Innholdsfortegnelse for July 2023 i Die Tuinier Tydskrif

Metarungia longistrobus Die sonbekkiebos met sy wye verspreiding in Limpopo en Mpumalanga is verrassend aanpasbaar by kouer provinsies omdat dit redelik koue-en rypgehard is as dit onder die beskutting van bome geplant word. Hieruit kan afgelei word dat dit van halfskadu hou waar ʼn bietjie son dit kan bereik. Dit groei ook in volson en is ewe tuis in die tuin as in potte. Dié netjiese immergroen struik (1-2 m x 1-2 m) het blink grysgroen jong blare wat tot donkergroen verdiep wanneer dit volwasse is. Van April tot Julie verskyn keëlvormige are perskeoranje tot oranjebruin blomme wat nektarvoedende voëls en skoenlappers lok. Die blomme word gou gevolg deur groot saadkapsules wat laatwinter oopbars as hulle ryp is en die saad onder die moederplant laat val waar dit maklik ontkiem.…

Interessant genoeg het ʼn aalwyn sy pad gevind na die topplante wat op die TikTok-platform bekyk word. Met reeds minstens 8,2 miljoen besigtigings is Aloe vera nie net ʼn verkoelende jel nie, maar is nou meer as ooit ʼn gewilde huisplant, soos TikTok-gebruikers verklaar het. Tegnies gesproke behoort aalwyne nie binnenshuis gekweek te word nie, kom ons gaan dus uit en kyk watter wondere ons dié tyd van die jaar kan sien. Kweek Om aan die gang te kom, is die basiese kweekvereistes vir aalwyne soos volg: • Plant hulle in volson, hoewel hulle ʼn bietjie skadu kan verdra. Hulle vaar beter op ʼn sonnige plek.• Kies aalwyne slim. Hou by aalwyne wat algemeen of endemies in jou streek is. Aalwyne kom voor van kouer bergagtige streke tot mistige grasvelde…

Noodsaaklike gereedskap Belê in ʼn goeie stel klein gereedskapstukkies vir binnetuinmaak. Die gebruik van ou, geroeste gereedskap vir oorpot kan grondpatogene en siektes na nuut oorgepotte plante oordra. Gebruik altyd ongeroeste gereedskap van duursame bedekte staal en maak dit daarna goed skoon in warm seepwater voor dit gebêre word. Hou plante netjies en verwyder die dooie blare van huisplante met ʼn goeie snoeiskêr. Dit help om weg te doen met broeiplekke vir plae en siektes. Deur oorgroeide plante te snoei, help ook vir algehele gesondheid en bevorder lugvloei. Hierdie snoeiskêre is ook uitstekend om steggies en meer van jou gunstelinghuisplante te maak. Potbehoeftes Afgesien van ʼn goeie pot, het jy goeie potgrond nodig. Moenie sommer enige grond in houers gebruik nie, gebruik behoorlik geformuleerde potgrond om vir plante te voorsien…

Gesiggies lyk dalk tenger, maar is regtig maklik om te kweek as by ʼn paar standaardreëls gehou word. Hulle is ook te kry in ʼn ongelooflike verskeidenheid kleure en kleurkombinasies. Wees vanjaar op die uitkyk na die ‘Punch’-en ‘Prima Punch’-reeks by jou plaaslike kwekery vir groot blomme, uitstekende prestasie en hitteverdraagsaamheid. Plant in potte Gepotte gesiggies is eenvoudig ʼn bekoorlike toevoeging tot die patio of in die tuin. Hulle sorg op hul eie vir ʼn goeie spatsel kleur, maar is ewe nuttig in gemengde houers. Kies houers met volop groeiplek vir wortels, baie dreineergate en vul met ʼn goed dreinerende potmengsel wat met kompos en bykomende dreineermateriaal soos palmveen verbeter is. Haal die plante baie versigtig uit die kwekerybakkie uit deur hulle van onder af uit te druk sonder om…

