Innholdsfortegnelse for August 2023 i Die Tuinier Tydskrif

Ek is besig om ’n fassinerende boek oor plante te lees – The Plant-Hunter’s Atlas: A World Tour of Botanical Adventures, Chance Discoveries and Strange Specimens deur Ambra Edwards. Dit gaan baie oor die geskiedenis van hoe plante begin het om die belangstelling van ontdekkingsreisigers, soldate, matrose, handelaars, pelgrims en selfs vlugtelinge te wek. Ons weet dat plante al ‘n tydlank saam met ons was voordat hierdie ouens in die 1800’s op stryk gekom het en lank voordat speserye, sade en blombolle al langs die Middellandse See en die Chinese syroete na nuwe lande vervoer is. Daar is selfs geskrifte ontdek wat uit die 2de eeu v.C. dateer. Maar Ambra, ‘n pryswennerjoernalis en tuinhistorikus, neem ons op ‘n reis oor die hele wêreld saam met ‘n skare van dié dapper…

Liriope muscari ‘Royal Purple’ Donkergroen, met effens breër blare en donkerpers blomme op pers stamme. Grootte 30 tot 40 cm. Liriope muscari ‘Variegata’ Effe boogvormige en heldergroen blare met goudgeel rande en pers blomme. Grootte 40 x 40 cm. Liriope muscari ‘Evergreen Giant’ ’n Groot, baie gewilde variëteit met lintagtige blare wat die ligpers blomme ietwat bedek. Grootte 70–90 x 50 cm. Toeka, lank voordat siergrasse soos vleigras en later veldgras se gewildheid begin toeneem het, is die perklelie, of lilyturf (soos dit ook bekendstaan), alom as siergras geplant. Dit is in werklikheid nie ’n gras nie maar ’n meerjarige risoomplant. ’n Belangrike rede vir sy langdurige gewildheid is die plant se bereidheid om in volskadu en rondom die basis van hoë bome te groei. Hier bedek hy ontblote grond met…

Dit is‘n ongeëwenaarde prestasie vir planttelers Andy de Wet en Quinton Bean van De Wet Breeders (Hartebeespoort) en‘n opwindende wending vir tuinbou in Suid-Afrika. Uit wat volgens Andy “‘n baie komplekse verskeidenheid van talle verskillende teelouers” is, kom ‘n manjifieke plant wat die RHS se streng toetse geslaag en die res uitgestof het. ‘Black Jack’ is hierdie somer in Europa, die Verenigde Koninkryk en Amerika te koop. ‘Black Jack’ bevat al die normale eienskappe van agapanthus, behalwe dat hy baie vinniger groei. Hy vermeerder vinnig en blom milddadig vir sowat drie maande in die vroeë somer. Daar is `n oorvloed van knoppe wat byna pikswart vertoon, en die oop blomme is fluweelpers en wys na buite, wat `n treffende voorkoms aan die blomskerm verleen. Plant in ryk, goed voorbereide grond…

Bolletjies Craspedia Die beste snyblom vir‘n byderwetse effek is een met ‘n reguit stingel en simmetriese blomme. Ons stel bekend Craspedia globosa met hul geel bolletjies sonskyn. Hulle groei maklik van saad, en saaityd is van nou tot April. Hulle is uitstekende eenjarige plante vir‘n sonnige tuinbedding en die gesnyde blomstele droog baie goed. Maak gereeld nat totdat hulle gevestig is – dan is hulle redelik droogtebestand. Hulle staan ook bekend as jonkmansknopies. Sny vir blommerangskikkings wanneer die blommetjies vol oop en heldergeel is. Bestel saad aanlyn by www.gropak.co.za of www.adeneflowers.co.za…

Laventels hou van warm en droë toestande, is ook redelik gehard teen die koue en kan ligte ryp verdra. Plant hulle op ʼn sonnige plek waar hulle heeldag lank in die sonstrale kan baai. Moenie hulle te na aan mekaar plant nie om hulle ʼn bietjie asemhaalplek te gee Algemene laventelprobleme • Laventels hou van genoeg water om hul dors te les, maar wees versigtig om nie hul delikate wortels te versuip nie omdat hulle nie daarvan hou om nat voete te hê nie. Maak gereeld nat tot hul wortels sterk is en laat die grond effens uitdroog tussen natmaaksessies.• Oorbenatting en te veel vogtigheid kan swamsiektes veroorsaak. Gebruik ʼn kontakswamdoder as blaarspuitmiddel om jou laventel te behandel en hou hulle gelukkig en aan die gedy – maak net seker…

