herfs) jaarplant kan as grondbedekker, in potte en hangmandjies gebruik word. Dit groei in enige grondsoort wat goed dreineer en in volson is. Oggendson sal ook goed werk. Maak dit gereeld nat en voed dit gedurende die blommaande met ʼn wateroplosbare misstof.…

Hoëveld en KwaZulu-Natalse Middellande Artisjokke, beet, blaarslaai, eiervrugte, ertjies, komkommers, kool, mielies, murgpampoen, pampoen, rabarber, radyse, rape, seldery, skorsies, soet-en brandrissies, spanspek, spinasie en snybeet, stam-en rankbone, tamaties en wortels Middelveld (Pretoria en ander gebiede met minder ryp) Artisjokke, beet, blaarslaai, eiervrugte, komkommers, kool, mielies, pampoen, rabarber, radyse, rape, seldery, skorsies, soet-en brandrissies, spanspek, spinasie en snybeet, stam-en rankbone, tamaties en wortels Laeveld en KwaZulu-Natalse kus Aspersies, eiervrugte, komkommers, mielies, radyse, soet-en brandrissies, en stam-en rankbone Oos-Kaap en Klein-Karoo Beet, blaarslaai, eiervrugte, komkommers, kool, mielies, murgpampoen, pampoen, rabarber, radyse, seldery, skorsies, soet-en brandrissies, spanspek, spinasie en snybeet, tamaties en wortels Noord-Kaap en Groot-Karoo Artisjokke, beet, blaarslaai, eiervrugte, komkommers, mielies, pampoen, rabarber, radyse, rape, seldery, skorsies, soet-en brandrissies, spanspek, spinasie en snybeet, stam-en rankbone, tamaties en wortels Wes-Kaap (en Suid-Kaapse kus)…

Tydens die Rugby Wêreldbeker word huishoudelike regulasies gewoonlik deur die sogenaamde‘hoof van die huishouding’ vasgestel. Dit gaan gepaard met ‘n persoonlikheidsverandering van die alfaman wat sommer oornag gebeur. Hy spring weg deur alle sosiale uitnodigings te weier wat oor die sewe naweke gedurende die kompetisie strek omdat dit dalk mag bots met die datum en tyd van enige wedstryd – al is dit net Os Lobos van Portugal teen The Oaks van Roemenië. Sy stem word dreigend en sy houding meer aggressief (as hy nog in besit was van vuil ou gewere sou hy al begin het om hulle skoon te maak by die kombuistafel om psigies gereed te wees vir oorlog voer!). Dan, ruk hy al sy hemde uit sy kas opsoek na sy ou rugbytrui en bewaar jou…