Alocasia zebrina is ʼn mooi, maklik-om-te-kweek binnenshuise plant wat tans ʼn beroering veroorsaak in die huisplantgemeenskap. Die stele is gestreep soos ʼn sebra, vandaar die volksnaam sebraplant. Dit verleen ʼn tropiese gevoel aan elke vertrek en is ʼn regte gespreksaanknoper. Hierdie treffende tropiese plant het welige groen blare met die klassiek gepunte Alocasia-vorm wat hoog bo die pot reik (tot soveel as 1 m tot 1,5 m). Dis egter nie waarom dit ʼn kitsgunsteling geword het nie. Die gestreepte stele is eintlik die aksentpunt van hierdie plant, wat die beste geplaas word net onder oogvlak om al die dele van die plant gelyk te geniet. Alocasia zebrina is ook ʼn plant wat betreklike min sorg nodig het. Dit verlang matige tot helder indirekte lig en klam grond, maar is redelik…

Slim komposmaak Met die MicroGarden Kitchen Composter raak huishoudelike afval binne net vyf uur reuklose voorkompos. Komposmaak was nog nooit makliker nie. Maak die komposmaker vol met al die kombuisafval, waaronder kookkos, afvalvleis en sagte bene, druk die knop en die sensors binne simuleer en versnel die komposmaakproses. Jy kan afval met tot 80% verminder en kompos van 3 L voedselafval per emmer maak. Facebook en Instagram: microgardensa www.microgarden.co.za Ekovriendelike noodsaaklike gereedskap Die GARDENA EcoLine-reeks bied ʼn ekovriendelike keuse vir geesdriftige tuiniers wat volhoubaarheid, ontoegeeflike kwaliteit en duursame ontwerp waardeer. Elke produk is vaardig gemaak uit herwonne materiaal met plastiekkomponente wat tot 90%-herwonne plastiek bevat. Die reeks bestaan uit noodsaaklike tuinmaakgereedskap met tot ʼn 25-jaarwaarborg op die produkte. Besoek www.gardena.com/za vir meer inligting oor die reeks. Word warm met ʼn…

KORTLIKS Waar: Hillcrest, Kwazulu-Natal Grootte: 4000 m2 (huis wat vertoon word, staan op 2000 m2) Klimaat: Somerreënval subtropies Ontwerper: Eienaars George en Carolyn Victor George en Carolyn Victor se bekoorlike huis is in die voorstad Hillcrest in KwaZulu-Natal geleë, hoewel jy verskoon sal word as jy dink dit is op ʼn plaas op die platteland. Die rooibaksteenhuis met die veranda in die Natalse styl is deur die eienaars gebou, wat albei uit geslagte van bouers kom. Hul passie vir oorspronklike argitektuur en meubelrestourasie is sigbaar uit elke besonderheid in hul huis. Baie meubelstukke is geërf, liefderik gerestoureer waar dit nodig was, en volgens hul behoeftes aangepas. Die tuin is alkante vol opvallende fokuspunte waarvan hulle die meeste ontvang, geërf of herwin het wat talle gekoesterde herinneringe verskaf. George en Carolyn is ook passievol oor…

Vanjaar duur ouer huisplantneigings voort, maar met ʼn unieke kinkel. Loof bly die fokus danksy die oorspronklike gunstelinge – Ficus lyrata (vioolblaarvy) en Monstera deliciosa (geraamteplant). Tuiniers is nou op soek na kleur in plaas van die gewone groen. Die gewildste huisplante op die mark vandag wat by bont kultivars begin, is dié met interessante patrone en unieke kleure. Een voorbeeld is calatheas wat spog met fassinerende loof met patrone wat lyk of dit daarop geverf is eerder as eg. ʼn Keuse met minder fiemies wat vir beginners geskik is, is die filodendronkultivars ‘Prince of Orange’ en ‘Imperial Red’ wat min sorg vereis. Diegene wat gedempte kleurtone of iets effens dramatieser verkies, kan soek na huisplante met diepgroen, amper swart, blare soos Alocasia ‘Black Velvet’ en die ‘Raven’ ZZ-plantkultivar. Groot…