Dit is bekend dat hierdie halfknolagtige hibriede lank en aanhoudend blom. Die blomme self is te kry in ʼn verskeidenheid kleure van pienk, rooi, wit, geel, en oranje tot dié met ligter en donkerder skakerings wat aan die dubbel-en halfdubbelkroonblare ʼn unieke diepte gee wat bekoorlik is. Hierdie pragstukke is meerjarig, hoewel hulle dikwels as jaarplante gebruik word, en ná hul blomtyd van laatwinter deur die lente tot die somer is hulle op pad komposhoop toe. Met behoorlike sorg kan hulle egter baie seisoene hou. Wat hulle nodig het Grond – Die gekoopte potplante is heeltemal voorbereid op die groeiseisoen. As jy egter hierdie plante wil oorpot, gebruik ʼn goeie potgrond met bygevoegde dreineermateriale soos perliet of growwe sand en ʼn paar hande vol kompos om die voedingstowwe in die…

Die ontwerpreël vir die ontwerp van ‘n bak soos dié is om verskeie van dieselfde tipe vetplante in komplementêre kleure te kies. Veelvoude en herhalings van vetplante is visueel baie stimulerend, selfs in ‘n klein houer. Echeverias is‘n diverse familie vetplante waarvan die natuurlike habitat in die omgewing van Mexiko en omliggende gebiede is. Hulle groei gewoonlik hoër op in die berge teen kranse en het nie die heeldag volson nodig nie. Die meeste spesies groei nie in volle woestynson nie – dis ‘n algemene wanopvatting. Hierdie plantontwerp is gedoen en uitgevoer deur John Sauer van Ngena Succulents-groothandelkwekery. Wees op die uitkyk vir hierdie vetplante by jou plaaslike kwekery of tuinsentrum. Wat jy nodig het: Betonbak met‘n radius van 500 mm Potgrond Klippe of stukkies gebreekte kleipot Plante • 3…

Kos vir alles Talborne Organics het ʼn reeks voedsels vir alle soorte plante. Gee jou grasperke en loofplante ʼn hupstoot met Vita-Green 5:1:5 (16) vir welige groen groei en om plantselle met hoë kaliumvlakke te versterk. Gebruik Vita-Veg 6:3:4 (16) om jou groen blaargroente, kruie, tropiese plante en bessies kos te gee. Voed plante onder druk met Talborne Organics Nourish Liquid Organic Plant Food om hulle welig te laat groei. www.talborne.co.za ‘n Perfek ontwerpte tuinwaentjie First Dutch Brands se Gorilla-tuinwaentjie is een van die mees innoverende waentjies op die mark. Hierdie veeldoelige, maklik maneuvreerbare waentjie met sy lugbande en zerodraai-stuur takel enige terrein. Hy kan ewe goed met die hand of deur ‘n trekker of viertrekvoertuig gesleep word en het ‘n sleepvermoë van 270 kg, wat meer as genoeg is…

Hierdie treffende plante word hoofsaaklik om hul estetiese aantrekkingskrag gekweek. Die blomme is in talryke skakerings te kry van delikate pienke en dieprooie tot helderwitte en koninklike perse. Hul patroonversierde blare en sterk groeiwyse dra ook tot hul bekoring by – ʼn skilderagtige byvoeging tot enige tuin. Pelargoniums is ook die toppunt van veelsydigheid. Hulle gedy in ʼn groot verskeidenheid toestande, van sonnige blombeddings tot gedeeltelik beskadude balkonne, en kan in houers, hangmandjies of direk in die grond geplant word. Dié aanpasbaarheid beteken dat hulle goed geskik is vir verskeie soorte en groottes tuine, van stedelike balkonne tot uitgestrekte kothuistuine. Nog ʼn goeie rede om pelargoniums in jou tuin te verwelkom, is hul lang blomtyd, anders as baie ander blomplante. Met toepaslike sorg kan dié geharde plante van vroeglente tot…