I mmergroen bome of groot struike met oppervlakkige wortelstelsels boelie kleiner plante wat onder hulle probeer oorleef deur hulle van voedingstowwe, vog en lig te ontneem. Ook die enorme heining-en skermplante maak so wat ons vir privaatheid moet plant. Hulle maak die grondbolae leweloos en horingdroog. Droë skadu kan ook veroorsaak word deur die oorhang van ʼn gebou wat keer dat reën plantwortels bereik, veral teen suidermure – gebiede wat ons soms nalaat om nat te maak omdat ons glo dat die reën wat geval het dit voldoende gedoen het. Ons kan, soos altyd, iets by Moeder Natuur leer. ʼn Mens sien altyd dat die onderbos in digte ruigtes en woude bestaan uit klein struikies, bolle, vetplante en grondbedekkers wat heel gelukkig in droë skadu groei. In die tuin kan…

Het jy geweet? Pietersielieblare is baie ryk aan vitamien C. Deur twee lepels vol gekapte pietersielie daagliks by jou kos te voeg, sal ruim aan jou vitamien C-behoeftes voldoen. Begin ontkiem pietersielie vroeg binnenshuis in Julie. Maak saailaaie vol met ʼn klam ontkiemmengsel. Strooi die saad liggies oor die mengsel en sif meer grondmengsel bo-oor om dit net te bedek. Druk liggies vas en maak liggies nat of sproei nat. Sit die saailaaie op ʼn warm, sonnige plek binne of hou dit op ʼn warmlaai wat op lou aan is, of op ʼn warmkussing. Maak seker die mengsel droog nie uit nie. Bedek met kleefplastiek of ʼn plastieksak om as mikroklimaat te dien. Ontkiemwenk Dit kan tot drie weke of ʼn maand duur vir pietersieliesaad om te ontkiem, moet dus…

Meerjarige rabarber kan tot 10 jaar in koeler tuine maar korter in warm tuine hou. Soos alle meerjariges bereik dit ʼn punt wanneer dit nie meer floreer nie. Die eetbare stingels word nie meer so lank en sappig of so volop geproduseer nie. Die verdeling van die kroon sal rabarber nuwe lewe gee deur meer nuwe plante te maak. Die beste tyd om rabarber te verdeel, is net voor die lente in Julie en Augustus. • Haal die kroon uit en steek dit met die graaf aan stukke. Maak seker dat elke stuk minstens een ogie (verkieslik meer) en volop wortels het.• Hoe meer ogies daar is, hoe groter sal die nuwe plant wees. As die kroon in klein stukkies met een ogie per stuk breek, kan dit saam in…

Hierdie paadjie met die romantiese voorkoms lyk pragtig vanweë die kombinasie van twee gewilde tuinplante wat ook die winter oorleef. Die mooi siergras is Carex comans ‘Frosted Curls’ (Nieu-Seelandse rietgras) met sy dofsilwergroen grasagtige blare wat grasieus krul om al die harde rande te versag. Dié rietgras is heeljaar mooi, maar het ʼn uitsonderlike glinsterende kwaliteit op ʼn koue wintersoggend as dit met dou of selfs ryp bedek is. Die carex se mooi metgesel is Lobularia maritima (heuningblomme), ʼn delikate, tuimelende jaarplant, wat ʼn mens maklik van saad kan kweek. Dis geurig en uiters blomryk, veral in koel temperature.…

Spathiphyllum ‘Sensation’ is ʼn treffende plant met pragtige blinkgroen blare wat veel groter is as dié van sy kleiner naverwant. Die blare het ook ʼn kenmerkende riffelpatroon wat moeilik is om mis te kyk. Die plante kan van 1,5 m tot 1,8 m hoog word en moet dus ruimte in die huis hê om die sterre te wees. Hierdie plante is oor die algemeen maklik om te versorg en verdra swak lig in vertrekke soos badkamers. Hulle verleen onmiddellik ʼn gevoel van weligheid aan ʼn vertrek. Hoewel hulle hoofsaaklik om hul blare gekweek word, het hulle ook die tipiese blomme met die wit blomskede wat amper heeljaar verskyn as die plante gesond en gelukkig is. Wat hulle nodig het Water – en baie daarvan. ‘Sensation’ verwelk dramaties as dit nie genoeg…