Sommige soorte primulas (ook sleutelblom genoem) is geharde meerjarige plante wat koueverdraagsaam is, terwyl ander variëteite vol geite is en eerder as lank blommende jaarplante beskou kan word. Hulle kan ook op meer beskutte plekkies as kleurryke potplante gebruik word. Terwyl ons steeds die helder kleure van Primula acaulis en die ligte, feeagtige Primula malacoides bewonder, hét ons hul hoedanighede in die verlede al gereeld besing. Dit is dalk tyd om die kollig op ’n paar ander te gooi wat kleur aan die tuin kan gee. Primula obconica Dié primulas se kleurpalet verskil heeltemal van die ander en is in lieflike skakerings van salm, persblou, wit, oranje, rosig en magenta beskikbaar. Hulle het ’n geronde vorm en spog met ’n oorvloed blomme op kort stingels. Die heldergroen blare dien as…

Intekening winskopie Skryf nou in en spaar 30%! • Druktydskrif 12 uitgawes R490 Spaar R206 – 30%-afslag op die omslagprys• Digitale tydskrif 12 uitgawes R390 Spaar R306 – 44%-afslag op die omslagprys Hoe om in te skryf? • Kontak ons by 031 003 0940• E-pos ons by subs@thegardener.co.za• Vul die vorm hieronder in en WhatsApp dit aan ons.• Skandeer die QR-kode om aanlyn in te skryf en betaal per kredietkaart Hoe lewer ons jou tydskrif af? ʼn Diensverskaffer lewer tydskrifte in stedelike gebiede met die hand af. In plattelandse gebiede word jou tydskrif met die Suid-Afrikaanse Posdiens gestuur, of vra ons vir ʼn kwotasie om dit maandeliks per koerier af te lewer. Vul die vorm hieronder in, neem ʼn foto en Whats-App dit na 061 866 7780. R599 werd Teken in of…

Ons sien dikwels ʼn juweel van ʼn plant wat in die natuur of in ʼn botaniese tuin groei en wens ons kan dit ook by die huis kweek. So ʼn voorbeeld is beslis die mooi lede van die Selago-genus. Die goeie nuus is dat ʼn paar pragsoorte gekweek word en vir jou beskikbaar is om te plant. Selago corymbosa (bitterblombos) Dis ʼn kruidagtige immergroen struikie van sowat 60 cm hoog met ʼn natuurlike verspreiding in die Wes-en Oos-Kaap, Karoo en KwaZulu-Natal. Harige, regop sytakke is toe onder liggroen, smal blare met rande wat ondertoe krul en wat in die stingeloksels getros is. Die kantagtige wit blomme wat in digte blomhofies boaan talryke lote gedra word, verskyn van Desember tot laatwinter. Selago canescens (bitterbos) Hierdie spesie volg sy genuslid op om…

In my wêreld, het ek al geleer om nie hardop te dink as ek wil ophou om iets te doen wat sleg is vir my of ander irriteer nie. My mense begin my dan dadelik onder ‘n vergrootglas sit om te sien hoe ek met my voorneme om te verbeter vaar. Wat hulle nie weet nie, maar ek wel weet, aangesien ek onlangs na‘n werkswinkel oor stresverligting geluister het, is dat ons negatiewe emosies ervaar wat veroorsaak word deur stressors waarvoor jy ‘n oplossing moet vind deur jouself te kalibreer met behulp van‘n insiggewende eksterne faktor. (Volgens die aanbieder, is haar eggenoot haar hoofkalibreerder, en dit het vir my geklink of hy soms ook haar eksterne faktor is). Net die feit dat ek hierdie sielkundige noodhulp so lomp in ‘n…