Jy het nodig 10 x PAR-hout (102 x 21 mm) wat tot 500 mm elk gesny is Vloerlyste (95 x 21 mm) – 2 x 1020 mm gesny teen45°, 2 x 550 mm gesny teen 45° Hanghake5 kleure verf Verfkwasse Skroewe (3,5mmx40mm) Houtgom Sandpapierʼn Keuse van tuingereedskap wat sal pas Gereedskap Klampe, maatband, potlood, tekendriehoek, uitsnysaag/versteksaag, booraandrywer, skroefloods en ʼn Phillips-punt. 1. Skuur die 10 x PAR-hout liggies af om die growwe rande glad te maak. 2. Die dik profielkant van die vloerlyste vorm die buiterand van die raam. Gebruik die tekendriehoek, krap diep ʼn 45°-streep wat van links na regs loop en sny dan van die binnekant buitentoe. Dit sal verseker dat jou hoeke later haaks is. 3. Sny die twee stukke hout met ʼn buiterand 1020 mm lank…

Roostake vir Julie In Julie gaan dit oor snoei! Die rose wat die meeste by snoei baat vind, is edelrose, floribundas, bos-en stamrose. Knip grondbedekkerrose net goed reg. In die meeste gebiede kan vanaf 20 Julie tot die eerste week in Augustus gesnoei word. Snoei in baie koue gebiede later van die middel tot die einde van Augustus. Maak die rose wat in subtropiese gebiede nog met gesonde blare bedek is, nat en bemes hulle om nuwe blomme te maak, en knip slegs in September reg. As die roosbosse egter yl is en hul blare verloor het, kan hulle ook in Julie gesnoei word. Maak die grond ná snoei om die roosbosse los en spit kompos tot so diep as die wortels in. Dien ʼn roosmisstof soos Vigorosa toe en…

Mimetes splendidus (pragstompie) is ʼn skaars spesie wat uitsterwing in sy natuurlike fynboshabitat in die gesig staar vanweë faktore soos gereelde brande en ander onbesonne dade deur die mens. Dis ʼn moeilike spesie om van saad of steggies te kweek, maar slim kwekers het ʼn manier gevind om robuuste plante te kweek deur dit op sterk Leucospermum-wortelstokke te ent wat sodoende die meeste patogene systap wat hulle aantas, en vir tuiniers is daar gesonde plante te kry vir plant. Mimetes splendidus is ʼn lieflike silwerblaarstruik wat in die winter eenvoudig met gloeiende lig op sy salmpienk blomhofies glinster. Dis immergroen met ʼn regop enkelstingel onder, maar wat tot heelbo vertak en 2 m hoog kan word. Die silwerkleurige blare is ellipties en harig aan dik stingels met bo-op silindriese blomhofies…

Blitsgids Leliebolle is steeds te koop en moet dadelik geplant word nadat jy hulle gekoop het. Plant hulle tussen winterjaarplante of klein struikies en grondbedekkers om hul “voete” in die skadu te hou terwyl dit hul “koppe” toelaat om in volson te groei. Onthou om ʼn bamboesstut in elke gat te sit as die bolle geplant word sodat hulle gestut kan word namate hulle groei. Plant ʼn paar asaleas vir ʼn mooi lentevertoning en onthou om suur kompos en beenmeel in die gate by te voeg.…

Ten spyte van honderde puik trouplekke, het ‘n voornemende jong bruid besluit sy wil in haar aanstaande skoonma se tuin trou. Die tuin is ongeveer 4000 vierkante meter groot en is my suster s’n wat ek meer as dertig jaar gelede as my stortplek vir ekstra plante gebruik het. Twee faktore het‘n invloed op sy uitlegstyl en die soort plante wat vandag nog steeds daar groei. Desjare het groothandelkwekers die klein, bakkielandskappeerders gedwing om tien van dieselfde plantsoort te koop om in aanmerking te kom vir die groothandelprys terwyl ek eintlik slegs een, drie, vyf, sewe, of nege nodig gehad het met die uitleg van ‘n nuwe tuin. Ons is by die Technikon geleer om in onewe getalle te plant, en dit was wet! Tweedens, was die tuinstyle van toeka…