Namate tuingroottes aanhoudend krimp, het min mense ongelukkig plek vir groot, toringhoë bome in hul agterplase. Dit beteken nie jy moet jou boomkweekdrome laat vaar nie – klein boompies is die oplossing. Perfekte boompies om te kies Buddleja saligna (witolienhout) Hierdie klein, vinnig groeiende immergroen boompie kan 3 m tot 5 m hoog word wat dit ideaal maak vir klein tuine of groot potte. Die digte blaardak van smal grysgroen blare herinner aan ʼn olyfboom en dit dra ook klein wit blommetjies wat skoenlappers en ander bestuiwers lok. Hierdie droogtebestande minsorgboom is perfek vir stadstuine. Dais cotinifolia (kannabas) Die gewilde kannabas is bladwisselend en word ongeveer 4 m tot 6 m hoog. Dis uiters bekend vanweë sy skouspelagtige vertoning van donsige pienkpers blomme in trosse wat van die lente tot…

Jy het nodig • ʼn Pot met dreineergate• Klippies vir dreinering (jy kan selfs kleiner opgebreekte stukkies van ʼn stukkende pot gebruik)• Vars potgrond• Kompos• Stadig vrystellende misstof• Beenmeel• Sierbas of houtdeklaag Stappe • Berei eers die grond voor met die helfte potgrond en die helfte kompos en voeg twee hande vol misstof by. Voeg ʼn bietjie beenmeel by om ekstra kalsium vir die plante te gee. Meng alles goed saam.• Gooi die dreineerklippies onderin die pot.• Maak die pot halfvol met jou grondmengsel.• Haal die plante versigtig uit hul sakke uit sonder om die wortels te versteur. Pluis verdigte wortels met jou vingerpunte uit om die wortels aan te moedig om sywaarts te groei as hulle geplant is.• Sit die agapant in. Dis belangrik om seker te maak die…

Onthou: As jy toegewyd ʼn paar minute afstaan om dooie blomme te verwyder, sal jy met hope meer beloon word. Daar is pragtige variëteite van madeliefieagtige blomme in ‘n menigte helder kleure en blomvorme van ons inheemse Osteospermum-spesies gekweek. Hulle word geklassifiseer as semigeharde, meerjarige plante met óf ’n rankende óf regop groeiwyse en word ook Kaapse margriete genoem. Die loof is donkergroen en die plante produseer‘n oordaad blomme. Wees op die uitkyk vir hierdie variëteite in jou plaaslike kwekery: ‘Akila’ Die droogtebestande spesie Dimorphotheca ecklonis (voorheen bekend as Osteospermum ecklonis) met hulle uitgespreide vorm en glinsterende wit blomme met ‘n diepblou hartjie is die moederplant van baie moderne blomsoorte, soos Osteospermum ‘Akila’. Die blomme is lila, pers en wit en sonsondergangkleure soos oranje, sagte geel en selfs wynrooi kom…

Die kombinasie van die twee huisplante is ʼn versierder se droom, maar hulle waterbehoeftes verskil. As oplossing vir hierdie probleem het ons die alocasia in sy pot gehou en die fittonia rondom geplant sodat ons dit meer gereeld kan natmaak sonder om die alocasia te versuip. Fittonia Die fittonia wat in Engels ook die nerve plant heet omdat sy blare soos die uitbeelding van die senustelsel lyk, is te kry in ʼn verskeidenheid blaarkleure met are in wit, rooipienk en groen met ʼn teenstellende agtergrond. Dit wil graag klam gehou word sonder om deurdrenk te wees en hou van ʼn vogtige omgewing op ʼn helder verligte plek. Vermy direkte sonlig wat die blare kan brand. Voed dit maandeliks in die lente en somer met ʼn vloeibare plantvoedsel. Alocasia Die pragtige…

Hou die onkruid in toom! Dit is nie net jou pragtige grasperk en sierplante wat in die lente kop uitsteek nie – die onkruid brand ook om die son te sien. Dit is belangrik om hulle voor te spring – maak ’n gewoonte daarvan om elke aand in jou tuin rond te stap met jou skoffel of tuinvurk. Spit onkruid uit wat jy sien terwyl jy loop sodat dit nie kan groei, blom en saadskiet nie. Hou ook die onkruid in jou plaveisel in toom – gebruik‘n plaveisel-onkruiddoder of‘n drukspuitjie gevul met‘n organiese onkruiddoder. Kweek ’n mooi grasperk Grasperke ontwaak uit hul dorre droë winterrus, maar hulle het dalk ‘n helpende hand nodig. Help jou grasperk om te herleef en sterker te groei deur dit te belug, te verhit, netjies…